1791634920

რუსთავში რუსთავქალაქობას აღნიშნავენ

რუსთავში რუსთავქალაქობა აღინიშნება. რუსთავის მერიის ორგანიზებით, ქალაქის ცენტრალურ პარკში რუსთავქალაქობა 2026-ის ფარგლებში, სადღესასწაულო და გასართობი ღონისძიებები დილიდან მიმდინარეობს.სპეციალურად „რუსთავქალაქობა-2026“-თვის მოწყობილია სადღესასწაულო და გასართობი სივრცეები, სადაც მთელი დღის განმავლობაში „ჩვენი თეატრის” კოსტუმირებული მსვლელობა, საბავშვო სპექტაკლი და სხვადასხვა გასართობი ღონისძიებები ტარდება. 18:00 საათზე დაიწყება ელექტრონული მუსიკის საღამო. 21:00 საათზე კი რუსთავქალაქობის კულმინაცია ტრადიციულად გალა-კონცერტი იქნება. რუსთაველებისა და ქალაქის სტუმრების წინაშე სიმფონიური ორკესტრი და ბენდი მაესტრო ნიკა ნიკვაშვილის ხელმძღვანელობით წარსდგებიან.სადღესასწაულო კონცერტში მონაწილეობას მიიღებენ: ლიზა ბაგრატიონი, არმაზ დარაშვილი, გიორგი ლომისელი, ანსამბლი „ქართული ხმები’’, ახალგაზრდული კაპელა მეკო ქავთარაძის ხელმძღვანელობით, აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი”, ლიკა ღუღუნიშვილი, გიორგი ბუაჩიძე, ანა შუბლაძე და დიმიტრი ხეთაგუროვი. რუსთავში, რუსთავქალაქობა ტრადიციულად ყოველი წლის ოქტომბერში აღინიშნება.

1791629280

აჭარის მთავრობის თავმჯდომარე ზურაბ პატარაძე ბათუმის მერთან, გიორგი ცინცაძესთან ერთად, ტრაპიზონის მერს, აჰმეთ მეთინ გენჩს შეხვდა

აჭარის მთავრობის თავმჯდომარე ზურაბ პატარაძე ბათუმის მერთან, გიორგი ცინცაძესთან ერთად, ტრაპიზონის მერს, აჰმეთ მეთინ გენჩს შეხვდა. შეხვედრაზე დაძმობილებულ ქალაქებს - ბათუმსა და ტრაპიზონს შორის თანამშრომლობის გაღრმავების შესაძლებლობები განიხილეს.აღინიშნა, რომ საქართველო-თურქეთის სტრატეგიული პარტნიორობა რეგიონებისა და ქალაქებისთვის საერთო ინტერესებზე დაფუძნებული ეკონომიკური და საზოგადოებრივი ინიციატივების განხორციელების მყარ საფუძველს ქმნის.ყურადღება გამახვილდა ტურისტული და საქმიანი, აგრეთვე, კულტურის და სპორტის მიმართულებით ურთიერთობების გაფართოებაზე. ამ კონტექსტში ტრაპიზონის მერმა ასევე ისაუბრა სამედიცინო ტურიზმის განვითარების საკითხებზე და ორი რეგიონის მოსახლეობისთვის სათანადო სერვისების მიწოდების შესაძლებლობებზე.რეგიონებს შორის სატრანზიტო პოტენციალის გაძლიერებასა და ურბანული განვითარების საკითხებზე მსჯელობისას, ზურაბ პატარაძემ ახალი სატრანსპორტო კვანძების მოწყობისა და ჭკვიანი ქალაქის მიდგომების დანერგვის მიმართულებით თურქული გამოცდილების გაცნობის ინტერესი გამოხატა. თავის მხრივ კი, მან სხვადასხვა სფეროში აჭარაში დაგროვილი გამოცდილების გაზიარებისა და ერთობლივი საქმიანობის დაგეგმვისთვის მზადყოფნა გამოთქვა.ტრაპიზონის მერთან შეხვედრით აჭარის მთავრობის თავმჯდომარის ორდღიანი ვიზიტი თურქეთის რესპუბლიკაში დასრულდა. შეხვედრების მთავარი თემები რეგიონული თანამშრომლობის გაღრმავება, სავაჭრო-ეკონომიკური კავშირების გაფართოება, ტურიზმის, კულტურის, განათლების და სპორტის მიმართულებით ერთობლივი ინიციატივების განხილვა იყო. ვიზიტის ფარგლებში განსაკუთრებული ყურადღება დაეთმო ბიზნესწრეებს შორის პირდაპირი კონტაქტების გააქტიურებას, ასევე, ბიზნესფორუმებისა და საინვესტიციო ღონისძიებების გამართვისა და ერთობლივი პროექტების განხორციელების შესაძლებლობებს.

1791617808

აჭარის ჯანმრთელობისა და სოციალური დაცვის მინისტრი ნინო ნიჟარაძე, აჭარის უმაღლესი საბჭოს თავმჯდომარესთან, ცოტნე ანანიძესთან ერთად, სოფელ ბობოყვათში მცხოვრებ აიშე ანანიძეს ესტუმრა და 100 წლის იუბილე მიულოცა

აჭარის ჯანმრთელობისა და სოციალური დაცვის მინისტრი ნინო ნიჟარაძე, აჭარის უმაღლესი საბჭოს თავმჯდომარესთან, ცოტნე ანანიძესთან ერთად, ქობულეთის მუნიციპალიტეტის სოფელ ბობოყვათში მცხოვრებ აიშე ანანიძეს ესტუმრა და 100 წლის იუბილე მიულოცა. აიშე ანანიძეს ხუთი შვილი, ათი შვილიშვილი, ოცი შვილთაშვილი და ოთხი შვილთაშვილის შვილი ჰყავს. იუბილარს, აჭარის ჯანმრთელობისა და სოციალური დაცვის სამინისტროს პროგრამის - „100 წელს გადაცილებული მოქალაქეების ერთჯერადი დახმარების“ ფარგლებში, 5 000 ლარი გადაეცა.აიშე ანანიძეს 100 წლის იუბილე ასევე მიულოცეს აჭარის ჯანმრთელობისა და სოციალური დაცვის მინისტრის მოადგილემ, ზურაბ თენიეშვილმა და ქობულეთის მუნიციპალიტეტის მერის მოადგილემ, მინდია რომანაძემ.2026 წელს, 100 წელს გადაცილებული მოქალაქეებისთვის გათვალისწინებული ერთჯერადი ფინანსური დახმარება 1 500 ლარიდან 5 000 ლარამდე გაიზარდა. პროგრამის მიზანია უხუცესი მოქალაქეების მხარდაჭერა და მათი სოციალური კეთილდღეობის ხელშეწყობა. ამჟამად, აჭარაში 100 წლისა და მეტი ასაკის 23 მოქალაქე ცხოვრობს. წლის ბოლომდე 100 წლის იუბილეს კიდევ სამი მოქალაქე აღნიშნავს.        

1791528418

გრიგოლეთი-შეკვეთილი-ქობულეთი-ჩაქვი-მახინჯაურის გზაზე პერიოდული შეკეთების სამუშაოები მიმდინარეობს

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის გრიგოლეთი-შეკვეთილი-ქობულეთი-ჩაქვი-მახინჯაური (გვირაბის შემოსავლელი) კმ1-კმ7  მონაკვეთზე (გარდა კმ1,8-კმ5,4 კილომეტრებისა), პერიოდული შეკეთების სამუშაოები მიმდინარეობს. რეაბილიტაცია უტარდება ჯამში 3.5 კმ-იან მონაკვეთს.სამუშაოები ითვალისწინებს გზის საფარის აღდგენას, გვერდულების, ადგილობრივ გზებთან მიერთებების და მოსახლეობის ეზოებში შესასვლელების მოწყობას. ასევე, საგზაო ნიშნების მოწყობასა და გზის ჰორიზონტალურ მონიშვნას.პროექტი სახელმწიფო ბიუჯეტიდან ფინანსდება. მისი ღირებულება 3.5 მლნ. ლარამდეა

1791457992

ლეჩური-ომალოს მონაკვეთზე მაღალი გამავლობის ავტოტრანსპორტის მოძრაობა აღდგა

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ფშაველი–აბანო–ომალოს საავტომობილო გზის კმ12-კმ72 (ლეჩური-ომალო) მონაკვეთზე მაღალი გამავლობის ავტოტრანსპორტის მოძრაობა აღდგენილია, ხოლო დანარჩენი სახის ავტოტრანსპორტის გადაადგილება აკრძალულია.საავტომობილო გზის კმ1-კმ11 (ფშაველი-ლეჩური) მონაკვეთზე ავტოტრანსპორტის მოძრაობა თავისუფალია.

1791454111

დაბა ბაკურიანში, დიდველის ქუჩა №40-ის მიმდებარედ, მდინარის ნაპირსამაგრი კედლის მოწყობის სამუშაოები აქტიურ ფაზაშია

დაბა ბაკურიანში, დიდველის ქუჩა №40-ის მიმდებარედ, მდინარის ნაპირსამაგრი კედლის მოწყობის სამუშაოები აქტიურ ფაზაშია.პროექტის ფარგლებში 140 გრძივი მეტრის სიგრძის ნაპირსამაგრი კედელი მოეწყობა, რაც მნიშვნელოვნად შეამცირებს მდინარის ადიდებით გამოწვეულ რისკებს და უზრუნველყოფს ტერიტორიის დაცულობას.პროექტის განხორციელება ადგილობრივი მოსახლეობის უსაფრთხოების უზრუნველყოფასა და არსებული მრავალწლიანი პრობლემის მოგვარებას ემსახურება. აღნიშნულ მონაკვეთზე უხვი ნალექის დროს მდინარის ადიდებისა და კალაპოტიდან გადმოსვლის შედეგად, ყოველწლიურად ვითარდებოდა სტიქიური პროცესები, რაც საფრთხეს უქმნიდა როგორც მოსახლეობას, ისე მიმდებარე ინფრასტრუქტურას.სამუშაოები საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.ბორჯომის მუნიციპალიტეტში ინფრასტრუქტურული პროექტების განხორციელება უწყვეტ რეჟიმში გრძელდება და მათი მთავარი მიზანი მოსახლეობისთვის უსაფრთხო,  მოწესრიგებული გარემოს შექმნაა.

1791447556

2021 წლის 8 ოქტომბრის ბათუმის ტრაგედიიდან 5 წელი გავიდა

2021 წლის 8 ოქტომბრის ბათუმის ტრაგედიიდან 5 წელი გავიდა.აჭარის მთავრობის თავმჯდომარემ ზურაბ პატარაძემ, მეუღლესთან ერთად დაღუპულთა ხსოვნას პატივი მიაგო და წმინდა ბარბარეს სახელობის ეკლესიაში 8 ოქტომბრის ტრაგედიისას დაღუპულთა სულის მოსახსენებელ პანაშვიდს დაესწრო.პანაშვიდს დაღუპულთა ოჯახის წევრები, აჭარის უმაღლესი საბჭოს თავმჯდომარე, ქალაქ ბათუმის მერი, აჭარის მთავრობის, უმაღლესი საბჭოს და ადგილობრივი თვითმმართველობის წარმომადგენლები დაესწრნენ.

1791442710

E70 გრიგოლეთი-ქობულეთის შემოვლითი გზის მშენებლობა გრძელდება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, აღმოსავლეთ-დასავლეთის E70 საერთაშორისო მაგისტრალური გზის გრიგოლეთი-ქობულეთის მონაკვეთის მშენებლობა გრძელდება. აღნიშნულ გზაზე 11 კმ-იან მონაკვეთზე ავტოტრანსპორტის მოძრაობა უკვე გახსნილია, დარჩენილ 3 კმ-იან მონაკვეთზე კი სამუშაოები აქტიურად მიმდინარეობს.გრიგოლეთი-ქობულეთის მაგისტრალური გზის მშენებლობის პროექტი მოიცავს 14 კმ-იანი,  4 ზოლიანი ასფალტ–ბეტონის გზის, 22 სახიდე გადასასვლელის, 4 სატრანსპორტო კვანძის, წყალგამტარი მილების და  მიწისქვეშა გასასვლელების მშენებლობას.გრიგოლეთი–ქობულეთის მაგისტრალური გზის მშენებლობის პროექტი ევროპის საინვესტიციო ბანკთან (EIB) გაფორმებული სასესხო ხელშეკრულების ფარგლებში ხორციელდება და მისი ღირებულება 228 მილიონ ლარს შეადგენს.გრიგოლეთი–ქობულეთის შემოვლითი გზის საშუალებით, სამტრედია–გრიგოლეთის გზა ქობულეთის შემოვლით გზას დაუკავშირდება და სატრანსპორტო ნაკადი გრიგოლეთიდან ქობულეთის მიმართულებით ჩქაროსნული ავტომაგისტრალით  იმოძრავებს.

1791375164

ვაზიანი-გომბორი-თელავის გზის მეწყრულ უბანზე სამუშაოები ინტენსიურ რეჟიმში მიმდინარეობს

საავტომობილო გზების დეპარტამენტის ინფორმაციით, გუშინ ღამე, შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის 26-ე კმ-ზე ჩამოვიდა კლდოვანი მასა, რის გამოც აღნიშნულ მონაკვეთზე დროებით აკრძალულია ყველა სახის ავტოტრანსპორტის მოძრაობა.ამ დროისთვის, ადგილზე იმყოფებიან საავტომობილო გზების დეპარტამენტისა და კონტრაქტორი ორგანიზაციის წარმომადგენლები. მობილიზებულია სპეციალური ტექნიკა და სამუშაოები ინტენსიურ რეჟიმში მიმდინარეობს, რათა უმოკლეს ვადებში აღდგეს ავტოტრანსპორტის მოძრაობა.ამასთანავე, უკვე გამოცხადებულია ტენდერი შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის კმ1-კმ26 მონაკვეთის რეაბილიტაციისთვის, რომლის ფარგლებშიც განხორციელდება 26.5 კმ. სიგრძის გზის სრული რეაბილიტაცია, მათ შორის სპეციალური ღონისძიებები გატარდება აღნიშნული გზის 26-კმ-ზე არსებულ მეწყრულ უბანზე, რაც სრულად მოაგვარებს არსებულ პრობლემებს.

1791369082

წაღვერში ახალი სპორტული მოედნის სარეაბილიტაციო-სამშენებლო სამუშაოები აქტიურ რეჟიმში მიმდინარეობს

ბორჯომის მუნიციპალიტეტის დაბა წაღვერში ახალი სპორტული მოედნის სარეაბილიტაციო-სამშენებლო სამუშაოები აქტიურ რეჟიმში მიმდინარეობს.პროექტი ითვალისწინებს სრულად კეთილმოწყობილი, თანამედროვე სტანდარტების შესაბამისი სპორტული სივრცის შექმნას, რაც მოიცავს უმაღლესი ხარისხის ხელოვნური მწვანე საფარის დაგებას, მოედნის პერიმეტრზე ლითონის დამცავი ბადეების მონტაჟს, ენერგოეფექტური გარე განათების სისტემის ინსტალაციას, ასევე მიმდებარე ტერიტორიის კეთილმოწყობას.ახალგაზრდებში ჯანსაღი ცხოვრების წესის პოპულარიზაციისა და სპორტული სივრცეების განვითარების მიზნით,  მიმდინარე წელს სპორტული ინფრასტრუქტურის მშენებლობა-განახლება მუნიციპალიტეტის არაერთ სოფელსა და დაბაში ხორციელდება.

1791291081

ონში „ვარდისფერი ოქტომბრის“ ფარგლებში საინფორმაციო შეხვედრა გაიმართა

დღეს, ძუძუს კიბოს შესახებ ცნობიერების ამაღლების საერთაშორისო თვის — „ვარდისფერი ოქტომბრის“ ფარგლებში, ონის მუნიციპალიტეტში, გიგა ჯაფარიძის სახელობის კულტურის სახლში, საინფორმაციო შეხვედრა გაიმართა.ქალთა ორგანიზაციის გამგეობის წევრებმა და მოწვეულმა ექიმებმა, ასოცირებულმა დოქტორმა- საჩხერის მეან-გინეკოლოგმა - მირანდა ჯანხოთელმა, შპს რეგიონალური ჯანდაცვის ამბროლაურის ონკოლოგმა - ირინა ნეფარიძემ და მეან გენეკოლოგმა ელეონორა ბედენაშვილმა შეხვედრის მონაწილეებს ძუძუს კიბოს პრევენციის, ადრეული გამოვლენისა და რეგულარული სკრინინგის მნიშვნელობის შესახებ ინფორმაცია მიაწოდეს. მონაწილეებს ასევე საინფორმაციო ბროშურები დაურიგდათ.22 ოქტომბერს ონის მუნიციპალიტეტში უფასო სკრინინგის აქცია გაიმართება, რომლის ფარგლებშიც მოქალაქეებს შესაძლებლობა ექნებათ, შესაბამისი კვლევები უფასოდ ჩაიტარონ.ძუძუს კიბოს ადრეული გამოვლენა მკურნალობის ეფექტიანობის გაზრდის მნიშვნელოვანი წინაპირობაა. დაავადების შესახებ ცნობიერების ამაღლება, რეგულარული სამედიცინო შემოწმება და სკრინინგის პროგრამებში მონაწილეობა ქალთა ჯანმრთელობის დაცვისთვის განსაკუთრებულ მნიშვნელობას ატარებს.სამიზნე პოპულაციებში სხვადასხვა ლოკალიზაციის კიბოს სკრინინგის პროგრამა საქართველოში 2011 წლიდან მოქმედებს და ხელმისაწვდომია საქართველოს ნებისმიერი მოქალაქისათვის.

1791287735

ასპინძის მერიის სტაჟირების პროგრამაში ჩართულ სტუდენტებს როსტომ მაგრაქველიძე შეხვდა

ასპინძის მუნიციპალიტეტის მერი როსტომ მაგრაქველიძე  მერიის სტრუქტურული ერთეულების ხელმძღვანელ  პირებთან ერთად მერიაში და საკრებულოში, პრემიერ-მინისტრის მიერ ინიცირებული ანაზღაურებადი სტაჟირების პროგრამის ფარგლებში შერჩეულ სტაჟიორებს შეხვდა.შეხვედრაზე საუბარი მუნიციპალიტეტის საქმიანობის სპეციფიკასა და ახალგაზრდებისთვის საჯარო სექტორში პროფესიული გამოცდილების მიღების შესაძლებლობებს შეეხო.მერმა სტაჟიორებს წარმატებები უსურვა და სტაჟიორებს მერიის სახელით სიმბოლური საჩუქრები გადასცა.სტუდენტთა ანაზღაურებადი სტაჟირების პროგრამა, საქართველოს მთავრობის მეთაურის გადაწყვეტილებით, 2026 წლის სექტემბრიდან გამოცხადდა. 3 - თვიან ანაზღაურებად სტაჟირებას, პროგრამის მონაწილე სტუდენტები, ქვეყნის მასშტაბით, ყველა საჯარო უწყებაში გაივლიან.