1789407795

ამოქმედდა ცვლილება, რომელიც მე-7 კლასის მოსწავლეებს შეეხება

ეროვ­ნუ­ლი სას­წავ­ლო გეგ­მის მი­ხედ­ვით, ცვლილება შევიდა კონკრეტული დისციპლინების სწავლების პროცესში.ქი­მი­ის სწავ­ლე­ბა მე-8 კლა­სის ნაც­ვლად მე-7 კლა­სი­დან და­ი­წყე­ბა.გარ­და ამი­სა, დო­კუ­მენ­ტის მი­ხედ­ვით, მე-7 კლა­სის მოს­წავ­ლე­ე­ბი „მსოფ­ლიო ის­ტო­რი­ა­სა“ და „სა­ქარ­თვე­ლოს ის­ტო­რი­ას“ ცალ-ცალ­კე საგ­ნად შე­ის­წავ­ლი­ან. „ის­ტო­რია მო­ი­ცავს სა­განს „მსოფ­ლი­ოს ის­ტო­რია“ და ის­წავ­ლე­ბა VII კლას­ში, სა­განს „ის­ტო­რია“ და ის­წავ­ლე­ბა VIII-IX და XI-XII კლა­სებ­ში და სა­განს „სა­ქარ­თვე­ლოს ის­ტო­რია“ და ის­წავ­ლე­ბა VII და X-XII კლა­სებ­ში. ასე­ვე, სა­მო­ქა­ლა­ქო გა­ნათ­ლე­ბა (მო­ი­ცავს სა­განს „მო­ქა­ლა­ქე­ო­ბას“ – VII-XII კლა­სე­ბი და სა­ვალ­დე­ბუ­ლო პრო­ექ­ტე­ბით სწავ­ლე­ბა – XI-XII კლა­სე­ბი)“, - ნათ­ქვა­მია დო­კუ­მენ­ტში.

1789396440

ქუთაისის საერთაშორისო უნივერსიტეტში ახალი აკადემიური წელი დაიწყო

ქუთაისის საერთაშორისო უნივერსიტეტში (KIU) ახალი აკადემიური წელი დაიწყო. სასწავლო წლის დაწყებასთან დაკავშირებით, პირველკურსელების საზეიმო მიღება გაიმართა. შეხვედრაზე მისასალმებელი სიტყვით წარდგნენ ქუთაისის საერთაშორისო უნივერსიტეტის აღმასრულებელი დირექტორი/რექტორი ვახტანგ ცაგარელი და KIU-ს კანცლერი ლევან კოპალიანი.პირველკურსელებს შესაძლებლობა ჰქონდათ გაცნობოდნენ KIU-ს სკოლების დეკანებს, მოესმინათ პროგრამების შესახებ მნიშვნელოვანი ინფორმაცია და მიეღოთ ამომწურავი პასუხები მათთვის აქტუალურ აკადემიურ და ადმინისტრაციულ საკითხებთან დაკავშირებით.KIU 2026-2027 აკადემიურ წელს მნიშვნელოვანი სიახლეებითა და მიზნებით შეხვდა.  უნივერსიტეტმა პირველად მიიღო სტუდენტები ორ ახალ - ფიზიკისა და არქიტექტურის ინგლისურენოვან საბაკალავრო პროგრამაზე. ახალი და უკვე მოქმედი პროგრამების უმრავლესობა მიუნხენის ტექნიკურ უნივერსიტეტთან (TUM) და ასევე, ევროპის წამყვან უნივერსიტეტებთან თანამშრომლობით ხორციელდება. პროგრამებს უძღვებიან როგორც ქართველი, ისე უცხოელი პროფესორები მსოფლიოს წამყვანი უნივერსიტეტებიდან.  2026-2027 სასწავლო წლიდან სწავლას სახელმწიფო აფინანსებს.KIU-ს ერთ-ერთი მთავარი უპირატესობა, აკადემიურ პროგრამებთან ერთად, ულტრათანამედროვე საუნივერსიტეტო ქალაქია. განათლებისა და მეცნიერების რეგიონული მნიშვნელობის ჰაბი სტუდენტებს სთავაზობს როგორც მრავალფეროვან აკადემიურ პროგრამებს უმაღლესი განათლების სამივე საფეხურზე, ასევე, ევროპულ სტანდარტებთან შესაბამის სასწავლო-სამეცნიერო ინფრასტრუქტურასა და სრულად აღჭურვილ საცხოვრებელ სივრცეს.

1789370609

„მასწავლებლის ეროვნული პრემიის გამარჯვებული პედაგოგების მონაწილეობით, ჩამოვაყალიბებთ სამინისტროსთან არსებულ საკონსულტაციო საბჭოს, რომელიც სამინისტროს ზოგადი განათლების რეფორმასა და დაგეგმილ ცვლილებებთან დაკავშირებით ხედვებსა და რეკომენდაციებს გაუზიარებს“ - გივი მიქანაძე

საქართველოს განათლების, მეცნიერებისა და ახალგაზრდობის მინისტრი გივი მიქანაძე 2023-2025 წლების მასწავლებლის ეროვნული პრემიის გამარჯვებულ პედაგოგებს შეხვდა.მინისტრმა პედაგოგებს ზოგადი განათლების სისტემის რეფორმის ფარგლებში განსახორციელებელი ინიციატივები გააცნო. განსაკუთრებული ყურადღება გამახვილდა იმ სიახლეებზე, რომლითაც სკოლები 2026-2027 სასწავლო წელს ხვდებიან.შეხვედრაზე აღინიშნა, რომ მასწავლებლის ეროვნული პრემიის გამარჯვებული მასწავლებლების ჩართულობით საკონსულტაციო საბჭო ჩამოყალიბდება.„მასწავლებლის ეროვნული პრემიის გამარჯვებული პედაგოგების მონაწილეობით, ჩამოვაყალიბებთ სამინისტროსთან არსებულ საკონსულტაციო საბჭოს, რომელიც პერიოდულად შეიკრიბება და ზოგადი განათლების რეფორმასა და დაგეგმილ ცვლილებებთან დაკავშირებით საკუთარ ხედვებსა და რეკომენდაციებს გაგვიზიარებს. ეს ფორმატი სამინისტროს შესაძლებლობას მისცემს, რეგულარულად გაეცნოს ყოველდღიურ  საჭიროებებს და შესაბამისი რეაგირება დროულად მოახდინოს“, - განაცხადა გივი მიქანაძემ.საუბარი ასევე შეეხო ახალ სახელმძღვანელოებს, სასკოლო ფორმებს, ეროვნულ სასწავლო გეგმას, სწავლების ხარისხის გაუმჯობესებასა და მასწავლებელთა პროფესიული განვითარების ხელშეწყობას.გივი მიქანაძემ PISA 2025-ის კვლევის ფარგლებში საქართველოს მიერ მიღწეულ პროგრესზე ისაუბრა და ქვეყნის შედეგების მნიშვნელოვნად გაუმჯობესების საქმეში მასწავლებლების გამორჩეულ როლს გაუსვა ხაზი.შეხვედრა დისკუსიის ფორმატში გაიმართა. პედაგოგებს შესაძლებლობა ჰქონდათ, მათთვის აქტუალურ საკითხებზე მინისტრისთვის კითხვები დაესვათ და საკუთარი მოსაზრებები გაეზიარებინათ.შეხვედრაში ასევე მონაწილეობდნენ საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილი და მასწავლებელთა პროფესიული განვითარების ეროვნული ცენტრის დირექტორი ეკატერინე ხუციშვილი.

1789285400

გივი მიქანაძემ ანაკლიის ახალგაზრდული ბანაკის დახურვის ღონისძიებაში მიიღო მონაწილეობა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ ანაკლიის ახალგაზრდული ბანაკის  დახურვის ღონისძიებაში მიიღო მონაწილეობა. მინისტრმა სიტყვით გამოსვლისას უმაღლესი განათლების სისტემის რეფორმის ფარგლებში სტუდენტთა მხარდაჭერის კუთხით განხორციელებულ ინიციატივებსა და სამომავლო გეგმებზე ისაუბრა.გივი მიქანაძემ განსაკუთრებული ყურადღება გაამახვილა ქვეყნის მასშტაბით საბანაკე სივრცეების განვითარებაზე და აღნიშნა, რომ აქტიური მუშაობა მიმდინარეობს შაორის ბანაკისა და ქუთაისის ახალგაზრდული ცენტრის განახლებაზე. დაგეგმილია ასევე ახალი ბანაკების მოწყობა.2026 წლის ბანაკის ბოლო ნაკადს თბილისის სახელმწიფო უნივერსიტეტის სტუდენტები სტუმრობდნენ.ღონისძიებაში მონაწილეობა მიიღეს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ, პარლამენტის წევრმა ვარლამ ლიპარტელიანმა, სამეგრელო-ზემო სვანეთის რწმუნებულმა დავით ვერავამ, ზუგდიდის მუნიციპალიტეტის მერმა დავით კოდუამ, ზუგდიდის მუნიციპალიტეტის საკრებულოს თავმჯდომარე მამუკა წოწერიამ, ივანე ჯავახიშვილის სახელობის თბილისის სახელმწიფო უნივერსიტეტის რექტორმა ჯაბა სამუშიამ და ახალგაზრდობის სააგენტოს ხელმძღვანელმა ალექსანდრე ქაჯაიამ.„2026 წელს ანაკლიის ახალგაზრდული ბანაკი 12 ნაკადად განხორციელდა და ჯამში 2 880 ახალგაზრდას უმასპინძლა, მათ შორის, 720 სკოლის მოსწავლესა და 2160 სტუდენტს. ბანაკის მიზანია ახალგაზრდების სოციალური ინტეგრაციის ხელშეწყობა, აქტიური დასვენებისა და არაფორმალური განათლების ხელმისაწვდომობის ზრდა, ჯანსაღი ცხოვრების წესისა და ეროვნული ღირებულებების პოპულარიზაცია. ხუთდღიანი საბანაკე პროგრამის ფარგლებში ახალგაზრდებს შესაძლებლობა ჰქონდათ, მონაწილეობა მიეღოთ საგანმანათლებლო, შემეცნებით და სპორტულ აქტივობებში. მიმდინარე წელს ანაკლიაში განახლდა საბანაკე ინფრასტრუქტურა, მატერიალურ-ტექნიკური ბაზა და ბანაკი სრულად აღიჭურვა საჭირო ინვენტარით“, – ნათქვამია განათლების სამინისტროს მიერ გავრცელებულ ინფორმაციაში.

1789279107

შემოდგომით პარლამენტს მივმართავთ მთავრობის საკანონმდებლო ინიციატივით, რომლითაც გვინდა პროფესიული სწავლების გარკვეული პროგრამები, მისი კრედიტები აღიარებული იყოს და ჩაითვალოს უმაღლესის შესაბამის მიმართულებებში - გივი მიქანაძე

ამ შემოდგომით პარლამენტს მივმართავთ მთავრობის საკანონმდებლო ინიციატივით, რომლითაც გვინდა პროფესიული სწავლების გარკვეული პროგრამები, მისი კრედიტები აღიარებული იყოს და ჩაითვალოს უმაღლესის შესაბამის მიმართულებებში, - განაცხადა გადაცემაში „ღია ეთერი“ საქართველოს განათლების, მეცნიერებისა და ახალგაზრდობის მინისტრმა გივი მიქანაძემ.მინისტრის თქმით, აღნიშნული ინიციატივით პროფესიული იმიჯის წინ წამოწევა სურთ.„რაც შეეხება პროფესიულ სწავლებას, უკვე მესამე წელი იწყება, რაც ზოგადსაგანმანათლებლო სკოლებში, დამამთავრებელ კლასებში შემოტანილი გვაქვს ინტეგრირებული პროგრამა. დღეის მდგომარეობით, ქვეყნის მასშტაბით 83 სკოლაში ეს ინტეგრირებული პროგრამა დანერგილია. წლევანდელი სასწავლო წლიდან კიდევ ექვსი სკოლა დაემატება და ჯამში 89 სკოლა იქნება. პირველი გამოშვება წელს მაისში გვქონდა, როდესაც მე-12 კლასის დამთავრებულებმა მიიღეს როგორც სკოლის ატესტატი, ასევე კონკრეტული პროფესიის დამადასტურებელი დიპლომი. ამასთანავე, ჩვენთვის პროფესიული მიმართულება ერთ-ერთი პრიორიტეტული მიმართულებაა.პირდაპირ გეტყვით, ჯერ კიდევ იმ პერიოდიდან, როდესაც განათლების, მეცნიერებისა და ახალგაზრდულ საქმეთა კომიტეტის თავმჯდომარედ ამირჩიეს, პირველი, რაც ერთ-ერთ მთავარ პრიორიტეტად გამოვაცხადე, რომ ვებრძვი უდიპლომო სასიძოს სინდრომს, რომ დიპლომის თემა არ არის იმდენად აქტუალური, რამდენადაც, პირველ რიგში, ადამიანობა, შემდგომში პროფესიონალიზმი. ეს იქნება პროფესიული სასწავლებლის მეშვეობით მოპოვებული პროფესიონალიზმი თუ უმაღლესით, ეს უკვე ადამიანის არჩევანზე უნდა იყოს და არანაირად არ შეიძლება დავაკნინოთ, მეორე ან მეათეხარისხოვანად მოვიხსენიოთ პროფესიული სასწავლებლები. მით უმეტეს, რომ ამ მხრივ წლიდან წლამდე უფრო მეტი ინტერესი არსებობს, უფრო მცირე პერიოდში ახალგაზრდებს და ნებისმიერ დაინტერესებულ პირს შესაძლებლობა ეძლევა გარკვეული პროფესია შეიძინოს.ბაზრის მოთხოვნილებასთან შესაბამისია ეს კონკრეტული პროფესიები და დასაქმდნენ. იმასაც გეტყვით, რომ ბოლო რამდენიმე წელიწადში, კერძო სექტორთან გააქტიურებული მუშაობით, 24 პროცენტი თუ იყო დასაქმება კურსდამთავრებულების, ახლა 74 პროცენტზე ვართ ასული. სწორედ კერძო სექტორს ვეკითხებით, რა მიმართულებით რა სპეციალისტები გვჭირდება და ამ მიმართულებაში გვაქვს ინვესტირება. ამ ადამიანების სწორი გადამზადებით და მოთხოვნილებასთან შესაბამისი გადამზადებით სწორედ ამიტომ მივაღწიეთ ასეთ მაღალ მაჩვენებელს.ამასთანავე გეტყვით, რომ თვითონ პროფესიულ სასწავლებლებში გვაქვს ინტეგრირებული პროგრამები, სადაც მოსწავლეები ადგილზე მიდიან და ამ სასწავლო პროცესს გადიან.ამ შემოდგომით პარლამენტს მივმართავთ მთავრობის საკანონმდებლო ინიციატივით, რომლითაც გვინდა პროფესიული სწავლების გარკვეული პროგრამები, მისი კრედიტები აღიარებული იყოს და ჩაითვალოს უმაღლესის შესაბამის მიმართულებებში. ანუ, ამით ჩვენ პროფესიულის იმიჯის წამოწევა გვინდა. ცალსახად მინდა განვაცხადო, რომ პროფესიულ განათლებამიღებული ადამიანი როგორ შეიძლება იყოს უმაღლესზე რაღაცით დაბალხარისხოვანი. ეს წარმოუდგენელია და ეს სტერეოტიპი არსებობს, რომლის წინააღმდეგაც აქტიურად ვიბრძვით“, - აღნიშნა გივი მიქანაძემ. 

1789244117

როგორ დააფინანსებს სახელმწიფო წინა წლებში ჩარიცხულ სტუდენტებს - განათლების მინისტრის კომენტარი

წინა წლებში ჩარიცხული სტუდენტებისთვის მოქმედებს ის სქემა, რომელიც აქამდე არსებობდა, - განაცხადა გადაცემაში „ღია ეთერი“ საქართველოს განათლების, მეცნიერებისა და ახალგაზრდობის მინისტრმა გივი მიქანაძემ სტუდენტთა დაფინანსებასთან დაკავშირებით.მინისტრის თქმით, აღნიშნული სქემა მოქმედებს არამხოლოდ სახელმწიფო უნივერსიტეტებში მყოფ სტუდენტებზე, ასევე კერძო უნივერსიტეტებში მყოფ სტუდენტებზე, თუმცა ეს სქემა მილევად რეჟიმშია.„ეს არის გაცხადებული პოლიტიკა, რომ ყველა ის სტუდენტი, რომელიც აქამდე სწავლობდა და საგრანტო სქემაში იყო მოქცეული, მათი შეფასებითი კომპონენტიდან გამომდინარე, ჩვეულებრივად მილევად რეჟიმში აგრძელებენ ამ საგრანტო პოლიტიკით სარგებლობას. არავის ეს არ შეუზღუდავს. აქ საქმე ეხება პოლიტიკურ გადაწყვეტილებას, რომელიც ვფიქრობ უპრეცედენტოა და განათლების ხელმისაწვდომობის კუთხით უმნიშვნელოვანესი იყო. ალბათ ისტორიული გადაწყვეტილება, რომელიც მმართველმა პოლიტიკურმა გუნდმა მიიღო. ამის საფუძველზე, ახლა, 21 სექტემბერს, როდესაც სახელმწიფო უმაღლეს სასწავლებლებში სწავლა დაიწყება, პირველკურსელები უკვე ისწავლიან სრულიად უფასოდ და შესაბამისად, მათ არანაირი თანხის გადახდა არ დასჭირდებათ“, - განაცხადა მინისტრმა.მისივე თქმით, გრანტის გაუმჯობესების გამოცდები ჩვეულებრივად ტარდება.

1789243932

განათლების მინისტრი: მომავალი წლიდან ეროვნულ გამოცდებს იტალიური ენაც დაემატება

განათლების მინისტრმა გივი მიქანაძემ გადაცემაში „ღია ეთერი“ ზოგადი განათლების რეფორმის ფარგლებში მიმდინარე პროცესების შესახებ ილაპარაკა.მსჯელობა შეეხო „რეპეტიტორიუმის“ მიდგომის დანერგვას. მინისტრის თქმით, აღნიშნული მოდელი ეფუძნება მოსწავლის ინტერესებსა და პროფესიულ არჩევანს.„უახლოეს პერიოდში მუშაობას ვიწყებთ იმ სიახლეზე, რომელიც მომავალი წლიდან დაინერგება, ეს არის „რეპეტიტორიუმი“. დამამთავრებელ კლასებში ახალგაზრდებს ვთავაზობთ, აირჩიონ 3 ან 4 საგანი, რომელთაც ისინი ეროვნულ გამოცდებზე ჩააბარებენ. უნდა შევარჩიოთ პედაგოგები, გადავამზადოთ შესაბამისად, ერთი წლის განმავლობაში სახელმძღვანელოები ყველა საგანში უნდა მოვამზადოთ“, - აღნიშნა მიქანაძემ.მინისტრმა კიდევ ერთ სიახლე დააანონსა და განაცხადა, რომ მომავალი წლიდან ეროვნულ გამოცდებს იტალიური ენაც დაემატება.

1789228107

დეტალური ინფორმაცია იმ აბიტურიენტებისთვის, რომლებიც მეორადი ჩარიცხვის პროცესში მონაწილეობას გეგმავენ

შეფასებისა და გამოცდების ეროვნულმა ცენტრმა (NAEC) დღეს, 11 სექტემბერს, ე.წ. მეორადი ჩარიცხვის პროცესში მონაწილეობის მსურველებისთვის განახლებული „ცნობარი აბიტურიენტებისთვის“ გამოაქვეყნა.NAEC-ის ცნობით, ცნობარში მოცემულია დეტალური ინფორმაცია უმაღლესი და პროფესიული საგანმანათლებლო დაწესებულებების საგანმანათლებლო პროგრამებისა და აბიტურიენტთა მისაღები ადგილების შესახებ.პროგრამების ასარჩევად 14 სექტემბრიდან 18 სექტემბერის ჩათვლით აბიტურიენტი უნდა ეწვიოს სარეგისტრაციო პორტალს www.online.naec.ge, აირჩიოს ბანერი – „ერთიანი ეროვნული გამოცდები – მეორადი ჩარიცხვა“, გაიაროს ავტორიზაცია პირადი ნომრითა და უკვე არსებული პაროლით, შემდეგ კი აირჩიოს სასურველი საგანმანათლებლო პროგრამები.პროგრამების არჩევისას მნიშვნელოვანია აბიტურიენტებმა გაითვალისწინონ:საგანმანათლებლო დაწესებულების მიერ თითოეული საგნისათვის დადგენილიმინიმალური კომპეტენციის ზღვარი;საგანმანათლებლო პროგრამაზე არსებული ადგილების რაოდენობა;პროგრამის სწავლის საფასური;ქალაქი, სადაც ხორციელდება საგანმანათლებლო პროგრამა.აბიტურიენტებმა სასურველი რაოდენობის საბაკალავრო და პროფესიული საგანმანათლებლო პროგრამები უნდა აირჩიონ 2026 წლის ერთიანი ეროვნული გამოცდების შედეგების გათვალისწინებით.იხილეთ: ცნობარი აბიტურიენტებისთვის 2026 (მეორადი ჩარიცხვები)ე.წ. მეორად ჩარიცხვაში მონაწილეობის უფლება აქვს აბიტურიენტს, რომელმაც:2026 წლის ერთიან ეროვნულ გამოცდებზე თითოეული საგნისთვის განსაზღვრული მინიმალური კომპეტენციის ზღვარი გადალახა, თუმცა ჩარიცხვის უფლება ვერ მოიპოვა;2026 წლის ერთიან ეროვნულ გამოცდებზე თითოეული საგნისთვის განსაზღვრული მინიმალური კომპეტენციის ზღვარი ვერ გადალახა, თუმცა დაძლია პროფესიული საგანმანათლებლო პროგრამებისათვის დადგენილი მინიმალური კომპეტენციის ზღვარი.

1789198032

გივი მიქანაძემ სამცხე-ჯავახეთის სახელმწიფო უნივერსიტეტის კურსდამთავრებულებს სწავლის დასრულება მიულოცა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ სამცხე-ჯავახეთის სახელმწიფო უნივერსიტეტის 2026 წლის კურსდამთავრებულთა გამოსაშვებ ღონისძიებაში მიიღო მონაწილეობა.სამინისტროს ინფორმაციით, მინისტრმა დამსწრე საზოგადოებას სიტყვით მიმართა, კურსდამთავრებულებს სწავლის დასრულება მიულოცა და სამცხე-ჯავახეთის სახელმწიფო უნივერსიტეტის მნიშვნელობაზე ისაუბრა.გამოსაშვები ღონისძიების ფარგლებში, საქართველოს განათლების, მეცნიერებისა და ახალგაზრდობის მინისტრ გივი მიქანაძესა და მის მოადგილე ზვიად გაბისონიას უნივერსიტეტის საპატიო დოქტორის წოდება მიენიჭათ. შესაბამისი ჯილდოები მათ სამცხე-ჯავახეთის სახელმწიფო უნივერსიტეტის რექტორმა ვახტანგ თაქთაქიძემ გადასცა.ღონისძიების დასასრულს, გივი მიქანაძემ წარჩინებულ სტუდენტებს სიგელები გადასცა. კურსდამთავრებულებს სწავლის დასრულება ასევე მიულოცეს ადგილობრივი ხელისუფლების წარმომადგენლებმა.სამცხე-ჯავახეთის სახელმწიფო უნივერსიტეტს 2026 წელს 18 საგანმანათლებლო პროგრამის ფარგლებში 321 კურსდამთავრებული ჰყავს.

1789196947

სკოლებში ფინანსური განათლების გაძლიერების მიზნით მასწავლებელთა კონფერენცია გაიმართა

სკოლებში ფინანსური განათლების გაძლიერების მიზნით მასწავლებელთა კონფერენცია გაიმართა.საქართველოს განათლების, მეცნიერებისა და ახალგაზრდობის სამინისტროს ინფორმაციით, კონფერენციაში მინისტრის პირველი მოადგილე ლევან ღირსიაშვილი მონაწილეობდა.პანელური დისკუსიების ფარგლებში კონფერენციის მონაწილეებმა ფინანსური განათლების მიმართულებით ეროვნულ ხედვაზე, სკოლებში ფინანსური განათლების ინტეგრირებაზე, მასწავლებლებისთვის ხელმისაწვდომ პროგრამებსა და საგანმანათლებლო რესურსებზე იმსჯელეს.ღონისძიებაზე ფინანსური განათლების ეროვნული ჯილდოს ყოველწლიური კონკურსის გამარჯვებულ პედაგოგს „ბაზის ბანკისგან“ 5 ათასი ლარი გადაეცა.ღონისძიება საქართველოს ეროვნული ბანკის მხარდაჭერით და ფინანსური განათლების პლატფორმა „ფინედუს” ორგანიზებით გაიმართა.კონფერენციაში მონაწილეობდნენ მასწავლებლები, განათლების სფეროს, საჯარო და საფინანსო სექტორის წარმომადგენლები და სხვა მოწვეული სტუმრები.

1789143000

ინფრასტრუქტურის სამინისტრომ 28 საჯარო სკოლის რეაბილიტაცია-მშენებლობა დაასრულა, წლის ბოლომდე კიდევ 25 სკოლის დასრულება იგეგმება

„28 საჯარო სკოლის მშენებლობა-რეაბილიტაცია უკვე დასრულებულია და მოსწავლეები მალე ახალ სასწავლო წელს განახლებულ გარემოში დაიწყებენ. წლის ბოლომდე კი კიდევ 25 სკოლის დასრულებას ვგეგმავთ”, — ამის შესახებ საქართველოს ინფრასტრუქტურის მინისტრმა რევაზ სოხაძემ საგანმანათლებლო ინფრასტრუქტურის პროექტებზე საუბრისას განაცხადა.მინისტრის თქმით, ინფრასტრუქტურის სამინისტრო არაერთ გაჭიანურებულ პროექტზე მუშაობს და არსებული პრობლემების მოგვარებასთან ერთად, სისტემური ცვლილებების განხორციელებაც მიმდინარეობს.„ამ მიმართულებით ნამდვილად გვაქვს პრობლემები. ძალიან ბევრი სკოლის მშენებლობა და რეაბილიტაცია გაჭიანურდა, რაც საბოლოოდ პირდაპირ აისახება მოსწავლეებზე და იმ პირობებზე, რომლებშიც მათ დღეს უწევთ სწავლა. ჩვენ ამ პრობლემებზე საუბარს არ გავურბივართ. პირიქით, ჩვენი მიდგომაა, ღიად ვისაუბროთ არსებულ გამოწვევებზე, მოვახდინოთ მათი იდენტიფიცირება და თითოეულზე კონკრეტული გადაწყვეტილება მივიღოთ”, — განაცხადა რევაზ სოხაძემ.გასული წლის სექტემბრიდან სკოლების მშენებლობისა და რეაბილიტაციის მიმართულება ინფრასტრუქტურის სამინისტრომ გადაიბარა. ამ დროისთვის დასრულებულია 28 საჯარო სკოლის მშენებლობა-რეაბილიტაცია, წლის ბოლომდე კი 25 სკოლის დასრულება იგეგმება. ამასთან, 46 საჯარო სკოლის რეაბილიტაციაზე სამშენებლო ტენდერები მიმდინარეობს, ხოლო წლის ბოლომდე დამატებით დაახლოებით 60 სკოლაზე სატენდერო პროცედურების გამოცხადება იგეგმება.ინფრასტრუქტურის სამინისტრო ასევე მუშაობს ტიპური სასკოლო პროექტების შექმნაზე. აღნიშნული მიდგომა შესაძლებელს გახდის, ახალი სკოლის მშენებლობის საჭიროების შემთხვევაში, წინასწარ მომზადებული პროექტი კონკრეტულ ადგილსა და საჭიროებებს მოერგოს, რაც დაპროექტებისა და შემდგომი პროცესების ვადებს მნიშვნელოვნად შეამცირებს.რევაზ სოხაძის განცხადებით, სკოლების მშენებლობასა და რეაბილიტაციასთან დაკავშირებული დაგროვილი პრობლემები სხვადასხვა ობიექტური და სუბიექტური ფაქტორით იყო გამოწვეული, თუმცა სამინისტრო პასუხისმგებლობის სხვა მხარეებზე გადატანას არ აპირებს.„ჩვენ არ ვაპირებთ პასუხისმგებლობის სხვაზე გადატანას. ეს მიმართულება გადავიბარეთ, პროცესის მართვაზე პასუხისმგებლობა ავიღეთ და სწორედ ჩვენ ვართ პასუხისმგებელი იმაზე, როგორ განვითარდება ის მომავალში, როგორი იქნება მშენებლობის ტემპი და რამდენად დროულად დასრულდება თითოეული პროექტი. კარგად გვესმის, რას ნიშნავს ბავშვისთვის და მისი ოჯახისთვის სკოლის მშენებლობის ან რეაბილიტაციის თითოეული გადაცილებული დღე. ამიტომ ამ პასუხისმგებლობას სრულად ვიაზრებთ. ჩვენი ამოცანაა, არსებული პრობლემები ეტაპობრივად გადავჭრათ, მიმდინარე პროექტები ხარისხიანად დავასრულოთ და პროცესი ისე გავმართოთ, რომ მომავალში მსგავსი პრობლემები აღარ დაგროვდეს”, - განაცხადა ინფრასტრუქტურის მინისტრმა.

1788972271

ბათუმის საზღვაო აკადემიის ფოთის ფილიალი სრულ ოპერირებაშია და წელს პირველად მივიღებთ სტუდენტებს უმაღლესი მიმართულებით - თამარ იოსელიანი

„იმისთვის, რომ კონკურენტუნარიანები ვიყოთ და ქვეყანა სატრანსპორტო ლოგისტიკურ ჰაბად ჩამოყალიბდეს, უმნიშვნელოვანესია როგორც ინფრასტრუქტურა, ასევე ტექნოლოგიები და ადამიანური რესურსი“ - განაცხადა ეკონომიკისა და მდგრადი განვითარების მინისტრის მოადგილემ თამარ იოსელიანმა „დღის ქრონიკაში“ საუბრისას.როგორც თამარ იოსელიანმა აღნიშნა, ამ მიმართულებით წლების განმავლობაში საქართველოს მთავრობა შესაბამის ნაბიჯებს დგამდა და 2012 წლიდან დღემდე ბათუმის სახელმწიფო საზღვაო აკადემიაში სახელმწიფოს 50 მილიონ ლარზე მეტი ინვესტიცია აქვს განხორციელებული.„2012 წელს ჩვენ თუ გვყავდა 8000 მეზღვაური, დღეს უკვე გვყავს 21 000 მეზღვაური, რაც ნათლად აჩვენებს ინტერესის ზრდის ტენდენციას . წელს ბათუმის სახელმწიფო საზღვაო აკადემიაში კონტინგენტის მიღება გავაორმაგეთ. წინა წელს თუ ჩვენ ვიღებდით 450 სტუდენტს, წელს უკვე 900-მდე სტუდენტის მიღების საშუალება გვქონდა. ამასთან, ბათუმის სახელმწიფო საზღვაო აკადემიის ფოთის ფილიალი სრულ ოპერირებაშია და წელს პირველად შევძლებთ უმაღლესი მიმართულებით სტუდენტების მიღებას. იდგმება ნაბიჯები იმისთვის, რომ წლიდან წლამდე გავაუმჯობესოთ როგორც სწავლის ხარისხი, ასევე დავნერგოთ ის ახალი ტექნოლოგიები, რომელიც მოგვცემს შესაძლებლობას, გავზარდოთ ძალიან კვალიფიციური კადრები“, - განაცხადა თამარ იოსელიანმა.