1793714340

რატომ არ შეიძლება აჯიკისა და ტყემლის პლასტმასის ბოთლში შენახვა - ექიმის გაფრთხილება

ექიმი ნუტრიციოლოგი და კვების ეროვნული ცენტრის დირექტორი მარი მალაზონია განმარტავს, რა უნდა გავითვალისწინოთ საკვები პროდუქტების შესანახი ჭურჭლის შერჩევისას და რომელ შემთხვევებში შეიძლება ჭურჭლის მასალამ რისკები შექმნას.როგორც მარი მალაზონიამ გადაცემაში „პირადი ექიმი მარი მალაზონია“ აღნიშნა, ღვინის, აჯიკის, ტყემლისა და ძმრის პლასტმასის ჭურჭელში შენახვა არ არის რეკომენდებული.მისივე განმარტებით, ყურადღება უნდა მივაქციოთ მომინანქრებული, ე.წ. ემალირებული ჭურჭლის მდგომარეობასაც. თუ მინანქარი დაზიანებულია, მისი გამოყენება აღარ არის მიზანშეწონილი.„ძალიან მნიშვნელოვანია, გავითვალისწინოთ, რომელი პროდუქტი რასთან ურთიერთობაში, რომელ მასალასთან ურთიერთობაში ქმნის რისკს“,- აცხადებს მარი მალაზონია.ნუტრიციოლოგის თქმით, მნიშვნელოვანია, მომხმარებლებმა კარგად შეაფასონ ჭურჭლის დანიშნულება და მასალა, განსაკუთრებით მაშინ, როდესაც საქმე სხვადასხვა პროდუქტის ხანგრძლივად შენახვას ეხება. 

1793713500

როგორ გავარჩიოთ ვირის და ცხენის ხორცი საქონლისგან - სურსათის უვნებლობის ექსპერტის რეკომენდაცია

სურსათის უვნებლობის სპეციალისტი, ირაკლი არაბული „პრაიმტაიმთან“ საუბრობს თემაზე - როგორ შეიძლება გაარჩიოს მომხმარებელმა ვირის და ცხენის ხორცი საქონლის ხორცისგან.„მომხმარებლისთვის ხშირად ძალიან რთულია გაარჩიოს, რომელია ვირის, რომელია ცხენის და რომელია საქონლის ხორცი. არსებობს რამდენიმე ნიშნული - მაგალითად, ცხენს უფრო განიერი ნეკნები და მუქი ფერის ხორცი აქვს, ვიდრე საქონელს. თუმცა, მიუხედავად ამისა, ხორცის ზუსტი გარჩევა მხოლოდ პროფესიონალ ვეტერინარს შეუძლია.ლაბორატორიული კვლევის გარეშე ზუსტად დადგენა, რისი ხორცია, პრაქტიკულად შეუძლებელია. ამიტომ საუკეთესო გამოსავალია, რომ მომხმარებელმა შეიძინოს შემოწმებული, ბეჭედდარტყმული ხორცი, რომელსაც ვეტერინარი ამოწმებს. ასეთ შემთხვევაში გამორიცხულია, რომ ბეჭედი ჰქონდეს დარტყმული ვირის ან ცხენის ხორცს.გირჩევთ, ხორცი შეიძინოთ მხოლოდ ორგანიზებულ ადგილებში - მაგალითად, მარკეტებში ან სპეციალიზებულ ობიექტებში, სადაც პროდუქტი ინახება მაცივარში და მოქმედებს სახელმწიფო კონტროლი. ასეთ ადგილებში ხორცის შემოწმება რეგულარულად ხდება.მომხმარებელი უნდა დააკვირდეს, რომ მთლიანი ხორცი ან საქონელი თვალსაჩინოდ ჩანდეს და ჰქონდეს შესაბამისი ბეჭედი.საქონლის შემთხვევაში, ბეჭდის დარტყმა ხდება წინა ბარკლებზე და მხრებზე - საერთო ჯამში ოთხ ადგილზე. თავზე ბეჭდის დარტყმა აკრძალულია, რადგან მისი რეალიზაცია არ შეიძლება.ღორის ხორცის შემთხვევაში კი მეხუთე ბეჭედი თავზე იდება.გარდა ბეჭდებისა, მომხმარებელს შეუძლია მოითხოვოს ფორმა №2, რომელიც ადასტურებს, რომ ხორცი ვეტერინარულად შემოწმებულია“, - ამბობს ირაკლი არაბული.

1793713200

„ლიმფურ კვანძში ანთებას იწვევს და ვაქცინებზე იმუნურ პასუხს ცვლის“ - ექიმის საგანგებო გაფრთხილება ტატუს მელანზე

ექიმი ნუტრიციოლოგი, კვების ეროვნული ცენტრის დირექტორი მარი მალაზონია გადაცემაში „პირადი ექიმი მარი მალაზონია“ ტატუს მელნის შესაძლო გავლენებზე საუბრობს და აღნიშნავს, რომ ტატუს პიგმენტებმა შესაძლოა ორგანიზმში გარკვეული რეაქციები გამოიწვიოს.მისი თქმით, ტატუს მელანი ლიმფურ კვანძებში გროვდება, რაც ანთებით პროცესებთან და იმუნური პასუხის ცვლილებასთან შეიძლება იყოს დაკავშირებული.„ტატუს მელანი ლიმფურ კვანძში ანთებას იწვევს და ვაქცინებზე იმუნურ პასუხს ცვლის. ტატუს ანუ სვირინგის მდგრადობას საღებავის პიგმენტი განაპირობებს, რომელიც ადამიანის სხეულის შიგნით არსებულ ბიოლოგიურ სითხეებს ძალიან ძნელად ერევა.შავი პიგმენტი ძირითადად ნახშირიდან მიიღება, ხოლო ფერადი პიგმენტების შემთხვევაში საქმე საწარმოო წესით მიღებულ ორგანულ ნაერთებთან გვაქვს. საგულისხმოა, რომ თავდაპირველად ეს პიგმენტები პლასტმასის, სხვადასხვა ლაქის ან საღებავის წარმოებისთვის იყო გამიზნული, რის გამოც ტატუს მელნის უსაფრთხოება და ტოქსიკურობა მეცნიერებში დავას მუდმივად იწვევდა,“ — აცხადებს მარი მალაზონია. 

1793712540

„მიხაკი საღეჭი რეზინის ნაცვლად“ - სპეციალისტების რეკომენდაცია მიხაკის სასარგებლო თვისებებზე

მიხაკს, როგორც სამკურნალო საშუალებას, ძალიან აქტიურად იყენებენ ჩინურ მედიცინაში. თავისი უნიკალური შემადგენლობის წყალობით ამ მცენარეს მრავალი დაავადების განკურნება შეუძლია.მიხაკი შეიცავს პროვიტამინ A-ს, იგივე ბეტაკაროტინს, B ჯგუფის ვიტამინებს, ვიტამინც C-ს, E-ს, ომეგა 3-ს, ეთერზეთებსა და მრავალ მინერალს.მიხაკის საშუალებით ქრონიკული ანგინის განკურნებაც კი არის შესაძლებელი.გამხმარ მიხაკი ეფექტურია.1. წმენდს ორგანიზმს პარაზიტებისგანდღეში 2-ჯერ, ჭამის წინ, 30 წუთით ადრე, დაღეჭეთ რამდენიმე გამხმარი მიხაკი და პარაზიტები აღარ შეგაწუხებენ.2. პირის ღრუს სამკურნალოდსაღეჭი რეზინის მაგივრად ღეჭეთ მიხაკი და საბოლოოდ დაემშვიდობეთ პარადონტოზს, ღრძილების ანთებას და სტომატიტს.მიხაკი ასევე დაგეხმარებათ პირის ღრუდან უსიამოვნო სუნის გაქრობაში.თუ ატყობთ, რომ ყელი გტკივდებათ, ჩაღეჭეთ მიხაკი.3. უებარია საჭმლის მონელებისთვისიმისათვის, რომ მიხაკმა მოგიწესრიგოთ საჭმლის მონელების პროცესი, ჭამამდე ცოტა ხნით ადრე ჩაღეჭეთ 2 ცალი გამხმარი მიხაკი ერთ ჩაის კოვზ თაფლთან ერთად. თუმცა ეს მეთოდი არ გამოდგება კუჭისა და თორმეტგოჯა ნაწლავის წყლულის დროს. ყველა სხვა შემთხვევაში ეს მეთოდი აბსოლუტურად მისაღებია.მიხაკი ასევე კურნავს კოლიტს, მეტეორიზმს.

1793712000

რა ტიპის დიეტის დაწყებაა სარისკო შემოდგომაზე - ნატა გაგუას რჩევა

შემოდგომაზე ორგანიზმში გარდაქმნა იწყება. გთავაზობთ ექიმ-ნუტრიციოლოგ ნატა გაგუას საშემოდგომო რჩევებს:ნუ გამოსცდით იმუნიტეტსშემოდგომა რადიკალური დიეტების დრო არ არის. ამ სეზონზე გირჩევთ, თქვენი იმუნიტეტი დაინდოთ,  მას მკაცრ გამოცდას ნუ მოუწყობთ. გაითვალისწინეთ, წინ ზამთარი გველის, რომელსაც აუცილებლად გაძლიერებული იმუნური სისტემით უნდა შევხვდეთ.აქვე იმასაც შევნიშნავ, რომ იმუნიტეტის გაძლიერებას ზოგჯერ არასწორად იგებენ და მას გაძლიერებულ კვებასთან აკავშირებენ. ბევრი წონის კონტროლს საერთოდ ივიწყებს იმ მიზეზით, რომ ზამთრის მოახლოებასთან ერთად, თბილ სამოსსა და ქურთუკებში გამოწყობილებმა, ზედმეტი კილოგრამები შეგვიძლია იოლად დავმალოთ.ერიდეთ ნაყროვანებას, ამით უჯრედების აქტიურობას და სწრაფ თვითგანახლებას შეუწყობთ ხელს.იმუნიტეტის გასაძლიერებლად კომპლექსური ზომების მიღებაა საჭირო:ჯანსაღი კვება (ანტიოქსიდანტებით  მდიდარი საკვები, ასაკის შესაბამისი კვება);წყლის სწორი მიღება  (ადამიანმა 1 კგ მასაზე უნდა მიიღოს მინიმუმ 30 მილილიტრი წყალი. ეს რეკომენდაცია განკუთვნილია მხოლოდ ნორმალური მასის ან ამ მასასთან  ახლოს მყოფი ადამიანებისთვის. წყლის დღიური ნორმა დამოკიდებულია წელიწადის დროზე, დღის პერიოდზე, ამინდზე,  ასაკზე, ფიზიკურ აქტივობაზე და ა.შ. წყლის დალევა სასურველია საკვების მიღებამდე მინიმუმ ნახევარი საათით ადრე და საკვების მიღებიდან მინიმუმ ერთ საათში. მიღებული წყლის ტემპერატურა უმჯობესია, იყოს სხეულის ტემპერატურასთან ახლოს;ფიზიკური აქტივობა (მნიშვნელოვანია, ფიზიკურ დატვირთვასა და დასვენებას შორის ბალანსის დაცვა. ასევე გასათვალისწინებელია ასაკი და ფიზიოლოგიური თავისებურებები. მთავარია  რეგულარობა);კონტრასტული შხაპი (პროცედურა დაიწყეთ ტემპერატურის მცირე ცვალებადობით. თბილი წყლის ტემპერატურა არ უნდა აღემატებოდეს 38 გრადუსს, გრილი წყლის კი 28 გრადუსს. უმჯობესია, შხაპი დილით მიიღოთ);მოწესრიგებული ძილის რეჟიმი (ძალიან მნიშვნელოვანია ძილი 17-18 გრადუსი ტემპერატურის პირობებში. ეს ახალგაზრდობის შენარჩუნებაში დაგეხმარებათ – გარემოს ტემპერატურა ხომ პირდაპირ განსაზღვრავს ნივთიერებათა ცვლის და ასაკობრივი ცვლილებების განვითარების ტემპს. ჯანმრთელ ადამიანს სხვადასხვა ხანგრძლივობისა და სიღრმის ძილი აქვთ. ზრდასრული ადამიანისთვის ძილის ნორმაც – 7/8 საათი – პირობითია. ზოგიერთს 9/10-საათიანი ძილი სჭირდება, ზოგს კი  4/5 საათი ყოფნის.  არ უნდა დაგვავიწყდეს მთავარი – ძილი ორგანიზმის ბუნებრივი დასვენებაა, რომელიც თქვენს სიცოცხლისუნარიანობას უწყობს ხელს, გამოფიტვისგან იცავს თავის ტვინის ქერქის უჯრედებს და აღადგენს იმ ენერგიას, რომელიც სიფხიზლის პერიოდში იხარჯება);ემოციური განტვირთვა  (დროდადრო შეგიძლიათ მოდუნდეთ და აკეთოთ ის, რის უფლებასაც თავს ჩვეულებრივ, არ აძლევთ);მავნე ჩვევებზე უარის თქმა.აქვე ჯანსაღ კვებას მცირედით განვმარტავ: ასეთი კვება გულისხმობს ყოველდღიურად მრავალფეროვანი საკვების მიღებას. სასურველია, კვებისას ყველა ჯგუფის პროდუქტი გამოვიყენოთ. დღის რაციონი უნდა იყოს ზომიერი, ინდივიდუალური ფიზიოლოგიური თავისებურებების შესაბამისი. მნიშვნელოვანია, გავითვალისწინოთ გამოყენებული პროდუქტების ხარისხიც.ამასთან, არ დაივიწყოთ ისიც, რომ შემოდგომა ჩვენი ჯანმრთელობის რეგულარული გაკონტროლების დროცაა – ზამთრის დადგომამდე, სასურველია, ორგანიზმის კომპლექსური სამედიცინო შემოწმებაც ჩაიტაროთ.მასალა მომზადებულია ნატა გაგუას ბლოგის მიხედვით

1793697600

როგორ მოვუაროთ მცენარეებს შემოდგომაზე

მცენარეებისთვის გაზაფხული და ზაფხული ყველაზე აქტიური პერიოდია. ამ დროს ხდება მათი გადარგვა, განაყოფიერება და სწრაფი ზრდა. ასეთ მკვეთრ ცვლილებებს კი გრილი სეზონები აბალანსებს. შემოდგომასა და ზამთარში შესაძლოა ჩვენმა მცენარეებმა შეანელონ ზრდა და გადავიდნენ დასვენების, მიძინების ფაზაზე, რამაც არ უნდა შეგვაშინოს. ჩვენ გაგიზიარებთ 5 რჩევას, თუ როგორ შეუქმნათ კომფორტული გარემო მცენარეებს გრილ დღეებში.შემოდგომის დადგომასთან ერთად ტემპერატურა დაბლა იწევს და ჩვენი მცენარეების მორწყვის საჭიროებაც მცირდება. წყალი უფრო ნელა ორთქლდება ნიადაგიდან, ვიდრე თბილ ამინდებში. ამიტომ დააკვირდით რა პერიოდი სჭირდებათ თქვენს მცენარეებს წყლის ასათვისებლად და ამის მიხედვით მოარგეთ მორწყვის გრაფიკი. უმჯობესია არ მორწყათ, სანამ ნიიადაგის ზედა 3 სმ-ზე წყალი არ გაშრება. ეს, რა თქმა უნდა, ზოგადი რეკომენდაციაა, რადგან თითოეულ მცენარეს სხვადასხვა საჭიროება აქვს, ამიტომ მნიშვნელოვანია მოიძიოთ ინფორმაცია მის შესახებ და მიუდგეთ ინდივიდუალურად. თუ ნიადაგი დიდი ხნის განმავლობაში სველი დარჩება, ამან შესაძლოა სოკოს გაჩენაც გამოიწვიოს. იშვიათად გამოიყენე სასუქიორგანული სასუქი შესანიშნავია მცენარის საკვები ნივთიერებების შესავსებად, ის იდეალურად მოქმედებს გაზაფხულსა და ზაფხულში, როცა მცენარე ზრდის ფაზაშია. ხოლო თუ მცენარე მიძინების ფაზაშია, განსაკუთრებით კი ზამთარში, სასუქმა შესაძლოა დაწვას მისი ფესვები.3. „მოაწესრიგეთ“ თქვენი მცენარემიძინების პერიოდი შესანიშნავი დროა მცენარის მოსაწესრიგებლად. მოაშორეთ გაფუჭებული, მოყვითალო ფოთლები და ნებისმიერი არასაჭირო წარმონაქმნი, რომელიც ზაფხულში გაუჩნდა. ნესტიანი, სველი ქსოვილის გამოყენებით ორივე მხრიდან გაუწმინდეთ ფოთლები.4. სინათლისა და ტემპერატურის ცვლილებადააკვირიდით, როგორ მოქმედებს შემოდგომის დადგომა თქვენს სახლში განათებასა და ტემპერატურაზე? გაითვალისწინეთ, მცენარეებს არ უყვართ ტემპერატურის მკვეთრი ცვლილება, ამიტომ მზის სხივების მისაღებად შესაძლოა მათი ადგილის შეცვლაც დაგჭირდეთ. ამასთან, გამათბობელით შესაძლოა ზოგიერთი მცენარე დაზიანდეს, გამოუშრეს ფოთლები და გაუყვითლდეს კიდეები. ამის თავიდან ასაცილებლად, გირჩევთ გაუზარდოთ მათ ტენიანობა.5. ნუ გადარგავთ მცენარეს შემოდგომაზეთუ გადარგვა გაზაფხულზე ვერ მოახერხეთ, უბჯობესია ეს საქმე მომავალ წლამდე გადადოთ. ახალი ჭურჭელი დიდი სტრესია მცენარისთვის, ამიტომ მსგავს ცვლილებეს ზრდის პერიოდში უკეთ უმკავლდება.წყარო:

1793692140

იმუნიტეტის ასამაღლებელი 5 მარტივი და იაფი ხერხი შემოდგომაზე - მედიკოსების რჩევა

შემოდგომა სილამაზით სავსე სეზონია, თუმცა სწორედ ამ პერიოდშია ჩვენი ორგანიზმი ყველაზე დაუცველია ვირუსებისა და გაციების მიმართ. იმუნიტეტის გამყარება ყოველთვის არ საჭიროებს ძვირადღირებულ პრეპარატებს — საკმარისია ყოველდღიურ რეჟიმში რამდენიმე მარტივი ჩვევა დავნერგოთ. სეზონური ხილი და ბოსტნეული ყოველდღიურადიმუნიტეტის ასამაღლებლად დიდი მნიშვნელობა აქვს დაბალანსებულ კვებას. ორგანიზმს ნორმალური მუშაობისთვის ესაჭიროება ცილები, მიკროელემენტები.მიკროელემენტების შემცველობით მცენარეული პროდუქტებიდან ლიდერია კაკალი, პარკოსნები, მზესუმზირა, ბურღულეული, შავი შოკოლადი.კარგი იმუნიტეტისთვის აუცილებელია ისეთი მინერალური ნივთიერებების საკმაო რაოდენობით მიღება, რომლებიც შეიცავს კალიუმს, მაგნიუმს, სპილენძს, თუთიას, იოდს.ვიტამინებით მდიდარი საკვები — ვაშლი, ციტრუსები, სტაფილო, გოგრა და ბროკოლი — ბუნებრივი „ფარი“ არის ვირუსების წინააღმდეგ.იმუნიტეტს ამაღლებისათვის ძალიან ეფექტურია ყოველ დილით კონტრასტული შხაპის მიღება. ასევე სასარგებლოა დილით უზმოზე ორი ჩაის კოვზი თაფლი.თბილი სითხეები და საკმარისი წყალითბილი ჩაი, განსაკუთრებით ჯანჯაფილით, ლიმონითა და თაფლით, ეხმარება ორგანიზმს ტოქსინების გამოდევნას და ამშვიდებს ყელს.რჩევა: დღეში მინიმუმ 6–8 ჭიქა სითხე დალიე.ფიზიკური აქტივობა სუფთა ჰაერზემოკლე სეირნობაც კი აუმჯობესებს სისხლის მიმოქცევას და აძლიერებს იმუნურ პასუხს. ყოველდღე 20–30 წუთი სიარული საკმარისია.სრულფასოვანი ძილიიმუნიტეტი მკვეთრად მცირდება სტრესის, დიდი დატვირთვის და ქრონიკული უძილობის დროს. ძილის ნაკლებობა პირველია, რაც ამცირებს ორგანიზმის თავდაცვით უნარს. ეცადე ყოველ საღამოს ერთსა და იმავე დროს დაიძინო, მინიმუმ 7 საათით.სტრესის მართვა და პოზიტიური განწყობამუდმივი სტრესი იმუნურ სისტემას ასუსტებს. მოიფიქრე ის, რაც გაწყნარებს — მუსიკა, წიგნი ან სეირნობა.რჩევა: დღეში 10 წუთი სუნთქვითი ვარჯიშებისთვის გამოყავი.ოპტიმიზმი ჯანსაღი იმუნური სისტემის მთავარი პირობაა, მეცნიერულად დამტკიცებულია, რომ პესიმისტები უფრო ხშირად ავადდებიან.კარგი განწყობა, სიყვარულის გამოვლინება ამაღლებს თქვენს იმუნიტეტს და ასევე დადებითად მოქმედებს სხვებზეც.

1793656527

3 ადგილი სახლში, სადაც კატეგორიულად არ შეიძლება სარკის დაკიდება

ძველი ჩინური სწავლების, ფენ შუის მიხედვით, ამ საყოფაცხოვრებო ნივთმა ადამიანს შესაძლოა მოუტანოს როგორც სარგებელი, ისე ზიანი.აღმოჩნდა, რომ დეკორის ამ ელემენტის შერჩევას ძალიან დიდი სიფრთხილით უნდა მოვეკიდოთ და ადგილიც შესაფერისი უნდა მოვუძებნოთ, რათა თავიდან ავიცილოთ სახლში უარყოფითი ენერგიის დაგროვება და უსიამოვნებები.სარკის ფორმას ყველა ადამიანი საკუთარი გემოვნებით ირჩევს, თუმცა უმჯობესია სარკე იყოს ოვალური. ადგილის შერჩევის დროს გირჩევთ დაექვემდებაროთ გარკვეულ წესებს.ადგილები, სადაც არ ღირს სარკის დაკიდება:შესასვლელი კარის და ფანჯრის მოპირდაპირედექსპერტები გვირჩევენ, არ დავკიდოთ სარკე შესასვლელი კარის და ფანჯრების მოპირდაპირედ. ამან შესაძლოა სახლიდან დადებითი ენერგიის გადინება გამოიწვიოს, სამაგიეროდ, შესაძლოა, შემოიტანოს სახლში უარყოფითი ენერგია და ნეგატივი.საძინებელშიამ ოთახში სარკის დაკიდება კატეგორიულად მიზანშეუწონელია. ითვლება, რომ მძინარე ადამიანის სარკეში არეკვლა უბედურების მომასწავებელია. ამან შესაძლოა უარყოფითად იმოქმედოს ოჯახის კეთილდღეობაზე. თუ თვლით, რომ საძინებელში სარკე აუცილებლად გჭირდებათ, ეცადეთ კარადის კარზე დაკიდოთ, შიდა მხრიდან, ასე წესების დაცვასაც მოახერხებთ და საკუთარი სურვილის დაკმაყოფილებასაც.ქურასთან ან მის მოპირდაპირედარც ქურასთან გირჩევთ სარკის დაკიდებას, რათა თქვენი ენერგია არ წაიღოს. თუ ძალიან გინდათ სარკე სამზარეულოში, დაკიდეთ ის მაგიდის პირდაპირ.სად არის სარკის ადგილი? ცალსახად გეტყვით, რომ სარკის ადგილი შემოსასვლელშია. იმისათვის, რომ თავიდან აიცილოთ ნეგატიური ენერგია, სარკე რაც შეიძლება ხშირ-ხშირად უნდა გაწმინდოთ.

1793653808

„ნივთი, რომელიც სახლში არასდროს უნდა გქონდეთ და თუ გაქვთ, გადააგდეთ“ - გიორგი ღოღობერიძის გაფრთხილება

ონკოლოგი გიორგი ღოღობერიძე ასახელებს ნივთს, რომელიც თითქმის ყველა ოჯახში მოიპოვება და თან, არაერთი და მისი გამოყენება საზიანოა.„ნივთი, რომელიც სახლში არასდროს უნდა გქონდეთ და თუ გაქვთ, უნდა გადააგდოთ - ეს არის დასაბანი ღრუბელი. ეს არის ბაქტერიების ბუდე, ხშირად, სოკოებისაც. როდესაც თქვენ ამით იბანთ, კანზე არსებული ბაქტერიები და ჭუჭყი ამაზე გადმოდის და მრავლდება. სანამ ეს გაშრება იმდენი გამრავლდება, რომ შემდეგი გამოყენების დროს,  მექანიკური ხეხვის შემთხვევაში, კანში მყარად ჩაჯდება. ამიტომ არის, რომ ზურგზე გამონაყარი არასდროს გირჩება. ფოლეკულიტი, მექანიკური აკნე, ატოპიური დერმატიტი და კიდევ ბევრი სხვა.გეტყვი, რა უნდა გააკეთო: პირველ რიგში, ღრუბელი უნდა გადააგდო. თუ გადაგდება არ გინდა, კვირაში 2-ჯერ კარგად გარეცხე ცხელი წყლით, ანტისეპტიკით და კარგად გააშრე, რომ ბაქტერიებმა გამრავლება ვერ მოასწრონ. კიდევ უფრო უკეთესი, თუ ოჯახის ყველა წევრს, საკუთარი ღრუბელი ექნება“, - ამბობს ღოღობერიძე.

1793644416

რა მოსდის ტვინს, როდესაც ლოცულობთ - მეცნიერებმა სულიერი გამოცდილების ნეიროლოგიური მექანიზმები შეისწავლეს

ლოცვა საუკუნეების განმავლობაში რწმენის, სულიერებისა და შინაგანი სიმშვიდის წყაროდ მიიჩნეოდა. თუმცა თანამედროვე ნეირომეცნიერება სულ უფრო მეტ ყურადღებას უთმობს იმასაც, თუ რა პროცესები მიმდინარეობს ადამიანის ტვინში ლოცვისა და მედიტაციის დროს. კვლევები აჩვენებს, რომ ღრმა სულიერ გამოცდილებას ტვინის სხვადასხვა უბნის აქტივობის ცვლილება ახლავს თან და შესაძლოა გავლენას ახდენდეს ყურადღებაზე, ემოციებსა და საკუთარი თავის აღქმაზე.ამ საკითხს ნეიროთეოლოგია შეისწავლის - მეცნიერების მიმართულება, რომელიც რელიგიურ და სულიერ გამოცდილებას ტვინის ფუნქციონირებასთან აკავშირებს.2026 წლის 30 აგვისტოს სამეცნიერო ჟურნალ Brain and Behavior-ში გამოქვეყნდა სისტემური მიმოხილვა, რომელშიც 1998-2026 წლებში ჩატარებული 105 კვლევის შედეგებია გაანალიზებული. მეცნიერებმა სხვადასხვა რელიგიური და სულიერი პრაქტიკის, მათ შორის ლოცვის, მედიტაციის, რელიგიური ტექსტების კითხვისა და გალობის დროს ტვინში მიმდინარე პროცესები შეისწავლეს.კვლევის ავტორების დასკვნით, ამ პრაქტიკებს ტვინის იმ სისტემებთან კავშირი აქვს, რომლებიც ყურადღებას, ემოციების რეგულირებას, საკუთარი თავის აღქმასა და მოტივაციას განაპირობებს.რა ემართება ტვინს ლოცვის დროს?1. შუბლის წილი - ყურადღება და კონცენტრაციაშუბლის წილი მნიშვნელოვან როლს ასრულებს ყურადღების მართვაში, დაგეგმვასა და გადაწყვეტილებების მიღებაში.ამერიკელი ნეირომეცნიერის, ენდრიუ ნიუბერგის კვლევებში, რომლებშიც ტვინის სისხლის მიმოქცევას SPECT-ტექნოლოგიით აკვირდებოდნენ, აღმოჩნდა, რომ მედიტაციის დროს შუბლის წილის აქტივობა იზრდებოდა. მსგავსი ცვლილებები დაფიქსირდა ფრანცისკანელი მონაზვნების ლოცვის დროსაც.მეცნიერის განმარტებით, ეს შეიძლება უკავშირდებოდეს იმ ფაქტს, რომ ლოცვა და მედიტაცია ყურადღების კონცენტრაციასა და გონებრივ ფოკუსირებას მოითხოვს.2. თხემის წილი - სივრცისა და საკუთარი თავის აღქმატვინის თხემის წილი მონაწილეობს სივრცეში ორიენტაციასა და საკუთარი სხეულის გარემოსგან გამიჯვნის პროცესში.ნიუბერგის კვლევებში ტიბეტელი ბუდისტი მედიტანტებისა და ფრანცისკანელი მონაზვნების ტვინის სკანირებამ აჩვენა, რომ ღრმა მედიტაციისა და ლოცვის დროს თხემის წილის გარკვეულ უბნებში აქტივობა მცირდებოდა.მეცნიერები ვარაუდობენ, რომ ამ ცვლილებას შესაძლოა უკავშირდებოდეს ის განცდა, რომელსაც ადამიანები ღრმა სულიერი გამოცდილებისას აღწერენ. დროისა და სივრცის შეგრძნების შესუსტება და საკუთარ თავსა და გარემოს შორის საზღვრის გაქრობა.3. ტვინის ემოციური ქსელები - შფოთვა და შინაგანი სიმშვიდელოცვისა და მედიტაციის კვლევებში განსაკუთრებული ყურადღება ეთმობა იმ ნერვულ ქსელებსაც, რომლებიც ემოციურ რეაქციებსა და სტრესის რეგულირებაში მონაწილეობენ.2026 წლის სისტემური მიმოხილვის მიხედვით, სულიერი და რელიგიური პრაქტიკები დაკავშირებულია ტვინის რამდენიმე მნიშვნელოვან უბანთან, მათ შორის ამიგდალასთან, რომელიც შიშისა და ემოციური საფრთხის აღქმაში მონაწილეობს.ეს მონაცემები მკვლევრებს აძლევს საფუძველს, შეისწავლონ, როგორ შეიძლება უკავშირდებოდეს რეგულარული სულიერი პრაქტიკა ემოციური მდგომარეობისა და შფოთვის რეგულირებას. თუმცა ლოცვის შედეგად ამიგდალას აქტივობის შემცირება ყველა ადამიანისთვის დადასტურებულ უნივერსალურ ეფექტად ჯერ ვერ ჩაითვლება.4. ნეიროპლასტიურობა - შეუძლია თუ არა ლოცვას ტვინის შეცვლა?ადამიანის ტვინს მთელი სიცოცხლის განმავლობაში აქვს ცვლილებისა და ადაპტაციის უნარი, რასაც ნეიროპლასტიურობა ეწოდება. განმეორებადი გამოცდილება და პრაქტიკა ნერვული ქსელების მუშაობაზე გავლენას ახდენს.მკვლევრები ვარაუდობენ, რომ ხანგრძლივმა მედიტაციურმა და სულიერმა პრაქტიკამ შესაძლოა ტვინის გარკვეულ სტრუქტურებსა და მათ შორის კავშირებზეც იმოქმედოს.თუმცა მნიშვნელოვანია, განვასხვაოთ ტვინის დროებითი აქტივობის ცვლილება მისი სტრუქტურული გარდაქმნისგან. არსებული კვლევები არ იძლევა საფუძველს, ვამტკიცოთ, რომ ყოველდღიური ლოცვა აუცილებლად ზრდის შუბლის წილის რუხი ნივთიერების სიმჭიდროვეს ან იცავს ადამიანს ასაკობრივი ცვლილებებისგან.2021 წელს გამოქვეყნებულმა სისტემურმა მიმოხილვამ ლოცვის დროს მიმდინარე ფიზიოლოგიური ცვლილებების შესახებ რვა ექსპერიმენტული კვლევა გააანალიზა. ხუთი მათგანი ტვინის აქტივობას, სამი კი ორგანიზმის ფიზიოლოგიურ მაჩვენებლებს შეისწავლიდა.მკვლევრებმა დააფიქსირეს ცვლილებები ნერვულ აქტივობასა და ზოგიერთ ფიზიოლოგიურ მაჩვენებელში, მათ შორის გულისცემასა და სუნთქვასთან დაკავშირებულ პროცესებში. ამასთან, ავტორები ხაზს უსვამენ, რომ კვლევების რაოდენობა ჯერ კიდევ შეზღუდულია და დამატებითი მტკიცებულებებია საჭირო.

1793644082

იმუნური სისტემის, ტვინისა და ნერვული სისტემის საუკეთესო დამცველი - წაბლის სამკურნალო თვისებები

წაბლი აჩქარებს ვენებში სისხლის მოძრაობას. ხელს უწყობს სისხლის გათხელებას და აბრკოლებს თრომბების წარმოქმნას, აქვს ტკივილგამაყუჩებელი, შარდმდენი, სიცხის დამწევი, ოფლმდენი, ანტიკლეროტიკული, სიმსივნის საწინააღმდეგო თვისებები, ორგანიზმიდან გამოაქვს ქოლესტერინი, მავნე ტოქსინები, მძიმე ლითონების მარილები, გამოიყენება სხივური თერაპიის შემდეგ, აქვს სისხლდენის შეჩერების, ანთების საწინააღმდეგო თვისებები, ხელს უწყობს ჭრილობის შეხორცებას. კვებითი თვალსაზრისით, 100 გრამი მოხარშული წაბლი შეიცავს საშუალოდ 170–180 კალორიას, დაახლოებით 2 გრამ ცილას, 3 გრამ ცხიმს და 36 გრამ ნახშირწყლებს, ასევე მნიშვნელოვან მინერალებს — კალიუმს, მაგნიუმს, რკინას, მანგანუმს და B ჯგუფის ვიტამინებს. მასში არსებული ნივთიერებები იცავენ უჯრედებს და ამცირებენ ანთებით პროცესებს. სწორედ ამ თვისებების გამო მიიჩნევა, რომ წაბლი შეიძლება იყოს სასარგებლო გულ-სისხლძარღვთა სისტემისთვის, ნერვული სისტემის ფუნქციონირებისთვის და საჭმლის მონელების გასაუმჯობესებლადაც.ჩვეულებრივ, წაბლს წვავენ ღია ცეცხლზე და ეს მისი იდეალურად შეწვის საუკეთესო მეთოდია. მაგრამ სახლის პირობებში ამ მეთოდის გამოყენება შეუძლებელია და გვიხდება ქურის გამოყენება. ალბათ ბევრი ფიქრობს, რომ წაბლის შეწვა ძალიან მარტივია: თითოეულ ნაყოფს ოდნავ ვსერავთ ბასრი დანით, ვწვავთ მათ გაზქურაში, შემდეგ კი ვაცლით კანს სანამ ჯერ კიდევ ცხელია.მაგრამ მაშინაც კი, თუ ძალიან გაგიმართლებთ, წარმატება მხოლოდ 75%-ით არის გარანტირებული, რადგან ასეთი მეთოდით შეწვის შემდეგაც ყოველთვის ვერ ხერხდება კანის მოშორება.თუ თქვენ უბრალოდ დაყარეთ წაბლი საცხობ ფორმაზე ან ტაფაზე და ისე შეწვით, ესე იგი ყველაფერს არასწორად აკეთებთ. ამიტომ გთავაზობთ რამდენიმე რჩევას წაბლის იდეალურად შესაწვავად.1. არ დაგავიწყდეთ წაბლის წინასწარ გასერვა!მოათავსეთ წაბლი ისე, რომ ბრტყელი მხარე საჭრელ ფაფაზე ჰქონდეს დადებული და მცირე ზომის ბასრი დანით გასერეთ კანი ზედა, მომრგვალებულ მხარეზე.2. დაასველეთ წაბლი!დასერვის შემდეგ წაბლი 1 წუთით მოათავსეთ ცხელ წყალში. ეს ხელს შეუწყობს ღუმელში ყოფნის დროს ორთქლის წარმოქმნას. გადაღვარეთ წყალი და გააშრეთ წაბლი. თუ გსურთ სანელებლების დამატება, შეგიძლიათ ამოავლოთ წაბლი გამლღვალი კარაქის, მარილისა და სასურველი სანელებლების ნაზავში.3. დააფარეთ ფოლგა!საცხობ ფორმაზე ან ტაფაზე მოთავსებულ წაბლს ზემოდან გადააფარეთ ფოლგა ისე, რომ შუაში ღია ადგილი დარჩეს (დაახლოებით საკვამურის მსგავსი). თუ წაბლი ბევრია, შეგიძლიათ რამდენიმე ამგვარი "სახურავი" გააკეთოთ.შეწვით 180°-ზე, სანამ წაბლის კანი კარგად არ გაიხსნება - ამას დაახლოებით 25-30 წთ. სჭირდება. გამოიღეთ წაბლი და მოაცილეთ კანი, უმჯობესია გამოიყენოთ დანა. კანი უნდა მოაცილოთ რაც შეიძლება სწრაფად, სანამ წაბლი ცხელია, რადგან გაცივების შემდეგ კანის მოცლა თითქმის შეუძლებელი ხდება. ღუმლიდან გამოღების შემდეგ ნუ გახსნით ფოლგას ერთბაშად: ამოიღეთ წაბლი თითო-თითოდ, რათა სანამ ერთ ნაყოფს კანს აცლით, დანარჩენები არ გაცივდეს.სასარგებლო თვისებებიწაბლი თმისთვისწაბლის ფხვნილი შეგიძლიათ გამოიყენოთ თმის დასაბანად. ფხვნილის მომზადება საკმაოდ მარტივია: გააშრეთ წაბლი და დაფქვით ყავის საფქვავში. თავის დასაბანად დაგჭირდებათ 1-2 სადილის კოვზი წაბლის ფხვნილი. ის აჯანსაღებს თმას, ასქელებს და უბრუნებს ელასტიკურობას.დაცვა მწერებისგანკარადაში პატარა ტომრით ჩამოკიდეთ წაბლი და არასდროს შეგაწუხებთ ჩრჩილი ან სხვა მწერი.წაბლი კანისთვისასევე სასარგებლოა აბაზანის მიღება წაბლის ფხვნილით. 1 სადილის კოვზი წაბლის ფხვნილს დაასხით 500 მილილიტრი წყალი, წამოადუღეთ და გააჩერეთ 8 საათი. მიღებული სითხე დაუმატეთ აბაზანას. ის აუმჯობესებს სისხლის მიმოქცევას, ჭიმავს კანს და აქვს მატონიზებელი ეფექტი.

1793627040

უმრავლესობა ამას შეცდომით აკეთებს - სად უნდა ჩავაგდოთ სარეცხი კაფსულა სინამდვილეში

სარეცხი კაფსულები თანამედროვე ყოველდღიურობაში ერთ-ერთი ყველაზე პოპულარული და მოსახერხებელი საშუალებაა: აღარ გვიწევს ფხვნილის წონა, კონდიციონერის დოზირება და სარეცხი საშუალების უჯრის მუდმივი წმენდა. ერთი შეხედვით, ყველაფერი მარტივია — ჩააგდე და გარეცხე. თუმცა, მომხმარებელთა უმეტესობა უშვებს ერთ საბაზისო შეცდომას, რის გამოც ტანსაცმელი კარგად არ ირეცხება, კაფსულის გარსი ბოლომდე არ იხსნება და ქსოვილზე უსიამოვნო ლაქები რჩება.სად და როგორ უნდა მოვათავსოთ სარეცხი კაფსულა სინამდვილეში, რათა მაქსიმალური შედეგი მივიღოთ?მთავარი შეცდომა: კაფსულის სარეცხის ზემოდან დადება.ყველაზე გავრცელებული ჩვევაა ჯერ ბარაბნის ტანსაცმლით ავსება და ბოლოს, ზემოდან კაფსულის ჩაგდება.ექსპერტებისა და მწარმოებლების რეკომენდაციით, ეს კატეგორიულად არასწორია:როდესაც კაფსულა ტანსაცმლის გროვის ზემოთაა, მასზე წყალი გვიან ხვდება.რეცხვის დაწყებისას კაფსულა ხშირად იჭედება სარეცხის ნაკეცებში ან მანქანის კარის რეზინის სამაგრში.შედეგად, გარსი ბოლომდე ვერ იხსნება, აქტიური ნივთიერებები არათანაბრად ნაწილდება და შესაძლოა ტანსაცმელზე წებოვანი, ჟელესებრი კვალი დარჩეს.სად უნდა ჩავდოთ კაფსულა?სწორი თანმიმდევრობა ასეთია:ჯერ კაფსულა, შემდეგ სარეცხი: კაფსულა ყოველთვის უნდა ჩააგდოთ ცარიელ ბარაბანში, მანამ, სანამ ტანსაცმელს ჩატვირთავთ.ბარაბნის სიღრმეში: მოათავსეთ იგი არა კართან ახლოს, არამედ ბარაბნის შუაგულში ან უკანა კედელთან.სარეცხის ზემოდან დალაგება: ტანსაცმელი კაფსულას ზემოდან უნდა დაეფაროს.ამ განლაგების დროს, როგორც კი სარეცხი მანქანა წყლით ავსებას დაიწყებს, წყალი პირდაპირ ძირში მყოფ კაფსულაზე ჩაედინება. გარსი წამებში იხსნება, ქაფი და სარეცხი საშუალება კი რეცხვის პირველივე წუთებიდან თანაბრად ერევა მთელ მოცულობას.კიდევ რა უნდა გავითვალისწინოთ კაფსულების გამოყენებისას?არასდროს მოათავსოთ უჯრაში: კაფსულა განკუთვნილია მხოლოდ ბარაბნისთვის. ფხვნილის განყოფილებაში მისი ჩადება არ შეიძლება, რადგან იქ ის ვერ გაიხსნება და მილს გაჭედავს.მშრალი ხელები: კაფსულის გარსი წყალში ხსნადია. თუ მას სველი ხელით შეეხებით, გარსი მყისიერად დარბილდება, გაიხევა და სარეცხი საშუალება ხელზე დაგექცევათ.არ გადატვირთოთ ბარაბანი: თუ მანქანა პირამდეა სავსე, წყლის ცირკულაცია ფერხდება, რაც ხელს უშლის კაფსულის სრულფასოვან გახსნას.ტემპერატურული რეჟიმი: მიუხედავად იმისა, რომ თანამედროვე კაფსულები 20-30 გრადუსზეც იხსნება, მოკლე და ძალიან ცივ რეჟიმებზე (მაგალითად, 15-წუთიან ექსპრეს-რეცხვაზე) უმჯობესია თხევადი გელის გამოყენება, რადგან კაფსულას გახსნისთვის გარკვეული დრო მაინც სჭირდება.