1794123404
ვიდეოები
1793170915
ქობულეთის შემოვლითი გზის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გაიმართასაქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა საერთაშორისო მნიშვნელობის E70 საავტომობილო გზის ქობულეთის შემოვლითი მონაკვეთის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გამართა. შეხვედრაში მონაწილეობდნენ დაინტერესებული მხარეები, მათ შორის არასამთავრობო ორგანიზაციების წარმომადგენლები.შეხვედრა გაიმართა პროექტის ბუნებრივ და სოციალურ გარემოზე ზემოქმედების შეფასებისა და მიწის შესყიდვისა და განსახლების გეგმის მომზადების ფარგლებში.მონაწილეებს მიეწოდათ ინფორმაცია დაგეგმილი სამუშაოების, მოსალოდნელი გარემოსდაცვითი და სოციალური ზემოქმედებისა და შესაბამისი შემარბილებელი ღონისძიებების შესახებ. შეხვედრის მიზანი ასევე იყო დაინტერესებული მხარეების მოსაზრებების, შენიშვნებისა და რეკომენდაციების მიღება შეფასებისა და დაგეგმვის პროცესში გასათვალისწინებლად.შეხვედრა ღია იყო ყველა დაინტერესებული პირისთვის. მონაწილეებს შესაძლებლობა ჰქონდათ, დაესვათ კითხვები და წარმოედგინათ თავიანთი მოსაზრებები და წინადადებები.პროექტი ითვალისწინებს ქობულეთის შემოვლითი გზის დაახლოებით 31 კილომეტრიან მონაკვეთზე არსებული ორი ზოლის პარალელურად დამატებითი ორი ზოლის მშენებლობას.პროექტის გარემოსდაცვითი დოკუმენტაცია ხელმისაწვდომია გარემოსდაცვით საინფორმაციო პორტალზე: https://ei.gov.ge/ka/info/b3e4bbf2-3323-42e4-b4b7-851799173862.
1785509812
ჯარიმა 10 000 ლარამდე გაიზარდა - ვინ და რა შემთხვევაში დაჯარიმდება
სათამაშო ბიზნესის სფეროში სამართლებრივი პასუხისმგებლობა მკაცრდება და სანებართვო პირობების შეუსრულებლობისთვის დაწესებული ჯარიმების ოდენობები იზრდება.მიღებული კანონპროექტის მიხედვით, სამორინეს მოწყობის ნებართვის მფლობელთა მიმართ ჯარიმის ოდენობა 7 000 ლარის ნაცვლად, 20 000 ლარით განისაზღვრა.სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა 1 000 ლარის ნაცვლად, 10 000 ლარით განისაზღვრა.აზარტული კლუბის მოწყობის ნებართვის მფლობელთა მიმართ ჯარიმა 2 000 ლარის ნაცვლად, 10 000 ლარი იქნება.აზარტული და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა 2 000 ლარის ნაცვლად, 10 000 ლარით განისაზღვრება, ხოლო სისტემურ-ელექტრონული ფორმით სამორინეს, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმა 7 000 ლარის ნაცვლად, 20 000 ლარი იქნება.
სხვა სიახლეები
სპორტი • 1794128861
ჩინეთის სახალხო რესპუბლიკის ვიცე-პრეზიდენტის ოფიციალური ვიზიტი საქართველოში დასრულდა.ხან ჭენგი თბილისის საერთაშორისო აეროპორტში საქართველოს პრემიერ-მინისტრმა ირაკლი კობახიძემ ვიცე-პრემიერთან, საგარეო საქმეთა მინისტრ მაკა ბოჭორიშვილთან ერთად გააცილა.ჩინეთის სახალხო რესპუბლიკის ვიცე-პრეზიდენტი დელეგაცისათან ერთად საქართველოს 6 ნოემბერს ეწვია. ოფიციალური ვიზიტის ფარგლებში გაიმართა გაფართოებული ფორმატის შეხვედრები საქართველოს პრეზიდენტთან და პრემიერ-მინისტრთან.
სამართალი • 1794127678
იუსტიციის მინისტრმა ადვოკატთა დღისადმი მიძღვნილი ღონისძიების გახსნაში მიიღო მონაწილეობა
საქართველოს იუსტიციის მინისტრი პაატა სალია ადვოკატთა ასოციაციის საიუბილეო დღისადმი მიძღვნილ საერთაშორისო კონფერენციას დაესწრო. ღონისძიების მთავარი თემაა ხელოვნური ინტელექტის ეპოქაში საადვოკატო საქმიანობის განვითარება.იუსტიციის მინისტრმა კონფერენციის მონაწილეებს სიტყვით მიმართა. პაატა სალიამ აღნიშნა, რომ ადვოკატის პროფესიასთან ცხოვრების მნიშვნელოვანი ნაწილი აკავშირებს, რაც დღემდე განსაზღვრავს მის დამოკიდებულებას ამ პროფესიაში მყოფი ადამიანების მიმართ.„ადვოკატის საქმიანობის ცენტრში ყოველთვის ადამიანია - თავისი უფლებებით, პრობლემებითა და სამართლიანობის მოლოდინით. თითოეული საქმე, რომელიც მაღალი პროფესიონალიზმით და კეთილსინდისიერებით არის წარმართული, აძლიერებს რწმენას, რომ ადამიანს შეუძლია საკუთარი უფლებების დაცვა და მისი ხმა მართლმსაჯულების პროცესში სათანადოდ იქნება გაგონილი“, - განაცხადა იუსტიციის მინისტრმა.პაატა სალიამ იუსტიციის სამინისტროსა და ადვოკატთა კორპუსის თანამშრომლობის მნიშვნელობაზეც ისაუბრა. მისი თქმით, ხარისხიანი და განჭვრეტადი კანონმდებლობა, სამართლებრივი უსაფრთხოება და იურიდიულ დახმარებაზე ხელმისაწვდომობა ის მიმართულებებია, რომლებზე მუშაობის პროცესშიც უფლებადამცველების პრაქტიკული გამოცდილების გათვალისწინებას უდიდესი მნიშვნელობა ენიჭება.„იუსტიციის სამინისტრო მომავალშიც გააგრძელებს ასოციაციასთან მჭიდრო თანამშრომლობას. ამ ურთიერთობის საფუძველი უნდა იყოს ერთმანეთის როლისა და დამოუკიდებლობის პატივისცემა, მოსაზრებების ღია გაცვლა და საერთო საკითხებზე თანმიმდევრული მუშაობა… ჩვენი საერთო ძალისხმევის შედეგი ადამიანმა საკუთარი უფლებების უკეთ დაცვაში უნდა იგრძნოს“, - აღნიშნა პაატა სალიამ.ღონისძიებაში მონაწილეობდნენ საქართველოს საკანონმდებლო და აღმასრულებელი ხელისუფლების წევრები, საერთაშორისო ორგანიზაციებისა და პარტნიორი ქვეყნების ადვოკატთა ასოციაციების ხელმძღვანელები.
რჩევები • 1794124256
როგორ შემოვიტანოთ სახლში სიმშვიდე და სიუხვე - 10 ნივთი, რომელიც წარსულის მძიმე ტვირთს ინახავს
ჩვენი სიმშვიდისა და ბედნიერებისთვის მნიშვნელოვანია, ვიცოდეთ, რა გვიქმნის სახლში უსიამოვნო გარემოს და გვართმევს დადებით განწყობას.გოგა მანია ასახელებს ნივთებს, რომელთა სახლში შენახვასაც არ არის კარგი.10 ნივთი, რომელთა მოშორებაც სასურველია ჩვენი სახლიდან:დაზიანებული სარკე – იწვევს ბედის ცვლილებას. სხვისი ნივთები – ნუ შეინახავთ სახლში ნივთებს, რომლებიც აღარ გჭირდებათ ან სხვისგან გაქვთ დატოვებული. გაათავისუფლეთ სივრცე ზედმეტი ნივთებისგან. ეს უბედურების და პრობლემების მომტანია.ცარიელი ბოთლები – ცარიელი ბოთლები ბარაქის შემცირებასა და სიღარიბეს უკავშირდება.გაჩერებული ან გატეხილი საათიძველი და დაზიანებული ფეხსაცმელი – დაკეტილ გზებსა და დაბრკოლებებს განასახიერებს.გამხმარი ყვავილები – მოაშორეთ გამხმარი ყვავილები და სახლში ახალი სიცოცხლისა და სიხალისის ადგილი დატოვეთ.გატეხილი ნივთები – იწვევს სახლში ენერგეტიკულ დისბალანსსძველი და გამოუყენებელი ნივთები – რაც აღარ გჭირდებათ, გაუშვით. ნუ დატოვებთ წარსულის ზედმეტ ტვირთს თქვენს სივრცეში.გატეხილი ჭიქები და თეფშები – მოიშორეთ დაზიანებული ჭურჭელი, რათა თავიდან აიცილოთ უსიამოვნებები. ეს ქაოსის მომტანია.გადასაყრელი ნივთები – ეს იწვევს სიმძიმეს და დეპრესიას.გახსოვდეთ: სახლი ჩვენი სიმშვიდის, სიყვარულისა და ბედნიერების ადგილია. გაუფრთხილდით თქვენს სივრცეს, მოიშორეთ ზედმეტი ნივთები და შემოუშვით სახლში ახალი ენერგია, სიხარული, სიყვარული და ბარაქა! - ამბობს გოგა მანია „პრაიმტაიმთან“.
კულტურა • 1794124095
დღეს ნუნუ დუღაშვილს დაკრძალავენ
დღეს ნუნუ დუღაშვილს დაკრძალავენ. ცნობილი კომპოზიტორის გასვენება მახათას ივერიის ღვთისმშობლის ხატის ტაძრიდან 2 საათზე მოხდება. მას მახათას საზოგადო მოღვაწეთა პანთეონში დაკრძალავენ. მახათას მთაზე დილიდან უამრავი ადამიანი მიდის. ოჯახის ახლობლები, გარდაცვლილის მეგობრები, კოლეგები, ხელოვნების სფეროს წარმომადგენლები, რიგითი მოქალაქეები, აღმასრულებელი და საკანონმდებლო ხელისუფლების წარმომადგენლები.ნუნუ დუღაშვილი 93 წლის ასაკში გარდაიცვალა.ის იყო თბილისის საპატიო მოქალაქე, ღირსების ორდენის კავალერი, აკაკი წერეთლის სახელობის პრემიის ლაურეატი, საქართველოს ხელოვნების დამსახურებული მოღვაწე. მას განსაკუთრებული პოპულარობა არაერთმა სიმღერამ მოუტანა, მათ შორისაა კახეთო, იმერეთის ნიავო, თბილისო სიყვარულო და სხვა. 2012 წელს თბილისის დიდი საკონცერტო დარბაზის წინ, ნუნუ დუღაშვილის ვარსკვლავი გაიხსნა.
ასტროლოგია • 1794123404
ზოდიაქოს ამ 5 ნიშანს 2026-2027 წლების ზამთარში დიდი ტრანსფორმაცია ელოდება
2026 წლის დეკემბერი და 2027 წლის პირველი ორი თვე ზოდიაქოს რამდენიმე ნიშნისთვის მნიშვნელოვანი ცვლილებებისა და საკუთარი ცხოვრების ახლებურად გააზრების პერიოდად შეიძლება, გადაიქცეს. პლანეტების გადაადგილება ხელს შეუწყობს ძველი მიზნების გადახედვას, პრიორიტეტების შეცვლასა და ისეთი გადაწყვეტილებების მიღებას, რომლებიც მომავალზე მნიშვნელოვან გავლენას მოახდენს.განსაკუთრებით საინტერესო პერიოდი ვერძის, ტყუპების, ლომის, ქალწულისა და თხის რქის ნიშნის წარმომადგენლებს ელოდება:ვერძივერძებისთვის ზამთარი პიროვნული გარდაქმნისა და პასუხისმგებლობის ახალი ეტაპის დასაწყისი იქნება. დეკემბერში სატურნი და ნეპტუნი ვერძის ნიშანში პირდაპირ მოძრაობას განაახლებენ. ეს პერიოდი შესაძლოა, საკუთარი მიზნების უფრო მკაფიოდ განსაზღვრასა და სამომავლო გეგმების პრაქტიკულად განხორციელებისკენ უბიძგებდეთ. ვერძებს მოუწევთ დაფიქრდნენ, რა სურთ სინამდვილეში და რაზე შეუძლიათ უფრო მეტი პასუხისმგებლობის აღება.ტყუპები; ტყუპებისთვის ზამთრის მთავარი თემა მოულოდნელი ცვლილებები და ახალი ხედვის ჩამოყალიბება იქნება. ურანი, რომელიც ტყუპების ნიშანში იმყოფება, რეტროგრადულ მოძრაობას 2027 წლის 8 თებერვლამდე გააგრძელებს. ასტროლოგიური ინტერპრეტაციით, ეს პერიოდი ძველი შეხედულებების გადაფასებას, კომუნიკაციის სტილის შეცვლასა და ახალი შესაძლებლობების აღმოჩენას უკავშირდება. შესაძლოა, ტყუპებმა საბოლოოდ გადაწყვიტონ, უარი თქვან იმ მიმართულებაზე, რომელიც მათ განვითარებას აფერხებს.ლომი;ლომებისთვის ზამთარი ამბიციებისა და წარმატების შესახებ წარმოდგენების გადაფასების პერიოდად იქცევა. იუპიტერი, რომელიც მათ ნიშანში იმყოფება, 13 დეკემბერს რეტროგრადულ მოძრაობას დაიწყებს. ეს დრო კარგი იქნება უკვე დაწყებული პროექტების გადასახედად და იმის გასააზრებლად, რამდენად შეესაბამება არსებული მიზნები მათ ნამდვილ სურვილებს. შესაძლოა, ლომებმა აღმოაჩინონ ახალი შესაძლებლობები, თუმცა ამჯერად წარმატების მისაღწევად უფრო გააზრებული ნაბიჯების გადადგმა დასჭირდეთ.ქალწული;ქალწულებისთვის მნიშვნელოვანი გარდაქმნები ყოველდღიურ ცხოვრებას, სამუშაო გარემოსა და პირად პრიორიტეტებს შეეხება. 2027 წლის 10 იანვარს მარსი რეტროგრადულ მოძრაობას ქალწულის ნიშანში დაიწყებს, რაც ასტროლოგიური ინტერპრეტაციით, საქმიანობის ტემპის შენელებასა და ძველი საკითხების ხელახლა განხილვას უკავშირდება. შესაძლოა, ქალწულებმა გააცნობიერონ, რომ გარკვეული ჩვევების შეცვლა და ენერგიის უფრო გონივრულად განაწილება აუცილებელია. ეს პერიოდი საკუთარი საჭიროებების უკეთ გააზრებასაც შეუწყობს ხელს.თხის რქა;თხის რქებისთვის ზამთარი ცხოვრებისეული პრიორიტეტების გადალაგებისა და ახალი გეგმების ჩამოყალიბების პერიოდად შეიძლება, გადაიქცეს. დეკემბრის ბოლოს მათი ნიშნის ენერგია განსაკუთრებით გააქტიურდება: 21 დეკემბერს მზე თხის რქაში გადავა, ხოლო 27 დეკემბერს ამავე ნიშანში ახალმთვარეობა იქნება. ეს ასტროლოგიური მოვლენები ახალ მიზნებზე ფოკუსირებისა და მნიშვნელოვანი გადაწყვეტილებების მიღების სიმბოლოდ განიხილება. შესაძლოა, თხის რქებმა პროფესიულ საქმიანობაში ან პირად ცხოვრებაში ახალი ეტაპის დაწყება გადაწყვიტონ.
