1778444936

მაკა ბოჭორიშვილი უკრაინული მხარის გააქტიურების კონტექსტზე: ეს არის საქართველოს როლი დაკავშირებადობის კონტექსტში და ის საჭიროებები, რაც ჩვენს ფართო სამეზობლოში სახელმწიფოებს გააჩნიათ

„რა კონტექსტშიც ხდება უკრაინული მხარის გააქტიურება, არის ერთი: ეს არის საქართველოს როლი დაკავშირებადობის კონტექსტში და ის საჭიროებები, რაც ჩვენს ფართო სამეზობლოში სახელმწიფოებს გააჩნიათ," - ამის შესახებ საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა გადაცემა "იმედის კვირაში" განაცხადა.მისივე თქმით, "დღეს საქართველოსთან ურთიერთობები ბევრ სახელმწიფოს ესაჭიროება, რაც ბუნებრივია და არ არის გამორიცხული, რომ იგივე საჭიროებები დგას სწორედ უკრაინული მხარისთვისაც. შესაბამისად, ადვილად ასახსნელია, თუ რატომ სჭირდებათ დღეს საქართველოსთან ურთიერთობების ნორმალიზება."საგარეო უწყების ხელმძღვანელმა ისაუბრა ევროკავშირის მხრიდან შეცვლილ რიტორიკაზეც:"მე დარწმუნებული ვარ, კამერის მიღმა და იმ სიტყვების მიღმა ყველამ კარგად იცის რამდენად უსამართლო იყო ეს დამოკიდებულება საქართველოსთან მიმართებაში. ჩვენ ვხედავთ შეცვლილ რიტორიკას, იგრძნობა სხვაობა თუნდაც კრიტიკაში, მაგრამ როდესაც ხედავ უსამართლო დამოკიდებულებას, სრულიად არარეალურ კომენტარებს, რეზოლუციებს, ნაბიჯებს, რთულია ამ ყველაფრის ერთ დღეში შემობრუნება და ერთ დღეში ამ ყველაფრის დავიწყება. ჩვენ გვესმის, რომ ასე ვერ მოხდება, თუმცა გარკვეული დინამიკა შეიმჩნევა. მე იმედი მაქვს, მივალთ იქამდე, რომ ეს დამოკიდებულება უკვე საქმით შეიცვლება და არა მხოლოდ სიტყვებით."

1778426100

მნიშვნელოვანია, რომ სუს-მა ერთ-ერთ პრიორიტეტად აქცია კონტრდაზვერვითი საქმიანობა. ჩვენ ვეღარ გვექნება ის ფუფუნება, რომ ნდობით შევხედოთ ბევრ ქვეყანას - შალვა პაპუაშვილი

მნიშვნელოვანია, რომ სუს-მა ერთ-ერთ პრიორიტეტად აქცია კონტრდაზვერვითი საქმიანობა. ჩვენ ვეღარ გვექნება ის ფუფუნება, რომ ნდობით შევხედოთ ბევრ ქვეყანას, - განაცხადა ჟურნალისტებთან საქართველოს პარლამენტის თავმჯდომარემ შალვა პაპუაშვილმა ჯაშუშობის ბრალდებით დაკავებულ გიორგი უძილაურზე საუბრისას.მისივე თქმით, ის ქვეყნები, რომლებიც საქართველომ მეგობრად მიიღო, აღმოჩნდა, რომ ხელებს აფათურებენ ქვეყნის საშინაო საქმეებში და პირდაპირ სადაზვერვო ოპერაციების განხორციელებით, უკანონო ფულის ხარჯვით, საქართველოს მეგობრობას უპასუხეს ზურგში დანის ჩარტყმით.„მნიშვნელოვანია, რომ ის რეალური პოლიტიკა, რომელიც საქართველოს ხელისუფლებას აქვს, იმასაც გულისხმობს, რომ უნდა გამოვიდეთ იმ ფანტაზიებიდან, რომ ვიღაცა ჩვენთვის თავს იკლავს და ჩვენზეა გადაყოლილი. ყველა მოქმედებს თავისი საკმაოდ პრაგმატული ინტერესებით, საკუთარი პოლიტიკური გავლენების განსახორციელებლად საქართველოში, ამისთვის იყენებს ყველა დაშვებულ და მათ შორის ბინძურ მეთოდებსაც, როგორიც არის მოქალაქეების გადაბირება და ა.შ. ამიტომ შესაბამისი რეაგირება ექნება.სახელმწიფო მინისტრმა განაცხადა, რომ საქართველოს დღეს გააჩნია ყველანაირი ტექნიკური და ადამიანური რესურსი, რომ ყველა ეს შემთხვევა გამოვლინდეს. მამუკა მდინარაძის კომენტარიდან ალბათ მიხვდით, რომ არის სხვა შემთხვევები, რომლებზეც მიდის დაკვირვება, რომლებიც ცნობილია და არავის არ უნდა ჰქონდეს იმის ილუზია, რომ დარჩება შეუმჩნევლად საქართველოში სადაზვერვო საქმიანობა“, - აღნიშნა შალვა პაპუაშვილმა.

1778424479

შალვა პაპუაშვილი 2024 წლის მოვლენებზე: თითოეული პოლიციელი, რომელიც იმ დღეებში ამ მოძალადეებს აკავებდა, არის გმირი და მე მინდა, კიდევ ერთხელ მადლობა გადავუხადო თითოეულ პოლიციელს, რომელმაც საქართველო გადაარჩინა „მაიდანს“

ჩვენ ვნახეთ, რომ სასამართლოები ჩატარდა, დაზარალებულის მხრიდანაც მოვისმინეთ, თუ რა განწყობები იყო თავად სასამართლოზე. მან თავად განაცხადა, რომ ამ ადამიანებს აქვთ სინანული, რომ ასეთი ინციდენტები მოხდა და მას ბოდიშიც კი მოუხადეს ამისთვის, - განაცხადა ჟურნალისტებთან საქართველოს პარლამენტის თავმჯდომარემ შალვა პაპუაშვილმა დაკავებულ სპეცრაზმელებზე საუბრისას.2024 წლის მოვლენებზე საუბრისას მან აღნიშნა, რომ იმ დღეებში ცდილობდნენ ქვეყნის დამხობას.„არა ხელისუფლების დამხობას, არა სადმე შევარდნას, ქვეყანა უნდა დამხობილიყო და ამას აკეთებდნენ გარედან დაკვეთით ქართველები, რომლებიც ცდილობდნენ პარლამენტის გადაწვას, პოლიციელებისთვის „მოლოტოვის კოქტეილების“ სროლას და მათ ცოცხლად დაწვას.თითოეული პოლიციელი, რომელიც იმ დღეებში ამ მოძალადეებს აკავებდა, არის გმირი და მე მინდა, კიდევ ერთხელ მადლობა გადავუხადო თითოეულ პოლიციელს, რომელმაც საქართველო გადაარჩინა „მაიდანს“. შეგახსენებთ, რომ 2024 წლის დეკემბრის ძალადობამდე რამდენიმე დღით ადრე ევროკავშირის სხვადასხვა წევრი ქვეყნიდან პოლიტიკოსები იყვნენ ჩამოსული და ერთ-ერთმა, შვედეთის ხელისუფლების წარმომადგენელმა პირდაპირ „მაიდნისკენ“ მოუწოდა ამ მოძალადეებს და რამდენიმე დღეში ჩვენ ვნახეთ მაიდანიზაციის მცდელობა.სწორედ ჩვენმა პოლიციელებმა დაიცვეს ქვეყანა „მაიდნისგან“ და ბნელ წარსულში დაბრუნებისგან დაიცვეს ქვეყანა. ამ პროცესში იყო რამდენიმე ინციდენტი უფლებამოსილების გადამეტების და რა თქმა უნდა, ეს სწორედ იმ პასუხისმგებლობის ნაწილია, როდესაც შენს ქვეყანას იცავ, რომ იყო ზედმიწევნით კანონის ჩარჩოში. გადაცდომებზე მიდიოდა გამოძიება, მოისმინეთ პროკურატურის მხრიდან, თუ რა მოცულობის სამუშაო ჩატარდა. რა მომენტშიც პროკურატურა იყო მყარად, რომ მისი მტკიცებულებები საკმარისია სასამართლოში წასასვლელად, იმ მომენტიდან ვნახეთ რეაგირება და პროკურატურამ განაცხადა, რომ სხვა ასეთ ფაქტებზე, რომელიც მაშინ საზოგადოებამაც იხილა, მიმდინარეობს გამოძიება“, - აღნიშნა შალვა პაპუაშვილმა.პარლამენტის თავმჯდომარის თქმით, 2024 წლის დეკემბერში იყო მოძალადეების ჯგუფი, რომელმაც გაილაშქრა საქართველოს წინააღმდეგ და რომლის უკანაც იდგნენ უცხოელი დამკვეთები და დამფინანსებლები.„თქვენ გახსოვთ ელენე ხოშტარიას განცხადებები, რომელიც ამბობდა, რომ ის არის, ვინც ყიდულობს მაშხალებს იმისთვის, რომ დაწვან პოლიციელები, პარლამენტის შენობა. თქვენ მოისმინეთ ISFED-ის ხელმძღვანელის აღიარება, რომ უცხოური გრანტებით ისინი ყიდულობდნენ აღჭურვილობას მოძალადეებისთვის, რომ მათ წინააღმდეგობა გაეწიათ პოლიციისთვის.2024 წლის დეკემბერში ევროპული ფული იხარჯებოდა ქვეყნის დასამხობად, ძალადობისთვის, პოლიციელებზე თავდასასხმელად, პარლამენტის გადასაწვავად და სწორედ ჩვენი პოლიციელების გმირული ქმედებით თავიდან ავიცილეთ დიდი უბედურება, რომელიც ასე თვალის დახამხამების გარეშე დაუშვეს უცხოელმა ჯგუფებმა და დღემდე არც ერთს არ დაუგმია ის ძალადობა, რაც ჩვენ 2024 წლის დეკემბერში მათი დაფინანსებული ადამიანებისგან ვიხილეთ“, - განაცხადა პაპუაშვილმა.

1778423301

შალვა პაპუაშვილი 9 მაისისა და ევროპის დღის შესახებ: ეჭვი მაქვს, არის მცდელობა, ჩაანაცვლონ ფაშიზმზე გამარჯვების დღე სხვა დღეებით, რაც არის ისტორიული უმადურობა მსხვერპლის წინაშე, რომელიც გაიღეს სხვადასხვა ხალხმა

სამწუხაროდ, გუშინაც ვიხილეთ იგივე მცდელობა, რომ დაჩრდილონ გამარჯვების დღე და უკვე ეჭვი მაქვს, არის მცდელობა, ჩაანაცვლონ ფაშიზმზე გამარჯვების დღე სხვა დღეებით, ამ შემთხვევაში, ევროკავშირის დღით, რაც არის ისტორიული უმადურობა იმ მსხვერპლის წინაშე, - განაცხადა საქართველოს პარლამენტის თავმჯდომარემ, შალვა პაპუაშვილმა.როგორც შალვა პაპუაშვილმა აღნიშნა, სამწუხაროდ არის მცდელობა, რომ დაჩრდილონ გამარჯვების დღე და სხვა დღეებით ჩაანაცვლონ.„ჩემი წერილი, ასევე, ეხებოდა ევროპის დღის გამიჯვნას ფაშიზმზე გამარჯვების დღისგან. შარშან ვერ მოვისმინეთ ევროკავშირის ელჩისგან იმ 300 000 ქართველის წვლილზე, რომელიც დაიღუპა იმისთვის, რომ დღეს ევროპა იყოს ისეთი, როგორიც არის, ფაშიზმისგან თავისუფალი. არანაირი ევროკავშირი და ევროპის დღე არ იარსებებდა, რომ არა ასობით ათასი ქართველი, რომელიც იბრძოდა ფაშიზმის წინააღმდეგ. სამწუხაროდ, გუშინაც ვიხილეთ იგივე მცდელობა, რომ დაჩრდილონ გამარჯვების დღე და უკვე ეჭვი მაქვს, არის მცდელობა, ჩაანაცვლონ ფაშიზმზე გამარჯვების დღე სხვა დღეებით, ამ შემთხვევაში ევროკავშირის დღით, რაც არის ისტორიული უმადურობა იმ მსხვერპლის წინაშე, რომელიც გაიღეს სხვადასხვა ხალხმა.როცა რაიმე დღე აღინიშნება ქვეყანაში და შენ ხარ სტუმარი, სტუმარი შენი დღესასწაულით შედიხარ მასპინძელთან და არც კი იხსენებ, რას აღნიშნავს მასპინძელი იმ დღეს, ეს არ ჯდება არანაირ გაგებაში. ეს აჩვენებს იმას, რომ არის მცდელობა, გადაფარონ, ფაშიზმზე გამარჯვების დღე. წაშალონ ის მეხსიერება, რომელიც ქართულ საზოგადოებაში არის სამამულო ომთან დაკავშირებით“, - განაცხადა შალვა პაპუაშვილმა. 

1778423020

2024 წლის დეკემბერში ევროპული ფული იხარჯებოდა ქვეყნის დასამხობად - შალვა პაპუაშვილი

პარლამენტის თავმჯდომარის შალვა პაპუაშვილის განცხადებით, 2024 წლის დეკემბრის მოვლენების დროს ადგილი ჰქონდა ქვეყნის დესტაბილიზაციისა და ე.წ. მაიდანიზაციის მცდელობას, რომელსაც უცხოური ძალები უჭერდნენ მხარს. შალვა პაპუაშვილის თქმით, პოლიციელებმა ქვეყანა ძალადობისა და მძიმე შედეგებისგან დაიცვეს, ხოლო სამართალდამცველთა მხრიდან შესაძლო უფლებამოსილების გადამეტების ცალკეულ ფაქტებზე გამოძიება მიმდინარეობს."ჩვენ ვნახეთ, რომ სასამართლოები ჩატარდა, მართალია ის დახურულია, მაგრამ დაზარალებულის მხრიდანაც მოვისმინეთ თუ რა განწყობები იყო თავად სასამართლოზე, მან თავად განაცხადა, რომ ამ ადამიანებს აქვთ სინანული, რომ ასეთი ინციდენტები მოხდა და მას ბოდიშიც კი მოუხადეს ამისთვის.ჩვენ უნდა გვესმოდეს ერთი რამ - იმ დღეებში ცდილობდნენ ქვეყნის დამხობას, არა ხელისუფლების, არა სადმე შევარდნას, ქვეყანა უნდა დამხობილიყო და ამას აკეთებდნენ გარედან დაკვეთით, ქართველები, რომლებიც ცდილობდნენ პარლამენტის გადაწვას, პოლიციელებისთვის "მოლოტოვის კოქტეილების" სროლას და მათ ცოცხლად დაწვას.ამიტომ, თითოეული პოლიციელი, რომელიც იმ დღეებში ამ მოძალადეებს აკავებდა, არის გმირი და მე მინდა კიდევ ერთხელ მადლობა გადავუხადო თითოეულ პოლიციელს, რომელმაც საქართველო გადაარჩინა "მაიდანს".შეგახსენებთ, რომ 2024 წლის დეკემბრის ძალადობამდე რამდენიმე დღით ადრე, ევროკავშირის სხვადასხვა წევრები და პოლიტიკოსები იყვნენ ჩამოსულები და მათ შორის ერთ-ერთმა, შვედეთის ხელისუფლების წარმომადგენელმა, პირდაპირ "მაიდნისკენ" მოუწოდა ამ მოძალადეებს და რამდენიმე დღეში ჩვენ ვნახეთ მაიდანიზაციის მცდელობა. სწორედ ჩვენმა პოლიციელებმა "მაიდნისგან" დაიცვეს ქვეყანა, ქვეყანა დაიცვეს ბნელ წარსულში დაბრუნებისგან.ამ პროცესში იყო რამდენიმე ფაქტი, ინციდენტი უფლებამოსილების გადამეტებისა და ეს სწორედ იმ პასუხისმგებლობის ნაწილია, როდესაც შენს ქვეყანას იცავ, რომ იყო ზედმიწევნით კანონის ჩარჩოში და ის გადაცდომები, რომლებიც იყო, ამ გადაცდომებზე მიდიოდა გამოძიება, თქვენ მოისმინეთ პროკურატურის მხრიდან თუ რა მოცულობის სამუშაო ჩატარდა. რა მომენტშიც პროკურატურა იყო მყარად, რომ მისი მტკიცებულებები არის საკმარისი სასამართლოში წასასვლელად, იმ მომენტიდან ვნახეთ ჩვენ რეაგირება და მათ შორის, პროკურატურამ განაცხადა, რომ სხვა მასეთ ფაქტებზე, რომლებიც მაშინ საზოგადოებამაც იხილა, მიმდინარეობს გამოძიება და ამ მხრივაც იმუშავებენ.ასე რომ, ჩვენ ერთმანეთში არ ავრიეთ ორი რამ - 2024 წლის დეკემბერში იყვნენ მოძალადეების ჯგუფი, რომელმაც გაილაშქრეს საქართველოს წინააღმდეგ, რომლის უკანაც იდგნენ უცხოური დამკვეთები და დამფინანსებლები. თქვენ გახსოვთ ელენე ხოშტარიას განცხადებები, რომელიც ამბობდა, რომ დიახ ის არის, ვინც ყიდულობს მაშხალებს, რომ დაწვან პოლიციელები, დაწვან პარლამენტის შენობა. თქვენ ნახეთ აღიარება „ისფედ-ის“ ხელმძღვანელის, რომ ისინი უცხოური გრანტის ფულით ყიდულობდნენ აღჭურვილობას მოძალადეებისთვის, რომ მათ წინააღმდეგობა გაეწიათ პოლიციისთვის. ამიტომ, 2024 წლის დეკემბერში ევროპული ფული იხარჯებოდა ქვეყნის დასამხობად, ძალადობისთვის, პოლიციელებზე თავდასასხმელად, პარლამენტის გადასაწვავად და სწორედ ჩვენი პოლიციელის გმირული ქმედებებით იქნა აცილებული თავიდან დიდი უბედურება", - აცხადებს შალვა პაპუაშვილი.

1778421501

უნდა შეწყდეს, გაუქმდეს ის მტრული რეზოლუციები, რომელიც საქართველოსთან დაკავშირებით მიიღება. კიდევ ერთხელ ვურჩევ ყველას ევროკავშირში, საქართველოსგან ნუ ქმნიან მტრის ხატს, რასაც ჩვენ დღეს ვაკვირდებით - შალვა პაპუაშვილი

ჩემი რჩევა იქნება, რომ გულმოდგინედ წაიკითხონ ეს წერილი და გაიაზრონ და მიიღონ იქ რაც წერია. ეს უპირველეს ყოვლისა გამოადგება თავად ევროკავშირს და გამოადგება ჩვენს ორმხრივ ურთიერთობებს, - განუცხადა ქართველ ჟურნალისტებს სლოვაკეთში საქართველოს პარლამენტის თავმჯდომარემ, შალვა პაპუაშვილმა.მისივე თქმით, ძალიან კარგია, თუ პაველ ჰერჩინსკიმ 9 მაისთან დაკავშირებით მისი წერილი ბრიუსელში გააგზავნა. პაპუაშვილი მიიჩნევს, რომ მნიშვნელოვანია, ბრიუსელის მხრიდან შეწყდეს აგრესიული რიტორიკა.„ეს არანაირად არ ჯდება იმ იდეალებში, რომელსაც ევროკავშირი უნდა ემსახურებოდეს. უნდა შეწყდეს მავნე პოლიტიკა, რომლის უკანაც დგას პოლიტიკური დღის წესრიგი. ესეც ეწინააღმდეგება შუმანის დეკლარაციის იდეებს და უნდა შეწყდეს, გაუქმდეს ის მტრული რეზოლუციები, რომელიც საქართველოსთან დაკავშირებით მიიღება.მე კიდევ ერთხელ ვურჩევ ყველას ევროკავშირში, საქართველოსგან ნუ ქმნიან მტრის ხატს, რასაც ჩვენ დღეს ვაკვირდებით. ეს არის ევროპის ბნელი წარსული, როდესაც მთელი ქვეყნისგან ცდილობ, შექმნა მტრის ხატი“, - აღნიშნა პაპუაშვილმა.მისივე თქმით, მისი წერილის ერთ-ერთი საკითხი ასევე იყო ევროპის დღის გამიჯვნა, ფაშიზმზე გამარჯვების დღისგან.„ვთქვი, რომ სამწუხაროდ, შარშან ვერ მოვისმინეთ ევროკავშირის ელჩისგან ევროპის დღის ხსენება იმ 300 ათასი ქართველის წვლილისა, რომელიც დაიღუპა იმისთვის, რომ ევროპა დღეს იყოს ისეთი, როგორიც არის - ფაშიზმისგან თავისუფალი.არანაირი ევროკავშირი და ევროპის დღე არ იარსებებდა, რომ არა ასობით ათასი ქართველი, რომელიც იბრძოდა ფაშიზმის წინააღმდეგ და 300 ათასი ქართველი, რომელმაც თავისი სიცოცხლე დადო ფაშიზმისგან თავისუფალი ევროპისთვის. სამწუხაროდ, გუშინაც ვიხილეთ იგივე მცდელობა, რომ დაჩრდილონ გამარჯვების დღე. მე უკვე ეჭვი მეპარება, რომ არის მცდელობა, ჩაანაცვლონ ფაშიზმზე გამარჯვების დღე სხვა დღეებით - ამ შემთხვევაში ევროკავშირის დღით, რაც ერთი მხრივ, არის ისტორიული უმადურობა იმ მსხვერპლის წინაშე, რომელიც სხვადასხვა ხალხმა გაიღო და ამ შემთხვევაში ვგულისხმობ საქართველოს. როდესაც აღინიშნება რაღაც დღე, როდესაც ხარ სტუმარი, როდესაც შენი მასპინძელი იმ დღეს, 9 მაისს აღნიშნავს ფაშიზმზე გამარჯვების დღეს, 300 ათასი დაღუპული ქართველის ხსოვნას მიაგებს პატივს, როდესაც სტუმარი ასე იქცევი, რომ შენი დღესასწაულით შედიხარ მასპინძელთან და არც კი ახსენებ, რას აღნიშნავს მასპინძელი იმ დღეს, რა თქმა უნდა, ეს არ ჯდება არანაირ გაგებაში, როგორც უნდა იქცეოდეს სტუმარი სხვა ქვეყანაში.ვფიქრობ, ეს აჩვენებს, იმას, რომ არის მცდელობა, გადაფარონ ფაშიზმზე გამარჯვების დღე. ჩაანაცვლონ და ამით წაშალონ ის მეხსიერება, რომელიც ქართულ საზოგადოებაშია სამამულო ო,თან დაკავშირებით. ძალიან სამწუხაროა, თუკი ეს ასეა“, - განაცხადა პაპუაშვილმა.შალვა პაპუაშვილმა პაველ ჰერჩინსკის ევროპის დღე მიულოცა და ევროპული ფასეულობები შეახსენა. პარლამენტის თავმჯდომარემ გაიხსენა გასულ წელს დიპლომატის მიმართვას და იმედი გამოთქვა, რომ ამ 9 მაისს მაინც დაფასდებიან ის ქართველები, რომლებიც ფაშიზმისაგან თავისუფალ ევროპას შეეწირნენ.საქართველოს პარლამენტის თავმჯდომარემ, შალვა პაპუაშვილმა ფაშიზმზე გამარჯვების დღის თარიღთან დაკავშირებით სოციალურ ქსელში დაწერა: „სწორედ ეს დევს მოწოდებებში, რომ 9 მაისი აღინიშნოს რვა მაისს; რომ 9 მაისი „რუსულია“, რვა მაისი „ევროპული“; რომ თითქოს, ერთადერთი რაც საქართველოს მოეთხოვება, სამყარო აღიქვას ან „რუსულ“, ან „ევროპულ“ ფერებში და აირჩიოს ან ერთი, ან მეორე“.

1778421136

პაპუაშვილი ეკლესიაზე თავდასხმაზე: ზოგადად არის მცდელობა, რომ ნებისმიერი მნიშვნელოვანი საკითხი გამოიყენონ, რომ საზოგადოება გაყონ - ასეთი მომენტები არის კარგი ინდიკატორი იმისთვის, რომ ამოვიცნოთ, ვინ არის, ვინც ქართულ საზოგადოებას მტრობს

ზოგადად არის მცდელობა, რომ ნებისმიერი მნიშვნელოვანი საკითხი გამოიყენონ იმისთვის, რომ საზოგადოება გაყონ და შეიტანონ დაპირისპირება. ამიტომ ასეთი მომენტები არის კარგი ინდიკატორი იმისთვის, რომ ამოვიცნოთ, ვინ არის ის, ვინც ქართულ საზოგადოებას მტრობს, - განაცხადა საქართველოს პარლამენტის თავმჯდომარემ შალვა პაპუაშვილმა ეკლესიის საწინააღმდეგო კამპანიის შეფასებისას.მისი თქმით, ის ვინც ცდილობს, რომ ქართული ეკლესია დაყოს, საზოგადოება დააპირისპიროს ეკლესიას, არიან ის ადამიანები, ის ჯგუფები, ის ხელისუფლებები უცხოეთიდან, რომლებიც საქართველოს მიმართ მავნე მიზნებს ახორციელებენ.„როდესაც ცოტა ხნის წინ კონტრდაზვერვითი საქმიანობის გამოვლენაზე იყო საუბარი, მამუკა მდინარაძემ ახსენა კიდეც, რომ რამდენიმე ევროპული ქვეყანა არის, რომელიც საქართველოში ასეთი საქმიანობას ეწევა. ასე რომ, ამ მიმართულებითაც შეიძლება, ასეთ ქმედებებს ჰქონდეს ადგილი.ვხედავთ, როგორც იქცევიან. სულ ახლახან ვნახეთ, პოლონეთის მთავრობამ ქართულ ენაზე პროპაგანდისტული არხი ჩართო და პირველი, რაც გააკეთეს, თავს დაესხნენ ქართულ ეკლესიას. თუ პოლონეთის მთავრობას ჰგონია, რომ აქვს რაიმე უფლება, რომ საქართველოს ეკლესიას თავს დაესხას, ეს არის მათი დიდი პრობლემა იმიტომ, რომ ვერ აცნობიერებენ საკუთარ სიმცირეს ეკლესიის სიდიდესთან მიმართებით“, - განაცხადა შალვა პაპუაშვილმა.

1778419941

ევროპული ინტეგრაციის პროცესში მნიშვნელოვანია იმ ქვეყნებთან ურთიერთობა, რომლებიც ქართველი ხალხის მიმართ მეგობრულ პოლიტიკას აწარმოებენ - შალვა პაპუაშვილი სლოვაკეთში ვიზიტზე

საქართველოს პარლამენტის თავმჯდომარე, შალვა პაპუაშვილი ოფიციალური ვიზიტით სლოვაკეთის დედაქალაქ ბრატისლავაში იმყოფება. როგორც შალვა პაპუაშვილმა მედიასთან განაცხადა, შეხვდება სლოვაკ კოლეგას, შეხვედრებზე კი საუბარი ორ ქვეყანას შორის საპარლამენტო ურთიერთობებს შეეხება."გვაქვს შესაძლებლობა, რომ ოფიციალური ვიზიტის ფარგლებში ვეწვიოთ სლოვაკეთს. პარლამენტის თავმჯდომარესთან მექნება შეხვედრა, ისევე, როგორც კოლეგებთან სლოვაკეთის პარლამენტში. უპირველეს ყოვლისა გვექნება საუბარი ორმხრივ საპარლამენტო ურთიერთობაზე, რომელიც გვინდა, რომ კიდევ უფრო მეტად გაღრმავდეს, როგორც საკომიტეტო დონეზე, ისე მეგობრობის ჯგუფებს შორის. ბოლო პერიოდში არის ინტენსიური ვიზიტები მაღალ დონეზე. იცით, რომ საქართველოს პრეზიდენტიც ცოტა ხნის წინ იმყოფებოდა სლოვაკეთში.ორმხრივ ურთიერთობებთან ერთად, რა თქმა უნდა, მნიშვნელოვანია, ევროპული ინტეგრაციის პროცესში იმ ქვეყნებთან ურთიერთობა, რომლებიც ქართველი ხალხის მიმართ მეგობრულ პოლიტიკას აწარმოებენ. მნიშვნელოვანია იმ პროპაგანდის და აგრესიული რიტორიკის ფონზე, რომელსაც ზოგიერთი პოლიტიკურად დაინტერესებული ხელისუფლება ევროკავშირში საქართველოს წინააღმდეგ ეწევა, ჩვენმა მეგობრებმა შეძლონ საღი აზრის შეტანა სხვადასხვა განხილვებში.საბედნიეროდ, სლოვაკეთის ხელისუფლებას აქვს საკმაოდ სწორი დამოკიდებულება ქართველ ხალხთან და საქართველოსთან. ამ მხრივ მნიშვნელოვანი არის, რომ სლოვაკეთის პარლამენტთან გვქონდეს კომუნიკაცია იმაზე, რომ მათ კოლეგებთანაც მიიტანონ ის საღი აზრი, რომელიც ასე სჭირდება თავად ევროკავშირს და ქართულ-ევროპულ ურთიერთობებს," - განაცხადა შალვა პაპუაშვილმა.

1778419820

ვურჩევ კიდევ ერთხელ ყველას ევროკავშირში, ნუ ქმნიან საქართველოსგან მტრის ხატს. რასაც დღეს ვაკვირდებით, ეს არის ევროპის ბნელი წარსული - შალვა პაპუაშვილი

პარლამენტის თავმჯდომარის შალვა პაპუაშვილის განცხადებით, ევროკავშირის მხრიდან საქართველოს მიმართ აგრესიული რიტორიკა და მავნე პოლიტიკური მიდგომები უნდა დასრულდეს, რადგან ეს ევროკავშირის ფუნდამენტურ იდეალებს ეწინააღმდეგება.პაპუაშვილის თქმით, , ასევე, აუცილებელია საქართველოსთან დაკავშირებით მიღებული მტრული რეზოლუციების გაუქმება და ბრიუსელმა ქვეყანა მტრის ხატად არ უნდა წარმოაჩინოს."მნიშვნელოვანი არის, რომ ბრიუსელის მხრიდან შეწყდეს აგრესიული რიტორიკა, ეს არანაირად არ ჯდება იმ იდეალებში, რომელსაც ევროკავშირი უნდა ემსახურებოდეს. უნდა შეწყდეს მავნე პოლიტიკა, რომლის უკანაც დგას პოლიტიკური დღის წესრიგი, ესეც ეწინააღმდეგება შუმანის დეკლარაციის იდეებს და უნდა შეწყდეს, გაუქმდეს ის მტრული რეზოლუციები, რომელიც საქართველოსთან დაკავშირებით მიიღება.მე ვურჩევ კიდევ ერთხელ ყველას ევროკავშირში, ნუ ქმნიან საქართველოსგან მტრის ხატს, რასაც ჩვენ დღეს ვაკვირდებით, ეს არის ევროპის ბნელი წარსული, როდესაც მთელი ქვეყნისგან ცდილობ შექმნა მტრის ხატი", - აცხადებს პარლამენტის თავმჯდომარე შალვა პაპუაშვილი.შეგახსენებთ, საქართველოს პარლამენტის თავმჯდომარე დღეს ვიზიტით სლოვაკეთში გაემგზავრა.

1778419413

შალვა პაპუაშვილი გერმანიის ელჩზე: ვფიქრობდი, რომ ბატონ პეტერს მხოლოდ ვენის კონვენციასთან ჰქონდა პრობლემა, მაგრამ როგორც ჩანს, მას ზრდილობასთანაც პრობლემა აქვს - ფაქტია, მთელი საზოგადოება სულმოუთქმელად ველით, როდის დატოვებს ის საქართველოს

ვფიქრობდი, რომ ბატონ პეტერს მხოლოდ ვენის კონვენციასთან ჰქონდა პრობლემა, მაგრამ როგორც ჩანს, მას ზრდილობასთანაც პრობლემა აქვს, - განაცხადა საქართველოს პარლამენტის თავმჯდომარემ შალვა პაპუაშვილმა მედიასთან საქართველოში გერმანიის ელჩთან, პეტერ ფიშერთან დაკავშირებით.მან ამგვარად უპასუხა ჟურნალისტის კითხვას გერმანიის ელჩის განცხადებასთან დაკავშირებით, რომ იგი არ ფიქრობს, რომ ევროკავშირის რომელიმე წევრს და ელჩს სჭირდება იმის ახსნა, რა არის ევროპა და რომ ამ თემაზე პაპუაშვილის განცხადებით შეწუხებულია.„ვფიქრობდი, რომ ბატონ პეტერს მხოლოდ ვენის კონვენციასთან ჰქონდა პრობლემას, მაგრამ როგორც ჩანს, მას ზრდილობასთანაც პრობლემა აქვს. ძალიან სამწუხაროა, რასაც ვაკვირდებით ჩვენ, რაც გაუკეთა ამ ერთმა ადამიანმა ქართულ-გერმანულ ურთიერთობას. ფაქტია, მთელი საზოგადოება სულმოუთქმელად ველით, როდის დატოვებს ის საქართველოს. დარჩა სულ რამდენიმე კვირა მისი ყოფნისა საქართველოში. ასე რომ, ველით, რომ ის დატოვებს საქართველოს და ქართულ-გერმანული ურთიერთობის ეს მომენტი დაგვავიწყდება”, - განაცხადა შალვა პაპუაშვილმა.

1778412120

ცოტნე ანანიძე პოდოლიაკს: რატომ გამოუშვით სააკაშვილი არაჟნების შეფუთვით და სახელმწიფო გადატრიალების იმედით? საქართველოს ხელისუფლებას რომ მსგავსი სპეცოპერაცია დაეგეგმა თქვენს წინააღმდეგ, დედამიწის ზურგზე არ დარჩებოდა ადგილი, სადაც ამაზე არ ისაუბრებდით

აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე, მიხაილო პოდოლიაკის განცხადებას ეხმიანება და ინტერესდება, რატომ გამოუშვეს უკრაინიდან საქართველოში სააკაშვილი სახელმწიფო გადატრიალების იმედით. როოგრც ანანიძე აცხადებს, მსგავსი სპეცოპერაცია ქართულ მხარეს რომ დაეგეგმა, უკრაინის წარმომადგენლები ყველგან ამაზე ისაუბრებდნენ.„გვინდა, სააკაშვილი დაუბრუნდეს უკრაინას“ -აცხადებს პოდოლიაკი. საინტერესოა, მაშინ რატომ გამოუშვით აქეთ არაჟნების შეფუთვით და სახელმწიფო გადატრიალების იმედით? საქართველოს ხელისუფლებას რომ მსგავსი სპეცოპერაცია დაეგეგმა თქვენს წინააღმდეგ, ალბათ დედამიწის ზურგზე არ დარჩებოდა ადგილი, სადაც ამ აგრესიულ ჩარევაზე არ ისაუბრებდით. საკუთარ ქმედებებზე პასუხისმგებლობის აღებაც საჭიროა,” - წერს ცოტნე ანანიძე სოციალურ ქსელში. 

1778399739

ვიდეოჩანაწერის გამოქვეყნებას ჰქონდა ერთადერთი მიზანი - მინიშნება, თუ გნებავთ გაფრთხილება კონკრეტული ევროპული სახელმწიფოებისადმი, რომ შეწყვიტონ საქართველოში შპიონაჟი, რომელზედაც სუს-მა უკვე იცის. ეს იყო და ეს. ამის მისახვედრად, უბრალოდ ლოგიკა უნდა მოიშველიო, მაგრამ არ მეგობრობენ ეს „ექსპერტები“ ლოგიკასთან - ზაალ ანჯაფარიძე

ორიოდე სიტყვა მინდა ვთქვა ჯაშუშობის გამო დაკავებულ გიორგი უძილაურის საქმეზე და იმ აჟიოტაჟზე, რაც სუს-ს მიერ გამოქვეყნებულ მოკლე ვიდეოჩანაწერს მოჰყვა, და რომელშიც ცალკეულმა „ექსპერტებმა,“ დანაშაულის ნიშნები „ვერ დაინახეს - წერს ანალიტიკოსი, ზაალ ანჯაფარიძე სოციალურ ქსელში და აღნიშნავს, რომ ვიდეოჩანაწერის გამოქვეყნებას ჰქონდა ერთდაერთი მიზანი - მინიშნება, გაფრთხილება კონკრეტული ევროპული სახელმწიფოებისადმი, რომ შეწყვიტონ საქართველოში შპიონაჟი, რომელზედაც სუს-მა უკვე იცის.მისივე თქმით, ამის მისახვედრად, უბრალოდ ლოგიკა უნდა მოიშველიო, მაგრამ არ მეგობრობენ „ექსპერტები“ ლოგიკასთან.„ორიოდე სიტყვა მინდა ვთქვა ჯაშუშობის გამო დაკავებულ გიორგი უძილაურის საქმეზე და იმ აჟიოტაჟზე, რაც სუს-ს მიერ გამოქვეყნებულ მოკლე ვიდეოჩანაწერს მოჰყვა, და რომელშიც ცალკეულმა „ექსპერტებმა,“ დანაშაულის ნიშნები „ვერ დაინახეს.“ არადა, რამდენჯერმე ითქვა, რომ ვიდეოჩანაწერის გამოქვეყნებას ჰქონდა ერთდაერთი მიზანი - მინიშნება, თუ გნებავთ გაფრთხილება კონკრეტული ევროპული სახელმწიფოებისადმი, რომ შეწყვიტონ საქართველოში შპიონაჟი, რომელზედაც სუს-მა უკვე იცის. ეს იყო და ეს. ამის მისახვედრად, უბრალოდ ლოგიკა უნდა მოიშველიო, მაგრამ არ მეგობრობენ ეს „ექსპერტები“ ლოგიკასთან.“ - წერს ანჯაფარიძე.