1785444937

გორის ერთ-ერთ რესტორანში დაპირისპირება იყო - რა დეტალებია ცნობილი

გორში, რესტორან პაბში, დაპირისპირება იყო. ინფორმაციას „ქართლის ამბები“ ავრცელებს.ადგილობრივი მედიის ცნობით, დაჭრილია 2 ადამიანი.ადგილზე ამ წუთებში საგამოძიებო მოქმედებები მიმდინარეობს. ტერიტორია ყვითელი ლენტით არის შემოსაზღვრული.„პრაიმტაიმი“ დეტალების გარკვევას შინაგან საქმეთა სამინისტროსთან ცდილობს.

1784797862

ცნობილი ხდება ვერაზე მომხდარი მკვლელობის ახალი დეტალები

ვერაზე მომხდარი დაპირისპირების ახალი დეტალები ხდება ცნობილი."კურიერის" ინფორმაციით, სამართალდამცველებმა თავდამსხმელი საკუთარ სახლში დააკავეს. შინაგან საქმეთა სამინისტროს მიერ გავრცელებული ინფორმაციის მიხედვით, ბრალდებულმა სამართალდამცველების გამოჩენისთანავე ცეცხლი გახსნა და მათ წინააღმდეგობა გაუწია, შემდეგ კი თვითდაზიანება მიიყენა თითებზე.დამამძიმებელ გარემოში ჩადენილი განზრახ მკვლელობის მცდელობისთვის, ნიკა კაპანაძეა დაკავებული. "კურიერის" ინფორმაციით, ის სხვადასხვა დანაშაულისთვის უკვე ნასამართლევია.რაც შეეხება მოტივს, გავრცელებული ინფორმაციით, კაპანაძესა და ახალგაზრდებს შორის სროლამდე სიტყვიერი დაპირისპირება მოხდა. თვითმხილველები იხსენებენ, რომ დაახლოებით ათამდე გასროლის ხმა გაიგეს, გარეთ გამოსულს კი დაჭრილი ახალგაზრდები დახვდათ.შეგახსენებთ, სროლის დროს სულ ოთხი ადამიანი დაიჭრა, მათ შორის იყვნენ არასრულწლოვნები. ერთ-ერთი არასრულწლოვანი კლინიკაში შეყვანისთანავე გარდაიცვალა.

1784753072

ვერაზე დაჭრილი არასრულწლოვანი კლინიკაში გარდაიცვალა - შსს განცხადებას ავრცელებს

თბილისში, ვერაზე მომხდარ სროლის ფაქტთან დაკავშირებით შინაგან საქმეთა სამინისტრო განცხადებას ავრცელებს. უწყების ცნობით, დაჭრილებიდან ერთი არასრულწლოვანი გარდაიცვალა. „შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ორი ან მეტი პირის მიმართ დამამძიმებელ გარემოებებში ჩადენილი განზრახ მკვლელობის მცდელობის ბრალდებით, ერთი პირი ცხელ კვალზე დააკავეს.გამოძიებით დადგინდა, რომ ბრალდებულმა მიმდინარე წლის 22 ივლისს, თბილისში, ცეცხლსასროლი იარაღიდან გასროლით ოთხი პირი დაჭრა და შემთხვევის ადგილიდან მიიმალა.დაჭრილებს შორის 2 არასრულწლოვანია.ოთხივე მათგანი სამედიცინო დახმარების გაწევის მიზნით კლინიკაში გადაიყვანეს, თუმცა მიყენებული დაზიანების შედეგად, ერთ-ერთი არასრულწლოვანი საავადმყოფოში მიყვანიდან მალევე გარდაიცვალა.სამართალდამცველებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი მომხდარიდან მალევე დააკავეს.ბრალდებულმა დაკავებისას სამართალდამცველებს შეიარაღებული წინააღმდეგობა გაუწია. დაკავებისას ბრალდებულმა ხელის თითებზე დაზიანება მიიღო.გამოძიება საქართველოს სისხლის სამართლის კოდექსის 19-109-ე მუხლით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს“, - ნათქვამია განცხადებაში.

1784752903

ვერაზე მომხდარი სროლის ფაქტზე დაკავებულმა პოლიციელებს ცეცხლი გაუხსნა 

ვერაზე მომხდარი დანაშაულის ჩამდენი პირი დაკავებულია. მან დაკავებისას პოლიციელებს შეიარაღებული წინააღმდეგობა გაუწია. ამის შესახებ ინფორმაციას ტელეკომპანია „იმედი“ ავრცელებს.გავრცელებული ინფორმაციით, თბილისში, ვერაზე სროლის შედეგად 3 ადამიანია დაჭრილი. როგორც თვითმხილველები ჰყვებიან, დაჭრილებს შორის ერთი, გამვლელი ქალია, ორი კი 17 და 18 წლის ბიჭები.სასწრაფო დახმარების ჯგუფმა დაჭრილები კლინიკაში გადაიყვანა. მათი ჯანმრთელობის მდგომარეობა უცნობია.„პრაიმტაიმი“ დამატებით დეტალებს შინაგან საქმეთა სამინისტროში არკვევს.

1784744509

თბილისში, ვერაზე სროლა იყო - რა ხდება ამ წუთებში ადგილზე

ცოტა ხნის წინ თბილისში, ვერაზე სროლა იყო. არსებული ინფორმაციით, სროლის შედეგად 3 ადამიანია დაჭრილი.ადგილზე სამართალდამცველები და სასწრაფო დახმარების ჯგუფია მობილიზებული.„პრაიმტაიმი“ დამატებით დეტალებს შინაგან საქმეთა სამინისტროში არკვევს.

1784733143

სროლა ბათუმში - რა ხდება ამ წუთებში ადგილზე

ცოტა ხნის წინ ბათუმში, ფიროსმანის ქუჩაზე სროლა იყო. ინფორმაციას „აჭარა თაიმსი“ ავრცელებს. როგორც თვითმხილველები ადგილობრივ მედიასთან ჰყვებიან, დაჭრილია 31 წლის კაცი, რომელიც სასწრაფო სამედიცინო დახმარების ჯგუფმა კლინიკაში გადაიყვანა. მათივე თქმით, ახალგაზრდას ამ დროისთვის დაუდგენელმა პირმა, რომელიც მოპედით გადაადგილდებოდა, რამდენჯერმე ესროლა და გაიქცა.შემთხვევის ადგილი ყვითელი ლენტით არის შემოსაზღვრული, ადგილზე სამართალდამცველები იმყოფებიან.დაჭრილის მდგომარეობა ამ ეტაპზე უცნობია.„პრაიმტაიმი“ დამატებით დეტალებს არკვევს. 

1784577000

„ოჯახი, მანიაკი, თუ...“ - 3 წლის გოგონას გაუჩინარების ბურუსით მოცული საქმე

წამებში, ტრაგედიად ქცეული ერთი ჩვეულებრივი ოჯახური შეკრება. 3 წლის ულამაზესი მადელინ მაკენი იმდენად უცნაურ ვითარებაში გაუჩინარდა, რომ გოგონას ოჯახი, რომელიც დახმარებას ითხოვდა, თავად აღმოჩნდა გამოძიების სამიზნე.თუმცა, მოგვიანებით, ქეით და გერი მაკენებს ეჭვმიტანილის სტატუსი მოეხსნათ.მშობლები გარკვეული დროით ეჭვმიტანილებადაც კი გამოცხადდნენ. როდესაც ტრაგედია დატრიალდა, ბრიტანელი მაკენების ოჯახი პორტუგალიაში ისვენებდა.საქმე იმდენად ბურუსით იყო მოსილი, 2008 წელს, პორტუგალიის ხელისუფლებამ ოფიციალური გამოძიება დახურა, რადგან საკმარისი მტკიცებულება ვერ მოიპოვა. მიუხედავად ამისა, მადლენის ოჯახი და ბრიტანელი გამომძიებლები ძებნას აგრძელებდნენ. 2020 წელს გამოძიებაში ახალი ფიგურა გამოჩნდა — კრისტიან ბრუკნერი.იმ დროს ის უკვე გერმანიის ციხეში იხდიდა სასჯელს სხვა სექსუალური დანაშაულისთვის, თუმცა გერმანელმა გამომძიებლებმა მისი წარსულის შესწავლა დაიწყეს და მადლენ მაკენის გაუჩინარებასთან შესაძლო კავშირი დაინახეს.აღმოჩნდა, რომ ბრუკნერის მობილურის სიგნალი გოგონას გაუჩინარების ღამეს ახლომდებარე ადგილას დაფიქსირდა. კრისტიან ბრუკნერს 3 წლის მადლენის გაუჩინარების საქმეზე ბრალი ოფიციალურად არ წარსდგენია.ის 2025 წელს სხვა დანაშაულებზე სასჯელის მოხდის შემდეგ გაათავისუფლეს. მიუხედავად მილიონობით დახარჯული თანხისა და ათასობით გადამოწმებული ვერსიისა, მთავარი კითხვა პასუხგაუცემელია...

1784576136

დაკავებულია სამი „კანონიერი ქურდი“ მეტსახელად „პიზა“, „პაკა“ და გია მეფორია

აფხაზეთში სამი „კანონიერი ქურდი“  რაულ ბარცბა (მეტსახელად „პიზა“), სტანისლავ ციშბა (მეტსახელად „პაკა“) და გია მეფორია დააკავეს.ინფორმაციას რუსული სააგენტოები ავრცელებენ.ვრცელდება დაკავებული „კრიმინალური ავტორიტეტების“ ფოტოებიც.

1784561411

სამართალდამცველებმა დიდი ოდენობით თანხის თაღლითურად დაუფლების ბრალდებით თბილისში ერთი პირი დააკავეს

შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თაღლითობის წინააღმდეგ ბრძოლის სამმართველოს და დეტექტივების მთავარი სამმართველოს თანამშრომლებმა, დიდი ოდენობით თანხისთაღლითურად დაუფლების ბრალდებით, ერთი პირი დააკავეს.გამოძიებით დადგინდა, რომ ბრალდებული ნაცნობ მამაკაცს დაჰპირდა, რომ გარკვეული ოდენობის თანხის გადაცემის სანაცვლოდ, ამერიკის შეერთებული შტატებიდან, საბაზრო ღირებულებაზე დაბალ ფასად „Apple“- ის პროდუქციას შეიძენდა და ტექნიკის საქართველოში რეალიზაციის შედეგად მიღებულ შემოსავალს გაუნაწილებდა, თუმცა დანაპირები არ შეასრულა და დაზარალებულის კუთვნილ თანხას თაღლითურად დაეუფლა.გამოძიებით ასევე დადგინდა, რომ ბრალდებულმა სხვა დაზარალებულს, შემდგომი რეალიზაციის მიზნით მოტყუებით გამოართვა 19 მობილური ტელეფონი და მაჯის საათი, თუმცა თანხა არ გადაუხადა.აღნიშნული დანაშაულებრივი ქმედებებით ბრალდებული დაზარალებულების კუთვნილ, დიდი ოდენობით - 467 000 ლარს დაეუფლა.სამართალდამცველებმა ჩატარებული ოპერატიული ღონისძიებებისა და საგამოძიებომოქმედებების შედეგად, მამაკაცი მოსამართლის განჩინების საფუძველზებრალდებულის სახით დააკავეს.გამოძიება სისხლის სამართლის კოდექსის 180-ე მუხლის მე-3 ნაწილითმიმდინარეობს, რაც 9 წლამდე თავისუფლების აღკვეთას ითვალისწინებს.

1784319877

ვრცელდება, ბესიკ ჯაფარიძის, მეტსახელად „მუნჯის“, უახლესი ფოტო - „კანონიერ ქურდს“ ბრალი დაუსწრებლად წარუდგინეს

ვრცელდება, ბესიკ ჯაფარიძის, მეტსახელად „მუნჯის“, უახლესი ფოტო.„კანონიერ ქურდს“ რამდენიმე დღის წინ ბრალი დაუსწრებლად წარუდგინეს.თბილისსა და რეგიონებში „ქურდული სამყაროს“ წინააღმდეგ ბრძოლის ფარგლებში, პოლიციამ ერთ დღეში 29 პირი დააკავა, კიდევ სამ პირს კი ბრალი წარედგინა. გამოძიების ინფორმაციით, დაკავებულები ქვეყნის მასშტაბით მოქალაქეებს შორის ფინანსური დავების გადაწყვეტაში აქტიურად მონაწილეობდნენ.მხარეებზე დაშინებისა და ზეწოლის მიზნით საქმეში ერთვებოდა საზღვარგარეთ მცხოვრები „კანონიერი ქურდი“ ბესო ჯაფარიძე, მეტსახელად „მუნჯი“, რომლის თანხმობითაც ბრალდებულები ე.წ. „ქურდულ გარჩევებს“ აწყობდნენ. გამოძიების თანახმად, სწორედ „მუნჯი“ იღებდა საბოლოო გადაწყვეტილებას „ქურდული გარჩევების“ დროს. გადაწყვეტილების მიღების შემდეგ, ვალდებულებების შეუსრულებლობის შემთხვევაში, ბრალდებულები დავის ერთ-ერთ მხარეს ან მისი ოჯახის წევრებს ანგარიშსწორებით ემუქრებოდნენ.

1784280639

მარნეულში შვილმა მამა მოკლა - რა დეტალებია ცნობილი

მარნეულში შვილმა მამა მოკლა. ინფორმაცია ადგილობრივმა მედიამ გაავრცელა. როგორც გამოცემა წერს, მკვლელობას წინ უძღოდა კამათი და ურთიერთშელაპარაკება.როგორც „პრაიმტაიმს“ შინაგან საქმეთა სამინისტროს სამსახურში განუცხადეს, ადგილზე სასწრაფო და საპატრულო ეკიპაჟებია მობილიზებული. მიმდინარეობს ინტენსიური საგამოძიებო პროცესი. ფაქტზე გამოძიება 108-ე მუხლით დაიწყო.დამატებითი დეტალები ამ ეტაპზე უცნობია და უწყება ოფიციალურ ინფორმაციას მოგვიანებით გაავრცელებს.

1783770258

თელავში 17 წლის ბიჭი დაჭრეს

თელავში 17 წლის არასრულწლოვანი დაჭრესშემთხვევა გვიან ღამით, ალაზნის გამზირზე მოხდა.ადგილობრივების  ინფორმაციით, კონფლიქტი საცხოვრებელი კორპუსის სადარბაზოში დაიწყო.დაპირისპირებდე,  კორპუსის ერთ- ერთმა  მცხოვრებმა  ახალგაზრდებს შენიშვნა მისცა, რასაც ჯერ სიტყვიერი შელაპარაკება და შემდეგ ფიზიკური დაპირისპირება მოჰყვა.ინციდენტის დროს ერთ-ერთმა პირმა მეორე ცივი იარაღით, ყელის არეში დაჭრა.არასრულწლოვანი თელავის რეფერალურ საავადმყოფოში გადაიყვანეს, სადაც მას შესაბამისი სამედიცინო დახმარება გაეწია. გამოძიება სისხლის სამართლის კოდექსის 118-ე და 126-ე მუხლებით მიმდინარეობს, რაც ოთხ წლამდე ვადით თავისუფლების აღკვეთას ითვალისწინებს.