1779309720

ირაკლი კობახიძე: 26 მაისის აღნიშვნა მთლიანად წარიმართება ქრისტიანობის სახელმწიფო რელიგიად გამოცხადების 1 700-წლოვანი იუბილეს აღნიშვნის ეგიდით, ძალიან ფართო სპექტრი იქნება ღონისძიებების როგორც ქვეყნის შიგნით, ასევე ქვეყნის გარეთ

ძალიან მრავალფეროვანი სპექტრია ღონისძიებების, რომელიც გაიმართება იუბილეს აღსანიშნად, მათ შორის, 26 მაისის აღნიშვნაც მთლიანად წარიმართება ქრისტიანობის სახელმწიფო რელიგიად გამოცხადების 1 700-წლოვანი იუბილის აღნიშვნის ეგიდით, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.მისივე თქმით, ღონისძიებები დაგეგმილია როგორც ქვეყნის შიგნით, ისევე საზღვარგარეთ, მათ შორის, საელჩოებში.„არის ძალიან ფართო სპექტრი ღონისძიებებისა, მათ შორის, სამეცნიერო კონფერენციები, ექსპედიციები და ა.შ. ჩართული იქნება მოსახლეობის ყველა ფენა, ყველა თაობის წარმომადგენლები იქნებიან ამ ყველაფერში ჩართულები. რა თქმა უნდა, კომისიის სხდომაზე უკვე შევჯერდით, პრაქტიკულად, საბოლოო გეგმაზე და ამ დეტალურ გეგმას წარვუდგენთ საზოგადოებას.კონკრეტული ღონისძიებებია დაგეგმილი საზღვარგარეთ, მათ შორის, ჩვენს საელჩოებში, ემიგრაციაც იქნება აქტიურად ჩართული ამ ყველაფერში, ამისათვის დაგეგმილია სასულიერო პირების ვიზიტებიც საზღვარგარეთ. ძალიან ფართო სპექტრი იქნება ღონისძიებების როგორც ქვეყნის შიგნით, ასევე ქვეყნის გარეთ“, - აღნიშნა პრემიერმა.

1779309167

პრემიერი: როგორ შეიძლება, ისეთ ქვეყანაში, როგორიც საქართველოა, მრავალსაუკუნოვანი კულტურის მქონე ქვეყანაში, გვარამია იყოს ოპოზიციის ერთ-ერთი ლიდერი, ან ბოკუჩავა, ვაშაძე, ჯაფარიძე, პარლამენტში შემოვიდნენ გახარიები

სუბიექტურად რომ შევხედოთ, ამ სპექტრით საუკეთესო პირობებია შექმნილი მე-11 არჩევნების მოსაგებად 2028 წლის 28 ოქტომბერს. ეს არის იდეალური, როცა შენი ოპონენტი არის გვარამია, როცა შენი ოპონენტია ზურა ჯაფარიძე, თინა ბოკუჩავა და ასეთი დეგრადირებული ადამიანები, რა თქმა უნდა, სუბიექტურად, ჩვენთვის საუკეთესო ფონია შექმნილი არჩევნების მარტივად მოსაგებად, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ში.მთავრობის მეთაურის შეფასებით, ამის მიუხედავად, მნიშვნელოვანია ქვეყნის ინტერესებზე ზრუნვა და ქვეყნის ინტერესებშია, რომ გვარამია არ იყოს ოპოზიციის ერთ-ერთი ლიდერი.„როგორ შეიძლება, ისეთ ქვეყანაში, როგორიც საქართველოა, მრავალსაუკუნოვანი კულტურის ქვეყანაში, გვარამია იყოს ოპოზიციის ერთ-ერთი ლიდერი, ან ბოკუჩავა, ან ვაშაძე, ან ჯაფარიძე. ესენი როგორ შეიძლება იყვნენ ოპოზიციის ლიდერები. პარლამენტში შემოვიდნენ გახარიები - ეს პარტია. ან ინტელექტის დონე ნახეთ, ან კეთილსინდისიერების დონე, როგორ შეიძლება, ასეთ ხალხს ერქვას ოპოზიცია საქართველოში - მრავალსაუკუნოვანი კულტურის მქონე ქვეყანაში. ასეთ ხალხს, ინტელექტისგან და კეთილსინდისიერებისგან სრულად დაცლილ ხალხს არ შეიძლება, ერქვას ოპოზიცია. ამიტომ, ჩვენ უნდა ვიზრუნოთ ამ მდგომარეობის შეცვლაზე, გაჯანსაღებაზე. ამისთვის უნდა გამოვიყენოთ ყველა სამართლებრივი მექანიზმი და ყველაზე ეფექტური სამართლებრივი მექანიზმი არის საკონსტიტუციო სასამართლო, რომელსაც მივმართეთ შესაბამისი სარჩელით“, - განაცხადა ირაკლი კობახიძემ.

1779309062

ირაკლი კობახიძე: თუ ფორმალურად მაინც გინდა, რომ ჟურნალისტი გერქვას, ფორმალური სოლიდარობა მაინც უნდა გამოხატო კოლეგა ჟურნალისტის მიმართ, როგორც არ უნდა განეკუთვნებოდე კონკრეტულ პარტიულ ბანაკს, რასაც ჰქვია კოლექტიური „ნაცმოძრაობა“

თუ ფორმალურად მაინც გინდა, რომ ჟურნალისტი გერქვას, ფორმალური სოლიდარობა მაინც უნდა გამოხატო კოლეგა ჟურნალისტის მიმართ, როგორც არ უნდა განეკუთვნებოდე კონკრეტულ პარტიულ ბანაკს, რასაც ჰქვია კოლექტიური „ნაცმოძრაობა“, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ში.მთავრობის მეთაურის თქმით, „ტვ პირველის“ და „ფორმულას“ ე.წ. ჟურნალისტებს უხაროდათ, რომ ტელეკომპანია „იმედს“ და „პოსტივის“ შეექმნებოდათ პრობლემები.„გახსოვთ, როგორ ისტერიულად სვამდნენ კითხვებს ე.წ. ჟურნალისტები ჩვენს ქვეყანაში. აბსოლუტურად ყველანაირი სახე დაკარგეს. მახსოვს, იყო მომენტი, როდესაც „იმედის“, „პოსტივის“ და სხვა ტელევიზიების ჟურნალისტებმა სოლიდარობა გამოხატეს ამ ტელევიზიების წარმომადგენლების მიმართ, 5 ივლისის შემდეგ, როდესაც ამ ტელევიზიების წარმომადგენლებს ყველაზე მეტი ზიანი მიადგათ. ეს სოლიდარობა იყო აბსოლუტურად გულწრფელი. მაშინ ერთ-ერთმა დეპუტატმა კითხვა დაუსვა ჟურნალისტებს, პარლამენტის შენობაში, მათი მხრიდან რომ ასეთი სოლიდარობა იყო გამოხატული, საპირისპირო რომ მომხდარიყო, იგივეს იზამდნენ თუ არა „ტვ პირველის“, „მთავარის“ და „ფორმულას“ წარმომადგენლები.ამაზე პასუხი იყო, რომ არ იზამდნენ, ამის მოლოდინი არ ჰქონდათ, მაგრამ ჩვენ მათ ვერ დავემსგავსებითო. ზუსტად ეს ვიხილეთ. თუ ფორმალურად მაინც გინდა, რომ ჟურნალისტი გერქვას, ფორმალური სოლიდარობა მაინც უნდა გამოხატო კოლეგა ჟურნალისტის მიმართ, როგორც არ უნდა განეკუთვნებოდე კონკრეტულ პარტიულ ბანაკს, რასაც ჰქვია კოლექტიური „ნაცმოძრაობა“. მე მახსოვს ე.წ ჟურნალისტების ისტერიკა. „ტვ პირველის“ და „ფორმულას“ ე.წ. ჟურნალისტების დაკარგული სახე, როგორ უხაროდათ ის, რომ ტელეკომპანია „იმედს“ და „პოსტივის“ შეექმნებოდათ პრობლემები. ეს იყო ოპტიმისტური მოლოდინი, მათ შორის, შესაბამისი ბრიტანელი ბიუროკრატების მხრიდან. ჩვენ მაშინვე დავპირდით ყველას, რომ ტელევიზიებს და მედიის თავისუფლებას საქართველოში არავითარი პრობლემა არ შეექმნებოდა.რაზეც ავიღეთ პასუხისმგებლობა 2012 წლიდან, იმაზე ვართ პასუხისმგებელი დღესაც და ვიქნებით პასუხისმგებელი ხვალაც. ეს ყველაფერი ასეც მოხდა, მაგრამ მაშინ ფაქტია, რომ ადგილობრივ აგენტურასაც და მათ უცხოელ პატრონებსაც ჰქონდათ სხვა რამის იმედი. რაც შეეხება ევროპარლამენტში მომხდარს, ეს უფრო ისტერიული ნაბიჯი მგონია, ვიდრე ოპტიმისტურ მოლოდინებზე გათვლილი ქმედება. ვხედავთ, რამდენად უსუსურია ის ხალხი, რომლებიც ცდილობენ ქართველი ხალხის სიმშვიდის დარღვევას. მთავარი მიზეზი არის ის, რომ მართლები არ არიან. იმდენად არ არიან მართლები საკუთარ ნაბიჯებში, რომ ეს არის ერთ-ერთი მთავარი მიზეზი, რატომაც ვერ აღწევენ წარმატებას. იმდენად უსამართლო და არასწორია ის ნაბიჯები, რომელსაც ისინი დგამენ, იმდენად დაცლილია ეს ყველაფერი ღირებულებებისგან, რომ საბოლოო ჯამში, ბოროტს სძლევს კეთილი. ბოროტმა ვერ სძლია კეთილს, ვერც იმ შემთხვევაში, როდესაც ბრიტანული მხრიდან დაწესდა სანქციები „იმედის“ და „პოსტივის“ მიმართ, როდესაც ევროპარლამენტმა დაუწესა ლოკალური სანქციები ტელევიზიების ჟურნალისტებს. ბოროტება არის მთავარი მიზეზი, რატომაც ისინი ამ უსამართლობით ვერ აღწევენ შედეგს“, - განაცხადა პრემიერმა.

1779308754

პრემიერი: იმედი გვაქვს, რომ უკრაინასთან ურთიერთობები გადაიტვირთება. როგორც არ უნდა გაგრძელდეს ეს ყველაფერი, მზად ვართ, დავრჩეთ ცალმხრივი მეგობრობის რეჟიმში, თუმცა იმედი გვაქვს, ეს ცალმხრივი მეგობრობა გადაიზრდება ორმხრივ მეგობრობაში

იმედი გვაქვს, რომ უკრაინასთან ურთიერთობები გადაიტვირთება, ეს არის მნიშვნელოვანი, რადგან ჩვენს ქვეყნებს და ხალხებს აკავშირებთ ტრადიციული მეგობრობა, ჩვენ გვაქვს განსაკუთრებული სოლიდარობის განცდა უკრაინელი ხალხის მიმართ, იმ მძიმე ვითარებაში, რაც არის შექმნილი ჩვენს მეგობარ ქვეყანაში, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.როგორც მთავრობის მეთაურმა აღნიშნა, განსაკუთრებულად მნიშვნელოვანია ურთიერთობების გადატვირთვა უკრაინის ხელისუფლებასთან.„გავიხსენებ შეხვედრას, რომელიც შედგა უკრაინის პრეზიდენტის ინიციატივით. ძალიან მეგობრულ რეჟიმში წარიმართა დაახლოებით 10-წუთიანი შეხვედრა. საუბარი იყო ურთიერთობების გაჯანსაღების მნიშვნელობაზე ორივე მხრიდან, დანარჩენ დეტალებზე ვერ ვისაუბრებთ, დახურული შეხვედრა იყო. ინიციატივა იყო, მყისიერად დავუდასტურეთ, მანამდეც წინაპირობები ამისათვის არ არსებობდა. რაც მთავარია, ეს შეხვედრა შედგა და ძალიან მეგობრულად ვისაუბრეთ სხვადასხვა საკითხთან დაკავშირებით. ჩვენ იმედი გვაქვს, რომ ურთიერთობები გადაიტვირთება, ეს არის მნიშვნელოვანი, რადგან ჩვენს ქვეყნებს აკავშირებს ტრადიციული მეგობრობა და ჩვენს ხალხებს აკავშირებს ტრადიციული მეგობრობა, ჩვენ გვაქვს განსაკუთრებული სოლიდარობის განცდა უკრაინელი ხალხის მიმართ, იმ მძიმე ვითარებაში, რაც არის შექმნილი ჩვენს მეგობარ ქვეყანაში. ასეთ ვითარებაში ჩვენთვის განსაკუთრებულად მნიშვნელოვანია ურთიერთობების გადატვირთვა უკრაინის ხელისუფლებასთან. ვნახოთ, იყო ბევრი ფაქტორი, რამაც შექმნა პრობლემები ამ ურთიერთობებში. აღარ მინდა, დეტალებში გავიხსენო ეს ყველაფერი, ელჩებთან დაკავშირებული ნაბიჯები, მეორე ფრონტთან დაკავშირებული განცხადებები და ა.შ. რაც იყო. მოხდა ეს ყველაფერი, მთავარია, რომ წინ გავიხედოთ. იმედი გვაქვს, ურთიერთობები გადაიტვირთება, ამას სჭირდება კონკრეტული ნაბიჯების გადადგმა. მე კიდევ ერთხელ გავიმეორებ, რომ ასეც და ისეც, როგორც არ უნდა გაგრძელდეს ეს ყველაფერი, ჩვენ მზად ვართ, დავრჩეთ თუნდაც ცალმხრივი მეგობრობის რეჟიმში., თუმცა იმედი გვაქვს, ეს ცალმხრივი მეგობრობა გადაიზრდება ორმხრივ მეგობრობაში.ჩვენ მშვიდად ველოდებით მოვლენების განვითარებას. აქამდე ვცხოვრობდით იმით, რაც ხდებოდა ორ ქვეყანას შორის ურთიერთობებში, მათ შორის სანქციები, პირადად მე მაქვს დაწესებული მათი მხრიდან სანქციები და ამას ყველაფერს მშვიდად ვუყურებდით. მომავალშიც რა თქმა უნდა, მზად ვართ, მშვიდად შევხედოთ ჩვენს ურთიერთობებს, გამოწვევებს, სირთულეებს, მათ შორის, თუმცა ვიტოვებთ უკეთესის იმედს, რომ ეს ყველაფერი შეიცვლება და ის დამოკიდებულება, რაც იყო მანამდე, შეიცვლება განსხვავებული დამოკიდებულებით“, - განაცხადა ირაკლი კობახიძემ.

1779308684

პრემიერი: ხალხის დახოცვა „გაუპრავეს“ სააკაშვილის რეჟიმს 2011 წლის 26 მაისს, მწვანე შუქი აუნთეს, სწორედ, ამ ე.წ. დემოკრატებმა, ბრიტანელებმა, გერმანელებმა და სხვებმა, შესაბამისად, მათთვის სრულიად ორგანული და მისაღებია ის, რაც მოხდა დანიაში

მწვანე შუქი იყო თავიდან ბოლომდე ანთებული იმის მიმართ, რაც მოხდა 2007 წელს ტელეკომპანია იმედში. მწვანე შუქი ე.წ. დემოკრატიული ქვეყნების მხრიდან. იქ იყო ბრიტანეთიც, გერმანიაც, სხვებიც. მაშინ გახსოვთ ვინმე დასანქცირებული, ან ვინმეს მიმართ რაიმე უხეში განცხადება გაკეთებული?, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა აღნიშნა, რომ ორმაგი სტანდარტები იმდენად თვალსაჩინო გახდა, რომ ქართულ საზოგადოებას შეცდომაში ვეღარ შეიყვანენ.„მწვანე შუქი იყო თავიდან ბოლომდე ანთებული იმის მიმართ, რაც მოხდა 2007 წელს ტელეკომპანია იმედში. მწვანე შუქი ე.წ. დემოკრატიული ქვეყნების მხრიდან. იქ იყო ბრიტანეთიც, გერმანიაც, სხვებიც. მაშინ გახსოვთ ვინმე დასანქცირებული, ან ვინმეს მიმართ რაიმე უხეში განცხადება გაკეთებული? - ესეც ხომ „გაუპრავეს“ და ამის შემდეგ „გაუპრავეს“ საპრეზიდენტო არჩევნები იმ კაცს, რომელმაც სისხლიანი რეჟიმი დაამყარა საქართველოში და ახლა ეს ადამიანები ჩვენ გველაპარაკებიან დემოკრატიაზე. რა თქმა უნდა, მათთვის აბსოლუტურად მისაღებია ის, რაც ხდება დანიაში, იმიტომ რომ მანამდე მათთვის აბსოლუტურად მისაღები იყო ის, რაც მოხდა 26 მაისს, საქართველოში, როდესაც ხალხი დახოცეს პირდაპირ. ხალხის დახოცვა „გაუპრავეს“ სააკაშვილის რეჟიმს 2011 წლის 26 მაისს, როდესაც შემდეგ გახსოვთ, ცხედრები განათავსეს ჯიხურების თავზე, რომ დენით დაღუპვის იმიტაცია მოეწყოთ და ეს „გაუპრავეს“, ამაზე მწვანე შუქი აუნთეს, სწორედ, ამ ე.წ. დემოკრატებმა, ბრიტანელებმა, გერმანელებმა და სხვებმა. ამიტომ მათთვის სრულიად ორგანული და მისაღებია ის, რაც მოხდა დანიაში, იმიტომ რომ მანამდე ამას "აპრავებდნენ" თბილისში, "აპრავებდნენ" სხვა ქვეყნებში, სადაც მათთვის მისაღები იყო დიქტატორული რეჟიმები, სისხლიანი ავტორიტარული რეჟიმები. ეს ორმაგი სტანდარტები იმდენად თვალსაჩინო გახდა უკვე, მთელი მსოფლიოს მასშტაბით იმდენი მაგალითი იხილა უკვე საზოგადოებამ, რომ არ მგონია, შეცდომაში ქართული საზოგადოების შეყვანა კიდევ იყოს შესაძლებელი“, - აღნიშნა პრემიერმა.

1779308624

პრემიერი: „იმედისთვის“ და „პოს ტვ“-თვის დაწესებული ბრიტანული სანქცია არის ბევრად უფრო უხეში დარღვევა ადამიანის უფლებების და მედიის თავისუფლების, ვიდრე ის, რაც ვიხილეთ თუნდაც დანიაში

„იმედისთვის“ და „პოსტვსთვის“ დაწესებული ბრიტანული სანქცია არის ბევრად უფრო უხეში დარღვევა ადამიანის უფლებების და კონკრეტულად მედიის თავისუფლების, ვიდრე ადამიანის უფლებების ის დარღვევა, რაც ვიხილეთ თუნდაც დანიაში, ხომ უკიდურესად უხეში და ბრუტალური იყო რაც ვიხილეთ დანიაში, ამასთან შედარებითაც კი ბევრად უხეში დარღვევაა ადამიანის უფლებების ის, რაც მოხდა ბრიტანეთში „იმედთან“ და „პოსტვ“-სთან მიმართებით, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა აღნიშნა, რომ ეს ყველაფერი აჩვენებს ევროკავშირის ღირებულებით დეგრადაციას.„ჩვენ ჩავატარეთ ბრიფინგი დანიაში მომხდართან დაკავშირებით და, პრინციპში, რაც მოხდა „იმედთან“ და „პოსტვ“-სთან დაკავშირებით, ვგულისხმობ კიდევ უფრო მძიმე ფაქტს, არა ევროპარლამენტში საქმიანობის შეჩერებას, არამედ ბრიტანეთის მიერ ტელევიზიის დასანქცირებას, ეს ბევრად უფრო მძიმეა ადამიანის უფლებების კუთხით. რა თქმა უნდა, რაც მოხდა დანიაში, იმას ვერანაირად ვერ გაანეიტრალებ აღქმაში, მაგრამ ჩემთვის „იმედისთვის“ დაწესებული ბრიტანული სანქცია არის ბევრად უფრო უხეში დარღვევა ადამიანის უფლებების და კონკრეტულად მედიის თავისუფლების, ვიდრე ის ადამიანის უფლებების დარღვევა, რაც ვიხილეთ თუნდაც დანიაში. ხომ უკიდურესად უხეში და ბრუტალური იყო რაც ვიხილეთ დანიაში, ამასთან შედარებითაც კი ბევრად უხეში დარღვევაა ადამიანის უფლებების ის, რაც მოხდა ბრიტანეთში „იმედთან“ და „პოსტვ“-სთან მიმართებით. ესეც აჩვენებს დეგრადაციას. თან ბრიტანეთი, ინგლისი კონკრეტულად, არის ქვეყანა, სადაც წარმოიშვა ადამიანის უფლებები თანამედროვე გაგებით და ასეთი ქვეყანა აბსოლუტურად არაფრად აგდებს მედიის თავისუფლებას და დგამს ისეთ ნაბიჯებს, რომელიც ვერც ერთი სტანდარტით ვერ გამართლდება. თავისი მარტივი წესები აქვს მედიის თავისუფლებაში ჩარევას. არსებობს სახელმძღვანელოები ინგლისურენოვანი, გერმანულენოვანი, ფრანგულენოვანი, ყველანაირი, არ არსებობს სახელმძღვანელო, რომლის მიხედვითაც შეიძლება გაამართლო იმ ფორმის ჩარევა მედიის თავისუფლებაში, რაც ვიხილეთ ბრიტანეთის მხრიდან. ასეთი სახელმძღვანელო უბრალოდ არ არსებობს, ასეთი მეცნიერული მიდგომა უბრალოდ არ არსებობს. ზუსტად ისეთი ბრუტალური აქტი იყო, რაც გააკეთა ბრიტანეთმა, ამის გაგრძელება იყო შემდეგ ევროპარლამენტი, რაც ვიხილეთ დანიაში. შესაბამისად, ესეც აჩვენებს იმ უმძიმეს სახეს, რომლითაც წარსდგა ბოლო დროს ევროპული ბიუროკრატია ფართო საზოგადოების წინაშე. არავითარი ახსნა და გამართლება ამ ყველაფერს არ აქვს, არც იმას, რაც მოხდა ბრიტანეთში, არც იმას, რაც ვიხილეთ ევროპარლამენტში. ეს აჩვენებს ევროკავშირის ღირებულებით დეგრადაციას, ამის იქით სხვა შეფასება ვერ გაკეთდება“, - აღნიშნა პრემიერმა. 

1779308565

პრემიერი: აზერბაიჯანში ხელმოწერილი შეთანხმებები არის უპრეცედენტო მნიშვნელობის, ამ შეთანხმებებს აქვს პრინციპული მნიშვნელობა ქვეყნის ეკონომიკური განვითარებისთვის, ენერგეტიკული უსაფრთხოებისა და სატრანზიტო ფუნქციის გაძლიერებისთვის

აზერბაიჯანში ხელმოწერილი შეთანხმებები არის უპრეცედენტო მნიშვნელობის, ყველა ამ შეთანხმებას აქვს პრინციპული მნიშვნელობა ჩვენი ქვეყნის ეკონომიკური განვითარებისთვის, ენერგეტიკული უსაფრთხოებისა და ჩვენი სატრანზიტო ფუნქციის გაძლიერებისთვის, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა მადლობა გადაუხადა აზერბაიჯანულ მხარეს და აღნიშნა, რომ ეს ეს არ იყო სტანდარტული მოლაპარაკებები ორ მთავრობას შორის, არამედ ეს იყო მეგობრებს შორის დიალოგი.„რეალურად, შედეგებიდან ჩანს, რომ მუდმივად იზრდება ჩვენი ქვეყნის როლი შუა დერეფანში, მთლიანად შუა დერეფნის როლიც იზრდება ზოგადად, გვერდით რომ გადავდოთ ცოტა ხნით ჩვენი ქვეყნის მნიშვნელობა ამ დერეფანში. 2020 წლის შემდეგ 7-ჯერ არის გაზრდილი ტვირთბრუნვა შუა დერეფანში. რა თქმა უნდა, ჩვენ ამით მაქსიმალურად უნდა ვისარგებლოთ და ვსარგებლობთ კიდეც და ამ კუთხით, ის შეთანხმებები, რომლებსაც ხელი მოვაწერეთ აზერბაიჯანში არის უპრეცედენტო მნიშვნელობის, დატვირთვის. სხვადასხვა მიმართულებით მოეწერა ხელი შეთანხმებებს და ყველა არის კავშირში ჩვენი სატრანზიტო ფუნქციის განვითარებასთან. ეს ეხება გაზის იმპორტს და გაზის ტრანზიტს, სადაც ძალიან სასარგებლო, უკიდურესად სასარგებლო შინაარსის შეთანხმებები გაფორმდა. რაც მთავარია, ჩვენ მივიღეთ სათანადო ფასები, მივიღეთ სათანადო მოცულობები, რაც არის უკიდურესად მნიშვნელოვანი ჩვენი ქვეყნის ენერგეტიკული უსაფრთხოებისთვის და მადლობა უნდა გადავუხადოთ აზერბაიჯანულ მხარეს, ეს არ იყო სტანდარტული მოლაპარაკებები ორ მთავრობას შორის, ეს იყო მეგობრებს შორის დიალოგი, რამაც მოგვცა ძალიან სწორი შეთანხმება ყველა თემასთან დაკავშირებით, ეს ეხება გაზს - იმპორტს და ტრანზიტს, ეხება ელექტროენერგიის იმპორტსა და ტრანზიტს, ასევე ბაქო-თბილისი-სუფსის მილსადენს, რომელიც გაჩერებული იყო ბოლო 3 წლის განმავლობაში, შესაბამისად, ქვეყანა კარგავდა წელიწადში ათეულობით მლნ ლარის პოტენციურ შემოსავალს და ამ მილსადენის ფუნქციონირება აღდგება, აქაც გვაქვს საუკეთესო პირობები უზრუნველყოფილი. რაც შეეხება რკინიგზას, ბაქო-თბილისი- ყარსის რკინიგზა ამუშავდება თვის ბოლოდან და ამასთან ერთად, აღდგა სამგზავრო სარკინიგზო მიმოსვლა საქართველოსა და აზერბაიჯანს შორის. ყველა ამ შეთანხმებას აქვს პრინციპული მნიშვნელობა ჩვენი ქვეყნის ეკონომიკური გაძლიერებისთვის, ენერგეტიკული უსაფრთხოებისა და ჩვენი სატრანზიტო ფუნქციის გაძლიერებისთვის. კიდევ ერთხელ მადლობა აზერბაიჯანულ მხარეს მეგობრული დამოკიდებულებისა და შესაბამისი შეთანხმებისთვის და მადლობა ეკონომიკის სამინისტროს, მინისტრსა და მთლიანად მის გუნდს, რომელმაც მრავალთვიანი მოლაპარაკების საფუძველზე მოგვცა ეს იდეალური შედეგი“, - აღნიშნა პრემიერმა.

1779308505

პრემიერი: ადგილობრივი აგენტურის და მათი უცხოელი პატრონების მხრიდან არის მცდელობა, დაგვაპირისპირონ სომხეთთან, მათ შორის შედარებებით. ამას ვერ ექნება ვერავითარი წარმატება, ჩვენ მაქსიმალურად ვგულშემატკივრობთ ჩვენს მეგობარ სომხეთს

ჩვენ მაქსიმალურად ვგულშემატკივრობთ ჩვენს მეგობარ ქვეყანა სომხეთს, სომეხ ხალხს, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.ირაკლი კობახიძემ უპასუხა შეკითხვას, თუ რა შთაბეჭდილებას ტოვებს მასზე ბრიუსელის გარკვეული ძალების დამოკიდებულება საქართველოსა და სომხეთის მიმართ.„რაც შეეხება სომხეთთან შედარებას, ჩვენთვის ეს ცოტა უხერხული თემაა იმიტომ, რომ ჩვენ ვართ მეზობლები, გვაქვს ძალიან მეგობრული ურთიერთობები, სტრატეგიული პარტნიორობა. აქედან გამომდინარე, ჩვენგან არასწორია შევედაროთ სომხეთს. ამაში არ შევალთ, რა თქმა უნდა, არასწორი იქნება ჩვენ. მაგრამ, ზოგადად შევაფასებ იმ მცდელობებს, რასაც ვხედავთ აქაც ადგილობრივი აგენტურის და მათი უცხოელი პატრონების მხრიდან, რომ რაღაცნაირად დაგვაპირისპირონ სომხეთთან, მათ შორის შედარებებით. ამას ვერ ექნება ვერავითარი წარმატება ვერავითარი კუთხით, ვერც ერთი მიმართულებით. ჩვენ მაქსიმალურად ვგულშემატკივრობთ ჩვენს მეგობარ ქვეყანა სომხეთს, სომეხ ხალხს. ეს არის ერთადერთი, რაც შეიძლება ვთქვათ სომხეთთან დაკავშირებით.მინდა, მადლობა გადავუხადო სომხეთის პრემიერ-მინისტრს, რომელსაც აქვს გამორჩეული დამოკიდებულება საქართველოს მიმართ და ეს არის გამოხატული მეგობრულ ურთიერთობებში, მათ შორის უშუალოდ მთავრობებს შორის. მან პირდაპირ ისიც კი თქვა, რომ საქართველოს გარეშე სომხეთის ევროინტეგრაციაზე საუბარი იყო წარმოუდგენელი. ამას რა განცხადება მოჰყვა ერთ-ერთი ევროპელი მაღალჩინოსნის მხრიდან, ესეც გახსოვთ. მან თქვა, რომ სომხეთი არის უმოკლესი გზა, რომელიც აკავშირებს შუა აზიას ევროპასთან. როგორც ჩანს, ეკონომიკურ სტაგნაციასთან და სხვა სიკეთეებთან ერთად, გეოგრაფიის გაკვეთილებშიც მაინც და მაინც ძლიერად არ აქვთ საქმე ევროპელ ბიუროკრატებს“, - განაცხადა პრემიერმა.

1779308447

პრემიერი: იაფ გაზთან დაკავშირებით აზერბაიჯანთან 20-წლიანი შეთანხმება გაგრძელდა კიდევ 20 წლით. რა კითხვაც დაისვა დებატებში ენერგეტიკის ექსპერტის მხრიდან, იმას პასუხი გაეცა კონკრეტული მოლაპარაკებებით და შემდეგ - ხელშეკრულებით

იაფ გაზთან დაკავშირებით 20-წლიანი შეთანხმება გაგრძელდა 20 წლით, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.მთავრობის მეთაურის თქმით, რა კითხვაც დაისვა „ტელეკომპანია „იმედის“ ეთერში გამართულ დებატებში ენერგეტიკის ექსპერტის მხრიდან, იმას გაეცა პასუხი კონკრეტული მოლაპარაკებებით და შემდეგ - კონკრეტული ხელშეკრულებით.„ტელეკომპანია „იმედის“ ეთერში გამართულ დებატებში ენერგეტიკის ექსპერტმა კითხვა დაგვისვა, რომ იყო 20-წლიანი შეთანხმება სოციალურ გაზთან, იაფ გაზთან დაკავშირებით და ამ შეთანხმებას წელს ეწურებოდა ვადა და იქ კითხვა დასვა, ამაზე საერთოდ რას ფიქრობთო. შედეგი გვაქვს - ეს 20-წლიანი შეთანხმება გაგრძელდა 20 წლით. რა კითხვაც დაისვა, იმას გაეცა პასუხი კონკრეტული მოლაპარაკებებით და შემდეგ - კონკრეტული ხელშეკრულებით“, - აღნიშნა პრემიერმა.

1779307445

ირაკლი კობახიძე: ჩვენ არსად გვითქვამს, რომ მარტო ჩვენ ვართ ევროპელები, მაგრამ ერთი რამ უნდა შევახსენოთ ბატონ ფიშერს, რომ ჩვენც ვართ ევროპელები და ჩვენთვის ღირებულია ის პრინციპები და ფასეულობები, რომლებსაც დაეფუძნა ევროკავშირი

ჩვენთვის ბატონი ფიშერი არ არის ევროპელი, ღირებულებითი თვალსაზრისით, არც ბატონი ჰერჩინსკი არ არის ჩვენთვის ევროპელი, ღირებულებითი თვალსაზრისით, გეოგრაფიულად ისინი მიეკუთვნებიან ევროპას, მაგრამ ღირებულებითი თვალსაზრისით, ისინი არ არიან თავსებადი იმ ყველაფერთან, რასაც ჩვენთვის მოიაზრებს ევროპა, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.როგორც მთავრობის მეთაურმა აღნიშნა, სუვერენიტეტი აქვს დაკარგული ევროპის სახელმწიფოების უდიდეს უმრავლესობას, დეგრადაციაა ადამიანის უფლებების კუთხით, ასევე ციფრებშია გამოხატული ეკონომიკური სტაგნაცია.„ჩვენ არსად გვითქვამს, რომ მარტო ჩვენ ვართ ევროპელები, ასეთი აბსურდი შეიძლება, ახასიათებდეს გერმანიის ელჩს, მაგრამ ჩვენ ასეთი აბსურდული განცხადებები არ გვახასიათებს, მაგრამ ერთი რამ უნდა შევახსენოთ ბატონ ფიშერს, რომ ჩვენც ვართ ევროპელები და ჩვენთვის ღირებულია ის პრინციპები, ფასეულობები, რომლებსაც დაეფუძნა ევროკავშირი, განსხვავებით ბატონი ფიშერისგან, რომელიც ვერ ბედავს, შეფასება მისცეს იმას, რაც მოხდა დანიაში. ჩვენთვის შესაბამისად, კონკრეტულად ბატონი ფიშერი საერთოდ არ არის ევროპელი. ევროპელობა არ ნიშნავს გეოგრაფიულ კუთვნილებას. შეიძლება, ისინი თავსებადი იყვნენ შედარებით გვიანდელი პერიოდის ევროპასთან, ვგულისხმობ 40-იანი წლების ბოლოდან ქვემოთ რომ გავყვეთ ისტორიას, მაგრამ მათი განცხადებები და მათი დამოკიდებულება, მათ შორის ქართველი ხალხის მიმართ, თავსებადი არ არის არანაირად ევროპულ ღირებულებებთან. ამიტომ, როდესაც საუბარია ღირებულებებზე, დიახ, ჩვენ რა თქმა უნდა, გვაქვს პრეტენზია ევროპელობაზე განსხვავებით ამ ადამიანებისგან, რომლებსაც რეალურად ევროპელობაზე პრეტენზია არ აქვთ, ისინი პირდაპირ უპირისპირდებიან სწორედ იმ ღირებულებებს, რომლებსაც განასახიერებდა ევროპა მთელი ბოლო ათწლეულების განმავლობაში. სწორედ ასეთი ადამიანების ქმედებების შედეგია ის დეგრადაცია, რასაც ვხედავთ როგორც დემოკრატიის კუთხით, ისე ადამიანის უფლებების. სუვერენიტეტი აქვს დაკარგული ევროპის სახელმწიფოების უდიდეს უმრავლესობას. დეგრადაციაა ადამიანის უფლებების კუთხით, არის ეკონომიკური სტაგნაცია, რაც პირდაპირ ციფრებშია გამოხატული. ბევრჯერ გვისაუბრია, რომ 30 პროცენტი იყო 2008 წელს მსოფლიო ეკონომიკაში ევროკავშირის ეკონომიკის წილი და ეს 30 პროცენტი ჩამოსულია 17,5 პროცენტამდე. მათემატიკურად იზომება ეს ყველაფერი“, - განაცხადა ირაკლი კობახიძემ.მისივე თქმით, მათემატიკურად არ იზომება უკუსვლა დემოკრატიული და ადამიანის უფლებების კუთხით, მაგრამ რეალურად ზუსტად ასეთივე მასშტაბის უკუსვლა განიცადა ევროკავშირმა, განსაკუთრებით 2008 წლის შემდეგ.„2008 წლის შემდეგ ყველა მიმართულებით არის სტაგნაცია, დეგრადაცია, უკუსვლა და თუ ევროპული ბიუროკრატია კოლექტიური ფიშერები, ჰერჩინსკები და ა.შ. გააგრძელებენ იგივე მიმართულებით სვლას, რა თქმა უნდა, არათუ არ შეჩერდება ეს უკუსვლა და დეგრადაცია, არამედ პირიქით, კიდევ უფრო მეტად გაღრმავდება, ამიტომ ჩვენი მოკრძალებული რჩევაა ევროპული ბიუროკრატიის მიმართ, უფრო მეტად იზრუნონ, თუ აქვთ ამის რესურსი, ევროპის ობიექტურ ინტერესებზე და ევროკავშირის მოსახლეობის ობიექტურ ინტერესებზე. ჩვენ გვინდა ასეთი ევროკავშირის წევრობა, სადაც აღდგება ის ტენდენციები, რომლებიც მანამდე ძალიან მკვეთრად იყო გამოხატული. ვსაუბრობ დადებით ტენდენციებზე დემოკრატიის, ადამიანის უფლებების, ეკონომიკური კეთილდღეობის კუთხით და ა.შ“, - განაცხადა პრემიერ-მინისტრმა.

1779307379

პრემიერი: ე.წ პროევროპული ქვეყანა, რომელიც რუსეთში გზავნის პროდუქციას ექსპორტზე აფხაზეთის გავლით, გამოცხადებულია უკიდურესად პროევროპულ და ძალიან დემოკრატიულ ქვეყნად და ამ დროს საქართველო არის ანტიევროპული და პრორუსული ქვეყანა

ჩვენ გველაპარაკებოდნენ სანქციების გვერდის ავლაზე, რაც ბუნებაში არ ყოფილა და ამ დროს, ე.წ პროევროპული ქვეყანა, რომელიც რუსეთში გზავნის კონკრეტულ პროდუქციას აფხაზეთის გავლით, არის გამოცხადებული უკიდურესად პროევროპულ და ძალიან დემოკრატიულ ქვეყნად. ეს არის პროევროპული ქვეყანა და საქართველო არის ანტიევროპული და პრორუსული ქვეყანა. იმდენად სამარცხვინოა ეს ორმაგი სტანდარტები, რომ არ შეიძლება, ღრმა შეფასება მივცეთ ამ ყველაფერს, - განაცხადა საქართველოს პრემიერ-მინისტრმა, ირაკლი კობახიძემ „იმედი LIVE“-ში.მთავრობის მეთაურმა ქვეყნის დაკონკრეტებისგან თავი შეიკავა, თუმცა განმარტა, რომ საუბარი არ არის საქართველოს მეზობელ ქვეყანაზე და ამავდროულად, საუბარია ქვეყანაზე, რომელიც ევროკავშირის წევრი არ არის.„არის ე.წ პროევროპული ქვეყანა, ეს არ არის ჩვენი მეზობელი ქვეყანა, რომ ამას რაღაც სპეკულაციები არ მოჰყვეს, რომელიც რუსეთში გზავნის საკუთარ კონკრეტულ პროდუქციას აფხაზეთის გავლით და ეს ქვეყანა არის გამოცხადებული უკიდურესად პროევროპულ და ძალიან დემოკრატიულ ქვეყნად. ასეთი რაღაცები ხდება. ყველამ ყველაფერი იცის სინამდვილეში - აფხაზეთს იყენებს იმისთვის, რომ კონკრეტული პროდუქცია გაგზავნოს ექსპორტზე რუსეთში და ეს არის პროევროპული ქვეყანა და საქართველო არის ანტიევროპული და პრორუსული ქვეყანა. იმდენად სამარცხვინოა ეს ორმაგი სტანდარტები, რომ არ შეიძლება მაინცდამაინც ღრმა შეფასება მივცეთ ამ ყველაფერს“, - განაცხადა ირაკლი კობახიძემ.პრემიერ-მინისტრი საქართველოს ხელისუფლების მიმართ ევროპულ სტრუქტურებში გაკეთებულ შეფასებებს გამოეხმაურა და აღნიშნა, რომ მსგავსი განცხადებების მიზანია მუდმივი წნეხის შენარჩუნება.„ოპოზიციას უნდა გადაუგდონ ხოლმე რამდენიმედღიანი მაშველი რგოლი, ამის იქით ვერ მიდის მათი ფანტაზია. საბოლოო ჯამში, რაღაც დონეზე მიზანს აღწევენ, რადგან სრული სიმშვიდე მაინც არ გვაქვს. მუდმივ რეჟიმში ცდილობენ, პატარ-პატარა ჩხვლეტებით ზიანი მიაყენონ ქართველ ხალხს და ამისთვის იყენებენ ადგილობრივ აგენტურას. რაღაც მიზანს ეს მაინც აღწევს - ვერ აღწევს პრინციპულ მიზანს - ვერ დაარღვიეს მშვიდობა, ვერ დაარღვიეს პრინციპულად სიმშვიდე, ვერ შეცვალეს ხელისუფლება, ვერ ჩამოშალეს ეკონომიკა, მაგრამ გარკვეულ შედეგს მაინც აღწევენ. რომ არ ყოფილიყო ეს სიცრუე, უსამართლობა, ეს სამარცხვინო თავდასხმები ქართველ ხალხზე, ბუნებრივია, სიმშვიდის ხარისხი ბევრად უფრო მაღალი იქნებოდა. ამ დონეზე ცდილობენ, ელემენტარული პრობლემები მაინც შექმნან ქართველი ხალხისთვის. ამას ემსახურბა ის ტყუილები და უსამართლობა, რასაც მუდმივ რეჟიმში ვხედავთ. რას ემსახურებოდა მაგალითად კანდიდატის სტატუსის არმინიჭება თავის დროზე, მოლაპარაკებების არგახსნა. მაშინ მეტი იმედი ჰქონდათ, რომ ხელისუფლებას შეცვლიდნენ და ამას აკეთებდნენ წინასაარჩევნოდ, 2024 წლის საპარლამენტო არჩევნებამდე, მაგრამ აქაც ვერ მიაღწიეს მიზანს, რისი იმედიც ჰქონდათ, მაგრამ გარკვეული შედეგი აქვთ, რადგან შეეძლო ქვეყანას, მშვიდად განეგრძო განვითარება“, - აღნიშნა ირაკლი კობახიძემ.

1779307308

პრემიერი: ყულევთან დაკავშირებით ტყუილს ავრცელებდნენ, უნდოდათ დაესაჯათ ქართველი ხალხი, ამ ფონზე ვხედავთ ახლა უკვე ბრიტანულ გადაწყვეტილებას სანქციების შემსუბუქების თაობაზე - აქ ჩანს, რომ მორალისგან შორს არიან კონკრეტული ადამიანები

ტყუილს ავრცელებდნენ ყულევთან დაკავშირებით, ამ ტყუილის საფუძველზე, რომელიც ნავთობს ეხებოდა, უნდოდათ დაესაჯათ ქართველი ხალხი. საბოლოო ჯამში, იმდენად უხეში ტყუილი იყო, აქამდეც ვერ მიიყვანეს საქმე, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ში.მთავრობის მეთაურის თქმით, ამ ფონზე ბრიტანეთმა მიიღო გადაწყვეტილება სანქციების შემსუბუქების თაობაზე.„ორმაგი სტანდარტია ისევ თვალსაჩინო მოვლენა. მორალური პედესტალიდან გვესაუბრებოდნენ სანქციებთან დაკავშირებით, ასევე, კონკრეტული ტყუილით ცდილობდნენ, დაესაჯათ კიდევ ერთხელ ქართველი ხალხი, საუბარი იყო პროექტზე, ევროკავშირში ბრიტანელების აქტიურობაზე. ტყუილს ავრცელებდნენ ყულევთან დაკავშირებით, ამ ტყუილის საფუძველზე, რომელიც ნავთობს ეხებოდა, უნდოდათ დაესაჯათ ქართველი ხალხი. საბოლოო ჯამში, იმდენად უხეში ტყუილი იყო, აქამდეც ვერ მიიყვანეს საქმე. ამ ფონზე ვხედავთ ახლა უკვე ბრიტანულ გადაწყვეტილებას, სანქციების შემსუბუქების თაობაზე. აქ პირდაპირ ჩანს, რომ მორალისგან შორს არიან კონკრეტული ადამიანები, რომლებიც ჩვენ გვესაუბრებიან და რომლებიც შემდეგ სხვა გადაწყვეტილებებს იღებენ. ადრე ისე წარმოგვიჩენდნენ, რომ იყო ამ სამყაროში შავი სივრცე და იყო თეთრი სივრცე, რომელიც იყო სრულიად სპეტაკი. ბრიტანეთის ხელისუფლებაში არ შეიძლება, რომ ვინმემ მიიღოს რაიმე მანკიერი გადაწყვეტილება, ევროპაში და ამერიკაში არ შეიძლება, რომ ვინმემ მიიღოს უარყოფითი გადაწყვეტილება. ამ დროს, ვხედავთ, რომ ძალიან დიდი სიბინძურე ტრიალებს ბრიტანულ პოლიტიკაშიც, ევროპულ პოლიტიკაშიც, ამერიკულ პოლიტიკაშიც. სამწუხაროდ, ეს არის ის, რაც ყველამ უნდა გააცნობიეროს. ამის გამოხატულებაა ეს ორმაგი სტანდარტებიც. სინამდვილეში არიან სუბიექტები, რომლებიც მოქმედებენ პრაგმატული ინტერესების შესაბამისად, მათი პრაგმატული ინტერესების ნაწილი შეიძლება იყოს ქართველი ხალხის წინააღმდეგ ბრძოლაც. ჩვენ მთავარია ჩვენი ეროვნული ინტერესები დავიცვათ. ყველას აქვს საკუთარი პრაგმატული ინტერესები, ჩვენ გვაქვს ჩვენი პრაგმატული ინტერესი, რომ დავიცვათ ის, რაც უნდა ქართველ ხალხს. ეს არის მშვიდობა, სტაბილურობა, კეთილდღეობა, ამაზე უნდა ვიყოთ ჩვენ ორიენტირებულები, მიუხედავად იმისა, თუ ვინ როგორ მოქმედებს, ქართველი ხალხის სასარგებლოდ თუ ქართველი ხალხის წინააღმდეგ“, - განაცხადა პრემიერმა.