1794767689

ცნობილია ახალგაზრდა კაცის ვინაობა, რომელსაც ლანჩხუთში მატარებელი დაეჯახა

ცნობილია ახალგაზრდა კაცის ვინაობა, რომელსაც ლანჩხუთში მატარებელი დაეჯახა. ტრაგიკული შემთხვევის შედეგად ქობულეთელი გიორგი ცეცხლაძე დაიღუპა.„სამაგალითო მშობლების საუკეთესო შვილი...  როგორ მენანება მშობლები ამ საშინელი ტკივილის ასატანად.  უფალმა დაუმკვიდროს ცათა სასუფეველი. დიდი დანაკლისია ასეთი ღირსეული ახალგაზრდა ადამიანის დაკარგვა“, - წერს ოჯახის ახლობელი.შსს-ს ცნობით, საქმეზე გამოძიება სისხლის სამართლის 275-ე მუხლით მიმდინარეობს, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს  

1794766584

გასახდომი ინექციების უკუჩვენებები - შესაძლოა თუ არა წონის დასაკლებად გამოყენებულმა პოპულარულმა პრეპარატებმა მხედველობის დაზიანება გამოიწვიოს

სილამაზის დამკვიდრებულმა სტანდარტებმა და წონის სწრაფად კლების სურვილმა გასახდომი ინექციები ერთ-ერთ ყველაზე მოთხოვნად პროდუქტად აქცია.თავდაპირველად, GLP-1 რეცეპტორების აგონისტები შაქრიანი დიაბეტის მქონე პაციენტებისთვის შეიქმნა. მოგვიანებით, სიმსუქნის სამკურნალოდაც დამტკიცდა, თუმცა მალევე, მთელ მსოფლიოში, ამ ინექციების თვითნებური გამოყენება დაიწყეს შესაბამისი სამედიცინო ჩვენების გარეშე, მხოლოდ წონის დაწყების მიზნით. ამ ეტაპზე, მათი მოხმარების მაჩვენებელი რეკორდულად მაღალია. ერთი თვის წინ, სამართალდამცველებმა ბრიტანეთში ფალსიფიცირებული ინექციების საცავი აღმოაჩინეს, საიდანაც მედიკამენტებს რეცეპტის გარეშე ყიდდნენ, ვრცელდება ინფორმაცია მის შემადგენლობაში დარიშხანის აღმოჩენის შესახებაც.პრეპარატების გაყალბების შემთხვევები მათზე ხელმისაწვდომობის სირთულეს უკავშირდება. მაღალია მოთხოვნა და რთულია მიწოდების ბალანსი.ამ ჯგუფის ინექციების შეძენა აფთიაქებში, მხოლოდ რეცეპტის საფუძველზე არის შესაძლებელი. ექიმთან კონსულტაციის გვერდის ავლით კი პრეპარატებს მსოფლიო მასშტაბით შავ ბაზარზე ყიდულობენ. ამ დროს კითხვის ნიშნის ქვეშ დგას წამლის ხარისხი, შენახვის ტემპერატურის პირობები და, შესაბამისად, იზრდება ისედაც არაერთი უკუჩვენების მქონე წამლის გამოყენების საფრთხეები.წონის კლების მსურველები მარტივ გზას საქართველოშიც მიმართავენ. განცხადებები მრავლად არის ინტერნეტ სივრცეში.გასახდომი ინექციების რეალიზატორები, მიუხედავად იმისა, რომ არც ექიმები არიან და არც ფარმაცევტული საქმიანობის ლიცენზიას ფლობენ, თამამად ურჩევენ პაციენტებს საკმაოდ ბევრი უკუჩვენების მქონე პრეპარატებს და არწმუნებენ, რომ ეს უსაფრთხოა.რეალურად კი GLP აგონისტების გამოყენებისას, იმ შემთხვევაშიც კი, თუ პრეპარატი ექიმის მიერ არის დანიშნული და აფთიაქში შეძენილი - გართულებაც ხშირია.მათი ყველაზე გავრცელებული გვერდითი მოვლენა საჭმლის მომნელებელი სისტემას უკავშირდება, ხშირია პანკრეატიტის შემთხვევები, ნაღვლის ბუშტის დაავადებები, თირკმლის ფუნქციის გაუარესება და სისხლში შაქრის დონის უეცარი ვარდნაა.გასახდომ ინექციებთან დაკავშირებით მუდმივად განახლებად რეჟიმშია როგორც ამერიკის სურსათისა და მედიკამენტების ადმინისტრაციის, ისე ევროპის წამლის სააგენტოს რეკომენდაციები. უახლესი აღმოჩენა FDA-მ რამდენიმე დღის წინ გამოაქვეყნა, რომლის მიხედვითაც GLP 1 პრეპარატების გამოყენებას შესაძლოა უკავშირდებოდეს უეცარი ნაწილობრივი ან სრული სიბრმავე - დაავადება ნეიონის სახელწოდებით. სააგენტო მწარმოებლებს ავალდებულებს, მედიკამენტის ანოტაციას უკუჩვენებებში დაურთოს მხედველობის პრობლემები.წონის სწრაფი კლება მიმზიდველ პერსპექტივად გამოიყურება, მაგრამ მისი ფასი არ უნდა იყოს ჯანმრთელობა.GLP 1 აგონისტები ფარმაცევტული ინდუსტრიის წარმატებულ მიღწევად ითვლება, მხოლოდ იმ შემთხვევაში, თუ მისი გამოყენება ჩვენები შესაბამისად ექიმის დანიშნულებით ხდება.მთავარი რეკომენდაციაა, არ მოხდეს მისი გამოყენება მედიკოსების ჩართულობის გარეშე, არ მოხდეს მისი შეძენა შავ ბაზარზე და, გვერდითი მოვლენების შემთხვევაში, განმეორდეს კონსულტაცია ექიმთან. 

1794765778

წყალი 21 საათით შეწყდება - გადაამოწმეთ მისამართები

16 ნოემბერს, ჯორჯიან უოთერ ენდ ფაუერი მთაწმინდის რაიონში, რუსთაველის გამზირის სრული რეაბილიტაციის ფარგლებში, ჭავჭავაძისა და არსენას ქუჩების კვეთაზე, წყალმომარაგების ახლად მოწყობილ ქსელზე ბოლო ეტაპის გადაერთებით სამუშაოებს ჩაატარებს.კომპანიის ცნობით, წყალი 11:00 საათიდან 17 ნოემბრის 08:00 საათამდე შეწყდება.„განახლებული მაგისტრალური მილის ექსპლუატაციაში შესვლის მიზნით, კომპანიის ტექნიკური ჯგუფები სამუშაოებს, 16 ნოემბერს, დილის 11:00 საათზე დაიწყებენ და მთელი დღის განმავლობაში, ინტენსიურ რეჟიმში შეასრულებენ.აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, 16 ნოემბერს, 11:00 საათიდან, 17 ნოემბრის დილის 08:00 საათამდე წყალმომარაგება შეეზღუდება:რუსთაველის გამზირს. გუდიაშვილის, ფურცელაძის, ვაჩნაძის, გრ.აბაშიძის, ჯორჯაძის, ვ.აბაშიძის, რ.ლაღიძის, მესხიას, ზანდუკელი, გაბაშვილის, ძმები კაკაბაძეების, ქიაჩელის, ბოცვაძის, ახვლედიანის, ეკალაძის, უშანგი ჩხეიძის, მარჯანიშვილის N1-13, N2-22, თაბუკაშვილის ქუჩა N25-51, N30-48, კოსტავას გამზ. N1-25, ვაშლოვანის, მიმინოშვილის, კობახიძის, ნიკო ნიკოლაძის N 1, 3, 5, N2-4, მიხეილ ჯავახიშვილის,ზუბალაშვილების, გრიბოედოვის, მიტროფანე ლაღიძის, ბესიკის, ჟორდანიას, ჭანტურიას, ზალდასტანიშვილის, სეფერთელაძის, სარაჯიშვილის, აბაკელიას; ცხემის შესახვევს და ჩიხს, რიწის ქუჩა N1-5, ალ.ჭავჭავაძის, ზაალ ქიქოძის, სულიკო ჟღენტის, შევჩენკოს, ლესია უკრაინკას, 8 მარტის, ბორბალოს, არსენას, ალ. ჭავჭვაძის, ბესიკის, მთაწმინდის, კოტეტიშვილის, თხინვალის და სულიკო ჟღენტის ქუჩებს, ვეძინის, თორაძის, ხოშტარიას, ა. ქუთათელაძის, ჯუღელის, მერაბ კოსტავას 1 შესხვევს, კოტე მესხის, ვეძინის, ელიზბარ ზედგენიძის, გიორგი გიგაურის ქუჩებს, ალ.ჭავჭავაძის I , II ჩიხის და შესახვევს.ჯორჯიან უოთერ ენდ ფაუერი ბოდიშს უხდის მოსახლეობას შექმნილი დისკომფორტისთვის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით,“ - ვკითხულობთ განცხადებაში.

1794764973

დაცარიელებული მაცივრები, გამორთული საყინულეები, მილიონობით ევროს ზარალი და გადაყრილი სურსათი - ჰაკერული თავდასხმა ევროპის ქვეყნების სუპერმარკეტების სამაცივრე სისტემებზე

დაცარიელებული მაცივრები, გამორთული საყინულეები, მილიონობით ევროს ზარალი და გადაყრილი სურსათი - კადრები ევროპის სუპერმარკეტებში მასშტაბური კიბერშეტევების შედეგებს ასახავს. ამჯერად, სუპერმარკეტში შეჭრისა და პროდუქტების ადგილზე დაზიანების ნაცვლად, მაცივრების ტემპერატურა დისტანციურად შეცვალეს, გაგრილების რეჟიმი ისე დაარეგულირეს, რომ საკვები პროდუქტები მალევე გაფუჭებულიყო.კიბერშეტევის ტალღა ოქტომბერში, საფრანგეთში დაიწყო და 700 სუპერმარკეტი მოიცვა. თავდასხმის სრული მასშტაბი კი ასე გამოიყურება - ევროპის 11 ქვეყანაში 800-ზე მეტი სავაჭრო და სასურსათო ობიექტი დაზარალდა. მომხდარი ჰაკერულ თავდასხმად შეფასდა.კიბერშეტევის შედეგები მხოლოდ სავაჭრო ქსელებით არ შემოიფარგლა. 5 ნოემბერს ცრუ შეტყობინებები ევროპის მასშტაბით თითქმის 30 ავიარეისს შეეხო. უსაფრთხოების შესაძლო საფრთხის გამო, რამდენიმე თვითმფრინავი ალტერნატიულ აეროპორტებში გადაამისამართეს, ზოგიერთ რეისს კი სამხედრო გამანადგურებლები აცილებდნენ. თვითმფრინავები უსაფრთხოების შემოწმების მიზნით გააჩერეს და დაათვალიერეს, თუმცა ასაფეთქებელი ნივთიერებები არ აღმოუჩენიათ.ცრუ განგაშის ზარები შევიდა საგანმანათლებლო დაწესებულებებშიც. მხოლოდ იტალიაში, 11 ნოემბერს, ბომბის შესახებ ელექტრონული ფოსტის მეშვეობით შეტყობინება დაახლოებით 6 300-მა სკოლამ მიიღო და 300 სკოლის ევაკუაცია გახდა საჭირო. იტალიის პრემიერ-მინისტრმა მომხდარზე საგანგებო სხდომა მოიწვია.კიბერშეტევა მოხდა საფრანგეთის სისხლის ცენტრზე. განგაშის სისტემებმა თანამშრომლებს დროული რეაგირების საშუალება მისცა, სისხლის პროდუქტები სხვა საცავებში გადაიტანეს და მარაგი დაზიანებას გადაურჩა.თავდასხმებმა ისეთი მასშტაბი მიიღო, რომ ევროკომისიამ, კიბერუსაფრთხოების სააგენტომ და Europol-მა ერთობლივი განცხადება გაავრცელეს.ბოლო შემთხვევებმა აჩვენა, რომ კიბერშეტევის სამიზნე ყოველთვის სახელმწიფო უწყებების კომპიუტერული სისტემები არ არის. თავდასხმისთვის ზოგჯერ საკმარისია ერთი დაუცველი სისტემის აღმოჩენა და მასზე წვდომის მოპოვება. ეს ევროპის წინაშე მდგარი ახალი გამოწვევაა: დაიცვას არა მხოლოდ საკუთარი ციფრული სივრცე, არამედ კრიტიკული ინფრასტრუქტურაც და ყველა ის სისტემა, რომელთა მართვაც ციფრულ ტექნოლოგიებზეა დამოკიდებული.

1794764837

ტოპ 3 ზოდიაქოს ნიშანი, რომელიც ურთიერთობებში ყველაზე ხშირად ღალატობს

ასტროლოგი სოფია ბზეკალავა „ზმნას“ ეთერში ტოპ 3 ზოდიაქოს ნიშნის შესახებ საუბრობს, რომლებიც ურთიერთობებში ყველაზე ხშირად ღალატობენ.„ტოპ 3 ზოდიაქოს ნიშანი, რომელიც ურთიერთობებში ყველაზე ხშირად ღალატობს. სიის სათავეში, რა თქმა უნდა არის მშვილდოსანი. ამ ნიშნით დაბადებული ადამიანები ბუნებით იდეალისტები არიან და ყოველ ჯერზე როდესაც ის შეყვარებულია, გულწრფელად არის დარწმუნებული იმაში რომ ეს მისი ბოლო სიყვარულია. თუმცა როგორც წესი ხშირად ეს ასე არ არის ხოლმე, რადგან ობიექტი არ შეესაბამება ხოლმე მის მიერ წარმოდგენილ იდეალს. როდესაც მშვილდოსანი როდესაც ხვდება, რომ შეცდა ყოველგვარი სინდისის ქენჯნის გარეშე მიდის ახალი იდეალის საძებნელად.მეორე ნიშანი, რომელსაც ხშირად სდებენ ბრალს არასტაბილურობაში არის ტყუპები. ამ ნიშნით დაბადებული ადამიანისთვის ძალიან მნიშვნელოვანია ინტელექტუალობა და თავის პარტნიორში სწორედ ამ თვისებას ეძებს. თუ თქვენ რუტინული ბრძანდებით ტყუპი აუცილებლად მოძებნის ისეთ მოსაუბრეს, რომელთანაც ახალ და საინტერესო თემებზე საუბარი იქნება შესაძლებელი. ამიტომ ნუ იქნებით უბრალოდ მოსაწყენი.მესამე ზოდიაქოს ნიშანი, რომელიც ასევე ხშირად არის მოღალატე, არის ვერძი. ამ ნიშნით დაბადებული ადამიანები მუდმივად მომავლისკენ მიიჩქარიან. მოქმედებაში არიან და ყველაფერი ძველი მოსაწყენია. თუკი თქვენ ფეხს ვერ აუწყობთ ვერძს შეიძლება გზაში დაიკარგო და უკან არც მოგხედავთ. ამ ნიშნით დაბადებული ადამიანისთვის მნიშვნელოვანია ისეთი პარტნიორი, რომელიც მასთან ერთად ვითარდება. თუ ეს ასე არ ხდება ის ძალიან მარტივად იპოვის ახალ თანამეინახეს“, – ამბობს სოფია ბზეკალავა. 

1794764045

ქართველი რეჟისორების ფილმებმა სხვადასხვა ქვეყნის საერთაშორისო კინოფესტივალებზე მნიშვნელოვანი ჯილდოები მოიპოვეს

ქართული კინო საერთაშორისო ასპარეზზე კვლავ წარმატებას აღწევს - ამჯერად ორი ქართველი რეჟისორის ფილმებმა სხვადასხვა ქვეყნის საერთაშორისო კინოფესტივალებზე მნიშვნელოვანი ჯილდოები მოიპოვეს.დიდ ბრიტანეთში, მანჩესტერის ანიმაციური კინოფესტივალის გამარჯვებული გახდა რეჟისორ მამუკა ტყეშელაშვილის თოჯინური ანიმაციური ფილმი „როცა ზღვა იყო მშვიდი“. სოხუმის თემაზე შექმნილმა კინოსურათმა საუკეთესო მოკლემეტრაჟიანი ანიმაციური ფილმის ჯილდო დაიმსახურა.ბულგარეთში, საერთაშორისო კინოფესტივალ „სინელიბრის“ მთავარი ჯილდო საუკეთესო მოკლემეტრაჟიანი ლიტერატურული ადაპტაციისთვის რეჟისორ რევაზ ნასიძის ფილმს „ტრაგედია უგმიროთ“ გადაეცა. ის ცნობილი ქართველი მწერლის ნიკო ლორთქიფანიძის ამავე სახელწოდების მინიატურის ეკრანიზაციაა.ორივე ფილმი საქართველოს კინემატოგრაფიის ეროვნული ცენტრის მხარდაჭერით შეიქმნა.

1794763836

გელათის სამონასტრო კომპლექსთან დაკავშირებით არასწორი და, გარკვეულ შემთხვევებში, აბსურდული ინფორმაციის გავრცელებამ კამპანიური ხასიათი მიიღო - კულტურული მემკვიდრეობის დაცვის სააგენტო

საქართველოს კულტურული მემკვიდრეობის დაცვის ეროვნული სააგენტო გელათის გელათის სამონასტრო კომპლექსთან დაკავშირებით განცხადებას ავრცელებს და აღნიშნავს, რომ მონასტერთან დაკავშირებით არასწორი და, გარკვეულ შემთხვევებში, აბსურდული ინფორმაციის გავრცელებამ კამპანიური ხასიათი მიიღო.სააგენტოს ინფორმაციით, სიცრუის მიზანმიმართული ტირაჟირება საზოგადოებაში ყველა იმ უწყების, ქართველი და უცხოელი მეცნიერის, დარგის სპეციალისტის და სხვა ჩართული მხარის დისკრედიტაციას ემსახურება, ვინც ქვეყანაში ძეგლთა დაცვის და კონსერვაციის მიმართულებით მუშაობს."კულტურული მემკვიდრეობის ძეგლებთან, მათ შორის გელათის სამონასტრო კომპლექსთან დაკავშირებით არასწორი და გარკვეულ შემთხვევებში აბსურდული ინფორმაციის გავრცელებამ კამპანიური ხასიათი მიიღო.სიცრუის მიზანმიმართული ტირაჟირება საზოგადოებაში ყველა იმ უწყების, ქართველი და უცხოელი მეცნიერის, დარგის სპეციალისტის და სხვა ჩართული მხარის დისკრედიტაციას ემსახურება, ვინც ქვეყანაში ძეგლთა დაცვის და კონსერვაციის მიმართულებით მუშაობს.გელათის სამონასტრო კომპლექსთან დაკავშირებით სიცრუის კამპანია იქამდე მივიდა, რომ წვიმიან ამინდში გადაღებული გარე ტერიტორია შიდა სივრცედ იქნა წარმოჩენილი და შემდგომ "წუხილით" აღნიშნული, რომ დროებითი გადახურვის კონსტრუქცია კომპლექსს ვერ იცავს წყლის ინფილტრაციისგან.მსოფლიო მემკვიდრეობის კომიტეტის რეკომენდაციით, მსოფლიოში მოწინავე გერმანული კომპანიის "ლეიერისა" (Layher) და ქართველი არქიტექტორების ერთობლივი მუშაობის შედეგად, სამონასტრო კომპლექსის მთავარი ტაძარი უნიკალური საინჟინრო კონსტრუქციის მქონე დროებითი სახურავითაა აღჭურვილი, რაც ძეგლს ატმოსფერული ნალექებისგან სრულად იცავს. დაცულია ტაძრის მხატვრობა და უნიკალური მოზაიკა.ტაძრის მუდმივი გადახურვის სამუშაოები ინტენსიურ რეჟიმში მიმდინარეობს. 2027 წლის ბოლოს, დროებითი სახურავი მოიხსნება. ტაძრის შიდა და არა გარე სივრცე, სრულად არის და იქნება დაცული ყველა ტიპის ნალექისგან", - აღნიშნულია განცხადებაში.

1794763646

ჩადეთ ეს ხილი საპურეში და პური აღარ გახმება - მარტივი ხრიკი, რომელიც ყველამ უნდა იცოდეს

ჩადეთ ეს საპურეში და დაივიწყეთ გამხმარი პური: ეშმაკური სამზარეულოს ხრიკიჩვეულებრივმა პურმა შესაძლოა ყიდვიდან მეორე დღესვე დაიწყოს გახმობა. თუმცა, არსებობს მარტივი საოჯახო მეთოდი, რომელიც ცომეულის გამოშრობას ანელებს. ამისთვის დაგჭირდებათ ჩვეულებრივი ვაშლი, რომლის ნახევარიც საპურეში უნდა ჩადოთ.ამავდროულად, ამ მეთოდს თავისი თავისებურებები აქვს, რომელთა ცოდნაც აუცილებელია, რათა პროდუქტები არ გააფუჭოთ, - წერს პოლონური გამოცემა Haps.pl.პურის გახმობის შენელების ერთ-ერთი  ხერხი ჩვეულებრივი ვაშლის გამოყენებაა. ნაყოფი თანდათან გასცემს ტენს გარემოში, რის წყალობითაც საპურის შიგნით ჰაერი ნაკლებად მშრალი ხდება. ამისთვის საკმარისია ვაშლი შუაზე გაჭრათ და ერთი ნახევარი საპურეში მოათავსოთ. მნიშვნელოვანია, რომ ხილი უშუალოდ პურს არ ეხებოდეს. ასევე, ნახევარი ვაშლის ნაცვლად შეგიძლიათ მისი კანიც გამოიყენოთ.თუმცა, ეს მეთოდი გახმობის პროცესს სრულად არ აჩერებს. გარდა ამისა, ვაშლის მდგომარეობას რეგულარულად უნდა ადევნოთ თვალი და დროულად ამოიღოთ, სანამ თავად არ დაიწყებს ლპობას. საპურის შიგნით ზედმეტმა ტენიანობამ შესაძლოა ობის გაჩენას შეუწყოს ხელი.რატომ რჩება ჭვავის პური უფრო დიდხანს რბილი, ვიდრე ხორბლის ფუნთუშები?ცომეულის გახმობის სისწრაფე დამოკიდებულია არა მხოლოდ შენახვის პირობებზე, არამედ მის შემადგენლობაზეც. მაგალითად, ხორბლის ფუნთუშები ხშირად უკვე მეორე დღეს მაგრდება, მაშინ როცა ჭვავის პურს შეუძლია გაცილებით დიდხანს შეინარჩუნოს სინოტივე. მნიშვნელოვან როლს თამაშობს ცომეულის ინგრედიენტები და ცომში არსებული წყლის რაოდენობა. არანაკლებ მნიშვნელოვანია პურის სწორად შენახვა ყიდვის შემდეგ.როგორი საპურე შევარჩიოთ, რომ ცომეული ძალიან სწრაფად არ გამოშრეს?მასალა, რომლისგანაც საპურეა დამზადებული, ასევე მოქმედებს პროდუქტების შენახვის პირობებზე:ხის საპურე — უზრუნველყოფს ჰაერის ცირკულაციას, თუმცა ამის გამო პური შესაძლოა უფრო სწრაფად გამოშრეს.კერამიკის საპურე — ფოროვანი კერამიკის მოდელები ტენიანობის დონის რეგულირებაში გვეხმარება.მეტალისა და პლასტმასის საპურეები — ასეთ კონტეინერებს უნდა ჰქონდეს სავენტილაციო ნახვრეტები, რაც წყლის ორთქლის დაგროვებას უშლის ხელს.ასევე, რეკომენდებულია პურის შენახვა ოთახის ტემპერატურაზე, გამათბობლებისგან, ღუმელისა და იმ ფანჯრის რაფებისგან მოშორებით, რომლებსაც მზის სხივები ხვდება.

1794762736

მოჭადრაკე ზურაბ სტურუა სენიორებს შორის მსოფლიოს ჩემპიონია

სერბეთმა სენიორებს შორის მსოფლიო ჩემპიონატს უმასპინძლა. 65 წელს ზემოთ მოჭადრაკეთა შორის მსოფლიოს ჩემპიონობა იზეიმა ქართველმა დიდოსტატმა ზურაბ სტურუამ.ზურაბ სტურუამ ტურნირი დაუმარცხებლად განვლო, 11 შესაძლებლობიდან 8,5 ქულა მოაგროვა და პირველი ადგილი დაიკავა.ქართველი დიდოსტატი უკვე ორჯერ გახდა მსოფლიოს ჩემპიონი 50+ ასაკის მოჭადრაკეთა შორის.

1794762293

პატრიარქის ნათლულებს 700-მდე ბავშვი შეემატა

თბილისის ყოვლადწმინდა სამების სახელობის საპატრიარქო ტაძარში სრულიად საქართველოს კათოლიკოს-პატრიარქის მიერ მესამე და შემდგომი ბავშვის საყოველთაო ნათლობის სამოცდამეთხუთმეტე ეტაპი ჩატარდა.მისი უწმინდესობისა და უნეტარესობის ნათლულებს 700-მდე ახალნათელღებული შეემატა.ნათლობის ცერემონიის დასრულების შემდეგ, სამების ტაძარში, შიო მესამემ ნათლულები დალოცა.

1794761632

„მომდევნო ექვსი თვე ფეხბურთის თამაშს ვერ შევძლებ...“ - რის გაკეთებას აპირებს ამ პერიოდში ხვიჩა კვარაცხელია

ხვიჩა კვარაცხელია ოპერაციის შემდეგ თავს კარგად გრძნობს და რეაბილიტაციის კურსს გადის. ამის შესახებ ქართველმა ფეხბურთელმა Twitch-ზე გამართული პირდაპირი ეთერის დროს ისაუბრა.კვარაცხელიამ აღნიშნა, რომ გამოჯანმრთელების პროცესი კარგად მიმდინარეობს და ვარჯიშს ეტაპობრივად უბრუნდება. მისივე თქმით, ფეხბურთის თამაშს დაახლოებით ექვსი თვის განმავლობაში ვერ შეძლებს, ამ პერიოდში კი გულშემატკივრებთან ურთიერთობას სოციალური ქსელით გააგრძელებს. ფეხბურთელმა ისაუბრა იმაზეც, თუ როგორ აპირებს ამ პერიოდის გატარებას, სანამ მოედანს დაუბრუნდება.„მომდევნო ექვსი თვე ფეხბურთის თამაშს ვერ შევძლებ და ამ დროს ფრანგულის სწავლას დავუთმობ“, - თქვა კვარამ.

1794759647

მაღაზიაში რომ შევიდოდით, მეზობელს ბევრი შვილი ჰყავს და იმათაც ხომ უნდა ვუყიდოო, ამბობდა... - გელა დაიაური თეონა ქუმსიაშვილს იხსენებს

„თეონა თავის დიდ შემოქმედებაზე მილიონჯერ დიდი ადამიანი იყო“  - გელა დაიაური თეონა ქუმსიაშვილს იხსენებსპოეტი და მუსიკოსი გელა დაიაური თაია გამთენაძის პოდკასტ „შენი ამბავის“ სტუმარი იყო. გადაცემაში მან გარდაცვლილ მეუღლეზე, მომღერალ თეონა ქუმსიაშვილზე, მათი თანაცხოვრების პერიოდსა და იმ ტრაგიკულ შემთხვევაზე ისაუბრა, რომელსაც 16 წლის წინ მისი ოჯახის წევრები და სხვა ადამიანები ემსხვერპლნენ.დაიაური აღნიშნავს, რომ ხალხი თეონას უმეტესად მისი მუსიკალური შემოქმედებით აფასებს, მაშინ როცა მის ადამიანურ ბუნებასა და ხასიათზე ფართო აუდიტორიას ნაკლები ინფორმაცია აქვს:„არსებობს წარმოდგენა თეონა ქუმსიაშვილზე, როგორც დიდ მომღერალზე, მაგრამ ძალიან ცოტა იცნობს მას, როგორც დედას, როგორც ქალს. ხშირად ვიმეორებ, თეონა თავის დიდ შემოქმედებაზე მილიონჯერ დიდი ადამიანი იყო. ასეთი ადამიანი მე არ შემხვედრია ცხოვრებაში. როგორ შეეძლო სიკეთის კეთება... მაღაზიაში რომ შევიდოდით, მეზობელს ბევრი შვილი ჰყავს და იმათაც ხომ უნდა ვუყიდოო, ამბობდა“, — იხსენებს გელა დაიაური.