შემთხვევა • 1787216418

ხანძარი ბათუმში, ე.წ. „ოცნების ქალაქში“ - რა ხდება ადგილზე

ბათუმში, ე.წ. „ოცნების ქალაქში“ ხანძარია. მოქალაქეების ინფორმაციით, ცეცხლი ერთ-ერთ სახლში გაჩნდა. დასახლებაში სახლები ერთმანეთზეა მიშენებული, რის გამოც არსებობს ხანძრის გავრცელების რისკი.შემთხვევის ადგილზე მეხანძრე-მაშველები იმყოფებიან. ხანძრის გამომწვევი მიზეზი და სხვა დეტალები ამ დროისთვის უცნობია.  @primetime.ge ხანძარი ბათუმში, ე.წ. „ოცნების ქალაქში“ - რა ხდება ადგილზე ♬ original sound - Prime Time • პრაიმ ტაიმი

შემთხვევა • 1787172006

ხანძარი მარნეული-თბილისის გზაზე - დაშავებულია ერთი ადამიანი

თბილისი-მარნეულის გზაზე, თელეთის მონაკვეთზე, ევაკუატორს და მსუბუქ ავტომობილს ცეცხლი გაუჩნდა. შემთხვევის შედეგად ერთი ადამიანი დაშავდა, რომელიც სასწრაფო სამედიცინო დახმარების ჯგუფმა საავადმყოფოში გადაიყვანა. თვითმხილველების ინფორმაციით, მძღოლი, რომელმაც დამწვრობა მიიღო,  გადაყვანისას კონტაქტური იყო.როგორც „პრაიმტაიმს“ საგანგებო სიტუაციების მართვის სამსახურში განუცხადეს, ხანძარი ლიკვიდირებულია.

შემთხვევა • 1787164689

„სიკეთის ადამიანი იყავი... დაუჯერებელია ეს ყველაფერი“ - ტრაგიკულად დაღუპულ ახალგაზრდას ემშვიდობებიან

მარნეულში, მზის სისტემის პანელების დამონტაჟებისას დაღუპული მამაკაცი გურჯაანის მუნიციპალიტეტის სოფელ კარდენახის მკვიდრია.41 წლის ვალერი ზავრაშვილს, მონტაჟის დროს, კიბეზე ასვლისას ფეხი დაუცდა და სიმაღლიდან ჩამოვარდა.მამაკაცი შემთხვევის ადგილზე დაიღუპა.ახალგაზრდა კაცს სოციალურ ქსელში ემოციური პოსტებით ემშვიდობებიან.„სიკეთის ადამიანი იყავი... უმძიმესი ამბავია... დაუჯერებელია ეს ყველაფერი.“.„ეს რა გვიყავი მეგობარო, კლასელო, როგორ მოგიხსენო წარსულში?“.„ვაიმე, გასკდა გული, როგორ დამენანა“.„ჩემო კარგო ადამიანო, როგორ მეწყინა... ნათელი შენს ლამაზ სულს“, - წერენ სოციალურ ქსელში.ზავრაშვილს მეუღლე და ორი შვილი დარჩა.როგორც „პრაიმტაიმს“ შსს-ში განუცხადეს, მომხდარზე გამოძიება 240-ე მუხლით დაიწყო, რაც გულისხმობს უსაფრთხოების წესის დარღვევას სამთო, სამშენებლო ან სხვა სამუშაოს წარმოებისას, რამაც ადამიანის სიცოცხლის მოსპობა ან სხვა მძიმე შედეგი გამოიწვია. 

შემთხვევა • 1787075108

უბედური შემთხვევა მარნეულში - დაღუპულია ახალგაზრდა კაცი

მარნეულის მუნიციპალიტეტში ახალგაზრდა მამაკაცი მზის სისტემის პანელების დამონტაჟებისას დაიღუპა.როგორც ცნობილი გახდა, მამაკაცი კიბეზე ადიოდა, რა დროსაც ფეხი დაუცურდა და ჩამოვარდა. შემთხვევის ადგილზე მობილიზებულნი იყვნენ სამართალდამცველები.როგორც „პრაიმტაიმს“ შსს-ში განუცხადეს, მომხდარზე გამოძიება 240-ე მუხლით დაიწყო, რაც გულისხმობს უსაფრთხოების წესის დარღვევას სამთო, სამშენებლო ან სხვა სამუშაოს წარმოებისას, რამაც ადამიანის სიცოცხლის მოსპობა ან სხვა მძიმე შედეგი გამოიწვია.

საზოგადოება • 1787063190

„ისთ ფოინთში“ ევაკუაცია გამოცხადდა - რა ვითარებაა სავაჭრო ცენტრში

„ისთ ფოინთში“ ევაკუაცია გამოცხადდა. სავაჭრო ცენტრში მყოფებს მაღაზიების ტერიტორიის დატოვება მოსთხოვეს. როგორც „პრაიმტაიმს“ „ისთ ფოინთის“ საზოგადოებასთან ურთიერთობის სამსახურში განუცხადეს, მომხდარის მიზეზი ცრუ განგაში იყო და შესაბამისი ღილაკი შემთხვევით ჩაირთო.მათივე ცნობით, მოქალაქეები სავაჭრო ცენტრს დაუბრუნდნენ.

საზოგადოება • 1787053234

„არ გვინდოდა თითქოს დაშორება, თითქოს ვგრძნობდით…“ - გმირი გიორგი ანწუხელიძის ამბავი

18 აგვისტო 2008 წლის რუსეთ-საქართველოს ომის დროს გმირულად დაღუპული ქართველი სამხედროს, გიორგი ანწუხელიძის დაბადების დღეა. მას დღეს 42 წელი შეუსრულდებოდა.გთავაზობთ ინტერვიუების ამონარიდებს „პრაიმტაიმის“ არქივიდან, რომელიც გმირის ამბავს მოგითხრობთ:დედამისს დღემდე არ სჯერა, რომ ის მკვდარია. დღემდე ცრემლი არ ჩამოვარდნია თუშის ქალს… ის შვილს დღესაც ელის… გიორგი ანწუხელიძე ახმეტაში, ალვანში დაიბადა.მისი მეუღლე მაკა ჩიკვილაძე გვიამბობს, რომ მის გმირ მეუღლეს დალხენილი ბავშვობა ნამდვილად არ ჰქონია. მამა ავადმყოფი ჰყავდა, ვერ მუშაობდა და გიორგის ჯერ კიდევ პატარაობიდან დააწვა მძიმე ტვირთი – დედასთან ერთად, ის ინახავდა ორ დას, მამას, გამზრდელ მამიდას, მუშაობდა, ცხვარში დადიოდა, მერე ჯარში გაიწვიეს და მას შემდეგ ჯარში მსახურობდა, 24 წლის 18 აგვისტოს უნდა გამხდარიყო…ომში რომ წავიდა, მისი ბიჭუნა – ლევანი 10 თვის იყო, მეუღლე – მეორე ბავშვზე ორი თვის ორსული. ომში ისე წავიდა, ბავშვის სქესი არ იცოდა, გოგონა უნდოდა, და ჰყავს კიდეც – ანა… ანამ დაბადებამდე იგლოვა მამა, ყველა სტრესი მასზე გადავიდა და რომ დაიბადა, ცალი ფილტვი არ გაეხსნა, თვე-ნახევარი აპარატზე იყო მიერთებული იაშვილის კლინიკაში. თავდაცვის სამინისტროს თანადგომით, ექიმთა ძალისხმევით ანა მდგომარეობიდან გამოვიდა. დღეს შინაა დედასთან, თუმცა კვლავ ექიმთა მეთვალყურეობის ქვეშაა…მისმა გმირმა მამამ და დედამისმა კი ერთმანეთი ამ სამი წლის წინათ რესტორანში გაიცნეს. მაკა ჩიკვილაძე ახლობლის დაბადების დღეზე იყო, გიორგი, სხვა ჯარისკაცებთან ერთად, სავახშმოდ შევიდა იმ რესტორანში, მერე სუფრები გაერთიანდა, მაკამ ახლოს გაიცნო გიორგი, რომელიც ადრეც ენახა.მაკა ჩიკვილაძე: „იმ საღამოს შემდეგ ხშირად მირეკავდა. ვხვდებოდით, თუმცა ბევრჯერ არც შევხვედრივართ, გიორგი მალევე წაიყვანეს ორფოლოს პოლიგონზე, დღეში ათასჯერ მირეკავდა, დავიწყების საშუალებას არ მაძლევდა, პოლიგონიდან რომ დაბრუნდა, დამირეკა, ნახვა მინდაო, მე არ გავედი, გვიანი იყო და გამიბრაზდა. მერე ისევ იმ რესტორანში ვნახეთ შემთხვევით ერთმანეთი, ვილაპარაკეთ და… ტაქსი გააჩერა, გაგაცილებო და დეიდამისთან წამიყვანა, აღარ გამომიშვა…“მაშინ გიორგი სენაკში მსახურობდა, შინ იშვიათად იყო. შემდეგ კუჭის წყლულმა შეაწუხა, ჰოსპიტალში მკურნალობდა, ჯარს ჩამოშორდა, მოგვიანებით ისევ აღიდგინა თავი, მეოთხე ბრიგადაში დაიწყო მუშაობა მეტყვიამფრქვევეს თანაშემწედ, ომამდე ორი თვით ადრე.6 აგვისტოს ცოლ-შვილი გორის რაიონის სოფელ ძევერაში გააცილა.მაკა ჩიკვილაძე: „კარგად მახსოვს, ოთხშაბათი იყო და ვთხოვე, იქნებ პარასკევს ჩამოხვიდე-მეთქი, კიო, ჩამოვალო. რაღაც არ გვინდოდა თითქოს დაშორება, თითქოს ვგრძნობდით… საშინელება ატყდა, თავიდან მიწისძვრა გვეგონა, მთელი სახლი ზანზარებდა, სარდაფში ვიმალებოდით. 7 რომ თენდებოდა… ვუთხარი, შეიძლება ცხინვალში წაგიყვანონ და თავს გაუფრთხილდი-მეთქი…“ომი დამთავრდა, ჯარი თბილისში დაბრუნდა, გიორგი არ ჩანდა. არც ცოცხალი, არც მკვდარი. ოჯახს გიორგი დაღუპული ეგონა. ყველგან ეძებდნენ.ოქტომბერში ნათესავი, ოსის ქალი, რომლის ვაჟიც ოსურ ჯარში მსახურობს, ეტყვის, რომ გიორგი ცოცხალია და ორი კვირის წინ ვლადიკავკაზში გადაიყვანეს. ოჯახს იმედი გაუჩნდება. მეტიც, დარწმუნდებიან, რომ ცოცხალია, თან „კვირის პალიტრაში“ წაიკითხავენ, რომ „ალანია“ იღებს ფილმს, სადაც არის კადრები, თუ როგორ აწამებენ ოსები ქართველ ჯარისკაცს, მეოთხე ბრიგადის სერჟანტს – გიორგი ანწუხელიძეს. ოჯახი „ალანიას“ მიაკითხავს და ფილმის გასვლამდე ნახავს კადრებს, სადაც გიორგი წელზემოთ შიშველია, თავჩაღუნული, სცემენ, ზედ ადგებიან, ეკით­ხებიან, სად იყავი, გიორგი, გუშინ? გიორგი პასუხობს, აზრზე არ ვარო, გონებას კარგავს, წყალს ასხამენ.ზუსტად არ იციან, როდინდელია ეს კადრები, ტელეკ­ომპანია ამბობს, რომ აგვისტოს კადრებია.მაკა: „ალბათ, ძალიან მძიმედ იყო დაჭრილი, თორემ გიორგი ტყვედ არ ჩავარდებოდა…ვიცოდით, რომ ცოცხალი იყო და ვეძებდით, მაგრამ მერე 20 იანვარს მოგვივიდა პასუხი, რომ დაიღუპა. დასკვნაც მოგვივიდა თავდაცვის სამინისტროდან, რომ დაღუპულია. გვამის ამოსაცნობადაც იყვნენ წასული ჩემი და და გიორგის სიძე, ამოსაცნობი არაფერი იყო…ეჰ… ნაწილიდან რომ მოვიდოდა, სულ სახლში იყო ჩვენთან, ბავშვს არ შორდებოდა. აძინებდა, უცვლიდა. რამდენჯერ შევსულვარ, გულზე ეწვინა და ასე ეძინათ მამა-შვილს… 27 ივლისს თანაცხოვრების ორი წელი შეგვისრულდა, 6 აგვისტოს მერე აღარც მინახავს, აღარც მილაპარაკია, ვურეკავდი, მაგრამ სულ მიუწვდომელი იყო, ტელეფონი აქ ჰქონდა დატოვებული… დეკემბერში ერაყში მიდიოდა. სულ ვეხვეწებოდი, არ წახვიდე, ერთი წელი რა გაძლებს უშენოდ-მეთქი და ახლა სულ წავიდა…“

მსოფლიო • 1787046300

კამერის ჩანაწერები: მძარცველებმა მუზეუმიდან სამ წუთში მოიპარეს რენუარის, პოლ სეზანის და ანრი მატისის ნახატები

იტალიის პოლიციამ პარასკევს ფრანგი მხატვრების - პოლ სეზანის, პიერ ოგიუსტ რენუარის და ანრი მატისის სამი ნახატი ამოიღო, რომლებიც მარტში ჩრდილოეთით მდებარე ქალაქ პარმასთან მდებარე მუზეუმიდან მოიპარეს.პოლიციამ გამოაქვეყნა ქურდობის ამსახველი ვიდეო, სადაც ჩანს, როგორ შედის ორი ნიღბიანი ქურდი ფანჯრიდან, კედლიდან ხსნის სამ ნახატს და მაშინვე ტოვებს შენობას. ძარცვას სამ წუთზე ნაკლები დრო დასჭირდა.იტალიის კულტურული მემკვიდრეობის დაცვის დანაყოფის კარაბინიერებმა ნამუშევრები პოლიციის მიერ რთული გამოძიების შემდეგ ამოიღეს. ხელოვნების ექსპერტების თქმით, მათი სავარაუდო ღირებულება 9 მილიონ ევროს (10,4 მილიონი აშშ დოლარი) აჭარბებს.  @primetime.ge კამერის ჩანაწერები: მძარცველებმა მუზეუმიდან სამ წუთში მოიპარეს რენუარის, პოლ სეზანის და ანრი მატისის ნახატები ♬ original sound - Prime Time • პრაიმ ტაიმი

სამართალი • 1786879991

„პრაიმ ტაიმის“ ინფორმაციით, პოლიციის მიერ ჯგუფურად ჩადენილ გამოძალვის ბრალდებით, დაკავებულ სამ პირს შორის, ერთ - ერთი, პარტია "ლელოს" წევრის მანანა ღვინჯილიას ვაჟია

"პრაიმ ტაიმის" ინფორმაციით, პოლიციის მიერ ჯგუფურად ჩადენილ გამოძალვის ბრალდებით, თბილისში,  დაკავებულ სამი პირს შორის ერთ - ერთი, პარტია "ლელოს" წევრის მანანა ღვინჯილიას ვაჟია.როგორც ირკვევა მან სხვა თანამზრახველებთან ერთად ორ მოქალაქეს სხვადასხვა ბანკიდან ონლაინ სესხის აღება აიძულა.შინაგან საქმეთა სამინისტროს მიერ გავრცელებული ინფორმაციით, დანაშაულში მონაწილე პირებმა ერთ-ერთ მოქალაქეს დამტკიცებული თანხა სრულად გამოატანინეს და ფული მართლსაწინააღმდეგოდ მიითვისეს.სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულში მონაწილე 3 პირი დააკავეს. პოლიციამ ბრალდებულების მიერ მართლსაწინააღმდეგოდ მითვისებული თანხის ნაწილი ნივთმტკიცებად ამოიღო.პოლიციის მიერ, დანაშაულში მონაწილე სხვა პირების მხილებისა და პასუხისგებაში მიცემის მიზნით მიმდინარეობს შესაბამისი საგამოძიებო მოქმედებები.გამოძიება სისხლის სამართლის კოდექსის 181-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს. 

საზოგადოება • 1786864683

ბათუმში, საცხოვრებელ სახლში ადამიანი გარდაცვლილი იპოვეს

ბათუმში, მელიქიშვილის ქუჩაზე, გვიან ღამით, ბინაში გარდაცვლილი ადამიანი იპოვეს.ადგილობრივი  მედიის ინფორმაციით, ცხედარი ექსპერტიზის ბიუროში გადაასვენეს. ამ ეტაპზე უცნობია, აღენიშნებოდა თუ არა გარდაცვლილს ძალადობის კვალი.როგორც „პრაიმტაიმს“ შინაგან საქმეთა სამინისტროში უთხრეს, ფაქტზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

შემთხვევა • 1786717020

ზუგდიდის ერთ-ერთ სასტუმროში ახალგაზრდა კაცის ცხედარი იპოვეს

ზუგდიდის სასტუმრო „მარსში“ 40 წლამდე მამაკაცის ცხედარი იპოვეს.სავარაუდოდ, მამაკაცი, აფხაზეთიდან გუშინ გადმოვიდა და სწორედ ამ სასტუმროში დარჩა.ადგილზე ექსპერტ-კრიმინალისტები მუშაობდნენ. წინასწარი ინფორმაციით, კაცს ძალადობის კვალი არ აღენიშნება. ცხედარი ექსპერტიზაზე გადაასვენეს.„პრაიმტაიმი“ დამატებით დეტალებს არკვევს.

ისტორიები • 1786694520

აფხაზეთის ომს შეწირული თანამედროვე ღიმილის ბიჭები

აფხაზეთის ომის დაწყებიდან 34 წელი გავიდა. საომარ მოქმედებებს შეწირული ათასობით ადამიანის სიცოცხლე, ეთნიკური წმენდა, უგზო-უკვლოდ დაკარგულები და საკუთარი სახლებიდან გამოდევნილი ასეულობით ათასი ოჯახი… ასეთია აფხაზეთის ომის 13 თვისა და 13 დღის შედეგები…„პრაიმტაიმი“ სწორედ ამ ომს შეწირული რამდენიმე ახალგაზრდა მებრძოლის ისტორიას გაგახსენებთ…ღიმილის ბიჭები იყვნენ. სიცოცხლეზე და სამშობლოზე უანგაროდ შეყვარებულებმა, სიცოცხლის უკანასკნელ წუთამდე იბრძოლეს.იცოდნენ სად მიდიოდნენ. ისიც იცოდნენ, რომ უთანასწორო ბრძოლიდან შეიძლება ცოცხლები ვეღარ დაბრუნებულიყვნენ, მაგრამ მაინც წავიდნენ. მერე ზეციურ საქართველოში გადაინაცვლეს და ისტორიას თანამედროვე ღიმილის ბიჭებად შემორჩნენ…გიორგი 18 წლის იყო, დათო 24-ის, საშა 41 წლის, ლევანი ნიკა და ირაკლი 29 წლისები… აფხაზეთთან ერთად დაკარგული თაობა მთელმა ერმა დაიტირა. ლევან აბაშიძეროცა ომი დაიწყო, ერთდროულად სამ ფილმში იღებდნენ. ლევან აბაშიძეს სიგიჟემდე უყვარდა თავის პროფესია, მაგრამ მაინც წავიდა. 29 წლის იყო, ზემო ეშერასთან რომ დაიღუპა.გადასაღებ მოედანზე პირველად მეშვიდეკლასელი მოხვდა. თეატრში დიდხანს არ გაჩერებულა, მხოლოდ ერთი სპექტაკლი ითამაშა.სულ 15 ფილმში მიიღო მონაწილეობა, მომდევნო სამის გადაღებები დაწყებული იყო და მისი გარდაცვალების გამო შუა გზაზე გაჩერდა. „არა, მეგობარო“ ლევან აბაშიძის უკანასკნელი როლი აღმოჩნდა. ირაკლი ამირეჯიბილევან აბაშიძე და ირაკლი ამირეჯიბი განუყრელი მეგობრები იყვნენ. ის ჭაბუა ამირეჯიბის უფროსი შვილი იყო. გა­მორ­ჩე­უ­ლი გარეგნობის გამო მთელ თბი­ლისს უყ­ვარ­და… ‘29 წლის იყო, აფხაზეთის ომში, რომ ლიტველმა სნაიპერმა ქალმა გამოასალმა სიცოცხლეს.ლიტ­ვა­ში მი­ი­ღო სამ­ხედ­რო გა­ნათ­ლე­ბა და სა­ზღვარ­გა­რეთ მუ­შა­ობ­და. აფხა­ზე­თის ომის დროს თბი­ლის­ში დაბრუნ­და. ტე­ლე­ვი­ზი­ით შეიტყო, რომ ომში მისი მე­გო­ბა­რი ლე­ვან აბა­ში­ძე დაიღუპა და იმ დღეს­ვე წა­ვი­და საბრძოლ­ვე­ლად.„ომის ყვე­ლას ეში­ნია, მაგ­რამ ვაჟ­კა­ცო­ბა ის არის, შიშს რომ აჯო­ბე­ბო“- ამ სიტყვებით გამომეშვიდობა დედას და წავიდა. ჭა­ბუ­ას და­ბა­დე­ბის დღემ­დე ერთი დღით ადრე მოკ­ლეს ომში.მა­მა­მისს მე­ო­რე დღეს ტე­ლე­ფონ­ზე დაურე­კეს და შვი­ლის სიკ­ვდი­ლით „მი­უ­ლო­ცეს“ იუბილე… როგორც შემდეგ გაირკვა, 17 ნო­ემ­ბერს, ტა­მიშ­თან უცხო­ე­ლე­ბის მან­ქა­ნა აა­ფეთ­ქეს.ირაკ­ლიმ მან­ქა­ნი­დან და­შა­ვე­ბუ­ლი ქალი გად­მო­იყ­ვა­ნა და სწო­რედ მა­შინ ესროლა ლიტველმა სნა­ი­პერ­მა ქალ­მა. გიორგი რაზმაძეგიორგი რაზმაძე 18 წლის იყო… სახლში მოიტყუა რაჭაში მივდივარო. მესამე დღეს სოხუმში, ბრძოლის წინა ხაზიდან 30 მეტრის იქით იპოვეს  დაღუპული…ჯერ დაკრძალული არ იყო, როცა საშკა იოსელიანმა ოჯახს კადრები ჩამოუტანა… ასე დასრულდა მწვანეთვალება ბიჭის მოკლე ისტორია, რომელსაც დიდი გეგმები და მომავალი ჰქონდა. საშკა იოსელიანი1993 წელს აფხაზეთის ომში გმირულად დაიღუპა მსახიობი და ჟურნალისტი, საშა იოსელიანი. არაერთი დაუვიწყარი როლი შექმნა თეატრსა და კინოში.მის უკვდავსაყოფად ბავშვთა ქალაქ „მზიურში“ 2009 წელს მისი ძეგლი გაიხსნა. დავით ბოლქვაძე23 წლის წინ, 1993 წლის 28 ოქტომბერს, სამეგრელოში ჟურნალისტი დათო ბოლქვაძე და რამდენიმე სამხედრო ტყვე დახვრიტეს.ბიჭი, რომელიც აფხაზეთის ომში ჩეჩენის, კაზაკისა და რუსის ტყვიას გადაურჩა, ქართველმა დახვრიტა. მხოლოდ იმის გამო, რომ თავის პროფესიულ მოვალეობას ასრულებდა.ხობის რაიონული ცენტრის მოედანზე, სამოქალაქო დაპირისპირების დროს, დათოსთან ერთად რამდენიმე ახალგაზრდა დახვრიტეს. ნიკა თხელიძენიკა თხელიძე 29 წლის იყო, რომ აფხაზეთის ომში იბრძოდა. როცა ბაბუშერას აეროპორტში თვითმფრინავი ჩამოვარდა, სხვა მგზავრებთან ერთად ისიც დაიღუპა…რვა წლის განმავლობაში, ოჯახმა არ იცოდა ცოცხალი იყო თუ მკვდარი. აფხაზეთის ომში წასვლიდან მთელი რვა წელი, სახლში ყოველდღე ელოდებოდნენ.

შემთხვევა • 1786632109

„მანქანა მშობლების დაუკითხავად წაიყვანა...“ - ფონიჭალაში ავარიას 12 წლის ბიჭი ემსხვერპლა

თბილისში ავტოსაგზაო შემთხვევას არასრულწლოვანი ემსხვერპლა. გავრცელებული ინფორმაციით, ფონიჭალაში, 12 წლის ბავშვმა მანქანა მშობლების დაუკითხავად წაიყვანა და ავარიაში მოყვა. მოზარდი ადგილზევე დაიღუპა.ინფორმაციას ამის შესახებ გამოცემა Aktual.ge ავრცელებს. მათივე ცნობით, დაღუპული ფონიჭალის მკვიდრი, თაფდიგ ყაჰრამანოვია.როგორც „პრაიმტაიმს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესების დარღვევას გულისხმობს.