1791376524

ქართველი რეჟისორის ლევან კოღუაშვილის ფილმის „გურია” მორიგი ევროპული პრემიერა ციურიხის საერთაშორისო კინოფესტივალზე

ქართველი რეჟისორის ლევან კოღუაშვილის ფილმის „გურია” მორიგი ევროპული პრემიერა ციურიხის საერთაშორისო კინოფესტივალზე გაიმართა. ფილმი ფესტივალის საკონკურსო/საპატიო სექციაში Signature წარადგინეს. პრემიერას რეჟისორიც ესწრებოდა.ციურიხის 22-ე საერთაშორისო კინოფესტივალი (ZFF) 2026 წლის 24 სექტემბრიდან 4 ოქტომბრამდე მიმდინარეობდა. ფესტივალზე 50-ზე მეტი ქვეყანაა იყო წარმოდგენილი. კინოჩვენებებზე მონაწილეებს 133 ფილმის აჩვენს, მათ შორის 46 პრემიერა შედგა.ფესტივალის ფარგლებში ლევან კოღუაშვილმა და ამერიკელმა რეჟისორმა, სცენარისტმა, პროდიუსერმა და ოპერატორმა კერი ჯოჯი ფუკუნაგამ ახალგაზრდა რეჟისორებისთვის მასტერკლასები გამართეს.კერი ჯოჯი ფუკუნაგა ციურიხის ფესტივალზე მხატვრული ფილმების კონკურსის ჟიურის უდგას სათავეში.ფუკუნაგას და ლევან კოღუაშვილს გარდა პროფესიული თანამშრომლობისა, სტუდენური მეგობრობა აკავშირებთ. ისინი ერთად სწავლობდნენ ნიუ-იორკის უნივერსიტეტის ხელოვნების ცნობილ სკოლაში (NYU Tisch School of the Arts), სადაც მაგისტრატურაზე კინოსარეჟისორო ფაკულტეტზე თანაკურსელები იყვნენ.ფილმის „გურია“ ჯილდოები· BIAFF 2026 – საუკეთესო რეჟისორი – ლევან კოღუაშვილი, ფილმი „გურია“.· BIAFF 2026 – საუკეთესო მამაკაცი მსახიობი – კახა ჭოლაძე, ფილმი „გურია“.· BIAFF 2026 – ოლღა (ლალა) ტაბუკაშვილის სახელობის ჯილდო საუკეთესო სამსახიობო ანსამბლისთვის — ლევან კოღუაშვილის „გურია“.მნიშვნელოვანი საერთაშორისო აღიარებები· ვენეციის 83-ე საერთაშორისო კინოფესტივალი — ოფიციალური შერჩევა, Venice Spotlight. ფილმის მსოფლიო პრემიერა ვენეციაში გაიმართა.· ვენეციაში „გურია“ Armani Beauty Audience Award-ის კანდიდატი იყო.· საქართველოს ოფიციალური კანდიდატი 2027 წლის ოსკარზე, კატეგორიაში Best International Feature Film.· ფილმის პროექტმა დასრულებამდე მიიღო Best Project Award Red Sea International Film Festival-ის Works in Progress პროგრამაში.

1791358681

აჭარის კულტურის სამინისტროს ინიციატივით, პეტრას ციხე-ქალაქის ტერიტორიაზე კულტურულ-შემეცნებითი ღონისძიება ,,პეტრას ისტორია - საუკუნეთა მემკვიდრეობა” გაიმართა

აჭარის მთავრობის მხარდაჭერითა და კულტურის სამინისტროს ინიციატივით,პეტრას ისტორიულ-კულტურული მემკვიდრეობის ძეგლის ტერიტორიაზე კულტურულ-შემეცნებითი ღონისძიება ,,პეტრას ისტორია - საუკუნეთა მემკვიდრეობა” გაიმართა. ღონისძიება მიზნად ისახავდა კულტურული ტურიზმის განვითარებას, ფართო საზოგადოებისთვის პეტრას ციხე-ქალაქის მრავალსაუკუნოვანი ისტორიის წარმოჩენასა და პოპულარიზაციას, ისტორიული მეხსიერების დაცვასა და მომავალი თაობისთვის გადაცემას. შემეცნებით საღამოს ესწრებოდნენ აჭარის მთავრობის თავმჯდომარე, ზურაბ პატარაძე, აჭარის უმაღლესი საბჭოს თავმჯდომარე, ცოტნე ანანიძე, საქართველოს საკონსტიტუციო სასამართლოს თავმჯდომარე, რევაზ ნადარაია, აჭარის კულტურის მინისტრი, ელისო ბოლქვაძე, ქობულეთის მუნიციპალიტეტის მერი, ირაკლი ცეცხლაძე, აღმასრულებელი და საკანონმდებლო ხელისუფლების, ადგილობრივი თვითმმართველობის წარმომადგენლები და მოწვეული სტუმრები. შემეცნებით საღამოს ასევე ესწრებოდნენ ახალგაზრდები, რეგიონის ვიზიტორები სხვადასხვა ქვეყნიდან, ტურისტული სააგენტოების წარმომადგენლები. მოწვეულ სტუმრებს სიტყვით მიმართეს აჭარის მთავრობის თავმჯდომარემ, ზურაბ პატარაძემ და უმაღლესი საბჭოს თავმჯდომარემ, ცოტნე ანანიძემ. კულტურულ-შემეცნებით საღამოზე მუსიკალური ნომრებით წარსდგნენ ბათუმის სახელმწიფო მუსიკალური ცენტრის სიმფონიური ორკესტრი, დავით მუქერიას ხელმძღვანელობით, სახელმწიფო ვოკალური ანსამბლი „ბათუმი“, ქორმაისტერ - გელა ვადაჭკორიას ხელმძღვანელობით და სოლისტები - ბაჩო ნაკაშიძე, არჩილ გოგიტიძე, მარიანა ბერიძე, ლელა სიხარულიძე, ჭაბუკა სურმანიძე და დავით გველესიანი. საღამოს ბერდო კუტუბიძე უძღვებოდა, რომელმაც დამსწრე საზოგადოებას პეტრას მრავალსაუკუნოვანი ისტორიის მნიშვნელოვანი ეტაპები კიდევ ერთხელ გააცნო. მუსიკალური პროგრამის ფარგლებში აჟღერდა ცნობილი ქართველი კომპოზიტორების კლასიკური ნაწარმოებები. ასევე, მოეწყო პეტრას ისტორიის ამსახველი ფოტოებისა და არქეოლოგიური კვლევების შედეგად აღმოჩენილი არტეფაქტების ექსპოზიცია. კულტურულ-შემეცნებითი პროექტი აჭარის კულტურული მემკვიდრეობის დაცვის სააგენტოსა და ბათუმის სახელმწიფო მუსიკალური ცენტრის ორგანიზებით, ასევე, ქობულეთის მუნიციპალიტეტის მერიის ჩართულობით განხორციელდა.

1791282727

მაია ბითაძე ანაზღაურებადი სტაჟირების პროგრამით შერჩეულ ახალგაზრდებს შეხვდა

 კულტურის მინისტრი მაია ბითაძე საქართველოს პრემიერ-მინისტრის ინიცირებული ანაზღაურებადი სტაჟირების პროგრამით შერჩეულ ახალგაზრდებს შეხვდა.„ახალგაზრდების პროფესიული განვითარების ხელშეწყობა ჩვენი სამინისტროს ერთ-ერთი მნიშვნელოვანი პრიორიტეტია. დარწმუნებული ვარ, სტაჟირების პერიოდში მიღებული პრაქტიკული გამოცდილება, პროფესიული უნარების განვითარება და მათთვის საინტერესო სფეროში ცოდნის გაღრმავება ახალგაზრდებისთვის კარიერული წინსვლის მნიშვნელოვანი საფუძველი გახდება. წარმატებას ვუსურვებ თითოეულ სტაჟიორს“, – აღნიშნა მაია ბითაძემ.სამთვიანი ანაზღაურებადი სტაჟირების პროგრამის ფარგლებში, კულტურის სამინისტროს ცენტრალურ აპარატში 20 ახალგაზრდა დასაქმდა, რომლებიც სამინისტროს საქმიანობის სპეციფიკას გაეცნობიან და პროფესიული გამოცდილების მიღებას შეძლებენ.ახალგაზრდები საქართველოს კულტურის სამინისტროს ადმინისტრაციულ დეპარტამენტში, იურიდიულ სამსახურში, კულტურის განვითარებისა და ხელშეწყობის დეპარტამენტში, საერთაშორისო ურთიერთობების დეპარტამენტში, კულტურული მემკვიდრეობის დეპარტამენტში, შიდა აუდიტისა და მონიტორინგის დეპარტამენტში, ეკონომიკურ დეპარტამენტში, ინფრასტრუქტურული განვითარებისა და ლოგისტიკის დეპარტამენტში, ასევე საზოგადოებასთან ურთიერთობისა და მედიაკომუნიკაციების სამსახურში გაივლიან სტაჟირებას.ინფორმაციას კულტურის სამინისტროს პრესსამსხური ავრცელებს.

1791209589

სრული ანშლაგი დასავლეთ საქართველოში: ლეგენდარული კომპოზიტორის, ჯემალ სეფიაშვილის საიუბილეო საღამოები ზუგდიდსა და ქუთაისში გრანდიოზულად დასრულდა

სრული ანშლაგით შედგა დასავლეთ საქართველოში ლეგენდარული კომპოზიტორის, ჯემალ სეფიაშვილის საიუბილეო საღამოები.  ზუგდიდსა და ქუთაისში, გრანდიოზული კონცერტები გაიმართა.​მუსიკალური ზეიმი გრძელდება — ცნობილი კომპოზიტორის სცენაზე მოღვაწეობის 60 წლისთავისადმი მიძღვნილი საღამოები „შემოქმედებითი საქართველოს“ მხარდაჭერით დასავლეთ საქართველოს ორ დიდ ქალაქში წარმოუდგენელი წარმატებითა და სრული ანშლაგით ჩატარდა.1 ოქტომბერს მსმენელს ზუგდიდის კულტურის ცენტრმა უმასპინძლა, 4 ოქტომბერს კი საიუბილეო საღამო ქუთაისის ლადო მესხიშვილის სახელობის სახელმწიფო დრამატულ თეატრში გაიმართა. ​ორივე ქალაქში მრავალრიცხოვანი მსმენელი შეიკრიბა. მაყურებელმა კიდევ ერთხელ მოისმინა და ტაშით გააცილა ის დაუვიწყარი მელოდიები და ჰიტები, რომლებმაც მთელი საქართველოს სიყვარული და აღიარება მოიპოვეს.საღამოები ემოციებით, ტაშითა და თბილი ატმოსფეროთი დასრულდა, რაც კიდევ ერთხელ უსვამს ხაზს მაყურებლის განსაკუთრებულ სიყვარულს კომპოზიტორის შემოქმედების მიმართ. ​უკვე 8 ოქტომბერს ჯემალ სეფიაშვილი, ქალიშვილთან, ცისანა სეფიაშვილთან ერთად, ხულოს ეწვევა და კიდევ ერთ დაუვიწყარ საღამოს აჩუქებს მსმენელს. ​3 ნოემბერს კი, თბილისში, გრიბოედოვის თეატრში გაიმართება.

1790944500

ანასტასია მეტელკინასა და ლუკა ბერულავას სპორტულმა წყვილმა მოკლე პროგრამაში პირველი ადგილი დაიკავა

ანასტასია მეტელკინასა და ლუკა ბერულავას სპორტული წყვილი მოკლე პროგრამაში მოპოვებული 80,01 ქულით ლიდერობს.თავისუფალი პროგრამით წყვილი 3 ოქტომბერს იასპარეზებს.„ჩელენჯერის“ სერიის ტურნირი „თრიალეთის თასი“ ბათუმში მიმდინარეობს.ინფორმაციას სპორტის სამინისტრო ავრცელებს.

1790602576

ბათუმის საერთაშორისო არტ-ჰაუს კინოფესტივალმა BIAFF 2026 გამარჯვებულები გამოავლინა

ბათუმში მეოცე საერთაშორისო არტ-ჰაუს კინოფესტივალის საზეიმოდ დაიხურა. ბათუმის დარამატულ თეატრში გამართულ ცერემონიას კინოინდუსტრიის წარმომადგენლები და მოწვეული სტუმრები დაესწრნენ.ფესტივალზე დაჯილდოვდნენ: პოლონელი რეჟისორი, ევროპის კინოაკადემიის ყოფილი პრეზიდენტი აგნეშკა ჰოლანდი, მსოფლიოში ცნობილი პროდიუსერი მაიკ დაუნი და ლეგენდარული ქართველი რეჟისორი თემურ ბაბლუანი.წელს საკონკურსო პროგრამაში 10 სრულმეტრაჟიანი და 20 მოკლემეტრაჟიანი ფილმი იყო წარდგენილი. ბათუმის დრამატულ თეატრში გამართულ ღონისძიებაზე ჟიურიმ კინოფესტივალის გამარჯვებულები გამოავლინა. ჯილდოები გადაეცათ:· BIAFF 2026 საუკეთესო ფილმი - ლენს ჰამერი, „დედოფალი ზღვასთან“ (დიდი ბრიტანეთი) საუკეთესო რეჟისორი - ლევან კოღუაშვილი, ,,გურია”· საუკეთესო მამაკაცი მსახიობი - კახა ჭოლაძე, „გურია“· საუკეთესო მსახიობი ქალი - ანა კეპლერ მარშალი, „დედოფალი ზღვასთან“ სპეციალური აღნიშნვნა - გიორგი გიგაური,  “მთვარე მამაა ჩემი”მოკლემეტრაჟიანი ფილმების ჟიურის მთავარი პრიზი -  „მწველი სურნელის ჩურჩული“(სომალი/ავსტრია/გერმანია). სპეციალური აღნიშვნით  დაჯილდოვდა მარიამ ხაჭვანი - „მემკვიდრეობითი სიჩუმე“ (საქართველო), დალია კელეში - „გრავიტაცია“ (თურქეთი) და კამილა საგინტკა - „რა ჩაიდინე, ზარინა?!“ (ყაზახეთი).ქართველ კინო კრიტიკოსთა ჟიურიმ ოლღა (ლალა) თაბუკაშვილის სახელობის პრიზი განსაკუთრებული სამსახიობო ანსამბლისთვის ლევან კოღუაშვილის ფილმს “გურია” გადასცა. სპეციალური აღნიშვნა კი გიორგი ოვაშვილის ფილმმა  “მთვარე მამაა ჩემი” დაიმსახურა.ახალგაზრდული ჟიურის რჩეული კი  რაფაელ მანუელის ფილმი “ფილიპინიანა” (სინგაპური/დიდი ბრიტანეთი/ფილიპინები/საფრანგეთი) გახდა, რომელსაც გიორგი გოგიბერიძის სახელობის პრიზი გადაეცა. ახალგაზრდული ჟიურის სპეციალური აღნიშვნა მიიღო გიორგი ოვაშვილის ფილმმა “მთვარე მამაა ჩემი”. გიორგი ოვაშვილი ფესტივალზე ასევე დაჯილდოვდა რეზო ჩხეიძის სახელობის პრიზით ფილმის “მთვარე მამაა ჩემი” საუკეთესო რეჟისურისთვის.8 საფესტივალო დღის განმავლობაში ბათუმი 100-მდე ფილმის ჩვენებას მასპინძლობდა. ფესტივალის პროგრამა მოიცავდა საერთაშორისო სრულმეტრაჟიანი და მოკლემეტრაჟიანი ფილმების კონკურსებს, „დიდოსტატთა კოლექციას“, სექციას „მუსიკა კინოში“ და არასაკონკურსო ფილმების ჩვენებებს. ფესტივალის ფარგლებში კინოს მოყვარულებს შესაძლებლობა ჰქონდათ ეხილათ ქართული კინომემკვიდრეობის აღდგენილი ფილმები, ქართული ანიმაციები. ჩვენებები ბათუმში ოთხ ლოკაციაზე გაიმართა: ბათუმის დრამატული თეატრი, კინოთეატრი კავეა გრანდ მოლი, ევროპის მოედანი და ივერია ბიჩზე.ბათუმის საერთაშორისო არტ-ჰაუს კინოფესტივალის მხარდამჭერები არიან საქართველოს კულტურის სამინისტრო, აჭარის ავტონომიური რესპუბლიკის კულტურის სამინისტრო, საქართველოს კინემატოგრაფიის ეროვნული ცენტრი, ქ.ბათუმის მერია, ქართული ფილმი, საქართველოს ეროვნული არქივი, იტალიის საელჩო საქართველოში.სპონსორები: ,,იელთი ჯგუფი’’, სასტუმრო ,,ლე მერიდიენ ბათუმი’’, სასტუმრო ,,ჰემპტონ ბათუმი’’,კინოთეატრი ,, კავეა გრანდ მოლი’’,კომპანია ,,კონფერენს ჯგუფი’’,კომპანია ,,ნაბეღლავი, ,,ივერია ბიჩი’’, სოფიე ბაკურიძეს სტუდია.საინფორმაციო მხარდამჭერები: აჭარის საზოგადოებრივი მაუწყებელი, საზოგადოებრივი მაუწყებლის პირველი არხი, ტელეკომპანია ,,რუსთავი 2’’, ტელეკომპანია ,,იმედი’’,ინგლისურენოვანი ყოველდღიური გამოცემა ,,The Messenager’’, ,,Georgia Today’’-ინგლისურენოვანი მედია, რადიოჰოლდინგი ,,ფორტუნა’’, ,,არეალ მედია’’, ,, Billboard Georgia’’,საინფორმაციო სააგენტო ,,პრაიმ ტაიმი’’, საინფორმაციო სააგენტო ,,აიპრეს ჯი’’, ,,პალიტრა ნიუსი’’, საინფორმაციო პორტალი ,,ამბები ჯი’’, Film New Europe (FNE) კინოინდუსტრიის საერთაშორისო მედიაპლატფორმა, Cineuropa - ევროპული კინოს საერთაშორისო მედიაპლატფორმა.

1790402788

მუდამ დიდი სიხარულია ქართველ მევიოლინესთან, მსოფლიოში ცნობილ მუსიკოსთან, ვიტალი იმერელთან შეხვედრა და მისი საოცარი ნიჭიერებით გადმოცემულ ჯაზის სამყაროში მოგზაურობა - ელისო ბოლქვაძე

აჭარის ავტონომიური რესპუბლიკის კულტურის მინისტრი, ელისო ბოლქვაძე, ცნობილი მუსიკოსის, მევიოლინე ვიტალი იმერელის საქართველოში ვიზიტს ეხმიანება და იმედოვნებს, რომ მსმენელი მის შემოქმედებას კიდევ მოისმენს."მუდამ დიდი სიხარულია ქართველ მევიოლინესთან, მსოფლიოში ცნობილ მუსიკოსთან, ვიტალი იმერელთან შეხვედრა და მისი საოცარი ნიჭიერებით გადმოცემულ ჯაზის სამყაროში მოგზაურობა. ბედნიერი ვარ, რომ მომეცა საშუალება რამდენიმეჯერ მომეწვია ბატონი ვიტალი ბათუმის შავი ზღვის საერთაშორისო ფესტივალზე 2020 და 2024 წლებში! იმედი მაქვს კვლავაც ჩამობრძანდება და ბათუმელ მსმენელს გააბედნიერებს მისი შემოქმედებით," - წერს ელისო ბოლქვაძე სოციალურ ქსელში. 

1789970579

ბათუმში საერთაშორისო არტ-ჰაუს კინოფესტივალი მეოცედ გაიხსნა

ბათუმის მეოცე საერთაშორისო არტ-ჰაუს კინოფესტივალი ქართველი რეჟისორის ლევან კოღუაშვილის ფილმის “გურია” ჩვენებით გაიხსნა. ბათუმის ილია ჭავჭავაძის სახელობის სახელმწიფო დრამატულ თეატრში  ფესტივალის გახსნის ღონისძიებას ქართული და ევროპული კინოს წარმომადგენლებთან ერთად საქართველოს კულტურის მინისტრის მოადგილე მიხეილ კიკნაძე, აჭარის კულტურის მინისტრი ელისო ბოლქვაძე, საქართველოს კინემატოგრაფიის ეროვნული ცენტრის ხელმძღვანელი მამუკა ბლიაძე, ფესტივალის ორგანიზატორები და სხვა ოფიციალური პირები ესწრებოდნენ.ფილმის “გურია” ქართულ პრემიერას ლევან კოღუაშვილი და გადამღები ჯგუფის წევრები ესწრებოდნენ. როგორც რეჟისორმა აღნიშნა, ბათუმის კინოფესტივალთან წლებია თანამშრომლობს. “საერთაშორისო ფესტივალების ქართული ფილმით გახსნა ძალიან კარგი ტრადიციაა. მოხარული ვარ,  რომ ჩვენი ფილმის ჩვენება ქართველი მაყურებლის წინაშე პირველად ბათუმში ხდება. მინდა პატივისცემა გამოვხატო გიორგი გოგიბერიძისა და მისი მეგობრების მიმართ, ვინც დააფუძნეს ფესტივალი, რომელიც ყოველს წელს უფრო და უფრო ვითარდება”,-აღნიშნა ლევან კოღუაშვილმა.საქართველოს კულტურის მინისტრის მოადგილის  მიხეილ კიკნაძის განცხადებით, ბათუმის საერთაშორისო კინოფესტივალი საუკეთესო პლატფორმაა ქართული კინოინდუსტრისს განვითარებისთვის. “ბათუმში გაიხსნა კინოფესტივალი, სადაც წარმოდგენილი იქნება როგორც ქართული ისე უცხოური ფილმები. ეს არის კარგი პლატფორმა როგორც ქართული  კინოინდუსტრიისთვის, ისე ქართული კულტურისთვის. წელს ფესტივალს 20 წლის იუბილე აქვს. მინდა მივულოცო ფესტივალის ორგანიზატორებს ეს თარიღი და წარმატება ვუსურვო მონაწილეებს”,-აღნიშნა მიხეილ კიკნაძემ.ფესტივალის ორგანიზტორებს საიუბილეო თარიღი მიულოცა აჭარის კულტურის მინისტრმა ელისო ბოლქვაძემ. მისი სიტყვებით, “სასიამოვნოა, რომ უმაღლესი დონის ფესტივალი, რომელიც ქართული ინდუსტრიის განვითარებისთვის არის მნიშვნელოვანი, უკვე ოცი წელია ტარდება. დარწმუნებული ვარ, ეს იქნება ახალი ეტაპის დასაწყისი. ფესტივალი კიდევ უფრო გაფართოვდება და მსოფლიო კინოვარსკვლავების  თავშეყრის ადგილი გახდება”.გახსნის ცერემონიაში მონაწილეობდა ცნობილი პოლონელი რეჟისორი, „ოსკარი“-ს სამგზის ნომინანტი და ევროპის კინოაკადემიის ყოფილი პრეზიდენტი აგნეშკა ჰოლანდი, რომელსაც კინემატოგრაფიის განვითარებაში შეტანილი განსაკუთრებული წვლილისთვის ფესტივალის სპეციალური ჯილდო გადაეცა.ბათუმის საერთაშორისო არტ-ჰაუს კინოფესტივალის მხარდამჭერები არიან საქართველოს კულტურის სამინისტრო, აჭარის ავტონომიური რესპუბლიკის კულტურის სამინისტრო, საქართველოს კინემატოგრაფიის ეროვნული ცენტრი, ქ.ბათუმის მერია, ქართული ფილმი, საქართველოს ეროვნული არქივი, იტალიის საელჩო საქართველოში.საქართველოს კინემატოგრაფიის ეროვნული ცენტრის ხელმძღვანელის მამუკა ბლიაძის თქმით, ბათუმის კინოფესტივალი 20 წლის იუბილეს ძალიან საინტერესო პროგრამით აღნიშნავს, მათ შორის წარმოდგენილი იქნება უახლესი ფილმების კოლექცია, ეროვნული კინოცენტრის მიერ აღგენილი შედევრები და ანიმაციური ფილმები. “ეს ფესტივალი კიდევ ერთი წარმატებული ნაბიჯია ქართული კინოსთვის და ვამაყობთ, რომ კინემატოგრაფიის ეროვნული ცენტრი საქართველოს და აჭარის კულტურის სამინისტროებთან ერთად ამ დიდებული ინიციატივის ერთ-ერთი მხარდამჭერია:, განაცხადა მამუკა ბლიაძემ.კინოფესტივალის ერთ-ერთი ორგანიზატორი ლაშა ხალვაში საიუბილეო ფესტივალის მასშტაბს და მრავალფეროვნებას აღნიშნავს. “წელს ჩვენ გვაქვს 20 წლის იუბილე და ამიტომ ვეცადეთ უფრი მასშტაბური ფესტივალი გაგვეკეთებინა. გავზარდეთ საჩვენებელი ადგილები, საკონკურსო და არასაკონკურსო ჩვენებები. წელს სიახლე გვაქვს და პროგრამაში პატარა მაყურებლისთვის ქართული ანიმაციის ჩვენებაც გავითვალისწინეთ, ასევე გვექნება ქართული კინომემკვიდრეობის წარდგენა ზღვის სანაპიროზე”,-დასძინა მან.8 დღის განმავლობაში ბათუმი კიდევ ერთხელ კინოს ქალაქად იქცევა და ქალაქის ოთხ სხვადასხვა სივრცეში 100-მდე ფილმის ჩვენებას უმასპინძლებს. ფესტივალის პროგრამა მოიცავს საერთაშორისო სრულმეტრაჟიანი და მოკლემეტრაჟიანი ფილმების კონკურსებს, „დიდოსტატთა კოლექციას“, სექციას „მუსიკა კინოში“ და არასაკონკურსო ფილმების ჩვენებებს. ფესტივალის ფარგლებში კინოს მოყვარულებს ექნება შესაძლებლობა იხილონ ქართული კინომემკვიდრეობის აღდგენილი ფილმები. ამასთან, წელს პირველად ნორჩი მაყურებლისთვის ნაჩვენები იქნება აღდგენილი ქართული ანიმაციები, რაც ახალ თაობას ქართული ანიმაციის კლასიკასთან შეხვედრის შესაძლებლობას მისცემს. ასევე წელს პირველად კინოჩვენება დაგეგმილია ზღვის სანაპიროზე.ფესტივალის საერთაშორისო სრულმეტრაჟიანი ფილმების ჟიურის ფრანგი კინო და ტელე პროდიუსერი კრისტიან ბაუტე, ხოლო საერთაშორისო მოკლემეტრაჟიანი ფილმების ჟიურის ბულგარელი კინორეჟისორი და სცენარისტი სოფია ზორნიცა უხელმძღვანელებენ. წელს ფესტივალს დაემატება ორი ახალი ჟიური - ქართველ კინო კრიტიკოსტთა ჟიური, რომელიც რჩეულ ფილმს ოლღა (ლალა) თაბუკაშვილის სახელობის პრიზს გადასცემს და ახალგაზრდული ჟიური, რომელიც რჩეულ ფილმს გიორგი გოგიბერიძის სახელობის პრიზით დააჯილდოებს.ფესტივალის დახურვის ცერემონია 26 სექტემბერს გაიმართება. კონკურსში გამარჯვებული ფილმების დაჯილდოების შემდეგ კინემატოგრაფის განვითარებაში შეტანილი განსაკუთრებული წვლილისთვის ფესტივალის სპეციალური ჯილდოები ბრიტანელ პროდიუსერს მაიკ დაუნის და ქართველ რეჟისორს თემურ ბაბლუანს გადაეცემათ.ფესტივალის მხარდამჭერები: საქართველოს კულტურის სამინისტრო,აჭარის ავტონომიური რესპუბლიკის კულტურის სამინისტრო,  საქართველოს ეროვნული კინოცენტრი, ქ.ბათუმის მერია, ქართული ფილმი, საქართველოს ეროვნული არქივი,იტალიის საელჩო საქართველოში.სპონსორები: ,,იელთი ჯგუფი’’, სასტუმრო ,,ლე მერიდიენ ბათუმი’’, სასტუმრო ,,ჰემპტონ ბათუმი’’,კინოთეატრი ,, კავეა გრანდ მოლი’’,კომპანია ,,კონფერენს ჯგუფი’’,კომპანია ,,ნაბეღლავი, ,,ივერია ბიჩი’’, სოფიე ბაკურიძეს სტუდია.საინფორმაციო მხარდამჭერები: აჭარის საზოგადოებრივი მაუწყებელი, საზოგადოებრივი მაუწყებლის პირველი არხი, ტელეკომპანია ,,რუსთავი 2’’, ტელეკომპანია ,,იმედი’’,ინგლისურენოვანი ყოველდღიური გამოცემა ,,The Messenager’’, ,,Georgia Today’’-ინგლისურენოვანი მედია, რადიოჰოლდინგი ,,ფორტუნა’’, ,,არეალ მედია’’, ,, Billboard Georgia’’,საინფორმაციო სააგენტო ,,პრაიმ ტაიმი’’, საინფორმაციო სააგენტო ,,აიპრეს ჯი’’, ,,პალიტრა ნიუსი’’, საინფორმაციო პორტალი ,,ამბები ჯი’’, Film New Europe (FNE) კინოინდუსტრიის საერთაშორისო მედიაპლატფორმა, Cineuropa - ევროპული კინოს საერთაშორისო მედიაპლატფორმა.

1789839960

აჭარის ხელოვნების მუზეუმში „საერთაშორისო არტ-პლენერი“ გაიმართა

აჭარის ხელოვნების მუზეუმში, 17 სექტემბერს,  ააიპ „შავი ზღვის ქვეყნების მხატვართა საერთაშორისო ორგანიზაციის - პლენერი 20“-ის პროექტი - „საერთაშორისო არტ-პლენერი“-ის შემაჯამებელი გამოფენა გაიმართა, რომლის სახელწოდებაა „თანამედროვე ქართული ხელოვნება, როგორც ევროპული თანამოსაუბრე“. არტ-პლენერის არსებობის მანძილზე განხორციელდა 6 საერთაშორისო პროექტი ქალაქ ფოთსა და ბათუმში. ეს ღონისძიებები აერთიანებს სხვადასხვა ქვეყნის ხელოვანებს, რომლებიც ფერწერულ ნამუშევრებს ღია ცის ქვეშ ქმნიან. პლენერში მონაწილეობას ღებულობდა  12 უცხო ქვეყნის /თურქეთი, ესპანეთი, პორტუგალია, ირლანდია, ირანი, ბულგარეთი, პოლონეთი, ყაზახეთი, უკრაინა/ და 13 ქართველი მხატვარი.მხატვარებმა შემაჯამებელ გამოფენაზე წარმოადგინეს სამოცდაათი საინტერესო ნამუშევარი.მონაწილე მხატვრები: თურქეთი - აზიზ კარაკოჩი, ფერმან აიდინი, ესპანეთი - გონსალო როდრიგეს გომესი, პორტუგალია - კუასე კაჩი, ირლანდია - რეგინა ბაჩინსკა, ირანი - მოტაჰარე მოგადასი, ბულგარეთი - ტემენუჟკა ნიკოლოვა დიმოვა, ხრისტო ხრისტოვი, სვეტლოზარ ნედევი, პოლონეთი - ზბიგნევ მიერუნსკი, ყაზახეთი - მერუიერტ (მირა) ჟუმანოვა, უკრაინა - ნატალია დაბიჟა, საქართველო - ჯემალ ბასარია, არჩილ ბლუაშვილი, ვლადიმერ დურული, ავთანდილ თოფურია, ბადრი ფაჩულია, თეკლა მელაძე, ზურაბ ჭედია, ნინო ჭედია, აჭარა -  ბექა ბოლქვაძე, არჩილ მალაყმაძე, გელა მესხი, გურამ ფუტკარაძე, ეკა ცინცაძე.გამოფენის ოფიციალურ გახსნას ესწრებოდნენ აჭარის ა/რ კულტურის მინისტრი - ელისო ბოლქვაძე, აფხაზეთის ა/რ იძულებით გადაადგილებულ პირთა მინისტრი - დავით ფაცაცია, საქართველოს მხატვართა კავშირის თავმჯდომარე - გურამ ცერცვაძე, აფხაზეთის მხატვართა კავშირის თავმჯდომარე - ჯემალ ბასარია,  აჭარის ა/რ მხატვართა კავშირის თავმჯდომარე - გურამ ფუტკარაძე, პროექტის ხელმძღვანელი, შავი ზღვის ქვეყნების საერთაშორისო ორგანიზაცია „პლენერი-20“-ის თავმჯდომარე - ზურაბ ჭედია, პროექტის კურატორი - ქეთევან ახობაძე- ხელოვნებათმცოდნე, სოციალურ მეცნიერებათა დოქტორი.,მხატვრები, ხელოვანები და ქალაქის სტუმრები.პროექტის ხელშემწყობი, პარტნიორები და დამფინანსებლები არიან: აჭარის ა/რ კულტურის სამინისტრო და აფხაზეთის ა/რ იძულებით გადაადგილებულ პირთა სამინისტრო, საქართველოს და აფხაზეთის მხატვართა კავშირები,სსიპ აჭარის მუზეუმი.

1789288599

ცნობილია ვენეციის 83-ე კინოფესტივალის გამარჯვებული ფილმი

ვენეციის 83-ე კინოფესტივალის გამარჯვებულები დასახელდნენ. მთავარი ჯილდოს, „ოქროს ლომის“ მფლობელი დანიელი რეჟისორის, მაი ელ-ტუკის ფილმი „ქალი, უცნობი“ გახდა.ჟიურის დიდი პრიზი ლის ჩან-დონის სურათმა „შესაძლო სიყვარულმა“ მიიღო.ჯილდო „ვერცხლის ლომი“ საუკეთესო რეჟისურისთვის ილია ხრჟანოვსკის გადაეცა ფილმისთვის „დაუ“.ჟიურის სპეციალური პრიზი ერგო ისრაელელი რეჟისორების, იუვალ აბრაჰამისა და რაჰელ შორის დოკუმენტურ ფილმს NAZA.კაცის და ქალის როლის საუკეთესო შესრულებისთვის ჯილდოები („ვოლპის თასი“) ჯონ მალკოვიჩმა („ველური ცხენი ნომრით ცხრა“) და მატილდა არსელმა („ქალი, უცნობი“) მიიღეს.საუკეთესო სცენარის ნომინაციაში გამარჯვება სტეფან ბრიზეს, კორალი ამედეოსა და ოლივიე გორსეს ( „კარგი პატარა ჯარისკაცი“) ერგოთ.

1789022117

ვენეციის 83-ე საერთაშორისო კინოფესტივალზე ლევან კოღუაშვილის ფილმის - „გურია“ მსოფლიო პრემიერა გაიმართა

ვენეციის 83-ე საერთაშორისო კინოფესტივალზე ლევან კოღუაშვილის ფილმის „გურია“ მსოფლიო პრემიერა გაიმართა.ფილმი ფესტივალის სექციაში Venice Spotlight არის წარმოდგენილი.„გურიის“ პრემიერას ვენეციის კინოფესტივალის სტუმრები, კინოინდუსტრიის წარმომადგენლები და ოფიციალური პირები დაესწრნენ. 

1788865018

ვენეციის 83-ე საერთაშორისო კინოფესტივალი ოფიციალურად გაიხსნა, რომელზეც 9 სექტემბერს რეჟისორ ლევან კოღუაშვილის ფილმის – „გურია“ მსოფლიო პრემიერა გაიმართება

ვენეციის 83-ე საერთაშორისო კინოფესტივალი ოფიციალურად გაიხსნა, ფესტივალის სექციაში Venice Spotlight, 9 სექტემბერს, რეჟისორ ლევან კოღუაშვილის ფილმის – „გურია“ მსოფლიო პრემიერა გაიმართება. ინფორმაციას ამის შესახებ კულტურის სამინისტრო ავრცელებს.მათივე ცნობით, წელს სექციისთვის მხოლოდ რვა ფილმია შერჩეული.ეროვნული კინოცენტრის პროგრამების დირექტორის, ლევან დვალის თქმით, საპრემიერო ჩვენების გარდა, დაგეგმილია სპეციალური ჩვენება პრესისთვის და ფილმისა და ქვეყნის პოპულარიზაციასთან დაკავშირებული ღონისძიებები, რომლებიც სახელმწიფოს მხარდაჭერით იმართება.„ვენეციის 83-ე კინოფესტივალი განსაკუთრებული აღმოჩნდა ქართული კინოსთვის, იმდენად, რამდენადაც სწორედ აქ გაიმართება ლევან კოღუაშვილის ახალი ფილმის – „გურია“ მსოფლიო პრემიერა. საპრემიერო ჩვენების გარდა, დაგეგმილია ქართული მიღება, სპეციალური ჩვენება პრესისთვის და ფილმისა და ქვეყნის პოპულარიზაციასთან დაკავშირებული ღონისძიებები, რომლებიც სახელმწიფოს მხარდაჭერით იმართება. აღსანიშნავია, რომ დიდი მოლოდინი გვაქვს უცხოელი კინოკრიტიკოსების გამოხმაურებასთან დაკავშირებით, რადგან მსოფლიოს წამყვან გამოცემებში რამდენჯერმე უკვე გაჟღერდა ფილმზე ინფორმაცია. ამასთან, ერთ-ერთმა დიდმა ფრანგულმა კომპანიამ ფილმის საერთაშორისო გაყიდვები საკუთარ თავზე აიღო. ვფიქრობთ, ლევან კოღუაშვილის ნამუშევარი საკმაოდ კარგ გამოხმაურებას დაიმსახურებს, რადგან თამამად შეიძლება ითქვას, რომ „გურია“ ღირსეულად აგრძელებს ქართული კინოს ტრადიციას“, – განაცხადა ეროვნული კინოცენტრის პროგრამების დირექტორმა, ლევან დვალმა.ფილმი გადაღებულია საქართველოს კულტურის სამინისტროს, კინემატოგრაფიის ეროვნული ცენტრის, „შემოქმედებითი საქართველოს“, საზოგადოებრივი მაუწყებლის და სახელმწიფო პროგრამის „გადაიღე საქართველოში“ მხარდაჭერით. „გურია“ შვიდი ქვეყნის (საქართველო, შვეიცარია, ლუქსემბურგი, ბულგარეთი, ნორვეგია, თურქეთი, საუდის არაბეთი) კოპროდუქციაა. ფილმის სცენარის ავტორები ბორის ფრუმინი, ლევან კოღუაშვილი და გიორგი კეკელიძე არიან.აღსანიშნავია ის ფაქტი, რომ საქართველოს კინემატოგრაფიის ეროვნული ცენტრი ლევან კოღუაშვილის ფილმს, ამერიკის კინოაკადემიის ჯილდოზე – „ოსკარი“ საერთაშორისო სრულმეტრაჟიანი ფილმის ნომინაციაში საქართველოს კანდიდატ ფილმად წარადგენს“, – აღნიშნულია კულტურის სამინისტროს ინფორმაციაში.