1789633024

ტომ ჰოლანდი ისტორიაში ყველაზე შემოსავლიანი მსახიობი გახდა

30 წლის ტომ ჰოლანდი კინოს ისტორიაში ყველაზე შემოსავლიანი მსახიობი გახდა. DiscussingFilm-ის ინფორმაციით, იმ ფილმების საერთო სალარო შემოსავალმა, რომლებშიც ის მონაწილეობს, 15,48 მილიარდ დოლარს გადააჭარბა.აგვისტოს ბოლოს ჰოლანდი ყველაზე შემოსავლიანი მსახიობების ათეულში მესამე ადგილს იკავებდა. მსახიობი სიის ლიდერი ფილმების „ადამიანი-ობობა: ახალი დღე“ და „ოდისეა“ წარმატების წყალობით გახდა - მათმა საერთო შემოსავალმა 4 მილიარდ დოლარს გადააჭარბა.ყველაზე შემოსავლიანი მსახიობების პირველი ათეული კი ასე გამოიყურება:1. ტომ ჰოლანდი - $15,48 მილიარდი2. ზოი სალდანა - $15,47 მილიარდი3. სკარლეტ იოჰანსონი - $15,40 მილიარდი4. კრის პრატი - $15,1 მილიარდი5. სემიუელ ლ. ჯექსონი - $14,6 მილიარდი6. რობერტ დაუნი უმცროსი - $14,3 მილიარდი7. ტომ კრუზი - $13,3 მილიარდი8. კრის ჰემსვორთი - $12,1 მილიარდი9. ვინ დიზელი - $12 მილიარდი10. კრის ევანსი - $11,4 მილიარდი.

1789628700

დარიო ვიტალე Emporio Armani-სა და Giorgio Armani Accessories-ის ახალი კრეატიული დირექტორი გახდა

იტალიელი დიზაინერი დარიო ვიტალე Emporio Armani-სა და Giorgio Armani Accessories-ის ახალი კრეატიული დირექტორი გახდა. ინფორმაცია ბრენდმა საკუთარ სოციალურ ქსელებში გაავრცელა.„Armani-ს აქვს ძლიერი მემკვიდრეობა და ცნობადი სტილი - ტრადიციები, რომლებიც ათწლეულებს ითვლის და რომლებმაც მოდის ისტორია ჩამოაყალიბა. მე ამ ყველაფერს უდიდესი პასუხისმგებლობითა და აღფრთოვანებით ვუდგები, რადგან ჩვენ ერთად ვეყრდნობით ამ მდიდარ საძირკველს და ახალ ეპოქას ვხსნით“, - განაცხადა ვიტალემ.ის გახდა პირველი მოწვეული დიზაინერი, რომელსაც Armani Group-ის ერთ-ერთი ბრენდის ხელმძღვანელობა ანდეს. თავისი ისტორიის უდიდესი ნაწილის განმავლობაში ხაზი Emporio Armani უშუალოდ მოდის სახლის დამფუძნებლის, ჯორჯო არმანის ხელმძღვანელობით მუშაობდა. ახალ თანამდებობაზე ვიტალე შექმნის კოლექციებს მოდის სახლის ყოველდღიური ტანსაცმლის ხაზისთვის და აქსესუარებს.ჯორჯო არმანიმ Emporio Armani 1981 წელს დააარსა, როგორც უფრო ხელმისაწვდომი და ახალგაზრდულ აუდიტორიაზე ორიენტირებული ტანსაცმლის ხაზი.

1789563840

„8 წელი უსასრულობამდე“ - ჯასტინ ბიბერმა ჰეილის ქორწინების იუბილე ემოციურად მოულოცა

ჯასტინ და ჰეილი ბიბერებისთვის სექტემბერი განსაკუთრებული თვეა, წყვილმა ქორწინების მერვე წლისთავი აღნიშნა. 32 წლის პოპვარსკვლავმა და 29 წლის მოდელმა ეს მნიშვნელოვანი დღე საკმაოდ მშვიდ, თუმცა რომანტიკულ გარემოში გაატარა და სოციალურ ქსელში თბილი სიტყვების დაწერასაც არ მოერიდა.ჯასტინმა იუბილესთან დაკავშირებით ინსტაგრამზე რამდენიმე ფოტო გამოაქვეყნა, სადაც ის და ჰეილი ერთად ბილიარდს თამაშობენ.„8 წელი უსასრულობამდე, ახალი დასაწყისები. მიყვარხარ, საყვარელო. გილოცავ იუბილეს“, - წერს ჯასტინი. 

1789483915

Emmy 2026-ის გამარჯვებულები დასახელდნენ

ლოს-ანჯელესში Emmy-ის დაჯილდოების 78-ე ცერემონია გაიმართა.საღამოს ტრიუმფატორი სერიალი „ქვრივების ყურე“ გახდა. Apple TV-ის პროექტმა გამარჯვება 14 ნომინაციაში მოიპოვა, მათ შორის „საუკეთესო კომედიური სერიალის“ კატეგორიაში, რითაც ერთ სეზონში კომედიური სერიალისთვის მიღებული ჯილდოების რაოდენობით რეკორდი დაამყარა. Emmy კატეგორიაში „საუკეთესო დრამატული სერიალი“ ზედიზედ მეორედ „პიტის საავადმყოფომ“ მიიღო.მეთიუ რიზი კომედიურ სერიალში საუკეთესო მსახიობ კაცად აღიარეს, სტივენ რუტი კი მეორე პლანის საუკეთესო მსახიობ კაცად. ამასთან ერთად, რიზმა ასევე მიიღო Emmy მინისერიალში საუკეთესო მსახიობი კაცის როლის შესრულებისთვის, შოუსთვის „ჩემში მცხოვრები ურჩხული“ და ისტორიაში პირველი მსახიობი გახდა, რომელმაც ერთ საღამოს ორ სამსახიობო ნომინაციაში გაიმარჯვა.კომედიური სერიალის საუკეთესო მსახიობი ქალი ჯინ სმარტი გახდა, ქეით ო'ფლინს კი ჯილდო ქალის მეორე პლანის საუკეთესო როლის შესრულებისთვის გადაეცა.გამარჯვებულთა სრული სიის ნახვა ამ ბმულზე შეგიძლიათ.

1789281746

6-წლიანი პაუზის შემდეგ სელინ დიონი სცენაზე დაბრუნდა

სელინ დიონი ექვსწლიანი პაუზის შემდეგ სცენაზე დაბრუნდა. მომღერალმა პარიზის რეზიდენციის პირველი კონცერტი ნანტერში გამართა - Plénitude Arena-ზე მის გამოსვლას 30 ათასამდე მაყურებელი დაესწრო.2022 წელს, დიონმა განაცხადა, რომ იშვიათი ნევროლოგიური დაავადების - კუნთების სიხისტის სინდრომი დაუდგინეს. სცენაზე დაბრუნებამდე მომღერალი საზოგადოების წინაშე მხოლოდ რამდენჯერმე გამოჩნდა, მათ შორის 2024 წელს პარიზის ოლიმპიადის გახსნის ცერემონიაზე იმღერა.სულ დიონი ნანტერში 26 კონცერტს გამართავს, რომლებიც 2027 წლის 29 მაისამდე გაგრძელდება.

1788961800

„ერთმა შეხვედრამ ყველაფერი შეცვალა“ - ამბავი ჯორჯინაზე, რომელმაც მსოფლიო დაიპყრო

დღეს ჯორჯინა როდრიგესი ერთ-ერთი ყველაზე ცნობილი ქალის სახელია მსოფლიოში. ძვირად ღირებული სამკაულები, გლამურული ღონისძიებები, მილიონობით გამომწერი და ფეხბურთის ლეგენდის, კრიშტიანუ რონალდუს გვერდით ცხოვრება, - მისი ყოველდღიურობა ახლა ასეთია.თუმცა მისი ისტორია სულ სხვა ადგილიდან იწყება.ჯორჯინა 1994 წელს არგენტინაში დაიბადა, ბავშვობა კი ესპანეთის პატარა ქალაქ ხაკაში გაატარა. მისი ოჯახი შეძლებული არ ყოფილა და ჯორჯინას არაერთხელ უსაუბრია იმ პერიოდზე, როცა ოჯახს ფინანსურად უჭირდა. თავადაც აღნიშნავს, რომ მისი ბავშვობის „სიღარიბედ“ მოხსენიება ბოლომდე ზუსტი არ არის, თუმცა ცხოვრება ნამდვილად არ ყოფილა მარტივი.ბავშვობაში ჯორჯინას ერთი დიდი ოცნება ჰქონდა ბალერინა გამხდარიყო. ცეკვას დიდი მონდომებით სწავლობდა, თუმცა ფინანსურმა სირთულეებმა ოცნების განხორციელება გაართულა.18 წლის ასაკში მან მადრიდში წასვლა გადაწყვიტა და საკუთარი ცხოვრების თავიდან დაწყება სცადა.ჯორჯინას გზა მარტივი არ ყოფილა. მუშაობდა სხვადასხვა ადგილას, მათ შორის მაღაზიაში და ძიძადაც. მოგვიანებით Gucci-ს მაღაზიაში დაიწყო მუშაობა და სწორედ აქ შეხვდა ადამიანს, რომელმაც მისი ცხოვრება სამუდამოდ შეცვალა.კრიშტიანუ რონალდუმათი შეხვედრა ერთი შეხედვით ჩვეულებრივი იყო. რონალდუ Gucci-ს მაღაზიაში მივიდა, სადაც ჯორჯინა კონსულტანტად მუშაობდა. ფეხბურთელსა და ახალგაზრდა გოგონას შორის ურთიერთობა მალევე მეგობრობიდან სიყვარულში გადაიზარდა.მას შემდეგ წლები გავიდა და ჯორჯინას ცხოვრება სრულიად შეიცვალა.ის დღეს უკვე არა მხოლოდ კრიშტიანუ რონალდუს პარტნიორი, არამედ საკუთარი სახელის მქონე მოდელი, ინფლუენსერი და ბიზნესმენი გახდა. მის სოციალურ ქსელებს მილიონობით ადამიანი ადევნებს თვალს, ხოლო მისი ჩაცმულობა და ცხოვრების სტილი ხშირად მსოფლიო მედიის ყურადღების ცენტრში ექცევა.ჯორჯინას ცხოვრების შესახებ Netflix-მა დოკუსერიალიც გადაიღო „I Am Georgina“, რომელმაც მაყურებელს მისი ყოველდღიურობისა და პირადი ცხოვრების კულისებში შეხედვის შესაძლებლობა მისცა.მისი და რონალდუს სიყვარულის ისტორია კი წლების განმავლობაში გრძელდებოდა. წყვილს საერთო შვილებიც ჰყავს და ერთად დიდი ოჯახი შექმნეს.2025 წელს რონალდუმ ჯორჯინას ხელი სთხოვა, ხოლო 2026 წლის აგვისტოში წყვილმა ურთიერთობა ქორწინებით დააკავშირა.დღეს ჯორჯინა იმ ცხოვრებით ცხოვრობს, რომელზეც პატარა ასაკში, ალბათ, ვერც კი იოცნებებდა.და გოგოდან, რომელსაც საკუთარი ოცნებების ასასრულებლად ბევრი დაბრკოლების გადალახვა მოუწია, ქალამდე, რომლის ცხოვრებასაც დღეს მილიონობით ადამიანი თვალს ადევნებს.ჯორჯინას ისტორია კი მხოლოდ რონალდუსთან შეხვედრის ისტორია არ არის, ეს არის ამბავი გოგოზე, რომელმაც რთული დასაწყისის მიუხედავად, საკუთარი ადგილი მსოფლიო ყურადღების ცენტრში იპოვა.

1788520200

ქართველი დიზაინერი Gucci-ს სათავეში - დემნას ახალი ხედვა უკვე ცნობილია

ქართველი დიზაინერი დემნა, რომელმაც მოდის ინდუსტრიაში სახელი Vetements-ითა და Balenciaga-ში შექმნილი გამორჩეული ხედვით გაითქვა, Gucci-ს შემოქმედებითი ხელმძღვანელის რანგში ახალ ეტაპს იწყებს.ბრენდის სათავეში მოსვლის შემდეგ დემნამ Gucci-ს მრავალწლიანი ისტორიისა და მემკვიდრეობის შესწავლა დაიწყო. ახლა კი დიზაინერი აცხადებს, რომ მზად არის, მოდის სახლისთვის სრულიად ახალი მიმართულება შექმნას ისეთი Gucci, რომელიც საკუთარ წარსულს პატივს სცემს, თუმცა ამავდროულად დემნას ინდივიდუალურ ხელწერასაც მკაფიოდ წარმოაჩენს.დიზაინერის ერთ-ერთი მთავარი მიზანი ახალი სილუეტებისა და პროპორციების შექმნაა. მისი ხედვით, Gucci-ს უნდა ჰქონდეს ისეთი გამორჩეული ფორმები, რომლებიც ბრენდის ახალი სავიზიტო ბარათი გახდება.როგორც Chanel-ი ცნობილია თავისი ოთხკუთხა პიჯაკით, ხოლო Dior-ი  ქვიშის საათის ფორმის სილუეტით, დემნას სურს, Gucci-სთვისაც შექმნას ისეთი დიზაინი, რომელიც ერთი შეხედვითვე მოდის სახლთან ასოცირდება.ამგვარად, დემნას ხედვა მხოლოდ Gucci-ს განახლებას არ გულისხმობს, მისი მიზანია, ბრენდისთვის ახალი ესთეტიკის შექმნა და მოდის სამყაროში საკუთარი ეპოქის დაწყება.

1788427098

Netflix-ი მეთიუ პერის შესახებ დოკუმენტურ სერიალს გამოუშვებს

Netflix-ზე ამერიკელი მსახიობის, მეთიუ პერის ცხოვრების შესახებ დოკუმენტური სერიალი გამოვა. პროექტის „მეთიუ პერის ისტორია“ რეჟისორი მერი რობერტსონია. სურათი სამი ნაწილისგან შედგება. სერიალს კომპანია Maxine Productions-ი გადაიღებს, რომელიც Sony Pictures Television-ის ნაწილია. „ეს არის პირველი დეტალური დოკუმენტური ფილმი სერიალ «მეგობრების» საყვარელი ვარსკვლავის შესახებ, რომელსაც ის ადამიანები ყვებიან, ვინც მას ყველაზე კარგად იცნობდა“, - იუწყება სტრიმინგ სერვისი.ნამუშევარი მოიცავს ინტერვიუებს მსახიობის დასა და მის ახლო მეგობრებთან. ისინი ისაუბრებენ მეთიუზე, როგორც ამომავალ კომედიურ ვარსკვლავზე და როგორც მეგობარზე, რომელიც დღემდე ახსოვთ და უყვართ.მეთიუ პერი 2023 წლის 28 ოქტომბერს გარდაიცვალა. გარდაცვალების მიზეზი გახდა იმ პრეპარატის დოზის გადაჭარბება, რომელიც მას შფოთვისა და დეპრესიის თერაპიისთვის ჰქონდა დანიშნული.

1787655058

ვუდი ალენი ახალ ფილმზე მუშაობს

ოქტომბერში ესპანეთში ვუდი ალენის ახალი სრულმეტრაჟიანი ფილმის გადაღებები დაიწყება. Deadline-ის ცნობით, პროექტი „უპირატესად ინგლისურენოვანი“ იქნება. ფილმში მონაწილეობას მიიღებს მსახიობთა „ვარსკვლავური შემადგენლობა“, რომელიც ჯერ ბოლომდე არ დაკომპლექტებულა. ამ ეტაპზე ასევე უცნობია სურათის სახელწოდება და სიუჟეტის დეტალები.ალენის ბოლო სრულმეტრაჟიანი ფილმი „დიდი იღბალი“, რომელიც ფრანგულ ენაზეა გადაღებული, 2023 წელს გამოვიდა. სურათის მსოფლიო პრემიერა ვენეციის კინოფესტივალზე შედგა. „დიდი იღბლის“ გადაღებების დაწყებამდე ალენმა განაცხადა, რომ ამ ნამუშევარზე მუშაობის დასრულების შემდეგ კინოკარიერის დასრულებას გეგმავდა: „ჩემი ახალი ფილმი რიგით 50-ე იქნება. ვფიქრობ, ეს შესანიშნავი მომენტია შესაჩერებლად“.

1787300640

ჯონი დეპი შესაძლოა „კარიბის ზღვის მეკობრეების“ მე-6 ნაწილში დაბრუნდეს - მიმდინარეობს მოლაპარაკებები

კაპიტანი ჯეკ ბეღურა, შესაძლოა, დიდ ეკრანებს კვლავ დაუბრუნდეს. საკულტო ფრენჩაიზის, „კარიბის ზღვის მეკობრეების“ პროდიუსერმა, ჯერი ბრუკჰაიმერმა ოფიციალურად დაადასტურა, რომ ჯონი დეპთან მოლაპარაკებები მიმდინარეობს. მისი თქმით, ამჟამად ფილმის სცენარზე მუშაობა აქტიურად მიმდინარეობს და სტუდია დეპის პერსონაჟის დაბრუნების შესაძლებლობას განიხილავს. „ჩვენ ვმუშაობთ სცენარზე და ძალიან ვისურვებდი, რომ ჯონი ამ პროექტში ვიხილოთ. მე მასთან მშვენიერი ურთიერთობა მაქვს და ამ საკითხზე დისკუსიები ნამდვილად გვაქვს“, - განაცხადა ბრუკჰაიმერმა.როგორც ცნობილია, Disney ამჟამად ფრენჩაიზის გაგრძელების რამდენიმე ვერსიაზე მუშაობს, რომელთაგან ერთი სწორედ ჯეკ ბეღურას ისტორიის გაგრძელებას ითვალისწინებს.

1787077851

დემნა გვასალიას მიერ შექმნილი საქორწილო სამოსი - როგორ ჩაიწერა ქართველი დიზაინერი რონალდუსა და ჯორჯინას სიყვარულის ისტორიაში

კრიშტიანუ რონალდუმ და ჯორჯინა როდრიგესმა 11 აგვისტოს, მათი ურთიერთობის დაწყებიდან ზუსტად 10 წლის შემდეგ, პორტუგალიაში, ვიწრო წრეში იქორწინეს. ცერემონიას მხოლოდ წყვილის შვილები ესწრებოდნენ.ქორწილის დეტალები და ფოტოები ჟურნალმა Vogue-მა გაავრცელა. გამოცემასთან ინტერვიუში ჯორჯინამ განმარტა, რატომ გადაწყვიტეს მნიშვნელოვანი დღის სახლში, ოჯახის გარემოცვაში აღნიშვნა.„გადავწყვიტეთ, ეს ჩვენი სახლის მისაღებ ოთახში გაგვეკეთებინა, სადაც საუზმეს, სადილსა და ვახშამს მივირთმევთ. სადაც ჩვენი ყოველდღიური ცხოვრება მიედინება. მინდა, 30 წლის შემდეგ ბავშვებს გაახსენდეთ, რომ ამ მაგიდასთან რაღაც მშვენიერი მოხდა. მათი მშობლების საქორწინო აღთქმა დაიდო“,- განაცხადა ჯორჯინამ.წყვილს განსაკუთრებული დღისთვის GUCCI-ს სამოსი ეცვა, რომლის შემოქმედებით დირექტორად ქართველი დიზაინერი დემნა გვასალია მუშაობს.დემნამ Vogue-თან ინტერვიუში რონალდუსა და ჯორჯინას საქორწილო სამოსში გამოწყობაზე ისაუბრა და აღნიშნა, რომ ეს მისთვის განსაკუთრებით ემოციური მომენტი იყო.„ჩემთვის ძალიან ემოციური იყო ამ განსაკუთრებული მომენტისთვის ჯორჯინასა და კრიშტიანუს შემოსვა, რადგან ვიცი, რომ მათი სიყვარულის ისტორია მადრიდის GUCCI-ს მაღაზიაში დაიწყო. ამაში რაღაც ძალიან რომანტიკულია, ლამაზი წრე იკვრება. ეს თითქმის თანამედროვე ზღაპარს ჰგავს“,- განაცხადა დემნა გვასალიამ.საინტერესოა, რომ სწორედ მადრიდის GUCCI-ს მაღაზიას უკავშირდება წყვილის სიყვარულის ისტორიის დასაწყისი. ამიტომ დემნასთვის მათი ქორწილისთვის სამოსის შექმნა, როგორც თავად ამბობს, ამ ისტორიის ერთგვარი სიმბოლური გაგრძელება აღმოჩნდა.რონალდუსა და ჯორჯინას ქორწილის ფოტოები და სრული ინტერვიუ ჟურნალ Vogue-ში გამოქვეყნდა.

1786628760

ნიკოლას ჰოლტი სერიალ „ჰარი პოტერში“ ითამაშებს

მსახიობი ნიკოლას ჰოლტი HBO-ს სერიალ „ჰარი პოტერის“ მეორე სეზონში გილდეროი ლოკჰარტის როლს შეასრულებს.ჰარი პოტერის შესახებ გადაღებულ ფილმებში გილდეროი ლოკჰარტის პერსონაჟი ასევე ფრანშიზის მეორე ნაწილში, „ჰარი პოტერი და საიდუმლო ოთახში“ ჩნდება. სურათში ეს როლი ბრიტანელმა მსახიობმა კენეტ ბრანამ შეასრულა.სერიალის მეორე სეზონის გადაღებები შემოდგომაზე, HBO-ს პროექტის პირველი ეპიზოდების ეკრანებზე გამოსვლამდე დაიწყება. სერიალის პირველი სეზონის სცენარისტი ჯონ ბრაუნი ახალი ნაწილის შოურანერი გახდება და პროექტის ამჟამინდელ აღმასრულებელ პროდიუსერს, ფრანჩესკა გარდინერს შეუერთდება.36 წლის ნიკოლას ჰოლტმა პოპულარობა ჯერ კიდევ ბავშვობაში მოიპოვა ჰიუ გრანტთან ერთად ფილმში „ბიჭის შესახებ“ მარკუსის როლის წყალობით, როდესაც BAFTA-ს პრემიის ერთ-ერთი ყველაზე ახალგაზრდა ნომინანტი გახდა. მის ბოლო პროექტებს შორის არის იორგოს ლანთიმოსის ფილმი „ფავორიტი“, რობერტ ეგერსის „ნოსფერატუ“, ჯეიმს განის „სუპერმენი“.