1787232420

ლიანა ისაკაძის სახელობის საერთაშორისო ფესტივალი „ღამის სერენადები 2026“ ბორჯომში საზეიმოდ გაიხსნა

საქართველოს კულტურის სამინისტროს სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს, ბორჯომის მერიის, თბილისის მერიისა და ბათუმის მერიის მხარდაჭერით, ლიანა ისაკაძის სახელობის საერთაშორისო ფესტივალი „ღამის სერენადები 2026“ ტრადიციულად ბორჯომში, სასტუმრო „ბორჯომ-ლიკანში“ გაიხსნა.ფესტივალის ორგანიზატორთა ინფორმაციით, წლევანდელი ფესტივალის პროგრამა ჟანრობრივად განსაკუთრებულად მრავალფეროვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის დაბადებიდან 80 წლის იუბილე. ფესტივალში მონაწილეობას იღებენ მსოფლიოში აღიარებული ქართველი და უცხოელი მუსიკოსები, ასევე, ახალგაზრდა ნიჭიერი შემსრულებლები: ბეატრიჩე ვენეცი – დირიჟორი; იუკი სერინო – ვიოლინო; ანდრეს გაბეტა – ვიოლინო; მარიო სტეფანო პიეტროდარკი – ბანდონეონი; გლორია კამპანერი – ფორტეპიანო; იან-ერიკ გუსტავსიონი – ჩელო; ანა-ლიზა ბეზროდნი – ვიოლინო; სანდრო ნებიერიძე – ფორტეპიანო; სანდრო გეგეჭკორი – ფორტეპიანო; ნელო სალცა – საყვირი; მარიამ მაჩიტიძე – სოპრანო; ნიკოლოზ ვადაჭკორია – საყვირი; გიორგი შიოლაშვილი – ფორტეპიანო; ფესტივალის საბაზო ორკესტრი „საქართველოს ვირტუოზები“ – პირველი ვიოლინო ლელა მჭედლიძე, გია ყანჩელის სახელობის ახალგაზრდული ორკესტრი.21, 23 და 25 აგვისტოს ფესტივალის საკონცერტო საღამოები ქალაქ ბათუმში, დრამატულ თეატრში გადაინაცვლებს.„ქალაქ ბორჯომში ჩატარდა ლიანა ისაკაძის სახელობის საერთაშორისო ფესტივალის გახსნითი კონცერტი, ჩვენი სასიქადულო მუსიკოსის და დიდი ამაგის მქონე ადამიანის, რომელმაც მუსიკის განვითარებაში დიდი წვლილი შეიტანა. ასევე, აღვნიშნავთ მისი დაბადებიდან 80 წლის იუბილეს. სწორედ მისი იდეითა და ორგანიზებით ჩაეყარა საფუძველი ამ ფესტივალს ქალაქ ბორჯომში, სამცხე-ჯავახეთში და ბორჯომს დღეს უამრავი ადამიანი სტუმრობს. ბედნიერი ვარ, რომ მომეცა საშუალება, დავსწრებოდი ამ მნიშვნელოვანი ფესტივალის გახსნას“, – განაცხადა სამცხე-ჯავახეთის მხარის სახელმწიფო რწმუნებულმა, იოსებ ალიბეგაშვილმა.ბორჯომის მუნიციპალიტეტის მერის, მამუკა გელაშვილის განცხადებით, დიდი პატივია ტრადიციულად ქალაქ ბორჯომში უმაღლესი დონის ფესტივალის, „ღამის სერენადების“ ჩატარება.„ბორჯომის მუნიციპალიტეტი მზადაა, ყოველთვის მხარი დაუჭიროს ფესტივალს. მინდა, დიდი მადლობა გადავუხადო ორგანიზატორებს, სტუმრებსა და ქართველ და უცხოელ ვირტუოზ მუსიკოსებს აღნიშნული ფესტივალის ჩატარებისათვის“, – აღნიშნა ბორჯომის მუნიციპალიტეტის მერმა.ფესტივალ „ღამის სერენადების“ სამხატვრო ხელმძღვანელის, გიორგი ისაკაძის განცხადებით, უმნიშვნელოვანესია ბორჯომში ფესტივალის გამართვა და მნიშვნელოვანია, რომ ეს ტრადიცია აღდგა.„ბრწყინვალედ ჩაიარა გახსნითმა კონცერტმა, შესანიშნავად შეასრულეს გამორჩეული პროგრამა დირიჟორმა ბეატრიჩე ვენეციმ, სოლისტმა მევიოლინემ, იუკი სერინომ და ფესტივალის საბაზო ორკესტრმა, „საქართველოს ვირტუოზებმა“, პირველმა ვიოლინომ, ლელა მჭედლიძემ. ახლა კი ფესტივალი გადაინაცვლებს ქალაქ ბათუმში, სამი უმნიშვნელოვანესი კონცერტი გველოდება. წლევანდელი ფესტივალი ქალაქ თბილისში საზეიმოდ დაიხურება“, – განაცხადა გიორგი ისაკაძემ.„პირველად ვარ ქალაქ ბორჯომში, მოხარული ვარ, საოცრად ემოციური წუთებია. მსმენელის ემოციები, რომელიც ჩვენზე გადმოდის, სასწაულია. მიხარია, რომ ასეთი გულთბილი მაყურებელი და მსმენელი გვსტუმრობდა“, – აღნიშნა დირიჟორმა ბეატრიჩე ვენეციმ.ფესტივალის საინფორმაციო მხარდამჭერებს შორისაა საქართველოს პირველი არხი.

1787226592

„ღამის სერენადები 2026“ ბორჯომში საზეიმოდ გაიხსნა

ლიანა ისაკაძის  სახელობის საერთაშორისო ფესტივალი „ღამის სერენადები 2026“ ტრადიციულად ბორჯომში, სასტუმრო ბორჯომ-ლიკანში გაიხსნა საქართველოს კულტურის სამინისტროს, სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს, ბორჯომის მერიის, თბილისის მერიის, ბათუმის მერიის მხარდაჭერით. გახსნითი საღამო მქუხარე აპლოდისმენტების თანხლებით მიმდინარეობდა.წლევანდელი ფესტივალის პროგრამა ჟანრობრივად განსაკუთრებულად მრავალფორვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის, დაბადებიდან 80 წლის იუბილე. ფესტივალში მონაწილეობას იღებენ მსოფლიოში აღიარებული ქართველი და უცხოელი მუსიკოსები, ასევე ახალგაზრდა ნიჭიერი შემსრულებლები: ბეატრიჩე ვენეცი - დირიჟორი; იუკი სერინო - ვიოლინო; ანდრეს გაბეტა - ვიოლინო; მარიო სტეფანო პიეტროდარკი - ბანდონეონი; გლორია კამპანერი - ფორტეპიანო; იან-ერიკ გუსტავსიონი - ჩელო; ანა-ლიზა ბეზროდნი - ვიოლინო; სანდრო ნებიერიძე - ფორტეპიანო; სანდრო გეგეჭკორი - ფორტეპიანო; ნელო სალცა - საყვირი; მარიამ მაჩიტიძე - სოპრანო; ნიკოლოზ ვადაჭკორია- საყვირი; გიორგი შიოლაშვილი - ფორტეპიანო; ფესტივალის საბაზო ორკესტრი „საქართველოს ვირტუოზები“ - პირველი ვიოლინო ლელა მჭედლიძე, გია ყანჩელის სახელობის ახალგაზრდული ორკესტრი.21, 23 და 25 აგვისტოს ფესტივალის საკონცერტო საღამოები ქალაქ ბათუმში დრამატულ თეატრში გადაინაცვლებს.იოსებ ალიბეგაშვილი, სამცხე-ჯავახეთის მხარის სახელმწიფო რწმუნებული:"ქალაქ ბორჯომში ჩატარდა ლიანა ისაკაძის სახელობის საერთაშორისო ფესტივალის გახსნითი კონცერტი, ჩვენი სასიქადულო მუსიკოსის და დიდი ამაგის მქონე ადამიანის, რომელმაც მუსიკის განვითარებაში დიდი წვლილი შეიტანა. ასევე ავღნიშნავთ მისი დაბადებიდან 80 წლის იუბილეს, სწორედ მისი იდეითა და ორგანიზებით ჩაეყარა საფუძველი ამ ფესტივალს ქალაქ ბორჯომში, სამცხე ჯავახეთში და ბორჯომს დღეს უამრავი ადამიანი სტუმრობს. ბედნიერი ვარ, რომ მომეცა საშუალება, დავსწრებოდი ამ მნიშვნელოვანი ფესტივალის გახსნას."მამუკა გელაშვილი, ბორჯომის მუნიციპალიტეტის მერი:"ჩვენთვის დიდი პატივია ტრადიციულად ქალაქ ბორჯომში უმაღლესი დონის ფესტივალის ,,ღამის სერენადების" ჩატარება, ბორჯომის მუნიციპალიტეტი მზადაა ყოველთვის მხარი დაუჭიროს ფესტივალს. დიდი მადლობა მინდა გადავუხადო ორგანიზატორებს, სტუმრებსა და ქართველ და უცხოელ ვირტუოზ მუსიკოსებს აღნიშნული ფესტივალის ჩატარებისათვის."გიორგი ისაკაძე, ფესტივალის ,,ღამის სერენადები" სამხატვრო ხელმძღვანელი:"ჩვენთვის უმნიშვნელოვანესია ქალაქ ბორჯომში ფესტივალის გამართვა. მნიშვნელოვანია, რომ ეს ტრადიცია აღდგა." ბრწყინვალედ ჩაიარა გახსნითმა კონცერტმა, შესანიშნავად შეასრულეს გამორჩეული პროგრამა დირიჟორმა ბიატრიჩე ვენეციმ, სოლისტმა მევიოლინე იუკი სერინომ და ფესტივალის საბაზო ორკესტრმა "საქართველოს ვირტუოზები" პირველი ვიოლინო ლელა მჭედლიძე. ახლა კი ფესტივალი გადაინაცვლებს ქალაქ ბათუმში, სამი უმნიშვნელოვანესი კონცერტი გველოდება. წლევანდელი ფესტივალი ქალაქ თბილისში საზეიმოდ დაიხურება.ბიატრიჩე ვენეცი, დირიჟორი:"პირველად ვარ ქალაქ ბორჯომში, მოხარული ვარ, საოცრად ემოციური წუთებია, მსმენელის ემოციები, რომელიც ჩვენზე გადმოდის, სასწაულია. მიხარია, რომ ასეთი გულთბილი მაყურებელი და მსმენელი გვსტუმრობდა."მხარდამჭერი: თბილისის ზაქარია ფალიაშვილის სახელობის ცენტრალური სამუსიკო სკოლა — „ნიჭიერთა ათწლედი“ მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი საფრანგეთიდან „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“ და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა მედია, საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

1787213239

აშშ-ის საელჩო: თითქმის ნახევარი საუკუნე გავიდა, რაც „ჩაკრულომ” კოსმოსური მოგზაურობა დაიწყო, ასე იქცა უნიკალური ქართული მრავალხმიანობა კაცობრიობის საერთო გზავნილის ნაწილად

დღეს თითქმის ნახევარი საუკუნე გავიდა, რაც „ჩაკრულომ“ კოსმოსური მოგზაურობა დაიწყო, – ამის შესახებ საქართველოში შეერთებული შტატების საეჩო სოციალურ ქსელში წერს.როგორც საელჩო წერს, 1977 წლის 20 აგვისტოს, ფლორიდის შტატის კეიპ კანავერალის კოსმოსური ცენტრიდან, NASA-მ გაუშვა ხომალდი Voyager 2, რომელმაც შორეულ კოსმოსში „ოქროს ფირფიტა“ წაიღო.„ეს ფირფიტა წარმოადგენდა ერთგვარ გზავნილს დედამიწიდან, იმ შემთხვევაში, თუ როდისმე მას სხვა ცივილიზაცია აღმოაჩენდა. მასზე ჩაწერილი მუსიკით, ფოტოებითა და მისასალმებელი სიტყვებით, მპოვნელი შეძლებდა გაეგო, თუ როგორი იყო სამყარო, საიდანაც ეს ხომალდი გაუშვეს. სწორედ ამერიკელთა ჯგუფის მიერ შერჩეულ ეგზემპლარებს შორის იყო ქართული „ჩაკრულო”. ასე იქცა უნიკალური ქართული მრავალხმიანობა კაცობრიობის საერთო გზავნილის ნაწილად“, – ნათქვამია აშშ-ის საელჩოს განცხადებაში.

1786875582

გელათის რეაბილიტაციის დროებითი კომიტეტი – ცალკეული ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე პროცესს

ცალკეული მუდმივმოქმედი ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე მასშტაბურ და უპრეცედენტო პროცესს, – ამის შესახებ გელათის რეაბილიტაციის დროებითი კომიტეტის განცხადებაშია ნათქვამი.როგორც კომიტეტში აცხადებენ, საზოგადოების მაღალი ინტერესიდან გამომდინარე, გელათის რეაბილიტაციის დროებითი კომიტეტი საჭიროდ მიიჩნევს, გამოეხმაუროს ბოლო პერიოდში სოციალურ ქსელებსა და მედიასივრცეში გავრცელებულ მორიგ დეზინფორმაციულ ცნობებს გელათში მიმდინარე საკონსერვაციო სამუშაოების თაობაზე.„სამწუხაროდ, ცალკეული მუდმივმოქმედი ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე მასშტაბურ და უპრეცედენტო პროცესს. საზოგადოებისადმი პატივისცემისა და სრული გამჭვირვალობის უზრუნველყოფის მიზნით, წარმოგიდგენთ დეტალურ განმარტებებს გავრცელებულ ბრალდებებთან დაკავშირებით. პირველ რიგში, დეზინფორმაციული კამპანიის ავტორების მხრიდან არის მცდელობა ეჭვქვეშ დადგეს კათედრალის დროებითი გადახურვის მართებულობის საკითხი და ვრცელდება უღირსი ცნობები, თითქოს ტაძარი ე.წ. „ცელოფნით“ არის გადახურული. საზოგადოებას შევახსენებთ, რომ გელათის ღმრთისმშობლის შობის სახელობის კათედრალის ერთიანი დროებითი გადახურვა 2020 წლიდან წარმოადგენდა მსოფლიო მემკვიდრეობის ცენტრის (WHC) პირდაპირ და მკაფიო ერთ – ერთ მთავარ მოთხოვნას. ქართველი სპეციალისტების მიერ წარმოდგენილი 19 და ერთიც იტალიური ჯგუფის მიერ შეთავაზებული საპროექტო წინადადებიდან, მხოლოდ გელათის რეაბილიტაციის დროებითი კომიტეტის ხელმძღვანელობითა და ქართველი და გერმანელი სპეციალისტების ერთობლივი ძალისხმევით შემუშავებული სტრუქტურის პროექტი აღმოჩნდა რეალურად განხორციელებადი, რომელიც ყველა ურთულეს გამოწვევას პასუხობს. საგულისხმოა, რომ აღნიშნულმა განხორციელებულმა პროექტმა მსოფლიო მემკვიდრეობის ცენტრისგან უმაღლესი შეფასება დაიმსახურა. რაც შეეხება უშუალოდ გადასახურ მასალას, იგი წარმოადგენს PVC ტიპის მაღალტექნოლოგიური ქსოვილს, რომელიც სამი თვის განმავლობაში სპეციალურად გელათისათვის იქსოვებოდა გერმანიაში, შესაბამის საწარმოში და სრულად აკმაყოფილებს საერთაშორისო საკონსერვაციო სტანდარტებს. აღსანიშნავია, რომ არა ერთიანი დროებითი გადახურვა, შეუძლებელი იქნებოდა ღმრთისმშობლის შობის სახელობის ტაძრის უხარისხო გადახურვების მოხსნა და იმ სველი ინერტული მასალის ამოღება, რომელსაც დღეს გელათის რეაბილიტაციის დროებითი კომიტეტი ახორციელებს.ასევე, უსაფუძვლოა მტკიცებები ინტერიერსა და კედლის მხატვრობასთან დაკავშირებით, თითქოს ტაძრის შიგნით ფრესკების მასობრივი ცვენა მიმდინარეობს. გელათის რეაბილიტაციის დროებითი კომიტეტი სრული პასუხისმგებლობით აცხადებს, რომ მსგავს ფაქტებს ადგილი არ აქვს. ღმრთისმშობლის შობის სახელობის ტაძარში ყველა კრიტიკული კერა დასტაბილურებულია და მიმდინარეობს გეგმური, ეტაპობრივი კონსერვაციის პროცესი. ამასთან, გავრცელებული წერილი, რომლის ავტორიც თავს „გელათის სტიქაროსნად“ მოიხსენიებს, შეიცავს ცრუ ინფორმაციებს, ხოლო აღნიშნული პიროვნება საერთოდ არ წარმოადგენს მონასტრის სტიქაროსანს ან მსახური სასულიერო პირების მრევლს. ამავე კონტექსტში გაჟღერდა მცდარი მოსაზრებები სადრენაჟე სისტემასთან დაკავშირებითაც. ისტორიული და არქეოლოგიური რეალობა ისაა, რომ წმინდა მეფე დავით აღმაშენებლის დროინდელმა სადრენაჟე არხებმა ფუნქციონირება შეწყვიტა 1510 წელს, ოსმალთა მიერ მონასტრის გადაწვის შემდეგ, რაც დასტურდება მონასტრის ტერიტორიაზე ჩატარებული არქეოლოგიური გათხრებით — სადრენაჟე სისტემა საუკუნეების განმავლობაში გამოვსებული იყო მიწით, ნაცრითა და ნახშირით.გელათის რეაბილიტაციის პროცესებისადმი სუბიექტურად და ტენდეციურად განწყობილ გარკვეულ წრეებში არასწორი აღქმა შეიქმნა კომიტეტის მიერ გამოქვეყნებული შუალედური ანგარიშის მიმართაც, რომელიც ტაძრების მიკროკლიმატის კვლევას ეხება. ჩვენთვის უცნობია ანგარიშის კრიტიკოსთა კომპეტენცია კლიმატოლოგიის კუთხით, თუმცა ხაზგასმით აღვნიშნავთ , რომ ზემოხსენებული კვლევის ავტორია იტალიელი პროფესორი დარიო კამუფო — კულტურული მემკვიდრეობის მიკროკლიმატის კვლევის სამეცნიერო დისციპლინის აღიარებული ფუძემდებელი, რომლის სახელმძღვანელოებითაც კლიმატოლოგიის დარგის სპეციალობებზე ევროპის წამყვან უნივერსიტეტებში სწავლობენ. შესაბამისად, გაუგებარია ბატონი კამუფოს ანგარიშში მოყვანილი სამეცნიერო მსჯელობების საფრთხის შემცველად მიჩნევა, რეალობა კი ის არის, რომ კლიმატოლოგიური პრობლემა, რომელიც გელათის კათედრალს აღენიშნება (და რომელიც საუკუნეების მანძილზე პროგრესირებს), ტიპიურია ყველა დიდი კათედრალისთვის, კერძოდ: იმდენად, რამდენადაც გაზაფხულზე ტემპერატურა იზრდება და იწყება ინტენსიური დათბობა, ამ დროს კი ტაძრის კედლები რომელთა სისქეც 170 სმ-ია, ზამთრის სიცივეს ინარჩუნებს და როდესაც მზისგან გამთბარი ჰაერი ინტერიერში შეედინება, ხდება ტაძრის იატაკისა და კედლების (დაახლოებით 70 სმ. სიმაღლემდე) დატენიანება/კონდესირება. ფიზიკის საკითხია, რომ სითბოსა სიცივის შეხებისას ჰაერში არსებული ტენი განიცდის კონდესაციას და მკვეთრი კონტრასტის დროს ნამის წვეთებიც კი წარმოიქმნება. ამიტომ, ერთ-ერთ აპრობირებულ გამოსავლად პროფესორი კამუფო იატაკის ნელ-ნელა შეთბობას გვთავაზობს, გაზაფხულის დათბობიდან ზაფხულის შუა პერიოდამდე, მანამ ვიდრე ტაძარის ტემპერატურა და გარე ტემპერატურა ისე არ გათანაბრდება, რომ კონდესაცია აღარ მოხდება.ხაზგასასმელია, რომ პროფესორ კამუფოს მიერ დასაშვებ მეთოდად დასახელებული იატაკის რეგულირებადი შეთბობა ჯერ მხოლოდ პირველადი სამუშაო ჰიპოთეზაა, რომელსაც ესაჭიროება შემდგომი დეტალური კვლევა და მრავალმხრივი დამუშავება. მსგავსი ტექნოლოგია წარმატებით არის დანერგილი ევროპის მრავალ ისტორიულ ტაძარში ტემპერატურული ცვალებადობით გამოწვეული კონდენსაციის პრევენციის მიზნით. გაუგებრობას იწვევს იტალიურ ინსტიტუტთან — Opificio delle Pietre Dure-თან გაფორმებულ მემორანდუმზე რეაგირებაც. ბრალდება, თითქოს მსოფლიოში ერთ-ერთი ყველაზე ავტორიტეტული რესტავრაციის ცენტრი ჩამოგვყავს ძეგლზე „ექსპერიმენტების“ ჩასატარებლად, ელემენტარული პროფესიული უმეცრება ან პროპაგანდაა. პროექტში გამოყენებული საერთაშორისო ტერმინი „Pilot restoration“ ნიშნავს საპილოტე (საცდელ) რესტავრაციას და არა ექსპერიმენტს. კედლის მხატვრობის რესტავრაციისას ეს გახლავთ მიღებული სტანდარტი: მთლიანი ფრესკის დამუშავებამდე, უმცირეს და ნაკლებად შესამჩნევ მონაკვეთზე მოწმდება საკონსერვაციო ხსნარებისა და მეთოდების უსაფრთხოება, და მხოლოდ დადებითი შედეგის მიღების შემდეგ იწყება სრულმასშტაბიანი პროცესი.ცინიკური და ფარისევლურია მათი მხრიდან გელათის მოზაიკაზე დიდი გულისტკივილით საუბარი, რადგან ჯერ კიდევ 1989 წელს, ბატონი კარლო ბაკურაძე, რომელმაც გელათის ღმრთისმშობლის კომპოზიციის მოზაიკას გადამრჩენი რესტავრაცია ჩაუტარა, წერს, რომ მოზაიკის კომპოზიცია 85%-ით არის მოშორებული საფუძველს. 1990 წლიდან, გელათის რეაბილიტაციის კომიტეტამდე, არავის უზრუნია გელათის უნიკალური მოზაიკის მდგომარეობის შესწავლაზე. აღნიშნულ მუდმივმოქმედ კრიტიკოსებს, რომლებიც წლების განმავლობაში დარგს ხელმძღვანელობდნენ, არცერთხელ მოუწვევიათ ერთი ექსპერტიც კი, რომ არათუ ხარაჩოდან, არამედ იატაკის დონიდან მაინც შეეფასებინათ უნიკალური მოზაიკის მდგომარეობა, რომელიც როგორც ბატონი კარლო ბაკურაძისა 80-იანი წლებისა და ბატონი რობერტო ნარდის ამჟამინდელი ანგარიშები ცხადყოფს, მოზაიკის დაზიანებების სიმძიმე პრაქტიკულად, იდენტურია. ასევე ცინიკური და ფარისევლურია, საკონსერვაციო სამუშაოების ხარისხზე იმ ადამიანების მხრიდან საუბარი, რომელთა უშუალო ხელმძღვანელობითაც ახლადაშენებულ ბაგრატის ტაძარში, სულ რაღაც ერთ წელიწადში, წყლის ჩადინების მასშტაბური პრობლემები შეიქმნა და ეს პრობლემა დღემდე დგას.მოვუწოდებთ კონკრეტული სუბიექტური მიზნებისა ამოცანების მქონე რამდენიმე ადამიანისაგან შემდგარ ჯგუფს, თავი შეიკავონ გელათის რეაბილიტაციის პროგრამის ფარგლებში მიმდინარე საკონსერვაციო სამუშაოების რეპუტაციული დაზიანების მცდელობებისა და საზოგადოების მიზანმიმართულად შეცდომაში შეყვანის მცდელობებისაგან და დაუბრუნდნენ ადამიანური და პროფესიული ეთიკის ნორმებს, ვინაიდან სიცრუემ და ცილისწამებამ მათ უკვე არაერთხელ დააკარგინა სახე. საზოგადოების მართებულად ინფორმირებულობისთვის კი, კიდევ ერთხელ სრული პასუხისმგებლობით ვაცხადებთ, რომ გელათის სამონასტრო კომპლექსში მიმდინარე საკონსერვაციო პროცესები უპრეცედენტოა თავისი მასშტაბით, სამეცნიერო სიღრმითა და საერთაშორისო ექსპერტთა ჩართულობით და შეესაბამება საკონსერვაციო სამუშაოების განხორციელების საერთაშორისო უმაღლეს სტანდარტებს“, – ნათქვამია გელათის რეაბილიტაციის დროებითი კომიტეტის განცხადებაში.

1786689409

ჩხოროწყუს ცენტრალურ პარკში დმანისის თეატრის დასმა სპექტაკლი "ხალდე" წარმოადგინა

ჩხოროწყუს ცენტრალურ პარკში დმანისის თეატრის დასმა სპექტაკლი "ხალდე" წარმოადგინა.სპექტაკლი თანამედროვეობის პერსპექტივიდან წარმოაჩენს თავისუფლებისთვის ბრძოლის სამაგალითო ამბავს; ის ხალდეს აჯანყებას ეძღვნება და ერთი სვანური სოფლის ისტორიას მოგვითხრობს. წარმოდგენას ახალგაზრდები და უფროსი თაობის წარმომადგენლები დაესწრნენ.პარალელურად, სამეგრელოში გრძელდება ახალგაზრდების შეხვედრები კულტურის სფეროს წარმომადგენლებთან.დღეს ზუგდიდში ჩხოროწყუელ ახალგაზრდებს დმანისის თეატრის სამხატვრო ხელმძღვანელი მსახიობებთან ერთად შეხვდება.გიორგი სიხარულიძე თეატრის მნიშვნელობაზე ისაუბრებს და ახალგაზრდების შეკითხვებს უპასუხებს.რეგიონული შეხვედრების ინიციატორია "ქართული ოცნების" ახალგაზრდული ორგანიზაცია და პარლამენტის კულტურის კომიტეტი, პროექტის მხარდამჭერი კი - კულტურის სამინისტროა.

1786452439

საქართველოს ეროვნული კინოცენტრი, ქვეყნის სახელით, ამერიკის კინოაკადემიის ჯილდოზე „ოსკარი“ ქართულ ფილმს წარადგენს

საქართველოს ეროვნული კინოცენტრი, ქვეყნის სახელით, ამერიკის კინოაკადემიის ჯილდოზე „ოსკარი“ ქართულ ფილმს წარადგენს. ინფორმაციას საქართველოს ეროვნული კინოცენტრი ავრცელებს.უწყების ცნობით, 2027 წლის 99-ე დაჯილდოების ცერემონიაზე ფილმს საერთაშორისო სრულმეტრაჟიანი ფილმის ნომინაციაში წარადგენენ.„ჯილდოზე წარსადგენი ფილმის შესარჩევად ეროვნულმა კინოცენტრმა კონკურსი გამოაცხადა, რომელზეც საკონკურსო განაცხადებს 4 აგვისტოდან 21 აგვისტოს 17:00 საათამდე მიიღებს.ამერიკის კინოაკადემიის ჯილდოზე წარსადგენი ფილმი უნდა აკმაყოფილებდეს რამდენიმე კრიტერიუმს, მათ შორის: ფილმის ქრონომეტრაჟი უნდა აღემატებოდეს 40 წუთს; უნდა იყოს წარმოებული საქართველოში; ფილმის დიალოგების 50% უნდა იყოს არა ინგლისურ ენაზე; ფილმი კომერციულ კინოთეატრში საჯაროდ ზედიზედ მინიმუმ 7 დღის განმავლობაში უნდა იყოს ნაჩვენები; შემოქმედებითი ჯგუფის უმრავლესობას უნდა შეადგენდნენ საქართველოს მოქალაქეები ან რეზიდენტები; ქვეყნის მიერ ნომინაციაზე წარსადგენი ფილმის დასრულების თარიღები უნდა მოიცავდეს 2025 წლის 1-ელი ოქტომბრისა და 2026 წლის 30 სექტემბრის შუალედს.განაცხადები უნდა გაიგზავნოს კინოცენტრის ოფიციალურ ფოსტაზე info@gnfc.ge. წარსადგენი დოკუმენტაციის შესახებ დეტალური ინფორმაცია კონკურსის თაობაზე იხილეთ ბმულზე.წარსადგენ კანდიდატ ფილმს სპეციალური კომისია ფარული კენჭისყრით გამოავლენს. შედეგები 2026 წლის 14 სექტემბრამდე გახდება ცნობილი“, - აღნიშნულია გავრცელებულ ინფორმაციაში.

1786432440

კულტურის სამინისტროს მხარდაჭერით, კულტურული მემკვიდრეობის დაცვის ეროვნული სააგენტო კასპის მუნიციპალიტეტის სოფელ ხოვლეში ივანე ჯავახიშვილის მემორიალური სახლ-მუზეუმის სრულ რეაბილიტაციას ახორციელებს

საქართველოს კულტურის სამინისტროს მხარდაჭერით, კულტურული მემკვიდრეობის დაცვის ეროვნული სააგენტო კასპის მუნიციპალიტეტის სოფელ ხოვლეში დიდი ქართველი მეცნიერისა და საზოგადო მოღვაწის, თბილისის სახელმწიფო უნივერსიტეტის ერთ-ერთი დამაარსებლის - ივანე ჯავახიშვილის მემორიალური სახლ-მუზეუმის სრულ რეაბილიტაციას ახორციელებს. სამუშაოების მიმდინარეობას საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი თეა ონიანი, მონიტორინგის სამსახურის უფროს გიორგი ტიკურიშვილთან ერთად, ადგილზე გაეცნო. უახლოეს პერიოდში დასრულდება ვიზიტორთა ცენტრისა და სახლ-მუზეუმის ეზოში განთავსებული ორი დამხმარე ნაგებობის მშენებლობა. რეაბილიტაციის შედეგად სრულად გაიწმინდება და აღდგება შენობის ფასადი, მოეწყობა ახალი სახურავი, რეკონსტრუქცია ჩაუტარდება აღმოსავლეთის ავარიულ კედელს, მოეწყობა მარანი და ვიზიტორთა მიღება-მომსახურების ცენტრი. გარდა ამისა, სახლ-მუზეუმის ტერიტორია ადაპტირებული იქნება შეზღუდული შესაძლებლობის მქონე პირთათვის. სახლ-მუზეუმში მსგავსი მასშტაბის სარეაბილიტაციო სამუშაოები პირველად ხორციელდება.

1786366197

კულტურის სამინისტრო: 22 ქართველი სტუდენტი ევროპის ცხრა ქვეყნის 17 სახელოვნებო სასწავლებელში იღებს განათლებას

საქართველოს კულტურის სამინისტროს ფინანსური მხარდაჭერით, ახალგაზრდებს შესაძლებლობა მიეცათ, აკადემიური პროგრამების ფარგლებში განათლება მსოფლიოს წამყვან სახელოვნებო სასწავლებლებში მიიღონ. მათ შორის არის სტრასბურგის უნივერსიტეტი, ესტონეთის მუსიკისა და თეატრის აკადემია, ფრანკფურტის მუსიკისა და საშემსრულებლო ხელოვნების უნივერსიტეტი, მიუნხენის მუსიკისა და თეატრის უნივერსიტეტი, ოზიმოს აკადემია, ორჰუსის მუსიკის სამეფო აკადემია, ჯუზეპე ვერდის სახელობის კონსერვატორია, ანტვერპენისა და ლიეჟის სამეფო კონსერვატორიები, სენტ-ლუისის მუსიკის კოლეჯი და ტოსტის საერთაშორისო სასიმღერო აკადემია.კულტურის სამინისტროს ცნობით, პროექტის მიზანია უმაღლესი სახელოვნებო განათლების ხელმისაწვდომობის გაზრდა, თანამედროვე ხელოვნებაში მიმდინარე საერთაშორისო პროცესებთან ინტეგრირება, ახალგაზრდა ხელოვანთა მოტივაციის ამაღლება, მათი პროფესიული და კარიერული განვითარების ხელშეწყობა.„ნიჭიერი ახალგაზრდების მხარდაჭერა და მათი პროფესიული განვითარების ხელშეწყობა სახელმწიფოს ერთ-ერთი უმნიშვნელოვანესი პრიორიტეტია. ამ მიზნით, კულტურის სამინისტრო არაერთ პროგრამას ახორციელებს“, – ნათქვამია სამინისტროს ინფორმაციაში.

1785174145

ყველა ჰიტი ერთ საღამოში - ჯემალ სეფიაშვილის სოლო კონცერტი ბათუმში

ჯემალ სეფიაშვილის ცნობილი და საყვარელი ჰიტების მოსმენის უნიკალური შანსი გაქვთ 6 აგვისტოს, ბათუმის სახელმწიფო მუსიკალურ ცენტრში, სადაც 21:00 საათზე, ჯემალ და ცისანა სეფიაშვილები დაუვიწყარ საღამოს გპირდებიან.ბილეთების შესაძენად, გადადით - ბმულზე.არ გამოტოვოთ, ეს შანსი!

1784374202

აჭარის ხელოვნების მუზეუმში ლაზი მხატვრის ხასან ჰელიმიშის მემორიალური გამოფენა გაიხსნა

აჭარის ხელოვნების მუზეუმში თვითნასწავლი ლაზი მხატვრისა და პოეტის ხასან ჰელიმიშის მემორიალური გამოფენა გაიხსნა, რომელიც ხელოვანის გარდაცვალებიდან 50 წლისთავს ეძღვნება. გამოფენა აჭარის კულტურის მინისტრის ელისო ბოლქვაძის ინიციატივითა და ხელოვნების მუზეუმის ორგანიზებით იმართება.ექსპოზიციის გახსნას ესწრებოდნენ აჭარის უმაღლესი საბჭოს თავმჯდომარე, ცოტნე ანანიძე, აჭარის კულტურის მინისტრი, ელისო ბოლქვაძე, განათლებისა და სპორტის მინისტრი, მაია ხაჯიშვილი, ხელვაჩაურის მუნიციპალიტეტის მერი, ზაზა დიასამიძე, აღმასრულებელი, საკანონმდებლო და თვითმმართველი ორგანოების წარმომადგენლები, აჭარის მუზეუმების გაერთიანების დირექტორი, თეონა ზოიძე, სარფის ლაზური ეთნოგრაფიული მუზეუმის ხელმძღვანელი, იაშა თანდილავა, ხასან ჰელიმიშის შვილი, ნარიმა ჰელიმიში, მხატვრები და მოწვეული სტუმრები. გამოფენას საპატიო სტუმრის სტატუსით ესწრებოდა აჭარის მთავრობის თავმჯდომარის მეუღლე, სოფიო ბაკურიძე.მისასალმებელ სიტყვაში კულტურის მინისტრმა განსაკუთრებული ყურადღება გაამახვილა ხასან ჰელიმიშის გამორჩეულ შემოქმედებით ხელწერასა და მის წვლილზე სახვითი ხელოვნების განვითარებაში. ელისო ბოლქვაძის განცხადებით, აქტიურად მიმდინარეობს კონსულტაციები საერთაშორისო ფონდებთან, რათა მხატვრის შემოქმედებას მიეცეს შესაბამისი მაღალპროფესიული შეფასება და საერთაშორისო აღიარება. ხასან ჰელიმიშის ფერწერა ძირითადად ზღვის თემატიკას ეძღვნება და ასახავს შავი ზღვისპირეთის ტრადიციებს, თევზჭერისა და ნაოსნობის კულტურას. ჰელიმიშის მხატვრული ენა გამოირჩევა ფერთა მდიდარი პალიტრით, ექსპრესიული გამომსახველობითა და დახვეწილი ესთეტიკით. ნამუშევრებში ასახულია ლაზური ფოლკლორულ-ეთნოგრაფიული კულტურის თვითმყოფადი ელემენტები, რაც ნათლად წარმოაჩენს ისტორიულ წარსულს, ტრადიციებსა და კულტურას. ექსპოზიციაზე წარმოდგენილია სარფის ლაზურ ეთნოგრაფიულ მუზეუმში დაცული ნამუშევრები. გამოფენა 24 ივლისის ჩათვლით გაგრძელდება.

1784061558

მწერალთა სახლში ვაჟა-ფშაველას დაბადებიდან 165 წლისთავისადმი მიძღვნილი საღამო გაიმართა

მწერალთა სახლში ვაჟა-ფშაველას დაბადებიდან 165 წლისთავისადმი მიძღვნილი საღამო გაიმართა.ღონისძიებას კულტურის მინისტრი თინათინ რუხაძე დაესწრო. საღამო მწერალთა სახლის დირექტორმა ქეთევან დუმბაძემ გახსნა.„ვაჟა-ფშაველა დღესაც ერთ-ერთი ყველაზე თანამედროვე ქართველი მწერალია. მან საკუთარი შემოქმედებით შეძლო ჩვენი სულიერებისა და იდენტობის გადმოცემა. ვაჟა-ფშაველას საიუბილეო წელის აღნიშვნა მწერალთა სახლის ინიციატივით დაიწყოდა, დარწმუნებული ვარ, არაერთი მნიშვნელოვანი კულტურული ღონისძიებით გაგრძელდება. აქვე მინდა აღვნიშნო, რომ ჩარგალში მასშტაბური სარეაბილიტაციო სამუშაოები მიმდინარეობს, რომლის ფარგლებშიც მოწესრიგდება ინფრასტრუქტურა და განახლდება მუზეუმი“, - განაცხადა თინათინ რუხაძემ.მწერალთა სახლში გამართულ საღამოს ეთერ თათარაიძე და ამირან არაბული უძღვებოდნენ, რომლებმაც ვაჟა-ფშაველას ცხოვრებასა და შემოქმედებაზე, ასევე მათივე ავტორობით შექმნილ წიგნ-ალბომზე - „ვიცანი, ღმერთო, სამყარო - ვაჟა-ფშაველასნაკვალევზე“ ისაუბრეს. გამოცემა ვაჟა-ფშაველას შესახებ უცნობ მოგონებებს და მამის შესახებ გულქან რაზიკაშვილის მონათხრობს აერთიანებს.ღონისძიების ფარგლებში, მწერალთა სახლისა და ივანე ჯავახიშვილის სახელობის თბილისის სახელმწიფო უნივერსიტეტის მხარდაჭერით გამოცემული წიგნის - „შეხვედრა“ წარდგენაც გაიმართა, რომლის ავტორები გიორგი ალიბეგაშვილი, იასუჰიროკოჯიმა და მამუკა ჭანტურაია არიან. ორენოვან გამოცემაში შედარებული და გაანალიზებულია ვაჟა-ფშაველას „ალუდა ქეთელაური“ და რიუნოსკე აკუტაგავას „სანემონის დანაშაული“.საღამოზე წარმოდგენილი იყო მხატვარ თემურ ყუბანეიშვილის მიერ ვაჟა-ფშაველას თემატიკაზე შექმნილი ნამუშევრები.

1783594343

ეროვნულ სასახლეში, კინოცენტრის მიერ ქართული კინოსადმი მიძღვნილი სერიის ახალი წიგნების - "ქართული კინო 1940-1960" და "ქართული კინო 1960-1970" წარდგენა გაიმართა

ეროვნულ სასახლეში, საქართველოს ეროვნული კინოცენტრის მიერ ქართული კინოსადმი მიძღვნილი სერიის ახალი წიგნების - "ქართული კინო 1940-1960“ და „ქართული კინო 1960-1970" წარდგენა გაიმართა.ღონისძიებას საქართველოს კულტურის მინისტრი, თინათინ რუხაძე პირველ მოადგილესთან, მაკა გურგენიძესთან ერთად დაესწრო.„დღეს ქართული კინოს შესახებ გამოცემული მეოთხე წიგნის წარდგენას ვესწრებით. ვულოცავ ამ მნიშვნელოვან მოვლენას ყველას, ვინც ამ პროექტზე მუშაობდა. ეს გამოცემები ერთ სივრცეში აერთიანებს ქართული კინოს ისტორიას, საარქივომასალებსა და კინომცოდნეთა კვლევებს. ფაქტობრივად, ეს არის უნიკალური ნაშრომი, რომელიც მომავალ თაობებს ქართული კინოს შესახებ მრავალმხრივ და სრულყოფილ წარმოდგენას უქმნის. სასიხარულოა ისიც, რომ ამ სერიის მეხუთე წიგნზე უკვე მიმდინარეობს მუშაობა. კიდევ ერთხელ დიდმადლობას გადავუხდი ავტორებს და პროექტში ჩართულ თითოეულ ადამიანს“, - განაცხადა თინათინ რუხაძემ.პრეზენტაციაზე სარედაქციო ჯგუფის წევრებმა გამოცემების კონცეფციასა და სამომავლო გეგმებზეც ისაუბრეს.„ქართული კინო 1940-1960“ და „ქართული კინო 1960-1970“ ათწლეულების მიხედვით შექმნილი იმ სერიის ნაწილია, რომელიც 2020 წლიდან გამოიცემა. წიგნები დაინტერესებული მკითხველისთვის მნიშვნელოვან დოკუმენტურ წყაროს წარმოადგენს,რადგან მათში ქართული კინოს განვითარების სხვადასხვა ეტაპი, ჟანრული მრავალფეროვნება, ფილმების შექმნის ისტორია და კინემატოგრაფისტთა შემოქმედებითი საქმიანობაა აღწერილი. გამოცემების მთავარი რედაქტორები მანანა ლეკბორაშვილი და ქეთევან ტრაპაიძე არიან.