1793562478

„შვილი არა, შვილები დავკარგე... შვილი და მისი საცოლე. დღეს ერთად არიან დაკრძალულები...“ - ამირან გამყრელიძე უმძიმეს ტრაგედიაზე

დაავადებათა კონტროლისა და საზოგადოებრივი ჯანმრთელობის ეროვნული ცენტრის ყოფილი გენერალური დირექტორი, ამირან გამყრელიძე წლების წინ, მის ოჯახში დატრიალებულ უმძიმეს ტრაგედიას იხსენებს.„შვილი არა, შვილები დავკარგე, სამწუხაროდ... ორნი... შვილი და მისი საცოლე. დღეს ერთად არიან დაკრძალულები... 1995 წელს მოხდა. 20 წლისები იყვნენ და ქორწინდებოდნენ, ერთად სწავლობდნენ. პატარა სახლი გვქონდა, აგარაკი, კახეთის გზაზე და იმ დროს, იძარცვებოდა ხოლმე სახლები.ჩემი შვილი იქ შესამოწმებლად დადიოდა. იქიდან, უკანა გზაზე მოხდა ეს ტრაგედია. სატვირთო მანქანას წინა საბურავი გაუსკდა და ამათ დაეჯახა. სამწუხარო ძალიან, დიდი ტრაგედია იყო. ამიტომ ამაზე არ ვსაუბრობ“, - გაიხსენა ამირან გამყრელიძემ, „პალიტრანიუსის“ ეთერში.

1793562173

„განა რა გიქნეს ასეთი...“ - სოფო ბიბილაშვილის მიმართვა

გურამ დადიანიძის დედა სოფო ბიბილაშვილი სოციალურ ქსელში ემოციურ მიმართვას ავრცელებს. ის იმედოვნებს, რომ ყველაფერი მალე გაირკვევა.„გაირკვევა, გური, ცოტაც შვილო...ვიყვირე, დავიჩოქე, ცრემლად დავიღვარე, ჩემი ხმა ვერ მოგაწვდინე, შვილო, გური... განა რა გიქნეს ასეთი...“ - წერს სოფო ბიბილაშვილი.შეგახსენებთ, 17 წლის გურამ დადიანიძე 12 წლის წინ, 2014 წელს, დუშეთის რაიონის სოფელ ქვემო მლეთაში გაუჩინარდა, ის ლომისობის დღესასწაულზე, ექსკურსიაზე იმყოფებოდა. საქმე დღემდე გაუხსნელად ითვლება.

1793560479

გაზის მიწოდება 12 საათით შეწყდება - მისამართები და აღდგენის დრო

გაზსადენის რეკონსტრუქციის გამო, ვარკეთილსა და ვაზისუბანში გაზის მიწოდება 6400 აბონენტს დროებით შეუწყდება.კერძოდ, „თბილისი ენერჯის“ ცნობით, გაზსადენზე სარეკონსტრუქციო სამუშაოების გამო, ორშაბათს - 2 ნოემბრის 22:00 სთ-დან 3 ნოემბრის 10:00 სთ-მდე გაზის მიწოდება შეუწყდება:შანდორ პეტეფის ქუჩაზე, ნაკვ. 04/043-ში მდებარე შპს ,,ტრიუმფ გრუპი"-ს, შანდორ პეტეფის ქ. 48-ში მდებარე შპს ,,ოდა"-ს, შანდორ პეტეფის ქ. 42-ში მდებარე შპს ,,პლატინიუმ ვაზისუბნაი"-ს საცხოვრებელი კორპუსის, ვარკეთილის 4-3, კორპ. 1, 2, 3, 4, 5, 6, 7, 10, 11, 11ა, 12, 13, 14, 15, წულუკიძის ქ. 27, 31/33, 35, წულუკიძის III შეს. 2, წულუკიძის III შეს. 4, წულუკიძის III შეს. 5, წულუკიძის III შეს. 6, წულუკიძის III შეს. 7, წულუკიძის III შეს. 8, წულუკიძის III შეს. 9, წულუკიძის III შეს. 10, წულუკიძის III შეს. 11, წულუკიძის III შეს. 12, წულუკიძის IV შ.1, IV შ.3, IV შ.4, IV შ.5, IV შ.6, IV შ.7, IV შ.8, IV შ.9, IV შ.10, IV შ.11, IV შ.13, IV შ.15, იოსებ და ლეონ ორბელების ქ. 90დ-ში(ალ. წულუკიძის ქუჩა – კორპ. 88-სა და #121-ე საჯარო სკოლის მიმდებარედ), იოსებ და ლეონ ორბელების ქ. 62-ში მდებარე შპს ,,რეზიდენს პალასი"-ს საცხ. კორპუსის, ვაზისუბნის დას. ქუჩა 5, 90-ე სკოლისა და და 23 კორპუსის მიმდებარედ მდებარე ამხ. ,,ვაზისუბანი 5"-ის, ვაზისუბნის დასახლების კორპ. # 1, 2, 2ა, 3, 4, 5, 6, 7, 8, 9, 10, 10ა, 11, 12, 12ა, 13, 14, 15ა, 16ა, 17, 17ა, 18, 18ა, 18ბ, 19, 19ა, 20, 21, 21ა, 22, 154 (ყოფილი ბ/ბაღი # 154), 26, 27, დავით კვაჭანტირაძის ქ. 5-ში (ჩოჩუას მიმდებარედ) შპს ,,მს დეველოპერის" და შპს ,,სი აი ჯი"-ს (ნაწილი ზის 79-ზე), კვაჭანტირაძის ქ. 7, კვაჭანტირაძის ქ. 8-ში მდებარე შპს ,,ექს სითი ვაზისუბანი"-ს, კვაჭანტირაძის ქ. 22-ში - შპს ,,დეველოპმენტ ჯორჯია"-ს საცხოვრებელი კორპუსების მოსახლეობას, ასევე შანდორ პეტეფის ქუჩაზე, ვაზისუბნის ქ. 7ა, ვაზისუბნის დასახლების კორპ. 5-ის მიმდებარედ შპს ,,მოლი პლიუსი"-ს საცხოვრებელი კორპუსის, ასევე მიმდებარედ მცხოვრებ კერძო სექტორის მოსახლეობის ნაწილს.„გაზმომარაგება ასევე შეუწყდება სკოლა # 157-ს, კერძო სკოლა "ალბიონს" და ,,საჯარო სკოლა # 90"-ს, ი/მ ვასილ ლომიძეს. გაზის მიწოდების აღდგენა დაიწყება 3 ნოემბრის 11:00 სთ-დან და დასრულდება 20:00 სთ-მდე. გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში.თუ იგრძენით გაზის სუნი დარეკეთ მითითებულ ნომრებზე: ცხელი ხაზი: +995 32 2404004სწრაფი რეაგირების სამსახური 114“,- აღნიშნულია ინფორმაციაში.

1793559397

ამინდი უარესდება

2 ნოემბერი - ორშაბათიდასავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღისით მთიან რაიონებში ზოგან შესაძლებელია ხანმოკლე წვიმა და ელჭექი. აღმოსავლეთის ქარი 10-15მ/წმ. ჰაერის ტემპერატურა: დაბლობში ღამით +10, +15°, დღისით +20, +25°; მთაში ღამით +5, +10°, დღისით +17, +22°; მაღალმთაში ღამით +1, +6°, დღისით +16, +21°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა, მაღალმთაში ზოგან თოვლჭყაპი. აღმოსავლეთის ქარი 10-15მ/წმ. ჰაერის ტემპერატურა: ბარში ღამით +8, +13°, დღისით +14, +19°; მთაში ღამით +3, +8°, დღისით +13, +18°; მაღალმთაში ღამით -2, +3°, დღისით  +6, +11°, ზოგან +15°-მდე.3 ნოემბერი - სამშაბათიდასავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღისით მთიან რაიონებში ზოგან შესაძლებელია ხანმოკლე წვიმა და ელჭექი. აღმოსავლეთის ქარი 10-15მ/წმ. ჰაერის ტემპერატურა: დაბლობში ღამით +11, +16°, დღისით +21, +26°; მთაში ღამით +5, +10°, დღისით +18, +23°; მაღალმთაში ღამით 0,  +5°, დღისით +17, +22°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა, მაღალმთაში ზოგან თოვლჭყაპი. აღმოსავლეთის ქარი 10-15მ/წმ. ჰაერის ტემპერატურა: ბარში ღამით +8, +13°, დღისით +15, +20°; მთაში ღამით +3, +8°, დღისით +14, +19°; მაღალმთაში ღამით -2, +3°, დღისით  +8, +13°,ზოგან +17°-მდე.

1793557581

ცნობილია სანელებლები, რომლებშიც სურსათის ეროვნულმა სააგენტომ ტოქსიკური საღებავები აღმოაჩინა - სასწრაფოდ შეამოწმეთ თქვენი სამზარეულო

შპს "იგოეთის" - სვანური მარილი - (21.05.2026)შპს "დაბი"-ის ფაშის საკმაზი - (29.06.2026)შპს "Beyza Gida"-ის წითელი წიწაკა - (21.05.2026)შპს "ნთკ 2016"-ის სვანური მარილი - (15.09.2026)დააკვირდით სერიის ნომრებს და თუ ეს სანელებლები თქვენს სამზარეულოშია - გადაყარეთ.ეს ის სუნელებია, რომელშიც სურსათის ეროვნულმა სააგენტომ ტოქსიკური სუდანის ჯგუფის აზოსაღებავები აღმოაჩინა.შემთხვევითი პრინციპით აღებული 44 ნიმუშიდან, რომელიც სამხარაულის ექსპერტიზის ბიუროში გამოიკვლიეს, კრიტიკული დარღვევა 4-შია ღმოჩნდა. ბიზნეს ოპერატორები დააჯარიმეს, საეჭვო პროდუქცია კი გაყიდვიდან ამოიღეს.მწარმოებლებმა ალტერნატიული კვლევის შესახებ განცხადებაც გაავრცელეს, სადაც განმარტეს, რომ კონკრეტული საკმაზი გაყიდვიდან უკვე ამოღებულია და ნიმუში საკვლევად  საერთაშორისო ლაბორატორიაშია გაგზავნილი.სუდანის ჯგუფის საღებავები, რომლებიც სუნელებში აღმოაჩინეს, ტოქსიკურია. ის სამრეწველო დანიშნულების არის და საკვებად არ გამოიყენება. აზოსაღებავების დასაშვები ზღვარი კვების ინდუსტრიაში არ არსებობს, მას ნულოვანი ტოლერანტობა აქვს და თუ ის ადამიანის ორგანიზმშიმაინც ხვდება, ჯანმრთელობის სერიოზული პრობლემების რისკს წარმოადგენს.როგორ და რატომ ხვდება აკრძალული ტოქსიკური საღებავები სანელებლებში?! - მიზანი სუნელებისთვის უფრო მიმზიდველი ფერის მიცემაა.სურსათის უვნებლობის სპეციალისტები განმარტავენ, რომ ამას არაკეთილსინდისიერი მწარმოებელი აკეთებენ და დიდი ალბათობით დაბინძურებული ნედლეული, მიუხედავად გამკაცრებული კონტროლისა, ქვეყანაში მაინც შემოდის.სუდანის ჯგუფის აზოსაღებავები საქართველოს ბაზარზე არსებულ სუნელებში პირველად 2019 წელს აღმოაჩინეს. მას შემდეგ გატარდა საგანგებო ზომები, გაიზარდა საკვლევი ნიმუშების რაოდენობა, წლებთან ერთად დარღვევები ნულამდე შემცირდა, წელს კი სუდანის საღებავები სუნელებში ისევ გამოჩნდა.სახელმწიფო სანელებლებზე კონტროლს მომავალშიც განაგრძობს. მომხმარებლებს კი, სპეციალისტები ურჩევენ თავი შეიკავონ არაბუნებრივად მკვეთრი ფერის საკმაზების შეძენისგან.

1793548103

რუსეთი აგებს, ჩვენ ვინარჩუნებთ პოზიციებს, ვათავისუფლებთ ტერიტორიას და ვცდილობთ, ომის ყოველი დღე აგრესორს რაც შეიძლება ძვირი დაუჯდეს - ვოლოდიმირ ზელენსკი

უკრაინის სამხედრო ძალების განცხადებით, 2026 წლის ოქტომბერში რუსეთმა სრულმასშტაბიანი შეჭრის დაწყებიდან ყველაზე მეტი სამხედრო დანაკარგი განიცადა.მათივე განცხადებით, ოქტომბერში რუსეთის ძალების დანაკარგმა 54 400 ჯარისკაცი შეადგინა, რაც 2022 წლის შეჭრის შემდეგ რომელიმე თვესთან შედარებით ყველაზე მეტია. დანაკარგები მოიცავს როგორც დაჭრილ, ასევე დაღუპულ ჯარისკაცებს.უკრაინის სამხედროების მონაცემებით, აქამდე არსებული მონაცემებით, რუსეთის დანაკარგები ყველაზე მაღალი იყო 2024 წლის დეკემბერში, როდესაც რუსეთმა 48 670 ჯარისკაცი დაკარგა. ამასთან, ოფიციალური კიევის ცნობით, სრულმასშტაბიანი შეჭრის დაწყებიდან დღემდე რუსული არმიის 1.5 მილიონი ჯარისკაცი დაიღუპა ან დაიჭრა.რუსეთის დანაკარგების შესახებ გავრცელებულ ინფორმაციას ეხმაურება ვოლოდიმირ ზელენსკი. უკრაინის პრეზიდენტი აცხადებს, რომ უკრაინა პოზიციებს ინარჩუნებს, ტერიტორიებს ათავისუფლებს და ცდილობს, „აგრესორს ყოველი დღე რაც შეიძლება ძვირად დაუჯდეს“.„ოქტომბერში ჩვენმა უკრაინის თავდაცვის ძალებმა მტერს რეკორდული დანაკარგები მიაყენეს და რუსი ოკუპანტებისგან იმაზე მეტი ტერიტორია დაიბრუნეს, ვიდრე მათ ხელში ჩაგდება შეძლეს. ერთ თვეში რუსეთმა 54 400 დაღუპული და მძიმედ დაჭრილი ჯარისკაცი დაკარგა. ეს სრულმასშტაბიანი ომის ყველა თვის რეკორდია. ასევე არსებობს დღიური დანაკარგების რეკორდი: 21 ოქტომბერს რუსეთის არმიამ 2 250 ადამიანი დაკარგა. მადლობას ვუხდით უკრაინის ყველა დამცველს, ჩვენს ყველა ჯარისკაცს, თითოეულ ბრიგადას, თითოეულ დანაყოფს ქვეყნისთვის ამ მნიშვნელოვანი შედეგისთვის. რუსეთი აგებს. ჩვენ ვინარჩუნებთ ჩვენს პოზიციებს, ვათავისუფლებთ ტერიტორიას და ვცდილობთ, ომის ყოველი დღე აგრესორს რაც შეიძლება ძვირი დაუჯდეს. ამ გიჟური დანაკარგების შესაჩერებლად რუსეთს მხოლოდ ცეცხლის შეწყვეტა და დიპლომატია სჭირდება“, — წერს ვოლოდიმირ ზელენსკი.

1793547293

10 ფრაზა, რომელსაც მაღალი IQ-ის მქონე ადამიანები ხშირად იყენებენ

10 ფრაზა, რომელსაც მაღალი IQ-ის მქონე ადამიანები ხშირად იყენებენ:„შეიძლება ვცდებოდე.“„რა მტკიცებულება გვაქვს ამის დასადასტურებლად?“„ამაზე არასდროს მიფიქრია ამ კუთხით.“„მირჩევნია ვისწავლო, ვიდრე ვიკამათო.“„არ ვიცი - და ამის აღიარება არ მრცხვენია.“„ყველა ხმამაღალი აზრი ჭკვიანური არ არის.“„ჯერ ფაქტები, შემდეგ დასკვნები.“„აზრის შეცვლა განვითარებას ნიშნავს.“„ყველაფერს, რაც გვესმის, სიმართლედ ვერ მივიღებთ.“„ზოგჯერ ყველაზე ჭკვიანური პასუხი დუმილია.“

1793542399

„შვიდჯერ დაბრუნდა სახლში ბავშვის გარეშე“... - ოჯახის ტრაგედია, რომელსაც 30-წლიანი გრიფი ადევს

„ბებია სახლში შვიდჯერ დაბრუნდა ბავშვის გარეშე“ — პოდკასტ „ვეძებ“-ის მორიგი შემზარავი ისტორიაპოდკასტ „ვეძებ“-ის ფარგლებში ახალშობილების უკანონო გასხვისების არაერთი მძიმე ტრაგედია გახმაურებულა, თუმცა მომავალი გადაცემის ანონსმა საზოგადოება განსაკუთრებით შეძრა. ახალი ეპიზოდის რესპონდენტი იხსენებს საკუთარი ოჯახის წარმოუდგენელ ისტორიას, რომლის თანახმად, სამშობიაროდან ბებიამისს სხვადასხვა პერიოდში შვიდი ჩვილი მოჰპარეს.„ბებიას შვიდი ვაჟი წაართვეს… მეორე, მესამე, მეოთხე, მეხუთე ბავშვი, ის სამშობიაროდან ყოველ ჯერზე ხელცარიელი ბრუნდებოდა. ამავე მონაცემებით, სახელით, გვარითა და პირადი ნომრით, ბებია კიდევ ორ ადამიანზე ფიქსირდება როგორც დედა, თუმცა მათ შესახებ მონაცემებს არ გვიმხელენ. საქმეს გრიფი ადევს და გვეუბნებიან, რომ ბებიას გარდაცვალებიდან 30 წელი უნდა გავიდეს, რათა მათი ვინაობა გავიგოთ. ბებია ნამშობიარები შვიდჯერ დაბრუნდა სახლში შვილის გარეშე…“ - აღნიშნავს სტუმარი.

1793519120

VIDEO: რუსთავში, საცხოვრებელი კორპუსის სახურავზე ცეცხლი გაჩნდა - ინფორმაცია ადგილიდან

"ინფო რუსთავი"-ს ინფორმაციით, შარტავას გამზირზე, #15 კორპუსის სახურავზე თვითნებურად აშენებული ფიცრული ქოხი დაიწვა. ადგილობრივების თქმით მათ ძლიერი აფეთქების ხმა გაიგეს.ადგილზე მობილიზებული იყო სახანძრო სამაშველო სამსახურის რამდენიმე ეკიპაჟი. ცეცხლის ქრობა დროულად მოხერხდა.ხანძრის შედეგად არავინ დაშავებულა.

1793510100

როგორი ამინდი იქნება 1 ნოემბერს საქართველოში - პროგნოზი ქალაქების მიხედვით

პირველ ნოემბერს ქუთაისში წვიმიან ამინდს ელოდებიან, დღისით +21 და ღამით +12 გრადუსია მოსალოდნელი.წვიმას ოზურგეთშიც ელოდებიან, დღისით +21 გრადუსი დაფიქსირდება, ღამით კი +14 გრადუსი იქნება.ბათუმშიც წვიმა იქნება, დღისით ჰაერი +22 გრადუსამდე გათბება, ხოლო ღამით +16 გრადუსი დაფიქსირდება.ნალექიანი ამინდია ფოთშიც. დღისით +20 გრადუსი დაფიქსირდება, ღამით კი +16 გრადუსია მოსალოდნელი.წვიმა ზუგდიდშიც იქნება, დღისით ტემპერატურა +20, ღამით კი +12 გრადუსია ნავარაუდევი.სოხუმშიც წვიმიანი დღეა. +19 გრადუსია მოსალოდნელი დღისით, ღამით +13 გრადუსი დაფიქსირდება.მესტიაში წვიმაა. დღისით +18 გრადუსი იქნება, ღამით კი +3 გრადუსი დაფიქსირდება. ლენტეხშიც წვიმიანი ამინდი იქნება. დღისით +19 გრადუსი, ხოლო ღამით +10 გრადუსი იქნება.ამბროლაურშიც წვიმიანი ამინდია. დღისით ჰაერი +20 გრადუსამდე გათბება, ღამით კი +8 გრადუსი დაფიქსირდება.ჭიათურაში წვიმაა ნავარაუდევი, დღისით +21 გრადუსი, ღამით კი +9 გრადუსი დაფიქსირდება. ახალციხეშიც წვიმიანი დღეა, დღისით +19 გრადუსი, ღამით კი +6 გრადუსი იქნება.ნალექს არ ელოდებიან ახალქალაქშიც. ტემპერატურა დღისით +18, ღამით კი +8 დაფიქსირდება.ბორჯომში ნალექიანი დღეა, +19 იქნება დღისით, ღამით კი +9 გრადუსი დაფიქსირდება. წვიმიანი დღეა მოსალოდნელი ბაკურიანშიც, დღისით +12 გრადუსია მოსალოდნელი, ღამით +3 გრადუსი დაფიქსირდება.წვიმიან დღეს ელოდებიან გორში, დღისით +19 გრადუსი, ღამის განმავლობაში კი +9 გრადუსი დაფიქსირდება.ცხინვალში ჰაერის ტემპერატურა +18 გრადუსი იქნება, ღამით კი +8 გრადუსი დაფიქსირდება და იქნება მზე.გუდაურშიც მზიანი ამინდია. დღის განმავლობაში +9 გრადუსი დაფიქსირდება, ღამით კი ჰაერის ტემპერატურა 0 გრადუსი იქნება. ომალოში დღისით, +13 ღამით კი +2 გრადუსი დაფიქსირდება. იწვიმებს.ლაგოდეხში მზე გამოანათებს. ჰაერის ტემპერატურა დღის განმავლობაში +20 გრადუსი იქნება, ღამით კი +12 გრადუსი დაფიქსირდება.მზიანი დღე იქნება თელავში, +18 გრადუსი დაფიქსირდება, ღამით კი +11 გრადუსია ნავარაუდევი.უნალექო დღე იქნება გურჯაანში. დღისით +19 გრადუსი, ღამით კი +12 გრადუსი დაფიქსირდება. სიღნაღშიც მზიანი დღეა მოსალოდნელი, დღისით +19 გრადუსია მოსალოდნელი, ღამით +11 გრადუსი დაფიქსირდება.რუსთავშიც მზიანი დღეა მოსალოდნელი, დღისით +21 გრადუსია მოსალოდნელი, ღამით კი +12 გრადუსი დაფიქსირდება.თბილისში მზეს ელოდებიან. ჰაერის ტემპერატურა დღისით +21 გრადუსს მიაღწევს, ღამით კი +11 გრადუსი იქნება.

1793479891

„ბოლო დღეები ჩემთან გაატარე. მაშინ ვერც კი წარმოვიდგენდი, რომ...“ - ელენე ბასლანძე გარდაცვლილ მამაზე ემოციურ პოსტს აქვეყნებს

ბიზნესმენისა და პროდიუსერის ლაშა ბასლანძის შვილი, ელენე ბასლანძე გარდაცვლილ მამაზე სოციალურ ქსელში ემოციურ პოსტს აქვეყნებს. „რამდენჯერაც არ უნდა დავიწყო წერა, მალევე ვჩერდები, რადგან ვერცერთი სიტყვა ვერ იტევს შენი დაკარგვის მასშტაბს.ამ 365 დღის განმავლობაში ჩემი პირველი და ბოლო ფიქრი შენ იყავი. თუმცა, ეს არც არის გასაკვირი, რადგან 2025 წლის 27 ოქტომბრამდეც ხომ სულ ასე იყო… ლაშიკო, ჩემი დღეების, ფიქრების, ცხოვრების განუყოფელი ნაწილი.ბოლო დღეები ჩემთან გაატარე. მაშინ ვერც კი წარმოვიდგენდი, რომ ეს დღე ჩემი ცხოვრების ასე მკვეთრად გამყოფი თარიღი გახდებოდა.დღემდე ჩამესმის შენი სიტყვები: „მამა, ისე მენატრები, რომ არ გნახო, გადავირევიო“. მაშინ შენ მეუბნებოდი ამას. ახლა მე მენატრები ასე, მა!იმდენად დიდი სიყვარული დამიტოვე, რომ ზოგჯერ არც კი ვიცი, სად წავიღო, რისკენ მივმართო… ალბათ, სწორედ იმისთვის, რომ მთელი ცხოვრება ვიმყოფინო.მადლობა, რომ იყავი ლაშა ბასლანძემიყვარხარ, მიყვარხარ, მიყვარხარ!“, - წერს ელენე ბასლანძე.

1793479700

ისრაელში ქართველი ემიგრანტი გარდაიცვალა

ისრაელში ქართველი ემიგრანტი გარდაიცვალა.ინფორმაციას სოციალურ ქსელში შოთო სიხარულიძე ავრცელებს. „გარდაიცვალა ემიგრანტი ისრაელში ახალგაზრდა სიცოცხლით სავსე გიორგი ზარდიაშვილიკიდევ ერთი მზე-ბიჭი ვერ დაბრუნდება სამშობლოში ... ღმერთმა ნათელში ამყოფოს მისი ლამაზი სული. ღმერთო მიეცი ძალა მის ოჯახს ამ ტკივილის ასატანად, კეთილად მოიხსენიე უფალო, მონა შენი გიორგი და კეთილთა შინა განუსვენე - განიხარე მის სულს. იძინე მშვიდად შენს მარადიულ სასუფეველში, სადაც ნეტარ არიან ღვთისგან რჩეულნი. ყოველთვის გვემახსოვრება შენი სათნო, ლამაზი ღიმილი და გულის სითბო. ღმერთს სასუფეველში რჩეულები მიჰყავსო ამბობენ... მხოლოდ ფიზიკურად, თორემ ჩვენი ფიქრი სულ შენ გევლება თავს, გჯეროდეს, არასოდეს დაგივიწყებთ და არ მოგაკლებთ ლოცვასა და სანთელ-საკმეველს, შენ ჩვენს გულებში სამუდამო ტკივილად დარჩები, მოგონებად გადაქცეული.ნეტავი გვყოლოდი, ცოცხალი გვყოლოდი, ნამდვილი და არა ასეთი ცრემლიანი შენი ჩამსხვრეული სიკეთით ხელში, რა ლამაზი იმედი იქნებოდი ჩვენი.. რა ბედნიერი ვიქნებოდით ცოცხალი რომ გვყავდე, ყოფილიყავი ამ ქვეყნად და გაგეხარა, ღმერთს ვთხოვთ ნათელში გვიმყოფოს შენი სპეტაკი სული და ისიც ვიცით მიწა თმებს რომ არ ათეთრებს და შენ მუდამ ისევ ისეთი კეთილი ღიმილის ბიჭი, იქნები...“, - წერს შოთო სიხარულიძე.