1793258773

ბაკურიანში ბერძნულ-რომაულ ჭიდაობაში რესპუბლიკური ტურნირის გამარჯვებულები დააჯილდოვეს

ბორჯომის მუნიციპალიტეტის მერმა მამუკა გელაშვილმა, საკრებულოს თავმჯდომარე გიორგი ფერაძესთან ერთად, დაბა ბაკურიანში, ბერძნულ-რომაული სტილით ჭიდაობაში გამართული რესპუბლიკური ტურნირის გამარჯვებული სპორტსმენები დააჯილდოვა.60 კგ წონით კატეგორიაში პირველი ადგილი ბორჯომელმა სპორტსმენმა კოსტია პაშენკომ დაიკავა. ტურნირის მონაწილეებსა და გამარჯვებულებს თასები, მედლები, სიგელები და სიმბოლური საჩუქრები გადაეცათ.ბესო ბესტავაშვილისა და აკაკი ბალხანიშვილის სახელობის ტურნირი ბერძნულ-რომაულ ჭიდაობაში 27-28 ოქტომბერს ჩატარდა. შეჯიბრება 15 წონით კატეგორიაში გაიმართა, სადაც 20 გუნდი და 250-მდე სპორტსმენი მონაწილეობდა.რესპუბლიკურ ტურნირს ასევე ესწრებოდნენ მერის მოადგილე გელა მაღრაძე, საკრებულოს თავმჯდომარის მოადგილეები — გენადი მუმლაძე და რევაზ ლაშხი, ბაკურიანის განვითარების სააგენტოს თავმჯდომარე ეკატერინე ორჯონიკიძე და ადგილობრივი თვითმმართველობის წევრები.

1793255081

გიორგი მამარდაშვილმა „ლივერპულს“ ინგლისის ლიგის თასზე მოაგებინა

გიორგი მამარდაშვილის „ლივერპული“ ინგლისის ლიგის თასის 1/8-ფინალში „ჩელსის“ დაუპირისპირდა, პენალტების სერიაში გაიმარჯვა (1:1 ძირითადი დრო, პენალტების სერია – 6:5) და შემდეგ ეტაპზე გავიდა.„ენფილდზე“ გამართულ შეხვედრაში საქართველოს ნაკრების მეკარე მასპინძელთა სასტარტო შემადგენლობაში იყო და ძირითად დროში გუნდი სამჯერ გადაარჩინა. მატჩის ძირითადი დრო ფრედ დასრულდა (1:1) და პენალტების სერია დაინიშნა, სადაც მამარდაშვილმა გადამწყვეტ მომენტში ერთი დარტყმა მოიგერია, ორჯერ კი ლონდონელებმა მიზანს ააცილეს.„ლივერპულის“ მეტოქე ინგლისის ლიგის თასის მეოთხედფინალში „ბორნმუთი“ იქნება, მატჩი 14 დეკემბერს ჩატარდება.

1793219586

მერაბ დვალიშვილის დამარცხებისთვის პიოტრ იანს 500 000$-იან ავტომობილს გადასცემენ

პიოტრ იანი ტიტულის დაცვისთვის გულუხვად დაჯილდოვდება. გარდა Fight of the Night-ის ბონუსით გათვალისწინებული 100 000$-ისა, UFC-ის რუსი ჩემპიონი მალე ახალ ავტომობილსაც, Rolls-Royce Cullinan-ს მიიღებს.საჩუქარს სუპერმსუბუქი წონის ჩემპიონი ბეთინგ-კომპანია 1win-ისგან მიიღებს, რომელთანაც ხანგრძლივი პარტნიორობა აკავშირებს.„დღეს პიოტრ იანმა კიდევ ერთხელ დაამტკიცა, თუ რატომ არის მსოფლიოს ერთ-ერთი საუკეთესო მებრძოლი. ასეთი გამარჯვებების მიღმა წლების შრომა, დისციპლინა და საქმისადმი თავდადება იმალება. 1win-ში მუდამ ვაფასებთ მათ, ვინც პირველობისთვის დაუღალავად იბრძვის. ამ გამარჯვებისთვის ჩვენგან პიოტრი Rolls-Royce Cullinan-ს მიიღებს - მან ეს დაიმსახურა“, - დაწერა 1win-ის მფლობელმა X-ზე. Thank you so much @Owner1win one of the best gifts no doubt 🙏🏼 — Petr “No Mercy” Yan (@PetrYanUFC) October 25, 2026

1793217475

„პარმასთან“ მატჩში გიორგი ჩაკვეტაძემ „უდინეზეში“ საუკეთესო შეფასება მიიღო

იტალიის სერია A-ში აუტსაიდერების დაპირისპირება გაიმართა – გიორგი ჩაკვეტაძის „უდინეზე“ „პარმას“ ესტუმრა და დაძაბულ შეხვედრაში ქულა მოიპოვა 0:0.საქართველოს ნაკრების ერთ-ერთი ლიდერი ტრავმის შემდეგ ფორმაში შედის და იტალიურ ფეხბურთს ნელ-ნელა ეჩვევა. გიორგი უფრო მეტად იღებდა თავზე თამაშს, შეტევების გამწვავებას ცდილობდა და დაცვასაც ეხმარებოდა. იგი 83-ე წუთზე შეცვალეს და საბოლოოდ, „უდინეზეში“ საუკეთესო შეფასება მიიღო – 7,5 ქულა.69-ე წუთზე „პარმას“ დაწინაურება შეეძლო, მაგრამ ადრიან ბერნაბე გარსიას მიერ შესრულებული პენალტის მიმართულება სტუმართა მეკარე მადუკა ოკოიემ გამოიცნო და გუნდი გოლისგან იხსნა.იტალიის ჩემპიონატში გამართული 9 ტურის შემდეგ „უდინეზემ“ 5 ქულა დააგროვა და სატურნირო ცხრილში მე-17 ადგილი შეინარჩუნა. 

1793215113

ვენის ტურნირზე ბასილაშვილმა როდიონოვი დაამარცხა და 1/8 ფინალში კარლოს ალკარას დაუპირისპირდება

ავსტრიაში ვენის 500-ქულიანი კატეგორიის ტურნირი დაიწყო. ნიკოლოზ ბასილაშვილი წარმატებულ სვლას აგრძელებს. ბასილაშვილი ვენაში პირველ შეხვედრაში მასპინძელი, იური როდიონოვი ორ სეტში დაამარცხა - 7:6, 6:1.ჩემპიონი 500 ქულასთან ერთად 523,305 ევროს მიიღებს. შარშან ჩემპიონატის გამარჯვებული იანიკ სინერი გახდა.

1793170219

სანდრო მამუკელაშვილმა „პორტლენდთან“ მატჩში 17 ქულა ჩააგდო

საქართველოს ნაკრების ფორვარდმა სანდრო მამუკელაშვილმა „ლეიკერსის“ მაისურით NBA-ის ახალ სეზონში სარეკორდო, 17 ქულა ჩააგდო. მისმა გუნდმა კი პირველი მარცხი იწვნია – შინ, „პორტლენდთან“, 129:136.პორტლენდის გამარჯვება მორანტის (23 ქულა), ავდიას (23), ლილარდის (21) და ჰოლიდეის (22) კვარტეტმა განაპირობა.„ლეიკერსში“ კი კვლავ ეფექტური სტატისტიკა ჰქონდა ლუკა დონჩიჩს – 41 ქულა, 9 პასი.სანდრო მამუკელაშვილი: 24 წუთი, 17 ქულა (4-დან 3 სამქულიანი, 5-დან 3 ორიანი, 2-დან 2 საჯარიმო), 4 მოხსნა, 2 პასი, 1 დაფარება.„ლეიკერსი“ მომდევნო მატჩს 29 ოქტომბერს სტუმრად „კლიპერსთან“ გამართავს.

1793168674

„ოჯახი“ - რა ფოტოს აქვეყნებს ხვიჩა კვარაცხელია

„პარი სენ-ჟერმენმა“ საფრანგეთის ლიგა 1-ის მერვე ტურში „ლიონი“ ანგარიშით 2:0 დაამარცხა და ეს გამარჯვება ტრავმირებულ ხვიჩა კვარაცხელიას მიუძღვნა. მატჩის შემდეგ პარიზელთა მთავარმა მწვრთნელმა, ლუის ენრიკემ, ქართველ ფეხბურთელს განსაკუთრებული სიტყვებით მიმართა.„ამ გამარჯვებას კვარაცხელიას ვუძღვნი“, - განაცხადა ესპანელმა სპეციალისტმა.შეხვედრის დაწყებამდე „პარკ დე პრენსის“ ტრიბუნებზე გულშემატკივრებმა ქართველი ფეხბურთელის მხარდასაჭერად ბანერი გაშალეს წარწერით: „კვარა, წითელ-ლურჯი ხალხი შენთანაა!“ მატჩის დასრულების შემდეგ კი გუნდის ფეხბურთელები, მთავარი მწვრთნელი და კლუბის პრეზიდენტი ნასერ ალ-ხელაიფი ხვიჩა კვარაცხელიას სახელისა და ნომრის მქონე მაისურის გარშემო გაერთიანდნენ და ამ ფორმით თანაგუნდელს მხარდაჭერა გამოუცხადეს.ამას ხვიჩა კვარაცხელია გამოეხმაურა და გუნდს „ოჯახი“ უწოდა.

1793142757

„უფლის წყალობით, ოპერაციას გადავრჩით!“ - ცნობილია, როდის დაბრუნდება ბექაური

ორგზის ოლიმპიური ჩემპიონი, ლაშა ბექაური ბაქოში გამართულ მსოფლიო ჩემპიონატზე მიღებული ტრავმის გამო ოპერაციას გადაურჩა. ამის შესახებ ძიუდოისტი სოციალურ ქსელში წერს.ლაშა ბექაური გამოკვლევების ჩასატარებლად საფრანგეთის ქალაქ ლიონში ჩაფრინდა, სადაც დადგინდა, რომ ქართველ ფალავანს ოპერაციის გაკეთება არ დასჭირდება.„უფლის წყალობით, ოპერაციას გადავრჩით! 3 თვეში შევძლებ დაბრუნებას! მადლობა სრულიად საქართველოს გვერდში დგომისთვის! თქვენი სიყვარული ჩემთვის ყველაფერია! მიყვარხართ!“, - წერს ბექაური.

1793113035

"მესი, ნეიმარი, მბაპე, რამოსი..." - რა ვიცით კლინიკის შესახებ, სადაც ხვიჩა კვარაცხელიას ოპერაცია ჩაუტარდა

მძიმე ტრავმა, მსოფლიო ფეხბურთის ვარსკვლავების მხარდაჭერა და გულშემატკივართა მოლოდინი - მთავარი ყურადღება ახლა ქართველი ფეხბურთელის, ხვიჩა კვარაცხელიას სარეაბილიტაციო პროცესსა და მოედანზე დაბრუნებაზეა გადატანილი.როგორც მოგეხსენებათ, ბარსელონასთან მატჩის 58-ე წუთზე კვარაცხელია მეტოქის მცველ ხავი ესპარტისთან სათამაშო ეპიზოდში ჩაერთო. უკან დაბრუნებისას ქართველმა ფეხბურთელმა მარჯვენა მუხლი დაიზიანა და მოედნის დატოვება სამედიცინო პერსონალის დახმარებით მოუწია.საქართველოს ნაკრების კაპიტანს მარჯვენა მუხლის წინა ჯვარედინი იოგი აქვს გაწყვეტილი. პსჟ-მ დაადასტურა, რომ კვარაცხელიას ტრავმა საკმაოდ მძიმეა და ფეხბურთელს, შესაძლოა, სეზონის გამოტოვება მოუწიოს.ქართული ფეხბურთის სუპერვარსკვლავს უკვე ჩაუტარდა ოპერაცია. კვარას გუნდმა, „პარი სენ-ჟერმენმა“  ოპერაციასთან დაკავშირებით ინფორმაცია გაავრცელა.კლინიკის ოფიციალური ვებგვერდის მიხედვით, ასპეტარი 2007 წლიდან ფუნქციონირებს და მისი ძირითადი მიმართულებები ორთოპედია და სპორტული მედიცინაა. საერთაშორისო მედიის ცნობით, ცენტრი პროფესიონალ სპორტსმენებს ტრავმის შემდეგ რეაბილიტაციასა და მოედანზე სწრაფად დაბრუნებაში ეხმარება. ეს ხვიჩა კვარაცხელიას შემთხვევაში განსაკუთრებით მნიშვნელოვანია, რადგან ქართველი ფეხბურთელისთვის მუხლის ფუნქციის აღდგენის გარდა, სტაბილურობის, სისწრაფის, მიმართულების სწრაფად შეცვლისა და დრიბლინგის უნარის (იგულისხმება ბურთის შენარჩუნება მოწინააღმდეგის გვერდის ავლით ან მოტყუებით) სრულფასოვნად დაბრუნება.როგორი კლინიკაა და რამდენად მაღალი დონის დაწესებულებააასპეტარი ჩვეულებრივი მრავალპროფილური საავადმყოფო არ არის – მისი ძირითადი მიმართულება  სპორტთან დაკავშირებული ტრავმები და სპორტსმენების უნარების აღდგენაა. აღსანიშნავია ის ფაქტიც, რომ 2009 წელს ის FIFA-ს სამედიცინო ცენტრად ოფიციალურად აღიარეს. 2018 წელს წარმატებულად გაიარა ჯანდაცვის ხარისხის შეფასების საერთაშორისო პროგრამა და უმაღლეს შესაძლო აღიარებასაც მიაღწია.კლინიკას საერთაშორისო სპორტსმენებისთვის განკუთვნილი სპეციალური მომსახურება აქვს, რომელიც სამედიცინო სფეროს წარმომადგენლებთან მუდმივ კონტაქტს, მკურნალობის დაგეგმვასა და რეაბილიტაციის პროცესის ორგანიზებას გულისხმობს. თითოეული პაციენტისთვის პროგრამა ინდივიდუალურად იგეგმება.აღსანიშნავია ისიც, რომ ასპეტარი  თანამედროვე ტექნოლოგიებითა და სპეციალიზებული სამედიცინო აპარატურით არის აღჭურვილი, რაც ექიმებს საშუალებას აძლევს, სპორტული ტრავმები დეტალურად შეისწავლონ, მკურნალობის პროცესი აკონტროლონ და სპორტსმენის რეაბილიტაციის თითოეული ეტაპი სათანადოდ  შეაფასონ.მაგალითად, თავდაპირველად მაგნიტურ-რეზონანსული ტომოგრაფიის, იგივე MRI-ის საშუალებით ადგენენ, რამდენად დაზიანებულია მუხლის წინა ჯვარედინი იოგი ან სხვა ნაწილები. ამასთან, ამოწმებენ სახსრის მოძრაობასა და კუნთების მდგომარეობას, რათა ოპერაციისთვის სათანადოდ მოემზადონ. Aspetar-ის მთავარი უპირატესობა ისაა, რომ იქ  მკურნალობა მხოლოდ ოპერაციით არ სრულდება - განსაკუთრებული ყურადღება ეთმობა აღდგენის პროცესსაც. პირველ ეტაპზე ექიმები აკონტროლებენ ტკივილსა და შეშუპებას, პაციენტი კი მსუბუქი ვარჯიშებით მუხლის მოძრაობისა და კუნთების გააქტიურებას იწყებს. მომდევნო კვირებსა და თვეებში დატვირთვა თანდათან იზრდება, ძლიერდება ფეხის კუნთები და უმჯობესდება წონასწორობა. მოგვიანებით ფეხბურთელი სირბილზე, აჩქარებასა და მიმართულების შეცვლაზე ორიენტირებულ ვარჯიშებს უბრუნდება. აპარატურით ზომავენ კუნთების ძალას, კამერებისა და სენსორების დახმარებით კი აკვირდებიან, რამდენად სწორად მოძრაობს სპორტსმენი სირბილისა თუ ხტომის დროს. ეს ექიმებს ეხმარება, შეაფასონ არის თუ არა მზად მოედანზე დასაბრუნებლად. წინა ჯვარედინი იოგის ტრავმის შემდეგ პროფესიონალურ ფეხბურთში დაბრუნებას ხშირად ექვსიდან თორმეტ თვემდე სჭირდება, თუმცა ვადა ინდივიდუალურია.„ბიბისი სპორტის“ ინფორმაციით, სხვადასხვა დროს ასპეტარის მომსახურებით ისეთმა ცნობილმა ფეხბურთელებმა ისარგებლეს, როგორებიც – ლიონელ მესი, ნეიმარი, კილიან მბაპე და სერხიო რამოსი არიან. ეს სიის მხოლოდ მცირე ნაწილია.რაც შეეხება ფასს: ასპეტარის ოფიციალური ვებგვერდის მიხედვით, კლინიკა მსგავს ოპერაციებზე ფიქსირებულ ფასს საჯაროდ არ აქვეყნებს - ღირებულება კონკრეტული პაციენტის გამოკვლევისა და მკურნალობის გეგმის მიხედვით განისაზღვრება.კატარის ბაზრის შესახებ ერთ-ერთ კვლევით ანგარიშში აღნიშნულია, რომ  იოგის აღდგენის ოპერაციების ღირებულება 35-დან 55-მე ათას კატარულ რიალად არის შეფასებული, რაც დაახლოებით 9-დან 15 ათასის დოლარის ფარგლებშია.ახლა ხვიჩა კვარაცხელიასთვის ყველაზე მნიშვნელოვანი ჯანმრთელობის სრულად აღდგენა და მოედანზე დაბრუნებაა. "პრაიმ ტაიმი" სწრაფ და სრულ გამოჯანმრთელებას უსურვებს ქართული ფეხბურთის სუპერვარსკვლავს.

1793112256

„პარი სენ-ჟერმენი“ კვარას ოპერაციასთან დაკავშირებით ინფორმაციას ავრცელებს

საქართველოს ნაკრებისა და „პარი სენ-ჟერმენის“ თავდამსხმელს, ხვიჩა კვარაცხელიას მუხლზე ოპერაცია წარმატებით ჩაუტარდა, – ინფორმაციას ფრანგული კლუბის ოფიციალური ვებგვერდი ავრცელებს.„ხვიჩა კვარაცხელიას მარჯვენა მუხლის წინა ჯვარედინი იოგის გაწყვეტის გამო ოპერაცია წარმატებით ჩაუტარდა. ქირურგიული ჩარევა კატარის დედაქალაქ დოჰაში, ASPETAR-ის კლინიკაში განხორციელდა. ფეხბურთელი ახლა რეაბილიტაციის პროცესს დაიწყებს“, – ნათქვამია „პარი სენ-ჟერმენის“ ოფიციალურ განცხადებაში.ამ ეტაპზე უცნობია, რამდენ ხანს გაგრძელდება ქართველი ფეხბურთელის რეაბილიტაცია და როდის შეძლებს ის მოედანზე დაბრუნებას.

1793111281

ხვიჩა კვარაცხელიამ ოპერაცია გაიკეთა

ხვიჩა კვარაცხელიამ ოპერაცია გაიკეთა. 𝐆𝐄𝐎 𝐓𝐄𝐀𝐌-ის ინფორმაციით, დოჰაში ხვიჩა კვარაცხელიას მუხლის ჯვარედინი იოგის ოპერაცია წარმატებით დასრულდა.მათივე ცნობით, ფეხბურთელი თავს კარგად გრძნობს.  

1793055726

ხვიჩა კვარაცხელიამ „ოქროს ბურთის“ გამოკითხვაში მე-6 ადგილი დაიკავა

ხვიჩა კვარაცხელიამ „ოქროს ბურთის“ გამოკითხვაში მეექვსე ადგილი დაიკავა. პრესტიჟული ინდივიდუალური ჯილდოს გადაცემის რიგით 70-ე ცერემონია ლონდონში გაიმართა.„ოქროს ბურთი“ ფეხბურთში ყველაზე პრესტიჟული ინდივიდუალური ჯილდოა. ხვიჩა კვარაცხელია ნომინანტთა შორის მესამედ მოხვდა, ამჯერად კი კარიერაში საუკეთესო შედეგი აჩვენა.საქართველოს ნაკრების კაპიტანი „პარი სენ-ჟერმენის“ შემადგენლობაში ზედიზედ მეორედ გახდა ჩემპიონთა ლიგის გამარჯვებული. ამასთან, ქართველი ფეხბურთელი ტურნირის საუკეთესო მოთამაშედ დასახელდა.სწორედ ამიტომ არსებობდა ვარაუდი, რომ კვარაცხელიას „ოქროს ბურთის“ მოგების შანსიც ჰქონდა. მის კანდიდატურას არაერთი ცნობილი ადამიანი უჭერდა მხარს, მათ შორის, უეფას ყოფილი პრეზიდენტი და ფრანგული ფეხბურთის ლეგენდა მიშელ პლატინი.ხვიჩა კვარაცხელია ლონდონში გამართულ „ოქროს ბურთის“ დაჯილდოების ცერემონიას არ დასწრებია. ტრავმირებულ ქართველ ფეხბურთელს კვირის დასაწყისში, კატარის დედაქალაქ დოჰაში, მუხლის ჯვარედინი იოგის ოპერაცია ჩაუტარდება.2026 წლის „ოქროს ბურთის“ გამარჯვებული ჰარი კეინი გახდა