1791289833

ეროვნული ბანკი: აგვისტოში ლარი დოლარის მიმართ გამყარდა, ევროს მიმართ კი გაუფასურდა

საქართველოს ეროვნულმა ბანკმა სავალუტო ბაზარზე არსებული ვითარება მიმოიხილა.ეროვნული ბანკის ინფორმაციით, აგვისტოში, წინა თვესთან შედარებით, ლარის საშუალო გაცვლითი კურსი აშშ დოლარის მიმართ 2.6346-დან 2.6177-მდე, ანუ 0.6%-ით გამყარდა, ხოლო ევროს მიმართ 3.0084-დან 3.0330-მდე, ანუ 0.8%-ით გაუფასურდა.მათივე ცნობით, თვის ბოლოს ლარის ოფიციალურმა გაცვლითმა კურსმა აშშ დოლარისა და ევროს მიმართ 2.6125 და 3.0412 შეადგინა. აღნიშნულ პერიოდში ლარი-დოლარის გაცვლითი კურსის მაქსიმალური მნიშვნელობა 2.6444 იყო, მინიმალური კი – 2.6266.აგვისტოში, საშუალო კურსთან შედარებით, გაცვლითი კურსის მაქსიმალური მნიშვნელობა მინიმალურზე მეტად იყო გადახრილი.„აგვისტოში საშუალოდ დოლართან მიმართებაში თურქულმა ლირამ როგორც თვის, ასევე წლის ჭრილში გაუფასურება განაგრძო. თვის ჭრილში ასევე გაუფასურდა რუსული რუბლი. შესამჩნევად გამყარდა ევრო, ხოლო – სომხური დრამი მცირედით, აზერბაიჯანული მანათი კი პრაქტიკულად არ შეცვლილა. რაც შეეხება ლარს, გამყარება შეინიშნება როგორც თვის, ასევე წლის დონეზე. შედეგად, ლარის ნომინალური ეფექტური გაცვლითი კურსი გამყარდა როგორც თვიურ, ისე წლიურ ჭრილში. კერძოდ, აგვისტოში წლიურად 5.8%-ით, თვის ჭრილში კი 1.4%-ით გამყარდა.რაც შეეხება ლარის რეალურ ეფექტურ გაცვლით კურსს, იგი წლიურად 3.2%-ით, თვის ჭრილში კი 1.3%-ით გამყარდა. ლარის ნომინალური ეფექტური გაცვლითი კურსის გამყარება ლარის რეალურ ეფექტურ გაცვლით კურსზე გამყარების მიმართულებით აისახებოდა, თუმცა წლის ჭრილში ცალკეულ ქვეყნებთან, მათ შორის თურქეთთან ინფლაციათა მაღალი დიფერენციალი ლარის რეალურ ეფექტურ გაცვლით კურსზე გაუფასურების მიმართულებით აისახებოდა.ზოგადად, ეფექტური კურსის გამყარება ქვეყნის კონკურენტუნარიანობაზე უარყოფითად აისახება, თუმცა იმპორტულ ინფლაციაზე შემცირების მიმართულებით მოქმედებს. ბოლო პერიოდში ლარის რეალური ეფექტური გაცვლითი კურსის გავლენა საექსპორტო საქონლის კონკურენტუნარიანობაზე მეტწილად ნეიტრალურია. გლობალურად მომატებული გაურკვევლობის და გაზრდილი ინფლაციური რისკების ფონზე ძირითადი სავაჭრო პარტნიორი ქვეყნების ინფლაციები გაიზარდა“, – ნათქვამია ეროვნული ბანკის ანგარიშში.

1791284095

ეროვნული ბანკი – მიმდინარე წელს ინფლაციის მატების მთავარი ფაქტორი მსოფლიოში და მათ შორის საქართველოში საწვავზე ფასების ზრდაა

 ეროვნული ბანკის მონაცემებით, სექტემბერში წლიურმა ინფლაციამ 5.6% შეადგინა, ხოლო აგვისტოსთან შედარებით ფასების საერთო დონემ 0.4%- ით მოიმატა.ცენტრალური ბანკის ცნობით, მიმდინარე წელს ინფლაციის მატების მთავარი ფაქტორი მსოფლიოში და მათ შორის საქართველოში საწვავზე ფასების ზრდაა. აღნიშნული დინამიკა გეოპოლიტიკური დაძაბულობისა და მიწოდების ჯაჭვების შეფერხებების შედეგია, რამაც ნედლ ნავთობსა და ნავთობპროდუქტებზე ფასები გაზარდა.რაც შეეხება შედარებით ხისტი ფასების საზომებს, საბაზო ინფლაციამ, რომელიც სამომხმარებლო კალათიდან მერყევ სურსათის, ენერგომატარებლების და სიგარეტის ფასებს გამორიცხავს, სექტემბერში 3.5% შეადგინა, ხოლო მომსახურების ინფლაცია 3.7%-ს გაუტოლდა.„გამწვავებული გეოპოლიტიკური ვითარების და ლოგისტიკური პრობლემების ფონზე სექტემბერში საწვავი კვლავ გაძვირდა, რამაც თვის ინფლაცია 0.32 პროცენტული პუნქტით გაზარდა. ამის საპირისპიროდ, უმაღლესი სასწავლებლის შემცირებულმა გადასახდელმა ინფლაციაზე კლების მიმართულებით მნიშვნელოვანი გავლენა მოახდინა და თვის ინფლაცია 0.73 პროცენტული პუნქტით შეამცირა. თვის ინფლაციის შემცირების მიმართულებით ასევე მოქმედებდა სურსათის ცალკეული კატეგორიების წინა თვესთან შედარებით ფასების კლება.წლიურ ინფლაციაზე ზრდის მიმართულებით ყველაზე დიდი წვლილი ენერგომატარებლების ფასებს აქვს. წინა წლის შესაბამის პერიოდთან შედარებით, ბენზინისა და დიზელის ფასები, შესაბამისად, 30%-ით და 54%-ით გაიზარდა, რამაც მთლიან ინფლაციაზე ჯამურად 1.5 პროცენტული პუნქტის გავლენა მოახდინა. სურსათის გავლენა ინფლაციაზე წლის დასაწყისთან შედარებით მცირდება. სექტემბერში სურსათის და უალკოჰოლო სასმელების ინფლაციამ 3.4%, ხოლო წვლილმა ინფლაციაში 1.2 პროცენტული პუნქტი შეადგინა. აქედან ყველაზე დიდი გავლენა პურს (0.5 პპ) და ძროხის ხორცს (0.5 პპ) ჰქონდა. სხვა პროდუქტებიდან აღსანიშნავია ელექტროენერგიის გადასახდელის (0.5 პპ) და ჯანდაცვის (0.7 პპ) წვლილები.წლიურ ინფლაციაზე შემცირების მიმართულებით ყველაზე მნიშვნელოვანი გავლენა განათლების ჯგუფმა მოახდინა, რომელმაც მთლიანი ინფლაცია 0.6 პროცენტული პუნქტით შეამცირა. ამავდროულად, ხანგრძლივი მოხმარების საქონლის კატეგორიაში დეფლაციური ტენდენცია კვლავ ნარჩუნდება. საშუალო ხანგრძლივობის მოხმარების საქონლის კატეგორიაში კი სექტემბერში ფასები წინა წლის შესაბამის პერიოდთან შედარებით შემცირდა“, – აღნიშნულია ეროვნული ბანკის კვლევაში.რაც შეეხება ადგილობრივად წარმოებული პროდუქტების ინფლაციას სექტემბერში, ეროვნული ბანკის ანგარიშის თანახმად, 4.9% შეადგინა.„ადგილობრივ ინფლაციაზე ყველაზე დიდი გავლენა პურის, ხორცისა და ყველის ფასებს (ჯამში 2.7 პპ), ხოლო შემცირების მიმართულებით უმაღლესი სასწავლებლებში სწავლის გადასახადის შემცირებას ჰქონდა. შერეულად წარმოებული პროდუქტების ინფლაციაში (4.8%) ყველაზე მნიშვნელოვანი წვლილი ელექტროენერგიის გადასახდელზე მოდიოდა. იმპორტირებულმა ინფლაციამ 7.8% შეადგინა, რაც ძირითადად საწვავის ფასების გაძვირებით აიხსნება (6.1 პპ)“, – ნათქვამია ეროვნული ბანკის ანგარშში.

1791233720

დოლარის და ევროს ფასი შეიცვალა - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6032 ლარი გახდა. კურსი, რომელიც დღეს მოქმედებდა, 2.6039 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0007 ლარი შეადგინა.რაც შეეხება ევროს, მისი კურსი 2.9169 ლარია. მაშინ, როცა დღეს მოქმედი კურსი 2.9257 ლარს შეადგენდა. შესაბამისად, ევროს ცვლილებამ 0.0088 ლარი შეადგინა.

1791230662

მნიშვნელოვანი ინფორმაცია სესხებთან დაკავშირებით - რაც იცვლება და რა წესების დაცვა მოუწევთ ფინანსურ ინსტიტუტებს

2027 წლის პირველი თებერვლიდან მოქალაქეებისთვის სესხის გაცემის პირობები მკაცრდება. საუბარია კოეფიციენტების სისტემაზე, რომელიც სესხის მომსახურების ყოველთვიურ გადასახადის ზღვრის დაწესებას გულისხმობს.მოქმედი ნორმით, მოქალაქეებს, რომლებსაც თვეში 1 500 ლარზე ნაკლები შემოსავალი აქვთ, სესხის მომსახურების მაქსიმალური კოეფიციენტი 25 პროცენტს, ანუ 375 ლარს არ უნდა აღემატებოდეს. 1 500 ლარზე მაღალი შემოსავლის მქონე პირებისთვის კი სესხის მომსახურების დაშვებული ყოველთვიური მაქსიმალური ლიმიტი შემოსავლის 50 პროცენტი, ანუ 750 ლარია, ხოლო ახალი ნორმით, რომელიც ძალაში 2027 წლის პირველი თებერვლიდან შევა, სესხის აღების 25 პროცენტიანი ზღვარი 1 500-ის ნაცვლად, 2 000 ლარი იქნება, ხოლო 2027 წლის პირველი სექტემბრიდან 2 500 ლარამდე გაიზრდება.როგორც ფინანსური სტაბილურობის კომიტეტის გადაწყვეტილებაშია აღნიშნული, სესხის მომსახურების კოეფიციენტის ზღვრების თავდაპირველი შეფასება 2017 წლის სტატისტიკურ მონაცემებს ეყრდნობოდა, რომელიც 2022 წელს რიგი ეკონომიკური ნომინალური მაჩვენებლების ზრდის ფონზე განახლდა. ახლა კი კომიტეტმა, კვლავ გადახედა კოეფიციენტის ზღვრებს და განაახლა. როგორც ეროვნულ ბანკში განმარტავენ, აღნიშნული ცვლილება ხელს შეუწყობს მსესხებლების ჭარბვალიანობის რისკების შერბილებასა და ფინანსური სისტემის მდგრადობას.„ფინანსური სტაბილურობის კომიტეტმა სესხის მომსახურების კოეფიციენტის ზღვრების მორიგი რეკალიბრაციის გადაწყვეტილება მიიღო. სესხის მომსახურების კოეფიციენტის ზღვრების თავდაპირველი შეფასება 2017 წლის სტატისტიკურ მონაცემებს ეყრდნობოდა, რომელიც 2022 წელს რიგი ეკონომიკური ნომინალური მაჩვენებლების ზრდის ფონზე განახლდა. მიმდინარე ეტაპზე კვლავ დადგა აღნიშნული კოეფიციენტის ზღვრების რეკალიბრაციის საჭიროება. ბოლო წლებში მაღალი ეკონომიკური ზრდის პარალელურად, მნიშვნელოვნად გაიზარდა ხელფასები და სხვა ნომინალური მაჩვენებლები, რის შედეგადაც არსებული ფიქსირებული ზღვრები სათანადოდ ვეღარ ასახავს მსესხებლების შემოსავლების მიმდინარე განაწილებასა და ვალის ტვირთს. PTI-ის ზღვრების უცვლელად შენარჩუნების შემთხვევაში, მსესხებლების ერთი შემოსავლის კატეგორიიდან მეორეში გადასვლა შესაძლოა, ძირითადად ნომინალური შემოსავლების ზრდით იყოს განპირობებული და არა მათი რეალური გადახდისუნარიანობისა თუ რისკის პროფილის არსებითი ცვლილებით. შესაბამისად, ზღვრების განახლება მიზნად ისახავს PTI-ის ჩარჩოს მიმდინარე ეკონომიკურ გარემოსთან შესაბამისობაში მოყვანასა და მაკროპრუდენციული პოლიტიკის თავდაპირველი პოზიციის შენარჩუნებას. ამგვარად, კომიტეტმა მიზანშეწონილად მიიჩნია აღნიშნული მაკროპრუდენციული ინსტრუმენტის რეკალიბრაცია. ამასთან, აღნიშნული ცვლილების მკვეთრი ერთჯერადი ზემოქმედების თავიდან აცილებისა და ეფექტის დროში გადანაწილების მიზნით, კომიტეტის გადაწყვეტილებით, სესხის მომსახურების კოეფიციენტის ზღვარი ეტაპობრივად გაიზრდება. კერძოდ, თუ აქამდე სესხის მომსახურების კოეფიციენტის 25%-იანი მოთხოვნა 1500 ლარამდე შემოსავლის მქონე პირებზე ვრცელდებოდა, ეს ზღვარი 2027 წლის 1 თებერვლიდან 2000 ლარამდე, ხოლო 2027 წლის პირველი სექტემბრიდან 2 500 ლარამდე გაიზრდება. აღნიშნული ცვლილება ხელს უწყობს მსესხებლების ჭარბვალიანობის რისკების შერბილებასა და ფინანსური სისტემის მდგრადობას“, – აღნიშნულია ეროვნული ბანკის ფინანსური სტაბილურობის კომიტეტის მიერ გამოქვეყნებულ ანგარიშში.

1790957395

ოქროს ფასმა დაიკლო - რა ღირს გრამი

საქართველოში, 2 ოქტომბრის მონაცემებით, ოქროს ფასი დაკლებულია.ამ დროისთვის, 1 გრამი 999 სინჯის ოქროს ფასი საქართველოში დაახლოებით, 357 ლარია (1-ელ ოქტომბერს - 360 ლარი იყო), 750 სინჯის - 268 ლარი (1-ელ ოქტომბერს - 270 ლარი იყო), ხოლო 585-სინჯიანი ძვირფასი ლითონი 209 ლარი ღირს (1-ელ ოქტომბერს - 210 ).რაც შეეხება ვერცხლს, 2 ოქტომბრის მონაცემებით, 1 გრამი 999 სინჯის ვერცხლი 5.10 ლარი (1-ელ ოქტომბერს - 5.09 ლარი იყო) ღირს, ხოლო 875 სინჯის ძვირფასი ლითონის ფასი 4.46 ლარია (1-ელ ოქტომბერს - 4.45 ლარი იყო).

1790954465

დოლარის და ევროს ფასი შეიცვალა - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6039 ლარი გახდა. კურსი, რომელიც დღეს მოქმედებდა, 2.6042 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0003 ლარი შეადგინა.რაც შეეხება ევროს, მისი კურსი 2.9257 ლარია. მაშინ, როცა დღეს მოქმედი კურსი 2.9407 ლარს შეადგენდა. შესაბამისად, ევროს ცვლილებამ 0.0150 ლარი შეადგინა.

1790931014

საქსტატი: სექტემბერში საქართველოში წლიურმა ინფლაციამ 5.6 პროცენტი შეადგინა

სტატისტიკის ეროვნული სამსახურის მონაცემებით, 2026 წლის სექტემბერში წინა თვესთან შედარებით ინფლაციის დონემ საქართველოში 0.4 პროცენტი, ხოლო წლიური ინფლაციის დონემ 5.6 პროცენტი შეადგინა.რაც შეეხება საბაზო ინფლაციას, საქსტატის ცნობით, აღნიშნულმა მაჩვენებელმა 2026 წლის სექტემბერში, გასული წლის შესაბამის პერიოდთან შედარებით 3.7 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 3.5 პროცენტით განისაზღვრა.„ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტრანსპორტი: ჯგუფში ფასები გაიზარდა 2.9 პროცენტით, რაც თვის ინფლაციაზე 0.36 პროცენტული პუნქტით აისახა. ფასები მომატებულია პირადი სატრანსპორტო საშუალებების ექსპლუატაციაზე (4.2 პროცენტი), სატრანსპორტო საშუალებების შეძენასა (0.4 პროცენტი) და სატრანსპორტო მომსახურებაზე (0.4 პროცენტი); ჯანმრთელობის დაცვა: მოცემულ პერიოდში ფასები გაიზარდა 2.8 პროცენტით, რაც ჯამურ ინფლაციაზე 0.22 პროცენტული პუნქტით აისახა. ფასები, ძირითადად, გაიზარდა ამბულატორიულ სამედიცინო მომსახურებაზე (9.1 პროცენტი); განათლება: ჯგუფში ფასები შემცირდა 12.2 პროცენტით, რაც თვის ინფლაციაზე -0.51 პროცენტული პუნქტით აისახა. ჯგუფში ფასები შემცირდა უმაღლეს განათლებაზე (-32.9 პროცენტი). ამასთან, ფასები მომატებულია ქვეჯგუფებზე: საშუალო განათლება (7.0 პროცენტი), სკოლამდელი და დაწყებითი განათლება (5.8 პროცენტი) და დონით განუსაზღვრელი განათლება (4.6 პროცენტი)“, – აღნიშნულია საქსტატის ანგარიშში.

1790929601

სექტემბერში ყველაზე მეტად, 18.1 პროცენტით თევზეული გაძვირდა - საქსტატი

სტატისტიკის ეროვნული სამსახურის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ ტრანსპორტის ჯგუფში. ჯგუფში ფასები გაიზარდა 18.7 პროცენტით, რაც წლიურ ინფლაციაზე 2.2 პროცენტული პუნქტით აისახა. ფასები, ძირითადად, 25.8 პროცენტით მომატებულია პირადი სატრანსპორტო საშუალებების ექსპლუატაციაზე და 14.9 პროცენტით სატრანსპორტო მომსახურებაზე.სურსათისა და უალკოჰოლო სასმელების ჯგუფში ფასები გაიზარდა 3.4 პროცენტით, რაც წლიურ ინფლაციაზე 1.24 პროცენტული პუნქტით აისახა. ფასები 18.1 პროცენტითაა მომატებულია თევზეულზე, ხორცი და ხორცის პროდუქტები 9.0 პროცენტით გაძვირდა, პური და პურპროდუქტები – 6.9 პროცენტით, ზეთი და ცხიმი – 4.8 პროცენტით. ყავა, ჩაი და კაკაო 4.6 პროცენტითაა გაძვირებული, ბოსტნეული და ბაღჩეული – 0.4 პროცენტით. ამასთან, ფასები შემცირდა -4.3 პროცენტით შემცირდა ხილსა და ყურძენზე, შაქარი, ჯემი და სხვა ტკბილეული -0.7 პროცენტით გაიაფდა, მინერალური და წყაროს წყალი, უალკოჰოლო სასმელები და ნატურალური წვენები კი -0.6 პროცენტითაა გაიაფებული.„საცხოვრებელი, წყალი, ელ.ენერგია, აირი: ჯგუფში ფასები მომატებულია 9.2 პროცენტით, რაც 0.89 პროცენტული პუნქტით აისახა მთლიან ინდექსზე. ფასები, ძირითადად, გაზრდილია ქვეჯგუფებზე: ფაქტიური გადასახადი საცხოვრებელზე (10.9 პროცენტი), ელექტროენერგია, აირი და სათბობის სხვა სახეები (10.5 პროცენტი), საცხოვრებლის მიმდინარე მოვლა და შეკეთება (9.8 პროცენტი);ჯანმრთელობის დაცვა: მოცემულ პერიოდში ჯგუფში ფასები გაიზარდა 8.0 პროცენტით, რაც ჯამურ ინფლაციაზე 0.66 პროცენტული პუნქტით აისახა. ფასები გაიზარდა ქვეჯგუფებზე: ამბულატორიული სამედიცინო მომსახურება (11.5 პროცენტი), სამედიცინო პროდუქცია, აპარატურა და მოწყობილობა (8.8 პროცენტი); განათლება: ჯგუფში ფასები შემცირდა 12.5 პროცენტით. შესაბამისად, ჯგუფის წვლილმა წლიურ ინდექსში -0.55 პროცენტული პუნქტი შეადგინა. ფასები შემცირდა უმაღლეს განათლებაზე (-32.9 პროცენტი). ამასთან ფასები მომატებულია ქვეჯგუფებზე: სკოლამდელი და დაწყებითი განათლება (7.0 პროცენტი), დონით განუსაზღვრელი განათლება (6.8 პროცენტი) და საშუალო განათლება (6.6 პროცენტი)“, – აღნიშნულია საქსტატის ანგარიშში.

1790863936

დოლარის და ევროს ფასი შეიცვალა - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6042 ლარი გახდა. კურსი, რომელიც დღეს მოქმედებდა, 2.6047 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.რაც შეეხება ევროს, მისი კურსი 2.9407 ლარია. მაშინ, როცა დღეს მოქმედი კურსი 2.9576 ლარს შეადგენდა. შესაბამისად, ევროს ცვლილებამ 0.0169 ლარი შეადგინა.

1790850987

2025 წელს საქართველოში ბიზნეს სექტორის ბრუნვის მოცულობამ 254 მილიარდი ლარი შეადგინა - საქსტატი

სტატისტიკის ეროვნული სამსახურის მონაცემებით, 2025 წელს, წინა წელთან შედარებით, ბიზნეს სექტორის ბრუნვის მოცულობა 11.1 პროცენტით გაიზარდა და 253.7 მილიარდი ლარი შეადგინა.საქსტატის ცნობით, ზრდის ტენდენციით ხასიათდებოდა ბიზნეს სექტორის პროდუქციის გამოშვების მაჩვენებელიც. 2025 წელს მისი მოცულობა 99.9 მილიარდი ლარით განისაზღვრა, რაც 2024 წლის მაჩვენებელზე 10.3 პროცენტით მეტია.ამასთან, უწყების ანგარიშით, 2025 წელს ბიზნეს სექტორის ბრუნვის მოცულობის 68.2 პროცენტი მსხვილ ბიზნესზე მოდიოდა, 15.8 პროცენტი – საშუალოზე, ხოლო 16.1 პროცენტი კი – მცირე ბიზნესზე. განსხვავებული განაწილება იყო პროდუქციის მთლიანი გამოშვების შემთხვევაში: მსხვილ ბიზნესზე მოდიოდა პროდუქციის გამოშვების 45.8 პროცენტი, საშუალოზე – 26.2 პროცენტი, ხოლო მცირე ბიზნესზე – 28.0 პროცენტი.2025 წელს საწარმოთა მიერ განხორციელებულმა საქონლისა და მომსახურების მთლიანმა ყიდვებმა – 123.5 მილიარდი ლარი შეადგინა, რაც 2024 წელთან შედარებით 7.6 პროცენტით მეტია, ხოლო გადასაყიდად განკუთვნილი საქონლისა და მომსახურების ყიდვებმა 76.4 მილიარდი ლარი – რაც 2024 წელთან შედარებით 7.0 პროცენტით მეტია. 2025 წელს ბიზნეს სექტორში დასაქმებულთა საშუალო რაოდენობა 899.0 ათასი კაცით განისაზღვრა, რაც წინა წლის მაჩვენებელზე 3.8 პროცენტით მეტია. დასაქმებულთა მთლიანი რაოდენობიდან 43.8 პროცენტი ქალი იყო, ხოლო 56.2 პროცენტი – მამაკაცი. დასაქმებულთა მთლიანი რაოდენობის 39.4 პროცენტი მსხვილ ბიზნესზე მოდიოდა, 19.7 პროცენტი – საშუალოზე, ხოლო 40.9 პროცენტი – მცირე ბიზნესზე.საანგარიშო პერიოდში, დაქირავებულთა მთლიანმა რაოდენობამ 827.2 ათასი კაცი შეადგინა, რაც 2024 წელთან შედარებით 3.2 პროცენტით მეტია, ხოლო საწარმოთა მთლიანი დანახარჯები პერსონალზე 22.3 მილიარდი ლარით განისაზღვრა, რაც 2024 წლის მაჩვენებელს 12.2 პროცენტით აღემატება.საქსტატის ინფორმაციით, 2025 წელს, ბიზნეს სექტორში დაქირავებით დასაქმებულთა საშუალო თვიური ხელფასი 2198.4 ლარს გაუტოლდა, რაც 2024 წლის მაჩვენებელთან შედარებით გაზრდილია 173.9 ლარით, ხოლო მათ შორის ქალების ხელფასმა 1 712.8 ლარი შეადგინა. საწარმოთა ზომის მიხედვით საშუალო თვიური ხელფასი კი შემდეგნაირია: მსხვილი ბიზნესი – 2 497.3 ლარი; საშუალო ზომის ბიზნესი – 2 755.6 ლარი; მცირე ბიზნესი – 1 507.4 ლარი.უწყების ანგარიშის თანახმად, 2025 წელს ბიზნეს სექტორის ბრუნვის მოცულობის სტრუქტურაში ყველაზე მაღალი წილი, 35.5 პროცენტი ხელოვნება, გართობა და დასვენების დარგზე მოდიოდა, მეორე ადგილზე იყო ვაჭრობა, 33.6 პროცენტიანი წილით, შემდეგ კი – დამამუშავებელი მრეწველობა 7.7 პროცენტიანი წილით, მშენებლობა – 6.1 პროცენტიანი წილით, ტრანსპორტი და დასაწყობება – 4.6 პროცენტიანი წილით, ხოლო 13,0 პროცენტი დანარჩენ დარგებზე განაწილდა.ამასთან, 2025 წელს ბიზნეს სექტორის პროდუქციის გამოშვებაში პირველ და მეორე ადგილებს იკავებდა დამამუშავებელი მრეწველობა (18.8 პროცენტი) და ვაჭრობა (18.5 პროცენტი), შემდეგ მოდიოდა მშენებლობა (18.1 პროცენტი), ტრანსპორტი და დასაწყობება (9.3 პროცენტი), ინფორმაცია და კომუნიკაციაბი (7.6 პროცენტი), ხოლო დანარჩენ დარგებს სტრუქტურაში ჯამურად 27.7 პროცენტიანი წილი ეკავათ.2025 წელს დასაქმებულთა რაოდენობის მიხედვით ბიზნეს სექტორში ლიდერობდნენ ვაჭრობის, დამამუშავებელი მრეწველობისა და ჯანდაცვის და სოციალური მომსახურების საქმიანობების დარგები, შესაბამისად, 29.5, 11.0 და 9.1 პროცენტიანი წილებით. სტრუქტურაში მნიშვნელოვანი წილი მოდოდა ტრანსპორტისა და დასაწყობების (8.6 პროცენტი), მშენებლობის (7.8 პროცენტი), აგრეთვე ინფორმაციისა და კომუნიკაციის (6.0 პროცენტი) და განთავსების საშუალებებით უზრუნველყოფის და საკვების მიწოდების საქმიანობების (5.4 პროცენტი) დარგის საწარმოებზეც.ავტორი - მარიამ ბერძენიშვილი 

1790839063

ლემშვენიერა-დავით გარეჯის საავტომობილო გზის რეაბილიტაციისთვის ტენდერი გამოცხადდა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა შიდასახელმწიფოებრივი მნიშვნელობის ლემშვენიერა-დავით გარეჯის საავტომობილო გზის კმ14-კმ18 მონაკვეთისა და გარეჯის ნათლისმცემლის მონასტერთან მისასვლელი საავტომობილო გზის 0.9 კმ. სიგრძის მონაკვეთის რეაბილიტაციისთვის ტენდერი გამოაცხადა.სარეაბილიტაციო მონაკვეთის სიგრძე 5,3 კმ-ია და საგარეჯოს მუნიციპალიტეტში მდებარეობს.როგორც საავტომობილო გზების დეპარტამენტში აღნიშნავენ, არსებულ გზაზე საფარი მხოლოდ გრუნტოვანი იყო და ატმოსფერული ნალექის შემთხვევაში მასზე მოძრაობა რთულდებოდა.პროექტი ითვალისწინებს გზის სრულ რეაბილიტაციას, რომლის ფარგლებშიც დაგეგმილია გზის სავალი ნაწილის რეაბილიტაცია და ასფალტ-ბეტონის საფარის დაგება. არსებული ხელოვნური ნაგებობების აღდგენა და ახალი ნაგებობების მოწყობა. ასევე, გათვალსიწინებულია მიერთებების, წყალგამტარი მილების, საგზაო ნიშნების მოწყობა და გზის სავალი ნაწილის მონიშვნა.პროექტი სრულად სახელმწიფო ბიუჯეტიდან ფინანსდება.

1790795528

დოლარის და ევროს ფასი შეიცვალა - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6047 ლარი გახდა. კურსი, რომელიც დღეს მოქმედებდა, 2.6051 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0004 ლარი შეადგინა.რაც შეეხება ევროს, მისი კურსი 2.9576 ლარია. მაშინ, როცა დღეს მოქმედი კურსი 2.9552 ლარს შეადგენდა. შესაბამისად, ევროს ცვლილებამ 0.0024 ლარი შეადგინა.