1789069800

ლევან მაჭავარიანი ვიზალიბერალიზაციის შეჩერებაზე: ეს ნაკლებად სავარაუდოა. ისინი ამ ტყვიას არ გაისვრიან ვინაიდან იციან, რომ ფუჭად გასროლილი ტყვია იქნება

ჩემი ვარაუდია, რომ ეს ნაკლებად სავარაუდოა. ისინი ამ ტყვიას არ გაისვრიან ვინაიდან იციან, რომ ფუჭად გასროლილი ტყვია იქნება, - განაცხადა გადაცემაში „იმედი LIVE“ საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა ევროკავშირის ქვეყნებთან უვიზო მიმოსვლის შეჩერების საკითხთან დაკავშირებით.მისი თქმით, ნაკლებად სავარაუდოა, რომ ევროკავშირის ვიზალიბერალიზაციის პროცესს შეაჩერებს.„ ეს ტყვია მათი მხრიდან ჩემი აზრით გამოყენებული არ იქნება. მით უმეტეს არ არის საარჩევნო წელი. ეს რომ საარჩევნო წელი იყოს, ან მომდევნო წელი იყოს, მაშინ შეიძლება სხვანაირად გვემსჯელა. ამასობაში, სანამ არჩევნები მოვა ისინი დარწმუნდებიან იმაში და უფრო მალე დარწმუნდებიან, ვინაიდან შუა კორიდორის თემა არის გაასმაგებული და თვითონ ჩქარობს ბრიუსელი რაღაც ნაბიჯების გადადგმას და უკვე რწმუნდება, რომ გამარგინალებულია ოპოზიცია მიუხედავად იმისა, რომ თვითონ ჩაუტარეს საარჩევნო კამპანია. თავიდან ბოლომდე თვითონ კვებავენ თავიანთი ნარატივით. აბსოლუტურად ყველაფერს, რადიკალური ოპოზიციის ნაცვლად ისინი აკეთებენ თუმცა არაფერი არ ეშველება. შესაბამისად, მათ მოუწევთ იმ გადაწყვეტილების მიღება, რომ „ქართულ ოცნებას“უნდა დაუსხდნენ და ესაუბრონ. ჩვენ ამისთვის მზად ვართ და იმისთვის, რომ სახე შევანარჩუნებინოთ ბრიუსელს, მიუხედავად ამდენი უსამართლობისა, ჩვენ გაცხადებული გვაქვს ყველა დონეზე, რომ შეგვიძლია გადავფურცლოთ ეს უსამართლობები და დავიწყოთ ახალი ფურცლიდან ურთიერთობები. ვინაიდან ეს პოლიტიკა არის, აქ ემოციების დრო და ადგილი“, - განაცხადა ლევან მაჭავარიანმა.მისი თქმით, ამ ეტაპზე შეიძლება ითქვას, რომ ემანუელ მაკრონის მიერ საქართველოს პრემიერ-მინისტრის მიწვევა პარიზში, კოსმოსის საერთაშორისო სამიტში მონაწილეობის მისაღებად, ერთგვარი სიგნალია, რომ ევროკავშირი ცდილობს ურთიერთობების გალღობას.

1789068941

ლევან მაჭავარიანი: რაც ბატონმა ტრამპმა დახურა USAID-ი და NED-ი, ბრიუსელის ფონდების ამარა დარჩნენ, ერთმანეთის დაჭმაზე არიან, რომ გარე პატრონებს დაანახონ, ვინ უფრო „ამინდს ქმნის“ ოპოზიციურ ველზე

რაც ბატონმა ტრამპმა დახურა USAID-ი და NED-ი, ბრიუსელის ფონდების ამარა დარჩნენ, ერთმანეთის დაჭმაზე არიან, რომ გარე პატრონებს დაანახონ, ვინ უფრო „ამინდს ქმნის“ ოპოზიციურ ველზე, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა გადაცემაში „იმედი LIVE“.მისი თქმით, ეს ადამიანები ერთმანეთს ვერ იტანენ და დაფინანსების სერიოზული დეფიციტი აქვთ.„მაქსიმალურად ზრდილობიანი ლექსიკით მინდა შემოვიფარგლო. ასეთი გამარგინალებული ოპოზიცია, დამოუკიდებელი საქართველოს ისტორიაში არ მახსოვს. ახლა ერთმანეთის დაჭმაზე არიან გადასულები, ვინაიდან დაფინანსება შეუმცირდათ. რაც ბატონმა ტრამპმა დახურა USAID-ი და NED-ი, ბრიუსელის ფონდების ამარა დარჩნენ, ერთმანეთის დაჭმაზე არიან, რომ გარე პატრონებს დაანახონ, ვინ უფრო „ამინდს ქმნის“ ოპოზიციურ ველზე, რომ მეტი დაფინანსებით და პრივილეგიებით ისარგებლონ. ეს ადამიანები ერთმანეთს ვერ იტანენ, დაფინანსების სერიოზული დეფიციტი აქვთ და რაც გამჭვირვალობის ქართული კანონი ავამოქმედეთ, ძალიან ბევრი შავი ხვრელი ამოვავსეთ და შავი ფულის ტრიალის საშუალებას არ ვაძლევთ. 2028 წლამდე ორი წელია დარჩენილი, მანამდე საკონსტიტუციო სასამართლოს პროცესი უწევს. ძალიან დიდი მოლოდინი გვაქვს, რომ ობიექტური გადაწყვეტილება იქნება და შევხედოთ, ვინ დარჩება პოლიტიკურ ველზე. რაც უფრო ცოტა აგენტი დარჩება, მით უკეთესი იქნება საქართველოს განვითარებისთვის“, - აღნიშნა მაჭავარიანმა.

1789068443

ლევან მაჭავარიანი ღარიბაშვილის წერილზე: თურმე ძალიან მსხვილი ე.წ. „ატკატები“ ტყდებოდა ბატონი ღარიბაშვილის კაბინეტში. იგი ელოდა ახალი ბრალის წარდგენას, მან წინასწარ იცოდა ბატონი ბურჭულაძის თანამშრომლობის შესახებ და ორი დღით ადრე იყო ის პირველი წერილი, როდესაც გამოუშვა და ეცადა სამართლებრივი საკითხი გადაეტანა პოლიტიკურ ჭრილში

ბატონი ღარიბაშვილის მხრიდან ორმაგად გულდასაწყვეტი იყო ეს ყველაფერი. ჩვენ ხომ ეს სერიალი ბევრჯერ გვინახავს?! გვარამიათი დაწყებული, მელიათი გაგრძელებული და გიგი უგულავათი დამთავრებული - ვის მიმართაც კონკრეტული ბრალი იყო წარდგენილი აბსოლუტურად ყველა ხდებოდა შემდეგ პოლიტიკური დევნილი. შემდეგ ეს საქმეები წავიდა სტრასბურგის სასამართლოში და ასიდან ასივე შემთხვევაში სტრასბურგის სასამართლომ დაადგინა, რომ ჩვენი მართლმსაჯულება მოქმედებდა ძალიან მაღალი სტანდარტით, - განაცხადა გადაცემაში „იმედი LIVE“ ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა.მისი თქმით, ღარიბაშვილმა იცოდა იმისა თაობაზე, რომ ბურჭულაძემ ითანამშრომლა გამოძიებასთან და ელოდა ახალ ბრალს, ამიტომ შეეცადა სამართლებრივი საკითხი პოლიტიკურში გადაეყვანა.„ეს ყველაფერი ჩვენ ნანახი გვაქვს. ამ ბინძური მეთოდებით უმოქმედიათ აგენტურული ოპოზიციის წარმომადგენლებს. ამიტომ ვამბობ, რომ ძალიან გულდასაწყვეტი არის, სრული გულწრფელობით ვამბობ, რომ ანალოგიურად მოქმედებს ახლა ბატონი ღარიბაშვილი და ყველაფერი ემთხვევა და ლოგიკური ჯაჭვის აგება ძალიან მარტივია. იგი ელოდა ახალი ბრალის წარდგენას, როდესაც ბატონმა ბურჭულაძემ ითანამშრომლა და თურმე ძალიან მსხვილი ე.წ. „ატკატები“ ტყდებოდა ბატონი ღარიბაშვილის კაბინეტში. ბატონი ირაკლი ყოფილი პრემიერ-მინისტრი იყო. რაღაც ტიპის ინფორმაციამ სავარაუდოდ გაჟონა, მან წინასწარ იცოდა ბატონი ბურჭულაძის თანამშრომლობის შესახებ და თუ არ ვცდები ორი დღით ადრე იყო ის პირველი წერილი, როდესაც გამოუშვა და ეცადა სამართლებრივი საკითხი გადაეტანა პოლიტიკურ ჭრილში“, - განაცხადა ლევან მაჭავარიანმა.

1789068364

ლევან მაჭავარიანი: გუნდისთვის თავდაპირველად სერიოზული დარტყმა იყო, როდესაც ბატონმა ღარიბაშვილმა ბრალი აღიარა, ჩხრეკა ჩატარდა მის სახლში და ყველამ ვიხილეთ რაც ამოიღეს და რამდენ მილიონზეც იყო საუბარი. შემდეგ ამბობს, მე არაფერი ჩამიდენიაო

გუნდისთვის თავდაპირველად სერიოზული დარტყმა იყო, როდესაც ბატონმა ღარიბაშვილმა ბრალი აღიარა, ჩხრეკა ჩატარდა მის სახლში და ყველამ ვიხილეთ რაც ამოიღეს და რამდენ მილიონზეც იყო საუბარი, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა გადაცემაში „იმედი LIVE“.მისი თქმით, არ ეკადრებოდა ირაკლი ღარიბაშვილს ის, რაზეც ბოლო დროს გამოქვეყნებულ წერილებში საუბრობს.„ნამდვილად არ ეკადრებოდა ღარიბაშვილს, რაც იკადრა. „ასავალ-დასავალის“ დონეზე ვრცელდება ეს ყველაფერი. „ბიბისიმ“ ვერ მოატყუა ქართული საზოგადოება და რატომ ფიქრობს „ასავალ-დასავალი“, რომ ის მოატყუებს ჩვენს მოქალაქეებს?! ამ წერილს აჰყვა მთელი აგენტურული ოპოზიცია. პროკურატურაში დაბარების შემდეგ იგრძნეს, რომ ტყუილს მოჰყვებოდა კონკრეტული პასუხისმგებლობა და თურმე არავის არაფერი სცოდნია ბატონი ღარიბაშვილის თამადობით. ხდება დავით გარეჯის თემით სპეკულირება. მთელმა საქართველომ იცის, რომ ბატონი ბიძინა ივანიშვილის პირადი ხელმძღვანელობით მოხდა იმ რუკების საქართველოში დაბრუნება. მან გაუწია ამ ყველაფერს კოორდინაცია. ახლა „ასავალ-დასავალი“ ცდილობს, რომ ეს ყველაფერი ბატონ ღარიბაშვილს მიაწებონ. ეს ძალიან სამწუხაროა. საუბარია გუნდის ყოფილ ლიდერზე. მეტ სიღრმეებში არც მინდა შევიდე. გუნდისთვის თავდაპირველად სერიოზული დარტყმა იყო, როდესაც ბატონმა ღარიბაშვილმა ბრალი აღიარა, ჩხრეკა ჩატარდა მის სახლში და ყველამ ვიხილეთ რაც ამოიღეს და რამდენ მილიონზეც იყო საუბარი. შემდეგ ამბობს, მე არაფერი ჩამიდენიაო“, - აღნიშნა მაჭავარიანმა.

1789067640

ლევან მაჭავარიანი გახარიას პარტიის მიერ ბიძინა ივანიშვილის სახელით გავრცელებულ ყალბ განცხადებაზე: ეს მორიგი ტყუილია, რომელიც გამჟღავნდა ნახევარ საათში. ბატონ გახარიასთან დაკავშირებული გვერდია ეს. გახარიასგან მიჩვეულები ვართ ზოგადად თაღლითობას

ეს მორიგი ტყუილია, რომელიც გამჟღავნდა ნახევარ საათში. ბატონ გახარიასთან დაკავშირებული გვერდია ეს. გახარიასგან მიჩვეულები ვართ ზოგადად თაღლითობას, - აღნიშნა გადაცემაში „იმედი LIVE“ ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა, გახარიას პარტიის მიერ ბიძინა ივანიშვილის სახელით გავრცელებულ ყალბ განცხადებაზე.მისი თქმით, გახარიასგან მსგავსი ტყუილი არავის უკვირს.„ადამიანი, რომელიც პოლიტიკაში შემობრუნდა და ჭორების გავრცელება დაიწყო, რომ თითქოს ბატონი ბიძინა ივანიშვილის პოლიტიკური პროექტი გახლდათ იქიდან გამომდინარე, რომ ჩვენი ხმები წაეღო. ადამიანი, რომლებმაც 2021 წლის არჩევნებში ახალგაზრდებს არ გადაუხადა კუთვნილი ხელფასი. ადამიანი, რომელმაც გასცა ბრძანება რეზინის ტყვიების გამოყენებაზე და როდესაც უკვე ნახა, რომ შეიძლებოდა კონკრეტული პასუხისმგებლობა მოჰყოლოდა ამ ყველაფერს ბინძურად ხელი შეაწმინდა ჩვენს პოლიციელებს. შესაბამისად, ბატონი გახარიასგან ასეთი მოქმედებები არავის უკვირს. ეს ტყუილიც ნახევარ საათში გამომჟღავნდა“, - განაცხადა ლევან მაჭავარიანმა.

1789057800

ირაკლი კირცხალია მარტა კოსის განცხადებაზე: ბრიუსელის დღევანდელი მმართველობითი ელიტა პირდაპირ აფინანსებს და პოლიტიკურად ლობირებს იმ ომს, რისი სლოგანიც მათი მხრიდან არის - ომი და თავდადება. არახალია ჩვენი საზოგადოებისთვის ასეთი დესტრუქციული განცხადებები

ბრიუსელის დღევანდელი მმართველობითი ელიტა პირდაპირ აფინანსებს და პოლიტიკურად ლობირებს იმ ომს, რისი სლოგანიც მათი მხრიდან არის - ომი და თავდადება. არახალია ჩვენი საზოგადოებისთვის ასეთი დესტრუქციული განცხადებები, - განაცხადა „ქრონიკასთან“ საპარლამენტო უმრავლესობის ლიდერმა ირაკლი კირცხალიამ.დეპუტატმა ევროკომისარ მარტა კოსის განცხადება შეაფასა, რომელმაც აღნიშნა, რომ „ევროკავშირში გაწევრების მსურველმა ქვეყნებმა, დონალდ ტრამპის „მაგას“ მოძრაობასთან კავშირები უნდა გაწყვიტონ“.„[ბრიუსელი] ღიად უპირისპირდება იმ სამშვიდობო პოლიტიკას, რომელი კურსითაც მოვიდა ბატონი ტრამპი თავის კაბინეტთან ერთად მმართველობაში და რისკენაც დგამს ყოველდღიურად ნაბიჯებს, რომ როგორღაც მშვიდობას მიაღწიოს. ბრიუსელის დღევანდელი მმართველობითი ელიტა პირდაპირ აფინანსებს და პოლიტიკურად ლობირებს იმ ომს, რისი სლოგანიც მათი მხრიდან არის - ომი და თავდადება. არახალია ჩვენი საზოგადოებისთვის ასეთი დესტრუქციული განცხადებები“, - აღნიშნა კირცხალიამ.

1789055640

შაკო კუჭაშვილი: მზაკვრობით, ვირეშმაკობითა და მოღალატეობრივი ქმედებებით ცნობილმა გახარიას პარტიამ, მომენტით ისარგებლა და სოციალურ ქსელებში ბიძინა ივანიშვილის სახელით ყალბი განცხადებების გავრცელება დაიწყო - ზღვარს გადავიდა საზღვარგარეთელი პოლიტიკოსი და ძალიან ცდება, თუ ჰგონია, რომ ეს ყველაფერი უპასუხოდ დარჩება

მზაკვრობით, ვირეშმაკობითა და მოღალატეობრივი ქმედებებით ცნობილმა გახარიას პარტიამ, მომენტით ისარგებლა და სოციალურ ქსელებში ბიძინა ივანიშვილის სახელით ყალბი განცხადებების გავრცელება დაიწყო, - წერს სამოქალაქო აქტივისტი, შაკო კუჭაშვილი სოციალურ ქსელში.კუჭაშვილის განცხადებით, ეს არ არის პირველი მცდელობა, როდესაც გახარიას პარტია საზოგადოების შეცდომაში შეყვანას და ცრუ ინფორმაციის გავრცელებას ცდილობს ბიძინა ივანიშვილთან დაკავშირებით.მისივე შეფასებით, გახარია „ზღვარს გადავიდა“ და მისი ეს ქმედება უპასუხოდ არ დარჩება.„მზაკვრობით, ვირეშმაკობითა და მოღალატეობრივი ქმედებებით ცნობილმა გახარიას პარტიამ მომენტით ისარგებლა და სოციალურ ქსელებში ბიძინა ივანიშვილის სახელით ყალბი განცხადებების გავრცელება დაიწყო.ჯერ იყო და, ამომრჩევლის შეცდომაში შეყვანისა და ხმების მოპოვების მიზნით, ავრცელებდნენ ხმებს, თითქოს ბიძინა ივანიშვილის პარტია იყვნენ. შემდეგ, ვითომ რბილი ტონით, ბიძინა ივანიშვილზე საუბრობდნენ, ახლა კი მისი სახელით ყალბი განცხადებების გავრცელებასაც კი კადრულობენ.ზღვარს გადავიდა საზღვარგარეთელი პოლიტიკოსი და ძალიან ცდება, თუ ჰგონია, რომ ეს ყველაფერი უპასუხოდ დარჩება, ქართველი ხალხის ინფორმაციული ტერორი გატარდება ან შერჩება.იმ ხალხს, ვინც არაერთგზის ნახა თქვენი სახე, ვერცერთი ბინძური ხერხით ვერ მოატყუებთ“ - წერს შაკო კუჭაშვილი.

1789052940

გახარიას პარტია ავრცელებს თითქოსდა ბიძინა ივანიშვილის განცხადებას, რომელიც არის ყალბი და ემსახურება საზოგადოებისის შეცდომაში შეყვანას

გახარიას პარტია ავრცელებს თითქოსდა ბიძინა ივანიშვილის განცხადებას, რომელიც არის ყალბი და ემსახურება საზოგადოების შეცდომაში შეყვანას.„ხანგრძლივი დუმილის შემდეგ, მსურს პასუხი გავცე საზოგადოებაში დაგროვილ კითხვებს.ქართველი ხალხის სიყვარული ჩემთვის არასოდეს ყოფილა მხოლოდ სიტყვა, პოლიტიკური ფორმულა ან საჯარო გამოსვლის აუცილებელი ნაწილი. ეს არის პასუხისმგებლობა, რომელიც წლებთან ერთად უფრო მძიმდება, რადგან რაც უფრო მეტს გაძლევს ქვეყანა, მით უფრო მეტი ვალი გაქვს მის წინაშე.ამ ხალხის სიძლიერე ყოველთვის მის ღირსებაში, მოთმინებაში, თავისუფლების სიყვარულსა და ისტორიულ მეხსიერებაში იყო. სწორედ ამიტომ მჯერა, რომ საქართველოს მომავალი ვერ აშენდება ვერც შიშზე, ვერც შურისძიებაზე და ვერც იმ დაპირისპირებაზე, რომელიც საზოგადოებას ერთმანეთისგან საბოლოოდ დააშორებს.ჩემთვის განსაკუთრებით ძვირფასია ის საქართველო, რომელსაც შეუძლია საკუთარი ინტერესების დაცვა ხმაურის გარეშე, სიმტკიცის შენარჩუნება პროვოკაციის გარეშე და ევროპული არჩევანის ერთგულება ისე, რომ საკუთარი სახელმწიფოს უსაფრთხოებაც არ დააყენოს კითხვის ნიშნის ქვეშ.ხანდახან დგება დრო, როდესაც დუმილი აღარ არის მხოლოდ თავშეკავება - იგი შეიძლება მცდარ ინტერპრეტაციადაც იქცეს.ჩემი ცხოვრების არც ერთ ეტაპზე პოლიტიკა პირადი სარგებლის წყაროდ არ განმიხილავს. არავისთვის მომითხოვია ის, რაც მე არ მეკუთვნოდა; პირიქით, საკუთარი შესაძლებლობებიდან ბევრად მეტი გამიღია, ვიდრე ოდესმე ვინმესგან მიმიღია. ამიტომ არის საკითხები, რომლებზეც საზოგადოებამ საბოლოოდ უნდა იცოდეს არა ვერსია, არამედ სიმართლე.ვინც დღეს ჩემს სახელს სხვადასხვა გადაწყვეტილების გასამართლებლად იყენებს, უნდა ახსოვდეს: პასუხისმგებლობას თავისი ავტორი ჰყავს. ყველა ბრძანებას - მისი გამცემი. ყველა ნაბიჯს - თავისი პოლიტიკური და მორალური ფასი.ირაკლი ღარიბაშვილის გარშემო განვითარებული მოვლენები ჩემი გადაწყვეტილების შედეგი არ ყოფილა. რიჟვაძის წერილმა კი ისეთი კითხვები გააჩინა, რომელთა უგულებელყოფაც უკვე შეუძლებელია. ზოგჯერ ერთი წერილი უფრო მეტს ამბობს ეპოქაზე, ვიდრე ათეულობით ოფიციალური განცხადება.გიორგი გახარიასთან დაკავშირებული მოვლენებიც დღემდე არ არის ჩემთვის ბოლომდე ნათელი. მისი გადადგომა იმ ვითარებაში მოხდა, სადაც პოლიტიკური პასუხისმგებლობა, პირადი გადაწყვეტილება და პროცესების შიდა ლოგიკა ერთმანეთში აირია. სწორედ ამიტომ, თავდაპირველად ეს უფრო გაუგებრობას ჰგავდა, ვიდრე ღალატს.მე არ ვჩქარობ შეფასებებს. თუმცა წლები გავიდა და ბევრი რამ, რაც მაშინ ბუნდოვანი იყო, დღეს სხვა კუთხით იკითხება. ზოგჯერ დრო პასუხს არ გვაძლევს - მხოლოდ სწორ კითხვებს გვაჩვენებს.საქართველოს ურთულეს გეოპოლიტიკურ გარემოში ქვეყნის რუსეთის პირდაპირ მტრად გამოცხადება არასოდეს მიმაჩნდა სიმამაცედ პატარა სახელმწიფოსთვის უგუნურება ხშირად გმირობის ნიღბით მოდის. თუმცა არანაკლებ მძიმე შეცდომაა უსაფრთხოების სახელით იმ ღირებულებების დაკარგვა, რომელთაკენაც ქვეყანა ათწლეულებია მიემართება.ევროპული არჩევანი ჩემთვის არასოდეს ყოფილა სავაჭრო საგანი და იგი არც რუსეთის ფაქტორის საპირწონედ დამიდია სასწორზე.მე ყოველთვის მჯეროდა, რომ სახელმწიფო უნდა იმართებოდეს არა ემოციით, შურისძიებითა და პირადი ანგარიშსწორებით, არამედ პასუხისმგებლობით მომავალი თაობების წინაშე.იყო დრო, როდესაც „ქართული ოცნება“ სწორედ ამ პასუხისმგებლობის მატარებელ გუნდად მიმაჩნდა. დღეს კი გუნდის სახელი და მისი დღევანდელი ქმედებები ჩემთვის ყოველთვის ერთსა და იმავეს აღარ ნიშნავს.ზოგიერთი გადაწყვეტილება კითხვებს აჩენს. ზოგიერთი ნაბიჯი - იმედგაცრუებას. ზოგიერთი დუმილი კი უკვე პასუხს ჰგავს.მე არ ვაპირებ სხვისი გადაწყვეტილებების ტვირთის საკუთარ თავზე აღებას.ყველაფერი თავის დროზე ითქმება.და როდესაც ეს დრო მოვა, ბევრს მოუწევს ახსნა, სად მთავრდებოდა ერთგულება და სად იწყებოდა ღალატი; სად იყო სახელმწიფოებრივი აუცილებლობა და სად - სხვისი სახელით საკუთარი ძალაუფლების გამართლება.და ბოლოს, მინდა ერთი რამ დარჩეს ყოველგვარი პოლიტიკური ხმაურის მიღმა:ადამიანები მიდიან. თანამდებობები იცვლება. პარტიები ძლიერდებიან და სუსტდებიან. ძალაუფლება კი არასოდეს არის მარადიული.მარადიულია მხოლოდ ქვეყანა.მე არასოდეს მიმაჩნდა საქართველო რომელიმე ერთი ადამიანის, ერთი გუნდის ან ერთი პოლიტიკური ძალის საკუთრებად. ვინც სახელმწიფოს მართავს, დროებით იღებს პასუხისმგებლობას ერის წინაშე და არა უფლებას, საკუთარი ნება ქვეყნის ნებად გამოაცხადოს.შესაძლოა დღეს ბევრ კითხვას პასუხი ჯერ კიდევ არ ჰქონდეს. შესაძლოა ბევრი სიმართლე ჯერ ისევ ჩრდილში რჩებოდეს. მაგრამ არც ერთი ჩრდილი არ არის იმდენად გრძელი, რომ განთიადი შეაჩეროს.დადგება დრო, როდესაც ემოცია დაცხრება, გავლენები გაქრება და ფაქტები საკუთარ ადგილს დაიკავებს.მაშინ აღარ ექნება მნიშვნელობა, ვინ ვის გვერდით იდგა მაშინ, როდესაც ძალაუფლება ძლიერი ჩანდა.მნიშვნელობა ექნება მხოლოდ იმას ვინ იდგა საქართველოს გვერდით.მე ჩემი არჩევანი დიდი ხნის წინ გავაკეთე.ჩემი მხარე საქართველოა.და სანამ ამ ქვეყანას სიმართლის თქმა, ღირსების დაცვა და უკეთესი მომავლისთვის ბრძოლა სჭირდება, არც დუმილი იქნება ჩემთვის თავშესაფარი და არც წარსული ვალდებულებებისგან გათავისუფლება.საბოლოო სიტყვას არც ხელისუფლება ამბობს, არც პარტია და არც ცალკეული ადამიანი.საბოლოო სიტყვას ყოველთვის დრო, ხალხი და ისტორია ამბობენ“, - აღნიშნულია ყალბ განცხადებაში.

1789051260

„ლოგიკა იმას გვკარნახობს, ვივარაუდოთ, რომ სინქრონში მოქმედებს ბატონი ღარიბაშვილი და „ასავალ-დასავალი“ - ლევან მაჭავარიანი

„ლოგიკა იმას გვკარნახობს, ვივარაუდოთ, რომ სინქრონში მოქმედებს ბატონი ღარიბაშვილი და „ასავალ-დასავალი“. თუმცა, აზრი არ აქვს ახლა, რა ტყუილებიც არ უნდა გაავრცელონ, „ასავალ-დასავალი“ ტყუილს ნამდვილად ვერ შეასაღებს ჩვენს მოქალაქეებს.“ - ამის შესახებ პარლამენტის ფრაქცია „ქართული ოცნების" თავმჯდომარის პირველი მოადგილე, ლევან მაჭავარიანი საუბრობს.მაჭავარიანი ლაზარე ჯორბენაძის თვითმკვლელობის საქმეზე საჯაროდ გაკეთებულ განცხადებებს ეხმაურება.„ძალიან არაჯანსაღი კამპანია არის დაწყებული და ბატონ ღარიბაშვილს ეს ნამდვილად არ ეკადრებოდა... ყველა ხედავს, რომ ეს არის რაღაცა ჩვეულებრივი ზღაპარი, იგივე დავით გარეჯთან მიმართებით, იგივე იმ ადამიანის ტრაგიკულ სიკვდილთან დაკავშირებით, როდესაც სპეკულირებენ ამ თემით და შემდეგ უკვე ამ ყველაფერს „ნაციონალური მოძრაობა" წამის მეასედებში იტაცებს და ზუსტად იგივე მესიჯბოქსით საუბრობს ამ თემებზე, რაზეც ბატონი ღარიბაშვილი და ძალიან საინტერესო იყო, როდესაც პროკურატურა დაინტერესდა, აბსოლუტურად არავის არაფერი არ სცოდნია თურმე ასე აღმოჩნდა, როდესაც ყველამ იგრძნო, რომ ტყუილს მოჰყვებოდა კონკრეტული პასუხისმგებლობა, სამართლებრივი პასუხისმგებლობა, ჩვეულებრივი ჭორაობა არის. კადრულობს ისეთ რაღაცებს, რომელსაც არ ვიცი, სააკაშვილი კადრულობდა და ელისო კილაძე,“ - აცხადებს ლევან მაჭავარიანი.

1789048920

ბიძინა გიორგობიანი: პოლიტიკური კლასი ბრიუსელში არის ძალიან მოძველებული და იმ მიმდინარეობის გადმონაშთი, რომელიც ევროკავშირის მაჯისცემას ვერ გრძნობს და ეკონომიკას ანგრევს

ერთია ძალიან პრაგმატული და რეალ პოლიტიკაზე დამყარებული ევროპული პოლიტიკა და მეორე არის იდეოლოგია, რომელიც მოდის ცივი ომის შემდგომი პერიოდიდან, გლობალიზაციის შემადგენელი ნაწილი, რომელსაც წითელ ხაზად გაჰყვება ეს ე.წ. ადამიანის უფლებები, თვითნებური დაკავებები და მსგავსი ტერმინები, რომლებსაც ცდილობენ მიმართონ იმ ქვეყნების წინააღმდეგ, სადაც არ არის მათი იდეოლოგიისთვის შესატყვისი ხელისუფლება და ვერ ახერხებენ იმ ქვეყნებით მანიპულირებას, იმ მიზნის მისაღწევად, რაც უნდათ ლოკალურად, - განაცხადა გადაცემა „დღის ქრონიკასთან“ „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა.მისივე თქმით, საქართველოსთან დაკავშირებით ეს იყო უკრაინაში მიმდინარე ომში საქართველოს თანამონაწილეობა და საქართველოს მსხვერპლშეწირვა უკრაინის ომში.„მეორე მხარეს არის ძალიან პრაგმატული და რეალური პოლიტიკის მიმდევარი ძალა, რომელიც საქართველოში ხედავს სავაჭრო პარტნიორს და ცდილობენ საქართველოსთან ჰქონდეთ ძალიან კარგი, პრაგმატული ურთიერთობა, დამყარებული ურთიერთმომგებიან ეკონომიკურ თანამშრომლობაზე. ბრიუსელში ჩვენ ამას ვერ ვხედავთ, ჩვენ ამას ვხედავთ ეროვნულ სახელმწიფოებში.ჩვენ ყოველთვის აღვნიშნავთ, რომ ჩვენი ორიენტირი უნდა იყოს ევროპის ძლიერი სახელმწიფოები. ძლიერი ევროპა არის ჩვენი საუკეთესო პარტნიორი. ევროკავშირის ბიუროკრატია არის ცალკე განყენებული, რომელიც არის ძალიან მკაცრად იდეოლოგიზებული და მისდევს იმ მოძველებულ დოგმებს, რომელიც ჩამოყალიბდა ცივი ომის შემდეგ და იმავე ტერმინოლოგიით გვესაუბრება“, - აღნიშნა ბიძინა გიორგობიანმა.„ერთიანი ნეიტრალური საქართველოს“ პოლიტიკურმა მდივანმა განმარტა, რომ პოლიტიკური კლასი ბრიუსელში არის ძალიან მოძველებული და იმ მიმდინარეობის გადმონაშთი, რომელიც ევროკავშირის მაჯისცემას ვერ გრძნობს და ეკონომიკას ანგრევს.„ამის საწინააღმდეგოდ, მთელი რიგი ევროპის ქვეყნები ცდილობენ საქართველოსთან ჰქონდეთ უფრო პრაგმატული ურთიერთობა.მართალია საქართველო არ ფლობს დიდ კოსმოსურ ინდუსტრიას, მაგრამ ყველა ასეთ საკითხზე საქართველო არის ერთ-ერთი სასურველი სტუმარი. როდესაც ბრიუსელის ბიუროკრატია აკრიტიკებს საქართველოს და უკუსვლაზე საუბრობს, ამ დროს ის ინსტიტუტები, რომლებიც ნამდვილად აკეთებენ კვლევებს საქართველოზე, სულ სხვა სურათს წარმოაჩენენ.ორი პარალელური სამყაროსავით ჩამოყალიბდა ევროკავშირში. საქართველოს პარტნიორები არიან ის პოლიტიკური ძალები, რომლებიც საკუთარი ქვეყნის და ევროპის სახელმწიფოების სიძლიერეზე არიან ორიენტირებული და არ გველაპარაკებიან რაღაც ყალბ იდეოლოგიაზე, რომლის უკანაც იმალება რომელიღაც ფარული პოლიტიკური ძალის ინტერესები ყოველთვის და ყველგან“, - დასძინა გიორგობიანმა.

1789048841

ცესკოს ხელმძღვანელი პირების შეხვედრა ვანის საოლქო საარჩევნო კომისიაში გაიმართა

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი რეგიონებში საოლქო საარჩევნო კომისიებთან სამუშაო შეხვედრებს აგრძელებს და 3 ოქტომბრის არჩევნებისთვის სამზადისს პირადად ეცნობა.მორიგი სამუშაო შეხვედრა გიორგი კალანდარიშვილმა, ცესკოს მდივან გიორგი ჯავახიშვილთან ერთად, ვანის საოლქო საარჩევნო კომისიის ხელმძღვანელ პირებთან და კომისიის სრულ შემადგენლობასთან გამართა. ცესკოს თავმჯდომარე დეტალურად გაეცნო შუალედური არჩევნებისთვის კომისიის მიერ განხორციელებულ და მიმდინარე საქმიანობებსა და აქტივობებს.სამუშაო შეხვედრის ფარგლებში ყურადღება გამახვილდა არჩევნების დღეს საარჩევნო პროცედურების სწორად და თანმიმდევრულად განხორციელებაზე, ამომრჩეველთა მომსახურების ხარისხზე და საარჩევნო პროცესის შეუფერხებლად წარმართვისთვის საოლქო და საუბნო დონეზე არსებული მზადყოფნის შეფასებაზე. მხარეებმა ასევე განიხილეს საუბნო საარჩევნო კომისიების სწავლებისა და პროფესიული გადამზადების პროცესი.როგორც ცესკოს თავმჯდომარე გიორგი კალანდარიშვილმა აღნიშნა, 3 ოქტომბრის არჩევნები, ისევე როგორც ყველა სხვა შუალედური თუ საერთო არჩევნები, მაღალპროფესიულ დონეზე ჩატარდება და თითოეულმა საარჩევნო ადმინისტრატორმა საკუთარი საქმიანობა მაღალი პასუხისმგებლობით უნდა განახორციელოს.სამუშაო შეხვედრას ვანის საოლქო საარჩევნო კომისიაში ასევე ესწრებოდა ცესკოს წევრი გიორგი ძაგანია, საარჩევნო პროცესების მართვის დეპარტამენტის უფროსი ეკა ცაბაშვილი და რეგიონული კოორდინატორი ზვიად თენეიშვილი.შეგახსენებთ, რომ 3 ოქტომბერს ვანის, წალკის, დმანისისა და ახმეტის მუნიციპალიტეტების საკრებულოების შუალედური არჩევნები გაიმართება. შუალედური არჩევნებისთვის ჯამში შვიდი საარჩევნო უბანი გაიხსნება, მათ შორის ოთხ საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები. ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ.

1789046482

თამთა მეგრელიშვილი: საჯარო სივრცეში ბილწსიტყვაობისა და შეურაცხყოფის ნორმად დაკანონება საშიშია, რადგან ის აზიანებს არა მხოლოდ სამართლებრივ წესრიგს, არამედ ზოგადად საზოგადოებრივ თანაცხოვრებას

„ხალხის ძალის“ წევრი თამთა მეგრელიშვილი თორნიკე რაზმაძის წინააღმდეგ შინაგან საქმეთა სამინისტროს მიერ დაწყებულ ადმინისტრაციულ სამართალწარმოებას ეხმიანება.შსს-ის განმარტებით, საქმე სოციალურ ქსელში პრემიერ-მინისტრ ირაკლი კობახიძის მიმართ დაწერილ შეურაცხმყოფელ კომენტარს ეხება. მეგრელიშვილის შეფასებით, გამოხატვის თავისუფლება დაცულია, თუმცა ის აბსოლუტური უფლება არ არის და საჯარო სივრცეში, მათ შორის, ციფრულ პლატფორმებზე, საზოგადოებრივი წესრიგისა და ეთიკის ნორმები უნდა იყოს დაცული. მისი თქმით, ერთმანეთისაგან სწორად უნდა გაიმიჯნოს პირადი შეურაცხყოფა და დაცული კრიტიკული აზრი, ხოლო საჯარო სივრცეში ლანძღვა-გინებისა და აგრესიული ლექსიკის ნორმად ქცევა საფრთხეს უქმნის საზოგადოებრივ და სახელმწიფოებრივ სტაბილურობას. „შინაგან საქმეთა სამინისტრომ ბლოგერ და სამოქალაქო აქტივისტ თორნიკე რაზმაძის წინააღმდეგ ადმინისტრაციული სამართალწარმოება დაიწყო. უწყების განმარტებით, საქმე ეხება სოციალურ ქსელში პრემიერ-მინისტრ ირაკლი კობახიძის მიმართ დაწერილ შეურაცხმყოფელ კომენტარს. თავად რაზმაძე კი, მცდარ გზავნილს აჟღერებს და აცხადებს, რომ მას კრემლის პროპაგანდისტების, მარგარიტა სიმონიანისა და ვლადიმირ სოლოვიოვის მისამართით გამოთქმული კრიტიკისა და გინების გამო ედავებიან, რაც ერეკლე II-ისა და გეორგიევსკის ტრაქტატის თემას უკავშირდებოდა. სამართლებრივ სახელმწიფოში გამოხატვის თავისუფლება დაცულია, თუმცა ის არ არის აბსოლუტური უფლება. საქართველოს კანონმდებლობა მკაფიოდ საზღვრავს საზოგადოებრივი წესრიგისა და ეთიკის ნორმებს საჯარო სივრცეში, მათ შორის, ციფრულ პლატფორმებზე. სოციალურ ქსელში გამოხატვის თავისუფლება და კრიტიკული აზრი ნებისმიერი საზოგადოების განვითარებისთვის მნიშვნელოვანია, თუმცა ამ პროცესსაც აქვს თავისი წითელი ხაზები, რასაც კანონთან ერთად პოლიტიკური კულტურა და ეთიკა იცავს. სახელმწიფო ინსტიტუტებისა და საჯარო სივრცის მიმართ პატივისცემა არის ის აუცილებელი სტანდარტი, რომელიც თითოეულმა მოქალაქემ უნდა დაიცვას, რათა დისკუსია ჯანსაღ ჩარჩოებში დარჩეს და საჯარო სივრცეში ლანძღვა-გინება და პირადი შეურაცხყოფა ნორმად არ იქცეს. პრემიერ-მინისტრი წარმოადგენს სახელმწიფოს უმაღლეს აღმასრულებელ შტოს. მისი მისამართით უხამსი და შეურაცხმყოფელი ლექსიკის გამოყენება სცდება ლეგიტიმური პოლიტიკური კრიტიკის ფარგლებს და ლახავს არა მხოლოდ კონკრეტული პირის, არამედ თავად სახელმწიფო ინსტიტუტის ავტორიტეტს. საჯარო სივრცეში ბილწსიტყვაობისა და შეურაცხყოფის ნორმად დაკანონება საშიშია, რადგან ის აზიანებს არა მხოლოდ სამართლებრივ წესრიგს, არამედ ზოგადად საზოგადოებრივ თანაცხოვრებას. საქართველო სამართლებრივი სახელმწიფოა და საკითხი მკაფიო კონსტიტუციური პრინციპების, გამოხატვის თავისუფლების საერთაშორისო სტანდარტებისა და სასამართლოს დამოუკიდებლობის საფუძველზე უნდა გადაწყდეს. ერთმანეთისაგან სწორად უნდა გაიმიჯნოს პირადი შეურაცხყოფა და დაცული კრიტიკული აზრი. დარწმუნებული ვარ, ზემოაღნიშნული პრინციპები ამ საქმეშიც დაცული იქნება. სოციალურ ქსელებში ლანძღვა-გინებისა და აგრესიული ლექსიკის მასიური ხასიათის მიღება (ე.წ. ტოქსიკური გარემოს შექმნა) სერიოზულ საფრთხეს უქმნის როგორც ცალკეულ პირებს, ისე მთლიანად საზოგადოებრივ და სახელმწიფოებრივ სტაბილურობას. ინფორმაციული ხმაური, რომელსაც მომწამვლელი ეფექტი აქვს და მოკლებულია არგუმენტებს, პოლიტიკაში არ არის სწორი ურთიერთობის მანერა, რადგან აგრესიული კომენტარების ნაკადში იკარგება შესაძლებლობა საზოგადოებამ სწორად დაინახოს და გაანალიზოს პოლიტიკური მოვლენები“, - წერს თამთა მეგრელიშვილი.