1792399963

VIDEO: კაილი ჯენერი Victoria’s Secretის მოდის ჩვენებაზე 50-მილიონიანი Fantasy Bra-თი გამოჩნდა

კაილი ჯენერი Victoria’s Secret-ის 2026 წლის მოდის ჩვენებაზე პირველად გამოვიდა. რეალითი შოუს ვარსკვლავმა და ბიზნესმენმა პოდიუმზე განსაკუთრებული ყურადღება მიიპყრო - მას ბრენდის ლეგენდარული Fantasy Bra ეცვა, რომლის ღირებულებაც 50 მილიონ დოლარს შეადგენს.ჩვენება 18 ოქტომბერს, ლოს-ანჯელესში გაიმართა. კაილიმ ძვირფასი თვლებით გაფორმებული ბიუსტჰალტერი, გამჭვირვალე თეთრი მინი ქვედაბოლო, გამჭვირვალე ქუსლიანი ფეხსაცმელი და თეთრი ფრთები მოირგო. Fantasy Bra 4 410 ბუნებრივი ბრილიანტითაა გაფორმებული, მის ცენტრში კი 75,54-კარატიანი ყვითელი ბრილიანტია მოთავსებული.სამკაულის შექმნაზე 15 ხელოსანი მუშაობდა და პროცესს 1 000 საათზე მეტი დასჭირდა. აღსანიშნავია, რომ Fantasy Bra Victoria’s Secret-ის პოდიუმზე 2018 წლის შემდეგ პირველად დაბრუნდა. კაილის გამოსვლას აუდიტორიიდან მისი დედა, კრის ჯენერი და პარტნიორი, მსახიობი ტიმოთი შალამე, გულშემატკივრობდნენ. 

1792389381

მატილდა გვარლიანმა Victoria's Secret -ის 2026 წლის შოუზე კიდევ ერთხელ გაიბრწყინა

ქართველი სუპერმოდელი მატილდა გვარლიანი მსოფლიო მოდის ინდუსტრიის ერთ-ერთ ყველაზე გამორჩეულ შოუზე კვლავ გამოჩნდა. Victoria’s Secret-ის 2026 წლის ჩვენებას ამჯერად ლოს-ანჯელესმა უმასპინძლა, სადაც ქართველი მოდელი პოდიუმზე კიდევ ერთხელ წარდგა.მატილდას მონაწილეობა შოუს ქართველი მაყურებლისთვის განსაკუთრებულ მნიშვნელობას ანიჭებს. ის პირველი და ჯერჯერობით ერთადერთი ქართველი მოდელია, რომელმაც Victoria’s Secret-ის ლეგენდარულ პოდიუმზე გაიარა.მან ამჯერადაც ორი განსხვავებული ლუქი მოირგო და საერთაშორისო მოდის სამყაროს ყურადღება მიიპყრო.Victoria’s Secret-ის ჩვენება წლებია მოდის ინდუსტრიის ერთ-ერთ ყველაზე განხილვად მოვლენად რჩება. პოდიუმზე მოხვედრა მსოფლიოს მრავალი მოდელისთვის მნიშვნელოვანი კარიერული მიღწევაა, მატილდა გვარლიანმა კი ამ პრესტიჟულ სივრცეში საქართველოს სახელის წარმოჩენა შეძლო.           View this post on Instagram                       A post shared by Whyte Magazine (@whytemagazine)

1792071660

62 წლის ბრედ პიტი 33 წლის შეყვარებულთან ერთად ფილმის პრემიერაზე გამოჩნდა - ფოტო

ჰოლივუდის ვარსკვლავი ბრედ პიტი 33 წლის შეყვარებულთან, ინეს დე რამონთან ერთად, კვლავ საზოგადოების ყურადღების ცენტრშია. წყვილი ფილმის „მხეცის გული“ - Heart of the Beast პრემიერას დაესწრო. 62 წლის მსახიობი ფილმში მთავარ როლს ასრულებს. ღონისძიება ტენესის შტატის ქალაქ ფრანკლინში, FirstBank-ის ამფითეატრში გაიმართა.ბრედ პიტისა და ინეს დე რამონის ურთიერთობა საზოგადოების ინტერესს მუდმივად იწვევს. წყვილი 2022 წლიდან ხვდება ერთმანეთს, თუმცა პირადი ცხოვრების დეტალებზე საჯაროდ იშვიათად საუბრობს. მიუხედავად იმისა, რომ მედიაში პერიოდულად ვრცელდება ინფორმაცია მათი სამომავლო გეგმების შესახებ, მათ ქორწინებისა და საერთო შვილის ყოლის განზრახვა ოფიციალურად არ დაუდასტურებიათ.ბრედ პიტი მანამდე ორჯერ იყო დაქორწინებული - ჯენიფერ ენისტონზე და ანჯელინა ჯოლიზე. ჯოლისთან განქორწინება 2024 წლის დეკემბერში დასრულდა. ყოფილ მეუღლეებს ექვსი შვილი ჰყავთ.

1791898380

BBC ჯოან როულინგზე დოკუმენტურ ფილმს გადაიღებს

ბრიტანული ტელერადიოკომპანია BBC მწერალ ჯოან როულინგის შესახებ დოკუმენტურ ფილმს გადაიღებს. Deadline-ის ცნობით, ფილმი ორი სერიისგან შედგება. პირველში მოთხრობილი იქნება „ჰარი პოტერის“ შესახებ რომანების სერიის შექმნასა და ჯადოსნური სამყაროს წარმატებაზე. მეორეში კი შეეხებიან მწერლის გამონათქვამებს ფემინიზმზე, სიტყვის თავისუფლებასა და გენდერულ იდენტობაზე. ამ განცხადებების გამო ის ინტერნეტში დისკუსიების ცენტრში მოექცა.„ჰარი პოტერის“ პირველი წიგნის გამოქვეყნებიდან 30 წლის შემდეგ ჩანს, რომ BBC-ისთვის არ არსებობს უკეთესი დრო, რათა ბრიტანული ლიტერატურის ერთ-ერთ გამოჩენილ ფიგურას გაეცნოს“, - განაცხადა BBC-ს ისტორიული განყოფილების ხელმძღვანელმა საიმონ იანგმა.ფილმში შევა იშვიათი საარქივო მასალები, ასევე იმ ადამიანების ინტერვიუები, რომლებთანაც როულინგი მთელი თავისი კარიერის განმავლობაში მუშაობდა. თუმცა ფილმის გამოსვლის თარიღი ჯერ უცნობია. გამოცემის ცნობით, სავარაუდოდ, პრემიერა შესაძლოა დეკემბერში შედგეს - იმავე დროს, როცა HBO-ზე ჰარი პოტერის შესახებ სერიალი გამოვა.

1791808680

სიდნი სვინი და მერილინ მონრო ნათესავები აღმოჩნდნენ

როგორც აღმოჩნდა, სიდნი სვინსა და მერილინ მონროს შორის კავშირი მხოლოდ გარეგნულ მსგავსებასა და ვარსკვლავურ იმიჯს არ უკავშირდება.ახალი გენეალოგიური კვლევის მიხედვით, „ეიფორიას“ ვარსკვლავი და მონრო მეცხრე თაობის ბიძაშვილები არიან. უცხოური მედიის ცნობით, მსახიობებს საერთო წინაპარი მამის ხაზით ჰყავთ.აღსანიშნავია ის ფაქტიც, რომ სვინი წლების განმავლობაში მერილინის მიმართ აღფრთოვანებას ღიად გამოხატავდა და მის სტილს არაერთხელ იმეორებდა.როგორც გამოცემა „ფეიჯ სიქსი“ წერს, სიდნი „თანამედროვე მონროა“. 

1791787500

მაიკლ ჯექსონის ქურთუკს ვიდეორგოლიდან Thriller აუქციონზე გაყიდიან

მაიკლ ჯექსონის წითელ-შავ ქურთუკს ვიდეორგოლიდან Thriller აუქციონზე 7 დეკემბერს, აბუ-დაბიში გამოიტანენ.Julien’s Auctions-ის ცნობით, 1983 წლის კლიპის გადაღებებისთვის კოსტიუმების მხატვრის, დებორა ნადულმან ლენდისის პროექტით ორი ქურთუკი დამზადდა. გასაყიდად გამოიტანენ იმ ეგზემპლარს, რომელიც მომღერალს ზომბის გრიმის გარეშე გადაღებულ სცენებში ეცვა - მეორე ეგზემპლარი მის მემკვიდრეებთან ინახება.​ სარჩულსა და სახელოზე ჯექსონის წარწერებია შემორჩენილი.ასევე გაიყიდება სტრაზებით მორთული ხელთათმანი Motown 25-ის გამოსვლიდან, რომლის დროსაც არტისტმა სატელევიზიო აუდიტორიას „მთვარის სიარული“ პირველად წარუდგინა. ის 600-800 ათას დოლარად არის შეფასებული.ლოტების სიას მიეკუთვნება ფეხსაცმლის ორი წყვილიც. აუქციონამდე ნივთებს რამდენიმე ქვეყანაში გამოფენენ, მათ შორის იაპონიაში, ბაჰრეინსა და არაბთა გაერთიანებულ საამიროებში.

1790256420

თამთა გოდუაძე ახალ ამპლუაში: მომღერალი პოდიუმზე გამოჩნდა

ცნობილმა ქართველმა მომღერალმა, თამთა გოდუაძემ, რომელიც წლებია საბერძნეთში საქმიანობს, მორიგი წარმატება ჩაიწერა აქტივში - მან ლონდონის მოდის კვირეულის ფარგლებში, ცნობილი დიზაინერის, Natasha Zinko-ს ჩვენებაზე პოდიუმზე გაიარა.

1789633024

ტომ ჰოლანდი ისტორიაში ყველაზე შემოსავლიანი მსახიობი გახდა

30 წლის ტომ ჰოლანდი კინოს ისტორიაში ყველაზე შემოსავლიანი მსახიობი გახდა. DiscussingFilm-ის ინფორმაციით, იმ ფილმების საერთო სალარო შემოსავალმა, რომლებშიც ის მონაწილეობს, 15,48 მილიარდ დოლარს გადააჭარბა.აგვისტოს ბოლოს ჰოლანდი ყველაზე შემოსავლიანი მსახიობების ათეულში მესამე ადგილს იკავებდა. მსახიობი სიის ლიდერი ფილმების „ადამიანი-ობობა: ახალი დღე“ და „ოდისეა“ წარმატების წყალობით გახდა - მათმა საერთო შემოსავალმა 4 მილიარდ დოლარს გადააჭარბა.ყველაზე შემოსავლიანი მსახიობების პირველი ათეული კი ასე გამოიყურება:1. ტომ ჰოლანდი - $15,48 მილიარდი2. ზოი სალდანა - $15,47 მილიარდი3. სკარლეტ იოჰანსონი - $15,40 მილიარდი4. კრის პრატი - $15,1 მილიარდი5. სემიუელ ლ. ჯექსონი - $14,6 მილიარდი6. რობერტ დაუნი უმცროსი - $14,3 მილიარდი7. ტომ კრუზი - $13,3 მილიარდი8. კრის ჰემსვორთი - $12,1 მილიარდი9. ვინ დიზელი - $12 მილიარდი10. კრის ევანსი - $11,4 მილიარდი.

1789628700

დარიო ვიტალე Emporio Armani-სა და Giorgio Armani Accessories-ის ახალი კრეატიული დირექტორი გახდა

იტალიელი დიზაინერი დარიო ვიტალე Emporio Armani-სა და Giorgio Armani Accessories-ის ახალი კრეატიული დირექტორი გახდა. ინფორმაცია ბრენდმა საკუთარ სოციალურ ქსელებში გაავრცელა.„Armani-ს აქვს ძლიერი მემკვიდრეობა და ცნობადი სტილი - ტრადიციები, რომლებიც ათწლეულებს ითვლის და რომლებმაც მოდის ისტორია ჩამოაყალიბა. მე ამ ყველაფერს უდიდესი პასუხისმგებლობითა და აღფრთოვანებით ვუდგები, რადგან ჩვენ ერთად ვეყრდნობით ამ მდიდარ საძირკველს და ახალ ეპოქას ვხსნით“, - განაცხადა ვიტალემ.ის გახდა პირველი მოწვეული დიზაინერი, რომელსაც Armani Group-ის ერთ-ერთი ბრენდის ხელმძღვანელობა ანდეს. თავისი ისტორიის უდიდესი ნაწილის განმავლობაში ხაზი Emporio Armani უშუალოდ მოდის სახლის დამფუძნებლის, ჯორჯო არმანის ხელმძღვანელობით მუშაობდა. ახალ თანამდებობაზე ვიტალე შექმნის კოლექციებს მოდის სახლის ყოველდღიური ტანსაცმლის ხაზისთვის და აქსესუარებს.ჯორჯო არმანიმ Emporio Armani 1981 წელს დააარსა, როგორც უფრო ხელმისაწვდომი და ახალგაზრდულ აუდიტორიაზე ორიენტირებული ტანსაცმლის ხაზი.

1789563840

„8 წელი უსასრულობამდე“ - ჯასტინ ბიბერმა ჰეილის ქორწინების იუბილე ემოციურად მოულოცა

ჯასტინ და ჰეილი ბიბერებისთვის სექტემბერი განსაკუთრებული თვეა, წყვილმა ქორწინების მერვე წლისთავი აღნიშნა. 32 წლის პოპვარსკვლავმა და 29 წლის მოდელმა ეს მნიშვნელოვანი დღე საკმაოდ მშვიდ, თუმცა რომანტიკულ გარემოში გაატარა და სოციალურ ქსელში თბილი სიტყვების დაწერასაც არ მოერიდა.ჯასტინმა იუბილესთან დაკავშირებით ინსტაგრამზე რამდენიმე ფოტო გამოაქვეყნა, სადაც ის და ჰეილი ერთად ბილიარდს თამაშობენ.„8 წელი უსასრულობამდე, ახალი დასაწყისები. მიყვარხარ, საყვარელო. გილოცავ იუბილეს“, - წერს ჯასტინი. 

1789483915

Emmy 2026-ის გამარჯვებულები დასახელდნენ

ლოს-ანჯელესში Emmy-ის დაჯილდოების 78-ე ცერემონია გაიმართა.საღამოს ტრიუმფატორი სერიალი „ქვრივების ყურე“ გახდა. Apple TV-ის პროექტმა გამარჯვება 14 ნომინაციაში მოიპოვა, მათ შორის „საუკეთესო კომედიური სერიალის“ კატეგორიაში, რითაც ერთ სეზონში კომედიური სერიალისთვის მიღებული ჯილდოების რაოდენობით რეკორდი დაამყარა. Emmy კატეგორიაში „საუკეთესო დრამატული სერიალი“ ზედიზედ მეორედ „პიტის საავადმყოფომ“ მიიღო.მეთიუ რიზი კომედიურ სერიალში საუკეთესო მსახიობ კაცად აღიარეს, სტივენ რუტი კი მეორე პლანის საუკეთესო მსახიობ კაცად. ამასთან ერთად, რიზმა ასევე მიიღო Emmy მინისერიალში საუკეთესო მსახიობი კაცის როლის შესრულებისთვის, შოუსთვის „ჩემში მცხოვრები ურჩხული“ და ისტორიაში პირველი მსახიობი გახდა, რომელმაც ერთ საღამოს ორ სამსახიობო ნომინაციაში გაიმარჯვა.კომედიური სერიალის საუკეთესო მსახიობი ქალი ჯინ სმარტი გახდა, ქეით ო'ფლინს კი ჯილდო ქალის მეორე პლანის საუკეთესო როლის შესრულებისთვის გადაეცა.გამარჯვებულთა სრული სიის ნახვა ამ ბმულზე შეგიძლიათ.

1789281746

6-წლიანი პაუზის შემდეგ სელინ დიონი სცენაზე დაბრუნდა

სელინ დიონი ექვსწლიანი პაუზის შემდეგ სცენაზე დაბრუნდა. მომღერალმა პარიზის რეზიდენციის პირველი კონცერტი ნანტერში გამართა - Plénitude Arena-ზე მის გამოსვლას 30 ათასამდე მაყურებელი დაესწრო.2022 წელს, დიონმა განაცხადა, რომ იშვიათი ნევროლოგიური დაავადების - კუნთების სიხისტის სინდრომი დაუდგინეს. სცენაზე დაბრუნებამდე მომღერალი საზოგადოების წინაშე მხოლოდ რამდენჯერმე გამოჩნდა, მათ შორის 2024 წელს პარიზის ოლიმპიადის გახსნის ცერემონიაზე იმღერა.სულ დიონი ნანტერში 26 კონცერტს გამართავს, რომლებიც 2027 წლის 29 მაისამდე გაგრძელდება.