1726943669
ბერი ანდრიას სახელობის საქველმოქმედო ფონდს საქართველოს საფეხბურთო ნაკრების წევრმა ლუკა ლოჩოშვილმა 30,000 ლარი აჩუქა.აღნიშნული საჩუქარი ფონდის ხელმძღვანელობას ლეგენდების მატჩის დაწყებამდე დედაქალაქის მერმა კახა კალაძემ გადასცა.
სოციალური თემა
1726345711
როდიდან და ვის დაუფინანსებს სახელმწიფო კომუნალურ გადასახადებს - დეტალები ტარიფების შესახებ
ზამთრის მოახლოებასთან ერთად, მოსახლეობისათვის კომუნალური გადასახადების თემა განსაკუთრებით აქტუალურია. დღეს გაგიზიარებთ ბოლო ინფორმაციას, ამ ეტაპისთვის, რა ტარიფით მოგეწოდებათ ელექტროენერგია:"თელასის" სამომხმარებლო აბონენტებისათვის ტარიფი ასეა განსაზღვრული:თვეში 0-101 კვტ.სთ-ის ჩათვლით - 04 თეთრითვეში 101-301 კილოვატი - 19.05 თეთრითვეში 301 კილოვატზე ზემოთ - 23.54 თეთრი"ენერგო პროს" სამომხმარებლო აბონენტებისთვის, ტარიფი კი ასე გამოიყურება:თვეში 0-101 კვტ.სთ-ის ჩათვლით - 14.731 თეთრითვეში 101-301 კილოვატი - 18.707 თეთრითვეში 301 კილოვატზე ზემოთ - 23.227 თეთრიბუნებრივი აირის გადასახადს რაც შეეხება, "თბილისი ენერჯის" აბონენტებისთვის 1 კუბური მეტრის ღირებულება საყოფაცხოვრებო აბონენტებისათვის 53.971 თეთრია, ხოლო "სოკარის" აბონენტებისთვის 56.928 თეთრი.აღსანიშნავია, რომ თბილისის მერიის პროგრამა თბილისში რეგისტრირებული სოციალურად დაუცველი ოჯახებისთვის იანვარში, თებერვალში, მარტში, ნოემბერსა და დეკემბერში დარიცხული ელექტროენერგიის, დასუფთავებისა და წყლის გადასახადის სუბსიდირებას ითვალისწინებს.სუბსიდია გაიცემა წინა თვის 20 რიცხვის მდგომარეობით სოციალურად დაუცველი ოჯახების მონაცემთა ერთიან ბაზაში ქ. თბილისში რეგისტრირებულ ოჯახებზე, რომელთა სარეიტინგო ქულა არ აღემატება 200 000-ს და ოჯახის დეკლარაციაში მითითებული აქვთ საყოფაცხოვრებო სექტორის ელექტროენერგიის/დასუფთავების/წყლის აბონენტის ნომერი.სოციალურად დაუცველი ოჯახებისთვის, რომელთა სარეიტინგო ქულა არ აღემატება 70 000-ს, სუბსიდიის ჯამური ოდენობა განსაზღვრულია თვეში არაუმეტეს 106 ლარით, ხოლო სოციალურად დაუცველი ოჯახებისთვის, რომელთა სარეიტინგო ქულა 70 000-ზე მეტია და 200 000-ს არ აღემატება, სუბსიდიის ჯამური ოდენობა განსაზღვრულია თვეში არაუმეტეს 20 ლარით, დარიცხული გადასახადების მიხედვით, შემდეგი გამოთვლის მეთოდითა და პრიორიტეტებით:ა) დასუფთავების მოსაკრებელზე:ა.ა) აბონენტის ნომერზე, რომელზეც რეგისტრირებულია ერთი პირი 2,5 ლარის ოდენობით; ა.ბ) აბონენტის ნომერზე, რომელზეც რეგისტრირებულია ორი პირი 5 ლარის ოდენობით;ა.გ) აბონენტის ნომერზე, რომელზეც რეგისტრირებულია სამი პირი 7,5 ლარის ოდენობით; ა.დ) აბონენტის ნომერზე, რომელზეც რეგისტრირებულია ოთხი და მეტი პირი 10 ლარის ოდენობით;ბ) წყლის გადასახადზე 4,52 ლარის ოდენობით;გ) ელექტროენერგიაზე, აბონენტის მიერ, ფაქტიურად მოხმარებული ელექტროენერგიის რაოდენობის მიხედვით ხარჯის შესაბამისად.კომუნალური სუბსიდია აისახება კომუნალური გადასახადის ერთიანი გადახდის ქვითარზე, სოციალური მომსახურების სააგენტოდან მოწოდებული ბაზის საფუძველზე და დამატებით სადმე მიმართვა საჭირო არ არის. მთავარია, თავდაპირველად, თქვენი აბონენტის ნომერი სოციალური მომსახურების სააგენტოს მიაწოდოთ, შემდეგ კი ავტომატურად დაიფარება თანხა.ჯანდაცვის სამინისტრო კი სოციალურად დაუცველ მოსახლეობას, რომელთა სარეიტინგო ქულა 150 ათასზე დაბალია და მოიხმარენ 200 კილოვატამდე ელექტროენერგიას, კილოვატის ღირებულებას 3,5 თეთრით შეუმცირებს. ქალაქ თბილისში, ქალაქ რუსთავში ან მცხეთაში მცხოვრები ადამიანებისათვის, წყალს კი არაუმეტეს 100 ლარისა აანაზღაურებს. აღსანიშნავია, რომ სუბსიდირების პროგრამა ბუნებრივ აირზე გადასახადის ანაზღაურებას არ გულისხმობს.დამატებითი ინფორმაციისათვის შეგიძლიათ, მიმართოთ ჯანდაცვის სამინისტროს ცხელ ხაზზე: 15 05, ან თბილისის მერიას: 032 272 22 22
1726172464
ინფორმაცია მათთვის, ვინც სამსახურს ეძებს... - „ხელფასები 1000-დან 2000 ლარამდე მერყეობს“
დედაქალაქის მერია 400-მდე ვაკანსიას აცხადებს. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.მისი ინფორმაციითვე, საუბარია, შპს „თბილსერვის ჯგუფში“ არსებულ ვაკანსიებზე.„მინდა, მოგაწოდოთ ინფორმაცია ვაკანსიების შესახებ. თბილისის მერიის შპს „თბილსერვის ჯგუფს“ აქვს ვაკანსიები. არის როგორც დასუფთავების, ისე სანიაღვრე და გარე განათების ქსელის მიმართულებით.საერთო ჯამში, სხვადასხვა პოზიციაზე 398 ადამიანის დასაქმება არის შესაძლებელი. 90% დასუფთავების დეპარტამენტზე მოდის, მათ შორის სპეცტექნიკის 60-მდე მძღოლის პოზიციას.რაც შეეხება ანაზღაურების ოდენობას, ხელფასები 1000-დან 2000 ლარამდე მერყეობს. „თბილსერვისში“ დასაქმების მსურველებს შეუძლიათ მიმართონ კომპანიის ოფისებს. მართლაც გვიჭირს დიდ მანქანებზე, სპეცტექნიკაზე, მძღოლების პრობლემაა და ამ მიმართულებით, 400-მდე ადამიანის მიღება შეგვიძლია,“- აღნიშნა კალაძემ.
1725436100
4 სექტემბრიდან, სოციალურად დაუცველი, მრავალშვილიანი ოჯახის წევრი და შეზღუდული შესაძლებლობის სტატუსის მქონე სტუდენტებისთვის 2024-2025 სასწავლო წლის შემოდგომის სემესტრის სწავლის საფასურის დაფინანსების მიზნით განცხადებების მიღება იწყება - ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე განაცხადა.კახა კალაძის თქმით, სტუდენტთა დაფინანსების პროგრამა ყოველწლიურად ვითარდება და პროგრამის ამოქმედებიდან დღემდე ფინანსური მხარდაჭერა 20 000-მდე სტუდენტს გაეწია."თბილისის მერია ახორციელებს სტუდენტთა მხარდაჭერის, მათი სწავლის ხელშეწყობის და პროფესიული განვითარების არაერთ საგანმანათლებლო პროგრამას. ერთ-ერთი ძალიან მნიშვნელოვანი პროგრამა მოიცავს სტუდენტების სწავლის დაფინანსებას, რომლისფარგლებში სოციალურად დაუცველ სტუდენტებს, მრავალშვილიანი ოჯახის წევრ სტუდენტებს და შეზღუდული შესაძლებლობის სტატუსის მქონე სტუდენტებს უფინანსდებათ სწავლა სამივე აკადემიურ საფეხურზე (ბაკალავრიატი, მაგისტრატურა და დოქტორანტურა).ძალიან კარგად მესმის, თუ რამდენად მნიშვნელოვანია სტუდენტების ხელშეწყობა, მხარდაჭერა, შესაბამისად, ეს პროგრამა გაგრძელდება", - განაცხადა კახა კალაძემ.პროგრამის ფარგლებში დაფინანსდებიან თბილისის მუნიციპალიტეტის ტერიტორიაზე რეგისტრირებული პირები, რომლებიც ირიცხებიანბაკალავრიატის, მაგისტრატურის ან დოქტორანტურის აკადემიურ საფეხურზე, აქვთ სტუდენტის აქტიური სტატუსი და არიან სოციალურად დაუცველი ოჯახების ერთიან ბაზაში, ან მრავალშვილიანი ოჯახის წევრები ან აქვთ შეზღუდული შესაძლებლობის სტატუსი."გასაცემი დაფინანსების ოდენობა დამოკიდებულია სტუდენტის მიერ წინა სემესტრში გავლილ საგნებში მიღებული შეფასებების საშუალო არითმეტიკული ქულაზე, რომლის მიხედვით სტუდენტებს შეუძლიათ მიიღონ სემესტრული თანხის ფარგლებში, რომელიც 1125 ლარია, 50, 70 ან 100%-იანი დაფინანსება. განცხადებების მიღება გაგრძელდება 2024 წლის 30 ნოემბრის ჩათვლით", - განაცხადა თბილისის მერმა.
1719829915
ამ სფეროში დასაქმებულებს დღეიდან ხელფასები გაეზარდათ
დღეიდან მასწავლებლების ხელფასი გაიზარდა. 37 ათას მასწავლებელს, რაც პედაგოგთა 70%-ს შეადგენს, ხელფასი 500-დან 800 ლარამდე გაეზარდა. 25%-ს ანაზღაურება საშუალოდ 300-დან 400 ლარამდე. დარჩენილ 5%-ს კი, მინიმუმ 200 ლარიანი სახელფასო მატება აქვს.ახალი სახელფასო სისტემა მასწავლებლების ღირსეულ ანაზღაურებას და სკოლებში ხარისხიანი განათლების უზრუნველყოფას ისახავს მიზნად.
1719142560
55 წლის ბაკურ ასიტაშვილს საზოგადოების დახმარება სჭირდება
სოციალურ ქსელში 55 წლის ბაკურ ასიტაშვილის დახმარების თხოვნით ინფორმაცია ვრცელდება.„55 წლის ბაკურ ასიტაშვილს სასწრაფოდ სჭირდება ჩვენი დახმარება. მისი დიაგნოზია ,იშემიური კარდიომიოპათია, რაც საჭიროებს გულის გადანერგვას და სასწრაფოდ გადაყვანას ბელარუსში, რაც დაკავშირებულია ძალიან დიდ ფინანსებთან, ოპერაციისთვის საჭიროა 101 850 ევრო. ჯანდაცვამ დააფინანსა 30 500 ლარი, მერიამ 20 000 ლარი, ძალიან ცოტა დრო გვაქვს დარჩენილი… გთხოვთ ვისაც შეგიძლიათ დახმარება დაგვეხმაროთ, ან გადააზიაროთ პოსტი საქართველოს ბანკი : #GE55BG0000000161222356 მიმღები თეონა ასიტაშვილი . . თიბისი ბანკი : #GE75TB7349445061100105 მიმღები თეონა ასიტაშვილი #დავეხმაროთ“ წერია სოციალურ ქსელში გავრცელებულ განცხადებაში.
1718729470
როდიდან მიიღებენ მასწავლებლები გაზრდილ ხელფასებს და ვის რამდენი ლარით მოემატება ანაზღაურება
საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილი გადაცემაში "დილა მშვიდობისა საქართველო" საუბრობს, როდიდან მიიღებენ მასწავლებლები გაზრდილ ანაზღაურებას და ვის რამდენი ლარით მოემატება ხელფასი. - საქართველოს მთავრობის გადაწყვეტილებით, იმ პედაგოგებს, რომლებიც საჯარო სკოლებში ასწავლიან და არიან სტატუსიანი პედაგოგები, ანუ კომპეტენცია დადასტურებული აქვთ,საუბარია 52 211 მასწავლებელზე, სახელფასო ანაზღაურება მნიშვნელოვნად ეზრდება. ამ პედაგოგების 70%-ს, 37 ათას მასწავლებელს, ხელფასი 500, 600, 700 და 800 ლარით გაეზრდება. 25%-ს, 13 ათას პედაგოგს, ხელფასი 300-დან 400 ლარამდე ეზრდება, ხოლო 5%-ს, 2300-2400 პედაგოგს, ხელფასი მინიმუმ 200 ლარიდან 300 ლარამდე ეზრდება. მთლიან კორპუსში, ანუ 52 ათასზე მეტი მასწავლებლიდან, არც ერთი მასწავლებელი არ დარჩება, რომელსაც ხელფასი მინიმუმ 200 ლარით არ გაეზრდება. ახალი ფორმულით ხელფასს მასწავლებლები უკვე ივლისის დასაწყისიდან აიღებენ. ივლისისა და აგვისტოს თვის საშვებულებო ანაზღაურების ჩარიცხვა ივლისის დასაწყისში მოხდება. ანაზღაურება მასწავლებლის მიერ ჩატარებული საათების რაოდენობას დაეფუძნება. გათვალისწინებულია კვალიფიკაცია, განათლება, ხარისხი, სტაჟი. 52 211 პედაგოგში უფროსის, წამყვანისა და მენტორის სტატუსის მქონე მასწავლებლები იგულისხმება. სტატუსის დანამატმა კონკრეტული ფუნქციის შესასრულებლად უნდა იარსებოს. ჩვენი მთელი აქტივობა მიდის იქითკენ, რომ მასწავლებელმა რაც შეიძლება, ხარისხიანი გაკვეთილი ჩაატაროს, მოსწავლისთვის ეცალოს და არ იყოს გადართული იმაზე, როგორ მოემზადოს გამოცდებისთვის, რომ კომპეტენცია დაადასტუროს და ხშირ შემთხვევაში, მხოლოდ იმიტომ, რომ მაღალი ანაზღაურება აიღოს.
1718608422
ნახეთ, ხართ თუ არა იმ პირთა სიაში, ვისაც ივლისიდან ხელფასი გაეზრდება
პირველი ივლისიდან საჯარო სტატუსის მქონე ყველა მასწავლებელს ანაზღაურება საშუალოდ, 500 ლარით გაეზრდება. ამის შესახებ ინფორმაციას განათლებისა და მეცნიერების სამინისტრო ავრცელებს. აღნიშნულ თემაზე განაცხადა ასევე პარლამენტში სიტყვით გამოსვლისას განათლების მინისტრმა, გიორგი ამილახვარმა.მინისტრის განცხადებით, 2024 წლის 1-ელი ივლისიდან სრული დატვირთვის პირობებში, მასწავლებლების ხელფასი, სტატუსის მიუხედავად, საშუალოდ 500 ლარით გაიზრდება.გარდა ამისა, გიორგი ამილახვარმა ისაუბრა უფასო კვებასთან დაკავშირებულ სასკოლო მოდელზე. მისი თქმით, სამინისტრომ შეისწავლა თითოეული სკოლა და კონკრეტული მოდელები დაგეგმა. გიორგი ამილახვრის თქმით, ერთადერთი ხელისუფლება, რომელმაც ამ პრობლემის მოგვარება დაიწყო, "ქართული ოცნებაა". "საზოგადოებას მინდა სრულყოფილი ანგარიში ჩავაბარო. სამწუხაროდ, ოპონენტების ნაწილი არ არის, ამიტომ ვიცი, რომ იქნებოდა ამ თემაზე კითხვები. ისე დახატეს, თითქოს ჩვენ მიერ შექმნილია ეს პრობლემა და არ არსებობს 30 წელზე მეტია. ვინ, ვინ და ჩვენ მოვკიდეთ ხელი ამ რეფორმას და ვეჭიდებით. რეალურ ნაბიჯებს ვდგამთ, რომ დავიწყოთ ამ პროცესის განხორციელება.პირველი, ყველა არსებულ ბუფეტში, როგორც საჯარო, ისე კერძო სკოლებში, განვსაზღვრეთ ის მინიმალური სტანდარტები ჰიგიენის, სურსათის უვნებლობის პროდუქტთა ჩამონათვალი, რომელიც დასაშვებია ან არ არის დასაშვები იყოს სასკოლო სივრცეში. რა თქმა უნდა, ყველა შესაბამის უწყებასთან კონსულტაციაა გავლილი და ამან მეტ-ნაკლებად დაარეგულირა ის გამოწვევები, რომელიც არსებობდა.მეორე, სწორი ანალიზისთვის თითოეული სკოლა დეტალურად შევისწავლეთ, რომ კონკრეტულ მოდელებზე გადაწყვეტილება მიგვეღო. ამ მიზნით სამინისტროში დამტკიცდა სასკოლო კვების პროგრამა, სადაც ჩვენმა ექსპერტებმა თითოეული სკოლა აღწერეს, რომ კონკრეტული ეტაპები დაგვენერგა" ,- განაცხადა გიორგი ამილახვარმა.მინისტრის თქმით, უახლოეს პერიოდში სამინისტრო საზოგადოებას კონკრეტულ ვადებსა და მოდელებს გააცნობს, რომელიც სამინისტრომ სასკოლო კვებასთან დაკავშირებით დაგეგმა."მინდა საზოგადოებასდავპირდე, 1-2 თვის ფარგლებში, ჩვენ უკვე შევძლებთ კონკრეტული მოდელებით და კონკრეტული ვადებით, რომელ სკოლაში და რომელ რეგიონში დავიწყებთ ამ პროგრამას.არის ასეთი საერთაშორისო ორგანიზაცია - "კვება, ჯანმრთელობა და განათლება ყველა ბავშვისთვის"- ამის წევრი გახდა ჩვენი სამინისტრო, სადაც ეროვნული ვალდებულებები განვსაზღვრეთ და გავიზიარებთ წარმატებული ქვეყნების მაგალითსა და გამოცდილებას", - განაცხადა გიორგი ამილახვარმა.
1716993888
ნახეთ, რა თანხით დააფინანსებს მერია გაფანტული სკლეროზის დიაგნოზის მქონე თითოეულ პაციენტს
დედაქალაქის მერია წელიწადში, დაახლოებით, 25 000 ლარს გამოყოფს გაფანტული სკლეროზის დიაგნოზის მქონე თითოეული ბენეფიციარის მედიკამენტებისა და კვლევების დასაფინანსებლად, – ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე განმარტებით, მერია სკლეროზის სამკურნალო მედიკამენტებისა და კვლევების დაფინანსების პროგრამის ფარგლებში ორი სახის მედიკამენტს, ასევე, თავისა და ზურგის ტვინის მაგნიტურ-რეზონანსული ტომოგრაფიას აფინანსებს.„30 მაისი გაფანტული სკლეროზის საერთაშორისო დღეა. გაფანტული სკლეროზის სამკურნალო მედიკამენტებისა და კვლევების დაფინანსების პროგრამა 2020 წელს მედიკამენტების დაფინანსებით დაიწყო. მოგვიანებით პროგრამას მაღალტექნოლოგიური კვლევები დაემატა და დღემდე, მასში 250 მოქალაქე იყო ჩართული. მერია გაფანტული სკლეროზის დიაგნოზის მქონე მოქალაქეებისთვის უზრუნველყოფს ორი სახის მედიკამენტის, ასევე, თავისა და ზურგის ტვინის მაგნიტურ-რეზონანსული ტომოგრაფიის სრულად, 100%-ით დაფინანსებას“, – განაცხადა კახა კალაძემ.თბილისის მერის განცხადებით, დარგის სპეციალისტების რეკომენდაციით, დაფინანსება 60 წლის ასაკს ზემოთ მოქალაქეებსაც შეეხო.„ერთი ბენეფიციარის მედიკამენტებისა და კვლევების დასაფინანსებლად, ჯანდაცვისა და სოციალური მომსახურების საქალაქო სამსახურის ბიუჯეტში წელიწადში, დაახლოებით, 25 ათასი ლარია გათვალისწინებული. სამედიცინო წრეების შესაბამისი დარგის სპეციალისტების რეკომენდაციით, თავიდან პროგრამაში 15-დან 60 წლამდე ასაკის მოქალაქეები ჩავრთეთ, მოგვიანებით კი, მიდგომა შეიცვალა და დაფინანსება 60 წლის ასაკს ზემოთ მოქალაქეებსაც შეეხო. აღსანიშნავია, რომ შესაბამისი მედიკამენტების გამოყენებით დაავადების აქტივობის დათრგუნვაა შესაძლებელი და ამ დიაგნოზის მქონე მოქალაქეებს ყოველდღიურ საზოგადოებრივ საქმიანობაში ჩართვის შესაძლებლობა აქვთ“, – აღნიშნა კახა კალაძემ.
1716791980
ნახეთ, ხართ თუ არა იმ პირთა სიაში, ვისაც სესხებზე შენატანი შეუმცირდა
სებ-ის მონეტარული პოლიტიკის კომიტეტის გადაწყვეტილების შედეგად 180 000 მსესხებელს სესხი გაუიაფდა. ბოლო მონაცემებით, ცვლად საპროცენტო განაკვეთზე მიბმული 180 ათასი სესხია გაცემული, რომელთა უმრავლესობაც რეფინანსირების განაკვეთზეა მიბმული.სებ-ის გადაწყვეტილების შედეგად კი სწორედ ამდენივე მსესხებელს ყოველთვიურად სესხის დასაფარად შესატანი თანხის მოცულობა შეუმცირდება.საქართველოს ეროვნული ბანკის მონეტარული პოლიტიკის კომიტეტმა 2024 წლის 22 მაისს მონეტარული პოლიტიკის განაკვეთის (რეფინანსირების განაკვეთის) 0.25 პროცენტული პუნქტით (პპ) შემცირების გადაწყვეტილება მიიღო. მონეტარული პოლიტიკის განაკვეთი 8.0 პროცენტს შეადგენს.საქართველოს ეროვნული ბანკის ინფორმაციით, საქართველოში დაბალინფლაციური გარემო ნარჩუნდება და მთლიანი ინფლაცია კვლავ მიზნობრივი მაჩვენებლის ქვემოთაა."2024 წლის აპრილში ფასების საერთო დონე წლიურად 1.5 პროცენტით გაიზარდა, ხოლო საბაზო ინფლაციამ 2.3 პროცენტი შეადგინა. წინა თვესთან შედარებით ინფლაციის ზომიერი ზრდა მიმდინარე მწვავე გეოპოლიტიკური ვითარების გამო ნავთობის ფასების ზრდამ განაპირობა. დროულად და საკმარისად გამკაცრებული მონეტარული პოლიტიკის შედეგად, ადგილობრივი წარმოების პროდუქტების ფასების ცვლილება, მიზნობრივ 3 პროცენტიანი მაჩვენებლის გარშემო ნორმალიზდა. განახლებული პროგნოზით, 2024 წლის პირველ ნახევარში ინფლაცია, სხვა თანაბარ პირობებში, მიზნობრივი დონის ქვემოთ იქნება და შემდგომ 3%-იანი მაჩვენებლის გარშემო დასტაბილურდება.მიუხედავად პოზიტიური ტენდენციებისა, გაურკვევლობამ მოიმატა. როგორც შიდა, ისე გეოპოლიტიკური ვითარებიდან მომდინარე ინფლაციური რისკები გაზრდილია. ასევე საყურადღებოა, რომ ბოლო თვეებში ინფლაციური მოლოდინები მცირედ მომატებულია. ამასთან, სებ-ის შეფასებით, პანდემიამდელი ტრენდიდან ეკონომიკური აქტივობის ჩამორჩენა სრულად აღმოფხვრილია. შესაბამისად, ინფლაციური რისკის შემცველია მოსალოდნელზე ძლიერი შიდა მოთხოვნაც, რომელსაც ნაწილობრივ გაზრდილი საკრედიტო აქტივობა ასტიმულირებს. თუმცა საბაზო სცენარით, მოსალოდნელია, რომ 2024 წელს ეკონომიკური აქტივობა მისი პოტენციური დონის გარშემო დასტაბილურდება და 5.6%-ით გაიზრდება, რაც დამატებით ინფლაციურ წნეხს არ შექმნის.ზემოაღნიშნული ფაქტორების გათვალისწინებით და ამ ეტაპზე არსებული შიდა და გარე გამოწვევების ანალიზის შედეგად, საქართველოს ეროვნულმა ბანკმა მონეტარული პოლიტიკის განაკვეთი 0.25 პპ-ით, 8.0%-მდე შეამცირა. ეროვნული ბანკი მონეტარული პოლიტიკის განაკვეთის ნორმალიზაციას მხოლოდ ფრთხილი ბიჯებით გააგრძელებს. იმ შემთხვევაში, თუ ინფლაციის მოლოდინებზე ზრდის მიმართულებით მოქმედი ფაქტორები კვლავ გამოიკვეთა, შესაძლოა, მიმდინარე მკაცრი პოზიციის ხანგრძლივად შენარჩუნება ან მონეტარული პოლიტიკის დამატებით გამკაცრება გახდეს საჭირო”, - აცხადებენ სებ-ში.საქართველოს ეროვნული ბანკი მიმდინარე ეკონომიკურ პროცესებსა და საფინანსო ბაზრებს უწყვეტ რეჟიმში აკვირდება და ფასების სტაბილურობის უზრუნველსაყოფად მის ხელთ არსებულ ყველა ინსტრუმენტს გამოიყენებს.მონეტარული პოლიტიკის კომიტეტის შემდეგი სხდომა 2024 წლის 19 ივნისს ჩატარდება.
1716367223
„ერთი პაციენტისთვის 120 000 ლარი გამოიყოფა“ - კარგი ამბავი თბილისის მერიისგან
თბილისის მერიის ტრანსპლანტაციის პროგრამის ფარგლებში ღვიძლისა და ძვლის ტვინის (ღეროვანი უჯრედების) გადანერგვა სრულად, 100%-ით ფინანსდება, – ამის შესახებ დედაქალაქის მერმა, კახამ კალაძემ თბილისის მუნიციპალიტეტის მთავრობის სხდომაზე განაცხადა.მისი თქმით, პროგრამის ფარგლებში, ერთი პაციენტისთვის 120 000 ლარი გამოიყოფა, ადრე კი აღნიშნული მკურნალობა მხოლოდ 70 000 ლარით ფინანსდებოდა.„მინდა, ჩვენს მოქალაქეებს შევახსენო, რომ გვაქვს ძალიან ბევრი პროგრამა, როგორც ჯანდაცვის, ისე სოციალური მიმართულებით. თბილისის მერიის ტრანსპლანტაციის პროგრამის ფარგლებში ღვიძლისა და ძვლის ტვინის (ღეროვანი უჯრედების) გადანერგვა ფინანსდება. ძვლის ტვინის ტრანსპლანტაციის შემთხვევაში, ჯანდაცვისა და სოციალური მომსახურების საქალაქო სამსახური აფინანსებს გადანერგვის წინა კვლევებს, მაღალდოზირებულ ქიმიოთერაპიას, სამი სახის ტრანსპლანტაციას (აუტოლოგიური, ალოგენური, ჰაპლოიდენტური) და გადანერგვის შემდგომი პერიოდის მართვის პროცესს. თბილისის მერიას ერთი პაციენტის დასაფინანსებლად, 10-დან 235 ათას ლარამდე თანხა აქვს გათვალისწინებული. პროგრამის დაწყებიდან (2015 წელი) დღემდე, 1 074 შემთხვევა დაფინანსდა, რისთვისაც საქართველოსა და უცხოეთის კლინიკებში 60 მილიონ ლარამდე თანხა გადაირიცხა“, – განაცხადა კახა კალაძემ.დედაქალაქის მერმა მოქალაქეებს ჯანმრთელობა უსურვა და აღნიშნა, რომ მუნიციპალიტეტი, პრობლემის არსებობის შემთხვევაში, მათ ყოველთვის გვერდით დაუდგება.„რაც შეეხება ღვიძლის ტრანსპლანტაციას, აღნიშნულის საჭიროების შემთხვევაში, პროგრამით გათვალისწინებული დაფინანსება გაიზარდა და სრულად, 100%-ით ფინანსდება. ადრე ფინანსდებოდა 70 000 ლარით, დანარჩენს პაციენტი აფინანსებდა, რაც ძალიან მძიმე დატვირთვა იყო ოჯახებისთვის – არ ჰქონდათ შესაძლებლობა, რომ თუნდაც ის ნაწილი გადაეხადათ. შესაბამისად, მივიღეთ გადაწყვეტილება, რომ აღნიშნული მიმართულება 100%-ით დავაფინანსოთ. პროგრამის დაწყებიდან დღემდე, საქართველოში ღვიძლის გადანერგვის 45 შემთხვევა დაფინანსდა და ამისთვის, მერიამ 3 155 000 ლარი დახარჯა. მზად ვართ, ყველას თანადგომა გამოვუცხადოთ, საჭიროების შემთხვევაში. გვაქვს სხვა პროგრამებიც, რომლითაც ვეხმარებით მოქალაქეებს და ეს ყველაფერი გაგრძელდება მანამ, სანამ ამის აუცილებლობა იქნება“, – აღნიშნა თბილისის მერმა.
1714906783
2000 და 1000 ლარი საჩუქრად - ვის ჩაერიცხა მერიისგან საჩუქრად
ფაშიზმზე გამარჯვების დღესთან დაკავშირებით, მეორე მსოფლიო ომის ვეტერანებს – 2 000 ლარი, ხოლო ამ ომში დაღუპულთა ოჯახის წევრებს 1 000 ლარი ჩაერიცხათ. ინფორმაციას თბილისის მერია ავრცელებს.„თბილისის მერიის ჯანდაცვისა და სოციალური მომსახურების საქალაქო სამსახურმა, „ომის ვეტერანთა დახმარების“ პროგრამის ფარგლებში, შესაბამისი თანხა თბილისში რეგისტრირებულ 70 პირს ჩაურიცხა. კერძოდ, 20 00 ლარი მეორე მსოფლიო ომის მონაწილე 37-მა ვეტერანმა, ხოლო 1 000 ლარი ამ ომში დაღუპულთა ოჯახის (ქვრივი, შრომისუუნარო წევრი) 33-მა წევრმა მიიღო.თბილისის მერიამ თანხა ვეტერანთა საქმეების სახელმწიფო სამსახურის მიერ მოწოდებული ბაზის საფუძველზე, პირად საბანკო ანგარიშზე ჩარიცხა“, – ნათქვამია თბილისის მერიის ინფორმაციაში.
