1794666886

აჭარის მთავრობის თავმჯდომარე ზურაბ პატარაძე ფესტივალ „განდაგანას“ ოჯახთან ერთად დაესწრო

აჭარის მთავრობის თავმჯდომარე ზურაბ პატარაძე, ოჯახთან ერთად, ბათუმში, ევროპის მოედანზე მიმდინარე სოფლის ტურიზმის ფესტივალს „განდაგანას" დაესწრო.ღონისძიება აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით იმართება და სოფლის ტურისტული შესაძლებლობების წარმოჩენასა და სოფლად მოგზაურობის წახალისებას ემსახურება.მთავრობის თავმჯდომარემ ფესტივალის მნიშვნელობაზე ისაუბრა და აღნიშნა, რომ მსგავსი ღონისძიებები ოთხივე სეზონზე ტურიზმის განვითარებასა და აჭარის მრავალფეროვანი ტურისტული შესაძლებლობების წარმოჩენას უწყობს ხელს. მისივე თქმით, ფესტივალი მთავრობის, ბიზნესისა და ფერმერების ერთობლივი მუშაობის მაგალითია, რომელიც ადგილობრივ მწარმოებლებს საკუთარი ნაწარმის ფართო აუდიტორიისთვის გაცნობის შესაძლებლობას აძლევს.გამოფენა-გაყიდვაზე ადგილობრივი და საქართველოს სხვადასხვა რეგიონიდან ჩამოსული 200-მდე მეწარმის ხელნაკეთი ნამუშევრები, სოფლის ნობათი და კერძებია წარმოდგენილი. განსაკუთრებული ყურადღება აჭარულ სამზარეულოსა და ხალხური რეწვის დარგების გაცნობას ეთმობა.ფესტივალს საქართველოს პარლამენტის, აჭარის მთავრობისა და უმაღლესი საბჭოს წარმომადგენლები, მუნიციპალიტეტების მერები და ადგილობრივი თვითმმართველობის სხვა წარმომადგენლები ესწრებოდნენ.

1794651658

ოზურგეთის მუნიციპალიტეტის მერის მოვალეობის შემსრულებელი გია ანთაძე, გურიის მხარისა და ადგილობრივი ხელისუფლების წარმომადგენლებთან ერთად, მიმდინარე ინფრასტრუქტურულ სამუშაოებს გაეცნო

ოზურგეთის მუნიციპალიტეტის მერის მოვალეობის შემსრულებელი გია ანთაძე, გურიის მხარეში სახელმწიფო რწმუნებული გიორგი ღურჯუმელიძე და საკრებულოს თავმჯდომარე დავით დარჩია, ქალაქ ოზურგეთში მერაბ კოსტავას ქუჩაზე მდებარე მრავალბინიანი საცხოვრებელი სახლის ფასადის რეაბილიტაციასა და სპორტული მოედნის მშენებლობის პროცესს გაეცნენ. გურიის მხარისა და ადგილობრივი თვითმმართველობის ხელმძღვანელმა პირებმა ასევე დოლიძის ქუჩაზე მდებარე საჭიდაო დარბაზში მიმდინარე სამუშაოები დაათვალიერეს.სამივე პროექტი, რეგიონებში განსახორციელებელი პროექტების ფონდისა და ოზურგეთის მერიის ფინანსური მხარდაჭერით ხორციელდება, რისთვისაც ჯამში 1 377 000 ლარზე მეტი დაიხარჯება.როგორც მერის მოვალეობის შემსრულებელმა აღნიშნა, ინფრასტრუქტურული სამუშაოები ხელს შეუწყობს ქალაქის იერსახის მოწესრიგებას, სპორტული ინფრასტრუქტურის განვითარებას და მოსახლეობისთვის კომფორტული საცხოვრებელი გარემოს შექმნას.

1794643037

რუსთაველებისთვის ისტორიული გადაწყვეტილება მიღებულია და იაღლუჯის ფერდობზე არსებული მიწის ნაკვეთების რეგისტრაცია იწყება - ნინო ლაცაბიძე

იაღლუჯის მთის ფერდობზე, ათწლეულების განმავლობაში მოუგვარებელი პრობლემის გადაჭრის მიზნით, მიწების სარეგისტრაციო პროცესი იწყება. ამის შესახებ ინფორმაცია რუსთავის მოსახლეობის საინიციატივო ჯგუფს, საქართველოს იუსტიციის სამინისტროს საჯარო რეესტრის ეროვნულ სააგენტოში გამართულ შეხვედრაზე მიაწოდეს„დღეს მართლაც, რომ ისტორიული დღეა, ჩვენ შევხვდით რუსთავის საინიციატივო ჯგუფის წარმომადგენლებს. იაღლუჯის მიწის ნაკვეთებთან დაკავშირებით მიღებული იქნა გადაწყვეტილება და უახლოეს მომავალში დავიწყებთ სარეგისტრაციო პროცესს. 12 ათასამდე დაინტერესებული პირი შეძლებს გახდეს იაღლუჯის ტერიოტრიაზე არსებული მიწის მესაკუთრე“, - განაცხადა იუსტიციის მინისტრის მოადგილემ, საჯარო რეესტრის ეროვნული სააგენტოს თავმჯდომარის მოვალეობის შემსრულებელმა თამარ ზოდელავამ.შეხვედრას საქართველოს იუსტიციის მინისტრის მოადგილე თამარ ზოდელავა, რუსთავის მერი ნინო ლაცაბიძე, რუსთავის საკრებულოს თავმჯდომარე მამუკა რეხვიაშვილი, ქვემო ქართლში სახელმწიფო რწმუნებული ილია ჯალაღანია, რუსთავის დელეგატი პარლამენტში ირაკლი შატაკიშვილი და საჯარეო რეესტრის ეროვნული სააგენტოს წარმომადგენლები ესწრებოდნენ.„რუსთაველებისთვის ისტორიული გადაწყვეტილება მიღებულია და იაღლუჯის ფერდობზე არსებული მიწის ნაკვეთების რეგისტრაცია იწყება. მადლობას ვუხდი საქართველოს პრემიერ- მინისტრს, სამთავრობო გუნდს, ყველა იმ სახელმწიფო სტრუქტურას, რომელიც ამ ძალიან რთული პროცესის რუსთაველების სასარგებლოდ წარმართვასა და ბოლომდე მიყვანაში დაგვეხმარა“, - განაცხადა რუსთავის მერმა ნინო ლაცაბიძემ. საქართველოს მთავრობის ინიციატივით, იუსტიციის სამინისტროს, რუსთავის მერიის და ქვემო ქართლის გუბერნიის ერთობლივი ძალისხმევით პრობლემის გადასაწყვეტი კონკრეტული გეგმა შემუშავდა.„გადაწყდა 40 წლიანი პრობლემა, საკითხი ეხება იაღლუჯის ფერდობზე რუსთაველებისთვის ძალიან მნიშვნელოვან თემას - მიწის ნაკვეთების რეგისტრაციას. უახლოეს დღეებში დაიწყება სარეგისტრაციო პროცესი და ყველა რუსთაველს, რომელსაც ამ ტერიტორიაზე აქვთ მიწის ნაკვეთი, შეეძლება ამ პროცესში ჩართვა. მადლობას ვუხდი საქართველოს პრემიერ მინისტრს და ყველა იმ სამთავრობო სტრუქტურას, რომელიც ამ საკითხის გადაჭრაში იყო აქტიურად ჩართული“, - განაცხადა ქვემო ქართლში სახელმწიფო რწმუნებულმა ილია ჯალაღანიამ.უახლოეს დღეებში ყველა ის პირი, ვისაც საჯარო რეესტრისთვის იაღლუჯის ფერდობზე არსებული ნაკვეთების დარეგისტრირების თხოვნით აქვს მიმართული, მიიღებს შეტყობინებას რეგისტრაციის პროცესის დაწყებისა და იმ დოკუმენტაციის შესახებ, რომელთა წარდგენაც საჯარო რეესტრში, კანონით არის გათვალისწინებული.იაღლუჯის ფერდობზე არსებული მიწის ნაკვეთები, რუსთაველებს გასული საუკუნის 80-იან წლებში გადაეცათ და მათ დაკანონებას ათწლეულების განმავლობაში ვერ ახერხებდნენ.

1794565033

ასპინძაში ოთხ ქუჩაზე სარეაბილიტაციო სამუშაოები მიმდინარეობს

ასპინძის მუნიციპალიტეტის მერმა როსტომ მაგრაქველიძემ და მერის პირველმა მოადგილემ დავით პაპაშვილმა, ადგილობრივი თვითმმართველობისა და  სამშენებლო კომპანიის წარმომადგენლებთან ერთად, ერკოტის, ჯორჯიაშვილის, კოსტავასა და ნინოშვილის ქუჩებზე მიმდინარე სარეაბილიტაციო სამუშაოები დაათვალიერეს.მუნიციპალიტეტის მერი ადგილზე არსებულ მდგომარეობასა და პროექტის განხორციელების პროცესს გაეცნო. ამ ეტაპზე სარეაბილიტაციო სამუშაოები აქტიურ რეჟიმში მიმდინარეობს.პროექტის სახელშეკრულებო ღირებულება 684 474 ლარს შეადგენს.მუნიციპალიტეტში ინფრასტრუქტურული პროექტების განხორციელება მიზნად ისახავს საგზაო ინფრასტრუქტურის გაუმჯობესებას, მოსახლეობისთვის გადაადგილებისა და ყოველდღიური ცხოვრების პირობების მოწესრიგებას.

1794550514

ბორჯომის მუნიციპალიტეტის დაბა წაღვერში ახალი სპორტული მოედნის სარეაბილიტაციო სამუშაოები დასრულდა

ბორჯომის მუნიციპალიტეტის დაბა წაღვერში ახალი სპორტული მოედნის სარეაბილიტაციო სამუშაოები დასრულდა.პროექტის ფარგლებში მოეწყო თანამედროვე სტანდარტების შესაბამისი სპორტული სივრცე, დაიგო მწვანე საფარი, მოედნის პერიმეტრზე დამონტაჟდა ლითონის დამცავი ბადეები, ენერგოეფექტური გარე განათების სისტემა და კეთილმოწყო მიმდებარე ტერიტორია.სპორტული ინფრასტრუქტურის განვითარება და არსებული სივრცეების განახლება ბორჯომის მუნიციპალიტეტში მომავალშიც აქტიურად გაგრძელდება.

1794489920

ფოთის მერი ორგზის მსოფლიო ჩემპიონს, ჯაბა თურქიას: „ჯაბას წარმატება შრომისა და მიზანდასახულობის საუკეთესო მაგალითია“

ფოთის მერი ბექა ვაჭარაძე ორგზის მსოფლიო ჩემპიონ ჯაბა თურქიას შეხვდა და მიღწეული წარმატება მიულოცა.უზბეკეთის დედაქალაქმა ტაშკენტმა სამბოს მსოფლიო ჩემპიონატს უმასპინძლა, სადაც ფოთელმა სპორტსმენმა ჯაბა თურქიამ ოქროს მედალი მოიპოვა და მსოფლიო ჩემპიონის ტიტული მეორედ დაისაკუთრა.„დღეს ფოთელ სპორტსმენს, სამბოში ორგზის მსოფლიო ჩემპიონ ჯაბა თურქიას მორიგი მნიშვნელოვანი გამარჯვება მივულოცე.განსაკუთრებით სასიხარულო იყო, რომ შეხვედრას მისი სპორტული სკოლის ახალგაზრდა მოჭიდავეებიც ესწრებოდნენ, რომელთათვისაც ჯაბას წარმატება შრომისა და მიზანდასახულობის საუკეთესო მაგალითია.მადლობა ჯაბას ამ დიდი გამარჯვებისთვის, მის მწვრთნელებს კი გაწეული შრომისა და თავდადებისთვის!საამაყოა, რომ ფოთელი სპორტსმენები საერთაშორისო ასპარეზზე მნიშვნელოვან წარმატებებს აღწევენ. მჯერა, მათი მიღწევები კიდევ უფრო მეტ ახალგაზრდას შთააგონებს და ახალი გამარჯვებებისკენ უბიძგებს.ჯაბა, კიდევ ერთხელ გილოცავ. წინ კიდევ ბევრი წარმატება და საამაყო შედეგი გელოდება!“ - განაცხადა ფოთის მერმა ბექა ვაჭარაძემ.მსოფლიო ჩემპიონსა და მის მწვრთნელს ფოთის მუნიციპალიტეტისგან ფულადი ჯილდო გადაეცემათ

1794473832

გორის მუნიციპალიტეტში 1 000 ჰექტარ სასოფლო-სამეურნეო მიწაზე წყალუზრუნველყოფა გაუმჯობესდა

გორის მუნიციპალიტეტში, სოფელ ქვეშის ტერიტორიაზე, "საქართველოს მელიორაციამ" ტირიფონის სარწყავი სისტემის მაგისტრალური არხის გაწმენდითი სამუშაოები დაასრულა. შედეგად, 1 000 ჰექტარ სასოფლო-სამეურნეო მიწის ფართობზე სარწყავი წყლის მიწოდება გაუმჯობესდა.სამუშაოების ფარგლებში არხის 1 500-მეტრიანი მონაკვეთი ნატანი მასისა და მცენარეული საფარისგან გაიწმინდა, რამაც მისი გამტარუნარიანობა მნიშვნელოვნად გაზარდა და წყლის შეუფერხებლად გადინებას შეუწყო ხელი.ტირიფონის მაგისტრალური არხით გორის მუნიციპალიტეტის შვიდი სოფლის - ციცაგიაანთკარის, ახრისის, მეჯვრისხევის, ზერტის, კვარხითის, ხელთუბნისა და თორტიზას მოსახლეობა სარგებლობს.აღსანიშნავია, რომ გორის მუნიციპალიტეტში, 2026 წელს გაიწმინდა და მოწესრიგდა 82 კილომეტრი სამელიორაციო არხი, შეკეთდა ან შეიცვალა 128 ერთეული სხვადასხვა ტიპის ჰიდროტექნიკური ნაგებობა.

1794468072

ბორჯომის მერია სოციალურად დაუცველი ოჯახების მხარდაჭერას აგრძელებს

ბორჯომის მუნიციპალიტეტის მერი მამუკა გელაშვილი, მერის მოადგილე გელა მაღრაძესთან და ჯანმრთელობის დაცვის, სოციალური უზრუნველყოფის, ბავშვთა უფლებების დაცვისა და მხარდაჭერის სამსახურის უფროს მაკა მანჯავიძესთან ერთად, მაღალმთიან სოფელ ჭიხარულაში მცხოვრებ იურიკ ანტონიანის ოჯახს ესტუმრა.მუნიციპალიტეტის მერი სოციალურად დაუცველი ოჯახის მდგომარეობას გაეცნო. ოჯახის საჭიროებების გათვალისწინებით, მათ ბუნებრივი აირის გამათბობელი გადაეცათ.შეხვედრისას მამუკა გელაშვილმა იურიკ ანტონიანის ოჯახს მხარდაჭერა აღუთქვა და აღნიშნა, რომ მუნიციპალიტეტის მერია შესაბამისი სოციალური პროგრამების ფარგლებში მათ დახმარებას მომავალშიც გააგრძელებს.

1794464443

ჩარგალში ვაჟა-ფშაველას სახლ-მუზეუმთან მისასვლელი გზისა და ხიდის რეაბილიტაცია დასრულდა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა მცხეთა-მთიანეთის რეგიონში, სოფელ ჩარგალში, ვაჟა-ფშაველას სახლ-მუზეუმთან მისასვლელი გზისა და საფეხმავლო ხიდის სარეაბილიტაციო სამუშაოები დაასრულა.პროექტის ფარგლებში აღდგა ღვარცოფის შედეგად დაზიანებული საავტომობილო გზის მონაკვეთი, აშენდა ახალი საფეხმავლო ხიდი და მოეწყო ნაპირსამაგრი ინფრასტრუქტურა.ძლიერი ღვარცოფის შედეგად დაზიანებული იყო მდინარის ორივე სანაპიროზე არსებული ნაპირსამაგრი კედლები, გზის სავალი ნაწილი და ავტობუსის მოსაცდელი. ასევე დაზიანებული იყო ვაჟა-ფშაველას სახლ-მუზეუმთან მისასვლელი საფეხმავლო ხიდი.სარეაბილიტაციო სამუშაოების ფარგლებში, აშენდა ახალი ერთმალიანი საფეხმავლო ხიდი, მოეწყო რკინაბეტონის ნაპირსამაგრი და ნაკადჩამქრობი კედლები, უსაფრთხოების მიზნით დამონტაჟდა ლითონის მოაჯირები. ასევე აღდგა გზის ასფალტბეტონის საფარი, მოეწყო ტროტუარი და ახალი ავტობუსის მოსაცდელი.განხორციელებული სამუშაოების შედეგად აღდგა ვაჟა-ფშაველას სახლ-მუზეუმთან მისასვლელი საგზაო და საფეხმავლო ინფრასტრუქტურა.პროექტი სახელმწიფო ბიუჯეტიდან დაფინანსდა და მისმა ღირებულებამ 3 862 630 ლარი შეადგინა.განახლებული ინფრასტრუქტურა ხელს შეუწყობს როგორც ადგილობრივი მოსახლეობის უსაფრთხო გადაადგილებას, ისე ვაჟა-ფშაველას სახლ-მუზეუმის ვიზიტორებისთვის მისაწვდომობის გაუმჯობესებას.

1794404018

შოვში, 13 ასურელი მამის სახელობის ტაძრის მშენებლობისთვის გამოყოფილ ტერიტორიაზე, საძირკვლის კურთხევის ცერემონია გაიმართა

შოვში, 13 ასურელი მამის სახელობის ტაძრის მშენებლობისთვის გამოყოფილ ტერიტორიაზე, საძირკვლის კურთხევის ცერემონია გაიმართა.ცერემონიას ესწრებოდნენ საქართველოს პარლამენტში რაჭა-ლეჩხუმისა და ქვემო სვანეთის დელეგატი გოჩა ენუქიძე, რაჭა-ლეჩხუმისა და ქვემო სვანეთის სახელმწიფო რწმუნებული პაპუნა მარგველიძე, სახელმწიფო რწმუნებულის მოადგილეები ქრისტინა კობახიძე, ლევან ჯმუხაძე და ალუდა თუთისანი, ასევე ონის მუნიციპალიტეტის ადგილობრივი ხელისუფლების წარმომადგენლები.საძირკვლის კურთხევის წესი ნიკორწმინდელმა ეპისკოპოსმა ვახტანგმა (ლიპარტელიანი) ეპარქიის სამღვდელოებასთან ერთად აღასრულა.ტაძრის მშენებლობის გადაწყვეტილება შოვში მომხდარი ტრაგედიის შემდეგ მიიღეს. პროექტი საქართველოს პარლამენტში რაჭა-ლეჩხუმისა და ქვემო სვანეთის დელეგატის, გოჩა ენუქიძისა და თბილისის მერის, კახა კალაძის ფინანსური მხარდაჭერით ხორციელდება.ხელისუფლების წარმომადგენლების განცხადებით, ტაძარს განსაკუთრებული სულიერი და საზოგადოებრივი მნიშვნელობა ექნება და ერთიანობის, თანადგომისა და დაღუპულთა ხსოვნისადმი პატივისცემის სიმბოლოდ იქცევა

1794397414

ახალ ბულვარში ახალი საბავშვო სივრცე მოეწყო

ბათუმის ბულვარში, ერთ-ერთ ყველაზე ხალხმრავალ ლოკაციაზე, ხიმშიაშვილის ქუჩის მიმდებარედ, ახალი საბავშვო სივრცე მოეწყო. აღნიშნულ ტერიტორიაზე საბავშვო კუთხის მოწყობა საზოგადოების მოთხოვნის საფუძველზე, ბულვარის განაშენიანების გეგმით იყო გათვალისწინებული.450 კვადრატული მეტრის ფართობის ახალი სივრცე თანამედროვე სტანდარტების შესაბამისად მოეწყო და სხვადასხვა ასაკის ბავშვებისთვისაა განკუთვნილი. საბავშვო კუთხეში დამონტაჟდა შესაბამისი ინფრასტრუქტურა და ადაპტირებული საქანელები. პროექტის განხორციელების პროცესში განსაკუთრებული ყურადღება დაეთმო არსებული ლანდშაფტის მაქსიმალურად შენარჩუნებას. ახალი საბავშვო სივრცის მოწყობა მიზნად ისახავს ბათუმის ბულვარში ბავშვებისთვის უსაფრთხო, კომფორტული და კეთილმოწყობილი გარემოს შექმნას.

1794395580

ოზურგეთის მერის მოვალეობის შემსრულებელი და საკრებულოს თავმჯდომარე სოფლების მოსახლეობას შეხვდნენ

ოზურგეთის მუნიციპალიტეტის მერის მოვალეობის შემსრულებელი გია ანთაძე და საკრებულოს თავმჯდომარე დავით დარჩია ადგილობრივი ხელისუფლების წარმომადგენლებთან ერთად, სოფელ ოზურგეთისა და გურიანთის მოსახლეობას შეხვდნენ.შეხვედრაზე ადგილობრივების საჭიროებები და მოსახლეობის ინიციატივები განიხილეს. დასმული საკითხები შემდგომი რეაგირების მიზნით შესაბამის სამსახურებს გადაეცა.