1793257696

თორნიკე ჭეიშვილი ევროკომისიის მიერ საფრანგეთსა და იტალიაში არეულობასთან დაკავშირებული ორგანიზაციების დაფინანსებაზე: კიდევ ერთხელ წარმოჩინდება, რომ ევრობიუროკრატები უხეში მეთოდებით ცდილობენ პირდაპირ ჩაერიონ სუვერენული სახელმწიფოების შიდა საქმეებში

ალბათ, არაფერი სენსაციური ამაში არ არის იმის გათვალისწინებით, რომ ჩვენც გვიწვნევია, გამოგვიცდია საკუთარ თავზე მსგავსი სქემებით სხვადასხვა ანტისახელმწიფოებრივი პროცესების წახალისება საქართველოში, - ასე შეაფასა „ქართული ოცნების" დეპუტატმა თორნიკე ჭეიშვილმა, მედიაში გავრცელებული ინფორმაცია იმის შესახებ, რომ იტალიასა და საფრანგეთში მიმდინარე ძალადობრივ აქციებში ჩართულ არასამთავრობოებსა და სხვა ორგანიზაციებს ევროკომისია აფინანსებდა.მისი განცხადებით, თუ ეს ინფორმაცია დადასტურდა, იქნება ხელის შემშლელი ფაქტორი მოქმედ ევრობიუროკრატიასთან ურთიერთობის ნორმალიზების კუთხით, ვინაიდან, კიდევ ერთხელ წარმოჩინდება, რომ ისინი პირდაპირ ცდილობენ, უხეში მეთოდებით ჩაერიონ სუვერენული სახელმწიფოების შიდა საქმეებში.„რა თქმა უნდა, თუ ეს დადასტურდა, ეს იქნება ძალიან სერიოზული ხელის შემშლელი ფაქტორი იმისა, რომ ჩვენ ვისაუბროთ სამომავლო პერსპექტივაში მოქმედ ევრობიუროკრატიასთან რაღაც ფორმით ურთიერთობის ნორმალიზებაზე, იმიტომ, რომ კიდევ ერთხელ, ამ შემთხვევაში წარმოჩინდება ის, რომ ისინი ძალიან უხეში მეთოდებით ცდილობენ პირდაპირ ჩაერიონ სუვერენული სახელმწიფოების შიდა საქმეებში და არად დაგიდევენ თუნდაც იმას, რომ ასეთი ანტიკონსტიტუციური, არასამართლებრივი და არაკანონიერი მეთოდების გამოყენებით შეეცადონ იმას, რომ მათთვის სასურველი პოლიტიკური დაჯგუფებები მოიყვანონ ქვეყნის მართვის სადავეებთან.“ - განაცხადა თორნიკე ჭეიშვილმა.

1793257641

გიორგი კახიანი: საქართველოში განვითარებული პროცესები, ქვეყნის გარედან იყო დაფინანსებული. დღეს მსგავსი პროცესები ევროპის ქვეყნებშიც ვითარდება, რომელიც ასევე ამ ქვეყნების გარედან ფინანსდება. ეს იმაზე მეტყველებს, რომ ის კანონები, რომელიც თავის დროზე მივიღეთ, ქვეყნის ეროვნულ ინტერესებს შეესაბამება

პარლამენტის თავმჯდომარის მოადგილე გიორგი კახიანი ევროპაში მიმდინარე საპროტესტო აქციებს გამოეხმაურა და პარალელი საქართველოსთან გაავლო. კახიანის თქმით, საქართველოში განვითარებული პროცესები ქვეყნის გარედან იყო დაფინანსებული. მისივე განცხადებით, მსგავსი პროცესები დღეს სხვა ქვეყნებშიც ვითარდება, რომელიც ასევე ამ ქვეყნების გარედან ფინანსდება. მისივე შეფასებით, ეს ყველაფერი იმას ადასტურებს, რომ „გამჭვირვალობის შესახებ“ კანონის მიღება ქვეყნის ეროვნულ ინტერესებს შეესაბამებოდა.„კიდევ ერთხელ შეიძლება პარალელის გავლება, მაშინ, როდესაც ჩვენ ვამბობდით, რომ ის პროცესები, რომელიც საქართველოში იყო, ეს იყო ქვეყნის გარედან დაფინანსებული პროცესები. დღეს იგივე პროცესები, მსგავსი პროცესები, ასევე რომელიც ფინანსდება როგორც ჩანს, ამ ქვეყნების გარედან, ვითარდება ამ ქვეყნებში. ეს კიდევ ერთხელ მეტყველებს იმაზე, რომ ის კანონები, რომელიც თავის დროზე ჩვენ მივიღეთ, ქვეყნის ეროვნულ ინტერესებს შეესაბამება“,-აღნიშნა კახიანმა. კახიანმა ასევე 4 ოქტომბრის საქმეზე მსჯავრდებულებისთვის საპროცესო შეთანხმების გაფორმება დადებითად შეაფასა და აღნიშნა, რომ დანაშაულის აღიარება და მონანიება მისასალმებელია, სახელმწიფოს მხრიდან ადეკვატური მიდგომა კი სწორედ ამას ემსახურება.„როდესაც პირები ხვდებიან, რომ მათ ჩაიდინეს დანაშაული და ამას აღიარებენ და გარკვეულ სინანულს გამოთქვამენ, რა თქმა უნდა, ეს მისასალმებელი და სწორიც არის. ჩემი აზრით, ასე უნდა იმოქმედონ სხვა მსჯავრდებულებმაც იმიტომ, რომ იმ მოცემულობის ტყვეობაში არიან, რომელიც მათ თავზე მოახვიეს. ამიტომ, სახელმწიფო ასეთი პირების მიმართ, რომელიც აღიარებს და მოინანიებს თავის დანაშაულს, იქ ხვდება ადეკვატურად განწყობილი და შესაბამისი საპროცესო შეთანხმებების გაფორმებ

1793257560

„ესოშიეითიდ პრესი“: პენტაგონის გენერალურმა ინსპექტორმა უარი თქვა უკრაინაში „სტარლინკისა“ და „სტარშილდის“ მუშაობის შეფერხებების გამოძიებაზე

პენტაგონის გენერალურმა ინსპექტორმა უარი თქვა უკრაინაში „სტარლინკისა“ და „სტარშილდის“ მუშაობის შეფერხებების გამოძიებაზე. ამის შესახებ „ესოშიეითიდ პრესი“ წერს.ორპარტიულმა ჯგუფმა (ოთხმა რესპუბლიკელმა და ხუთმა დემოკრატმა სენატორმა) ინსპექტორს გამოძიება სთხოვა მას შემდეგ, რაც უკრაინელმა მაღალჩინოსნებმა განაცხადეს, რომ ილონ მასკის „სტარლინკსა“ და მის სამხედრო ვერსიას, „სტარშილდს“, კავშირის სიჩქარე შეეზღუდა.ინსპექტორი აღნიშნავს, რომ მათ შეშფოთებას საჰაერო ძალები უკეთ უპასუხებსკონგრესმენის ერთ-ერთი თანაშემწის შეფასებით, ეს არის გამოძიებაზე უარი, მიუხედავად იმისა, რომ ინსპექტორს ამის სრული შესაძლებლობა აქვს.სენატორმა ჯინ შაჰინმა განაცხადა, რომ შემაშფოთებელია ინსპექტორის გადაწყვეტილება. მისი თქმით, ტრამპის ადმინისტრაციასა და SpaceX-ს შეფერხებების მიზეზებზე ურთიერთსაწინააღმდეგო ახსნა აქვთ, ამიტომ დამოუკიდებელი შემოწმებაა საჭირო.

1793257446

წყალი 18:00 საათამდე შეწყდება - გადაამოწმეთ მისამართები

„ჯორჯიან უოთერ ენდ ფაუერი“ წყლის მიწოდების შეზღუდვასთან დაკავშირებით სპეციალურ განცხადებას ავრცელებს.კომპანიის ცნობით, მთაწმინდის რაიონში, ლ.ქიაჩელის ქ. N28-თან წყალმომარაგების ქსელზე აუცილებელი ტექნიკური სამუშაოები ჩატარდება.„სამუშაოების მიმდინარეობისას 18:00 საათამდე წყალმომარაგება შეუწყდება: ქიაჩელის ქ; ნიკო ნიკოლაძის ქ. N1-3; N2. მიხეილ ჯავახიშვილის ქ. N12“

1793257335

თორნიკე ჭეიშვილი: წინა დღეების მსგავსად, კოლექტიური „ნაცმოძრაობის“ განშტოებები გააგრძელებენ სასამართლოში ტყუილების, დეზინფორმაციის კორიანტელის დაყენებას - მათ სხვა გამოსავალი უბრალოდ არ აქვთ, ვერცერთი სამართლებრივი კონტრარგუმენტი ვერ წარმოადგინეს

რაც შეეხება დღევანდელ სასამართლო პროცესს, არსებობს ამ შემთხვევაშიც მოლოდინი იმისა,რომ წინა დღეების მსგავსად, კოლექტიური „ნაცმოძრაობის“ განშტოებები, შესაბამისად, მათი წარმომადგენლები, გააგრძელებენ სასამართლო სხდომის დარბაზში ტყუილების, დეზინფორმაციის კორიანტელის დაყენებას, - განაცხადა საპარლამენტო უმრავლესობის წევრმა, თორნიკე ჭეიშვილმა, ჟურნალისტებთან საუბრისას.მისი განცხადებით, ოპოზიციის წარმომადგენლები უსუსურ მდგომარეობაში იმყოფებიან და იაფფასიანი მეთოდების გამოყენებით ცდილობენ, რომ შექმნან გარკვეული ილუზია საზოგადოების თვალში იმის შესახებ, რომ თითქოსდა გარკვეული კონსტიტუციური ბრალდებები მათ მიმართ არის არაარგუმენტირებული.„გასაგებია, რომ მათ სხვა გამოსავალი უბრალოდ არ აქვთ, ვინაიდან, ისინი ჩვენს შესაბამის არგუმენტებს, იმ ფაქტებს, რომელიც არის მოხმობილი საკონსტიტუციო სარჩელში, სხვას ვერაფერს უპირისპირებენ. არიან აბსოლუტურად უსუსურ მდგომარეობაში და ამგვარი იაფფასიანი მეთოდების გამოყენებით ახლა ისინი ცდილობენ, რომ შექმნან გარკვეული ილუზია საზოგადოების თვალში იმის შესახებ, რომ თითქოსდა გარკვეული კონსტიტუციური ბრალდებები მათ მიმართ არის არაარგუმენტირებული, რაც, რა თქმა უნდა, მცდარი ტყუილი და სიცრუეა იმის გათვალისწინებით, რომ დაკვირვებული თვალი შენიშნავდა მათ, ფაქტობრივად ვერცერთი სამართლებრივი კონტრარგუმენტი ვერ წარმოადგინეს იმასთან დაკავშირებით, რაც სარჩელში ჩვენი მხრიდან გახლავთ ასახული.” - აღნიშნა ჭეიშვილმა.როგორც მან განმარტა, ოპოზიცია საკუთარი ნარატივით ადასტურებს სარჩელში მოყვანილ შესაბამის პასაჟს იმასთან დაკავშირებით, რომ წლების განმავლობაში სწორედ „ნაცმოძრაობა“ და მისი განშტოებები ცდილობენ იმას, რომ შიდა თუ საგარეო დონეზე ლეგიტიმაციის არაღიარების კონტექსტში წარმოაჩინონ საქართველოს ხელისუფლება.„აქ კიდევ ერთი გარემოებაა უაღრესად საინტერესო, რომ ფაქტობრივად, გუშინდელმა დღემაც დაადასტურა ეს, ისინი ცდილობენ ისრების გადმოტანას ჩვენი პოლიტიკური გუნდის მხარეს და იმგვარი ნარატივის ტირაჟირებას ახდენენ, რომლის მიხედვითაც, ვითომდა „ქართული ოცნება“ ყოფილა კონსტიტუციის დამრღვევი პოლიტიკური ძალა, რაც არის, ერთი მხრივ, უბრალოდ ღიმილისმომგვრელი, მაგრამ, მეორე მხრივ, ისინი ამით ფაქტობრივად ადასტურებენ ჩვენსავე მტკიცებას, მათ შორის, სარჩელში მოყვანილ შესაბამის პასაჟს იმასთან დაკავშირებით,რომ წლების განმავლობაში სწორედ „ნაცმოძრაობა“, მისი განშტოებები ცდილობენ იმას, რომ შიდა დონეზე თუ საგარეო დონეზე ლეგიტიმაციის არაღიარების კონტექსტში წარმოგვაჩინონ ჩვენ,როგორც არაკონსტიტუციური პოლიტიკური ძალა და როდესაც ახლა უკვე ჩვენ საკონსტიტუციო მართლმსაჯულების წინაშე იმყოფებით, აქ უნდა გაირკვეს, ბოლოს და ბოლოს, აი ამ ორ პოლიტიკურ ძალას შორის რომელი არის კონსტიტუციური და რომელი არაკონსტიტუციური. რა თქმა უნდა, ეს ჩვენი მხრიდან არის როგორც რიტორიკული კითხვა, ისე დასმული იმის გათვალისწინებით, რომ ჩვენსავე სარჩელში არის იმის არაერთი მტკიცებულება და ასობით შესაბამისი წყარო თუ ფაქტობრივი გარემოება მოყვანილი, რომელიც ადასტურებს, რომ თუკი ვინმეს შეიძლება საქართველოში კონსტიტუციის დარღვევა ბრალდებოდეს, ეს არის სწორედაც კოლექტიური „ნაცმოძრაობა“ და მისი განშტოებები. ასე რომ, ასე რომ, ისინი ამით ფაქტობრივად ადასტურებენ იმ იმ ბრალდებებს, რომლებიც ჩვენს სარჩელში არის მოყვანილი.” - განაცხადა თორნიკე ჭეიშვილმა.

1793257142

გიორგი კახიანი: კიდევ ერთხელ გამოჩნდა, რომ ეს არის ერთიანი ძალა, რომელიც იმართება ქვეყნის გარედან და რომელიც საფრთხეს წარმოადგენს ქვეყნის კონსტიტუციური წყობილებისთვის. სწორედ ამ ნიშნით გვაქვს მათ წინააღმდეგ კონსტიტუციური სარჩელი შეტანილი

არ მაქვს არანაირი მოლოდინი, რომ სამართლებრივად რაიმეს დასაბუთებულად წარმოუდგენენ დღეს ისინი სასამართლოს ჩვენი საჩივრის წინააღმდეგ, იმიტომ, რომ ეგეთი არგუმენტები არც არსებობს და ვერც წარმოადგენენ,- განაცხადა პარლამენტის თავმჯდომარის მოადგილემ, გიორგი კახიანმა საკონსტიტუციო სასამართლოს სხდომის დაწყებამდე.„ერთი მხრივ ძალიან კარგია, რომ ეს პროცესი არის საჯარო და ჩვენი საზოგადოების ყოველ წევრს აქვს შესაძლებლობა, რომ თავად გააკეთოს დასკვნები და შეფასებები, რეალურად რა ძალის წინააღმდეგ გვაქვს ჩვენ შეტანილი კონსტიტუციური სარჩელი. ამ ხნის განმავლობაში კიდევ ერთხელ გამოჩნდა ერთი რამ, რომ პირველ რიგში ეს არის ერთიანი ძალა, რომელიც იმართება ქვეყნის გარედან და კიდევ ერთხელ გამოჩნდა, რომ ეს არის ძალა, რომელიც საფრთხეს წარმოადგენს ქვეყნის კონსტიტუციური წყობილებისთვის. სწორედ ამ ნიშნით გვაქვს ჩვენ მათ წინააღმდეგ კონსტიტუციური სარჩელი შეტანილი“,- განაცხადა კახიანმა.

1793256787

„ტურიზმის ეროვნული დაჯილდოება 2026-ის“ მე-11 საზეიმო ცერემონიაზე ლევილის ქართველთა მამულს სპეციალური ჯილდო გადაეცა

"ტურიზმის ეროვნული დაჯილდოება 2026-ის" მე-11 საზეიმო ცერემონიაზე ლევილის ქართველთა მამულს სპეციალური ჯილდო გადაეცა."ტურიზმის ეროვნული დაჯილდოების" ორგანიზატორთა ინიციატივით, კონკურსისგან დამოუკიდებლად, ლევილის მამულმა სპეციალური ჯილდო - ისტორიული მემკვიდრეობის უნიკალური სივრცე და ქართული კულტურისა და სტუმარმასპინძლობის ელჩი ევროპაში - მიიღო. კონკურსში 190 ნომინანტი მონაწილეობდა. გამარჯვებულები 35 ნომინაციაში გამოვლინდნენ.თბილისის ოპერისა და ბალეტის სახელმწიფო თეატრში გამართულ ღონისძიებას ლევილის ქართული აკადემიის ხელმძღვანელი თამარ კვარაცხელია და სსიპ "შემოქმედებითი საქართველოს" დირექტორი სალომე ხურცილავა ესწრებოდნენ.თამარ კვარაცხელიამ სიტყვით გამოსვლის დროს აღნიშნა, რომ ლევილის მამული ის უნიკალური სივრცეა, რომელიც ჩვენი ქვეყნის გაცნობის შესაძლებლობას საქართველოს საზღვრებს გარეთ, ევროპის შუაგულში ქმნის. თამარ კვარაცხელიამ მადლობა გადაუხადა "ტურიზმის ეროვნულ დაჯილდოებას". მისი თქმით, ეს ჯილდო ნაყოფიერი სამომავლო თანამშრომლობის საფუძველი გახდება.ღონისძიების მხარდამჭერებს შორის იყვნენ კულტურის სამინისტრო და სსიპ "შემოქმედებითი საქართველო".დაჯილდოება ყოველწლიურად იმართება და მისი მიზანი სტუმარმასპინძლობის მიღწევების აღიარება, ტურიზმის ეკოსისტემის განვითარება, ხარისხის სტანდარტების გაუმჯობესება, ინოვაციების წახალისება და ინდუსტრიაში პროფესიონალიზმის გაძლიერებაა.

1793256718

ლევან ჟორჟოლიანი მსოფლიოში ერთ-ერთი წამყვანი არქიტექტურული კომპანიის, „ზაჰა ჰადიდ არქიტექტს“-ის დირექტორს შეხვდა

მთავრობის ადმინისტრაციის უფროსი ლევან ჟორჟოლიანი მსოფლიოში ერთ-ერთი წამყვანი არქიტექტურული კომპანიის, „ზაჰა ჰადიდ არქიტექტს“-ის დირექტორს შეხვდა. მხარეებმა განიხილეს ქვეყანაში მიმდინარე მასშტაბური ინფრასტრუქტურული პროექტები და სამომავლო თანამშრომლობის შესაძლებლობები.ბრიტანეთში დაფუძნებული, მსოფლიოში ცნობილი არქიტექტურული და დიზაინის კომპანია, რომელიც ინოვაციური შენობების, ურბანული სივრცეებისა და თანამედროვე ინფრასტრუქტურის პროექტირებით გამოირჩევა, დაინტერესებულია, საქართველოში კერძო სექტორში მიმდინარე პროექტებთან ერთად, სახელმწიფო პროექტების განხორციელებაშიც მიიღოს მონაწილეობა.კომპანიის წარმომადგენლებმა მთავრობის ადმინისტრაციის უფროსს ამ მიმართულებით თავიანთი ხედვები წარუდგინეს.

1793256224

თეთრ სახლს ჯერ არ გადაუწყვეტია, ჩაერიოს თუ არა ისრაელში მმართველი კოალიციის ფორმირების პროცესში - Times of Israel

აშშ-ის პრეზიდენტის, დონალდ ტრამპის ადმინისტრაციას ისრაელის მმართველი კოალიციის ჩამოყალიბების პროცესში ჩარევის შესახებ გადაწყვეტილება ჯერ არ მიუღია, — ამის შესახებ ამერიკელმა ოფიციალურმა პირმა „თაიმს ოფ ისრაელს“ განუცხადა.მისივე თქმით, ცნობები იმის შესახებ, რომ ვაშინგტონს კოალიციის კონკრეტული ფორმულა ურჩევნია, „მცდარი და ნაადრევია“.გარდა ამისა, ისრაელის მედიის ცნობით, დონალდ ტრამპმა განაცხადა, რომ მან და ბენიამინ  ნეთანიაჰუმ ირანთან მიმართებით „საქმე ბოლომდე უნდა მიიყვანონ“.ცნობისთვის, ისრაელის საპარლამენტო არჩევნების წინასწარი შედეგებით, პრემიერ-მინისტრ ბენიამინ ნეთანიაჰუს მხარდამჭერი ბლოკი ლიდერობს, თუმცა მთავრობის ფორმირებისთვის საჭირო 61 მანდატის მოპოვებას ვერ ახერხებს.

1793256174

საგამოძიებო სამსახურმა უაქციზო სიგარეტის შენახვა - გადაზიდვის ფაქტზე 5 პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა განსაკუთრებით დიდი ოდენობით უაქციზო სიგარეტის შენახვისა და გადაზიდვის ფაქტზე 5 პირი დააკავეს.საგამოძიებო მოქმედებების შედეგად, ერთ-ერთი ბრალდებულის საცხოვრებელი სახლიდან 6 160 კოლოფი, ხოლო ავტომობილიდან 600 კოლოფი სხვადასხვა დასახელების უაქციზო სიგარეტია ამოღებული, რომლის საბაზრო ღირებულება 37 856 ლარია.გამოძიება მიმდინარეობს საქართველოს სისხლის სამართლის კოდექსის  მე-200 მუხლით, რაც 6-დან 8 წლამდე ვადით თავისუფლების აღკვეთას ითვალისწინებს.

1793256068

„გარდიანი“: ალბანეთის ხელისუფლებამ 6 000 დოლარზე მეტი ოდენობის ჯარიმები დააწესა აქციებში მონაწილეობისთვის, რომლებიც ძალადობრივ ფორმას მიიღებს

ალბანეთის ხელისუფლებამ აქციაში მონაწილე პირების წინააღმდეგ 6 000 დოლარზე მეტი ოდენობის ჯარიმები დააწესა იმ შემთხვევაშიც, თუ ისინი ძალადობრივ ქმედებებში არ მონაწილეობენ, – ამის შესახებ „გარდიანი“ წერს.ედი რამას მთავრობამ საკანონმდებლო ზომები მიიღო, რომელთა მიხედვით, 500 ათას ლეკამდე (დაახლოებით 6 130 დოლარამდე) დაჯარიმდება ყველა, ვინც ძალადობისა და ძარცვის დროს აქციაზე დარჩენას გადაწყვეტს. გამოცემა აღნიშნავს, რომ ალბანეთში საშუალო ხელფასი გადასახადების გადახდამდე თვეში 1 026 დოლარია.კანონის მიხედვით, პოლიციამ ასევე მიიღო უფლება, ძალადობის რისკის შემთხვევაში დროებით შეზღუდოს თავშეყრა გარკვეულ უბნებში, განსაკუთრებით სასწავლო, სამედიცინო და სამთავრობო დაწესებულებების მახლობლად. ზომები სანქციებს ითვალისწინებს ინტერნეტით ძალადობისკენ წაქეზებისთვისაც, ასევე საპროტესტო აქციების დროს დაზარალებული მცირე ბიზნესისთვის კომპენსაციას ადგენს.ახალი წესები უკვე ამოქმედდა, თუმცა ძალაში დარჩენისთვის 45 დღეში პარლამენტის მიერ დამტკიცება იქნება საჭირო.

1793255617

მცხეთა-მთიანეთის პოლიციამ ნარკორეალიზატორი დააკავა

შინაგან საქმეთა სამინისტროს მცხეთა-მთიანეთის პოლიციის დეპარტამენტის მცხეთის რაიონული სამმართველოს თანამშრომლებმა, არაერთგზის ჩადენილი დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ბრალდებით, წარსულში ნასამართლევი პირი თბილისში დააკავეს.პოლიციამ, მოსამართლის განჩინების საფუძველზე, ბრალდებულისგან რამდენჯერმე განახორციელა ნარკოტიკული საშუალებების საკონტროლო შესყიდვა და აღნიშნული შესყიდვის ფარული აუდიო-ვიდეო ჩაწერა.სამართალდამცველების მიერ, ჩატარებული ჩხრეკის შედეგად, ბრალდებულის საცხოვრებელი სახლიდან ნივთმტკიცებად ამოღებულია ნარკოტიკული საშუალება - "მეთადონი".გამოძიება სისხლის სამართლის კოდექსის 260-ე და 260-ე ტერცია მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.