1793219438

საქართველოსა და თურქეთის შინაგან საქმეთა მინისტრებს შორის სატელეფონო საუბარი გაიმართა

საქართველოს შინაგან საქმეთა მინისტრმა სულხან თამაზაშვილმა და თურქეთის რესპუბლიკის შინაგან საქმეთა მინისტრმა მუსტაფა ჩიფთჩიმ სატელეფონო საუბარი გამართეს.მხარეებმა ორგანიზებული და ტრანსნაციონალური დანაშაულის წინააღმდეგ ბრძოლის მიმართულებით არსებული თანამშრომლობა და მისი გაღრმავების პერსპექტივები განიხილეს.საუბრისას ხაზი გაესვა ორ ქვეყანას შორის სამართალდაცვით სფეროში ეფექტიანი თანამშრომლობის მნიშვნელობას.

1793209372

„10 000 ლარს თაღლითურად დაეუფლა...“ - ადვოკატს ბრალი წარუდგინეს

საქართველოს გენერალურმა პროკურატურამ თანხის თაღლითურად დაუფლების ფაქტზე ადვოკატს ბრალდება წარუდგინა.შინაგან საქმეთა სამინისტროს გენერალური ინსპექციის დეპარტამენტის მიერ ჩატარებული გამოძიებით დადგინდა, რომ ადვოკატი, რომელიც განსაკუთრებით მძიმე კატეგორიის დანაშაულის შესაძლო ჩადენის ფაქტზე ბრალდებულის ინტერესებს იცავდა, მისი დაცვის ქვეშ მყოფის დას შეხვდა და დაპირდა, რომ მიუხედავად განსაკუთრებით მძიმე სასჯელისა, ბრალდებულთან საპროცესო შეთანხმება 3-4 წლის ვადით თავისუფლების აღკვეთაზე გაფორმდებოდა, რისთვისაც თითქოსდა შინაგან საქმეთა სამინისტროს ცენტრალური კრიმინალური პოლიციის დეპარტამენტის მაღალი თანამდებობის პირებისთვის გადასაცემად, მოსთხოვა და გამოართვა 10 000 ლარი.მეტი დამაჯერებლობისთვის, ბრალდებული არწმუნებდა დაზარალებულს რომ შინაგან საქმეთა სამინისტროს ცენტრალური კრიმინალური პოლიციის დეპარტამენტის თანხმობის გარეშე, პროკურატურა საპროცესო შეთანხმებას ვერ გააფორმებდა და საკითხს არც კი განიხილავდა.დაკავებულს ბრალდება საქართველოს სისხლის სამართლის კოდექსის 180-ე მუხლის მე-2 ნაწილის „ბ“ ქვეპუნქტით (თაღლითობა, რამაც მნიშვნელოვანი ზიანი გამოიწვია) წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.

1793204737

ვიდეოში ასახული პირი არასრულწლოვანია - ცხოველისადმი არასათანადო მოპყრობის ფაქტზე შსს-მ ადმინისტრაციული წარმოება დაიწყო

სოციალურ ქსელში გავრცელებულ ვიდეოსთან დაკავშირებით, სადაც ცხოველისადმი არასათანადო მოპყრობის ფაქტია ასახული, შინაგან საქმეთა სამინისტრომ ადმინისტრაციული წარმოება დაიწყო.ვიდეოში ასახული პირი არასრულწლოვანია.„პრაიმტაიმის“ ინფორმაციით, აღნიშნულ ფაქტთან დაკავშირებით, არასრულწლოვნის მშობელი იმყოფება პოლიციის განყოფილებაში და მიმდინარეობს კანონმდებლობით გათვალისწინებული შესაბამისი პროცედურები.

1793199733

ლაგოდეხის მუნიციპალიტეტში, ნარკოდანაშაულის ბრალდებით დაკავებულ სამ პირს ბრალდება წარედგინა

საქართველოს პროკურატურამ, ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის, რეალიზაციის ხელშეწყობის, ნარკოტიკული საშუალების შემცველი მცენარის უკანონო დათესვა, მოყვანის და კულტივირების ფაქტებზე სამ პირს ბრალდება წარუდგინა.როგორც პროკურატურის მიერ გავრცელებულ ინფორმაციაში აღნიშნული, შინაგან საქმეთა სამინისტროს მიერ ჩატარებული გამოძიებით დადგინდა, რომ ლაგოდეხის მუნიციპალიტეტში ორმა ბრალდებულმა უკანონოდ შეიძინა და შეინახა განსაკუთრებით დიდი ოდენობით ნარკოტიკული საშუალება "მარიხუანა", ხოლო ერთ-ერთმა ბრალდებულმა ნარკოტიკული საშუალების უკანონო რეალიზაციის ხელშეწყობის მიზნით აღნიშნული ნარკოტიკული საშუალება დააფასოვა."გამოძიებით ასევე დადგინდა, რომ მესამე ბრალდებულმა, თელავში, უკანონოდ დათესა და მოიყვანა, განსაკუთრებით დიდი ოდენობით ნარკოტიკული საშუალების შემცველი მცენარე "კანაფი".დაკავებულებს ბრალდება საქართველოს სისხლის სამართლის კოდექსის 260-ე მუხლის მე-2 ნაწილის "ბ" და მე-3 ნაწილის "ა" ქვეპუნქტებით (ნარკოტიკული საშუალების უკანონო შეძენა, შენახვა, წინასწარი შეთანხმებით ჯგუფის მიერ, განსაკუთრებით დიდი ოდენობით), 260-ე კვარტა მუხლის მე-3 ნაწილის "ა" ქვეპუნქტით (ნარკოტიკული საშუალების უკანონო რეალიზაციის ხელშეწყობა, განსაკუთრებით დიდი ოდენობით) 265-ე პრიმა მუხლის მესამე ნაწილის "ა" ქვეპუნქტით (განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა, მოყვანა და კულტივირება) წარედგინათ, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე, ორ ბრალდებულს აღკვეთის ღონისძიების სახით პატიმრობა უკვე შეუფარდა, ხოლო მესამე ბრალდებულისთვის პატიმრობის გამოყენების შუამდგომლობით პროკურატურა სასამართლოს კანონით დადგენილ ვადაში მიმართავს", - აღნიშნულია უწყების მიერ გავრცელებულ ინფორმაციაში.

1793189901

პროკურატურამ თანხის თაღლითურად დაუფლების ფაქტზე ადვოკატს ბრალდება წარუდგინა

საქართველოს გენერალურმა პროკურატურამ თანხის თაღლითურად დაუფლების ფაქტზე ადვოკატს ბრალდება წარუდგინა.შინაგან საქმეთა სამინისტროს გენერალური ინსპექციის დეპარტამენტის მიერ ჩატარებული გამოძიებით დადგინდა, რომ ადვოკატი, რომელიც განსაკუთრებით მძიმე კატეგორიის დანაშაულის შესაძლო ჩადენის ფაქტზე ბრალდებულის ინტერესებს იცავდა, მისი დაცვის ქვეშ მყოფის დას შეხვდა და დაპირდა, რომ მიუხედავად განსაკუთრებით მძიმე სასჯელისა, ბრალდებულთან საპროცესო შეთანხმება 3-4 წლის ვადით თავისუფლების აღკვეთაზე გაფორმდებოდა, რისთვისაც თითქოსდა შინაგან საქმეთა სამინისტროს ცენტრალური კრიმინალური პოლიციის დეპარტამენტის მაღალი თანამდებობის პირებისთვის გადასაცემად, მოსთხოვა და გამოართვა 10 000 ლარი.მეტი დამაჯერებლობისთვის, ბრალდებული არწმუნებდა დაზარალებულს რომ შინაგან საქმეთა სამინისტროს ცენტრალური კრიმინალური პოლიციის დეპარტამენტის თანხმობის გარეშე, პროკურატურა საპროცესო შეთანხმებას ვერ გააფორმებდა და საკითხს არც კი განიხილავდა.დაკავებულს ბრალდება საქართველოს სისხლის სამართლის კოდექსის 180-ე მუხლის მე-2 ნაწილის „ბ“ ქვეპუნქტით (თაღლითობა, რამაც მნიშვნელოვანი ზიანი გამოიწვია) წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.

1793184036

პროკურორი ვაჟა თოდუა აცხადებს, რომ 4 ოქტომბრის საქმეზე მსჯავრდებულებმა ნებაყოფლობით აღიარეს ბრალდება და უდავო გახადეს მტკიცებულებები, რის საფუძველზეც საპროცესო შეთანხმება გაფორმდა

4 ოქტომბრის საქმეზე მსჯავრდებულებმა, მურთაზ ზოდელავამ, ლაშა ბერიძემ, გური ჟვანიამ და ირაკლი ჩხვირკიამ მოითხოვეს საპროცესო შეთანხმების დამტკიცება, სასამართლომ გაითვალისწინა მოთხოვნა, თითოეულ მათგანს სასჯელის ზომად განესაზღვრა ერთი წლით და ერთი თვით თავისუფლების აღკვეთა და ორი წლით პირობითი მსჯავრი, – ამის შესახებ პროკურორმა ვაჟა თოდუამ განაცხადა.მისივე თქმით, მსჯავრდებულებმა ნებაყოფლობით აღიარეს ბრალდება და უდავო გახადეს ბრალდების მხარის მტკიცებულებები.„დღევანდელ სხდომაზე თითოეულმა მსჯავრდებულმა განაცხადა, რომ ნებაყოფლობით აღიარებენ ბრალდებას, ასევე უდავოდ ხდიან ყველა იმ მტკიცებულებას, რაც ადასტურებს როგორც ჯგუფური ძალადობის ორგანიზების, მასში მონაწილეობის, ასევე სტრატეგიული ობიექტის ხელში ჩაგდების მცდელობის ფაქტს.მათ მოითხოვეს საპროცესო შეთანხმების დამტკიცება, სასამართლომ გაითვალისწინა მოთხოვნა, საქმეში არსებული მტკიცებულებები და დაამტკიცა მხარეებს შორის დადებული შეთანხმება, რომლის საფუძველზეც თითოეულ მათგანს სასჯელის ზომად განესაზღვრა 1 წლით და 1 თვით თავისუფლების აღკვეთა და 2 წლით პირობითი მსჯავრი.აღიარება გახდა საფუძველი შეთანხმების დამტკიცების. სასამართლოში მათ დეტალურად მიუთითეს მოსამართლის კითხვაზე, იყო თუ არა აღიარება ნებაყოფლობითი და უდავოდ ხდიდნენ თუ არა ბრალდების მტკიცებულებებს. თითოეულ შემთხვევაში მათ გასცეს დადებითი პასუხი და, შესაბამისად, სასამართლომ გამოიტანა გამამტყუნებელი განაჩენი და ცნო დამნაშავედ წარდგენილ ბრალდებაში“, – განაცხადა თოდუამ.ცნობისთვის, 4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, გური ჟვანიასა და ირაკლი ჩხვირკიას საპროცესო შეთანხმება გაუფორმდათ, ისინი საპატიმროს ნოემბერში დატოვებენ.

1793179670

VIDEO: „ფულზე მოვედი კახა, ფული მინდა...“ - შსს ფარულ ჩანაწერს და ადვოკატის დაკავების კადრებს აქვეყნებს

შინაგან საქმეთა სამინისტროს გენერალური ინსპექციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, თაღლითობის ბრალდებით ადვოკატი დააკავეს.ნახეთ ფარული ჩანაწერი ↓ ინფორმაციას შინაგან საქმეთა სამინისტრო ავრცელებს. „კომპლექსური ღონისძიებების, მათ შორის, ფარული საგამოძიებო მოქმედებების შედეგად დადგინდა, რომ ადვოკატმა მისი დაცვის ქვეშ მყოფი მსჯავრდებულის დას მოტყუებით მოსთხოვა 10 000 ლარი. ბრალდებული ქალს დაჰპირდა, რომ აღნიშნულ თანხას თითქოსდა შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებს გადასცემდა, რომლებიც ფულის სანაცვლოდ მისი ძმის საქმეზე საპროცესო შეთანხმების გაფორმების საკითხს მოაგვარებდნენ.გარდა ამისა, ბრალდებულმა მსჯავრდებულის დას დამატებით 100 000 ლარი მოსთხოვა და მოატყუა, თითქოს აღნიშნული თანხიდან 40 000 ლარი პროკურატურისთვის უნდა გადაეცა, რის სანაცვლოდაც საპროცესო შეთანხმება უკეთესი პირობებით გაფორმდებოდა, ხოლო დარჩენილი 60 000 ლარი სახელმწიფო ბიუჯეტში უნდა ჩარიცხულიყო.მსჯავრდებულის ოჯახის წევრმა ადვოკატს საკითხის მოსაგვარებლად 10 000 ლარი გადასცა.სამართალდამცველებმა ადვოკატი ბრალდებულის სახით დააკავეს.გამოძიება საქართველოს სისხლის სამართლის კოდექსის 180-ე მუხლის მე-2 ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს”,- ნათქვამია ინფორმაციაში.

1793171678

დააკავეს პირი, რომელმაც ახალგაზრდა ბიჭი ძმის ქორწილში მოკლა

შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა განზრახ მკვლელობის ბრალდებით წარსულში ნასამართლევი პირი დააკავეს.შსს-ს ცნობით, გამოძიებით დადგინდა, რომ ბრალდებულმა მიმდინარე წლის 27 ოქტომბერს, სოფელ ლისში მდებარე ერთ-ერთი რესტორნის მიმდებარე ტერიტორიაზე, ურთიერთშელაპარაკების დროს ახალგაზრდა მამაკაცს ცივი იარაღით გულმკერდის არეში დაზიანება მიაყენა და შემთხვევის ადგილიდან მიიმალა.დაჭრილი მამაკაცი სამედიცინო დაწესებულებაში გადაყვანიდან მალევე გარდაიცვალა.სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, ბრალდებული, ცხელ კვალზე, კახეთში, სიღნაღის რაიონში დააკავეს.პოლიციამ დანაშაულის ჩადენის იარაღი ნივთმტკიცებად ამოიღო.გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.

1793171581

შინაგან საქმეთა სამინისტროს გენერალური ინსპექციის თანამშრომლებმა თაღლითობის ბრალდებით ადვოკატი დააკავეს

შინაგან საქმეთა სამინისტროს გენერალური ინსპექციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, თაღლითობის ბრალდებით ადვოკატი დააკავეს.შსს-ს ცნობით, კომპლექსური ღონისძიებების, მათ შორის, ფარული საგამოძიებო მოქმედებების შედეგად დადგინდა, რომ ადვოკატმა მისი დაცვის ქვეშ მყოფი მსჯავრდებულის დას მოტყუებით მოსთხოვა 10 000 ლარი. ბრალდებული ქალს დაჰპირდა, რომ აღნიშნულ თანხას თითქოსდა შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებს გადასცემდა, რომლებიც ფულის სანაცვლოდ მისი ძმის საქმეზე საპროცესო შეთანხმების გაფორმების საკითხს მოაგვარებდნენ.„გარდა ამისა, ბრალდებულმა მსჯავრდებულის დას დამატებით 100 000 ლარი მოსთხოვა და მოატყუა, თითქოს აღნიშნული თანხიდან 40 000 ლარი პროკურატურისთვის უნდა გადაეცა, რის სანაცვლოდაც საპროცესო შეთანხმება უკეთესი პირობებით გაფორმდებოდა, ხოლო დარჩენილი 60 000 ლარი სახელმწიფო ბიუჯეტში უნდა ჩარიცხულიყო.მსჯავრდებულის ოჯახის წევრმა ადვოკატს საკითხის მოსაგვარებლად 10 000 ლარი გადასცა.სამართალდამცველებმა ადვოკატი ბრალდებულის სახით დააკავეს.გამოძიება საქართველოს სისხლის სამართლის კოდექსის 180-ე მუხლის მე-2 ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს“, – აღნიშნულია ინფორმაციაში.

1793170387

„კაცი ყოფილ ცოლს სიცოცხლის მოსპობით დაემუქრა, თუ არ შეურიგდებოდა...“ - ძებნილი პირი პოლიციამ დააკავა

შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა ოჯახის წევრის მიმართ ჩადენილი მუქარისთვის ძებნილი პირი დააკავეს.გამოძიებით დადგინდა, რომ ბრალდებული მიმდინარე წლის ივლისში ყოფილ მეუღლეს სიცოცხლის მოსპობით დაემუქრა, თუ ქალი მასთან შერიგებაზე უარს იტყოდა.დაკავებული მარნეულის რაიონული სასამართლოს განჩინების საფუძველზე იძებნებოდა და მას დაუსწრებლად პატიმრობა ჰქონდა შეფარდებული.სამართალდამცველებმა ძებნილი პირი ჩატარებული ოპერატიულ-სამძებრო ღონისძიებების შედეგად მარნეულში დააკავეს. ამჟამად, დაკავებული პენიტენციურ დაწესებულებაშია შესახლებული.

1793170164

პოლიციამ ნარკოდანაშაულის ბრალდებით კახეთში სამი პირი დააკავა, ამოღებულია განსაკუთრებით დიდი ოდენობით ნარკოტიკი

შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ჯგუფურად ჩადენილი განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, რეალიზაციის ხელშეწყობის და განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა-მოყვანა-კულტივირების ფაქტებზე, სხვადასხვა დროს სამი პირი დააკავეს.სამართალდამცველებმა ბრალდებულების პირადი, ავტომობილის, საცხოვრებელი სახლის ეზოს და დროებით სარგებლობაში არსებული ფერმის ჩხრეკისას, განსაკუთრებით დიდი ოდენობით ნარკოტიკული საშუალებები ამოიღეს, მათ შორის, „მარიხუანა“ და მცენარე „კანაფი“.საგამოძიებო მოქმედებების შედეგად, ასევე, ამოღებულია ნარკოტიკული საშუალებების დაფასოებისთვის საჭირო მასალები.გამოძიება სისხლის სამართლის კოდექსის 260-ე, 260-ე კვარტა და 265-ე პრიმა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

1793170126

მერაბ გამყრელიძე ქვემო ქართლისა და მცხეთა-მთიანეთის რეგიონული დანაყოფების ხელმძღვანელებსა და თანამშრომლებს შეხვდა

ფინანსთა სამინისტროს საგამოძიებო სამსახურის უფროსი მერაბ გამყრელიძე, მოადგილესთან, დავით არდაზაშვილთან ერთად, ქვემო ქართლისა და მცხეთა-მთიანეთის რეგიონებში სამსახურის რეგიონული სტრუქტურული დანაყოფების ხელმძღვანელებსა და თანამშრომლებს შეხვდა.შეხვედრების ფარგლებში განხილულ იქნა რეგიონული სტრუქტურული დანაყოფების საქმიანობის ძირითადი მიმართულებები და მიმდინარე სამუშაო პროცესთან დაკავშირებული საკითხები. საგამოძიებო სამსახურის უფროსმა ყურადღება გაამახვილა ქვეყნის ეკონომიკური ინტერესების დაცვისა და საფინანსო-ეკონომიკური დანაშაულის წინააღმდეგ ბრძოლის მნიშვნელობაზე. მერაბ გამყრელიძემ ხაზი გაუსვა რეგიონში დანაშაულის პრევენციის, გამოვლენისა და გამოძიების მიმართულებით ეფექტიანი ღონისძიებების გატარებას, პროფესიული პასუხისმგებლობის მაღალ სტანდარტსა და დაკისრებული მოვალეობების სათანადოდ შესრულებას.„რეგიონულ დანაყოფებში სამუშაო შეხვედრების მიზანია არსებული მდგომარეობის შეფასება, თანამშრომელთა წინაშე არსებული საკითხების განხილვა და საქმიანობის გაუმჯობესების კონკრეტული მიმართულებების განსაზღვრა. მნიშვნელოვანია, თითოეულმა სტრუქტურულმა ერთეულმა უზრუნველყოს დაკისრებული ფუნქციების ეფექტიანი შესრულება, პროფესიული პასუხისმგებლობის მაღალი სტანდარტის დაცვა და სამსახურის წინაშე დასახული ამოცანების შედეგზე ორიენტირებულად განხორციელება“, – განაცხადა მერაბ გამყრელიძემ.საგამოძიებო სამსახურის უფროსმა თანამშრომლებს გაწეული საქმიანობისთვის მადლობა გადაუხადა და მათ შესაბამისი დავალებები მისცა.შეხვედრებს ფინანსთა სამინისტროს საგამოძიებო სამსახურის საგამოძიებო დეპარტამენტის უფროსი კობა კოპალიანი მოადგილესთან, დავით სადაღაშვილთან ერთად ესწრებოდა.