1787293493

რუსებმა ხარკოვის ოლქის სოფელ ლებიაჟიეზე თავდასხმა განახორციელეს - დაიღუპა 4 ადამიანი

რუსულმა ძალებმა უკრაინის ხარკოვის ოლქის სოფელ ლებიაჟიეზე თავდასხმა განახორციელეს, რის შედეგადაც საცხოვრებელ სახლებში ხანძარი გაჩნდა, ოთხი ადამიანი დაიღუპა და რამდენიმე დაშავდა, - ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.„მტერმა ღამით ჩუგუევსკის რაიონის სოფელ ლებიაჟიეს ექვსი უპილოტო საფრენი აპარატით შეუტია. მასშტაბური დარტყმის შედეგად 73 წლის და 66 წლის ქალები დაიღუპნენ“, - აღნიშნა სინეგუბოვმა.მისივე ინფორმაციით, თავდასხმის შედეგად 5 კერძო საცხოვრებელ სახლში ხანძარი დაფიქსირდა, განადგურდა 3 საცხოვრებელი შენობა და დაზიანდა 20.სინეგუბოვმა მოგვიანებით აღნიშნა, რომ მაშველებმა ნანგრევებიდან კიდევ ორი ადამიანის ცხედარი ამოასვენეს.

1787291952

უკრაინას საჩუქრები არ სჭირდება, შეუძლია, შეირაღება თავად შეიძინოს, მნიშვნელოვანია, არსებობდეს პოლიტიკური გადაწყვეტილებები პარტნიორებისგან, უპირველეს ყოვლისა, აშშ-სგან - ვოლოდიმირ ზელენსკი

 უკრაინის პრეზიდენტი ვოლოდიმირ ზელენსკი აცხადებს, რომ რუსეთის მიერ კიევზე განხორციელებული შეტევის დროს უკრაინულმა ძალებმა ფრთოსანი რაკეტების დაახლოებით 90% ჩამოაგდეს, თუმცა ბალისტიკურ რაკეტებთან დაკავშირებით მდგომარეობა „გაცილებით უარესადაა“.მისივე თქმით, უკრაინას პარტიორებისგან „პეტრიოტის“ სისტემისთვის რაკეტები სჭირდება.„კიევსა და რეგიონში – ბორისპილში, ბროვარიში – რუსული დარტყმის შემდეგ სამუშაოები გაგრძელდა. ეს იყო კომბინირებული დარტყმა: ბევრი ბალისტიკური რაკეტა, ფრთოსანი რაკეტები, იყო დრონები. სამწუხაროდ, ბალისტიკური რაკეტების წინააღმდეგ ბრძოლა ამჟამად ყველაზე რთულია. თუ ამ დარტყმის შედეგად ჩამოგდებული ფრთოსანი რაკეტების პროცენტული მაჩვენებელი დაახლოებით 90%-ია, მაშინ ბალისტიკურ რაკეტებთან დაკავშირებით სიტუაცია გაცილებით უარესია. ჩვენ გვჭირდება რაკეტები „პეტრიოტებისთვის“, ეს არის ის, რისი უზრუნველყოფაც მხოლოდ ჩვენს პარტნიორებს შეუძლიათ“, – განაცხადა ზელენსკიმ.ზელენსკიმ აქვე აღნიშნა, რომ უკრაინას საჩუქრები არ სჭირდება და შეუძლია, შეირაღება თავად შეიძინოს.„ჩვენ არ ვსაუბრობთ საჩუქრებზე. საქმე ეხება უკრაინის მზადყოფნას, შეიძინოს იარაღი. მნიშვნელოვანია, რომ არსებობდეს გადაწყვეტილებები – შესაბამისი პოლიტიკური გადაწყვეტილებები პარტნიორებისგან და უპირველეს ყოვლისა, შეერთებული შტატებისგან. მადლობელი ვარ ყველას, ვინც ნამდვილად ეხმარება უკრაინას თავის დაცვასა და ადამიანების სიცოცხლის გადარჩენაში“, – განაცხადა მან.ცნობისთვის, დღეს კიევში გლოვის დღეა გამოცხადებული. 20 აგვისტოს ღამით რუსეთის მიერ კიევზე განხორციელებულ თავდასხმას, სულ მცირე, 17 ადამიანი ემსხვერპლა. კიევის მერის ვიტალი კლიჩკოს განცხადებით, დღეს კიევის ყველა მუნიციპალურ შენობაზე სახელმწიფო დროშები დაშვებული იქნება. სახელმწიფო უწყებებს, ასევე კერძო დაწესებულებებსა და ორგანიზაციებს რეკომენდაცია მიეცათ, დროშები ნახევრად დაუშვან. 

1787288607

კიევზე თავდასხმის დროს ფრთოსანი რაკეტების დაახლოებით 90% ჩამოვაგდეთ, ბალისტიკურ რაკეტებთან დაკავშირებით მდგომარეობა მნიშვნელოვნად უფრო ცუდადაა - ვოლოდიმირ ზელენსკი

 უკრაინის პრეზიდენტის ვოლოდიმირ ზელენსკის განცხადებით, რუსეთის მიერ კიევზე განხორციელებული შეტევის დროს ფრთოსანი რაკეტების დაახლოებით 90%-ი ჩამოაგდეს, ბალისტიკურ რაკეტებთან დაკავშირებით კი მდგომარეობა უფრო ცუდადაა.„დარტყმა კომბინირებული იყო: მრავალი ბალისტიკური რაკეტა, ფრთოსანი რაკეტა და დრონი. სამწუხაროდ, ამჟამად ბალისტიკური რაკეტების წინააღმდეგ ბრძოლა ყველაზე რთულია. თუ ამ დარტყმის დროს ჩამოგდებული ფრთოსანი რაკეტების პროცენტული მაჩვენებელი დაახლოებით 90%-ს შეადგენს, ბალისტიკურ რაკეტებთან დაკავშირებით მდგომარეობა მნიშვნელოვნად უარესია“, - აღნიშნა ზელენსკიმ.მისი თქმით, რუსეთის თავდასხმამ 200-ზე მეტი ობიექტი დააზიანა, მათ შორის 86 სახლი, ბავშვთა საავადმყოფო, სოციალური ინფრასტრუქტურა და საცალო ვაჭრობის ობიექტები. „რუსეთის ამ დარტყმას აუცილებლად ვუპასუხებთ, ისევე როგორც რუსეთის სხვა დარტყმებს - ვუპასუხებთ სამართლიანად და შორ მანძილზე. უკრაინის შორ მანძილზე მოქმედი ძალები კიდევ უფრო მეტ რესურსს მიიღებენ“, - აღნიშნა პრეზიდენტმა ზელენსკიმ.20 აგვისტოს ღამეს რუსებმა კიევზე ბალისტიკური რაკეტებით თავდასხმა განახორციელეს, რის შედეგადაც 15 ადამიანი დაიღუპა. საღამოს რუსებმა დედაქალაქს კვლავ დაარტყეს, ორი ადამიანი დაიღუპა და სამი დაშავდა.

1787213940

ზელენსკი: ვიდრე უკრაინას საკმარისი ანტიბალისტიკური თავდაცვა არ ექნება, რუსეთი მშვიდობას სერიოზულად არ განიხილავს

ვიდრე უკრაინას საკმარისი ანტიბალისტიკური თავდაცვა არ ექნება, რუსეთი მშვიდობას სერიოზულად არ განიხილავს, - ასე ეხმაურება უკრაინის პრეზიდენტი ვოლოდიმირ ზელენსკი კიევზე რუსეთის მიერ განხორციელებულ მასშტაბურ იერიშს.„საგანგებო სიტუაციების სამსახურები რუსების დარტყმების ადგილებზე მუშაობას განაგრძობენ. ეს მასშტაბური თავდასხმა იყო, რომლისთვისაც რუსები დიდხანს ემზადებოდნენ სხვადასხვა ტიპის ბალისტიკური რაკეტების, ფრთოსანი რაკეტებისა და დრონების კომბინირებით, რათა მაქსიმალური ზიანი მიეყენებინათ სამოქალაქო ინფრასტრუქტურისთვის“, - წერს ზელენსკი X-ზე.ზელენსკის ცნობით, რუსების იერიშის შედეგად, უკრაინის დედაქალაქში 12 ადამიანი, ხოლო კიევის ოლქში ერთი ადამიანი დაიღუპა. ასევე, თავდასხმის შედეგად 40-მდე ადამიანი დაშავდა.უკრაინის პრეზიდენტის თქმით, რუსებმა ოდესის ოლქში, მოლდოვასთან სასაზღვრო გამშვებ პუნქტს დაარტყეს, ხოლო ჩერნიგოვის ოლქში ბუნებრივი აირის ინფრასტრუქტურას.„სამწუხაროდ, მაშინ, როდესაც მოსკოვი ბალისტიკურ რაკეტებსა და ესკალაციაში ინვესტიციას დებს, მსგავს თავდასხმებს ყოველთვის არ მოჰყვება მსოფლიოსგან სათანადო რეაქცია. ვიდრე უკრაინას საკმარისი ანტიბალისტიკური თავდაცვა არ ექნება, რუსეთი მშვიდობას სერიოზულად არ განიხილავს. ჩვენ Patriot-ის ჰაერსაწინააღმდეგო რაკეტები ყოველდღიურად გვჭირდება. ყოველი დამატებითი რაკეტა ჩვენი ხალხის სიცოცხლეს ინარჩუნებს. მადლობა ყველას, ვინც დახმარების გზებს ეძებს და პოულობს“, - აცხადებს უკრაინის პრეზიდენტი.

1787211193

კიევში 21 აგვისტო გლოვის დღედ გამოცხადდა

კიევში 21 აგვისტო გლოვის დღედ გამოცხადდა. ამის შესახებ კიევის მერმა, ვიტალი კლიჩკომ განაცხადა.„დედაქალაქზე მტრის მასშტაბური თავდასხმის შედეგად დაღუპულთა ხსოვნის პატივსაცემად, 21 აგვისტო კიევში გლოვის დღედ გამოცხადდა“, – განაცხადა კლიჩკომ.გლოვის დღეს კიევის ყველა მუნიციპალურ შენობაზე სახელმწიფო დროშები დაშვებული იქნება. სახელმწიფო უწყებებს, ასევე კერძო დაწესებულებებსა და ორგანიზაციებს რეკომენდაცია მიეცათ, დროშები ნახევრად დაეშვათ.21 აგვისტოს კიევში ყველა გასართობი ღონისძიების ჩატარებაც აიკრძალება.რუსეთის მასშტაბური თავდასხმის შემდეგ, უკრაინის საგარეო საქმეთა მინისტრმა, ანდრეი სიბიგამ საერთაშორისო პარტნიორებს მოუწოდა, რომ უკრაინას ანტიბალისტიკური რაკეტები მიაწოდონ და რუსეთის წინააღმდეგ სანქციები გააძლიერონ. სიბიგას თქმით, 20 აგვისტოს ღამით რუსეთის მიერ განხორციელებული თავდასხმა ერთ-ერთი ყველაზე სასტიკი იერიში იყო.„ასეთი საშინელი სამხედრო დანაშაულებით პუტინი ცდილობს, აჩვენოს, რომ სრულად დაუსჯელია. ყოველი რუსული ბალისტიკური რაკეტა ბარბაროსობის აქტია, ხოლო უკრაინისთვის მიწოდებული ყოველი ჩამომგდები რაკეტა – ჰუმანურობის გამოხატულება, რომელიც ადამიანების სიცოცხლეს გადაარჩენს“, – განაცხადა უკრაინის საგარეო საქმეთა მინისტრმა.სიბიგას თქმით, უკრაინამ იცის, რომელ პარტნიორებს შეუძლიათ მსგავსი რაკეტების მიწოდება და მათ დაუყოვნებლივ მოქმედებისკენ მოუწოდა.

1787202809

რუსეთის იერიშს კიევზე სულ მცირე 6 ადამიანი ემსხვერპლა

 რუსულმა ძალებმა კიევზე ბალისტიკური რაკეტებით იერიში მიიტანეს, რის შედეგადაც 6 ადამიანი დაიღუპა, 33 კი დაშავდა. ინფორმაციას მედია კიევის მერზე, ვიტალი კლიჩკოზე დაყრდნობით ავრცელებს.თავდასხმის შედეგად დაზიანდა საცხოვრებელი სახლები, სამედიცინო და საგანმანათლებლო დაწესებულება.

1787133460

უკრაინამ და რუსეთმა ტყვეები გაცვალეს

რუსეთის თავდაცვის სამინისტრომ განაცხადა, რომ უკრაინის ხელისუფლებასთან სამხედრო ტყვეები გაცვალა. მხარეებმა ერთმანეთს 103-103 ადამიანი გადასცეს.უკრაინას ჯერჯერობით გაცვლის შესახებ კომენტარი არ გაუკეთებია.სამხედრო ტყვეების წინა გაცვლა 26 ივნისს შედგა. მაშინ მხარეებმა ერთმანეთს 160-160 ადამიანი გადასცეს. ივლისსა და აგვისტოში კი მოსკოვმა და კიევმა ერთმანეთს დაღუპული სამხედროების ცხედრები გადასცეს.

1787119918

უკრაინულმა დრონებმა რუსეთის რამდენიმე რეგიონზე იერიში მიიტანეს

 უკრაინულმა დრონებმა რუსეთის რამდენიმე რეგიონზე იერიში მიიტანეს. მოსკოვის მერის, სერგეი სობიანინის განცხადებით, თავდაცვის სისტემებმა თავდაპირველად 11, მოგვიანებით კი კიდევ 10 დრონი ჩამოაგდეს. „ბიბისის“ ცნობით, თავდასხმების გამო მოსკოვის რამდენიმე აეროპორტში ფრენებზე დროებითი შეზღუდვები დაწესდა.ბაშკირეთის ხელმძღვანელის, რადი ხაბიროვის განცხადებით, უფაზე ექვსი დრონით იერიში განხორციელდა. მისი თქმით, ოთხი მათგანი ჩამოაგდეს, ერთი სამრეწველო ზონაში ჩამოვარდა და ხანძარი გამოიწვია, კიდევ ერთი კი საცხოვრებელ სახლს მოხვდა. შემთხვევის შედეგად ერთი ადამიანი დაშავდა და ის საავადმყოფოში გადაიყვანეს.დრონების თავდასხმის შესახებ ინფორმაცია ნიჟნი ნოვგოროდის ოლქიდანაც ვრცელდება. ოლქის გუბერნატორის, გლებ ნიკიტინისგანცხადებით, ღამით რეგიონზე 52 დრონის თავდასხმა მოიგერიეს..მისი თქმით, დაზიანდა ორი კერძო სახლი, მრავალბინიან შენობაში ჩაიმსხვრა მინები და დაზიანდა ავტომობილები. წინასწარი ინფორმაციით, დაშავებულები არ არიან.ამასთან, უკრაინის ქალაქ ზაპოროჟიეზერუსეთის სამხედროების მიერ განხორციელებულ დრონების იერიშს ერთი ადამიანი ემსხვერპლა, ექვსი კი დაშავდა. უკრაინის საოლქო სამხედრო ადმინისტრაციის ხელმძღვანელის, ივან ფიოდოროვის განცხადებით, დაზიანდა საცხოვრებელი და არასაცხოვრებელი შენობები.

1787113303

მიხაილო ფედოროვი უკრაინაში არჩევნების ჩატარების მოწოდებით გამოვიდა

 შეიძლება თუ არა, რუსეთმა ფაქტობრივად მიიღოს უფლება, განსაზღვროს, როდის შეძლებენ უკრაინელები კვლავ აირჩიონ საკუთარი ხელისუფლება? დარწმუნებული ვარ, რომ არა. დემოკრატია, არ შეიძლება, რუსეთის მძევალი გახდეს, – ამის შესახებ  ვიდეომიმართვაში უკრაინის ყოფილმა თავდაცვის მინისტრმა, მიხაილო ფედოროვმა განაცხადა.ფედოროვის თქმით, უკრაინამ უნდა იპოვოს კანონიერი, უსაფრთხო და რეალისტური მექანიზმი, რომელიც სრულფასოვანი დემოკრატიული პროცესის განახლების საშუალებას მისცემს, თუნდაც გაჭიანურებული ომის პირობებში.„ეს რთულია. საჭიროა, უზრუნველყოფილი იყოს ხმის მიცემის უფლება სამხედროებისთვის, საზღვარგარეთ მყოფი მილიონობით უკრაინელისთვის და ფრონტისპირა რეგიონებში მცხოვრები ადამიანებისთვის. ასევე, საჭიროა საარჩევნო პროცესის უსაფრთხოების, ინსტიტუტების დამოუკიდებლობისა და არჩევნების შედეგების მიმართ ნდობის უზრუნველყოფა, მაგრამ სირთულე შეუძლებლობას არ ნიშნავს. უკრაინას არაერთხელ გაუკეთებია ის, რასაც მსოფლიო შეუძლებლად მიიჩნევდა“, – აცხადებს ყოფილი მინისტრი.ფედოროვი ასევე ამბობს, რომ განსაკუთრებით სახიფათოა, როდესაც საზოგადოებას უჩნდება განცდა, რომ ადამიანის თანამდებობაზე დანიშვნის მთავარი კრიტერიუმი მისი პროფესიონალიზმი, შედეგები ან ქვეყნის შეცვლის უნარი კი არა, სისტემისადმი პირადი ლოიალობაა.„თანამედროვე სახელმწიფო ასე ვერ იფუნქციონირებს. მით უმეტეს, ასე ვერ იფუნქციონირებს ქვეყანა, რომელიც საკუთარი არსებობისთვის იბრძვის. ჩვენ კორუფციაზეც უნდა ვისაუბროთ არა იმიტომ, რომ ეს მოდური სიტყვაა, არამედ იმიტომ, რომ ომის დროს კორუფცია სრულიად სხვა მნიშვნელობას იძენს“, – ამბობს ფედოროვი ვიდეომიმართვაში.

1787031785

რუსული მხარის განცხადებით, მოსკოვზე 600-ზე მეტი დრონით შეტევა განხორციელდა

 რუსეთის დედაქალაქ მოსკოვის მერის, სერგეი სობიანინის განცხადებით, ღამის განმავლობაში დედაქალაქისა და მოსკოვის ოლქის მიმართულებით 620 უპილოტო საფრენი აპარატი დააფიქსირეს.„გუშინდელი საღამოდან დღეს დილის 5:00 საათამდე მოსკოვის რეგიონის მიმართულებით 620 უპილოტო საფრენი აპარატი მოფრინავდა, რომელთაგან 180 მოსკოვის რეგიონში გაანადგურეს“, - აღნიშნა სობიანინმა.მისი თქმით, ნანგრევების ჩამოვარდნის ადგილზე საგანგებო სიტუაციების სამსახურები მუშაობენ. რუსული მედიის ინფორმაციით, უსაფრთხოებასთან დაკავშირებული შეზღუდვების გამო, მოსკოვში რვა ავიარეისის დაშვება ვერ მოხერხდა.

1786946538

ბელგოროდის ოლქში სარაკეტო დარტყმის შედეგად ექვსი ადამიანი დაიღუპა და ოთხი დაშავდა

 ბელგოროდის ოლქში სარაკეტო დარტყმის შედეგად ექვსი ადამიანი დაიღუპა, ოთხი დაშავდა. ამის შესახებ ინფორმაციას ოლქის გუბერნატორის მოვალეობის შემსრულებელი ალექსანდრ შუვაევი ავრცელებს.შუვაევის ცნობით, დაშავებული ბავშვი 14 წლისაა. მისივე თქმით, თავდასხმის ადგილას დაიწვა შენობა და დაზიანდა მსუბუქი ავტომობილი.პარალელურად, უკრაინაში ღამის განმავლობაში განხორციელებული დარტყმების შედეგად ზაპოროჟიეს რაიონში, სულ მცირე, ორი ადამიანი დაიღუპა და სამი დაშავდა.„დღე-ღამის განმავლობაში ოკუპანტებმა ზაპოროჟიეს ოლქის 60 დასახლებულ პუნქტს 1217-ჯერ დაარტყეს“,- წერს ოლქის სამხედრო ადმინისტრაციის ხელმძღვანელი ივან ფედოროვი.

1786946152

შემოდგომაზე რუსეთის წინააღმდეგ ყველაზე მასშტაბური სანქციების სიას წარვადგენ - კაია კალასი

 ევროკავშირის უმაღლესი წარმომადგენელი კაია კალასი აცხადებს,რომ ევროკავშირი უახლოეს თვეებში რუსეთის წინააღმდეგ სანქციების ახალი პაკეტის წარდგენას გეგმავს, რომელიც შესაძლოა, ომის დაწყების შემდეგ ყველაზე მასშტაბური აღმოჩნდეს.კალასის თქმით, ევროპულმა სანქციებმა უკვე მნიშვნელოვანი ზიანი მიაყენა რუსეთს. მისივე შეფასებით, რუსეთმა სანქციების შედეგად ტრილიონ ევროზე მეტი დაკარგა.„შემოდგომისთვის ომის დაწყების შემდეგ ყველაზე მასშტაბურ სასანქციო ზომების პაკეტს წარვადგენ. მისი მიღების შემდეგ დაუყოვნებლივ, მესამედით გაიზრდება სანქცირებული რუსი იურიდიული და ფიზიკური პირების საერთო რაოდენობა. ზეწოლა უნდა გაძლიერდეს იქამდე, ვიდრე მოსკოვი თავის ომს არ შეწყვეტს“,- აღნიშნა კაია კალასმა.