შემთხვევა
1793737694
ქუთაისში ტრაგიკულად დაღუპული მეორე ახალგაზრდის ვინაობაც ცნობილია
ქუთაისში, ტრაგიკულად დაღუპული მეორე ახალგაზრდა მათე ობოლაძეა.ის ბერდია ხაბულიანთან ერთად იმ ავტომობილში იმყოფებოდა, რომელიც მდინარე რიონში გადავარდა. ტრაგიკულად დაღუპულ ბიჭებს სოციალურ ქსელში ემშვიდობებიან.
1793736352
„შვილებო, რა ტრაგედიაა თქვენი დაკარგვა...“ - ქუთაისში, ავარიის შედეგად დაღუპულ ბიჭებს ემშვიდობებიან
ქუთაისში, ავტოსაგზაო შემთხვევის შედეგად დაღუპულ ბიჭებს ემშვიდობებიან.ავტომობილი, რომელშიც ორი ახალგაზრდა იმყოფებოდა, მდინარე რიონში გადავარდა. ART Georgia-ს ინფორმაციით, ქუთაისში, ავარიის დროს დაღუპული ერთ-ერთი ახალგაზრდა ბერდია ხაბულიანია.ტრაგიკულად დაღუპულ ბიჭებს სოციალურ ქსელში ემშვიდობებიან:„რა ტრაგედიაა შვილებო, თქვენი დაკარგვა, რა სიმწარეა...“. „ბერდო, რა დღე გაუთენე შენს მშობლებს, შენ ოჯახს“. „ვაიმე, ახალგაზრდებო... ნათელი და სანთელი არ მოჰკლებოდეს თქვენს თბილ სულს, ღმერთმადაგიმკვიდროთ ცათა სასუფეველი, სადაც მართალნი განისვენებენ. ოჯახებს გამძლეობა“, - წერენ კომენტარებში. მეორე ახალგაზრდის ვინაობა ამ დროისთვის უცნობია.
1793727855
აშშ-ის ფლორიდის შტატში, პალმ-ბიჩის ოლქში, კერძო თვითმფრინავის ჩამოვარდნის შედეგად ცხრა ადამიანი დაიღუპა. მათ შორის არიან ტექნოლოგიური კომპანიების დამფუძნებელი ადამ რობინსონი, მისი მეუღლე ჰელენ შარპი და მათი შვილები - ოთხი წლის ემა და ორი წლის ჩარლი.ტრაგედია 2026 წლის 1 ნოემბერს მოხდა. „ლირჯეტ 60“-ის ტიპის თვითმფრინავი ტეხასის შტატის ქალაქ ოსტინიდან ბაჰამის კუნძულებისკენ მიფრინავდა, როდესაც ფლორიდაში, გრინაკრესის მახლობლად, საცხოვრებელ რაიონში ჩამოვარდა და აფეთქდა. ბორტზე მყოფი ცხრავე ადამიანი დაიღუპა. კატასტროფამდე ეკიპაჟმა ყინვისა და ტურბულენტობის შესახებ განაცხადაწინასწარი ინფორმაციით, თვითმფრინავის ეკიპაჟმა ფრენის დროს საჰაერო მოძრაობის მართვის სამსახურს აცნობა, რომ თვითმფრინავზე ყინული გროვდებოდა და ზომიერ ტურბულენტობას აწყდებოდნენ. ეკიპაჟმა უფრო მაღალ სიმაღლეზე ასვლის ნებართვაც ითხოვა, თუმცა მალევე საგანგებო მდგომარეობა გამოაცხადა.გამომძიებლების განცხადებით, არსებობს ნიშნები, რომ თვითმფრინავმა მიწაზე დაცემამდე შესაძლოა დაშლა დაიწყო. აშშ-ის ტრანსპორტის უსაფრთხოების ეროვნული საბჭო კატასტროფის მიზეზებს იკვლევს. ამ ეტაპზე ამინდის პირობების შესაძლო გავლენა ერთ-ერთი მთავარი მიმართულებაა, თუმცა საბოლოო დასკვნა ჯერ არ არსებობს. ვინ იყვნენ დაღუპულები?ადამ რობინსონი ტექნოლოგიური მეწარმე იყო. იგი კომპანიების Retention.com-ისა და RB2B-ის დამფუძნებელი და ხელმძღვანელი გახლდათ. მისი საქმიანობა ბიზნესებისთვის ვებსაიტების ვიზიტორების იდენტიფიცირებისა და მათთან დაკავშირების ტექნოლოგიებს უკავშირდებოდა.მისი მეუღლე, ჰელენ შარპი, საზოგადოებასთან ურთიერთობის სააგენტო Influential PR-ს ხელმძღვანელობდა და კერამიკულ ხელოვნებასაც მისდევდა.ოჯახის ახლობლებმა დაღუპულთა შესახებ გავრცელებულ განცხადებაში აღნიშნეს, რომ ადამი და ჰელენი ერთგული მშობლები იყვნენ და მათი შვილები მათი ცხოვრების მთავარი სიხარული გახლდნენ.თვითმფრინავში ოჯახის მეგობრები, რეიჩელ რიდი და ჩარმი ფერი, ასევე ბავშვების მომვლელი ანიტა მარია სეტინაც იმყოფებოდნენ. დაიღუპა ეკიპაჟის ორივე წევრიც. კატასტროფის გამოძიება გრძელდება. სპეციალისტებმა უნდა დაადგინონ, რა ვითარებაში დაკარგა თვითმფრინავმა მართვა და რა როლი ითამაშა ამინდის პირობებმა ტრაგედიაში.
1793722889
მაშველებმა მდინარე რიონიდან 2 ახალგაზრდის ცხედარი ამოასვენეს
ქუთაისში, მაშველებმა მდინარე რიონიდან 2 ახალგაზრდა კაცის ცხედარი ამოასვენეს. ნაპოვნი და მდინარიდან ამოტანილია ავტომობილიც. ინფორმაცია „პრაიმტაიმს“ საგანგებო სიტუაციების სამსახურში დაუდასტურეს.ცნობისთვის, ავტოსაგზაო შემთხვევა ქუთაისში, მწვანეყვავილას დასახლებაში მოხდა. ავტომობილი, რომელშიც ორი ახალგაზრდა იმყოფებოდა, მდინარეში გადავარდა. ადგილზე მობილიზებულნი იყვნენ მყვინთავები, სამაშველო სამსახურის, სასწრაფოსა და პოლიციის ეკიპაჟები. როგორც „პრაიმტაიმს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.ფოტო: „ინფო იმერეთი“
1793721553
რამდენი ადამიანი იმყოფებოდა მანქანაში, რომელიც რიონში გადავარდა - ვრცელდება ახალი დეტალები
ქუთაისში, მდინარე რიონში გადავარდნილ ავტომობილს და მის მგზავრებს მაშველები ამ დრომდე ეძებენ. გავრცელებული ინფორმაციით, მანქანაში ორი 20 წლამდე ახალგაზრდა მამაკაცი იმყოფება. შემთხვევა რიონჰესის საგუბარის მიმდებარედ მოხდა. როგორც „პრაიმტაიმს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
1793719577
ქუთაისში, მდინარეში მანქანა გადავარდა - რა ხდება ადგილზე
ქუთაისში, მდინარე რიონში ავტომობილი გადავარდა. „ინფო იმერეთის“ ინფორმაციით, შემთხვევა მწვანეყვავილას დასახლებაში მოხდა.საგანგებო სიტუაციების მართვის სამსახურის ინფორმაციით, ადგილზე მობილიზებულები არიან მყვინთავები, სამაშველო და სახანძრო ბრიგადები და მიმდინარეობს სამძებრო-სამაშველო სამუშაოები.როგორც „პრაიმტაიმს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.ჯერჯერობით უცნობია რამდენი ადამიანი იმყოფებოდა ავტომობილში.
1793718480
ინციდენტი თბილისის ერთ-ერთ სკოლაში - მხილებულია ერთი პირი
თბილისის 175-ე სკოლაში მოსწავლეებს შორის დაპირისპირება მოხდა. არსებული ინფორმაციით, მე-11 კლასელებს შორის სიტყვიერი კამათი, სკოლაში, ქაღალდის თვითმფრინავის სროლის გამო დაიწყო, სკოლის გარეთ კი, ფიზიკურ დაპირისპირებაში გადაიზარდა.მოსწავლე, რომელმაც თანაკლასელს ქაღალდის თვითმფრინავი ესროლა, შემდეგ მას ფიზიკურად გაუსწორდა. გავრცელებული ინფორმაციით, 16 წლის ბიჭს სახის ძვლები აქვს დამტვრეული. მოზარდს ოპერაცია უკვე ჩაუტარდა.შემთხვევა 16 ოქტომბერს მოხდა.როგორც „პრაიმტაიმს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 126 -ე მუხლით მიმდინარეობს, რაც ძალადობას გულისხმობს. უწყების ცნობითვე, მხილებულია ერთი პირი.
1793471036
ხელვაჩაურში მამაკაცი დაჭრეს - მომხდარის დეტალები
ხელვაჩაურის მუნიციპალიტეტის ერთ-ერთ სოფელში შუა ხნის მამაკაცი ცეცხლსასროლი იარაღით დაჭრეს.ადგილობრივების ინფორმაციით, შუა ხნის მამაკაცი ფეხის არეში არის დაჭრილი და მის სიცოცხლეს საფრთხე არ ემუქრება.,,პრაიმტაიმს“ შსს-ში უთხრეს, რომ ფაქტზე გამოძიება სისხლის სამართლის კოდექსის 117-ე და 236-ე მუხლებით მიმდინარეობს.შსს-ის ცნობით, დამნაშავე დაკავებულია.
1793392889
ბათუმში ავარიის შედეგად კურიერი დაშავდა
ბათუმში, ბაგრატიონისა და გუდიაშვილის ქუჩების კვეთაში, ავტოსაგზაო შემთხვევის შედეგად „გლოვოს“ კურიერი დაშავდა, რომელიც მოპედით გადაადგილდებოდა. ინფორმაციას „ბათუმელები“ ავრცელებს.პირველადი ინფორმაციით, მოპედი სავარაუდოდ გზაზე მოცურდა. დაშავებული მძღოლი კლინიკაში გადაიყვანეს.შს სამინისტროს ინფორმაციით, მომხდარზე გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
1793376197
ქობულეთში მოსწავლემ თანაკლასელს დაზიანება მიაყენა - რა დეტალები ვრცელდება
ქობულეთში მე-6 კლასის მოსწავლეებს შორის ინციდენტი მოხდა. ერთ-ერთმა მოსწავლემ თანაკლასელს ბასრი საგნით დაზიანება მიაყენა. ინფორმაციას „აჭარა თაიმსი“ ავრცელებს.სააგენტოს ცნობით, მომხდარის შესახებ სკოლის ადმინისტრაციამ შესაბამის უწყებებს მიმართა. ადგილზე იმყოფებოდნენ სამართალდამცველები. გამოიკითხნენ მასწავლებლები და მოსწავლეები.ფაქტის შესახებ ინფორმირებულია ქობულეთის რესურსცენტრი. ინციდენტის სხვა დეტალები უცნობია.
1793352097
ვაშლიჯვარში, კლდის ნატეხი ჩამოიშალა, დაშავდა ერთი ადამიანი
ვაშლიჯვარში, ა. ემუხვარის ქუჩის N22-ის მიმდებარედ, ფერდიდან კლდის ნატეხი ჩამოიშალა. შედეგად ერთი ადამიანი დაშავდა. დაშავებული კლინიკაში გადაიყვანეს საგანგებო სიტუაციების მართვის სამსახურში გვითხრეს, რომ მაშველებმა შემთხვევის ადგილიდან ერთი პირი კონტაქტურ მდგომარეობაში გამოიყვანეს.შემთხვევის ადგილზე იმყოფებოდა მუნიციპალური ინსპექციის ჯგუფი.მათი ინფორმაციით, ირგვლივ არ ფიქსირდება არანაირი მიმდინარე მშენებლობა. შესაბამისად, გავრცელებული ინფორმაცია, თითქოს აღნიშნული შემთხვევა მშენებლობითაა გამოწვეული, ტყუილია“,- აცხადებენ მერიაში.
1793301262
კაჭრეთის ერთ-ერთი რესტორნის მეპატრონე გარდაცვლილი იპოვეს - რა დეტალებია ცნობილი
გურჯაანის მუნიციპალიტეტის სოფელ კაჭრეთში ერთ-ერთი რესტორნის მეპატრონე გარდაცვლილი იპოვეს. 60 წლამდე ასაკის მამაკაცის ცხედარი საკუთარ მიკროავტობუსში ნახეს. თვითმხილველების ინფორმაციით, მას ცეცხლსასროლი იარაღით მიყენებული ჭრილობა ჰქონდა. შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
