მსოფლიო
1794471064
სანკტ-პეტერბურგის გარეუბანში ავტომობილის აფეთქების შედეგად რუსი სამხედრო მოსამსახურე დაიღუპა.გავრცელებული ცნობით, ასაფეთქებელი მოწყობილობა ავტომობილის ქვეშ იყო დამონტაჟებული და ის დისტანციურად იმ დროს აამოქმედეს, როდესაც სამხედრო პირი ტერიტორიის დატოვებას აპირებდა.დაღუპული პოლკოვნიკი რუსეთის საჰაერო ძალებისა და საჰაერო თავდაცვის მე-6 არმიის მთავარი შტურმანი იყო.ფაქტზე დაწყებულია გამოძიება.
1794469494
უცნობი ჯარისკაცის საფლავთან მორიგე სამხედრომ პიტ ჰეგსეტსა და მის მრჩევლებს შენიშვნა მისცა
უცნობი ჯარისკაცის საფლავთან აშშ-ის არმიის მორიგე სამხედრომ ომის მდივანს, პიტ ჰეგსეტსა და მის მრჩევლებს შენიშვნა მისცა მას შემდეგ, რაც ვეტერანთა დღისადმი მიძღვნილი ცერემონიის დასრულების შემდეგ მემორიალთან შეკრებილი ჯგუფის ზოგიერთი წევრი სიცილსა და საუბარში შენიშნეს.„ყველა ვიზიტორი ვალდებულია, ნებისმიერ დროს შეინარჩუნოს სიჩუმე და პატივისცემის ატმოსფერო!“ – ხმამაღლა მიმართა ჯარისკაცმა ჯგუფს.უცნობი ჯარისკაცის საფლავი მნიშვნელოვანი მემორიალია, რომელიც პირველი და მეორე მსოფლიო ომებისა და კორეის ომის დროს დაღუპული ამერიკელი ჯარისკაცების ხსოვნას ეძღვნება. მემორიალი ასევე მოიცავს ცარიელ საფლავს, რომელიც უგზო-უკვლოდ დაკარგული ჯარისკაცების პატივსაცემად არის მოწყობილი.
1794469405
სტივ უიტკოფი და ჯარედ კუშნერი მოსკოვში ჩავიდნენ
აშშ-ის პრეზიდენტის სპეციალური წარმომადგენლები სტივ უიტკოფი და ჯარედ კუშნერი მოსკოვში ჩავიდნენ. ამის შესახებ სოციალურ ქსელში უცხო ქვეყნებთან საინვესტიციო და ეკონომიკური თანამშრომლობის საკითხებში რუსეთის პრეზიდენტის სპეციალური წარმომადგენელი და რუსეთის პირდაპირი ინვესტიციების ფონდის ხელმძღვანელი კირილ დმიტრიევი წერს.უიტკოფსა და კუშნერს ვნუკოვოს აეროპორტში დმიტრიევი დახვდა.მისი თქმით, აშშ-ის პრეზიდენტის სპეციალური წარმომადგენლები მოსკოვში რუსეთის პრეზიდენტთან, ვლადიმერ პუტინთან შესახვედრად ჩავიდნენ.როგორც მანამდე ჯარედ კუშნერმა განაცხადა, ის და სტივ უიტკოფი 12 ნოემბერს მოსკოვში ვლადიმირ პუტინს შეხვდებიან, რათა აბუ დაბიში განხილული საკითხები შეაჯამონ და სადავო თემებზე პოზიციების დაახლოებას შეეცადონ. მისივე თქმით, მოსკოვში შეხვედრის შემდეგ ამერიკელი წარმომადგენლები დუბლინში გაემგზავრებიან, სადაც უკრაინის პრეზიდენტს, ვოლოდიმირ ზელენსკის შეხვდებიან.
1794462507
ვენესუელიდან მილიარდობით და მილიარდობით დოლარის ღირებულების ნავთობსა და სხვა რესურსებს ვიღებთ, – ამის შესახებ აშშ-ის პრეზიდენტმა, დონალდ ტრამპმა ვირჯინიის შტატში, ვეტერანთა დღისადმი მიძღვნილ ცერემონიაზე განაცხადა.მისი თქმით, ეს თანხა ძალიან მალე ასობით მილიარდ დოლარს მიაღწევს.„მსგავსი რამ ჯერ არავის უნახავს. ომის ხარჯები უკვე ბევრჯერ ავინაზღაურეთ. ამას ვერავინ წარმოიდგენდა. როგორც ამბობდნენ: გამარჯვებულს ნადავლი რჩება“, – აღნიშნა ტრამპმა.
1794461247
ნიუ-იორკში, საცხოვრებელი შენობის ჩამონგრევის შედეგად 2 ადამიანი დაიღუპა, 10-ზე მეტი კი დაშავდა
ნიუ-იორკში, ბრუკლინის რაიონში, სამშენებლო მოედნის გვერდით მდებარე სამსართულიანი შენობა ჩამოინგრა. ქალაქის ხელისუფლების ინფორმაციით, დაიღუპა სულ მცირე ორი ადამიანი, 10-ზე მეტი კი საავადმყოფოში გადაიყვანეს. ინფორმაციას reuters-ი ავრცელებს.მედიის ინფორმაციით, ამ დროისთვის მაშველები ნანგრევებში სხვა შესაძლო დაზარალებულებს ეძებენ.ნიუ-იორკის სახანძრო სამსახურის ხელმძღვანელის, ჯონ ესპოზიტოს განცხადებით, ჩამოინგრა 1930 წელს აშენებული, ოთხბინიანი საცხოვრებელი შენობა და გვერდით მდებარე სამშენებლო მოედანზე გადავარდა, სადაც მიწის გათხრითი სამუშაოები მიმდინარეობდა.მისივე თქმით, შემთხვევის მიზეზს შესაბამისი სამსახურები იკვლევენ.ოფიციალური პირების განცხადებით, ჯერჯერობით უცნობია, რამდენი ადამიანი იმყოფებოდა სახლში ნგრევის მომენტში, რომელიც ადგილობრივი დროით 16:00 საათზე მოხდა. მათ ასევე არ დაუკონკრეტებიათ, რამდენი მუშა იმყოფებოდა სამშენებლო მოედანზე შენობის ჩამონგრევის დროს.
1794435821
ნიუ-იორკში, საცხოვრებელი კორპუსის ნაწილი ჩამოინგრა - ნანგრევებში ადამიანები არიან მოყოლილები
აშშ-ში, ნიუ-იორკის ბრუკლინის რაიონ ფლატბუშში, სამსართულიანი საცხოვრებელი შენობის ნაწილი ჩამოინგრა.შემთხვევა 11 ნოემბერს, ადგილობრივი დროით დაახლოებით 16:00 საათზე, ბედფორდის გამზირზე, ნომერ 2625-ში მოხდა.ადგილობრივი მედიის ინფორმაციით, ნგრევის შედეგად რამდენიმე ადამიანი ნანგრევებში მოყვა. შემთხვევის ადგილზე მობილიზებული იყვნენ მეხანძრე-მაშველები და სასწრაფო დახმარების ჯგუფები.გავრცელებულ კადრებში ჩანს, როგორ ეძებენ მაშველები ნანგრევებში მოყოლილ ადამიანებს. Associated Press-ის ცნობით, მაშველებმა სულ მცირე ერთი ადამიანი ნანგრევებიდან გამოიყვანეს და საკაცით გადაიყვანეს.შემთხვევა იმ ტერიტორიაზე მოხდა, სადაც სამშენებლო სამუშაოები მიმდინარეობდა. ნგრევის ზუსტი მიზეზი ჯერჯერობით უცნობია.სამაშველო ოპერაცია მიმდინარეობს. დაშავებულთა საბოლოო რაოდენობა ამ დროისთვის დაზუსტებული არ არის.
1794430175
დღეს მნიშვნელოვან ჰუმანიტარულ წინსვლას მივაღწიეთ – უკრაინა და რუსეთი პრინციპულ შეთანხმებამდე მივიდნენ ომის განმავლობაში ყველაზე მასშტაბური ტყვეების გაცვლის შესახებ,- ამის შესახებ აშშ-ის პრეზიდენტის სპეციალურმა წარმომადგენელმა, ჯარედ კუშნერმა განაცხადა, რომელიც სამმხრივ მოლაპარაკებებში მონაწილეობდა.მისი თქმით, ეს ოჯახების გაერთიანებას, ნდობის განმტკიცებასა და მშვიდობისკენ სვლის დაჩქარებას შეუწყობს ხელს.კუშნერის განცხადებით, უკრაინისა და რუსეთის კვლავ ერთ მაგიდასთან დასმა და თებერვლის შემდეგ პირველი სამმხრივი მოლაპარაკებების გამართვა მნიშვნელოვანი ნაბიჯი იყო. მისივე თქმით, დისკუსიები სერიოზული, დეტალური და გულწრფელი იყო.„ორივე ქვეყანამ კონკრეტული წინადადებები წარმოადგინა, რათა მხარეებს შორის არსებული უთანხმოება შემცირდეს და ომის დასრულების გზა მოიძებნოს. უკრაინასა და ჩვენს ევროპელ პარტნიორებთან მჭიდრო კოორდინაციით, შევაჯერეთ წინადადებები, რომლებსაც ხვალ მოსკოვში პრეზიდენტ პუტინთან განვიხილავთ, რის შემდეგაც პრეზიდენტ ზელენსკისთან კონსულტაციებს გავმართავთ. პრეზიდენტი დონალდ ტრამპი მტკიცედ არის განწყობილი, დაასრულოს ეს საშინელი ომი. მნიშვნელოვანი უთანხმოებები კვლავ არსებობს, თუმცა მზად ვართ, განვავითაროთ მიღწეული პროგრესი და ხელი შევუწყოთ უფრო ფართო, მრავალმხრივ მოლაპარაკებებს, რომლებმაც შეიძლება ხანგრძლივი მშვიდობა და სუვერენული, უსაფრთხო და აყვავებული უკრაინა უზრუნველყოს“, – განაცხადა კუშნერმა.
1794424855
აშშ-ს არ შეუძლია, რუსეთის წინააღმდეგ დაწესებული სანქციების მოხსნაზე მოლაპარაკებები ევროპის სახელით აწარმოოს, – ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში კაია კალასმა „ფრანც 24“-თან ინტერვიუში განაცხადა.მისი თქმით, სანქციების მოხსნისა და გაყინული აქტივების გათავისუფლების შესახებ გადაწყვეტილებების მიღება მხოლოდ ევროპას შეუძლია.„ცხადია, არსებობს ევროპული ინტერესები. თუ დავფიქრდებით, რეალურად რა სურს რუსეთს ამ მოლაპარაკებებისგან, ეს არის სანქციების მოხსნა, ასევე გაყინული აქტივების გათავისუფლება. ეს ევროპის გადაწყვეტილებებია და მათ ევროპის გარდა ვერავინ მიიღებს. რა თქმა უნდა, რუსეთს არ სურს ევროპასთან საუბარი, რადგან მისთვის უფრო მარტივია აშშ-თან საუბარი. თუმცა, იმ საკითხებზე, რომლებიც ჩვენი გადასაწყვეტია, აშშ ჩვენი სახელით მოლაპარაკებებს ვერ აწარმოებს. ამისთვის კი საჭიროა, ვიყოთ მტკიცე და ერთიანი ჩვენს გზავნილში. რუსეთთან სასაუბროდ მრავალი განსხვავებული ფორმატი არსებობს, მაგრამ, ჩემი აზრით, მნიშვნელოვანია, ყველამ, ვინც რუსეთს ესაუბრება, ერთი და იმავე გზავნილი გადასცეს“, – განაცხადა კაია კალასმა.
1794421260
აშშ-ს ირანთან ომი არ დაუწყია, ირანი 1979 წლიდან აწარმოებს ომს აშშ-ის წინააღმდეგ, – ამის შესახებ აშშ-ის პრეზიდენტმა, დონალდ ტრამპმა ვირჯინიის შტატში, ვეტერანთა დღისადმი მიძღვნილ ცერემონიაზე განაცხადა.მისივე თქმით, ეს საკითხი დიდი ხნის წინ უნდა მოგვარებულიყო.დონალდ ტრამპის განცხადებით, აშშ-მა ომში გაიმარჯვა და ახლა ცდილობს, დარწმუნდეს, რომ ეს სრული გამარჯვებაა.„მათ სერიოზული პასუხი გავეცით და გავიმარჯვეთ. საკითხავი მხოლოდ ის არის, ხომ არ გვსურს ამის დასრულება? ჩვენ გვინდა, დავრწმუნდეთ, რომ სრული გამარჯვება მოვიპოვეთ და არა 93%-იანი. ეს სრული გამარჯვება იქნება. მათ 25 წელი დასჭირდებათ იმის აღსადგენად, რაც ჩვენ გავანადგურეთ. იმედი მაქვს, ამ ქვეყნის კიდევ უფრო მეტად განადგურება აღარ მოგვიწევს“, – განაცხადა ტრამპმა.
1794420660
ევროკავშირის დიპლომატიის ხელმძღვანელმა, კაია კალასმა არ გამორიცხა, რომ რუსეთი უკვე აგზავნის გატაცებულ უკრაინელ ბავშვებს უკრაინის წინააღმდეგ საბრძოლველად.„სიტუაციამ შოკისმომგვრელი და მახინჯი სახე მიიღო: რუსეთი, სავარაუდოდ, ახლა უკვე გატაცებულ უკრაინელ ბავშვებს აგზავნის უკრაინის წინააღმდეგ საბრძოლველად“, - განაცხადა კალასმა.თავის გამოსვლაში მან ისაუბრა ლუკაზე - 13 ბავშვიდან და მოზარდიდან ერთ-ერთზე, რომლებიც დაბრუნდნენ უკრაინაში. მისი თქმით, მას ახლახან შეუსრულდა 18 წელი და რუსეთის არმიის სამხედრო სავალდებულო უწყება მიიღო.კალასის მიერ დებატებზე წარმოდგენილი მონაცემებით, რუსეთმა უკანონოდ გაიყვანა 20 500-ზე მეტი უკრაინელი ბავშვი. მისივე თქმით, ნოემბრის მდგომარეობით, 2 790 უკრაინელი ბავშვის დაბრუნება მოხერხდა.
1794420060
დასავლური სადაზვერვო შეფასებების თანახმად, ირანი თვეში დაახლოებით 50 ბალისტიკურ რაკეტას აწარმოებს
დასავლური სადაზვერვო შეფასებების თანახმად, ირანი თვეში დაახლოებით 50 ბალისტიკურ რაკეტას აწარმოებს, რაც მისი ომამდელი სიმძლავრის დაახლოებით ნახევარია. მონაცემები ოთხშაბათს გავრცელდა, ზუსტად იმ დროს, როდესაც თეირანმა ახალი მიწისქვეშა „სარაკეტო ქალაქი“ წარადგინა.როგორც Bloomberg-თან საუბრისას დასავლელმა მაღალჩინოსანმა სადაზვერვო ანგარიშებზე დაყრდნობით განაცხადა, მიუხედავად იმისა, რომ თებერვალში დაწყებული აშშ-ისა და ისრაელის ერთობლივი საჰაერო კამპანიის შედეგად ირანის კონვენციური სამხედრო ძალები თითქმის განადგურდა, ქვეყანას სავარაუდოდ ჯერ კიდევ აქვს, სულ მცირე, 1 700 ბალისტიკური რაკეტა და მათ წარმოებას აგრძელებს.ახლო აღმოსავლეთში აშშ-ის ძალებისა და მოკავშირეების წინააღმდეგ ირანული სარაკეტო იერიშების გამო, „პატრიოტის“ ტიპის, სულ მცირე, 1 000 რაკეტა გამოიყენეს. წელიწადში დაახლოებით 650 ასეთი რაკეტა იწარმოება, რომელთაგან თითოეულის ღირებულება 4 მილიონი აშშ დოლარია.Bloomberg-ის შეფასებით, 28 თებერვალს, აშშ-ისა და ისრაელის ერთობლივი თავდასხმებით დაწყებული ომის შემდეგ, ირანმა 4 900-ზე მეტი „შაჰედის“ ტიპის დრონი და, სულ მცირე, 2 200 ბალისტიკური რაკეტა გაუშვა.
1794417421
ირანი აშშ-ის მხრიდან დარტყმის შემთხვევაში „შორეულ“ ამერიკულ ბაზებზე იერიშის მიტანით იმუქრება
ირანის ეროვნული უსაფრთხოების საბჭოს გენერალური მდივნის, მოჰსენ რეზაის განცხადებით, დონალდ ტრამპის მხრიდან ისლამური რესპუბლიკის წინააღმდეგ ხელახალი სამხედრო დარტყმის განხორციელების შემთხვევაში, ირანი საპასუხოდ ამერიკის „შორეულ“ ბაზებსაც შეუტევს.ლიბანურ ტელეარხ Al-Mayadeen-თან ინტერვიუში რეზაიმ აღნიშნა, რომ თეირანი მხოლოდ ახლომდებარე სამხედრო ობიექტების სამიზნეში ამოღებით არ შემოიფარგლება.„თუ ამერიკელები შეცდომას დაუშვებენ და თავს დაგვესხმიან, ჩვენ არ შემოვიფარგლებით მხოლოდ ახლომდებარე ბაზებზე დარტყმით, არამედ მივიტანთ იერიშს ყველა უახლოეს და ასევე შორეულ ამერიკულ ბაზებზე“, - განაცხადა რეზაიმ.მისი თქმით, სამიზნედ მიიჩნევა ნებისმიერი ბაზა, საიდანაც ამერიკული თვითმფრინავები აფრინდებიან, რაც ევროპულ ბაზებსაც მოიცავს.რეზაი ირწმუნება, რომ დონალდ ტრამპს და ისრაელის პრემიერ-მინისტრ ბენიამინ ნეთანიაჰუს აღარ აქვთ პოლიტიკური შესაძლებლობა, თუნდაც 10-დღიანი ომი წარმართონ.მისი მტკიცებით, ირანი ამჟამად აშშ-თან პირდაპირ მოლაპარაკებებს არ აწარმოებს: „ვადასტურებ, რომ ამჟამად ამერიკელებთან არანაირ მოლაპარაკებებს არ ვაწარმოებთ. ამჟამად შეერთებულ შტატებსა და ჩვენ შორის არანაირი დიალოგი არ არსებობს“.
