1794690192

პოეტი და მთარგმნელი ლელა სამნიაშვილი გარდაიცვალა

პოეტი და მთარგმნელი ლელა სამნიაშვილი გარდაიცვალა. სამწუხარო ინფორმაციას ჟურნალი „არილი“ ავრცელებს.„გარდაიცვალა პოეტი, მთარგმნელი, არილისთვის განსაკუთრებულად ძვირფასი ავტორი, ლელა სამნიაშვილი.ვიზიარებთ ოჯახისა და მეგობრების მწუხარებას.“  წერია გავრცელებულ ინფორმაციაში.ლელა სამნიშვილს გამოცემული აქვს პოეტური კრებულები: "ფოტო-აბები", "გველის წელიწადი",, "მუდმივი ტატუ", "ფრაქტალები", "ლოცვა აბსტრაქციად", „37“, „ავირეკლოთ“... თარგმანები: "სილვია პლათის ლექსები ქართულად", ვირჯინია ვულფის "საკუთარი ოთახი", სილვია პლათის "ზარხუფი", უილიამ შექსპირის “ჰამლეტი” და სხვა... ის არის "საგურამოს", "ლიტერას" და "საბას" ლაურეატი. მისი ლექსები თარგმნილია და გამოცემულია სხვადასხვა ენაზე. უცხო ენათა სახელმწიფო უნივერსიტეტის ინგლისური ენის ფაკულტეტის და სინქრონული თარგმანის განყოფილების დასრულების შემდეგ, 2002-2004 წლებში ლელა სამნიაშვილი მიწვეული იყო მკვლევრად კალიფორნიის უნივერსიტეტში, ბერკლიში; 2007 წელს მიიღო განათლების ფილოსოფოსის მაგისტრის წოდება ოსლოს უნივერსიტეტში, 2017 წელს კი - განათლების მეცნიერებათა დოქტორის ხარისხი თბილისის ივანე ჯავახიშვილის სახელმწიფო უნივერსიტეტში.  ლელა სამნიაშვილის ბოლო წიგნი "ვარსკვლავს, ყვავილს, ადამიანს" 2026 წლის შემოდგომაზე გამოვიდა.️

1794689486

„ერთი რამის თქმა შემიძლია...“ - მერაბ დვალიშვილის პირველი კომენტარი RAF-ის ტურნირზე გამარჯვების შემდეგ

მერაბ დვალიშვილმა აბუ დაბიში გამართულ Real American Freestyle-ის (RAF) ტურნირზე ბრაზილიელი მარლონ მორაესი დაამარცხა.შეხვედრა თავისუფალი ჭიდაობის წესებით გაიმართა. დვალიშვილისთვის ეს RAF-ში მეოთხე გამოსვლა და მესამე გამარჯვება იყო.„შეხედეთ ჩემს კუთხეს. ოლიმპიური ჩემპიონები - ვლადიმერი, ახალგაზრდა განგსტერი - საბა, გიგა ჭიკაძე, მეთლი კალიფორნიული სამეგობროთი და მთელი აბუ-დაბი ძმაო. ძმაო ერთი რამის თქმა შემიძლია, ის სამუდამოდ ჩემი ძმა არის (საბა)  ცხოვრების ბოლომდე! არ აქვს მნიშვნელობა მოიგებს თუ წააგებს, ის გამარჯვებულია ჩემთვის და ყველასთვის!“, - თქვა დვალიშვილმა ტურნირზე გამარჯვების შემდეგ.ნახეთ ვიდეო აქ 

1794689371

რატომ აქვს ნიჟარას პატარა მრგვალი ნახვრეტი ონკანის ქვეშ - დეტალი, რომელსაც ბევრი დეკორად მიიჩნევს

ოდესმე დაფიქრებულხართ, რატომ უკეთებენ მწარმოებლები ნიჟარებს პატარა, მრგვალ ნახვრეტს? ბევრი ფიქრობს, რომ ეს უბრალოდ დეკორატიული ელემენტია, მაგრამ სინამდვილეში მას მნიშვნელოვანი პრაქტიკული დანიშნულება აქვს.ონკანის ქვეშ ყველა კლასიკურ ნიჟარას, ისევე როგორც აბაზანასა და სამზარეულოს ნიჟარას, ონკანის ქვეშ პატარა მრგვალი ნახვრეტი აქვს. როდესაც ხელებს ან ჭურჭელს ვრეცხავთ, ჩვეულებრივ, არც კი ვფიქრობთ იმაზე, თუ რისთვისაა ის საჭირო, - წერს გამოცემა Kobieta.თუმცა, მწარმოებლები ამ ტექნოლოგიურ ნახვრეტს ნიჟარაში ტყუილად არ აკეთებენ. მას ძალიან მნიშვნელოვანი ფუნქცია აქვს: ის ხელს უშლის წყლის, ნიჟარის ან აბაზანის კიდიდან გადმოსვლას.წარმოიდგინეთ სიტუაცია: წყლის გასადინარი საცობით დაახშეთ, ნიჟარას პირამდე ავსებთ წყლით, შემდეგ ოთახიდან გადიხართ და ონკანის დაკეტვა გავიწყდებათ. ასეთ შემთხვევაში დამატებითი ნახვრეტი ზედმეტი წყლის გადინებას შეუწყობს ხელს და თავიდან აგაცილებთ აბაზანის ან სამზარეულოს დატბორვას. არსებითად, ასეთი ნახვრეტები ერთგვარ „დამცავებად“ გვევლინება: ისინი ამცირებენ იატაკის, ავეჯისა და სახლში არსებული სხვა ნივთების დაზიანების რისკს.თუმცა, იმისათვის, რომ ამ პატარა ნახვრეტმა თავისი ფუნქცია გამართულად შეასრულოს, მასაც სჭირდება მოვლა. აბაზანის ან სამზარეულოს დალაგებისას ნუ დაივიწყებთ მის რეგულარულად და გულმოდგინედ გაწმენდას. შიგნით დაგროვილმა ჭუჭყმა შესაძლოა არა მხოლოდ ბაქტერიების გამრავლებას შეუწყოს ხელი, არამედ დამატებითი სადინარის გაჭედვაც გამოიწვიოს.რით ჯობს ასეთი ადგილების გაწმენდა? ამისთვის გამოდგება ძმარში დასველებული ბამბის დისკი ან ღრუბელი. ასევე, შეგიძლიათ ძველ კბილის ჯაგრისზე დაყაროთ საჭმელი სოდა და ნახვრეტი ფრთხილად დაამუშაოთ.

1794689156

საიდან გაჩნდა სიტყვა „OK“ - საიდუმლო, რომელიც ამ ყველაზე პოპულარული სიტყვის უკან იმალება

დღეს „OK“ მსოფლიოში ერთ-ერთი ყველაზე გავრცელებული და უნივერსალური სიტყვაა. ჩვენ მას ვხმარობთ მაშინ, როცა ყველაფერი რიგზეა, ვეთანხმებით სხვას ან უბრალოდ საუბარს ვასრულებთ. თუმცა, ცოტამ თუ იცის, რომ  ის უჩვეულო საგაზეთო ხუმრობისა და პოლიტიკური დაცინვის შედეგად გაჩნდა.1839 წლის „გრამატიკული ხუმრობა“ ბოსტონის გაზეთში;სიტყვა OK ოფიციალურად პირველად დაფიქსირდა 1839 წლის 23 მარტს, ამერიკული გაზეთის Boston Morning Post-ის ფურცლებზე. იმ დროს ამერიკულ პრესაში ძალიან პოპულარული იყო სასაცილო შემოკლებებისა და სლენგების გამოყენება, რომლებსაც განზრახ უცვლიდნენ მართლწერას.რა იდგა ამის უკან? გაზეთის რედაქტორმა ტექსტში გამოიყენა ფრაზა „oll korrect“, რაც რეალურად არასწორად დაწერილი ინგლისური გამოთქმის „all correct“ („ყველაფერი რიგზეა“) ირონიული და დამცინავი ვერსია იყო.ხოლო ამ შემოკლების პირველი ასოები გახდა O.K.მხოლოდ ამ ერთ სტატიას რომ არაფრის შეცვლა შეეძლო გასაგებია, OK ალბათ მალე დაავიწყდებოდა ყველას, რომ არა 1840 წლის აშშ-ის საპრეზიდენტო არჩევნები.კანდიდატი მარტინ ვან ბიურენი, რომლის მეტსახელიც იყო „Old Kinderhook“ (მისი დაბადების ადგილის, ნიუ-ორკში მდებარე სოფელ „კინდერჰუკის“ მიხედვით), მხარდამჭერებმა შექმნეს კლუბი სახელწოდებით „OK Club“.ოპონენტებმა ეს პოლიტიკური კამპანია სასტიკად გააკრიტიკეს და ხუმრობად აქციეს, თუმცა ამან საპირისპირო ეფექტი გამოიღო, სიტყვა ყველას ენაზე ეკერა, გაზეთები მას ყოველდღიურად ბეჭდავდნენ და ხალხში ვირუსულად გავრცელდა.როგორ გადაურჩა OK სხვა სლენგებს და გახდა გლობალური?იმ დროის ბევრი სხვა სასაცილო შემოკლება (როგორიცაა OW — oll wright ან KC — knell confed) მალევე მიავიწყდათ და ისტორიას ჩაჰყვა, მაგრამ OK-მ საოცარი სიცოცხლისუნარიანობა აჩვენა ორი ძირითადი მიზეზის გამო:ტელეგრაფის ეპოქა: როდესაც მე-19 საუკუნის შუა წლებში ტელეგრაფი და მორზეს ანბანი გამოჩნდა, ოპერატორებს სჭირდებოდათ ძალიან სწრაფი, მოკლე და ზუსტი დასტური იმისა, რომ შეტყობინება მიღებულია და შინაარსი გასაგებია. „OK“ ამისთვის იდეალური აღმოჩნდა.უნივერსალური ჟღერადობა: ის შედგება ორი მარტივი ბგერისგან, რომელთა გამოთქმაც მსოფლიოს თითქმის ყველა ენაზე ადვილია. შედეგად, მეორე მსოფლიო ომის დროს, ამერიკელი ჯარისკაცების წყალობით, OK პლანეტის ყველა კუთხეში გავრცელდა.მოკლედ რომ ვთქვათ: როდესაც შემდეგ ჯერზე მესიჯში მარტივად მისწერთ ვინმეს „ოკ“-ს, გახსოვდეთ, რომ იყენებთ თითქმის 200 წლის წინანდელ საგაზეთო ხუმრობას, რომელიც მიზანმიმართულად არასწორი მართლწერით დაიწერა!

1794688957

ტემპერატურა ყველგან დაიკლებს... - როდემდე გაგრძელდება უამინდობა

მეტეოროლოგი კობა ფარტენაძე ამინდის მოსალოდნელი გაუარესების შესახებ სოციალურ ქსელში წერს.„15 ნოემბერს საქართველოში ამინდი მნიშვნელოვნად გაუარესდება.15 ნოემბერს (კვირას) დასავლეთში ყველგან და აღმოსავლეთში ზოგან მოსალოდნელია წვიმა, პერიოდულად ძლიერი.დასავლეთ საქართველოსა და სანაპირო ზოლში გაძლიერდება ქარი 17-22 მეტრ წამამდე, აღმოსავლეში შესაძლებელია 27 მეტრ წამამდე.ტემპერატურა ყველგან დაიკლებს.ქვეყნის მასშტაბით ჰაერის ტემპერატურა დაიკლებს.ორშაბათს, დღის მეორე ნახევრიდან, ამინდი გაუმჯობესდება და მომდევნო სამი დღის განმავლობაში საქართველოში შედარებით სტაბილური ამინდია მოსალოდნელი, 22 ნოემბრიდან კი უფრო გრძელვადიანი პერიოდითაა გაავდრება მოსალოდნელი.“ - წერს ფარტენაძე სოციალურ ქსელში.

1794688704

გარდაცვლილი დედის ნივთების დალაგებისას ქალმა საყინულეში ახალშობილის ცხედარი აღმოაჩინა - საიდუმლო შესაძლოა 20 წელზე მეტს ითვლიდეს

შემზარავი აღმოჩენა ესპანეთის ჩრდილო-დასავლეთ ნაწილში, ქალაქ ალარიზში. ქალმა, რომელიც გარდაცვლილი დედის სახლში ნივთებს ალაგებდა, ავტოფარეხის სათავსოში მოთავსებულ საყინულეში ახალშობილის ცხედარი იპოვა.შემთხვევის შესახებ ინფორმაცია 2026 წლის 7 ნოემბერს გავრცელდა. ქალი დედის პირად ნივთებსა და საცხოვრებლის სათავსოებს ამოწმებდა, როდესაც საყინულე გახსნა და შიგნით ჩვილის ცხედარი აღმოაჩინა. შოკისმომგვრელი აღმოჩენის შემდეგ მან სამართალდამცველებს შეატყობინა.გამოძიების პირველადი მონაცემებით, ჩვილი ორსულობის დაახლოებით 32–34-ე კვირაზე იყო დაბადებული. ექსპერტების წინასწარი შეფასებით, ბავშვის გარდაცვალებიდან შესაძლოა ორ ათწლეულზე მეტი იყოს გასული. ამასთან, არსებული მონაცემები მიუთითებს, რომ ახალშობილს სუნთქვა ჰქონდა დაწყებული, თუმცა ზუსტად როდის და რა ვითარებაში გარდაიცვალა ის, ჯერ დადგენილი არ არის.ესპანეთის სამოქალაქო გვარდიამ გამოძიება დაიწყო. ექსპერტიზისთვის ნიმუშები აღებულია, ხოლო დნმ-ის ანალიზი მადრიდის ლაბორატორიაში გაიგზავნა, რათა ბავშვის ბიოლოგიური მშობლების ვინაობის დადგენა გახდეს შესაძლებელი.გამომძიებლები ასევე სწავლობენ, როგორ აღმოჩნდა საყინულე ამ საცხოვრებელში. ადგილობრივი მედიის ინფორმაციით, მოწყობილობა მანამდე ქალაქ ორენსეს რამდენიმე საცხოვრებელშიც იყო გადატანილი, ამიტომ არ არის გამორიცხული, რომ ჩვილის ცხედარი თავდაპირველად სხვა ადგილას აღმოჩნდა და მოგვიანებით გადაიტანეს.საქმეზე სასამართლომ გამოძიების მასალები კონფიდენციალურად გამოაცხადა. სამართალდამცველები ცდილობენ გაარკვიონ, დაიბადა თუ არა ბავშვი ცოცხალი, რა გახდა მისი გარდაცვალების მიზეზი და ვინ იცოდა ამ საიდუმლოს შესახებ.შემთხვევის ერთ-ერთი ყველაზე შემაშფოთებელი დეტალი ისაა, რომ პასუხები შესაძლოა ათწლეულების წინანდელ ამბავს უკავშირდებოდეს. ამ ეტაპზე კი გამოძიება გრძელდება.

1794688464

ქურდმა 760 ათასი დოლარის ბრილიანტები გადაყლაპა - ძვირფასეულობა ორი კვირის შემდეგ ამოიღეს

უჩვეულო შემთხვევა აშშ-ის ფლორიდის შტატში, ორლანდოში მოხდა. მამაკაცმა, რომელმაც Tiffany & Co.-ის საიუველირო მაღაზიიდან 769 500 დოლარის ღირებულების ბრილიანტის საყურეები მოიპარა, დაკავებისას მტკიცებულებების დამალვა მათი გადაყლაპვით სცადა.გამოძიების ინფორმაციით, ჯეითან გილდერი მაღაზიაში პროფესიონალი კალათბურთელის წარმომადგენლად წარდგა და განაცხადა, რომ ძვირადღირებული სამკაულების შეძენას აპირებდა. თანამშრომლებმა მას ძვირფასეულობის დასათვალიერებლად სპეციალური ოთახი გამოუყვეს.თუმცა, ნაცვლად იმისა, რომ სამკაულები შეეძინა, მამაკაცმა ორი წყვილი ბრილიანტის საყურე აიღო და გაქცევა სცადა. გაქცევისას ის ერთ-ერთ თანამშრომელს ფიზიკურად დაუპირისპირდა.სამართალდამცველებმა ეჭვმიტანილის ავტომობილი მალევე დაადგინეს და ფლორიდის შტატში გააჩერეს. დაკავების დროს მამაკაცმა მოპარული საყურეების გადაყლაპვა სცადა. მოგვიანებით ჩატარებულმა სკანირებამ მის ორგანიზმში უცხო სხეულები გამოავლინა.პოლიციას ძვირფასეულობის ამოსაღებად თითქმის ორი კვირის განმავლობაში მოუწია ლოდინი. მათი სერიული ნომრები Tiffany & Co.-ის წარმომადგენლებმა შეამოწმეს და დაადასტურეს, რომ სწორედ მოპარული ნივთები იყო.საქმეს კიდევ ერთი მნიშვნელოვანი გაგრძელება ჰქონდა: 2026 წლის 22 ოქტომბერს ნაფიც მსაჯულთა სასამართლომ ჯეითან გილდერი ძარცვასა და მსხვილ ქურდობაში დამნაშავედ ცნო. მას სასჯელის დანიშვნა დეკემბერში ელოდება.ამრიგად, მამაკაცის მცდელობა, ძვირფასეულობა პოლიციისთვის დაემალა, წარუმატებლად დასრულდა - სამართალდამცველებმა ოთხივე საყურე დაიბრუნეს.

1794688246

რატომ ვართმევთ ერთმანეთს ხელს და საიდან მოდის ეს ტრადიცია

ყოველდღიურობაში იმდენ ავტომატურ მოქმედებას ვასრულებთ, რომ მათ წარმომავლობაზე იშვიათად ვფიქრობთ. ერთ-ერთი ასეთი ჩვეულებაა ხელის ჩამორთმევა - მისალმების, მეგობრობისა და ბიზნესშეთანხმების უნივერსალური სიმბოლო. მაგრამ გიფიქრია, რეალურად საიდან გაჩნდა ეს ტრადიცია?აღმოჩნდება, რომ ეს მშვიდობიანი ჟესტი წარსულში სიკვდილ-სიცოცხლის საკითხი იყო.1. იარაღის გარეშე: მარჯვენა ხელის საიდუმლო;ძველ დროში, როდესაც ადამიანები სრულიად უცხოებს ან პოტენციურ მტრებს ხვდებოდნენ, სიფრთხილე უმთავრესი კანონი იყო.  მამაკაცების უმეტესობა მარჯვენა ხელით ატარებდა ხმალს და ხანჯალს. როდესაც ორი უცხო ადამიანი ერთმანეთს უახლოვდებოდა, ისინი მარჯვენა ხელს უწვდიდნენ ერთმანეთს.ეს არ იყო მეგობრობის ნიშანი, ეს იყო ვიზუალური და ფიზიკური დასტური იმისა, რომ: „ხედავ? ჩემი მარჯვენა ხელი ცარიელია, იარაღი არ მიჭირავს და არ ვაპირებ შენზე თავდასხმას“.2. თუმცა მხოლოდ ხელის გაწვდმევა საკმარისი არ იყო, რადგან ვერაგი მტრები ცბიერები აღმოჩნდნენ.·არსებობდა საშიშროება, რომ ადამიანს გრძელი სამოსის სახელოში (ან ტოგაში) პატარა ხანჯალი ჰქონოდა დამალული, რომელიც ხელის გაწდენის დროს არ ჩანდა.  ხელის ჩამორთმევისას მისი ძლიერად გაქნევა და ზევით-ქვევით მოძრაობა უნივერსალური უსაფრთხოების შემოწმება იყო. ამ მექანიკური რხევით მკლავიდან უნდა გადმოვარდნილიყო ყველაფერი, რაც შესაძლოა დამალული ყოფილიყო. ასე რომ, თანამედროვე მეგობრული ხელის ჩამორთმევა სინამდვილეში ძველი „იარაღის ჩხრეკის“ რიტუალია!3. როდის გადაიქცა ის ბიზნესისა და მეგობრობის სიმბოლოდ?საუკუნეების განმავლობაში, როდესაც ფიზიკური თავდასხმის საშიშროება შემცირდა, ჟესტმა თავისი პირვანდელი, აგრესიული კონტექსტი დაკარგა და პატივისცემის ნიშნად იქცა.განსაკუთრებული პოპულარობა მას კვაკერების (რელიგიური ჯგუფი მე-17 საუკუნის ინგლისში) რელიგიურმა მოძრაობამ შესძინა. ისინი უარყოფდნენ ყოველგვარ იერარქიულ თაყვანისცემას (თავის დაკვრას, ქუდების მოხდას) და მიიჩნევდნენ, რომ ყველა ადამიანი თანასწორია, ამიტომ ერთმანეთს მარტივი და გულწრფელი ხელის ჩამორთმევით ესალმებოდნენ.მე-19 საუკუნიდან კი ეს ჟესტი საბოლოოდ დამკვიდრდა, როგორც ხელშეკრულებებისა და პატიოსანი ბიზნესის უმთავრესი გარანტი.

1794688027

თელავში შვილმა დედის მოკვლა სცადა

საქართველოს პროკურატურამ ქალაქ თელავში დამამძიმებელ გარემოებებში განზრახ მკვლელობის მცდელობის ფაქტზე, ერთ პირს ბრალდება წარუდგინა.საქართველოს შინაგან საქმეთა სამინისტროს მიერ ჩატარებული გამოძიებით დადგინდა, რომ 12 ნოემბერს, ქალაქ თელავში, ოჯახის წევრის მიმართ ძალადობისთვის ნასამართლევმა ბრალდებულმა მოკვლის მიზნით დანით ყელის არეში ორი ჭრილობა მიაყენა დედას, რის შემდეგაც შემთხვევის ადგილიდან მიიმალა. დაზარალებულის სიცოცხლის შენარჩუნება, დროული სამედიცინო დახმარების შედეგად მოხერხდა.დაკავებულს ბრალდება საქართველოს სისხლის სამართლის კოდექსის 11 პრიმა, 19-109-ე მუხლის „კ“ და „პ” ქვეპუნქტებით (განზრახ მკვლელობის მცდელობა, ჩადენილი ოჯახის წევრის მიმართ, არაერთგზის) წარედგინა, რაც სასჯელის სახედ და ზომად 20 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.

1794687852

ერთი სისხლის ანალიზით შესაძლოა შვიდი ტიპის კიბოს ადრეული აღმოჩენა გახდეს შესაძლებელი - ბრიტანეთში მასშტაბური კვლევა იწყება

დიდ ბრიტანეთში ახალი სამედიცინო კვლევა იწყება, რომლის მიზანია სისხლის ერთი ნიმუშით რამდენიმე სახის კიბოს შესაძლო ადრეულ ეტაპზე გამოვლენა. პროექტში ინგლისის მასშტაბით 20 000-ზე მეტი პაციენტი მიიღებს მონაწილეობას.კვლევა, სახელწოდებით STRIDE-RCT, სულ მცირე 200 სამედიცინო დაწესებულებაში ჩატარდება. მასში 45 წლისა და უფროსი ასაკის ადამიანები ჩაერთვებიან, რომლებსაც ექიმთან მუცლის არეში დისკომფორტის, მუდმივი შებერილობის ან სხვა მსგავსი სიმპტომების გამო მიმართეს.მეცნიერები სისხლის რამდენიმე თანამედროვე ტესტის ეფექტიანობას შეამოწმებენ. ტექნოლოგიები ხელოვნურ ინტელექტსა და სისხლში არსებული ცილების, ბიომარკერებისა და სიმსივნურ უჯრედებთან დაკავშირებული ნაწილაკების ანალიზს იყენებს.კვლევის ფარგლებში განსაკუთრებული ყურადღება დაეთმობა კიბოს ისეთ ფორმებს, რომელთა ადრეული დიაგნოსტიკა ხშირად რთულია. მათ შორისაა პანკრეასის, კუჭის, ნაწლავის, ღვიძლის, საკვერცხეების, პროსტატისა და სხვა ორგანოების სიმსივნეები.ერთ-ერთი ტესტი სისხლში 32 ბიომარკერს ერთდროულად აანალიზებს და მიღებული მონაცემების საფუძველზე ექიმს ეხმარება განსაზღვროს, საჭიროებს თუ არა პაციენტი დამატებით გამოკვლევებს.მკვლევრების მიზანია, ახალი მეთოდით კიბოს შესაძლო ნიშნები უფრო ადრე გამოვლინდეს და პაციენტები საჭირო დიაგნოსტიკურ გამოკვლევებზე დროულად გადამისამართდნენ.თუმცა, მეცნიერები ხაზგასმით აღნიშნავენ, რომ დადებითი პასუხი კიბოს დიაგნოზს არ ნიშნავს - ის მხოლოდ დამატებითი გამოკვლევის საჭიროებაზე მიუთითებს.კვლევის შედეგები მომდევნო 18-24 თვის განმავლობაში უნდა შეფასდეს. სწორედ ამის შემდეგ გახდება ცნობილი, რამდენად ეფექტიანია ეს მეთოდები და შესაძლებელია თუ არა მათი ფართო გამოყენება ბრიტანეთის ჯანდაცვის სისტემაში.სპეციალისტების შეფასებით, წარმატების შემთხვევაში, მსგავსი ტექნოლოგიები შესაძლოა კიბოს ადრეული დიაგნოსტიკის მნიშვნელოვანი დამხმარე საშუალება გახდეს.

1794687703

რატომ ზუსტად 1 იანვარი - 4000-წლიანი ისტორია ბაბილონიდან კეისრის რეფორმამდე

როდის და სად აღნიშნეს ახალი წელი პირველად?  4000 წლის წინანდელი ზეიმი და ბაბილონელების „დიდი კარნავალი“იმის მიხედვით, თუ რას ვგულისხმობთ „პირველ“ ახალ წელში, ისტორია გვაძლევს ორ პასუხს: პირველ დოკუმენტურად დადასტურებულ ზეიმს და იმას, თუ როდის დამკვიდრდა 1 იანვარი, როგორც ახალი წლის ოფიციალური დასაწყისი.აი, როგორ დაიწყო ყველაფერი:1. ყველაზე ძველი ზეიმი: ისტორიულად ცნობილი პირველი ახალი წლის ზეიმი თარიღდება დაახლოებით 4000 წლის წინ, ძველ ბაბილონში (თანამედროვე ერაყის ტერიტორიაზე). მათთვის ახალი წელი ზამთარში კი არა, გაზაფხულze, (დღე-ღამის თანასწორობის პერიოდში, მარტის ბოლოს) იწყებოდა. ეს პერიოდი ემთხვეოდა მდინარე ტიგროსისა და ევფრატის ადიდებასა და მიწის დამუშავების დაწყებას, ანუ ბუნების გაღვიძებას.როგორ აღნიშნავდნენ? ეს არ იყო ერთდღიანი დღესასწაული. ბაბილონელების ზეიმი გრძელდებოდა მთელი 11 დღე. ამ დღეებში ტარდებოდა მასშტაბური რიტუალები, ქუჩის კარნავალები, სოციალური წესების დროებითი შეცვლა (მაგალითად, მონები მსახურებისგან თავისუფლდებოდნენ) და ღმერთების პატივსაცემი მსვლელობები.2. ვინ გადაიტანა ახალი წელი 1 იანვარს? (იულიუს კეისარი და რომაელები)ის ახალი წელი, რომელსაც დღეს ვზეიმობთ (1 იანვარს), პირველად შემოიღო რომაელმა მმართველმა იულიუს კეისარმა ძვ. წ. 46 წელს.რატომ 1 იანვარი? რომაელებმა ეს თარიღი მიუძღვნეს იანუსს, ყველა საწყისის, არჩევანისა და კარის ორსახა ღმერთს (სახელი January/იანვარიც სწორედ მისგან მოდის). ერთი სახით იანუსი წარსულს იყურებოდა, მეორეთი კი  მომავლისკენ.თუმცა, საინტერესოა, რომ შუა საუკუნეებში ევროპის დიდ ნაწილში 1 იანვრით ახალი წლის აღნიშვნა მიატოვეს და თარიღი გადაიტანეს რელიგიურ დღეებზე, რადგან იანვარი „წარმართულად“ მიაჩნდათ. მსოფლიომ 1 იანვარი საბოლოოდ მხოლოდ 1582 წელს დაიბრუნა, როდესაც პაპმა გრიგოლ XIII-მ თანამედროვე, გრიგორიანული კალენდარი დაამტკიცა.მოკლედ რომ ვთქვათ: პირველი ახალი წელი ადამიანებმა დაახლოებით 4000 წლის წინ, ბაბილონში გაზაფხულზე იზეიმეს, ხოლო თარიღი 1 იანვარს იულიუს კეისარმა დააფიქსირა, როგორც დროის ახალი ათვლის სიმბოლო.

1794687467

ელჭექი, სეტყვა, შტორმი - გარემოს ეროვნული სააგენტო მოსახლეობას აფრთხილებს

15 ნოემბერს დასავლეთ საქართველოში ამინდის მკვეთრი გაუარესებაა მოსალოდნელი. გარემოს ეროვნული სააგენტოს ცნობით, დღის საათებში აფხაზეთში, აჭარაში, სამეგრელო-ზემო სვანეთის, იმერეთისა და გურიის რეგიონებში დროგამოშვებით ძლიერი ინტენსივობის ნალექებია მოსალოდნელი."15 ნოემბერს დასავლეთ საქართველოში მოსალოდნელია ნალექი, დღის საათებში - აფხაზეთში, აჭარაში, სამეგრელო-ზემო სვანეთის, იმერეთის და გურიის რეგიონებში დროგამოშვებით ძლიერი ინტენსივობით.შესაძლებელია ელჭექი, სეტყვა, ზღვაზე 4-5 ბალიანი შტორმი. ქვეყნის ტერიტორიის უმეტეს ნაწილზე, მათ შორის დედაქალაქში, იქროლებს დასავლეთის ძლიერი ქარი, მაღალმთიან ზონებში ზოგან შესაძლებელია ქარბუქი და ნისლი.მოსალოდნელმა ძლიერმა ნალექებმა შესაძლებელია აჭარა-გურიისა და სამეგრელო-ზემო სვანეთის მდინარეებსა და მათი შენაკადების ქვემო წელში წყლის დონეების მნიშვნელოვანი მატება, გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ურბანულ დასახლებებში ცალკეული ტერიტორიების დატბორვა გამოიწვიოს (საფრთხის დონე - საშუალო)", - აღნიშნულია გავრცელებულ ინფორმაციაში.