1793692827

კონკურენციისა და მომხმარებელთა დაცვის სააგენტო eKalata-ს ოქტომბრის თვის ფასების დინამიკას აქვეყნებს

საქართველოს კონკურენციისა და მომხმარებელთა დაცვის სააგენტო eKalata-ს ოქტომბრის თვის ფასების დინამიკას აქვეყნებს.სააგენტოს ცნობით, ოქტომბრის თვის განმავლობაში www.ekalata.gov.ge-ს პორტალზე წარმოდგენილი 13 საბაზისო სასურსათო პროდუქტისგან შემდგარი ყველაზე იაფი კალათის ღირებულება იცვლებოდა.„სასურსათო პროდუქტებისგან შემდგარი კალათის ყველაზე დაბალი ღირებულება პირველ ოქტომბერს დაფიქსირდა და 35.82 ლარი შეადგინა, ხოლო საანგარიშო პერიოდის ბოლოს, 31 ოქტომბერს ყველაზე იაფი კალათის ღირებულება 36.46 ლარი იყო.ოქტომბრის განმავლობაში კალათის ყველაზე მაღალი ღირებულება 36.51 ლარი დაფიქსირდა, მათ შორის, 15-20 ოქტომბრისა და 23-27 ოქტომბრის პერიოდში. საანგარიშო პერიოდის ბოლოს, თვის საწყის მაჩვენებელთან შედარებით, 13 საბაზისო სასურსათო პროდუქტისგან შემდგარი ყველაზე იაფი კალათის ღირებულება დაახლოებით 1.8%-ით გაიზარდა.რაც შეეხება eKalata-ს პორტალზე წარმოდგენილი 10 საბაზისო პირველადი მოხმარების არასასურსათო პროდუქტისგან შემდგარ ყველაზე იაფ კალათას, ოქტომბრის განმავლობაში მისი ღირებულება დინამიკურად იცვლებოდა.არასასურსათო პროდუქტებისგან შემდგარი კალათის ყველაზე მაღალი ღირებულება 14 ოქტომბერს დაფიქსირდა და 30.69 ლარი შეადგინა, ხოლო ყველაზე დაბალი ღირებულება 29-31 ოქტომბრის პერიოდში დაფიქსირდა და 26.31 ლარი იყო. საანგარიშო პერიოდის ბოლოს, თვის საწყის მაჩვენებელთან შედარებით, 10 საბაზისო პირველადი მოხმარების არასასურსათო პროდუქტისგან შემდგარი ყველაზე იაფი კალათის ღირებულება დაახლოებით 7%-ით შემცირდა.ამასთან, eKalata-ს პორტალზე წარმოდგენილი 13 საბაზისო სასურსათო პროდუქტისგან შემდგარი ყველაზე იაფი კალათის ღირებულება პორტალის ამოქმედებიდან — ივლისიდან, ოქტომბრის ბოლომდე დაახლოებით 15%-ით შემცირდა. კერძოდ, ივლისის დასაწყისში კალათის ღირებულება 42.96 ლარს შეადგენდა, ხოლო 31 ოქტომბერს — 36.46 ლარს.არასასურსათო კალათის შემთხვევაში, რომლის ფასების აღრიცხვაც 3 აგვისტოდან დაიწყო, საწყის მაჩვენებელთან (38.16 ლარი) შედარებით, 31 ოქტომბრისთვის (26.31 ლარი) ღირებულება დაახლოებით 31%-ით შემცირდა“, — ნათქვამია საქართველოს კონკურენციისა და მომხმარებელთა დაცვის სააგენტოს მიერ გავრცელებულ ინფორმაციაში.

1793690606

ოქტომბერში ყველაზე მეტად, 20.2 პროცენტით თევზეული გაძვირდა - საქსტატი

სტატისტიკის ეროვნული სამსახურის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ ტრანსპორტის ჯგუფში. ჯგუფში ფასები გაიზარდა 21.9 პროცენტით, რაც წლიურ ინფლაციაზე 2.54 პროცენტული პუნქტით აისახა. ფასები 30.3 პროცენტით მომატებულია პირადი სატრანსპორტო საშუალებების ექსპლუატაციაზე, სატრანსპორტო მომსახურებაზე – 14.5 პროცენტით, ხოლო სატრანსპორტო საშუალებების შეძენაზე – 1.7 პროცენტით;სურსათისა და უალკოჰოლო სასმელების ჯგუფში ფასები გაიზარდა 3.1 პროცენტით, რაც წლიურ ინფლაციაზე 1.07 პროცენტული პუნქტით აისახა. ფასები 20.2 პროცენტითაა მომატებული თევზეულიზე, ხორცი და ხორცის პროდუქტები 7.6 პროცენტით გაძვირდა, ზეთი და ცხიმი – 7.0 პროცენტით. ყავა, ჩაი და კაკაო 5.7 პროცენტითაა გაძვირებული, ბოსტნეული და ბაღჩეული – 4.1 პროცენტით. პურსა და პურპროდუქტებზე ფასებმა 4.0 პროცენტით მოიმატა, რძე, ყველი და კვერცხი 0.6 პროცენტით გაძვირდა.ამასთან, ფასები -4.5 პროცენტით შემცირდა ხილსა და ყურძენზე. შაქარი, ჯემი და სხვა ტკბილეული -3.3 პროცენტით გაიაფდა, მინერალური და წყაროს წყალი, უალკოჰოლო სასმელები და ნატურალური წვენები -1.2 პროცენტითაა გაიაფებული.„საცხოვრებელი, წყალი, ელ.ენერგია, აირი: ჯგუფში ფასები მომატებულია 10.1 პროცენტით, რაც 0.98 პროცენტული პუნქტით აისახა მთლიან ინდექსზე. ფასები, ძირითადად, გაზრდილია ქვეჯგუფებზე: ფაქტიური გადასახადი საცხოვრებელზე (12.8 პროცენტი), საცხოვრებლის მიმდინარე მოვლა და შეკეთება (11.9 პროცენტი), ელექტროენერგია, აირი და სათბობის სხვა სახეები (10.6 პროცენტი);ჯანმრთელობის დაცვა: მოცემულ პერიოდში ჯგუფში ფასები გაიზარდა 8.4 პროცენტით, რაც ჯამურ ინფლაციაზე 0.69 პროცენტული პუნქტით აისახა. ფასები გაიზარდა ქვეჯგუფებზე: ამბულატორიული სამედიცინო მომსახურება (11.7 პროცენტი), სამედიცინო პროდუქცია, აპარატურა და მოწყობილობა (9.4 პროცენტი);განათლება: ჯგუფში ფასები შემცირდა 12.0 პროცენტით. შესაბამისად, ჯგუფის წვლილმა წლიურ ინდექსში -0.53 პროცენტული პუნქტი შეადგინა. ფასები შემცირდა უმაღლეს განათლებაზე (-32.9 პროცენტი). ამასთან, ფასები მომატებულია ქვეჯგუფებზე: სკოლამდელი და დაწყებითი განათლება (8.8 პროცენტი), საშუალო განათლება (6.6 პროცენტი), დონით განუსაზღვრელი განათლება (5.5 პროცენტი)“, – აღნიშნულია საქსტატის ანგარიშში.

1793690132

ოქტომბერში საქართველოში წლიურმა ინფლაციამ 5.9 პროცენტი შეადგინა - საქსტატი

სტატისტიკის ეროვნული სამსახურის მონაცემებით, 2026 წლის ოქტომბერში, წინა თვესთან შედარებით, ინფლაციის დონემ საქართველოში — 0.9 პროცენტი, ხოლო წლიური ინფლაციის დონემ 5.9 პროცენტი შეადგინა.რაც შეეხება საბაზო ინფლაციას, საქსტატის ცნობით, აღნიშნულმა მაჩვენებელმა 2026 წლის ოქტომბერში, გასული წლის შესაბამის პერიოდთან შედარებით, 4.0 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 3.9 პროცენტით განისაზღვრა.„ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტანსაცმელი და ფეხსაცმელი: ჯგუფში ფასები გაიზარდა 10.6 პროცენტით. შესაბამისად, ჯგუფის წვლილმა თვის ინდექსში 0.43 პროცენტული პუნქტი შეადგინა. ფასები გაიზარდა როგორც ტანსაცმლის (12.0 პროცენტი), ისე ფეხსაცმლის (8.2 პროცენტი) ჯგუფებზე;ტრანსპორტი: ჯგუფში ფასები გაიზარდა 2.6 პროცენტით, რაც თვის ინფლაციაზე 0.34 პროცენტული პუნქტით აისახა. ფასები მომატებულია პირადი სატრანსპორტო საშუალებების ექსპლუატაციასა (4.2 პროცენტი) და სატრანსპორტო საშუალებების შეძენაზე (1.4 პროცენტი). ამასთან, ფასები შემცირებულია სატრანსპორტო მომსახურებაზე (-2.4 პროცენტი);საცხოვრებელი, წყალი, ელ.ენერგია, აირი: ჯგუფში ფასები მომატებულია 0.6 პროცენტით, რაც 0.07 პროცენტული პუნქტით აისახა მთლიან ინდექსზე. ფასები, ძირითადად, გაზრდილია ქვეჯგუფებზე: ფაქტობრივი გადასახადი საცხოვრებელზე (1.3 პროცენტი), საცხოვრებლის მიმდინარე მოვლა და შეკეთება (0.8 პროცენტი), ელექტროენერგია, აირი და სათბობის სხვა სახეები (0.2 პროცენტი)“, — აღნიშნულია საქსტატის ანგარიშში.

1793637003

რა ეღირება დოლარი და ევრო 3 ნოემბერს - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5973 ლარი გახდა. კურსი, რომელიც დღეს მოქმედებდა, 2.5992 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0019 ლარი შეადგინა.რაც შეეხება ევროს, მისი კურსი 2.9108 ლარია. მაშინ, როცა დღეს მოქმედი კურსი 2.9116 ლარს შეადგენდა. შესაბამისად, ევროს ცვლილებამ 0.0008 ლარი შეადგინა.

1793523185

საქართველოს ეროვნულმა ბანკმა რეგიონების სკოლებში განხორციელებული ფინანსური განათლების პროექტები შეაჯამა

საქართველოს ეროვნულმა ბანკმა დაზოგვის მსოფლიო დღისადმი მიძღვნილი ღონისძიება გამართა, რომლის ფარგლებშიც რეგიონების სკოლებში ფინანსური განათლების მიმართულებით განხორციელებული პროექტების შედეგები და მრავალწლიანი გამოცდილება შეაჯამა. ღონისძიებაზე „ფინედუს“ კიდევ ერთი ახალი პროექტის „ფინანსური განათლების ავტობუსის“ პრეზენტაცია გაიმართა.ღონისძიება საქართველოს ეროვნული ბანკის პრეზიდენტმა ნათია თურნავამ გახსნა. დამსწრე საზოგადოებას სიტყვით მიმართა საქართველოს განათლების, მეცნიერებისა და ახალგაზრდობის მინისტრის მოადგილემ თამარ მახარაშვილმა. შეხვედრას ესწრებოდნენ საჯარო, საფინანსო და საგანმანათლებლო სექტორის წარმომადგენლები, ასევე საქართველოს სხვადასხვა რეგიონის ფინანსური განათლების მასწავლებლები.„ფინანსური განათლება ეროვნული ბანკის ერთ-ერთი მნიშვნელოვანი პრიორიტეტია, ვინაიდან სწორედ ფინანსურად განათლებული ადამიანი არის ჯანსაღი საფინანსო სისტემისა და ქვეყნის ეკონომიკური კეთილდღეობის საფუძველი. გასულ წლებში ეროვნულმა ბანკმა, პარტნიორებთან ერთად, მნიშვნელოვანი ნაბიჯები გადადგა რეგიონებში ფინანსური განათლების ხელშეწყობის მიზნით და ამ მიმართულებით მუშაობას სამომავლოდაც აქტიურად გავაგრძელებთ“, - განაცხადა ეროვნული ბანკის პრეზიდენტმა ნათია თურნავამ.ღონისძიების ფარგლებში შეჯამდა „ფინედუს“ ინიციატივით განხორციელებული რეგიონული საგანმანათლებლო პროექტების შედეგები. საქართველოს სხვადასხვა რეგიონის სკოლების წარმომადგენლების მონაწილეობით კი პანელური დისკუსია „ერთი შეხვედრიდან ახალ შესაძლებლობებამდე“ გაიმართა.წლების განმავლობაში „ფინედუს“ მიერ განხორციელებული პროექტებისა და ინიციატივების შედეგად მნიშვნელოვანი მიღწევები დაფიქსირდა. სებ-ის ფინანსური განათლების პლატფორმა „ფინედუს“ პროექტის - „მოიწვიე ფინედუ კლასში“ ფარგლებში დღეისთვის ქვეყნის მასშტაბით 1 200-ზე მეტ კლასში ჩატარდა ფინანსური განათლების შესახებ გაკვეთილი, რომელმაც ჯამურად 33 ათასამდე მოსწავლე მოიცვა.პროექტმა „სტუმრად ეროვნულ ბანკში“ 85-ზე მეტი სკოლა და 2 200-ზე მეტი მოსწავლე მოიცვა, ფინანსური განათლების შესახებ სხვადასხვა წლებში გამართულ კონკურსებში 6 ათასზე მეტმა მოსწავლემ მიიღო მონაწილეობა, ფინანსური განათლების ინოვაციურ სპექტაკლს კი 1 500-ზე მეტი მოსწავლე დაესწრო.კიდევ ერთი მნიშვნელოვანი ინიციატივა, რომელსაც „ფინედუმ“ რამდენიმე წლის წინ ჩაუყარა საფუძველი მასწავლებლების გაძლიერება და ჩართულობაა. ინიციატივა მასწავლებლებისთვის ტრენინგებს გულისხმობს. აღნიშნული ინიციატივის ფარგლებში 1 300-ზე მეტი მასწავლებელი გადამზადდა.ღონისძიების დასასრულს გაიმართა ახალი პროექტის - „ფინანსური განათლების ავტობუსი“ პრეზენტაცია, რომელიც რეგიონების სკოლებში ფინანსურ განათლებაზე ხელმისაწვდომობის გაზრდას ემსახურება. პროექტის განხორციელების მიზნით, საქართველოს ეროვნულ ბანკს, საქართველოს განათლების, მეცნიერებისა და ახალგაზრდობის სამინისტროს, სსიპ „მასწავლებელთა პროფესიული განვითარების ეროვნულ ცენტრსა“ და პარტნიორ საფინანსო ორგანიზაციებს შორის ურთიერთთანამშრომლობის მემორანდუმი გაფორმდა. ინიციატივის მხარდამჭერები არიან: „სილქ ბანკი“, „საქართველოს ბანკი“, „თიბისი ბანკი“, „ბაზისბანკი“, მიკრობანკი „კრისტალი“ და მასტერქარდ საქართველოს წარმომადგენლობა.მონაწილეებმა ხაზი გაუსვეს სკოლებში ფინანსური განათლების გაძლიერების, რეგიონებისთვის თანაბარი საგანმანათლებლო შესაძლებლობების შექმნისა და ამ მიმართულებით საჯარო, საგანმანათლებლო და საფინანსო სექტორებს შორის თანამშრომლობის გაგრძელების მნიშვნელობას.

1793434222

FITCH RATINGS-ის მიერ საქართველოს საკრედიტო რეიტინგის პერსპექტივის გაუმჯობესება ეროვნული ბანკის თანმიმდევრული პოლიტიკის აღიარებაა - ეკატერინე მიქაბაძე

„საკრედიტო-სარეიტინგო კომპანია Fitch Ratings-ის მიერ საქართველოს სუვერენული საკრედიტო რეიტინგის „BB“ დონეზე შენარჩუნება, ხოლო პერსპექტივის „პოზიტიურამდე“ გაუმჯობესება ქვეყნის მაკროეკონომიკური მდგრადობისა და ეროვნული ბანკის თანმიმდევრული პოლიტიკის მნიშვნელოვანი აღიარებაა. სარეიტინგო კომპანია განსაკუთრებულ ყურადღებას ამახვილებს საერთაშორისო რეზერვების რეკორდულ ზრდაზე და აღნიშნავს, რომ მათი დაგროვება საქართველოს ეროვნული ბანკის სწორმა პოლიტიკამ განაპირობა. ამასთან, Fitch დადებითად აფასებს ქვეყნის საგარეო პოზიციის გაუმჯობესებას, დედოლარიზაციის ტენდენციასა და საქართველოს საბანკო სექტორის მდგრადობას“, - განაცხადა საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ.საერთაშორისო სარეიტინგო კომპანია Fitch Ratings-მა საქართველოს სუვერენული საკრედიტო რეიტინგი „BB“ დონეზე დაადასტურა, ხოლო რეიტინგის პერსპექტივა „სტაბილურიდან“ „პოზიტიურამდე“ გააუმჯობესა.Fitch-ის ანგარიშის თანახმად, 2026 წლის სექტემბერში საქართველოს მთლიანმა საერთაშორისო რეზერვებმა რეკორდულ მაჩვენებელს – 8.2 მლრდ აშშ დოლარს მიაღწია, რაც 2025 წლის ბოლოს არსებულ მაჩვენებელს 2 მლრდ აშშ დოლარით აღემატება.სარეიტინგო კომპანია რეზერვების ზრდის განმაპირობებელ ფაქტორებად მიმდინარე ანგარიშის დეფიციტის შემცირებას, კაპიტალის შემოდინებას, ფრთხილ მონეტარულ პოლიტიკასა და ნდობის გაუმჯობესებას ასახელებს. ანგარიშში აღნიშნულია, რომ ნდობის ზრდამ ადგილობრივი რეზიდენტების მხრიდან ლარში დენომინირებულ აქტივებზე მოთხოვნის ზრდასაც შეუწყო ხელი.Fitch დადებითად აფასებს საგარეო სექტორში მიმდინარე ტენდენციებსაც. კომპანიის შეფასებით, მიმდინარე ანგარიშის დეფიციტის შემცირების ტენდენცია 2026 წლის პირველ ნახევარშიც გაგრძელდა, რაც ქვეყნის საგარეო მოწყვლადობის შემცირებას უწყობს ხელს.ანგარიშში განსაკუთრებული ყურადღება ეთმობა საქართველოს საბანკო სექტორის მდგრადობას. Fitch-ის შეფასებით, ძლიერი ეკონომიკური ზრდა დადებითად აისახება სექტორის ფინანსურ მაჩვენებლებზე. 2026 წლის აგვისტოს მდგომარეობით, საბანკო სექტორის უკუგება კაპიტალზე (ROE) 23.2%-ს, პირველადი კაპიტალის კოეფიციენტი 17.6%-ს, ხოლო უმოქმედო სესხების წილი 2.5%-ს შეადგენდა.Fitch Ratings-ის პროგნოზით, საქართველოს ეკონომიკური ზრდა ძლიერი შენარჩუნდება და 2026 წელს 7.5%-ს მიაღწევს. 2027-2028 წლებში კი ეკონომიკური ზრდის ტემპი ეტაპობრივად შენელდება და საშუალოვადიან პოტენციურ დონეს – 5%-ს დაუახლოვდება.

1793430952

Fitch Ratings - საკრედიტო რეიტინგის პერსპექტივის გაუმჯობესების მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია

საკრედიტო-სარეიტინგო კომპანია Fitch Ratings-მა საქართველოს სუვერენული რეიტინგი „BB“ დონეზე შეინარჩუნა, ხოლო პერსპექტივა - „პოზიტიურამდე“ გააუმჯობესა.სარეიტინგო კომპანიის შეფასებით, პერსპექტივის გაუმჯობესების ერთ-ერთი მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია.როგორც Fitch-ის მიერ გავრცელებულ ანგარიშშია აღნიშნული, 2026 წლის სექტემბერში საქართველოს მთლიანმა საერთაშორისო რეზერვებმა რეკორდულ მაჩვენებელს, 8.2 მლრდ აშშ დოლარს მიაღწია, რაც 2025 წლის ბოლოსთან შედარებით 2 მლრდ აშშ დოლარით მეტია.სარეიტინგო კომპანია ასევე ხაზს უსვამს, რომ რეზერვების ზრდა სებ-ის პოლიტიკის შედეგია და ამასთან, აღნიშნავს რომ საერთაშორისო რეზერვების ზრდას განაპირობებს მიმდინარე ანგარიშის დეფიციტის შემცირება, კაპიტალის შემოდინება, ფრთხილი მონეტარული პოლიტიკა და ნდობის გაუმჯობესება, რამაც ადგილობრივი რეზიდენტების მხრიდან ლარში დენომინირებულ აქტივებზე მოთხოვნის ზრდა გამოიწვია.Fitch ასევე დადებითად აფასებს საგარეო სექტორში მიმდინარე ტენდენციებს. კომპანიის შეფასებით, მიმდინარე ანგარიშის დეფიციტის შემცირების ტენდენცია 2026 წლის პირველ ნახევარშიც გაგრძელდა, რაც ქვეყნის საგარეო მოწყვლადობის შემცირებას უწყობს ხელს.სარეიტინგო კომპანიის შეფასებით, პოზიტიურია დედოლარიზაციის ტენდენციები. სარეიტინგო კომპანია ასევე ხაზს უსვამს საქართველოს საბანკო სექტორის მდგრადობას.“ძლიერი ეკონომიკური ზრდა კვლავ დადებითად აისახება საქართველოს საბანკო სექტორის ფინანსურ მაჩვენებლებზე. სექტორი გამოირჩევა მაღალი მომგებიანობით (ROE აგვისტოს მდგომარეობით ROE 23.2% შეადგინა), ძლიერი კაპიტალიზაციით (პირველადი კაპიტალის კოეფიციენტი 17.6%) და აქტივების მაღალი ხარისხით (უმოქმედო სესხების წილი 2.5%)“, - ნათქვამია Fitch-ის ანგარიშში.Fitch პროგნოზით, ეკონომიკური ზრდა ძლიერი შენარჩუნდება და 2026 წელს 7.5%-ს გაუტოლდება, ხოლო 2027-2028 წლებში ეკონომიკური ზრდის ტემპი ეტაპობრივად შენელდება და საშუალოვადიან პოტენციურ დონეს 5%-ს დაუახლოვდება.ინფორმაციას საქართველოს ეროვნული ბანკი ავრცელებს.

1793430592

Fitch Ratings - საკრედიტო რეიტინგის პერსპექტივის გაუმჯობესების მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია

საკრედიტო-სარეიტინგო კომპანია Fitch Ratings-მა საქართველოს სუვერენული რეიტინგი ‘BB’ დონეზე შეინარჩუნა, ხოლო პერსპექტივა - „პოზიტიურამდე“ გააუმჯობესა.სარეიტინგო კომპანიის შეფასებით, პერსპექტივის გაუმჯობესების ერთ-ერთი მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია.როგორც Fitch-ის მიერ გავრცელებულ ანგარიშშია აღნიშნული, 2026 წლის სექტემბერში საქართველოს მთლიანმა საერთაშორისო რეზერვებმა რეკორდულ მაჩვენებელს, 8.2 მლრდ აშშ დოლარს მიაღწია, რაც 2025 წლის ბოლოსთან შედარებით 2 მლრდ აშშ დოლარით მეტია.სარეიტინგო კომპანია ასევე ხაზს უსვამს, რომ რეზერვების ზრდა სებ-ის პოლიტიკის შედეგია და ამასთან, აღნიშნავს რომ საერთაშორისო რეზერვების ზრდას განაპირობებს მიმდინარე ანგარიშის დეფიციტის შემცირება, კაპიტალის შემოდინება, ფრთხილი მონეტარული პოლიტიკა და ნდობის გაუმჯობესება, რამაც ადგილობრივი რეზიდენტების მხრიდან ლარში დენომინირებულ აქტივებზე მოთხოვნის ზრდა გამოიწვია. Fitch ასევე დადებითად აფასებს საგარეო სექტორში მიმდინარე ტენდენციებს. კომპანიის შეფასებით, მიმდინარე ანგარიშის დეფიციტის შემცირების ტენდენცია 2026 წლის პირველ ნახევარშიც გაგრძელდა, რაც ქვეყნის საგარეო მოწყვლადობის შემცირებას უწყობს ხელს.სარეიტინგო კომპანიის შეფასებით, პოზიტიურია დედოლარიზაციის ტენდენციები. სარეიტინგო კომპანია ასევე ხაზს უსვამს საქართველოს საბანკო სექტორის მდგრადობას.“ძლიერი ეკონომიკური ზრდა კვლავ დადებითად აისახება საქართველოს საბანკო სექტორის ფინანსურ მაჩვენებლებზე. სექტორი გამოირჩევა მაღალი მომგებიანობით (ROE აგვისტოს მდგომარეობით ROE 23.2% შეადგინა), ძლიერი კაპიტალიზაციით (პირველადი კაპიტალის კოეფიციენტი  17.6%) და აქტივების მაღალი ხარისხით (უმოქმედო სესხების წილი 2.5%)“, - ნათქვამია Fitch-ის ანგარიშში.Fitch პროგნოზით, ეკონომიკური ზრდა ძლიერი შენარჩუნდება და 2026 წელს 7.5%-ს გაუტოლდება, ხოლო 2027-2028 წლებში ეკონომიკური ზრდის ტემპი ეტაპობრივად შენელდება და საშუალოვადიან პოტენციურ დონეს 5%-ს დაუახლოვდება.

1793429999

საკრედიტო-სარეიტინგო სააგენტო Fitch Ratings-მა საქართველოს სუვერენული რეიტინგის პერსპექტივა სტაბილურიდან პოზიტიურით შეცვალა, რეიტინგი კი კვლავ უცვლელად, BB დონეზე დატოვა

2026 წლის 30 ოქტომბერს, საკრედიტო-სარეიტინგო სააგენტო Fitch Ratings-მა საქართველოს სუვერენული რეიტინგი შეაფასა და სხვადასხვა ფაქტორების გათვალისწინებით, პერსპექტივა სტაბილურიდან პოზიტიურით შეცვალა, ხოლო რეიტინგი კვლავ უცვლელად, BB დონეზე დატოვა.ქვეყნის შეფასების დოკუმენტში აღნიშნულია, რომ საქართველო განაგრძობს ეკონომიკურ და ფისკალურ მდგრადობას. რეიტინგის პოზიტიური პერსპექტივა საერთაშორისო რეზერვების სწრაფი დაგროვებით, მიმდინარე ანგარიშის დაბალი დეფიციტითა და მაღალი ეკონომიკური ზრდით არის განპირობებული. საქართველოს რეიტინგს, ასევე, აძლიერებს განხორციელებული გონივრული ფისკალური პოლიტიკა, მთავრობის ზომიერი ვალი და სტაბილური საბანკო სისტემა.სარეიტინგო კომპანია აღნიშნავს, რომ მიუხედავად გაზრდილი გეოპოლიტიკური რისკებისა და მაღალი ენერგეტიკული ფასებისა, ქვეყანა ინარჩუნებს ძლიერ ეკონომიკურ ზრდას, რაც ინვესტიციებითა და ექსპორტის მაღალი ზრდით არის განპირობებული. ქვეყნის საშუალო ეკონომიკური ზრდა 2023-2025 წლების პერიოდში 8%-ს აღემატებოდა. Fitch Ratings მოელის, რომ საშუალოვადიან პერიოდშიც საქართველოს რეალური ეკონომიკური ზრდა მისი მსგავსი რეიტინგის მქონე ქვეყნებზე მაღალ მაჩვენებელზე დაფიქსირდება.ასევე, სააგენტო საქართველოს ფისკალური პოლიტიკის ჩარჩოს კვლავ გონივრულად და გამჭვირვალედ აფასებს, რასაც თან ახლავს განხორციელებული სტრუქტურული რეფორმები, რაც მაკროეკონომიკურ სტაბილურობასა და გაუმჯობესებულ ბიზნესგარემოს უწყობს ხელს. ხაზგასასმელია ის ფაქტიც, რომ ბიუჯეტის დეფიციტი მშპ-ის მიმართ ბევრად დაბალია, ვიდრე ფისკალური წესით დაშვებული ზღვარი, ხოლო ვალი მშპ-სთან მიმართებით კლებადი ტენდენციით ხასიათდება და საგარეო ვალი მეტწილად საერთაშორისო საფინანსო ინსტიტუტებისგან აღებული კონცესიური სესხებისგან შედგება.სარეიტინგო კომპანია Fitch Ratings ხაზს უსვამს იმ ფაქტს, რომ საერთაშორისო სავალუტო რეზერვები მაღალი ტემპით იზრდება და მიმდინარე წლის სექტემბერში 8.2 მილიარდ აშშ დოლარს მიაღწია. აღნიშნული შედეგი მეტწილად განპირობებულია ქვეყნის საგადასახდელო ბალანსის გაუმჯობესებით (კერძოდ, მიმდინარე ანგარიშის დეფიციტის შემცირებით), კაპიტალური შემოდინებების ზრდით, ფრთხილი მონეტარული პოლიტიკითა და ნდობის ამაღლებით.Fitch Ratings საქართველოს საბანკო სისტემას კარგად კაპიტალიზებულად აფასებს, სადაც შენარჩუნებულია სექტორის მომგებიანობა, აქტივების ხარისხი და გონივრული ზედამხედველობა. ამასთან ხაზგასმულია, რომ დეპოზიტებისა და სესხების დოლარიზაციის დონეები შემცირებით ხასიათდება, რაც ძირითადად ეროვნული ბანკის მიერ გატარებული მაკროპრუდენციული ღონისძიებებით არის განპირობებული.ანგარიშის თანახმად, საშუალოვადიან პერსპექტივაში საგარეო ფაქტორების გაუმჯობესების ტენდენციების მდგრადი შენარჩუნება და შემდგომი გაუმჯობესება, მათ შორის, გაზრდილი საგარეო ბუფერები და მიმდინარე ანგარიშის მცირე დეფიციტი, მნიშვნელოვანი ფაქტორი იქნება რეიტინგის შემდგომი გაუმჯობესებისთვის.ინფორმაციას საქართველოს ფინანსთა სამინისტრო ავრცელებს. 

1793378519

რამდენ ლარად შეიძენთ უქმეებზე დოლარს და ევროს - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5992 ლარი გახდა. კურსი, რომელიც დღეს მოქმედებდა, 2.5959 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0033 ლარი შეადგინა.რაც შეეხება ევროს, მისი კურსი 2.9116 ლარია. მაშინ, როცა დღეს მოქმედი კურსი 2.8934 ლარს შეადგენდა. შესაბამისად, ევროს ცვლილებამ 0.0182 ლარი შეადგინა.

1793362642

რეზო შმერცი - საქართველო ინოვაციების წინა ხაზზეა - პროცესები სწრაფად, უსაფრთხოდ და სათანადო რეგულირების პირობებში ვითარდება

„საქართველო ფინანსებისა და ტექნოლოგიების სფეროში საერთაშორისო თანამშრომლობისა და ინოვაციების განვითარების მნიშვნელოვანი პლატფორმაა“, - ამის შესახებ BR Capital-ის დამფუძნებელმა რეზო შმერცმა განაცხადა.მისი შეფასებით, „თბილისის ფინანსური სამიტი“ ყოველწლიურად ვითარდება, იზრდება ღონისძიების მონაწილეთა მასშტაბი და დისკუსიების ხარისხი, რაც საქართველოს საერთაშორისო ფინანსურ საზოგადოებაში ცნობადობის ზრდას უწყობს ხელს.რეზო შმერცმა ხაზი გაუსვა, რომ საქართველო საერთაშორისო შეხვედრებისა და ფინანსური კავშირების ჩამოყალიბებისთვის მნიშვნელოვან უპირატესობებს ფლობს. ქვეყნის სტუმართმოყვარეობა, ბუნება, კულტურა და ხელსაყრელი გარემო ქმნის წინაპირობებს, რომ საქართველო არა მხოლოდ საერთაშორისო ღონისძიებების მასპინძელი, არამედ რეგიონული ფინანსური ჰაბიც გახდეს.BR Capital-ის დამფუძნებელმა ასევე ისაუბრა გლობალური ფინანსური ტექნოლოგიების განვითარების ტენდენციებსა და საქართველოს ფინანსური სექტორის შესაძლებლობებზე. მისი განცხადებით, ამ პროცესში განსაკუთრებული მნიშვნელობა აქვს მარეგულირებლის მზაობას, მოუსმინოს კერძო სექტორს და დროულად უპასუხოს ბაზრის საჭიროებებს.„საქართველოს ჰყავს ძალიან მეგობრული და პროგრესული მარეგულირებელი, რომელიც ყოველთვის უსმენს ბიზნესის მოთხოვნებს და სწრაფად რეაგირებს ფინანსური სექტორიდან წამოსულ საჭიროებებზე. შესაბამისად, ფინანსური ინოვაციების განვითარება და პროცესების ოპტიმიზაცია მნიშვნელოვანია როგორც ეკონომიკური ზრდისთვის, ისე ბიზნესის სხვა სექტორებისთვის“, - განაცხადა რეზო შმერცმა.მისივე თქმით, საქართველო აქტიურად ნერგავს ახალ ტექნოლოგიებს და ქმნის ინოვაციებისთვის შესაბამის მარეგულირებელ გარემოს, მათ შორის რეგულირების ექსპერიმენტული ჩარჩოებისა და ციფრული ფინანსების განვითარების მიმართულებით. ამ კონტექსტში მან ციფრული ლარის პროექტი და ტრანსსასაზღვრო გადახდების განვითარება გამოყო.„საქართველო ინოვაციების წინა ხაზზეა, ნერგავს ახალ ტექნოლოგიებს, ეხმარება მარეგულირებელ ლანდშაფტს, სენდბოქსებს. ყველა ეს პროცესი საქართველოში სწრაფად ვითარდება, თუმცა ამავდროულად უსაფრთხოდ და სათანადო რეგულირების პირობებში. ციფრული ფინანსების სამყაროში ბევრი მნიშვნელოვანი ცვლილება ხდება და მოხარული ვართ, რომ ერთ-ერთი ასეთი საერთაშორისო კონფერენცია სწორედ საქართველოში ტარდება. ვფიქრობ, ქვეყნისთვის ყველაფერი ძალიან კარგად ვითარდება“, - აღნიშნა რეზო შმერცმა.BR Capital-ის დამფუძნებელმა სამიტის ფარგლებში მონაწილეობა მიიღო პანელურ დისკუსიაში „ტრანსსასაზღვრო ფინანსური ინოვაციები შუა დერეფანში“, რომლის ფარგლებშიც განიხილეს შუა დერეფნის ქვეყნებს შორის ფინანსური და ტექნოლოგიური თანამშრომლობის გაღრმავების შესაძლებლობები, ტრანსსასაზღვრო გადახდების განვითარება, მარეგულირებელი ჩარჩოების დაახლოება, ციფრული იდენტიფიკაციისა და ფინანსური ინფრასტრუქტურის ურთიერთთავსებადობა. დისკუსიის მონაწილეებმა ასევე იმსჯელეს საქართველოს, აზერბაიჯანის, თურქეთისა და სომხეთის თანამშრომლობის პერსპექტივებზე და იმ პრაქტიკულ მექანიზმებზე, რომლებიც კომპანიებს სხვადასხვა ქვეყანაში საქმიანობის გამარტივების შესაძლებლობას მისცემს, თითოეული ქვეყნის კანონმდებლობისა და მომხმარებელთა დაცვის პრინციპების გათვალისწინებით.საქართველოს ეროვნული ბანკის, ეკონომიკისა და მდგრადი განვითარების სამინისტროსა და სინგაპურის გლობალური ფინანსური და ტექნოლოგიური ქსელის (GFTN) ერთობლივად ორგანიზებულმა, რიგით მეორე „თბილისის ფინანსურმა სამიტმა“  წელს 60-მდე ქვეყნის 1000-მდე მონაწილეს უმასპინძლა. 

1793357286

2026 წლის მესამე კვარტალში საქართველოში საერთაშორისო მოგზაურებმა 5.7 მილიარდი ლარი დახარჯეს

სტატისტიკის ეროვნული სამსახურის მონაცემებით, 2026 წლის მესამე კვარტალში საქართველოს ტერიტორიაზე დაფიქსირდა საერთაშორისო არარეზიდენტი მოგზაურების 3.1 მილიონი შემოსვლა, რაც 3.6 პროცენტით მეტია წინა წლის ანალოგიური პერიოდის მაჩვენებელზე. შემოსვლების უდიდესი ნაწილი, 40.1 პროცენტი, განხორციელდა 31-50 წლის მოგზაურების მიერ. აღნიშნული რაოდენობიდან საერთაშორისო ვიზიტორების მიერ განხორციელებული ვიზიტების რაოდენობამ 2.6 მილიონი შეადგინა, რაც 3.3 პროცენტით მეტია 2025 წლის ანალოგიური პერიოდის მაჩვენებელზე.საქსტატის ცნობით, 2026 წლის მესამე კვარტალში საერთაშორისო ვიზიტორების რაოდენობამ 2.2 მილიონს მიაღწია, რაც 3.1 პროცენტით მეტია წინა წლის ანალოგიური პერიოდის მაჩვენებელზე.საანგარიშო პერიოდში საერთაშორისო ვიზიტორების მიერ განხორციელდა 2.1 მილიონი ტურისტული ტიპის ვიზიტი, რაც 4.7 პროცენტით მეტია წინა წლის ანალოგიური პერიოდის მაჩვენებელზე.ამასთან, უწყების ანგარიშით, საერთაშორისო ვიზიტორების 82.1 პროცენტი მხოლოდ ტურისტები იყვნენ. მხოლოდ ექსკურსანტების წილმა 14.3 პროცენტი შეადგინა, ხოლო ვიზიტორების 3.6 პროცენტი იყო როგორც ტურისტი, ასევე ექსკურსანტი. ამასთან, 2026 წლის მესამე კვარტალში ვიზიტორების ყველაზე დიდი რაოდენობა, 596.8 ათასი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 26.7 პროცენტს შეადგენდა. მეორე ადგილზე იყო თურქეთი 14.5%-იანი წილით, ხოლო მესამეზე – სომხეთი 11.0%-იანი წილით. ვიზიტების ყველაზე დიდი რაოდენობა განხორციელდა რუსეთის ფედერაციის (695.8 ათასი), თურქეთისა (398.1 ათასი) და სომხეთის (316.2 ათასი) მოქალაქეების მიერ. ვიზიტორების უმრავლესობა – 44.5 პროცენტი მიეკუთვნებოდა 31-50 წლამდე ასაკობრივ კატეგორიას, ქალების რაოდენობა კი ვიზიტორების მთლიანი რაოდენობის 48.8 პროცენტს შეადგენდა.საქსტატის ინფორმაციით, 2026 წლის მესამე კვარტალში ვიზიტების ყველაზე დიდი ნაწილი – 58.8 პროცენტი განხორციელდა დასვენების, გართობისა და რეკრეაციის მიზნით. ვიზიტების უმრავლესობა კი განხორციელდა თბილისსა და აჭარის ა/რ-ში, შესაბამისად, 1 349.5 ათასი და 1 291.0 ათასი ვიზიტი.ამასთან, 2026 წლის მესამე კვარტალში განხორციელებული ვიზიტებისას გათეული ღამეების საშუალო რაოდენობამ 6.4 ღამე შეადგინა, რაც 2025 წლის მესამე კვარტალში დაფიქსირებულ მაჩვენებელზე (6.3 ღამე) 2.2 პროცენტით მეტია. განხორციელებული ვიზიტების 76.7 პროცენტი წარმოადგენდა განმეორებითი ხასიათის ვიზიტს.საანგარიშო პერიოდში განხორციელებული ვიზიტებისას გაწეული ხარჯები 5.7 მილიარდ ლარს გაუტოლდა, რაც 8.2 პროცენტით ნაკლებია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2025 წლის მესამე კვარტალთან შედარებით 11.1 პროცენტით შემცირდა და 2 194.4 ლარი შეადგინა.