1794738792

ვეცადოთ ყველანაირად შევასრულოთ ღვთის ნება, ჩვენი ცხოვრებით, ჩვენი საქმით ვადიდოთ ღმერთის ყოვლადწმინდა სახელი - შიო მესამე

პატრიარქმა ქადაგებისას ანგარებიან შიშზე ისაუბრა და მრევლს ამ შიშისგან გათავისუფლება ურჩია. შიო მესამემ სადღესასწაულო ლიტურგია სამების საკათედრო ტაძარში აღავლინა.დღესვე სამების ტაძარში, საყოველთაო ნათლობის 75-ე ეტაპი გაიმართება. პატრიარქის ნათლული, ჯვარდაწერილი მშობლების მესამე და მომდევნო შვილები გახდებიან.„წაკითხული იყო სახარებიდან ეპიზოდი უფალი იესო ქრისტეს მიერ ეშმაკეულის განკურნებაზე. ბოროტი სულები მიხვდნენ რა რომ დადგა დასასრული ამ საწყალ კაცზე ბატონობის, სთხოვეს უფალს ნება მიეცა ღორების კოლტში შესულიყვნენ. ეს ღორების კოლტი გადაეშვა კლდიდან წყალში და დაიღუპა. როცა მიიღო ეს ძალაუფლება, სხვა ვერაფერი მოიფიქრა გარდა იმისა, რომ ეს საწყალი პირუტყვი დაეღუპა. მით უმეტეს სძულს ადამიანი და რომ ჰქონდეს შესაძლებლობა, ზუსტად ასე მოექცეოდა. ქალაქის მცხოვრებლებმა ეს რომ გაიგეს, უფალთან შესახვედრად გამოვიდნენ და სთხოვეს, რომ შორს წასულიყო მათი ქალაქიდან. ფიქრობდნენ, ისედაც რამდენი ზარალი ვნახეთ ღორების კოლტის დაღუპვით, როცა შემოვა, რაღას იზამსო. ეს არის ანგარებიანი შიშის მაგალითი. ასეთი რამ ხდება, როდესაც ადამიანს ეშინია თავის სულში შემოუშვას ღმერთი. როდესაც ადამიანი ასე დაჟინებით მოითხოვს, რომ მისი შინაგანი სულიერი სამყარო არაფერმა შეაწუხოს, მაშინ ძალიან ემსგავსება გადარინელებს, რომლებმაც უფალს სთხოვეს მათ ქალაქს მოშორებოდა. ვეცადოთ ყველანაირად შევასრულოთ ღვთის ნება, ჩვენი ცხოვრებით, ჩვენი საქმით ვადიდოთ ღმერთის ყოვლადწმინდა სახელი“, - განაცხადა შიო მესამემ.

1794737685

რატომ დგამენ წყლიან ჯამს რადიატორზე - მარტივი ხრიკი, რომელიც ზამთარში სახლში კომფორტს შეგიქმნით

ზამთარში, როდესაც გათბობა მუდმივად ჩართულია, სახლში ჰაერი ხშირად ზედმეტად შრება. სპეციალისტების რეკომენდაციით, ამ პრობლემის შესამსუბუქებლად ერთი მარტივი მეთოდი არსებობს - რადიატორზე ან მის ქვეშ წყლით სავსე ჭურჭლის დადგმა.გათბობის სეზონზე ცხელი რადიატორები ოთახში ჰაერს აშრობს. ამის გამო შესაძლოა კანი და ლორწოვანი გარსები გამოშრეს, ყელში გაღიზიანება და ხველაც გაჩნდეს.წყლიანი ჭურჭლის დადგმის იდეა მარტივია: რადიატორის სითბოს ზემოქმედებით წყალი ნელ-ნელა ორთქლდება და ოთახში ტენიანობას ზრდის. შედეგად, მშრალი ჰაერით გამოწვეული დისკომფორტი მცირდება და ოთახში ყოფნა უფრო სასიამოვნო ხდება.რატომ შეიძლება გახდეს ოთახი უფრო კომფორტული?ჰაერის ტენიანობის გაზრდამ შეიძლება სითბოს შეგრძნება გააუმჯობესოს. სწორედ ამიტომ, ეს მეთოდი განსაკუთრებით გამოსადეგია საძინებელსა და მისაღებ ოთახში.ეს მარტივი საყოფაცხოვრებო ხრიკი დამატებითი ხარჯების გარეშე დაგეხმარებათ გათბობის სეზონზე სახლში უფრო სასიამოვნო გარემოს შექმნაში.

1794737673

„ღირსეული ღირსეულად წავიდა - არ უყადრებდა თავს განუკურნებელ დაავადებას!“ – ნანა აკობიძე ლელა სამნიაშვილს ემოციურად ემშვიდობება

„ლელა სამნიაშვილი ჩვენთვის, რეზო გეთიაშვილის მეგობრებისთვის პირველ რიგში იყორეზოს ლელა.რეზოს ლელადვე დარჩება.ქართულ ლიტერატურას კი სამუდამოდ დარჩება ის დიდებული პოეზია და თარგმანები, რაც მოკლე დროში მოასწრო.ღირსეული ღირსეულად წავიდა: არ უყადრებდა თავს განუკურნელ დაავადებას - მხოლოდ ვიწრო წრემ იცოდა ამის შესახებ.შეხვედრამდე, რეზოს ლელავ - ყველანი იქ მოვალთ, ასე სათითაოდ გამოვიკრიფებით. ..მაგრამ საშინლად, უსაშინლესად ადრე იყო ჯერ შენთვის და ძალიან ცოტაა რეზოსთვის თქვენი ერთად ნაცხოვრები ცხოვრება.ასეთი მემახსოვრები: თქვენი ქორწილიდან, 17 წლის წინ.მშვიდობით, ლამაზო, ჭკვიანო, ამაყო და ღირსეულო ლელა სამნიაშვილო!“,- წერს ნანა აკობიძე. 

1794734937

GWP სპეციალურ განცხადებას ავრცელებს

ხვალ, 16 ნოემბერს, „ჯორჯიან უოთერ ენდ ფაუერი“ მთაწმინდის რაიონში, რუსთაველის გამზირის სრული რეაბილიტაციის ფარგლებში, ჭავჭავაძისა და არსენას ქუჩების კვეთაზე წყალმომარაგების ახლად მოწყობილ ქსელზე ბოლო ეტაპის გადაერთებით სამუშაოებს ჩაატარებს.განახლებული მაგისტრალური მილის ექსპლუატაციაში შესვლის მიზნით, კომპანიის ტექნიკური ჯგუფები სამუშაოებს 16 ნოემბერს, დილის 11:00 საათზე დაიწყებენ და მთელი დღის განმავლობაში ინტენსიურ რეჟიმში შეასრულებენ. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, ხვალ, 16 ნოემბერს, 11:00 საათიდან 17 ნოემბრის დილის 08:00 საათამდე წყალმომარაგება შეეზღუდება:რუსთაველის გამზირს. გუდიაშვილის, ფურცელაძის, ვაჩნაძის, გრ.აბაშიძის, ჯორჯაძის, ვ.აბაშიძის, რ.ლაღიძის, მესხიას, ზანდუკელი, გაბაშვილის, ძმები კაკაბაძეების, ქიაჩელის, ბოცვაძის, ახვლედიანის, ეკალაძის, უშანგი ჩხეიძის, მარჯანიშვილის N1-13, N2-22, თაბუკაშვილის ქუჩა N25-51, N30- 48, კოსტავას გამზ. N1-25, ვაშლოვანის, მიმინოშვილის, კობახიძის, ნიკო ნიკოლაძის N 1, 3, 5, N2-4, მიხეილ ჯავახიშვილის,ზუბალაშვილების, გრიბოედოვის, მიტროფანე ლაღიძის, ბესიკის, ჟორდანიას, ჭანტურიას, ზალდასტანიშვილის, სეფერთელაძის, სარაჯიშვილის, აბაკელიას;ცხემის შესახვევს და ჩიხს, რიწის ქუჩა N1-5, ალ.ჭავჭავაძის, ზაალ ქიქოძის, სულიკო ჟღენტის, შევჩენკოს, ლესია უკრაინკას, 8 მარტის, ბორბალოს, არსენას, ალ. ჭავჭავაძის, ბესიკის, მთაწმინდის, კოტეტიშვილის, თხინვალის და სულიკო ჟღენტის ქუჩებს, ვეძინის, თორაძის, ხოშტარიას, ა. ქუთათელაძის, ჯუღელის, მერაბ კოსტავას 1 შესახვევს, კოტე მესხის, ვეძინის, ელიზბარ ზედგენიძის, გიორგი გიგაურის ქუჩებს, ალ.ჭავჭავაძის I, II ჩიხს და შესახვევს.

1794732839

წვევამდელთა ეროვნულ სამხედრო სამსახურში 11 თვის ვადით ნებაყოფლობით დარეგისტრირებულმა წვევამდელებმა სამხედრო ფიცი დადეს

წვევამდელთა ეროვნულ სამხედრო სამსახურში 11 თვის ვადით ნებაყოფლობით დარეგისტრირებულმა წვევამდელებმა სენაკში სამხედრო ფიცი დადეს. მათ სამხედრო ფიცის მიღება თავდაცვის ძალების დასავლეთის სარდლობისა და მე-3 ქვეითი ბრიგადის ხელმძღვანელებმა მიულოცეს და წარმატებული სამხედრო სამსახური უსურვეს. ცერემონიალი მე-3 ქვეითი ბრიგადის 31-ე ბატალიონის დისლოკაციის ადგილზე გაიმართა, სადაც შეიარაღებისა და ტექნიკის გამოფენაც მოეწყო. ღონისძიებას წვევამდელთა მშობლები და ახლობლები დაესწრნენ.დღეიდან წვევამდელების ნაწილი სწავლას გორში, დავით აღმაშენებლის სახელობის ეროვნული თავდაცვის აკადემიაში, უმცროს ოფიცერთა მომზადების კურსზე გააგრძელებს, ნაწილი კი კოჯორში, გიორგი ანწუხელიძის სახელობის სერჟანტთა აკადემიაში - ათეულისა და ოცეულის სერჟანტის საკარიერო კურსს გაივლის. სასწავლო პროგრამების დასრულების შემდეგ წვევამდელები 31-ე ქვეით ბატალიონში უმცროს სამეთაურო თანამდებობებზე დაბრუნდებიან და 6 თვის ვადით გაწვეულ წვევამდელებთან ერთად ოცეულის მეთაურის თანაშემწის, ოცეულის სერჟანტის თანაშემწის, ათეულის მეთაურისა და საშტაბო პოზიციებზე გააგრძელებენ სამსახურს.11-თვიანი სამხედრო სამსახურის დასრულების შემდეგ წვევამდელებს ოფიცრის (ლეიტენანტის), სერჟანტის ან უმცროსი სერჟანტის წოდება მიენიჭებათ. სამხედრო სამსახურის პერიოდში ისინი უმცროს სამეთაურო თანამდებობებზე იმსახურებენ, ხოლო ნებაყოფლობითი რეგისტრაციის შემთხვევის გამო, ანაზღაურებაზე 30%-იან დანამატს მიიღებენ.სამხედრო ფიცის მიღებამდე წვევამდელებმა 6-კვირიანი საწყისი საბრძოლო მომზადების კურსი გაიარეს. პროგრამის ფარგლებში მათ შეისწავლეს კავშირგაბმულობა, საცეცხლე, ტაქტიკური, სამედიცინო, საინჟინრო და სამწყობრო მომზადება, ასევე ტოპოგრაფია. სამხედრო დისციპლინების ათვისების პარალელურად, წვევამდელები დასავლეთ საქართველოში არსებულ კულტურულ ძეგლებს - გელათის მონასტერსა და მოწამეთას სამონასტრო კომპლექსს ესტუმრნენ, ასევე იმყოფებოდნენ ზუგდიდში, დადიანების სასახლესა და ბოტანიკურ ბაღში.

1794729180

სამების ტაძარში დღეს საყოველთაო ნათლობის 75-ე ეტაპი ჩატარდება

პატრიარქი დღეს არაერთ ბავშვს მონათლავს, რომლებიც ჯვარდაწერილი მშობლების, მესამე და მომდევნო შვილები არიან. სამების საკათედრო ტაძარში საყოველთაო ნათლობის 75-ე ეტაპი დღის მეორე ნახევარში დაიწყება.ამ წუთებში შიო მესამე საკვირაო ლიტურგიას აღავლენს.

1794728236

„13 ნოემბერს გავიდა სახლიდან და უკან აღარ დაბრუნებულა“ - ბათუმში გაუჩინარებულ გოგონას ეძებენ

ბა­თუმ­ში გა­უ­ჩი­ნა­რე­ბულ გო­გო­ნას ეძე­ბენ. სო­ცი­ა­ლურ ქსელ­ში გავ­რცე­ლე­ბუ­ლი ინ­ფორ­მა­ცი­ით, გო­გო­ნა 13 ნო­ემ­ბერს გა­ვი­და სახ­ლი­დან და უკან აღარ დაბ­რუ­ნე­ბუ­ლა.“სას­წრა­ფოდ იძებ­ნე­ბა მა­რი­ტა, გთხოვთ დაგ­ვეხ­მა­როთ !ვე­ძებთ ჩემს მე­გო­ბარს, რო­მე­ლიც 13 ნო­ემ­ბერს გა­ვი­და სახ­ლი­დან და უკან აღარ დაბ­რუ­ნე­ბუ­ლა.სა­ცხოვ­რე­ბე­ლი კორ­პუ­სის სა­დარ­ბა­ზო­დან 21:48 სა­ათ­ზე გა­ვი­და, გა­და­ად­გი­ლე­ბა ბა­თუმ­ში, გორ­გი­ლა­ძის ქუ­ჩი­დან და­ი­წყო, 23:32 სა­ათ­ზე სათ­ვალ­თვა­ლო კა­მე­რამ ის ახალ­შე­ნის მი­მარ­თუ­ლე­ბით და­ა­ფიქ­სი­რა. ბოლო ინ­ფორ­მა­ცი­ით ახალ­შე­ნის მე­ურ­ნე­ო­ბას გას­ცდა, ამის შემ­დეგ კვა­ლი იკარ­გე­ბაჩაც­მუ­ლო­ბაშავი ჰუდი სტა­ფი­ლოს­ფე­რი დე­ტა­ლე­ბითმუქი ფე­რის შარ­ვა­ლინაც­რის­ფე­რი კრო­ქ­სე­ბი.თუ ვინ­მეს გაქვთ რა­ი­მე ინ­ფორ­მა­ცია მა­რი­ტას ად­გილ­სამ­ყოფ­ლის ან მისი გა­და­ად­გი­ლე­ბის შე­სა­ხებ, გთხოვთ, და­უ­ყოვ­ნებ­ლივ დაგ­ვი­კავ­შირ­დეთ:571 125 859593 222 165ასე­ვე შე­გიძ­ლი­ათ მომ­წე­როთ პი­რად შე­ტყო­ბი­ნე­ბა­შიგთხოვთ, გა­და­ა­ზი­ა­როთ პოს­ტი. თი­თო­ე­ულ ინ­ფორ­მა­ცი­ას უდი­დე­სი მნიშ­ვნე­ლო­ბა აქვს!”- ინფორმაციას დაკარგული გოგონას ახლობელი ავრცელებს.

1794727866

რუსთაველის გამზირის სრული რეაბილიტაციის ფარგლებში, 16 ნოემბერს რამდენიმე ქუჩაზე წყალმომარაგება შეიზღუდება - GWP

16 ნოემბერს, „ჯორჯიან უოთერ ენდ ფაუერი“ მთაწმინდის რაიონში, რუსთაველის გამზირის სრული რეაბილიტაციის ფარგლებში, ჭავჭავაძისა და არსენას ქუჩების კვეთაზე, წყალმომარაგების ახლად მოწყობილ ქსელზე ბოლო ეტაპის გადაერთებით სამუშაოებს ჩაატარებს, – ამის შესახებ განცხადებას „ჯორჯიან უოთერ ენდ ფაუერი“ ავრცელებს.კომპანიის ცნობით, განახლებული მაგისტრალური მილის ექსპლუატაციაში შესვლის მიზნით, კომპანიის ტექნიკური ჯგუფები სამუშაოებს 16 ნოემბერს, დილის 11:00 საათზე დაიწყებენ და მთელი დღის განმავლობაში, ინტენსიურ რეჟიმში შეასრულებენ.„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, ხვალ, 16 ნოემბერს, 11:00 საათიდან, 17 ნოემბრის დილის 08:00 საათამდე წყალმომარაგება შეეზღუდება: რუსთაველის გამზირს. გუდიაშვილის, ფურცელაძის, ვაჩნაძის, გრ.აბაშიძის, ჯორჯაძის, ვ.აბაშიძის, რ.ლაღიძის, მესხიას, ზანდუკელი, გაბაშვილის, ძმები კაკაბაძეების, ქიაჩელის, ბოცვაძის, ახვლედიანის, ეკალაძის, უშანგი ჩხეიძის, მარჯანიშვილის N1-13, N2-22, თაბუკაშვილის ქუჩა N25-51, N30-48, კოსტავას გამზ. N1-25, ვაშლოვანის, მიმინოშვილის, კობახიძის, ნიკო ნიკოლაძის N 1, 3, 5, N2-4, მიხეილ ჯავახიშვილის,ზუბალაშვილების, გრიბოედოვის, მიტროფანე ლაღიძის, ბესიკის, ჟორდანიას, ჭანტურიას, ზალდასტანიშვილის, სეფერთელაძის, სარაჯიშვილის, აბაკელიას; ცხემის შესახვევს და ჩიხს, რიწის ქუჩა N1-5, ალ.ჭავჭავაძის, ზაალ ქიქოძის, სულიკო ჟღენტის, შევჩენკოს, ლესია უკრაინკას, 8 მარტის, ბორბალოს, არსენას, ალ. ჭავჭვაძის, ბესიკის, მთაწმინდის, კოტეტიშვილის, თხინვალის და სულიკო ჟღენტის ქუჩებს, ვეძინის, თორაძის, ხოშტარიას, ა. ქუთათელაძის, ჯუღელის, მერაბ კოსტავას 1 შესხვევს, კოტე მესხის, ვეძინის, ელიზბარ ზედგენიძის, გიორგი გიგაურის ქუჩებს, ალ.ჭავჭავაძის I , II ჩიხის და შესახვევს.„ჯორჯიან უოთერ ენდ ფაუერი“ ბოდიშს უხდის მოსახლეობას შექმნილი დისკომფორტისთვის.წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, „ფეისბუქისა“ და ვებგვერდის მეშვეობით“,- აღნიშნულია „ჯორჯიან უოთერ ენდ ფაუერის“ განცხადებაში.

1794725478

რატომ ვწერთ SMS-ს დარეკვის ნაცვლად - მკვლევრებმა ამ ჩვევის ფსიქოლოგიური მიზეზები ახსნეს

ჩვევა, დაწეროთ შეტყობინება და არ დარეკოთ, ანტისოციალურობას არ ნიშნავს: ასეთი ადამიანების 4 თვისებასულ უფრო მეტი ადამიანი ანიჭებს უპირატესობას ტექსტური შეტყობინებების გაგზავნას, ნაცვლად დარეკვისა. ამ, ერთი შეხედვით, უმნიშვნელო ქცევის მიღმა საინტერესო ფსიქოლოგიური მექანიზმები იმალება, რომლებიც მეტყველებს იმაზე, თუ როგორ ვურთიერთობთ სამყაროსთან, - წერს გამოცემა Psychologies.კორნელის უნივერსიტეტის მკვლევართა აზრით, ეს არჩევანი ბევრ რამეს ამბობს იმაზე, თუ როგორ აწყობთ ურთიერთობებს, როგორ მართავთ ემოციებს და როგორ ანაწილებთ პრიორიტეტებს. აღმოჩნდა, რომ მსგავსი ქცევა შესაძლოა თქვენი პიროვნების სიღრმისეულ თვისებებს ასახავდეს.ამ დასკვნამდე მისასვლელად ამერიკელმა ფსიქოლოგებმა 24 ადამიანის მობილური კავშირის (ზარებისა და SMS-ების) 18-თვიანი ჩანაწერები გააანალიზეს.მათი კვლევა აჩვენებს, რომ კომუნიკაციის სქემები (როდის რეკავენ და როდის წერენ შეტყობინებას) ხშირად განსხვავდება არხის მიხედვით, რაც შეიძლება სხვადასხვა ჩვევას, საჭიროებასა თუ ფსიქოლოგიურ პრეფერენციას გამოხატავდეს:1. მოქმედებამდე გააზრების საჭიროება  - ადამიანები, რომლებიც შეტყობინებების გაგზავნას ამჯობინებენ, ხშირად „შინაგანი ანალიტიკოსები“ არიან. მათ სჭირდებათ დრო, რათა პასუხის გაცემამდე აზრები დაალაგონ და მათი ნათქვამი უფრო ზუსტი და გააზრებული იყოს.2. სიცხადისა და სიზუსტისკენ სწრაფვა - SMS-ის ერთ-ერთი უპირატესობა ისაა, რომ გაგზავნამდე სიტყვების ხელახლა ფორმულირების, გადაკითხვისა და კორექტირების საშუალებას იძლევა. ეს კომუნიკაციაში სიცხადისკენ სწრაფვაზე მიუთითებს. მათთვის, ვინც ურთიერთობის ამ ფორმას ირჩევს, სიტყვების სიზუსტეს პირველხარისხოვანი მნიშვნელობა აქვს, წერილობითი ფორმა კი შეტყობინების დახვეწის შესაძლებლობას აძლევს.3. ზედაპირულ ურთიერთობაზე უარის თქმა - გამოცემა აღნიშნავს, რომ სატელეფონო ზარები ხშირად მოითხოვს თავაზიანი ფრაზების გაცვლას, რაც ზოგჯერ ნაძალადევად ჟღერს, ასევე ისეთ ტონს, რომელიც შეიძლება ხელოვნურად გამოიყურებოდეს. მათთვის, ვინც SMS-ს ამჯობინებს, მსგავსი ზედაპირული ინტერაქცია დამღლელია. სამაგიეროდ, ტექსტური შეტყობინებები აზრების უფრო უშუალოდ გამოხატვის საშუალებას იძლევა, ყოველგვარი როლური თამაშის გარეშე.4. ემოციური დატვირთვის მართვა - სტატიაში აღნიშნულია, რომ სატელეფონო საუბრები შესაძლოა ემოციურად დამქანცველი იყოს, რადგან მყისიერ ყურადღებასა და ემოციების მუდმივ კონტროლს მოითხოვს. ისინი, ვინც მიმოწერას ირჩევენ, ხშირად ძალიან ყურადღებით ეკიდებიან საკუთარ ემოციურ მდგომარეობას და ურჩევნიათ, ეს დატვირთვა უფრო აწონ-დაწონილად მართონ.„შეტყობინებების გაცვლა მათ საშუალებას აძლევს, უპასუხონ მაშინ, როცა თავს მზად გრძნობენ და საუბარი შეუძლიათ“,  - ასკვნის გამოცემა.

1794721927

როგორი ამინდია მოსალოდნელი დღეს საქართველოში

15 ნოემბერს ქუთაისში წვიმიანი ამინდი იქნება, დღისით +24 და ღამით +14 გრადუსი დაფიქსირდება.ოზურგეთში მზიანი დღე იქნება. დღისით +23 გრადუსი დაფიქსირდება, ღამით კი +13 გრადუსი იქნება.ბათუმშიც მზიანი ამინდია მოსალოდნელი, დღისით ჰაერი +24 გრადუსამდე გათბება, ხოლო ღამით +14 გრადუსი დაფიქსირდება.უნალექო დღე იქნება ფოთში. დღისით +23 გრადუსი დაფიქსირდება, ღამით კი +14 გრადუსია მოსალოდნელი. ზუგდიდში წვიმიან ამინდს ვარაუდობენ. ჰაერის ტემპერატურა დღისით +23, ღამით კი +13 გრადუსი იქნება.სოხუმშიც იწვიმებს. +20 გრადუსია მოსალოდნელი დღისით, ღამით +13 გრადუსი დაფიქსირდება.მესტიაშიც წვიმიანი დღეა, დღისით +10 გრადუსი იქნება, ღამით კი +4 გრადუსი დაფიქსირდება. ლენტეხშიც წვიმაა, დღისით +9, ღამით +5 გრადუსი იქნება.ამბროლაურშიც იწვიმებს, დღისით ჰაერი +18 გრადუსამდე გათბება, ღამით კი +8 გრადუსი დაფიქსირდება.ჭიათურაშიც იწვიმებს, დღისით +19 გრადუსი, ღამით კი +9 გრადუსი დაფიქსირდება.ახალციხეში მზიანი დღეა ნავარაუდები, დღისით +16 გრადუსი, ღამით კი +6 გრადუსი იქნება.ახალქალაქში იწვიმებს. დღისით +12 გრადუსი, ღამით კი +2 იქნება.ბორჯომში მზიანი ამინდი იქნება. დღისით +15 ღამით კი +8 გრადუსი დაფიქსირდება.უნალექო დღეა მოსალოდნელი ბაკურიანშიც, დღისით +12 გრადუსია მოსალოდნელი, ღამით -1 გრადუსი დაფიქსირდება.მზიან დღეს ელოდებიან გორში, დღისით +16 გრადუსი, ღამის განმავლობაში კი +7 გრადუსი დაფიქსირდება.ცხინვალში წვიმაა მოსალოდნელი, ჰაერის ტემპერატურა +20 გრადუსი იქნება, ღამით კი +6 გრადუსი დაფიქსირდება.გუდაურში მზიანი დღეა მოსალოდნელი, დღის განმავლობაში +7 გრადუსი დაფიქსირდება, ღამით კი ჰაერის ტემპერატურა -1 გრადუსი იქნება.ომალოშიც მზიან ამინდის პროგნოზირებენ. დღისით 8, ღამით კი 0 გრადუსი დაფიქსირდება.ლაგოდეხში მზიანი დღე იქნება, ჰაერის ტემპერატურა დღის განმავლობაში +18 გრადუსი იქნება, ღამით კი +11 გრადუსი დაფიქსირდება.თელავშიც მზიანი ამინდია. დღისით +17 გრადუსი დაფიქსირდება, ღამით კი +10 გრადუსი დაფიქსირდება.გურჯაანში დღისით +18 გრადუსი, ღამით კი +10 გრადუსი დაფიქსირდება. დღე უნალექოდ ჩაივლის.სიღნაღში მზე იქნება, დღისით +17 გრადუსია მოსალოდნელი, ღამით +11 გრადუსი დაფიქსირდება.რუსთავში უნალექო დღეა მოსალოდნელი. დღისით +18 გრადუსი, ღამით კი +10 გრადუსი დაფიქსირდება.თბილისშიც უნალექო დღე იქნება. ჰაერის ტემპერატურა დღისით +17 გრადუსს მიაღწევს, ღამით კი +10 გრადუსი დაფიქსირდება.

1794690192

პოეტი და მთარგმნელი ლელა სამნიაშვილი გარდაიცვალა

პოეტი და მთარგმნელი ლელა სამნიაშვილი გარდაიცვალა. სამწუხარო ინფორმაციას ჟურნალი „არილი“ ავრცელებს.„გარდაიცვალა პოეტი, მთარგმნელი, არილისთვის განსაკუთრებულად ძვირფასი ავტორი, ლელა სამნიაშვილი.ვიზიარებთ ოჯახისა და მეგობრების მწუხარებას.“  წერია გავრცელებულ ინფორმაციაში.ლელა სამნიშვილს გამოცემული აქვს პოეტური კრებულები: "ფოტო-აბები", "გველის წელიწადი",, "მუდმივი ტატუ", "ფრაქტალები", "ლოცვა აბსტრაქციად", „37“, „ავირეკლოთ“... თარგმანები: "სილვია პლათის ლექსები ქართულად", ვირჯინია ვულფის "საკუთარი ოთახი", სილვია პლათის "ზარხუფი", უილიამ შექსპირის “ჰამლეტი” და სხვა... ის არის "საგურამოს", "ლიტერას" და "საბას" ლაურეატი. მისი ლექსები თარგმნილია და გამოცემულია სხვადასხვა ენაზე. უცხო ენათა სახელმწიფო უნივერსიტეტის ინგლისური ენის ფაკულტეტის და სინქრონული თარგმანის განყოფილების დასრულების შემდეგ, 2002-2004 წლებში ლელა სამნიაშვილი მიწვეული იყო მკვლევრად კალიფორნიის უნივერსიტეტში, ბერკლიში; 2007 წელს მიიღო განათლების ფილოსოფოსის მაგისტრის წოდება ოსლოს უნივერსიტეტში, 2017 წელს კი - განათლების მეცნიერებათა დოქტორის ხარისხი თბილისის ივანე ჯავახიშვილის სახელმწიფო უნივერსიტეტში.  ლელა სამნიაშვილის ბოლო წიგნი "ვარსკვლავს, ყვავილს, ადამიანს" 2026 წლის შემოდგომაზე გამოვიდა.️

1794689486

„ერთი რამის თქმა შემიძლია...“ - მერაბ დვალიშვილის პირველი კომენტარი RAF-ის ტურნირზე გამარჯვების შემდეგ

მერაბ დვალიშვილმა აბუ დაბიში გამართულ Real American Freestyle-ის (RAF) ტურნირზე ბრაზილიელი მარლონ მორაესი დაამარცხა.შეხვედრა თავისუფალი ჭიდაობის წესებით გაიმართა. დვალიშვილისთვის ეს RAF-ში მეოთხე გამოსვლა და მესამე გამარჯვება იყო.„შეხედეთ ჩემს კუთხეს. ოლიმპიური ჩემპიონები - ვლადიმერი, ახალგაზრდა განგსტერი - საბა, გიგა ჭიკაძე, მეთლი კალიფორნიული სამეგობროთი და მთელი აბუ-დაბი ძმაო. ძმაო ერთი რამის თქმა შემიძლია, ის სამუდამოდ ჩემი ძმა არის (საბა)  ცხოვრების ბოლომდე! არ აქვს მნიშვნელობა მოიგებს თუ წააგებს, ის გამარჯვებულია ჩემთვის და ყველასთვის!“, - თქვა დვალიშვილმა ტურნირზე გამარჯვების შემდეგ.ნახეთ ვიდეო აქ