სპორტი

1794066684

“დვალიშვილი ყველაზე რთული მეტოქე არ ყოფილა", - პიოტრ იანი

პიოტრ იანმა მერაბ დვალიშვილთან ბრძოლის შესახებ ისაუბრა. სუპერმსუბუქი დივიზიონის ჩემპიონმა აღნიშნა, რომ ბოლო დაპირისპირება არ ყოფილა მის კარიერაში ყველაზე რთული და არც ქართველი მებრძოლია ყველაზე რთული მოწინააღმდეგე."ტიტულის დაცვის შემდეგ არანაირი ემოციური დაცემა არ მაქვს. პირიქით, ამ მომენტით უნდა ვისიამოვნო – სხვა შესაძლებლობა შეიძლება აღარც იყოს. დვალიშვილთან ჩხუბი საერთო ჯამში ჩემი კონტროლით მიმდინარეობდა. მართალია, 1-ელ რაუნდებში ის მაკავებდა და თავის საქმეს აკეთებდა, მაგრამ რეალური ზიანი არ მოუყენებია.რა თქმა უნდა, რისკი არსებობდა, თუმცა ბრძოლისთვის ეს ნორმალურია. აქ ყოველთვის შეიძლება დარტყმა გაატარო ან კონტროლი დაკარგო. ვერ ვიტყვი, რომ მერაბი ჩემს კარიერაში ყველაზე რთული მოწინააღმდეგეა. ის ძლიერი, გამძლე და ღირსეული მებრძოლია. სხვა ოპონენტებიც მყოლია და მსგავსი ჩხუბებიც მქონია.ასეთი რთული ბრძოლები საკუთარ შესაძლებლობებს უკეთესად გიხსნის - ეს თვითგანვითარებაა, რაც ძალიან კარგია. დვალიშვილთან ჩვენს ტრილოგიაში საკმარისი უნარები შევიძინე, რაც ფანტასტიკურია.მე მერაბთან ვადამდე ადრე მოგებაზე არ ვიყავი ორიენტირებული", -განაცხადა რუსმა მებრძოლმა.წყარო:

1794048674

ხვიჩა კვარაცხელია გინესის მსოფლიო რეკორდების წიგნში შეიყვანეს

ხვიჩა კვარაცხელია, ჩემპიონთა ლიგაზე შედეგიანი გამოსვლის გამო, გინესის მსოფლიო რეკორდების წიგნში შეიყვანეს, - ინფორმაციას ფრანგული კლუბი ავრცელებს.საქართველოს ეროვნული საფეხბურთო ნაკრებისა და ფრანგული PSG-ს წევრმა, უეფას ჩემპიონთა ლიგის პლეი-ოფის ეტაპზე, გოლით ან საგოლე გადაცემით, ზედიზედ ყველაზე მეტ მატჩში მონაწილეობის რეკორდი დაამყარა.2025-2026 წლების სეზონში, PSG-ს შემადგენლობაში, კვარაცხელიამ გოლი ან საგოლე გადაცემა ზედიზედ შვიდ შეხვედრაში მიითვალა. მან რეკორდული მაჩვენებელი 2026 წლის 25 თებერვლიდან 6 მაისამდე პერიოდში დაამყარა.კვარაცხელიამ ჩემპიონთა ლიგის პლეი-ოფის ზედიზედ შვიდ მატჩში მინიმუმ ერთი გოლით ან საგოლე გადაცემით გამოიჩინა თავი. ეს მიღწევა გინესის მსოფლიო რეკორდების ორგანიზაციამ ოფიციალურად აღიარა.შედეგად, კვარაცხელია უკვე "გინესის მსოფლიო რეკორდების" 2027 წლის საფეხბურთო გამოცემაშია.

1793900757

ცნობილია, საქართველოს ნაკრების განაცხადი ნოემბრის მატჩებისთვის

14 ნოემბერი: საქართველოVSუნგრეთი; 17 ნოემბერი - უკრაინაVS საქართველო - ცნობილია, საქართველოს ნაკრების განაცხადი ნოემბრის მატჩებისთვის:GK: გიორგი მამარდაშვილი, ლუკა გუგეშაშვილი, ნოდარ ყალიჩავა;DF: ოთარ კაკაბაძე, საბა გოგლიჩიძე, საბა საზონოვი, ლაშა დვალი, ლუკა ლოჩოშვილი, ივა გელაშვილი, ჯემალ ტაბიძე, გიორგი მაისურაძე, ირაკლი აზაროვი;MF: გიორგი ქოჩორაშვილი, ანზორ მექვაბიშვილი, ნოდარ ლომინაძე, სანდრო ალთუნაშვილი, გიორგი მოისწრაფიშვილი, ირაკლი იეგოიანი, გიორგი ჩაკვეტაძე, ზურიკო დავითაშვილი, გიორგი წიტაიშვილი, გიორგი კვერნაძე;ST: გიორგი მიქაუტაძე, ბუდუ ზივზივაძე, გიორგი გაგუა, გიორგი გულიაშვილი.

1793881579

23-წლიანი ეპოქა დასრულდა - რონალდუმ სანაკრებო კარიერა დაასრულა

პორტუგალიის ნაკრების ლეგენდარულმა თავდამსხმელმა, კრიშტიანო რონალდომ სანაკრებო კარიერის დასრულების გადაწყვეტილება მიიღო, – ამის შესახებ 41 წლის ფეხბურთელმა სოციალურ ქსელში განაცხადა.„დადგა დრო, გზა მომავალ თაობას დავუთმო. ეს მარტივი გადაწყვეტილება არ ყოფილა“, – განაცხადა რონალდომ და აღნიშნა, რომ პორტუგალიის ნაკრების შვიდნომრიან მაისურს ნოემბრის სანაკრებო პაუზის შემდეგ დაემშვიდობება.რონალდოს დებიუტი პორტუგალიის ეროვნულ ნაკრებში 2003 წელს შედგა. მას შემდეგ მან ქვეყნის მთავარი გუნდის მაისურით 234 შეხვედრა ჩაატარა და 146 გოლი გაიტანა. ორივე მაჩვენებლით ის მამაკაცთა სანაკრებო ფეხბურთის რეკორდსმენია.რონალდომ პორტუგალიის ნაკრებთან ერთად 2016 წელს ევროპის ჩემპიონატი მოიგო, ხოლო 2019 და 2025 წლებში უეფა-ს ერთა ლიგის გამარჯვებული გახდა. მან მონაწილეობა მიიღო მსოფლიოს ექვს ჩემპიონატში და ისტორიაში პირველი ფეხბურთელი გახდა, რომელმაც გოლის გატანა ექვს სხვადასხვა მუნდიალზე შეძლო.2026 წლის მსოფლიო ჩემპიონატი რონალდოსთვის კარიერაში ბოლო მუნდიალი აღმოჩნდა. პორტუგალიის ნაკრებმა ტურნირი მერვედფინალში ესპანეთთან მარცხის შემდეგ დატოვა. View this post on Instagram A post shared by Cristiano Ronaldo (@cristiano)

1793878800

კრიშტიანო რონალდომ სანაკრებო კარიერის დასრულების შესახებ გამოაცხადა

1793861590

უაითმა ილიას დაბრუნების დრო გაამხილა

UFC-ის პრეზიდენტმა, დენა უაითმა ჯიმ როუმთან საუბრისას ილია თოფურიას დაბრუნების სავარაუდო დრო დაასახელა. როგორც უაითი ამბობს, „ელ მატადორი“ ოქტაგონს 2027 წლის დასაწყისში დაუბრუნდება."თოფურია 2027-ის დასაწყისში დაბრუნდება, მაგ საკითხზე ვმუშაობთ. მთლიანად, ეს მსუბუქი წონის დივიზიონი... გვყავს გეიჯი, თოფურია, არმან ცარუკიანი, ოლივეირა, პედი პიმბლეტი, ჰოლოუეი... ტოპ 10-ის ყველა წევრი ნამდვილი მკვლელია. ასე რომ, ეს არის საუკეთესო და ყველაზე მაგარი დივიზიონი, რაც ამჟამად გვაქვს.ვის შეიძლება შეხვდეს ილია?კონკრეტულ სახელს არ დაგისახელებთ, რათა მერე ინსტაგრამის იდიოტურმა გვერდებმა არ აიტაცონ და არ წერონ: „აი, მან თქვა, რომ მას ეჩხუბება“. როცა დრო მოვა, ყველაფერს გაიგებთ", - განაცხადა უაითმა. შეგახსენებთ, რომ ილია თოფურიამ ბოლოს 2026 წლის 15 ივნისს, თეთრი სახლის ქარდზე იჩხუბა და ჯასტინ გეიჯისთან მეოთხე რაუნდის ბოლოს, ტექნიკური ნოკაუტით დამარცხდა, რითაც სამწუხაროდ, მსუბუქი წონითი დივიზიონის ჩემპიონის ქამარი დაკარგა.

1793799120

ვიქტორ სანიკიძეს, ჩემპიონთა ლიგის (BCL) საშეჯიბრო კომიტეტის ხელმძღვანელის პოსტზე უფლებამოსილების ვადა გაუხანგრძლივეს

საქართველოს კალათბურთის ეროვნული ფედერაციის პრეზიდენტს, ვიქტორ სანიკიძეს, ჩემპიონთა ლიგის (BCL) საშეჯიბრო კომიტეტის ხელმძღვანელის პოსტზე უფლებამოსილების ვადა გაუხანგრძლივეს. ინფორმაციას კალათბურთის ფედერაცია ავრცელებს.ფედერაციის ცნობით, შესაბამისი ოფიციალური წერილი ჩემპიონთა ლიგის სათავო ოფისიდან ფედერაციაში დღეს შემოვიდა. დირექტორთა საბჭოს თავმჯდომარემ, მარკუს შტუდერმა და გენერალურმა დირექტორმა, პატრიკ კომნინოსმა, ვიქტორ სანიკიძეს ნდობის გაგრძელება ოფიციალურად აცნობეს, საპასუხისმგებლო თანამდებობაზე ხელახლა დამტკიცება მიულოცეს და მომავალ საქმიანობაში წარმატებები უსურვეს.„ვიქტორ სანიკიძე ჩემპიონთა ლიგის საშეჯიბრო კომიტეტის თავმჯდომარედ პირველად გასული წლის ოქტომბერში დაინიშნა. გასული 1 წლის განმავლობაში გაწეული წარმატებული საქმიანობისა და ნაყოფიერი მუშაობის შედეგად, FIBA-სა და BCL-ის ხელმძღვანელობამ მიიღო გადაწყვეტილება, ვიქტორ სანიკიძეს აღნიშნულ საპასუხისმგებლო პოზიციაზე უფლებამოსილების ვადა კიდევ გაუხანგრძლივოს.ჩემპიონთა ლიგა FIBA-ს მთავარი საკლუბო ტურნირია, რომლის ჯგუფურ ეტაპზეც 32 გუნდი მონაწილეობს. ტურნირის პოპულარობა და მონაწილე გუნდების დონე ყოველწლიურად იზრდება.საშეჯიბრო კომიტეტი BCL-ის სტრუქტურაში ერთ-ერთ საკვანძო როლს ასრულებს — ის უზრუნველყოფს ტურნირის ფორმატის, მონაწილეთა სიის, კალენდრის შემუშავებასა და სტრატეგიული რეკომენდაციების მომზადებას დირექტორთა საბჭოსთვის.წლებია, ვიქტორ სანიკიძე ასევე გახლავთ FIBA-ევროპის საშეჯიბრო კომიტეტის წევრი, რომლის ძირითადი ფუნქციაც ასაკობრივი სანაკრებო ჩემპიონატების ორგანიზება და მართვაა.FIBA-ს მთავარი საკლუბო ტურნირის წამყვანი კომიტეტის ხელმძღვანელის პოსტზე უფლებამოსილების გაგრძელება ვიქტორ სანიკიძის საერთაშორისო ავტორიტეტის, გაწეული შრომისა და მისდამი არსებული მაღალი ნდობის კიდევ ერთი დადასტურებაა“, -ნათქვამია ინფორმაციაში.

1793776783

გიორგი მიქაუტაძე: ვფიქრობ, მზად ვარ დიდ კლუბში გადავიდე

იორგი მიქაუტაძე კარიერაში ახალი ნაბიჯის გადასადგმელად მზად არის.26 წლის ქართველმა თავდამსხმელმა ბოლო ინტერვიუში საკუთარ ამბიციებზე ისაუბრა და ბარსელონას ინტერესიც შეაფასა.„მინდა, ყველა მატჩში ვითამაშო, ძირითად შემადგენლობაში ვიყო და დავამტკიცო, რომ მაღალი დონის თავდამსხმელი ვარ. როდესაც ეს არ ხდება ან მწვრთნელი თამაშიდან ნაადრევად შემცვლის, იმედგაცრუებული ვრჩები, თუმცა ვაგრძელებ მუშაობას და ვარჯიშებზე მაქსიმუმს ვაკეთებ.ფეხბურთის თამაში სწორედ დიდი მიზნებისთვის დავიწყე. მინდა, უფრო მაღალ დონეზე ვითამაშო და ტიტულები მოვიგო. 26 წლის ვარ და ვფიქრობ, მზად ვარ, დიდ კლუბში გადავიდე. ამისთვის ყველაფერი მაქვს და ყოველ მატჩში ვცდილობ, ეს დავამტკიცო. შესაძლოა, უბრალოდ, ცოტა მეტი დრო მჭირდება.ბარსელონა? მათი მხრიდან ინტერესიც სასიამოვნოა და დამატებით მოტივაციას მაძლევს. ეს იმასაც ნიშნავს, რომ ჩემს საქმეს კარგად ვაკეთებ. ბავშვობიდან ბარსელონას გულშემატკივარი ვიყავი, ჯერ კიდევ ჩავი-ინიესტა-ბუსკეტსის ეპოქიდან და MSN-ის დროიდან. თუმცა ამ ინტერესისთვის დიდი ყურადღება არ მიმიქცევია“, - აღნიშნა მიქაუტაძემ.

1793728815

გიორგი მიქაუტაძემ ხვიჩა კვარაცხელიას ფრანგული ტელევიზიიდან მიმართა

ჩემპიონთა ლიგის ლიგის ფაზის მე-4 ტურში, გიორგი მიქაუტაძის „ვილიარეალი“ საკუთარ მოედანზე ხვიჩა კვარაცხელიას „პარი სენ-ჟერმენს“ დაუპირისპირდება. შეხვედრამდე რამდენიმე საათით ადრე, ცნობილმა ფრანგულმა ტელევიზია Canal+-მა გიორგი მიქაუტაძის მიმართვა გაავრცელა, რომელშიც ქართველი შემტევი ხვიჩა კვარაცხელიას სამოტივაციო სიტყვით მიმართავს.„კვარა, ძმაო, იმედი მაქვს, რომ ოპერაციამ კარგად ჩაიარა. შეინარჩუნე რწმენა შენს თავში, იყავი ძლიერი. ჩვენ ყველა შენს გვერდით ვართ, მთელი საქართველო შენს გვერდითაა. ვიცი, რომ ყველაფერი კარგად იქნება, იმიტომ რომ შენ ძლიერი და კარგი ადამიანი ხარ. გამაგრდი და მალე შევხვდებით, ძმაო. მიყვარხარ“, - თქვა გიორგი მიქაუტაძემ.

1793708906

ილია თოფურია მიმართვას ავრცელებს

ილია თოფურია მიმართვას ავრცელებს.„მე დავბრუნდი იქ, საიდანაც ყველაფერი დაიწყო. არა წარსულის მოსაგონებლად, არამედ იმის გასახსენებლად, თუ ვინ ვარ. მატადორი ბრუნდება.“, - წერს თოფურია. View this post on Instagram A post shared by Ilia Topuria (@iliatopuria)

1793699354

„ტენერიფეს“ თავდამსხმელი, რომელსაც მატჩის დროს მუხლი მკერდში მოხვდა, საავადმყოფოში გარდაიცვალა

„ტენერიფეს“ 30 წლის თავდამსხმელი ხესუს დე მიგელ ალამედა 3 ნოემბერს გარდაიცვალა, — ინფორმაცია კლუბმა ოფიციალურად დაადასტურა.ყველაფერი 2 ნოემბერს, ესპანეთის რანგით მეორე დივიზიონში „ტენერიფესა“ და „ანდორას“ შეხვედრით დაიწყო. მატჩის მიწურულს დე მიგელი მეტოქის მეკარეს, ხესუს ოვონოს შეეჯახა, ძლიერი დარტყმა მიიღო და მოედანზე უგონოდ დაეცა.ფეხბურთელს გულის გაჩერება დაუფიქსირდა, თუმცა სამედიცინო პერსონალმა რეანიმაციული ღონისძიებებით მისი გადარჩენა და გულის მუშაობის აღდგენა შეძლო. დე მიგელი საავადმყოფოს ინტენსიური თერაპიის განყოფილებაში გადაიყვანეს.3 ნოემბრის დილას „ტენერიფემ“ გაავრცელა ინფორმაცია, რომ ფეხბურთელის ნევროლოგიური მდგომარეობა გაუარესდა. მოგვიანებით კი კლუბმა მისი გარდაცვალება დაადასტურა.

1793639452

ხვიჩა კვარაცხელია FIFPRO-ს წლის სიმბოლური ნაკრების 26 კანდიდატს შორის მოხვდა

საქართველოს ნაკრებისა და „პარი სენ-ჟერმენის“ ვარსკვლავი ხვიჩა კვარაცხელია FIFPRO-ს 2026 წლის მსოფლიოს სიმბოლური ნაკრების (World 11) კანდიდატთა საბოლოო სიაში მოხვდა.პროფესიონალ ფეხბურთელთა ასოციაციების საერთაშორისო ფედერაციამ (FIFPRO) იმ 26 ფეხბურთელის ვინაობა გამოაცხადა, რომლებმაც მსოფლიოს სხვადასხვა ქვეყანაში ჩატარებული გამოკითხვის შედეგად ყველაზე მეტი ხმა მიიღეს.2026 წლის საუკეთესო თერთმეტეულის გამოსავლენად გამართულ კენჭისყრაში 73 ქვეყნის 19 806 პროფესიონალი ფეხბურთელი მონაწილეობდა. საბოლოო სიმბოლური ნაკრების შემადგენლობა 9 ნოემბერს გახდება ცნობილი.FIFPRO-ს წლის სიმბოლური ნაკრების 26 კანდიდატი:მეკარეები: ტიბო კურტუა, ემილიანო მარტინესი, დავიდ რაია.მცველები: პაუ კუბარსი, მარკ კუკურელია, ვირჯილ ვან დაიკი, გაბრიელ მაგალაეში, აშრაფ ჰაკიმი, ნუნო მენდეში, უილიამ სალიბა, დაიო უპამეკანო.ნახევარმცველები: ჯუდ ბელინგემი, ბრუნო ფერნანდეში, ენცო ფერნანდესი, პედრი, დეკლან რაისი, როდრი, ვიტინია.თავდამსხმელები: ერლინგ ჰალანდი, ჰარი კეინი, ხვიჩა კვარაცხელია, კილიან მბაპე, ლიონელ მესი, მაიკლ ოლისე, კრიშტიანუ რონალდუ, ლამინ იამალი.1TVSPORT