1794079964

„წვიმა, თოვლი, ქარბუქი და ნისლი...“ - მომდევნო დღეების ამინდის პროგნოზი სრულად

8 ნოემბერი 2026 წ. - კვირასდასავლეთ საქართველოში - დროგამოშვებით ღრუბლიანობის მომატება. უმეტეს  რაიონში  წვიმა, მთაში თოვლჭყაპი, ზოგან ძლიერი. დასავლეთის ქარი 10-15მ/წმ, სანაპირო რაიონებში ზოგან შესაძლებელია ძლიერი 17-22მ/წმ. ჰაერის ტემპერატურა: დაბლობში ღამით +5, +10°, დღისით +6 +11°; მთაში ღამით 0, +5°, დღისით +1, +6°; მაღალმთაში ღამით -5,  0°, დღისით  -3, +2°.აღმოსავლეთ საქართველოში - დროგამოშვებით ღრუბლიანობის მომატება. ზოგან ნალექი, მაღალმთაში თოვლის სახით. დასავლეთის ქარი 10-15მ/წმ, ზოგან ძლიერი 17-22მ/წმ. ჰაერის ტემპერატურა: ბარში ღამით +1, +6°, დღისით +6, +11°; მთაში ღამით -5, 0°, დღისით +1, +6°; მაღალმთაში ღამით -6, -1°, ზოგან -12°, დღისით -5, 0°, ზოგან+3°.9 ნოემბერი 2026 წ. - ორშაბათსდასავლეთ საქართველოში - დროგამოშვებით ღრუბლიანობის მომატება. უმეტეს რაიონში ნალექი, მთაში თოვლის სახით, ზოგან ძლიერი, შესაძლებელია ელჭექი. დასავლეთის ქარი 10-15მ/წმ, სანაპირო რაიონებში ზოგან ძლიერი 17-22მ/წმ. ჰაერის ტემპერატურა: დაბლობში ღამით +4, +9°, დღისით +7, +12°; მთაში ღამით -3, +2°, დღისით +1, +6°; მაღალმთაში ღამით -9, -4°, დღისით -3, +2°.აღმოსავლეთ საქართველოში - დროგამოშვებით ღრუბლიანობის მომატება. ღამით უმეტეს, დღისით ზოგიერთ რაიონში ნალექი, მთაში თოვლის სახით, ღამით კახეთის რეგიონში ზოგან შესაძლებელია ძლიერი, მაღალმთიან რაიონებში ზოგან შესაძლებელია ქარბუქი და ნისლი. დასავლეთის ქარი 10-15მ/წმ, ღამისა და დღის I ნახევარში ზოგან ძლიერი 17-22მ/წმ. ჰაერის ტემპერატურა: ბარში ღამით 0, +5°, დღისით  +7, +12°; მთაში ღამით -5, 0°, დღისით +2, +7°; მაღალმთაში ღამით  -7, -2°, ზოგან -13°-მდე, დღისით -6, -1°.10 ნოემბერი 2026 წ. - საშაბათსდასავლეთ საქართველოში - დროგამოშვებით ღრუბლიანობის მომატება. ღამით ზოგან ნალექი, მთაში თოვლის სახით, აღმოსავლეთის მიმართულების ქარი 10-15მ/წმ. ჰაერის ტემპერატურა: დაბლობში ღამით +2, +7°, დღისით +11, +16°;  მთაში ღამით -4, +1°, დღისით +9, +14°; მაღალმთაში ღამით -10, -5°, დღისით +3, +8°.აღმოსავლეთ საქართველოში - დროგამოშვებით ღრუბლიანობის მომატება. ღამით ზოგან ნალექი, მთაში თოვლის სახით, დღისით უმეტესად უნალექოდ. ცვალებადი მიმართულების ქარი 7-12მ/წმ. ჰაერის ტემპერატურა: ბარში ღამით -3, +2°, დღისით  +7, +12°; მთაში ღამით -7, -2°, დღისით +3, +8°; მაღალმთაში ღამით -9, -4°, ზოგან -15°-მდე, დღისით -6, -1°,ზოგან  +5°-მდე.

1794079203

8 ნოემბრის ასტროლოგიური პროგნოზი

კუროდღეს კუროებისთვის მთავარი პრიორიტეტი სტაბილურობის შენარჩუნება იქნება. ფინანსურ საკითხებში სიფრთხილე გამოიჩინეთ და თავი შეიკავეთ დაუგეგმავი ხარჯებისგან. პირად ცხოვრებაში გულწრფელი საუბარი დაგეხმარებათ გაუგებრობის მოგვარებაში. დღის მეორე ნახევარში სასიამოვნო სიახლეა მოსალოდნელი.ტყუპები8 ნოემბერი კომუნიკაციისა და ახალი იდეების დღეა. შესაძლოა, საინტერესო ადამიანთან შეხვედრამ ახალი შესაძლებლობები გაგიხსნათ. ყურადღებით მოეკიდეთ მიღებულ ინფორმაციას და მნიშვნელოვანი გადაწყვეტილებები მხოლოდ გადამოწმებული ფაქტების საფუძველზე მიიღეთ. სიყვარულში სასიამოვნო მოულოდნელობა გელით.კირჩხიბიკირჩხიბებისთვის ემოციურად დატვირთული დღეა. შესაძლოა, წარსულთან დაკავშირებულმა მოგონებებმა ან მოვლენებმა თქვენი განწყობა შეცვალოს. ეცადეთ, ყურადღება აწმყოზე გაამახვილოთ და ზედმეტ ფიქრს არ აჰყვეთ. ოჯახურ გარემოში გატარებული დრო შინაგან სიმშვიდეს დაგიბრუნებთ.ლომიდღეს ლომებს საკუთარი შესაძლებლობების გამოვლენის კარგი შანსი ექნებათ. თქვენი თავდაჯერებულობა გარშემო მყოფთა ყურადღებას მიიპყრობს. თუმცა ეცადეთ, საკუთარი მოსაზრებები სხვებს არ მოახვიოთ თავს. პირად ურთიერთობებში მეტი სითბო და ყურადღება გამოიჩინეთ. საღამოს სასიამოვნო შეხვედრაა მოსალოდნელი.ქალწული8 ნოემბერი ქალწულებისთვის ყოველდღიური საქმეების მოწესრიგებისა და სამომავლო გეგმების გადახედვისთვის ხელსაყრელი დღეა. შესაძლოა, აღმოაჩინოთ საკითხი, რომელსაც აქამდე სათანადო ყურადღებას არ უთმობდით. ფინანსურ გადაწყვეტილებებში პრაგმატულობა გამოიჩინეთ. ჯანმრთელობისა და დასვენების ბალანსსაც ნუ დაივიწყებთ.სასწორისასწორებისთვის დღევანდელი დღე ურთიერთობების გაღრმავებას უკავშირდება. შესაძლოა, ადამიანთან, რომელთანაც ბოლო პერიოდში უთანხმოება გქონდათ, საერთო ენა გამონახოთ. კარგი დროა გულწრფელი საუბრებისა და ემოციური საკითხების მოსაგვარებლად. მოერიდეთ გადაწყვეტილებების მიღებას მხოლოდ სხვების მოსაწონად.მორიელი8 ნოემბერი მორიელებისთვის მნიშვნელოვანი შინაგანი ცვლილებების დღე შეიძლება აღმოჩნდეს. შესაძლოა, გარკვეულ საკითხს სრულიად განსხვავებული თვალით შეხედოთ. ინტუიცია დაგეხმარებათ სწორი მიმართულების არჩევაში, თუმცა ფაქტების გადამოწმებაც აუცილებელია. პირად ცხოვრებაში გულწრფელობა და ნდობა განსაკუთრებით მნიშვნელოვანი იქნება.მშვილდოსანიმშვილდოსნებს ახალი შთაბეჭდილებებისა და თავგადასავლების სურვილი გაუძლიერდებათ. ხელსაყრელი დღეა მეგობრებთან შეხვედრისთვის, მოგზაურობის დაგეგმვისა და ახალი ინტერესების აღმოჩენისთვის. ფინანსურ საკითხებში ზედმეტ ოპტიმიზმს მოერიდეთ. საღამოს შესაძლოა, საინტერესო შეთავაზება მიიღოთ.თხის რქადღეს თხის რქებისთვის პასუხისმგებლობისა და პირადი სურვილების დაბალანსება მნიშვნელოვანი იქნება. შესაძლოა, დაგროვილმა საქმეებმა დაღლილობა გამოიწვიოს, ამიტომ პრიორიტეტები სწორად განსაზღვრეთ. საყვარელ ადამიანებთან ურთიერთობაში მეტი ყურადღება გამოიჩინეთ. დღის მეორე ნახევარი სიმშვიდესა და დასვენებას დაუთმეთ.მერწყული8 ნოემბერი მერწყულებისთვის შემოქმედებითი იდეებისა და მოულოდნელი აღმოჩენების დღეა. შესაძლოა, დიდი ხნის პრობლემის გადაჭრის განსხვავებული გზა იპოვოთ. ნუ შეგეშინდებათ სიახლეების, თუმცა გადაწყვეტილებების მიღებისას რეალური შესაძლებლობებიც გაითვალისწინეთ. პირად ცხოვრებაში სასიამოვნო ცვლილებების ალბათობაა.თევზებითევზებისთვის დღევანდელი დღე ემოციური მგრძნობელობითა და ძლიერი ინტუიციით გამოირჩევა. შესაძლოა, ახლობელ ადამიანს თქვენი მხარდაჭერა დასჭირდეს. ეცადეთ, სხვების პრობლემებზე ზრუნვისას საკუთარი საჭიროებები არ დაივიწყოთ. საღამო მშვიდ გარემოში გაატარეთ და ენერგიის აღდგენაზე იზრუნეთ.

1794079012

6 ათწლეული ქართულ სცენაზე, უამრავი ჰიტი და თაობების საყვარელი მელოდიები - ჯემალ სეფიაშვილის საიუბილეო წელი მასშტაბური მზადებით იწყება

"ჩამოთოვა ისევ" - ჯანსუღი ჩარკვიანის ლექსზე შექმნილ, მსმენელისთვის უკვე კარგად ცნობილ და საყვარელ სიმღერას, ბევრი წლის შემდეგ, ჯემალ სეფიაშვილი ახალი ინტერპრეტაციით აცოცხლებს. ეს უკვე მეშვიდე ნაწარმოებია, რომლის განახლებული ვერსიაც, ყველაზე მეტი ჰიტის ავტორმა, ლეგენდარულმა კომპოზიტორმა "შამო სტუდიაში" ჩაწერა.ჩაწერები თითქმის ყოველდღიურ რეჟიმში გრძელდება. სამუშაო ბევრია, რაც, სტუდიამდე, სახლში იწყება. სიმღერების ტექსტი და მელოდია უცვლელი რჩება, თუმცა იცვლება ხასიათი და ჟღერადობა.მაყურებელი მოისმენს იმ ჰიტების სრულიად ახლებურ ვერსიას, რომლებზეც ერთდროულად რამდენიმე თაობა გაიზარდა. მომავალი წელი საიუბილეოა. ჯემალ სეფიაშვილს 19 თებერვალს 80 წელი უსრულდება.ვიდრე მსმენელი დიდ საიუბილეო კონცერტს იხილავს, ჯემალ სეფიაშვილი მაყურებელს გრიბოედოვის თეატრში შეხვდა.ნახევარ საუკუნეზე მეტია, სცენაზე დგას, თუმცა მაყურებელთან გასვლამდე დღემდე ღელავს. კონცერტი საკუთარ ქალაქში მისთვის ყოველთვის განსაკუთრებული პასუხისმგებლობა და ემოციაა."თბილისო ჩემო" - კონცერტი, რომლის სახელწოდებაც თავად ჯემალ სეფიაშვილმა შეარჩია, მერიის მხარდაჭერით ჩატარდა. საღამომ გრიბოედოვის თეატრში სრული ანშლაგით ჩაიარა. სცენაზე, კომპოზიტორთან ერთად, მისი შვილი, ცისანა სეფიაშვილიც წარდგა.კონცერტზე ჯემალ სეფიაშვილმა სიმღერა "ჭაღარა" ახალი ინტერპრეტაციით შეასრულა. კომპოზიციის ტექსტის ავტორი პოეტი ირმა გურიელია, რომელთანაც ჯემალ სეფიაშვილს მრავალწლიანი მეგობრობა და შემოქმედებითი საქმიანობა აკავშირებს.ჯემალ სეფიაშვილის სიმღერების მოსმენა და მასთან ერთად სიმღერა თამარ გვეწითელისთვის ყოველთვის განსაკუთრებული ემოციაა. კონცერტზე მისი გამოჩენა მაყურებლისთვის სიურპრიზი აღმოჩნდა.გრიბოედოვის თეატრში გამართულ ორსაათიან კონცერტზე ჯემალ სეფიაშვილმა ყველა სიმღერა ცოცხლად შეასრულა. მაყურებელი კომპოზიტორის შემოქმედებას კარგად იცნობს, თუმცა ერთი რომელიმე სიმღერის გამორჩევა უჭირს.კომპოზიტორ წინ უამრავი გეგმა და განუხორციელებელი იდეა აქვს, როგორც თავად ამბობს, მისთვის მნიშვნელოვანია, სიმღერები მომავალ თაობებს გადაეცეს და მისმა მუსიკამ მსმენელთან კავშირი არ დაკარგოს.

1794078306

კარგავს თუ არა გველი შხამს ზამთარში და რატომ არის „მიძინებული“ ქვეწარმავალიც კი საშიში

გავრცელებული მითია, თითქოს ზამთარში გველის შხამი ძალას კარგავს ან საერთოდ ქრება. რეალურად, ბიოლოგიური თვალსაზრისით ვითარება შემდეგნაირია:შხამი არ კარგავს ტოქსიკურობას: შხამის ჯირკვლებში დაგროვილი ტოქსინები ზამთრის განმავლობაში არსად ქრება. მისი ქიმიური შემადგენლობა და დამანგრეველი ძალა ზუსტად იგივე რჩება.ბრუმაციის (ზამთრის მოსვენების) გამო გველი ნახევრად მიძინებულია, რეაქციები შენელებული აქვს და თავს თავად არ დაგესხმებათ. თუმცა, თუ მას შემთხვევით ხელს ან ფეხს დაადგამთ, თავდაცვითი რეფლექსი მყისიერად იმუშავებს.თუ თავშესაფარში ტემპერატურა მაღალია, გველი სითბოს წყალობით სწრაფად გამოდის გაშეშებული მდგომარეობიდან და ჩვეულებრივი სისწრაფითა და აგრესიით იკბინება.ზოგჯერ შეშინებული ან გაციებული გველი აკეთებს ე.წ. „მშრალ ნაკბენს“ (შხამის შეყვანის გარეშე, მხოლოდ დასაშინებლად), მაგრამ ამის წინასწარ განჭვრეტა შეუძლებელია — ნებისმიერი ნაკბენი პოტენციურად სრულ დოზას შეიცავს.რა უნდა გააკეთოთ, თუ ზამთარში გველმა გიკბინათ?დაუყოვნებლივ გამოიძახეთ სასწრაფო დახმარება (112) ან უმოკლეს დროში მიმართეთ უახლოეს სამედიცინო დაწესებულებას, სადაც ანტიდოტი (შრატი) აქვთ.შეინარჩუნეთ სიმშვიდე და უძრაობა: პანიკა და მოძრაობა გულისცემას აჩქარებს, რაც შხამის სისხლსა და ლიმფაში გავრცელებას უწყობს ხელს.მოაშორეთ მჭიდრო ნივთები: ნაკბენი კიდურიდან სასწრაფოდ მოიხსენით ბეჭდები, საათი, სამაჯურები ან ვიწრო ფეხსაცმელი, რადგან მოსალოდნელია ძლიერი შეშუპება.არ დაადოთ ლახტი (ტურნიკეტი);არ გამოწოვოთ შხამი პირით;არ გაჭრათ და არ მოწვათ ჭრილობა;არ მიიღოთ ალკოჰოლი.თუ გველი აღმოაჩინეთ შეშაში ან სარდაფში, ნუ შეეცდებით მის დაჭერას ან მოკვლას — უბრალოდ გაერიდეთ და გამოიძახეთ შესაბამისი სამაშველო სამსახური.

1794076594

როგორ გამოვიყენოთ ძველი „ფლეშკა“ - 5 სასარგებლო იდეა, რომელთა შესახებაც ბევრმა არ იცის

თითქმის ყველა ოჯახში მოიძებნება ძველი, პატარა მოცულობის (2, 4 ან 8 გიგაბაიტიანი) USB ფლეშკა, რომელიც თანამედროვე სტანდარტებით ფაილების გადასატანად აღარ გვყოფნის და უჯრაში უსაქმოდ დევს. ნუ იჩქარებთ მის გადაგდებას — მცირე მოცულობის მეხსიერების ბარათსაც კი შეუძლია კომპიუტერის უსაფრთხოების, სისწრაფისა და ყოველდღიური კომფორტის საიმედო ხელსაწყოდ გადაქცევა.წარმოგიდგენთ 5 ჭკვიანურ იდეას, რომლებიც ძველ მოწყობილობას ახალ დატვირთვას შესძენს:1. კომპიუტერის ფიზიკური გასაღები;სპეციალური უფასო პროგრამების საშუალებით, შეგიძლიათ თქვენი USB ფლეშკა კომპიუტერის რეალურ ციფრულ გასაღებად აქციოთ. ფლეშკის კომპიუტერში შეერთებისას სისტემა ავტომატურად იხსნება, ხოლო მისი გამორთვისთანავე ეკრანი მომენტალურად იბლოკება. კლავიატურაზე პაროლის შეყვანა საჭირო აღარ არის — თქვენი კომპიუტერი დაცულია უცხო თვალისგან.2. „სამაშველო რაზმი“ — ანტივირუსი და სისტემის აღდგენათუ კომპიუტერს მძიმე ვირუსი შეეყარა და Windows-ი აღარ იტვირთება, ძველი ფლეშკა საუკეთესო დამხმარეა.ჩაწერეთ მასზე ე.წ. „სამაშველო დისკი“. ამ ფლეშკის საშუალებით შეძლებთ კომპიუტერის ჩართვას ოპერაციული სისტემის გვერდის ავლით და მყარი დისკის სრულად გაწმენდას ყველაზე საშიში მავნე პროგრამებისგანაც კი.3. საყვარელი პროგრამები ჯიბით (პორტატული აპლიკაციები).იცოდით, რომ უამრავი საჭირო პროგრამის კომპიუტერში ინსტალაცია სავალდებულო სულაც არ არის?პორტატული ვერსიები: პლატფორმა PortableApps.com-ის საშუალებით შეგიძლიათ ფლეშკაზე ჩაიწეროთ ბრაუზერები, ტექსტური რედაქტორები, მედია-ფლეერები და გრაფიკული პროგრამები. ასეთი ფლეშკით ნებისმიერ უცხო კომპიუტერზე (ოფისში, ბიბლიოთეკაში) შეძლებთ მუშაობას საკუთარი პარამეტრებით, ბრაუზერის ისტორიითა და დამახსოვრებული გვერდებით — ისე, რომ მასპინძელ კომპიუტერზე არანაირი კვალი არ დარჩება.4. კომპიუტერის დაჩქარება;თუ სახლში ძველი ან შედარებით სუსტი კომპიუტერი გაქვთ, რომელსაც ოპერატიული მეხსიერება არ ჰყოფნის, Windows-ის ჩაშენებული ტექნოლოგია ReadyBoost დაგეხმარებათ.ფლეშკის კომპიუტერში შეერთების შემდეგ, სისტემას შეუძლია მისი მეხსიერება გამოიყენოს როგორც დამატებითი ქეში (დროებითი ბუფერი), რაც აჩქარებს პროგრამების გახსნასა და სისტემის რეაგირებას.5. ციფრული „შავი ყუთი“ - კრიპტოგრაფიული სეიფი;ძველი 4-გიგაბაიტიანი ფლეშკა იდეალური სივრცეა თქვენი ყველაზე მგრძნობიარე დოკუმენტებისთვის: პასპორტის ასლები, ხელშეკრულებები, პაროლების ბაზა ან პირადი ჩანაწერები.უსაფრთხოება: უფასო პროგრამა VeraCrypt-ით შეგიძლიათ ფლეშკაზე შექმნათ ძლიერი პაროლით დაშიფრული „კონტეინერი“. ფლეშკა რომც დაკარგოთ, მის შიგთავსს უძლიერესი ჰაკერიც კი ვერ წაიკითხავს.

1794072930

პარიზსა და საფრანგეთის სხვა ქალაქებში საპროტესტო აქციები პოლიციასთან დაპირისპირებაში გადაიზარდა

საფრანგეთის დედაქალაქ პარიზში და ქვეყნის სხვა ქალაქებში საპროტესტო აქციები პოლიციასთან დაპირისპირებაში გადაიზარდა.ფრანგული მედიის თანახმად, პარიზში მსვლელობა რესპუბლიკის მოედნიდან დაიწყო, მოგვიანებით დემონსტრანტებმა გადაინაცვლეს ერის მოედანზე, სადაც სამართალდამცველებმა ცრემლსადენი გაზი გამოიყენეს. მანამდე მომიტინგეებმა სანაგვე ურნებს ცეცხლი წაუკიდეს.პარალელურად, პარიზში, კონკორდის მოედანზე, „ყვითელი ჟილეტების“ საკოორდინაციო ჯგუფის მოწოდებით, საპროტესტო აქცია მჯდომარე ფორმით მიმდინარეობდა. აღნიშნული შეკრება პრეფექტურის მიერ ნებადართული არ ყოფილა და „ყვითელი ჟილეტების“ საკოორდინაციო კომიტეტის ორი წევრი დააკავეს.მედიის ცნობით, პარიზის დემონსტრაციაში 75 ათასი ადამიანი მონაწილეობს.საპროტესტო აქცია პოლიციასთან დაპირისპირებაში გადაიზარდა ქალაქ ლიონშიც, სადაც, ბოლო მონაცემებით, თერთმეტი ადამიანია დაკავებული.ლილში აქციის ბოლოს ვითარება დაიძაბა, პოლიციამ წყლის ჭავლი გამოიყენა. აქციის მონაწილეებმა ცეცხლი წაუკიდეს ნაგვის ურნებს. აქციაზე პოლიციამ რამდენიმე ადამიანი დააკავა.ფრანგული მედიის თანახმად, ქვეყნის მასშტაბით აქციებში  250 ათასი ადამიანი მონაწილეობს.

1794072314

2027 წლის ცაზე რამდენიმე გადამწყვეტი ასტროლოგიური მოვლენა იკვეთება - დეტალურად

2027 წელი ასტროლოგიური თვალსაზრისით ერთ-ერთ ყველაზე დინამიკურ, ცვლილებებით სავსე და გარდამტეხ პერიოდად გვევლინება. ეს არ არის წელი, როდესაც მოვლენები ჩუმად და ინერციით ვითარდება — პირიქით, კოსმიური ენერგიები თითოეულ ადამიანს უბიძგებს გაბედული ინიციატივებისკენ, ილუზიების დამსხვრევისა და საკუთარი ცხოვრების სადავეების ხელში აღებისკენ.აღმოსავლური კალენდარი: წითელი ცეცხლოვანი თხის (ცხვრის) წელიაღმოსავლური ჰოროსკოპის მიხედვით, 2027 წლის მმართველი წითელი ცეცხლოვანი თხა (ცხვარი) ხდება.თხა ასოცირდება შემოქმედებით ნიჭთან, არტისტულობასთან, ინტუიციასთან და ემოციურ სიღრმესთან, თუმცა ცეცხლის სტიქია მას განსაკუთრებულ ვნებას, სიჯიუტესა და ამბიციას მატებს. ეს კომბინაცია ნიშნავს, რომ:წარმატებას მიაღწევენ ადამიანები, რომლებიც საქმეს შემოქმედებითად და გულით უდგებიან.სტანდარტული, შაბლონური მიდგომები შედეგს ვეღარ გამოიღებს — საჭირო გახდება ორიგინალურობა.ემოციური რყევების თავიდან ასაცილებლად უმნიშვნელოვანესი იქნება შინაგანი ბალანსის შენარჩუნება.მთავარი ასტროლოგიური ტენდენციები და პლანეტარული გავლენები2027 წლის ცაზე რამდენიმე გადამწყვეტი ასტროლოგიური მოვლენა იკვეთება:სატურნის გავლენა ვერძში:დისციპლინისა და კარმის პლანეტა სატურნი ვერძის ენერგიას უკავშირდება. ეს არის დრო, როდესაც ენერგია და ამბიციები უაზრო იმპულსურობას კი არა, მკაფიო სტრატეგიასა და პასუხისმგებლობას უნდა დაექვემდებაროს. ლიდერობის გამოვლენა და საკუთარი გზის გაკაფვა წლის ერთ-ერთი უმთავრესი გამოცდა იქნება.იუპიტერის მოძრაობა — თვითგამოხატვიდან პრაქტიკულ შედეგებამდე:წლის განმავლობაში იუპიტერი ხაზს უსვამს ჯერ შემოქმედებითობას, ავტორიტეტსა და თავდაჯერებულობას, ხოლო წლის მეორე ნახევარში პრაქტიკულ მიღწევებს, დეტალებზე ორიენტაციასა და ჯანმრთელობაზე ზრუნვას. ეს შესანიშნავი შესაძლებლობაა ახალი უნარების ასათვისებლად და კარიერული წინსვლისთვის.ილუზიებისგან გათავისუფლება:ნეპტუნისა და უმაღლესი პლანეტების ასპექტები გვაიძულებს, რეალობას თვალი პირდაპირ გავუსწოროთ. ვარდისფერი სათვალე მსხვრევადია, რაც თავიდან შეიძლება მტკივნეული იყოს, მაგრამ საბოლოოდ რეალურ, მყარ საძირკველს ქმნის.

1794071042

დღესასწაულის თერაპია - როგორ მოქმედებს წინასაახალწლო სამზადისი ჩვენს განწყობაზე

დეკემბრის მიწურულს ქალაქის რიტმი საგრძნობლად იცვლება. ქუჩებში ინთება ილუმინაციები,  ყოველდღიურ რუტინას კი სასიამოვნო, აჩქარებული ფაციფუცი ანაცვლებს. ხშირად თავად ახალ წელზე მეტად ადამიანებს სწორედ ეს პერიოდი ამახსოვრდებათ - სამზადისი, როდესაც ჩვეულებრივი სივრცე და გარემო ზღაპრულ მოლოდინად გარდაიქმნება.საახალწლო სამზადისის ცენტრალური ეპიზოდი ყოველთვის ნაძვის ხის მორთვაა. ეს არ არის მხოლოდ ინტერიერის განახლება; ეს ერთგვარი ოჯახური რიტუალია, სადაც თითოეულ სათამაშოს საკუთარი ისტორია აქვს:ძველი, შუშის ფაქიზი სათამაშოები, რომლებიც ბებია-ბაბუის დროიდან შემოინახა, ახალ, თანამედროვე დეკორაციებთან ერთად განსაკუთრებულ ემოციურ მუხტს ქმნის. ქართულ ტრადიციაში თხილის ტოტებისგან გამოთლილი თოვლივით თეთრი ჩიჩილაკი სიცოცხლის ხის, უხვი მოსავლისა და მზის სხივების სიმბოლოა, რომელიც სახლში ბარაქასა და სიმშვიდეს იზიდავს.საახალწლო სამზადისის ყველაზე გემრიელი და შრომატევადი ნაწილი სამზარეულოში იწყება. ქართული საახალწლო სუფრა უძველესი რიტუალების ნაზავია.ფსიქოლოგები ხშირად აღნიშნავენ, რომ საახალწლო სამზადისს თერაპიული ეფექტი აქვს:სახლის დალაგება და ძველის გაშვება: წლის ბოლოს სახლის გენერალური დასუფთავება ადამიანს ქვეცნობიერად ეხმარება დაგროვილი დაღლილობისგან და უარყოფითი ენერგიისგან გათავისუფლებაში. როდესაც ახალ ბლოკნოტს ვშლით და ახალი წლის სურვილებს ვწერთ, საკუთარ თავს ვაძლევთ ნებას, დავიწყოთ სუფთა ფურცლიდან.ქართული მეკვლეობის ტრადიცია გვაჩვენებს, რამდენად დიდია ადამიანის რწმენა, რომ სიკეთის, სიხარულისა და მშვიდობის მოლოდინი რეალობად იქცევა.საახალწლო სამზადისი არის დრო, როდესაც დრო თითქოს ანელებს სვლას, ოჯახის წევრები ერთმანეთს უახლოვდებიან და ყველას დიდსა თუ პატარას  ეძლევა შანსი, კიდევ ერთხელ ირწმუნოს სასწაულების.

1794068885

ლოცვა, რომელიც წელიწადში მხოლოდ ერთხელ უნდა წაიკითხოთ

არსებობს ერთი ლოცვა, რომელსაც წელიწადში მხოლოდ ერთხელ კითხულობენ.ამბობენ, რომ მას შეუძლია საგვარეულო წყევლის გაწყვეტა მე-12 თაობამდე. - ლოცვას ავრცელებს გვერდი “მართლმადიდებლური თეოლოგია.“„უფალო, გთხოვ, შემინდე მე და მთელ ჩემს ოჯახს. მათ, ვინც ჩემამდე იყვნენ, ვინც ახლა არიან და მათ, ვინც კიდევ მოვლენ. განწმინდე ჩვენი გულები და გაგვათავისუფლე ყოველივე წყევლისგან, ტვირთისა და სასჯელისგან. უფალო, განაგრძე ჩემი სიცოცხლე, მაგრამ ნუ წამართმევ გონების სიმკვეთრეს. დაე, ჩემი სახლი იყოს სავსე სითბოთი და მშვიდობით, და ნურასდროს მოგვაკლდება წყალი და საკვები. დაიფარე ჩემი ოჯახი ტკივილისგან, შურისგან, ცილისწამებისა და ყოველგვარი ბოროტებისგან. აკურთხე ჩემი შვილები, ჩემი შთამომავლები და ყველა, ვინც მიყვარს. ნუ დამაშორებ მათ და ნუ მაყურებინებ მათ ტანჯვას. მოგვეცი ძალა სირთულეებში, რწმენა განსაცდელში და შინაგანი მშვიდობა, რათა ყოველთვის შევძლოთ წინ სვლა“.

1794067088

სააკაშვილი წერს, რომ ჰილარი კლინტონი ისრაელის იმ ორი მოქალაქის ციხიდან უპირობა გათავისუფლებას სთხოვდა, რომლებმაც საქართველოს ბიუჯეტიდან 130 მილიონის მოპარვა სცადეს

მიხეილ სააკაშვილი წერს, რომ ჰილარი კლინტონი ისრაელის იმ ორი მოქალაქის ციხიდან უპირობო გათავისუფლებას სთხოვდა, რომლებმაც საქართველოს ბიუჯეტიდან 130 მილიონის მოპარვა სცადეს.,,მახსენდება ასეთი შემთხვევა. ჩვენ კონგრესში გვყავდა დიდი მეგობარი, ჯოზეფ ლიბერმანი, რომელიც ორთოდოქსი ებრაელია და ისრაელის მთავარი დამცველი იყო მაშინ ამერიკაში. ჩვენთან 2010 წელს დააკავეს ისრაელის ხელისუფლებასთან ძალიან დაახლოებული ორი ისრაელელი აფერისტი, რომელიც ჩვენი ბიუჯეტიდან 130 მილიონის მოპარვას ცდილობდა ყალბი დოკუმენტებით, ხოდა ჩვენი პრინციპული პოზიცია იყო, რომ არ გავუშვებდით სანამ ამ ფულზე უარს არ იტყოდნენ. უამრავი ისრაელის ლობისტი, მთელი მსოფლიოდან დამიკავშირდა მაშინ, ამ აფერისტული დუეტის გაშვების მოთხოვნით. დამირეკა სახელმწიფო მდივანმა, ჰილარი კლინტონმაც, უპირობო გათავისუფლების მოთხოვნით“, - წერს სააკაშვილი სოციალურ ქსელში. 

1794066684

“დვალიშვილი ყველაზე რთული მეტოქე არ ყოფილა", - პიოტრ იანი

პიოტრ იანმა მერაბ დვალიშვილთან ბრძოლის შესახებ ისაუბრა. სუპერმსუბუქი დივიზიონის ჩემპიონმა აღნიშნა, რომ ბოლო დაპირისპირება არ ყოფილა მის კარიერაში ყველაზე რთული და არც ქართველი მებრძოლია ყველაზე რთული მოწინააღმდეგე."ტიტულის დაცვის შემდეგ არანაირი ემოციური დაცემა არ მაქვს. პირიქით, ამ მომენტით უნდა ვისიამოვნო – სხვა შესაძლებლობა შეიძლება აღარც იყოს. დვალიშვილთან ჩხუბი საერთო ჯამში ჩემი კონტროლით მიმდინარეობდა. მართალია, 1-ელ რაუნდებში ის მაკავებდა და თავის საქმეს აკეთებდა, მაგრამ რეალური ზიანი არ მოუყენებია.რა თქმა უნდა, რისკი არსებობდა, თუმცა ბრძოლისთვის ეს ნორმალურია. აქ ყოველთვის შეიძლება დარტყმა გაატარო ან კონტროლი დაკარგო. ვერ ვიტყვი, რომ მერაბი ჩემს კარიერაში ყველაზე რთული მოწინააღმდეგეა. ის ძლიერი, გამძლე და ღირსეული მებრძოლია. სხვა ოპონენტებიც მყოლია და მსგავსი ჩხუბებიც მქონია.ასეთი რთული ბრძოლები საკუთარ შესაძლებლობებს უკეთესად გიხსნის - ეს თვითგანვითარებაა, რაც ძალიან კარგია. დვალიშვილთან ჩვენს ტრილოგიაში საკმარისი უნარები შევიძინე, რაც ფანტასტიკურია.მე მერაბთან ვადამდე ადრე მოგებაზე არ ვიყავი ორიენტირებული", -განაცხადა რუსმა მებრძოლმა.წყარო:

1794066461

რიგებია ჩინეთის საერთაშორისო იმპორტის გამოფენაზე ქართულ პავილიონთან, სადაც ეკონომიკისა და მდგრადი განვითარების სამინისტროს, სსიპ ინვესიტიციების სააგენტოს ორგანიზებითა და თანადაფინანსებით 37 ქართული კომპანია იმყოფება - თამთა მეგრელიშვილი

ქართული პროდუქციისა და ბიზნესის მიმართ ჩინეთში ინტერესი სულ უფრო იზრდება, - წერს სოციალურ ქსელში „ხალხის ძალის“ წევრი თამთა მეგრელიშვილი, რითაც ჩინეთში მიმდინარე საერთაშორისო იმპორტის გამოფენაზე ქართული პავილიონის მიმართ გაზრდილ ინტერესსა და რიგებს ეხმიანება.როგორც „ხალხის ძალის“ წარმომადგენელი აცხადებს, ჩინელი მოქალაქეებისა და ბიზნესსექტორის მხრიდან მზარდი ინტერესი მეტ ექსპორტირებულ ქართულ პროდუქტს, ადგილობრივი წარმოების გაფართოებას, ახალ სამუშაო ადგილებს და, რაც მთავარია, ჩვენი ქვეყნის ეკონომიკურ მდგრადობას ნიშნავს.„სწორად განსაზღვრული ეკონომიკური პოლიტიკა და მიზანმიმართული სტრატეგია, კერძოდ, საერთაშორისო გამოფენებში ქართული სტენდების ორგანიზებული და მასშტაბური მონაწილეობა;წამყვან ჩინურ იმპორტიორებთან პირდაპირი კავშირების დამყარება და სახელმწიფოს მხრიდან ექსპორტის ხელშეწყობის პროგრამები, რომლებიც ადგილობრივ მწარმოებლებს გლობალურ სტანდარტებთან ადაპტაციაში ეხმარება, კონკრეტულ და ხელშესახებ შედეგებს იძლევა.რიგებია ჩინეთის საერთაშორისო იმპორტის გამოფენაზე ქართულ პავილიონთან, სადაც ეკონომიკისა და მდგრადი განვითარების სამინისტროს, სსიპ ინვესიტიციების სააგენტოს ორგანიზებითა და თანადაფინანსებით 37 ქართული კომპანია იმყოფება.ჩინელი მოქალაქეებისა და ბიზნესსექტორის მხრიდან მზარდი ინტერესი მეტ ექსპორტირებულ ქართულ პროდუქტს, ადგილობრივი წარმოების გაფართოებას, ახალ სამუშაო ადგილებს და, რაც მთავარია, ჩვენი ქვეყნის ეკონომიკურ მდგრადობას ნიშნავს.მსოფლიოს ერთ-ერთ უმსხვილეს ბაზარზე გასვლა ნიშნავს, რომ ქართული ექსპორტი აღარ იქნება დამოკიდებული მხოლოდ რამდენიმე ტრადიციულ რეგიონულ ბაზარზე.სავაჭრო პარტნიორების გეოგრაფიის გაფართოება ჩვენს ეკონომიკას უფრო მდგრადსა და დაცულს გახდის გარეგანი შოკებისგან.გაიზრდება საქართველოში პირდაპირი ინვესტიციების განხორციელების მიმართ ინტერესიც.ეს კი ერთობლივი საწარმოების შექმნას, ტექნოლოგიების ტრანსფერს და ინფრასტრუქტურის განვითარებას ნიშნავს.ქვეყნებს შორის აქტიური სავაჭრო ურთიერთობები გააძლიერებს საქართველოს როლს „შუა დერეფნის“ პროექტში.ქართული სახელმწიფო უნდა იყოს მნიშვნელოვანი და საიმედო ხიდი აზიასა და ევროპას შორის“, - წერს სოციალურ ქსელში თამთა მეგრელიშვილი.