1793442223

პუტინმა განაცხადა, რომ ზელენსკის თუ შეხვედრა სურს, ჩამოვიდეს მოსკოვში, ჩვენ უზრუნველვყოფთ მის უსაფრთხოებას - სერგეი ლავროვი

ატლანტაში მიმდინარე „დიდი ოცეულის“ საგარეო საქმეთა მინისტრების შეხვედრის ფარგლებში გამართულ პრესკონფერენციაზე რუსეთის საგარეო საქმეთა მინისტრმა, სერგეი ლავროვმა უკრაინის პრეზიდენტთან, ვოლოდიმირ ზელენსკისთან შესაძლო შეხვედრასა და ამერიკის შეერთებულ შტატებთან ურთიერთობებზე ისაუბრა.ლავროვის განცხადებით, რუსეთის პრეზიდენტი ვლადიმერ პუტინი უკრაინის პრეზიდენტთან შეხვედრისთვის მზადაა, თუმცა ამისთვის უკრაინის ლიდერი მოსკოვში უნდა ჩავიდეს. რუსეთის საგარეო საქმეთა მინისტრის თქმით, მოსკოვში ზელენსკის უსაფრთხოება სრულად იქნება გარანტირებული.„პრეზიდენტმა პუტინმა არაერთხელ თქვა, რომ მას შემდეგ, რაც ზელენსკი პრეზიდენტი გახდა, ბოლო ექვიოდე წლის მთელი ისტორიის მიუხედავად, იგი კვლავ მზადაა მასთან შესახვედრად. მან ეს მას შემდეგ თქვა, რაც ზელენსკიმ პირდაპირი შეხვედრისკენ მოუწოდა. პრეზიდენტმა პუტინმა განაცხადა: თუ მას შეხვედრა სურს, ჩამოვიდეს მოსკოვში, ჩვენ უზრუნველვყოფთ მის უსაფრთხოებას, რისი გარანტიაც, როგორც მესმის, კიევში ვერ იქნება უზრუნველყოფილი“, – განაცხადა ლავროვმა.ლავროვმა პრესკონფერენციაზე ამერიკის სახელმწიფო მდივანთან, მარკო რუბიოსთან გამართულ შეხვედრაზეც ისაუბრა.როგორც რუსეთის საგარეო უწყების ხელმძღვანელმა აღნიშნა, მხარეებს შორის კონსტრუქციული საუბარი შედგა. მისივე თქმით, მიუხედავად იმისა, რომ რუსეთისა და ამერიკის ეროვნული ინტერესები უმეტეს შემთხვევაში ერთმანეთს არ ემთხვევა, იმ სფეროებში, სადაც თანხვედრა არსებობს, ორმხრივი და ურთიერთსასარგებლო პროექტების განხორციელება აუცილებელია.

1793442076

31 ოქტომბერს გერმანიის 34 ქალაქში საპროტესტო აქციებია დაგეგმილი, ბერლინში ბრენდულმა მაღაზიებმა ვიტრინები აჭედეს და ობიექტების ადრე დაკეტვას გეგმავენ

ორგანიზატორების თქმით, აქციებში მონაწილეობას 160 000-ზე მეტი ადამიანი მიიღებს. ინფორმაციას გამოცემა „როიტერი“ ავრცელებს.აქცია „Gen Z იღებს პასუხისმგებლობის“ მიერ არის ორგანიზებული. ისინი უკეთეს განათლებასა და საცხოვრებელი ხარჯების შემცირებას მოითხოვენ. ამასთან, ორგანიზატორები სავალდებულო სამხედრო სამსახურს ეწინააღმდეგებიან და განათლებაში უფრო მეტი ინვესტიციის განხორციელებას მოითხოვენ.მედიის ცნობით, აქციები ბერლინში, მიუნხენში, ფრანკფურტსა და კიდევ ათობით ქალაქში გაიმართება. გერმანიის ხელისუფლების ვარაუდით, ქვეყნის მასშტაბით დაგეგმილი აქციები, რომლებიც ჰელოუინის დღესასწაულს ემთხვევა, მეტწილად მშვიდობიანი იქნება.ფედერალური შინაგან საქმეთა სამინისტროს ცნობით, გერმანიის ულტრამემარცხენე ექსტრემისტები და უცხოური ექსტრემისტული მოძრაობების ნაწილი ძალებს მობილიზაციისთვის აერთიანებენ.მიმდინარე მოვლენების ფონზე ბერლინში მდებარე ბრენდულმა მაღაზიებმა ვიტრინები ფიცრებით აჭედეს და ობიექტების ჩვეულ დროზე ადრე დაკეტვას გეგმავენ.

1793441936

იაროსლავ კაჩინსკის განცხადების შემდეგ, დონალდ ტუსკმა პოლონელებს მიმართა – „ან თქვენ გაიყვანთ მათ პარლამენტიდან, ან ისინი გამოგვიყვანენ ჩვენ ევროკავშირიდან“

ან თქვენ გაიყვანთ მათ პარლამენტიდან ერთი წლის შემდეგ, ან ისინი გამოგვიყვანენ ჩვენ ევროკავშირიდან, – ამ განცხადებით მიმართა პოლონეთის პრემიერ-მინისტრმა, დონალდ ტუსკმა პოლონელებს.ტუსკი გამოეხმაურა პოლონურ მედიაში გამოქვეყნებულ ოპოზიციური პარტიის, „კანონისა და სამართლიანობის“ ლიდერის, იაროსლავ კაჩინსკის განცხადებას, სადაც მან ევროკავშირში ძირეული ცვლილებების აუცილებლობაზე ისაუბრა და ევროკავშირიდან გასვლის შესახებ მოლაპარაკებები არ გამორიცხა.როგორც პოლონეთის პრემიერმა პოლონელებისთვის მიმართვისას აღნიშნა, 2027 წლის საპარლამენტო არჩევნებზე, ან ხალხი „მოიშორებს“ ამ პოლიტიკურ ძალას პარლამენტიდან, ან ეს ძალა თავად გაიყვანს პოლონეთს ევროკავშირიდან.აღნიშნული განცხადება გააკრიტიკა „გაერთიანებული სამეფოს რეფორმების“ პარტიის ლიდერმა, ნაიჯელ ფარაჯიმ და აღნიშნა, რომ პოლონეთში ვითარება „ძალიან სერიოზულია“.„პოლონეთში სიტუაცია ძალიან სერიოზულია. დაპატიმრებები და საკონსტიტუციო სასამართლოში რბევა – ყველაფერი არადემოკრატიული ევროკავშირის დასაცავად“, – წერს ნაიჯელ ფარაჯი.პოლონეთის პრემიერის მიმართვა ასევე გააკრიტიკა დიდი ბრიტანეთის ყოფილმა პრემიერ-მინისტრმა, ლიზ ტრასმა.„ეს შოკის მომგვრელი თავდასხმაა პოლონეთში დემოკრატიაზე“, – დაწერა ლიზ ტრასმა სოციალურ ქსელში.ცნობისთვის, იაროსლავ კაჩინსკის მიერ ევროკავშირთან დაკავშირებით გაკეთებული განცხადების მედიაში გამოქვეყნებისა და პოლონეთის პრემიერ-მინისტრ დონალდ ტუსკის გამოხმაურების შემდეგ, „კანონისა და სამართლიანობის“ ლიდერმა საკუთარი განცხადება განმარტა და აღნიშნა, რომ ითხოვს ევროკავშირის ძირეულ რეფორმას და არა ევროკავშირიდან პოლონეთის გასვლას.„გასაკვირი არ არის, რომ დონალდ ტუსკი იცავს სისტემას, რომლითაც თავად სარგებლობდა, როდესაც ევროპული საბჭოს პრეზიდენტის თანამდებობა ეკავა. ჩვენ გვინდა, ევროკავშირმა სარგებელი მოუტანოს არა მხოლოდ ელიტებს, არამედ, პირველ რიგში, რიგით მოქალაქეებს. სწორედ ამიტომ მოვითხოვ ევროკავშირის ძირეულ რეფორმას“, – განაცხადა კაჩინსკიმ.

1793437009

სულელ ხალხს სურდა, რომ მე რუსეთის წინააღმდეგ სანქციები დამეწესებინა - დონალდ ტრამპი

აშშ-ის პრეზიდენტმა, დონალდ ტრამპმა განაცხადა, რომ  „სულელ ხალხს“ სურდა, აშშ-ს რუსეთის წინააღმდეგ სანქციები დაეწესებინა.„სულელ ხალხს სურდა, რომ მე რუსეთის წინააღმდეგ სანქციები დამეწესებინა“, — განაცხადა ტრამპმა.ტრამპმა ასევე აღნიშნა, რომ რუსეთში ასეთ სანქციებს დასცინიან.ცნობისთვის, 2026 წლის 17 სექტემბერს აშშ-ის კონგრესმა „ლინდსი გრეჰემის მიერ რუსეთისა და ირანის მიმართ სანქციების დაწესების 2026 წლის აქტი“ მიიღო. აქტით დაწესდა 500%-იანი ტარიფი რუსულ საქონელზე, 100%-მდე მეორადი ტარიფები რუსული ნავთობისა და გაზის ძირითადი მყიდველებისთვის და სავალდებულო სანქციები რუსეთის ეკონომიკის ძირითადი სექტორების წინააღმდეგ. 17 ოქტომბერს კი დონალდ ტრამპმა რუსეთის წინააღმდეგ „ლინდსი გრემის კანონით“ გათვალისწინებული სანქციების ამოქმედება შეაჩერა.

1793431440

პოლონეთის საკონსტიტუციო ტრიბუნალთან განვითარებული მოვლენების გამო კაროლ ნავროცკი პარლამენტის წარმომადგენლებთან სასწრაფო კონსულტაციებს იწვევს

პოლონეთში საკონსტიტუციო ტრიბუნალის შენობასთან დაპირისპირების შემდეგ ქვეყნის პრეზიდენტმა, კაროლ ნავროცკიმ სასამართლოს შენობაში შესვლა შეძლო.ამასთან, ინტერნეტში გავრცელდა ვიდეო, სადაც ჩანს, რომ ტრიბუნალის მოსამართლე ანა კორვინ-პიოტროვსკა ცდილობს, არ მისცეს ამის საშუალება.ადგილობრივი დროით, 05:00 საათისთვის კი აქციაზე მყოფებთან პრეზიდენტის წარმომადგენელი გამოვიდა და განცხადება წაიკითხა.„პოლონეთის რესპუბლიკის შიდა უსაფრთხოებასთან დაკავშირებული საფრთხის გამო დღეს ვიწვევ სასწრაფო კონსულტაციებს პარლამენტის წარმომადგენლებთან პოლიტიკური სიტუაციის სტაბილიზაციისა და კონსტიტუციური წესრიგის აღდგენის მიზნით“, – აღნიშნულია ნავროცკის განცხადებაში.ამის შედეგ პოლონეთის პრეზიდენტმა ტერიტორია დატოვა.მანამდე პოლონეთის საკონსტიტუციო ტრიბუნალის შენობასთან მისულ კაროლ ნავროცკის კორტეჟს სამართალდამცველები დაუპირისპირდნენ. პოლიცია ცდილობდა, საკონსტიტუციო ტრიბუნალის შენობაში არც პრეზიდენტი და არც ოპოზიციური „კანონისა და სამართლიანობის პარტიის“ წარმომადგენლები შეეშვა. შეტაკება იყო პოლიციასა და დემონსტრანტებს შორისაც.პოლონეთში კრიზისი საკონსტიტუციო ტრიბუნალზე კონტროლის მოსაპოვებლად ბრძოლას უკავშირდება. დაპირისპირება მას შემდეგ გამწვავდა, რაც ტრიბუნალის მოსამართლემ, ანა კორვინ-პიოტროსკამ, როგორც უწყებაში ყველაზე ხანგრძლივი სტაჟის მქონე მოსამართლემ, წინა ხელისუფლების დროს, „კანონისა და სამართლიანობის პარტიის“ მმართველობის პერიოდში დანიშნული ტრიბუნალის თავმჯდომარე ბოგდან შვენჩკოვსკი და მისი მოადგილე ბართლომეი სოხანსკი ერთი თვით თანამდებობიდან გადააყენა და ეს სიახლე უწყების ვებგვერდზე გამოაქვეყნა.მისი თქმით, შვენჩკოვსკი უარს ამბობდა მოსამართლეთა საერთო კრების მოწვევაზე, ეს მოქმედებები კი საფრთხეს უქმნიდა ტრიბუნალის ნორმალურ ფუნქციონირებას, მათ შორის ბიუჯეტის მართვასა და გადასახადების გადახდას. თუმცა უწყების სოციალურ ქსელ „იქსს“ ბოგდან შვენჩკოვსკის გუნდი აკონტროლებს, რომელთაც მალევე საპირისპირო განცხადება გაავრცელეს. მასში ნათქვამი იყო, რომ ვებგვერდი უკანონოდ მიიტაცეს და რომ ბოგდან შვენჩკოვსკი კვლავ საკონსტიტუციო ტრიბუნალის თავმჯდომარედ რჩებოდა, ანა კორვინ-პიოტროვსკა კი ტრიბუნალის მოსამართლე არ იყო.საკონსტიტუციო ტრიბუნალის შენობასთან მისული ბოგდან შვენჩკოვსკი სასამართლოში შეუშვეს. პარალელურად, პოლონეთის გენერალურმა პროკურორმა, ვალდემარ ჟურეკმა ტრიბუნალს ხუთი შუამდგომლობით მიმართა და შვენჩკოვსკისა და სოხანსკისთვის იმუნიტეტის მოხსნა მოითხოვა სისხლისსამართლებრივი დევნის დაწყების მიზნით.აღსანიშნავია, რომ პრემიერ-მინისტრ დონალდ ტუსკის მთავრობა ტრიბუნალის ამჟამინდელ შემადგენლობას ლეგიტიმურად არ მიიჩნევს. ტუსკის მთავრობამ სასამართლოს რეფორმირება და ახალი მოსამართლეების დანიშვნა სცადა, თუმცა პრეზიდენტმა კაროლ ნავროცკიმ პარლამენტის მიერ 2026 წლის მარტში დანიშნული ექვსი მოსამართლიდან სამის ფიცის მიღებაზე უარი თქვა, ხოლო ბოგდან შვეჩკოვსკიმ უარი თქვა, ამჟამინდელი საპარლამენტო უმრავლესობის მიერ არჩეულ მოსამართლეებს დაეწყოთ მოვალეობის შესრულება. ამის შემდეგ ხუთმა მოსამართლემ, მათ შორის ანა კორვინ-პიოტროვსკამ, ფიცი პრეზიდენტის ფიზიკური დასწრების გარეშე დადო. შვენჩკოვსკი მათ ტრიბუნალის წევრებად არ აღიარებს. შედეგად, თვეების განმავლობაში პოლონეთის საკონსტიტუციო ტრიბუნალში ფაქტობრივად ორი ჯგუფი არსებობს, რომლებიც ერთმანეთს არალეგიტიმურად მიიჩნევენ.

1793427755

AP: პოლონეთში საკონსტიტუციო სასამართლოს შენობასთან გამართული აქცია დაკავებებით დასრულდა

პოლონეთის დედაქალაქ ვარშავაში საკონსტიტუციო სასამართლოს შენობასთან გვიან ღამით საპროტესტო აქცია გაიმართა. ინფორმაციას Associated Press-ი ავრცელებს.დემონსტრანტები სასამართლოს თავმჯდომარის ბოგდან სვენჩკოვსკის უფლებამოსილების შეჩერებას აპროტესტებდნენ. პოლიციასა და აქციის მონაწილეებს შორის დაპირისპირების შედეგად სამართალდამცველებმა სამი ადამიანი დააკავეს.პოლიციის ინფორმაციით, დემონსტრანტების ნაწილმა სასამართლოს შენობის ღობე გაარღვია, სხვებმა კი სამართალდამცველებს სხვადასხვა საგანი ესროლეს.როგორც Associated Press-ი წერს, მომხდარის გამო პოლონეთის პრეზიდენტმა კაროლ ნავროცკიმ სენეგალში ვიზიტი შეწყვიტა და ქვეყანაში დაბრუნების გადაწყვეტილება მიიღო.„ასეთ ვითარებაში პრეზიდენტი პოლონეთში უნდა იმყოფებოდეს. სენეგალში ვიზიტს ვწყვეტ და უკან ვბრუნდები“, - დაწერა ნავროცკიმ სოციალურ ქსელ X-ში.პოლონეთის სასამართლო სისტემის უმაღლესი ინსტიტუტები, მათ შორის საკონსტიტუციო სასამართლო, მმართველ პროევროპულ ძალებსა და მთავარ ოპოზიციურ პარტია „კანონსა და სამართლიანობას“ (PiS) შორის დაპირისპირების ერთ-ერთი მთავარი მიზეზია, წერს სააგენტო.პოლონეთსა და ევროკავშირში კრიტიკოსები PiS-ს, რომელიც ქვეყანას 2015-დან 2023 წლამდე მართავდა, მნიშვნელოვან სასამართლო ინსტიტუტებზე, მათ შორის საკონსტიტუციო სასამართლოზე, პოლიტიკური კონტროლის დამყარებაში ადანაშაულებენ. პარტიის მიერ გატარებული სასამართლო რეფორმების გამო ევროკავშირმა პოლონეთს ფინანსური სანქციები დაუწესა.დონალდ ტუსკის პროევროპული მთავრობა ხელისუფლებაში 2023 წელს მოვიდა და სასამართლო სისტემის დამოუკიდებლობის აღდგენა მთავარ დაპირებად დაასახელა. თუმცა, ამ მიმართულებით მთავრობის მცდელობებს ვეტოს უფლებით ორი პრეზიდენტი ეწინააღმდეგებოდა, რომლებიც PiS-თან იყვნენ დაკავშირებული. მათ შორისაა მოქმედი პრეზიდენტი კაროლ ნავროცკი.საკონსტიტუციო სასამართლოს თავმჯდომარის ბოგდან სვენჩკოვსკის უფლებამოსილების შეჩერების შესახებ ინფორმაცია სასამართლოს ვებგვერდზე ადგილობრივი დროით დაახლოებით 18:00 საათზე გამოქვეყნდა. ამის შემდეგ ვებგვერდი გაითიშა და Associated Press-მა უფლებამოსილების შეჩერების ოფიციალური მიზეზების დამოუკიდებლად გადამოწმება ვერ შეძლო.სვენჩკოვსკი საკონსტიტუციო სასამართლოს ხელმძღვანელი PiS-ის მმართველობის პერიოდში გახდა. დონალდ ტუსკი მას პარლამენტის უმრავლესობის მიერ არჩეული მოსამართლეებისთვის სასამართლოში მუშაობის დაწყების ხელშეშლაში ადანაშაულებს.„კანონის უზენაესობის აღდგენა ჩვენი ვალდებულებაა. PiS-ის მმართველობის წლებში არსებული მრავალწლიანი უკანონობის შემდეგ ეს რთული პროცესია, ზოგჯერ მტკივნეულიც და გადამწყვეტ მოქმედებებს მოითხოვს. სხვა გზა არ არსებობს“, - დაწერა ტუსკმა სოციალურ ქსელში.სვენჩკოვსკის უფლებამოსილების შეჩერება გააკრიტიკეს ოპოზიციური PiS-ის წარმომადგენლებმაც. პოლონეთის ყოფილმა იუსტიციის მინისტრმა ზბიგნევ ზიობრომ მომხდარს „კონსტიტუციურ წესრიგზე აშკარა, დანაშაულებრივი თავდასხმა“ უწოდა და მხარდამჭერებს წინააღმდეგობისკენ მოუწოდა.„მოვუწოდებ წინააღმდეგობისკენ, რომელიც იქნება ხმამაღალი, მტკიცე, სოლიდარული და უშიშარი“, - დაწერა ზიობრომ X-ზე.

1793426440

საფრანგეთის შსს მინისტრი – 31 ოქტომბრის საპროტესტო აქციებზე ჰელოუინის ნიღბის ტარებისთვის მოქალაქეებს ერთ წლამდე პატიმრობა და 15 000 ევროს ოდენობის ჯარიმა ემუქრებათ

საფრანგეთის შინაგან საქმეთა მინისტრი ლორან ნუნიესი 31 ოქტომბერს დაგეგმილი საპროტესტო აქციების მონაწილეებს აფრთხილებს, რომ სახის დასაფარად ჰელოუინის ნიღბების გამოყენების შემთხვევაში მათ შესაძლოა, ერთ წლამდე თავისუფლების აღკვეთა და 15 000 ევროს ოდენობის ჯარიმა დაეკისროთ. ინფორმაციას გამოცემა „ლემონდი“ ავრცელებს.საფრანგეთის ხელისუფლება შიშობს, რომ საპროტესტო აქციების მონაწილეებმა შესაძლოა, ჰელოუინის კოსტიუმები და ნიღბები საკუთარი ვინაობის დასამალად და ძალადობრივ ქმედებებში მონაწილეობის მისაღებად გამოიყენონ.ამასთან, „ლემონდი” წერს, რომ ჰელოუინის აღნიშვნისას ნიღბის ტარება აკრძალული არ არის. საფრანგეთში მოქმედი კანონმდებლობით, საჯარო სივრცეში სახის დაფარვისთვის გათვალისწინებულია 150 ევრომდე ჯარიმა, თუმცა კანონი გამონაკლისს უშვებს სადღესასწაულო, სპორტული, კულტურული და ტრადიციული ღონისძიებებისთვის. შესაბამისად, ჰელოუინის ნიღბით გადაადგილება დასაშვებია, თუ პირი არ მონაწილეობს საპროტესტო აქციაში ან საზოგადოებრივ  წესრიგის არ არღვევს.ლორან ნუნიესის განცხადებით, სამართალდამცველებმა სოციალურ ქსელებში საფრანგეთის სხვადასხვა ქალაქში შეკრების მრავალი მოწოდება გამოავლინეს. მინისტრი ამ მოწოდებებს ულტრამემარცხენე ჯგუფებს, რადიკალიზებულ აქტივისტებსა და „ყვითელი ჟილეტების“ მოძრაობის ნაწილს უკავშირებს.„ლემონდის“ ინფორმაციით, ინტერნეტში გავრცელებული ინფორმაციით, 31 ოქტომბრისთვის საფრანგეთის მასშტაბით 570 საპროტესტო შეკრებაა დაანონსებული. ერთ-ერთი აქტივისტური ჯგუფი მოქალაქეებს მოუწოდებს, საღამოს 20:00 საათიდან ქალაქების მოედნებზე ჰელოუინის კოსტიუმებით შეიკრიბონ.ამასთან, გამოცემა აღნიშნავს, რომ სოციალურ ქსელებში გავრცელებული მასალების უმრავლესობა ჰელოუინის სიმბოლიკას იყენებს.„ლემონდმა“ ასევე ვერ გამოავლინა აღნიშნული ჯგუფების საჯარო მოწოდებები ძარცვისა და ვანდალიზმისკენ, რაზეც მანამდე შინაგან საქმეთა მინისტრი საუბრობდა.

1793395587

6,3 მილიარდი დოლარი 20 წუთში - ჩრდილოეთ კორეელ ჰაკერებს უმსხვილეს ქურდობას ედავებიან

ჩრდილოეთ კორეის ხელისუფლებასთან სავარაუდოდ დაკავშირებული ჰაკერები კრიპტოვალუტის ისტორიაში რეკორდული მასშტაბის ქურდობაში დაადანაშაულეს. კიბერუსაფრთხოების სპეციალისტების ინფორმაციით, თავდამსხმელებმა უმსხვილესი კრიპტობირჟა Binance-ის საფულეებიდან დაახლოებით 6,3 მილიარდი დოლარის ღირებულების ციფრული აქტივები გაიტანეს. გავრცელებული ცნობით, თანხის უდიდესი ნაწილის გატანას მხოლოდ 20 წუთი დასჭირდა.ინფორმაციას ტექნოლოგიური გამოცემა TechCrunch ავრცელებს.ვინ დგას სავარაუდო კიბერშეტევის უკან?ამერიკული კომპანიის, TRM Labs-ის, ექსპერტებმა თავდასხმა ჩრდილოეთ კორეასთან დაკავშირებულ ჰაკერულ დაჯგუფება TraderTraitor-ს მიაწერეს. ანალოგიურ დასკვნამდე მივიდნენ კომპანია Elliptic-ის ანალიტიკოსებიც.მათი შეფასებით, თავდამსხმელებმა შესაძლოა გამოიყენეს ტექნიკური ინფრასტრუქტურა, რომელიც კრიპტოვალუტის წინა მასშტაბურ ქურდობებთანაც იყო დაკავშირებული.თუმცა პასუხისმგებელი პირების ვინაობა და თავდასხმის ყველა გარემოება საბოლოოდ დადგენილი არ არის.როგორ შეძლეს ჰაკერებმა სისტემაში შეღწევა?Binance-ის წინასწარი გამოძიების მიხედვით, თავდამსხმელებს კომპანიის შიდა ქსელში შეღწევის შესაძლებლობა შესაძლოა ერთ-ერთი ინჟინრის ინფიცირებული ლეპტოპის საშუალებით მიეცათ.სამსახურებრივ სისტემებზე წვდომის მოპოვების შემდეგ მათ, სავარაუდოდ, აქტივების უნებართვო გატანა განახორციელეს.ამასთან, ბირჟის განცხადებით, ამ ეტაპზე არ გამოვლენილა მტკიცებულება, რომ კრიპტოსაფულეების დახურულმა გასაღებებმა გაჟონა.დახურული გასაღებები კრიპტოვალუტის საფულეზე კონტროლის ერთ-ერთი უმნიშვნელოვანესი მექანიზმია. მათი მოპოვება თავდამსხმელს ციფრულ აქტივებზე წვდომის საშუალებას შეიძლება აძლევდეს.Binance-მა ოპერაციები დროებით შეზღუდასაეჭვო ტრანზაქციების აღმოჩენის შემდეგ Binance-მა დროებით შეზღუდა ანგარიშების შევსება და თანხების გატანა.კომპანიის წარმომადგენლების განცხადებით, მომხმარებლების თანხები დაცულია, ხოლო შესაძლო ზარალი კომპანიის საკუთარი რესურსებითა და SAFU-ს სარეზერვო ფონდით დაიფარება.ბირჟის განცხადებით, მან კრიპტოვალუტის ბაზრის სხვა მონაწილეებთან თანამშრომლობით დაახლოებით 3 მილიარდი დოლარის ღირებულების აქტივების გაყინვა შეძლო.თუმცა აქტივების გაყინვა ავტომატურად არ ნიშნავს, რომ თანხა უკვე დაბრუნებულია. სპეციალისტები მოპარული კრიპტოვალუტის გადაადგილებას სხვადასხვა ბლოკჩეინზე კვლავ აკვირდებიან.თუ გავრცელებული ინფორმაცია დადასტურდება, ახალი შემთხვევის მასშტაბი მნიშვნელოვნად გადააჭარბებს კრიპტოვალუტის წინა მსხვილ ქურდობებს შორის დაფიქსირებულ მაჩვენებელს.2025 წლის თებერვალში ჰაკერებმა კრიპტობირჟა Bybit-იდან დაახლოებით 1,5 მილიარდი დოლარის ღირებულების აქტივები მოიპარეს. მაშინ აშშ-ის გამოძიების ფედერალურმა ბიურომ — FBI-მ — თავდასხმაზე პასუხისმგებლობა ასევე ჩრდილოეთ კორეასთან დაკავშირებულ ჯგუფს, TraderTraitor-ს, დააკისრა.Binance სამართალდამცველებთან და კრიპტოვალუტის ტრანზაქციების ანალიზზე მომუშავე კომპანიებთან თანამშრომლობს. სპეციალისტები თავდასხმის ტექნიკურ დეტალებსა და თანხების გადაადგილების გზებს სწავლობენ.საბოლოო ზარალის ოდენობა შესაძლოა შეიცვალოს გამოძიების მიმდინარეობისა და გაყინული აქტივების შესაძლო დაბრუნების კვალდაკვალ.ამ ეტაპზე მთავარი საკითხებია, როგორ შეძლეს თავდამსხმელებმა შიდა სისტემებზე წვდომის მოპოვება, რა მოცულობის აქტივები აღმოჩნდა რეალურად მათ ხელში და რამდენის დაბრუნება იქნება შესაძლებელი.

1793393674

ტყუპ ძმას დედის წამებისა და უკანონო პატიმრობაში ყოფნისთვის ასამართლებენ

დედასთან გადასვლა კოშმარად იქცა - პრიმორიეში ტყუპ ძმებს ხანდაზმული ქალის წამებასა და უკანონო პატიმრობაში ყოლას ედავებიანტყუპ ძმას დედის მიმართ სისტემატურ ძალადობასა და მის უკანონო თავისუფლების აღკვეთას ედავებიან. გამოძიების ვერსიით, მამაკაცები ხანდაზმულ ქალს ფიზიკურად უსწორდებოდნენ, ამცირებდნენ და ზოგჯერ სახლიდანაც აგდებდნენ. ერთ-ერთი შემთხვევის დროს კი ქალი საკუთარ ბინაში უკანონოდ ჩაკეტეს. მისი გათავისუფლება მხოლოდ მას შემდეგ გახდა შესაძლებელი, რაც შეშფოთებულმა ნაცნობებმა პოლიციას მიმართეს.რუსეთის საგამოძიებო კომიტეტის პრიმორიეს მხარის სამმართველოს ინფორმაციით, საქმეში ფიგურირებენ 1979 წელს დაბადებული ტყუპი ძმები.2026 წელს ისინი ვლადივოსტოკიდან დაბა სლავიანკაში გადავიდნენ და დედასთან ერთად დასახლდნენ. თუმცა, გამოძიების ცნობით, ოჯახური თანაცხოვრება მალე კონფლიქტითა და ძალადობით შეიცვალა.გამოძიების ვერსიით, ძმები დედას სისტემატურად სცემდნენ და მასზე ძალადობდნენ, რის გამოც ქალს აუტანელ პირობებში უწევდა ცხოვრება.მამაკაცები მას სახლიდანაც აგდებდნენ და საკუთარ საცხოვრებელში მშვიდად ყოფნის საშუალებას არ აძლევდნენ.ერთ-ერთ ეპიზოდში ძმებმა ქალი ბინაში უკანონოდ გამოკეტეს. როდესაც ნაცნობებმა შენიშნეს, რომ ის დიდი ხნის განმავლობაში არსად ჩანდა და მათთან კავშირზეც არ გამოდიოდა, შეშფოთდნენ და სამართალდამცველებს მიმართეს.ადგილზე მისულმა პოლიციელებმა ქალი აღმოაჩინეს და გაათავისუფლეს.„რუსეთის საგამოძიებო კომიტეტის პრიმორიეს მხარის საგამოძიებო ორგანოებმა 1979 წელს დაბადებული ტყუპი ძმების წინააღმდეგ აღძრული სისხლის სამართლის საქმის გამოძიება დაასრულეს“, — განაცხადეს უწყების რეგიონულ სამმართველოში.ძმებს სამი მუხლით წარუდგინეს ბრალდებაგამოძიების დასრულების შემდეგ მამაკაცების ქმედებები სისხლის სამართლის სამი მუხლით დაკვალიფიცირდა:წამება;ადამიანის თავისუფლების უკანონო აღკვეთა;სასამართლოს უპატივცემულობა.ბოლო ეპიზოდი ერთ-ერთ ბრალდებულს უკავშირდება, რომელმაც, გამოძიების ინფორმაციით, სასამართლოს მისამართით შეურაცხმყოფელი გამონათქვამები გამოიყენა.ექსპერტიზამ ორივე ძმას პიროვნული აშლილობა დაუდგინა. 

1793392916

ბალიზე ტურისტებით სავსე კატერი აფეთქდა

ინდონეზიის კუნძულ ნუსა-პენიდასთან ტურისტულ კატარღაზე აფეთქება და ხანძარი მოხდა. ბორტზე მყოფ ოთხ რუს ტურისტს წყალში გადახტომა მოუწია. წინასწარი ინფორმაციით, ტურისტები არ დაშავებულან, კატარღის კაპიტანი კი ფეხების დამწვრობით საავადმყოფოში გადაიყვანეს.შემთხვევა კლუნგკუნგის რაიონის პოლიციამ დაადასტურა და სოციალურ ქსელში კატარღაზე მომხდარი აფეთქების კადრებიც გამოაქვეყნა.შემთხვევა 29 ოქტომბერს, ადგილობრივი დროით დაახლოებით 13:40 საათზე მოხდა. კატარღა Naomi გამატის ყურიდან გასვლისას მოულოდნელად აფეთქდა და ცეცხლი გაუჩნდა.პოლიციის ინფორმაციით, ხანძრის გაჩენამდე ბორტზე ძლიერი ხმა გაისმა. ამის შემდეგ გიდი და ოთხი ტურისტი წყალში გადახტნენ.სამაშველო დახმარება შემთხვევის ადგილას დაახლოებით 14:50 საათზე მივიდა. მგზავრები და ეკიპაჟის წევრები ახლომახლო მოძრავმა სხვა გემმა გამოიყვანა.ამრიგად, აფეთქებიდან ადამიანების ევაკუაციამდე დაახლოებით ერთი საათი და ათი წუთი გავიდა.ვინ იმყოფებოდა კატარღაზე?ტელეგრამარხ SHOT-ის ინფორმაციით, ბორტზე ოთხი რუსი ტურისტი იმყოფებოდა - მურადი, ამირანი, ალიმა და ამინა. ისინი კერძო ექსკურსიაზე გაემგზავრნენ, რომლის მიზანიც ნიღბითა და სასუნთქი მილით წყალქვეშა სამყაროს დათვალიერება იყო.მარშრუტი მანტას, კრისტალისა და გამატის ყურეებს მოიცავდა.წინასწარი ინფორმაციით, ოთხივე ტურისტი უვნებლად გადარჩა. კატარღის კაპიტანს კი ფეხების დამწვრობა აღენიშნებოდა და ის საავადმყოფოში გადაიყვანეს.აფეთქების მიზეზს იკვლევენSHOT-ის ცნობით, აფეთქების შესაძლო მიზეზად აკუმულატორის გაუმართაობა განიხილება, თუმცა ეს ვერსია ჯერ დადასტურებული არ არის. მომხდარის ზუსტ მიზეზს შესაბამისი სამსახურები ადგენენ.შემთხვევამდე ცოტა ხნით ადრე კატარღას სარემონტო და ტექნიკური მომსახურება ჩაუტარდა.გიდმა სამართალდამცველებს განუცხადა, რომ მგზავრობის დაწყებამდე გემის ტექნიკური მდგომარეობა და უსაფრთხოების საშუალებები შეამოწმეს და ისინი გასამგზავრებლად ვარგისად მიიჩნიეს.პოლიცია მოწმეების ჩვენებებს აგროვებს და მომხდარის გარემოებებს სწავლობს.ამ დროისთვის არსებული ინფორმაციით, ოთხივე ტურისტი გადარჩა. გამოძიებამ უნდა დაადგინოს, რამ გამოიწვია კატარღაზე აფეთქება და ხანძარი.

1793385993

მეზღვაურთა გაფიცვის გამო, საბერძნეთის შვიდი კუნძული გარე სამყაროსგან არის მოწყვეტილი

მეზღვაურთა გაფიცვის გამო, საბერძნეთის კუნძულები გარე სამყაროსგან იზოლირებული აღმოჩნდა.გაფიცვამ შვიდი პორტი მოიცვა, ბორნების მიმოსვლა ფაქტობრივად შეჩერებულია, რის გამოც ასობით ტურისტი ვერ ახერხებს გადაადგილებას.ადგილობრივი მედიის ცნობით, მეზღვაურთა პროფკავშირები ხელფასების 12%-ით ზრდას, სამუშაო და უსაფრხთოების პირობების გაუმჯობესებას და სამუშაო დღის შვიდ საათამდე შემცირებას მოითხოვენ, ხოლო ისეთ რეგიონებს, სადაც შეიარაღებული კონფლიქტებია, საბრძოლო მოქმედებების ზონის კლასიფიკაცია მიენიჭოთ და ამ რეგიონებში მეზღვაურების გაგზავნა აღარ მოხდეს. ასევე მათი მოთხოვნაა, შეწყდეს სავაჭრო -კომერციული გემებით სამხედრო მასალების ტრანსპორტირება.გაფიცვა ეხება პირეოსის, რაფინას, ლავრიოს, პატრას, იგუმენიცას, ელეფსინას და რიო-ანტირიოს პორტებს.

1793385960

სერგეი ლავროვი აშშ-ში G20-ის სამიტს ესწრება

რუსეთის საგარეო საქმეთა მინისტრი სერგეი ლავროვი ატლანტაში "დიდი ოცეულის" საგარეო საქმეთა მინისტრების შეხვედრას ესწრება. ლავროვი ყველაზე მაღალი რანგის რუსი ოფიციალური პირია, რომელიც აშშ-ს 2022 წელს უკრაინაში რუსეთის შეჭრის შემდეგ ეწვია.სენატის საგარეო ურთიერთობათა კომიტეტის რესპუბლიკელმა და დემოკრატმა წევრებმა ერთობლივ წერილში აღნიშნეს, რომ აშშ-ში გამართულ G20-ის სამიტზე რუსეთის მონაწილეობა რუსეთის ლეგიტიმაციას ახდენს.ვიზიტი პოლიტიკოსებმა გააპროტესტეს - ევროპელმა ლიდერებმა ლავროვთან ერთად ფოტოს გადაღებაზე უარი თქვეს, ამიტომ აშშ-ის სახელმწიფო მდივანმა მარკო რუბიომ მინისტრების ტრადიციული ერთობლივი ფოტოს გადაღება გააუქმა.პარალელურად, "დიდი ოცეულის" შეხვედრას არ ესწრება კიდევ ერთი წევრი - სამხრეთ აფრიკა.ტრამპის ადმინისტრაციასთან არსებული უთანხმოების ფონზე, სამხრეთ აფრიკის საგარეო უწყების წარმომადგენლებმა განაცხადეს, რომ სამიტში მათი არმონაწილეობა ნებაყოფლობითი არ ყოფილა.შეხვედრას, რომელსაც მსოფლიოს უმსხვილესი ეკონომიკების წამყვანი დიპლომატები ესწრებიან, ატლანტაში აშშ-ის სახელმწიფო მდივანი მარკო რუბიო მასპინძლობს.უკრაინა "დიდი ოცეულის" წევრი არ არის, თუმცა ბოლო წლებში მსგავს შეხვედრებზე მას ხშირად იწვევდნენ. ამჯერად კი უკრაინა მიწვეული არ ყოფილა.