1794060255

ონის მუნიციპალიტეტის მერიის  და “ავერსის” კლინიკის მრავალპროფილური სამედიცინო და დიაგნოსტიკური ცენტრის თანამშრომლობით, ქალაქ ონში მორიგი უფასო სამედიცინო აქცია გაიმართა

ადგილობრივი ხელისუფლების წარმომადგენლები  ადგილზე იმყოფებოდნენ და აქციის მიმდინარეობას გაეცნენ.“ავერსის” კლინიკის მრავალპროფილური სამედიცინო და დიაგნოსტიკური ცენტრის პროფესიონალმა მედიკოსებმა ადგილობრივ მოსახლეობას უფასო სამედიცინო დახმარება გაუწიეს სხვადასხვა მიმართულებით.აქციის ფარგლებში მოქალაქეებს  ჩაუტარდა სხვადასხვა ინსტრუმენტალური კვლევა, გაეწიათ კონსულტაცია და მიღებული შედეგების გათვალისწინებით, მიეცათ შესაბამისი დანიშნულება. უფასო კონსულტაციით, 120-ზე მეტმა ადგილობრივმა მოქალაქემ ისარგებლა.ადგილობრივი ხელისუფლების წარმომადგენლებმა მადლობა გადაუხადეს “ავერსის” კლინიკის მრავალპროფილური სამედიცინო და დიაგნოსტიკური ცენტრის პროფესიონალ ექიმებს  გაწეული გულისხმიერებისა და კეთილი საქმისთვის

1794034095

ქობულეთში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ახალი მომსახურების ცენტრი გაიხსნა

ქობულეთში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ახალი მომსახურების ცენტრი გაიხსნა.სერვისცენტრი დაინტერესებულ პირებს შესაძლებლობას აძლევს, ადგილზე, უმოკლეს ვადაში, „ერთი ფანჯრის პრინციპის“ ფარგლებში, შეუფერხებლად და მაღალკვალიფიციურად მიიღონ სამინისტროს სისტემაში არსებული პროგრამებით გათვალისწინებული მომსახურებები.ცვლილება მიზნად ისახავს მოქალაქეებისთვის მომსახურების ხელმისაწვდომობის კიდევ უფრო გაუმჯობესებასა და მათთვის უფრო კომფორტული გარემოს შექმნას.სერვისცენტრი მოქალაქეებს ყოველდღე, 09:00 საათიდან 18:00 საათამდე, შოთა რუსთაველის ქუჩა № 136გ-ში მოემსახურება.

1793969287

ოზურგეთის მუნიციპალიტეტის მერიის ადმინისტრაციის სამსახურის უფროსის მოვალეობის შემსრულებლად, ლელა სარიშვილი დაინიშნა

 ოზურგეთის მუნიციპალიტეტის მერიის ადმინისტრაციის სამსახურის უფროსის მოვალეობის შემსრულებლად, ლელა სარიშვილი დაინიშნა.აღნიშნული გადაწყვეტილება ოზურგეთის მერის მოვალეობის შემსრულებელმა გია ანთაძემ 5 ნოემბერს მიიღო.ლელა სარიშვილი, ოზურგეთის მერიაში კულტურის სამსახურში მუშაობდა, შემდეგ კი ოზურგეთის მერიის განათლების განყოფილების უფროსი გახლდათ.აღნიშნული გადაწყვეტილების შესახებ ინფორმაცია ოზურგეთის მერიის პიარმა ნინო ბახტაძემ დაადასტურა.

1793952667

ცანა-ლასდილის და უშგული-ლასდილის მონაკვეთებზე მაღალი გამავლობის ავტოტრანსპორტის მოძრაობა აღდგა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ141-კმ151 (ცანა-ლასდილი) და შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ181-კმ189 (უშგული-ლასდილი) საუღელტეხილო მონაკვეთებზე, მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა აღდგენილია, ხოლო დანარჩენი სახის ავტოტრანსპორტის გადაადგილება აკრძალულია.საავტომობილო გზების დანარჩენ მონაკვეთებზე ავტოტრანსპორტის მოძრაობა თავისუფალია.

1793881198

ტყიბულის მუნიციპალიტეტის მერიასა და ხელნაწერთა ეროვნულ ცენტრს შორის ურთიერთთანამშრომლობის მემორანდუმი გაფორმდა

ტყიბულის მუნიციპალიტეტის მერიასა და კორნელი კეკელიძის სახელობის საქართველოს ხელნაწერთა ეროვნულ ცენტრს შორის ურთიერთთანამშრომლობის მემორანდუმი გაფორმდა. დოკუმენტს ხელი ტყიბულის მუნიციპალიტეტის მერმა დავით კუბლაშვილმა და ცენტრის დირექტორმა ზაზა აბაშიძემ მოაწერეს.თანამშრომლობის ფარგლებში ტყიბულის ბიბლიოთეკაში გაიმართა პროექტი „ქართული დამწერლობა და ხელნაწერი მემკვიდრეობა - ისტორიის ცოცხალი გაკვეთილი ტყიბულში".ღონისძიებას მერთან ერთად ესწრებოდნენ, იმერეთში სახელმწიფო რწმუნებულის მოადგილე გრიგოლ დალაქიშვილი, საკრებულოს თავმჯდომარე იზოლდა ნემსაძე, მერის პირველი მოადგილე ლევან ჩხიკვაძე, მოადგილე მურმან ვერულაშვილი, ისტორიკოსი ომარ ნიშნიანიძე და ადგილობრივი თვითმმართველობის სხვა წარმომადგენლები.პროექტი კულტურულ-საგანმანათლებლო შინაარსს მოიცავდა და საქართველოს ხელნაწერთა ეროვნული ცენტრის ჩართულობით მოიწყო.ხელნაწერთა ცენტრის დირექტორმა, ისტორიკოსმა ზაზა აბაშიძემ, ლექცია გამართა საქართველოს გაქრისტიანების 1700 წლის ისტორიულ-კულტურულ მნიშვნელობაზე. მოეწყო ეროვნულ ცენტრში დაცული ხელნაწერი წიგნის მულაჟების, მათ შორის, გელათის სახარებისა და წერეთლისეული ვეფხისტყაოსნის გამოფენა.გაიმართა მუნიციპალიტეტის საჯარო სკოლების მოსწავლეთა კონფერენცია ქრისტიანულ თემატიკაზე. ასევე, შედგა სამხატვრო სკოლის მოსწავლეთა ნამუშევრების გამოფენა. მაყვალა ქასრაშვილის ხელოვნების სკოლის მოსწავლეებმა და პედაგოგებმა შეასრულეს საგალობლები.კულტურულ-საგანმანათლებლო ღონისძიებას ორგანიზება ტყიბულის მუნიციპალიტეტის მერიის კულტურის, განათლების, ტურიზმისა და სპორტის მხარდაჭერის სამსახურმა გაუწია.

1793865603

ასპინძის მუნიციპალიტეტის მერიაში საინფორმაციო შეხვედრა გაიმართა

კომუნიკაციების ომბუდსმენი გვანცა ჩხეიძე, სამსახურის წარმომადგენლებთან ერთად, ასპინძის მუნიციპალიტეტის მერიაში დასაქმებულ თანამშრომლებს შეხვდა.შეხვედრის ფარგლებში მონაწილეებს მიეწოდათ ინფორმაცია სატელეკომუნიკაციო სფეროში მომხმარებელთა უფლებების დაცვის მექანიზმების, სამსახურის საქმიანობისა და ფუნქციების შესახებ.ასევე, განხილულ იქნა სატელეკომუნიკაციო მომსახურებასთან დაკავშირებული აქტუალური საკითხები, მათ შორის მომსახურების შეფერხების, პირველადი ჩართვისა და ინტერნეტმომსახურების ხელმისაწვდომობის პრობლემები.შეხვედრის მონაწილეებს შესაძლებლობა ჰქონდათ, მიეღოთ კონსულტაციები და გაცნობოდნენ მომხმარებელთა უფლებების დაცვის საკითხებზე მომზადებულ საინფორმაციო მასალებს.

1793859523

დაბა ახალდაბაში ადგილობრივების უსაფრთხოებისა და ინფრასტრუქტურული პირობების გაუმჯობესების მიზნით მნიშვნელოვანი პროექტი დაიწყო

ბორჯომის მუნიციპალიტეტის დაბა ახალდაბაში ადგილობრივების უსაფრთხოებისა და ინფრასტრუქტურული პირობების გაუმჯობესების მიზნით მნიშვნელოვანი პროექტი დაიწყო.სამუშაოების ფარგლებში, მდინარე ნეძვურაზე 36 გრძივი მეტრის სიგრძის დამცავი საყრდენი კედელი მოეწყობა, რაც სოფლის გზისა და მიმდებარე ტერიტორიის სტიქიისგან დაცვას უზრუნველყოფს.პროექტი ცენტრალური ბიუჯეტის თანადაფინანსებით ხორციელდება და მისი ღირებულება 177 300 ლარს შეადგენს.მუნიციპალიტეტში გზებისა და ნაპირსამაგრი ნაგებობების მშენებლობა მერიის ერთ-ერთი მთავარი პრიორიტეტია. შესაბამისად, მსგავსი პროექტები ბორჯომის მასშტაბით, როგორც ქალაქში, ისე ყველა სოფელში, მუდმივად ხორციელდება.

1793706426

ამბროლაურის მერმა მერიის სამსახურების ხელმძღვანელებთან სამუშაო შეხვედრა გამართა

ამბროლაურის მუნიციპალიტეტის მერმა ზაზა ქევანიშვილმა, პირველ მოადგილე ასლან საგანელიძესთან და მოადგილე თამარ ქევანაშვილთან ერთად, მერიის სტრუქტურული ერთეულების ხელმძღვანელებთან სამუშაო შეხვედრა გამართა.შეხვედრაზე განიხილეს მუნიციპალიტეტში მიმდინარე და დაგეგმილი ინფრასტრუქტურული პროექტები, ჯანდაცვისა და სოციალური მიმართულებით არსებული საკითხები.ინფრასტრუქტურის სამსახურის წარმომადგენლებს დაევალათ, განსაკუთრებული ყურადღებით განახორციელონ მიმდინარე ინფრასტრუქტურული სამუშაოების მონიტორინგი, მუდმივად აკონტროლონ მათი მიმდინარეობა და ხარისხი.შეხვედრაზე დასუფთავებისა და კეთილმოწყობის სამსახურისა და მუნიციპალური წყალმომარაგების მოვლა-შენახვის ცენტრის ხელმძღვანელებმა წარმოადგინეს ინფორმაცია არსებული მდგომარეობისა და დაგეგმილი სამუშაოების შესახებ.საუბარი ასევე შეეხო ქალაქში დაზიანებული ინფრასტრუქტურის მოწესრიგების საკითხებს. შესაბამის სამსახურებს დაევალათ საჭირო სამუშაოების დაგეგმვა და განხორციელება.

1793693477

ბორჯომში რამდენიმე მრავალბინიანი სახლის სახურავის რეაბილიტაცია მიმდინარეობს

ბორჯომის მუნიციპალიტეტის მერიის დაფინანსებითა და ბინათმესაკუთრეთა ამხანაგობების მხარდაჭერის პროგრამის ფარგლებში, საცხოვრებელი ინფრასტრუქტურის განახლება აქტიურ ფაზაშია. ამ ეტაპზე, სარეაბილიტაციო სამუშაოები ერთდროულად სამ მისამართზე ხორციელდება: სააკაძის N2-ში, თამარ მეფის ქუჩა N28-სა და მესხეთის N24-ში.პროექტის ფარგლებში, მრავალბინიანი საცხოვრებელი სახლების ძველი, დაზიანებული გადახურვა სრულად იცვლება თანამედროვე და უსაფრთხო მასალებით, რაც ადგილობრივ მცხოვრებლებს წლების განმავლობაში არსებულ ინფრასტრუქტურულ პრობლემას საბოლოოდ მოუგვარებს.ბორჯომის მუნიციპალიტეტის მერიისთვის მოსახლეობისთვის ღირსეული და კომფორტული საცხოვრებელი პირობების შექმნა ერთ-ერთი მთავარი პრიორიტეტია, რის გამოც ბინათმესაკუთრეთა ამხანაგობების მხარდაჭერა და კორპუსების მოწესრიგება მომავალშიც აქტიურად გაგრძელდება.

1793639100

ოზურგეთში ანზორ ერქომაიშვილის ბიუსტი საზეიმოდ გაიხსნა

ოზურგეთის მერის მოვალეობის შემსრულებელი გია ანთაძე, საქართველოს პარლამენტში გურიის დელეგატ ვასილ ჩიგოგიძესთან, საქართველოს პარლამენტის კულტურის კომიტეტის თავმჯდომარე გიორგი გაბუნიასთან, გურიის მხარეში სახელმწიფო რწმუნებულ გიორგი ღურჯუმელიძესთან, საკრებულოს თავმჯდომარე დავით დარჩიასთან და ადგილობრივი ხელისუფლების ხელმძღვანელ პირებთან ერთად, ოზურგეთის ჭადრების პარკში ანზორ ერქომაიშვილის ბიუსტის საზეიმო გახსნასა და მისი ხსოვნისადმი მიძღვნილ ღონისძიებას დაესწრო.სახელმწიფო დრამატულ თეატრში გამართულ კონცერტში მონაწილეობდნენ ანსამბლები: „რუსთავი“, „ერისიონი“, „ბასიანი“, „დიდგორი“, „შემოქმედი“, „მართვე“, აგრეთვე ტრისტან სიხარულიძე, ფოლკლორის ცენტრის გუნდი და ოზურგეთის სალოტბარო სკოლა.კონცერტს ფოლკლორის სახელმწიფო ცენტრის გენერალური დირექტორი გიორგი დონაძე და საქართველოს პარლამენტის წევრები ესწრებოდნენ.ღონისძიება საქართველოს კულტურის სამინისტროს, ფონდ „ქართული გალობის“, ოზურგეთის მუნიციპალიტეტის მერიისა და ანზორ ერქომაიშვილის სახელობის ფოლკლორის სახელმწიფო ცენტრის მხარდაჭერით გაიმართა.

1793629156

ქუთაისში საცხოვრებელი კორპუსების ფასადების რეაბილიტაცია გრძელდება

ქუთაისში მრავალბინიანი საცხოვრებელი სახლების ფასადების რეაბილიტაცია აქტიურად გრძელდება. სამუშაოები ქალაქის მასშტაბით რამდენიმე ქუჩაზე ერთდროულად ხორციელდება.ზვიად გამსახურდიას ქუჩაზე მიმდინარე სარეაბილიტაციო სამუშაოებს ქუთაისის მერი დავით ერემეიშვილი, იმერეთში სახელმწიფო რწმუნებული ლევან ზალკალიანი და ადგილობრივი ხელისუფლების წარმომადგენლები გაეცნენ. პროექტის ღირებულება 1 932 221 ლარია. სამუშაოები საცხოვრებელი კორპუსების ფასადების სრულ განახლებას ითვალისწინებს. 2026 წელს ქუთაისში ჯამში 26 საცხოვრებელი კორპუსის ფასადის რეაბილიტაცია განხორციელდა. აღნიშნული სამუშაოების საერთო ღირებულება 10 924 000 ლარს შეადგენს. 

1793612996

გლოლის საჯარო სკოლაში საიუბილეო ღონისძიება გაიმართა

ონის მუნიციპალიტეტის სოფელ გლოლის საჯარო სკოლაში, სკოლის დაარსებიდან 100 წლის იუბილისადმი მიძღვნილი ღონისძიება გაიმართა.ღონისძიებას ონის მუნიციპალიტეტის მერის პირველი მოადგილე ლევან შერაზადიშვილი, მოადგილე ირმა ჩიხრაძე, საკრებულოს თავმჯდომარე ბაჩანა მარკოიშვილი და ადგილობრივი ხელისუფლების წარმომადგენლები  ესწრებოდნენ.ადგილობრივი ხელისუფლების წარმომადგენლებმა სკოლას 100 წლის  იუბილე მიულოცეს,  და წარმატებები უსურვეს.საიუბილეო დღის ფარგლებში მოეწყო სკოლის ისტორიისა და გასული საუკუნის ამსახველი გამოფენა, რომელსაც სტუმრები სკოლის ეზოში გაეცნენ.საზეიმო ღონისძიება გლოლის ადმინისტრაციულ შენობაში გაგრძელდა კონცერტით, რომელშიც მონაწილეობდნენ გლოლის საჯარო სკოლის მოსწავლეები და სოფელ გლოლის ფოლკლორული ანსამბლი „ბუბა“.ღონისძიებას ასევე ესწრებოდნენ, საგანმანათლებლო სფეროს წარმომადგენლები, სასულიერო პირები, გლოლის საჯარო სკოლის  წარჩინებული კურსდამთავრებულები.