1759320285

ეკონომიკის სამინისტრო - „მსოფლიო ეკონომიკური თავისუფლების“ 2025 წლის რეიტინგში საქართველო რვა ადგილით დაწინაურდა და 165 ქვეყანას შორის 25-ე ადგილი დაიკავა

2025 წელს „მსოფლიო ეკონომიკური თავისუფლების“ რეიტინგში საქართველო რვა ადგილით დაწინაურდა და მსოფლიოს 165 ქვეყანას შორის, 7,69 ქულით, 25-ე ადგილი დაიკავა, – ინფორმაციას ამის შესახებ ეკონომიკის სამინისტრო ავრცელებს.როგორც სამინისტროს ინფორმაციაშია აღნიშნული, საქართველომ რეიტინგში, ორივე – როგორც პოზიცია, ასევე ქულა გაიუმჯობესა.უწყების ცნობით, „მსოფლიო ეკონომიკური თავისუფლების“ ინდექსში საქართველოს წარმატების აღიარება განსაკუთრებით მნიშვნელოვანია, რამდენადაც აღნიშნული რეიტინგი ზომავს, თუ ქვეყნის პოლიტიკა და ინსტიტუტები რამდენად აძლევს ადამიანებს შესაძლებლობას გააკეთონ საკუთარი ეკონომიკური არჩევანი.„რეიტინგი ზომავს ქვეყანაში ეკონომიკური თავისუფლების ხარისხს, აფასებს კანონის უზენაესობას, სასამართლოს დამოუკიდებლობას, კერძო საკუთრების დაცულობას, ინფლაციას, ბიუროკრატიის წნეხს, ვალუტის სტაბილურობას, ადგილობრივ და საერთაშორისო ბაზარზე შესვლის შესაძლებლობას და სხვა მახასიათებლებს.რეიტინგი „მსოფლიო ეკონომიკური თავისუფლება“ ქვეყნებს ხუთი ძირითადი მიმართულებით აფასებს; ესენია – მთავრობის ზომა, სამართლებრივი სისტემა და საკუთრების უფლებები, წვდომა მყარ ვალუტაზე, საერთაშორისო ვაჭრობის თავისუფლება და რეგულაციები (კრედიტი, შრომა და ბიზნესი).„მსოფლიო ეკონომიკური თავისუფლების“ რეიტინგში, საქართველო უსწრებს ევროკავშირის წევრ 17 ქვეყანას: ჩეხეთი, ავსტრია, შვედეთი, ლატვია, ლიეტუვა, საფრანგეთი, ბელგია, სლოვაკეთი, იტალია, ნორვეგია, რუმინეთი, ხორვატია, საბერძნეთი, ბულგარეთი, სლოვენია პოლონეთი და უნგრეთი. ამასთან, საქართველო რეიტინგში უპირობო ლიდერია ევროკავშირის წევრობის ყველა კანდიდატ ქვეყანასა (ალბანეთი, მონტენეგრო, ჩრდ. მაკედონია, მოლდოვა, სერბეთი, ბოსნია და ჰერცეგოვინა, უკრაინა და თურქეთი) და ფართო რეგიონის ქვეყნებს შორის.აღსანიშნავია, რომ საქართველოს უმაღლესი, ათქულიანი საუკეთესო შეფასება აქვს შემდეგ კომპონენტებსა და ქვე-კომპონენტებში: ზედა ზღვრული საგადასახადო განაკვეთი; უცხოურ ვალუტაში ნომინირებული საბანკო ანგარიშები; შავ ბაზარზე არსებული ვალუტის გაცვლითი კურსებთან მიმართებით არსებული მდგომარეობა; ზედა ზღვრული საშემოსავლო გადასახადი (top marginal income tax); ზედა ზღვრული შემოსავალი და სახელფასო საგადასახადო განაკვეთი (Top marginal income and payroll tax rate); კომერციული ბანკების ფლობის თავისუფლება; საპროცენტო განაკვეთების რეგულირება/უარყოფითი რეალური საპროცენტო განაკვეთები.რეიტინგში პოზიციის გაუმჯობესება განპირობებულია რიგი პოზიტიური ფაქტორებით, როგორიცაა სასამართლოს დამოუკიდებლობა, საკრედიტო ბაზრის ეფექტიანი რეგულირება, დაბალი ინფლაცია, ხელსაყრელი ბიზნეს გარემოს ფორმირება და სხვ.„მსოფლიოს ეკონომიკური თავისუფლება“ შემუშავებულია კანადური Frazer Institute-ისა და ეკონომიკური თავისუფლების მსოფლიო ქსელის წევრი ინსტიტუტების მონაწილეობით. რეიტინგი ზომავს ქვეყანაში განხორციელებული პოლიტიკური კურსისა და ინსტიტუციების ხარისხს, რაც განსაზღვრავს ქვეყნის ეკონომიკურ თავისუფლებას. რეიტინგში გამოყენებული მონაცემების ნაწილი ეფუძნება ისეთ ავტორიტეტულ საერთაშორისო ორგანიზების კვლევასა და შეფასებებს, როგორიცაა საერთაშორისო სავალუტო ფონდი, მსოფლიო ბანკი, მსოფლიო ეკონომიკური ფორუმი და სხვა“, – აღნიშნულია ინფორმაციაში.

1758270068

ფილარმონიის განახლება იწყება

„Starring Georgia“ ფილარმონიის შენობის სრული რეაბილიტაციისა და ტექნიკური განახლების პროცესს იწყებს. ეს გადაწყვეტილება შენობის მძიმე მდგომარეობის გათვალისწინებით იქნა მიღებული. აღსანიშნავია, რომ პროექტი საქართველოს მთავრობის ადმინისტრაციის, საქართველოს კულტურის სამინისტროს, საქართველოს ინფრასტრუქტურის სამინისტროსა და საქართველოს მუნიციპალური განვითარების ფონდის მხარდაჭერით ხორციელდება.უკვე წლებია, საკონცერტო დარბაზი მოძველებულია, ინფრასტრუქტურა ამორტიზებულია და არ შეესაბამება თანამედროვე საკონცერტო სივრცისთვის აუცილებელ მოთხოვნებს. თბილისის მთავარ საკონცერტო დარბაზს არ აქვს რესურსი, მაღალი სტანდარტით უმასპინძლოს ღონისძიებებს და არსებული გამოწვევების ფონზე, შეასრულოს თავისი ისტორიული ფუნქცია.სამუშაოების დასრულების შემდეგ დედაქალაქს დაუბრუნდება თანამედროვე სტანდარტების შესაბამისი მთავარი საკონცერტო სივრცე, რომელიც კვლავ შეასრულებს თბილისის მთავარი კულტურული ცენტრის ფუნქციას.შენობის განახლება მისი ფუნქციური დანიშნულების არსებით გაფართოებას გულისხმობს. კულტურული ძეგლის სტატუსის გათვალისწინებით, შენობის ავთენტური იერსახე შენარჩუნდება და ამასთანავე გარემონტდება შიდა სივრცე, ტექნიკური მხარე კი, სრულად მოდერნიზდება. ფილარმონია აღიჭურვება უახლესი ტექნიკით, მაღალი ხარისხის ხმისა და განათების სისტემებით, რაც საშუალებას მოგვცემს, უმასპინძლოთ როგორც ადგილობრივ, ისე საერთაშორისო ღონისძიებებს.პროექტის მიზანია, ფილარმონია იქცეს თანამედროვე ხელოვნების აქსელერატორად, რომელიც ქალაქის კულტურული ცხოვრების რიტმს განსაზღვრავს. შენობის ადმინისტრაციულ ნაწილში განთავსდება: ხმის ჩამწერი სტუდია, სახელოსნო — სცენის მხატვრებისთვის, სკოლა — კრეატიული ინდუსტრიებით დაინტერესებული ახალგაზრდებისთვის, ექსპერიმენტული სცენა, სოციალური სივრცე და ფილარმონიის მუზეუმი.პროექტი ხელს შეუწყობს საქართველოში გასართობი ინდუსტრიის განვითარებას. ეს დაეხმარება არტისტებს თვითრეალიზაციასა და პროფესიულ ზრდაში, გაზრდის ქვეყანაში შემოქმედებით მრავალფეროვნებას და შექმნის პლატფორმას როგორც ადგილობრივი, ისე საერთაშორისო ღონისძიებისთვის.ამავდროულად, ფილარმონიის კულტურული მემკვიდრეობის შესანარჩუნებლად და მისი ისტორიის ახალი თაობებისთვის გადასაცემად, იწყება პროექტი – „ფილარმონია დროის კადრები“, რომლის ფარგლებშიც, უკვე მიმდინარეობს შენობაში შემორჩენილი ღირებული აუდიო, ვიდეო, ფოტო და დოკუმენტური მასალების აღრიცხვა და გაციფრულება. ამგვარად, პროექტის ფარგლებში, შენარჩუნდება მნიშვნელოვანი ისტორიული მეხსიერება და გაძლიერდება ახალგაზრდა თაობის ემოციური კავშირი ფილარმონიასთან – იმ კულტურულ სიმბოლოსთან, რომელიც ათწლეულების განმავლობაში საქართველოს მუსიკალური ცხოვრების მთავარ კულტურულ ჰაბს წარმოადგენდა.აღსანიშნავია, რომ ფილარმონიის შენობა „Starring Georgia-ს“ ეკოსისტემის ნაწილი 2024 წლიდან გახდა. ამ მხრივ, მნიშვნელოვანია ინკლუზიური გარემოს შექმნა და ხელმისაწვდომობის გაზრდა არსებულ სერვისებსა თუ სივრცეებზე. განახლებული ფილარმონია ადაპტირებული იქნება შშმ პირებისთვის.უკვე 3 წელია, რაც „Starring Georgia“ წარმატებით ფუნქციონირებს. ამ გუნდმა ქვეყანაში ისტორიული პრეცედენტები შექმნა და საქართველო მსოფლიო გასართობის ინდუსტრიის რუკაზე გააჩინა. ამ დროის განმავლობაში, მათ მიერ ორგანიზებულ კონცერტებს 200 000-ზე მეტი მაყურებელი დაესწრო. ქვეყანაში ჩამოვიდა 40 000-ზე მეტი უცხოელი ტურისტი, საქართველომ კი, უმასპინძლა ისეთ მსოფლიო დონის არტისტებს, როგორებიცაა: Guns N' Roses, Bruno Mars, Imagine Dragons, Justin Timberlake, Scorpions, The Killers და სხვები.

1755754217

ირაკლი ჭეიშვილი: მაკკეინის ინსტიტუტის გრანტი უნდა მოხმარდეს სხვადასხვა ქვეყანაში ე.წ. პოლიტიკური პატიმრების გათავისუფლების პროპაგანდას. საქართველოში ასეთად შერჩეული ჰყავთ მზია ამაღლობელი

 ეს თანხა [მაკკეინის ინსტიტუტის გრანტი] უნდა მოხმარდეს სხვადასხვა ქვეყანაში ე.წ. პოლიტიკური პატიმრების გათავისუფლების პროპაგანდას. საქართველოში ასეთად შერჩეული ჰყავთ მზია ამაღლობელი, - განაცხადა საპარლამენტო უმრავლესობის წევრმა, ირაკლი ჭეიშვილმა.„ნებისმიერ პატიმარს, ვისაც ბრალი წარედგინა, ეს იყო გამყარებული ვიდეოკადრებით და მათი დანაშაული იყო ასახული. ეს თანხა [მაკკეინის ინსტიტუტის გრანტი] უნდა მოხმარდეს სხვადასხვა ქვეყანაში ე.წ. პოლიტიკური პატიმრების გათავისუფლების პროპაგანდას. საქართველოში ასეთად შერჩეული ჰყავთ მზია ამაღლობელი და ეს თანხები უნდა მოხმარდეს მზია ამაღლობელის და სხვა ე.წ. პოლიტიკური პატიმრების გათავისუფლების პროპაგანდას, აქციებს“, - აღნიშნა ჭეიშვილმა.მაკკეინის ინსტიტუტის მორიგი სკანდალი - ინსტიტუტმა ნიუ-იორკის კარნეგის კორპორაციისგან, ნახევარმილიონიანი გრანტი მიიღო, რომელიც პოლიტპატიმრების ინტერესებისთვის ბრძოლას უნდა მოხმარდეს.

1754827903

სპორტის სასახლის მიმდებარედ გაჩენილი ხანძარი ლიკვიდირებულია

თბილისში, სპორტის სასხლის მიმდებარედ , "აგროჰაბის" ტერიტორიაზე გაჩენილი ხანძარი ლიკვიდირებულია.საგანგებო სიტუაციების მართვის სამსახურის ცნობით , დაშავებულების შესახებ ინფორმაცია არ მიუღიათ.ხანძრის გამომწვევ მიზეზს გამოძიება დაადგენს. 

1754633568

„ბრავო, ეს რა შესრულება იყო!“ - დათო არჩვაძისა და ბარბარე ჯაფარიძის შესრულებული „ფრთამოტეხილი მაფშალია”

8 აგვისტოს გადაცემა „ღამის პრაიმ თაიმი“ აგვისტოს ომის გმირებს მიეძღვნა. მომღერლებმა, გმირების შვილებთან ერთად იმღერეს, მსახიობებმა ლექსები წაიკითხეს.ნახეთ დათო არჩვაძისა და ბარბარე ჯაფარიძის (აგვისტოს ომის გმირის, ვახტანგ გზირიშვილი დისშვილი)  შესრულებული „ფრთამოტეხილი მაფშალია”, რომელიც ემოციისგან დაგამუჯებთ.„გაიხარეთ საოცარი შესრულება იყო. პატარა ვარსკვლავი ბარბარე“; „გასკდა გული, ეს რა შესრულება იყო!“,-წერენ კომენტარებში. 

1753294772

დღეს, პრაქტიკულად მკვდარია მთლიანად ექსტრემისტული ფლანგი. იკრიბება ყოველდღე 50-დან 100 კაცამდე, ეს არის და ეს, პირდაპირ საკუთარი თავის დისკრედიტებას ახდნენ ეს ადამიანები - ირაკლი კობახიძე

დღეს პრაქტიკულად მკვდარია მთლიანად ექსტრემისტული ფლანგი. იკრიბება ყოველდღე 50-დან 100 კაცამდე, ეს არის და ეს, პირდაპირ საკუთარი თავის დისკრედიტებას ახდნენ ეს ადამიანები - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა " ვახო ხუზმიაშვილის თავისუფალ სივრცეში" განაცხადა. 

1753293021

ოპოზიცია არჩევნებზე ტოტალური მარცხისთვის არის განწირული, არავითარი შანსი არ აქვთ - როცა მმართველ პარტიას აქვს ამხელა რეიტინგი, არც ერთი კონფიგურაცია მათ არ უშველით - ირაკლი კობახიძე

ოპოზიცია არჩევნებზე ტოტალური მარცხისთვის არის განწირული, არავითარი შანსი არ აქვთ, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში“ განაცხადა.მთავრობის მეთაურის თქმით, როცა მმართველ პარტიას აქვს 55%-იანი რეიტინგი, არც ერთი კონფიგურაცია მათ არ უშველით.„არანაირი მნიშვნელობა არ აქვს, როგორ გადალაგდება. შესაკრებთა გადანაცვლებით ჯამი არ იცვლება. ჯამი არის ძალიან დაბალი. შესაბამისად, როგორც არ უნდა დაჯგუფდნენ, ოთხივე რომ გაერთიანდნენ, ის ორი რომ გაერთიანდეს, ერთი რომ დარჩეს, არც ერთი რომ არ დარჩეს, ასეც და ისეც ტოტალური მარცხისთვის არიან განწირულები. არავითარი შანსი არ აქვთ. როცა მმართველ პარტიას აქვს ამხელა რეიტინგი, 55%-ს ვართ გადაცილებულები, არც ერთი კონფიგურაცია მათ არ უშველით“, - განაცხადა პრემიერმა. 

1753292954

ჩვენ გვაქვს მარტივი მიზანი - 64-ვე მუნიციპალიტეტში მერის და საკრებულოს არჩევნების მოგება, ამას ვერაფერი ვერ დაუდგება წინ - ირაკლი კობახიძე

ჩვენ გვაქვს მარტივი მიზანი - 64-ვე მუნიციპალიტეტში მერის და საკრებულოს არჩევნების მოგება, ამას ვერაფერი ვერ დაუდგება წინ, - ამის შესახებ საქართველოს პრემიერ-მინისტრმა ირაკლი კობახიძემ ტაჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში“ განაცხადა.მთავრობის მეთაურის თქმით, ნებისმიერი კონფიგურაციით, „ქართული ოცნება“ მოვიგებთ როგორც მერის, ისე საკრებულოს არჩევნებს„ჩვენ ველოდებით უფრო მაღალ პროცენტს, ვიდრე გვქონდა წინა არჩევნებზე. მაშინ ქვეყანაში ავიღეთ 54,5% და ვფიქრობ, რომ დღევანდელი მოცემულობით მინიმუმ 2%-ით მეტის აღება შეგვიძლია. თუმცა დაიწყება საარჩევნო კამპანია და კიდევ უფრო მეტად არის შესაძლებელი შედეგის გაზრდა. ეს კონფიგურაციაზეც იქნება დამოკიდებული, თუმცა ეს კონფიგურაციას ვერავითარ არსებით ცვლილებას ვერ შეიტანს შედეგებში. ჩვენ გვაქვს მარტივი მიზანი - 64-ვე მუნიციპალიტეტში მერის და საკრებულოს არჩევნების მოგება. ამას ვერაფერი ვერ დაუდგება წინ. 64-ვე მუნიციპალიტეტში, ნებისმიერი კონფიგურაციით, მოვიგებთ როგორც მერის, ისე საკრებულოს არჩევნებს. საერთო რეიტინგიც იძლევა ამის თქმის საშუალებას", - განაცხადა პრემიერმა. 

1753292169

2019 წელს სალომე ზურაბიშვილს ერთი თვის ინტერვალით დაუსაქმეს ორივე შვილი Deep State-ის ჩარევით, ამის შემდეგ შეიცვალა ჯერ რიტორიკა, 2021 წელს სრულად გამოავლინა საკუთარი თავი და 2022 წელს პირდაპირ ჩაერთო ომის რიტორიკაში - ირაკლი კობახიძე

2019 წელს სალომე ზურაბიშვილს  ერთი თვის ინტერვალით დაუსაქმეს ორივე შვილი Deep State-ის ჩარევით. ძალიან სწრაფი დაწინაურება მოხდა, ოჯახის როგორც ერთი, ისე მეორე წევრის, -  ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში" განაცხადა.როგორც პრემიერმა აღნიშნა, ამის შემდეგ სალომე ზურაბიშვილმა შეიცვალა ჯერ რიტორიკა და უკვე 2021 წელს სრულად გამოავლინა საკუთარი თავი.„სალომე ზურაბიშვილის მხარდაჭერასთან დაკავშირებით 2018 წელს გუნდმა მიიღო გადაწყვეტილება. თავიდან დამოუკიდებლად მოქმედებდა სალომე ზურაბიშვილი, ყოველ შემთხვევაში, ასე ჩანდა. 2019 წელს მას ერთი თვის ინტერვალით დაუსაქმეს ორივე შვილი Deep State-ის ჩარევით. ძალიან სწრაფი დაწინაურება მოხდა, როგორც ერთი, ისე მეორე ოჯახის წევრის და ამის შემდეგ შეიცვალა ჯერ რიტორიკა და უკვე 2021 წელს სრულად გამოავლინა საკუთარი თავი სალომე ზურაბიშვილმა. პროცესები დაიწყო 2019 წლიდან. 2020 წელს იყო კოვიდი,  ამიტომ მისი ჩართულობის ისეთი საჭიროება, როგორც ჩანს, არ იდგა, იქაც პასიურ რეჟიმში იყო სალომე ზურაბიშვილი და ინარჩუნებდა დამოუკიდებელი პოლიტიკოსის იმიჯს. თუმცა 2021 წლიდან, როცა დაიწყო ეს ცნობილი .ე.წ. მიშელის მოლაპარაკებები, შემდეგ შეთანხმება და ა.შ. ყველას ახსოვს ეს პროცესები, მაშინ უკვე შეცვალა თავიდან ბოლომდე საკუთარი დამოკიდებულება, პირდაპირ გაჰყვა დირექტივებს, რომლებიც მოდიოდა Deep State-ის, „გლობალური ომის პარტიის“ მხრიდან. ეს კიდევ უფრო მეტად გამძაფრდა 2022 წელს, პირდაპირ ჩაერთო ომის რიტორიკაში სალომე ზურაბიშვილი. კულუარული შეხვედრები როცა იმართებოდა, ისიც მხარს უჭერდა მებრძოლი მოხალისეების გაგზავნას, სანქციების დაწესებას და ა.შ. ამ ყველაფრის ღია მხარდამჭერი იყო“, -  განაცხადა პრემიერმა.მთავრობის მეთაურმა ასევე უპასუხა შეკითხვას, თუ რატომ დაუჭირა „ქართულმა ოცნებამ“ მხარი სალომე ზურაბიშვილის კანდიდატურას არჩევნებზე.„რეალურად არჩევნებამდე დარჩენილი იყო დაახლოებით 1 თვე, როდესაც გამოიკვეთა, რომ მის იმიჯს ექმნებოდა სერიოზული პრობლემა სხვადასხვა მიზეზის გამო, მათ შორის, მისი განცხადებების გამო. ამიტომ, იქ უკვე, რეალურად, ძალიან რთული იყო კანდიდატურის შეცვლა, ანუ მის მაგივრად სხვა კანდიდატისთვის მხარის დაჭერა. ბუნებრივია, ასე ვერ მოვიქცეოდით, წინააღმდეგ შემთხვევაში, უარი რომ გვეთქვა სალომე ზურაბიშვილის მხარდაჭერაზე პირდაპირ, ვაშაძე გახდებოდა პრეზიდენტი, ამას ვერ დავუშვებდით. დაგვიანებული იყო, როდესაც მან დაიწყო ასეთი დამაზიანებელი განცხადებების გაკეთება“, -  განაცხადა ირაკლი კობახიძემ. 

1753291892

გრანტების შესახებ კანონის საფუძველზე ამოქმედდა შეზღუდვები, რამაც დაასტაბილურა ჩვენი ქვეყანა, მეტი სიმშვიდეა იმ პირობებში, როდესაც ნაკლები დაფინანსება შემოდის ექსტრემიზმის მიმართულებით, ექსტრემისტები ვეღარ ახერხებენ რადიკალიზაციას იმ მასშტაბით, რა მასშტაბითაც მანამდე ახერხებდნენ - ირაკლი კობახიძე

გრანტების შესახებ კანონის საფუძველზე სერიოზულად ამოქმედდა შეზღუდვები და ამან დაასტაბილურა კიდეც ჩვენი ქვეყანა, მეტი სიმშვიდეა იმ პირობებში, როდესაც ნაკლები დაფინანსება შემოდის ექსტრემიზმის მიმართულებით, უფრო მეტად დამშვიდდა ჩვენი ქვეყანა და ამ შედეგებს პირდაპირ ხედავს საზოგადოება, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა " ვახო ხუზმიაშვილის თავისუფალ სივრცეში" განაცხადა.როგორც მთავრობის მეთაურმა აღნიშნა, ამერიკის ახალმა ადმინისტრაციამ აღიარა, რომ კონკრეტული ფონდები გამოიყენებოდა სხვადასხვა ქვეყანაში რევოლუციური პროცესების დასაგეგმად და შემდეგ განსახორციელებლად და  ეს იყო ძირითადად USAID-ი და NED-ი.„გარდა ამისა, იყო სხვა წყაროები, მაგალითად, სხვა წყაროებით ფინანსდებოდა იგივე ფრანკლინის კლუბი და მომავლის აკადემია, ეს რადიკალური ექსტრემისტული დაჯგუფებები ჩვენს ქვეყანაში, რომელთა მიზანი პირდაპირ რევოლუციურ პროცესებში ახალგაზრდების ჩართვა იყო. ერთი მხრივ, ჩვენ გვაქვს ახალი ადმინისტრაციის აღიარება იმასთან დაკავშირებით, რომ წინა ადმინისტრაცია აქტიურად იყენებდა ამ ფონდებს სხვადასხვა ქვეყანაში, მათ საქართველოში რევოლუციური პროცესების წასახალისებლად. ეს ფაქტი იყო, რაც საზოგადოების თვალწინ მოხდა. ყველა ვაკვირდებოდით, როგორ გამოიყენებოდა ეს ფონდები და შესაბამისი დაფინანსება საქართველოში რევოლუციური პროცესების წასახალისებლად. რაც შეეხება ევროპას, ევროპის მიმართულებით სხვაგვარად არის საქმე, აქ არ ყოფილა არავითარი აღიარება და პირიქით, გლობალურმა ომის პარტიამ, „დიფ სთეითმა“ სცადა, რომ ამერიკიდან აქცენტი გადმოეტანა სწორედ ევროპაზე და დღეს არის მაგალითად ევროპული ფონდი EED, არის კონკრეტული სახელმწიფოების ფონდები, რომელთა მეშვეობითაც საქართველოში კვლავაც გრძელდება ამ პროცესების წახალისება“, - განაცხადა ირაკლი კობახიძემ.მისივე თქმით, გრანტების შესახებ კანონის საფუძველზე ბრიტანეთის საელჩომ წარადგინა ინფორმაცია იმასთან დაკავშირებით, რომ გეგმავდა საქართველოში ექსტრემისტული გაერთიანებების დაფინანსებას.„პირდაპირ რადიკალიზაციას ახალისებდა აბსოლუტურად ღიად ჩვენს ქვეყანაში. ახალი კანონის საფუძველზე ჩვენგან ითქვა უარი ექსტრემისტული ორგანიზაციების დაფინანსებაზე. თავად ეს ფაქტი ძალიან დასანანი და სამწუხაროა, როდესაც პირდაპირ გეგმავდა ბრიტანეთის საელჩო ექსტრემისტული გაერთიანებების დაფინანსებას. გრანტების შესახებ კანონის საფუძველზე სერიოზულად ამოქმედდა ეს შეზღუდვები და ამან დაასტაბილურა კიდეც ჩვენი ქვეყანა. მეტი სიმშვიდეა იმ პირობებში, როდესაც ნაკლები დაფინანსება შემოდის ექსტრემიზმის მიმართულებით, უფრო მეტად დამშვიდდა ჩვენი ქვეყანა და ამ შედეგებს პირდაპირ ხედავს საზოგადოება. ეს კანონები მუშაობს, თუმცა ჯერ კიდევ სრული მასშტაბით არის ასამოქმედებელი გრანტების კანონი“, - აღნიშნა პრემიერმა.მთავრობის მეთაურის თქმით, მთავარი ზომა, რასაც ახალი კანონმდებლობა დარღვევისთვის ითვალისწინებს, ჯარიმებია.„ჩვენ დავაკოპირეთ ასევე ამერიკული კანონმდებლობა, რომელიც უფრო მკაცრ სანქციებს ითვალისწინებს, სადაც უამრავი ტყუილი ითქვა, თითქოს ეს არ არის ასე. დაადონ რომელიმე წინადადებას თითი, რომელიც არ არის დაკოპირებული ამერიკული კანონიდან. ვერ ამბობენ, იტყუებიან. ეუთო-შიც გამოდიოდა ერთ-ერთი ევროპელი ჩინოვნიკი და თქვა, რომ თქვენ აცხადებთო, რომ ამერიკულის ასლია, მაგრამ ასე არ არისო. დაადოს თითი რომელიმე წინადადებას, რომელიც არ არის პირდაპირ გადმოწერილი ამერიკულიდან, რაიმე ერთსიტყვიანი კორექტივა გვაჩვენოს. ვერ ამბობენ, მაგრამ იტყუებიან, ეს არის ევროპული ბიუროკრატიის დღევანდელი სახე. ნებისმიერი ტყუილი შეიძლება იკადრო ნებისმიერ თემასთან დაკავშირებით. ეს კანონმდებლობა მოქმედებს, კიდევ უფრო მკაფიოდ ამოქმედდება და შედეგები უკვე ჩანს. მთავარი შედეგი არის ის, რომ დღეს ექსტრემისტები ვეღარ ახერხებენ რადიკალიზაციას იმ მასშტაბით, რა მასშტაბითაც მანამდე ახერხებდნენ. დღეს პრაქტიკულად მკვდარია მთლიანად ექსტრემისტული ფლანგი. იკრიბება ყოველდღე 50-დან 100 კაცამდე, ეს არის და ეს, პირდაპირ საკუთარი თავის დისკრედიტებას ახდნენ ეს ადამიანები“, - განაცხადა ირაკლი კობახიძემ. 

1753291567

ობიექტურად, ევროკავშირს ვერავითარი ინტერესი ვერ ექნება, რომ ასეთი ურთიერთობის რეჟიმში იყოს საქართველოსთან, მაგრამ იმდენად დიდია გლობალური ომის პარტიის გავლენა, რომ ევროპული ბიუროკრატია იძულებულია, იმოქმედოს არა ევროპის ობიექტური ინტერესების შესაბამისად, არამედ რაღაც გარე ინტერესების კარნახით - ირაკლი კობახიძე

იმდენად დიდია იმ ძალის გავლენა ევროპაზე, რასაც ჩვენ ვუწოდებთ გლობალურ ომის პარტიას, რომ ევროპული ბიუროკრატია იძულებულია, იმოქმედოს არა ევროპის ობიექტური ინტერესების შესაბამისად, არამედ რაღაც გარე ინტერესების კარნახით, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში“ განაცხადა.მთავრობის მეთაურის თქმით, საქართველოს შეუძლია ძალიან მნიშვნელოვანი ფუნქციის შესრულება დაკავშირებადობის კუთხით ევროპისთვის, თუმცა ევროპული ბიუროკრატია ყველაფერს აკეთებს იმისათვის, რომ ჩაკეტოს ურთიერთობები საქართველოსთან.„ევროპას არავითარი ობიექტური ინტერესი არ აქვს, რომ იყოს ჩვენს ქვეყანასთან ურთიერთობების ასეთ რეჟიმში, თუმცა, სამწუხარო რეალობა ის არის, რომ ბოლო წლების განმავლობაში ევროპული ბიუროკრატია ყველაფერს აკეთებს იმისათვის, რომ დააზიანოს ევროპის ინტერესები. განსაკუთრებით, რაც ხდება ბოლო სამი წლის განმავლობაში ევროპაში, ვხედავთ, რომ საერთოდ ვერ იცავს ევროპული ბიუროკრატია ევროპის და ევროპის საზოგადოების ობიექტურ ინტერესებს. იმდენად დიდია იმ ძალის გავლენა ევროპაზე, რასაც ჩვენ ვუწოდებთ გლობალურ ომის პარტიას, რომ ევროპული ბიუროკრატია არის იძულებული, იმოქმედოს არა ევროპის ობიექტური ინტერესების შესაბამისად, არამედ რაღაც გარე ინტერესების კარნახით. ევროპისთვის საქართველო არის უმნიშვნელოვანესი არხი, იგივე, სავაჭრო-ეკონომიკური თვალსაზრისით და ასეთ დროს, შენ ცდილობ იზოლირებას საქართველოსგან, საქართველოსთან არ შედიხარ ჯანსაღ კომუნიკაციაში, პარტნიორობაში, თანამშრომლობაში. ჩვენს გარშემო რა ხდება - ჩაეკეტა ყველაფერი პრაქტიკულად ევროპას აღმოსავლეთის მიმართულებით. ასეთ პირობებში საქართველოს შეუძლია ძალიან მნიშვნელოვანი ფუნქციის შესრულება დაკავშირებადობის კუთხით ევროპისთვის. ჩვენ ისედაც, ბუნებრივად ვაკავშირებდით ერთმანეთთან ევროპას და აზიას. ამ კუთხით ევროპისთვის საქართველოს აქვს ძალიან დიდი მნიშვნელობა. ასეთ პირობებში, როდესაც ევროპული ბიუროკრატია ყველაფერს აკეთებს იმისათვის, რომ ჩაკეტოს ურთიერთობები საქართველოსთან, ეს არის კიდევ ერთი ნიშანი იმისა, რომ ევროპული ბიუროკრატია მოქმედებს არა ევროპის ინტერესების შესაბამისად, არამედ, გარე ინტერესების კარნახით“, - განაცხადა პრემიერმა.როგორც მთავრობის მეთაურმა აღნიშნა, დღეს ევროპაში არის სრული სტაგნაცია, არაერთ ქვეყანაში არის ეკონომიკის ვარდნა, მაგრამ ევროპა საერთოდ ვერ იცავს საკუთარ ინტერესებს.„დღეს ევროპას ეკონომიკური კუთხით აქვს სერიოზული პრობლემები. ინერციით ჯერ კიდევ ინარჩუნებს კეთილდღეობის მაღალ დონეს, მაგრამ არის ყველაზე განვითარებული ქვეყნები, იგივე გერმანია, სადაც ზედიზედ ორი წელი ჰქონდათ ეკონომიკის ვარდნა, მინუს 0,3%, მინუს 0,2%. რომ გადავხედოთ მთლიანობაში ევროკავშირის ეკონომიკას, მშპ-ს, 2008 წელს ევროკავშირის ეკონომიკა ბრიტანეთის ჩათვლით იყო დაახლოებით 19,3%, დღეს არის ბრიტანეთის გარეშე 19,4%. ზრდა, რომ გამოეყო ბრიტანეთი, იყო სამი ტრილიონი, რაც რეალურად ნიშნავს სტაგნაციას, როცა მხოლოდ სამი ტრილიონით იზრდება ეკონომიკა ამდენი წლის განმავლობაში, 2008 წლიდან 2014 წლის ჩათვლით. მანამდე შეგახსენებთ, რომ 6 წელიწადში ორჯერ გაიზარდა ევროკავშირის ეკონომიკა. დღეს არის სრული სტაგნაცია, არაერთ ქვეყანაში არის ეკონომიკის ვარდნა, მაგრამ ევროპა საერთოდ ვერ იცავს საკუთარ ინტერესებს. ჩაიკეტა წვდომა იაფ რესურსებზე უკრაინაში ომის დაწყების შემდეგ. აქაც ვერ დაიცვა თავი ევროპამ და დღეს ბევრად უფრო ძვირად უწევს შეძენა მსოფლიოს სხვადასხვა კუთხიდან. ინდუსტრიას უამრავი მიმართულებით აქვს პრობლემები და ხშირ შემთხვევაში გადაქაჩვა ხდება სრულიად სხვა კონტინენტზე სა ა.შ. როგორც იქ ვერ იცავს ევროპული ბიუროკრატია ევროპის ინტერესებს, ზუსტად იგივე სურათი გვაქვს საქართველოსთან მიმართებაში. ობიექტურად, ევროკავშირს ვერავითარი ინტერესი ვერ ექნება, რომ ასეთი ურთიერთობის რეჟიმში იყოს ჩვენს ქვეყანასთან, მაგრამ ევროპული ბიუროკრატია მოქმედებს არა ევროპის ინტერესების, არამედ, გარე ინტერესების კარნახით“, - განაცხადა პრემიერმა. 

1753291029

ვიზალიბერალიზაცია არის ერთადერთი ხელშესახები სარგებელი ქართული საზოგადოებისთვის ევროინტეგრაციის პროცესიდან და თუ ამ ერთადერთ სარგებელსაც გამოაცლიან, სავაჭროც არაფერი დარჩებათ, თუ უნდათ, ამ ქვეყანაში რევოლუცია მოაწყონ, ამ შედეგს ვერ მიაღწევენ და ამის იმედი ნურავის ექნება - ირაკლი კობახიძე

იმედი მაქვს, საბოლოო ჯამში ევროპული ბიუროკრატია მიიღებს პრაგმატულ გადაწყვეტილებას, პრაგმატული კუთხითაც მათთვის არ არის მომგებიანი ვიზალიბერალიზაციის შეჩერება მარტივი მიზეზის გამო - თუ ვინმეს უნდა, რომ ამით რაღაცნაირად მეხუთედ  სცადოს რევოლუციის მოწყობა, არავითარი სარგებელი არ შეიძლება, მიიღონ ამ ადამიანებმა, ვერავითარი მეხუთე მცდელობა ვერ იქნება, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა " ვახო ხუზმიაშვილის თავისუფალ სივრცეში" განაცხადა.როგორც მთავრობის მეთაურმა აღნიშნა, ყველამ ძალიან კარგად უნდა დაინახოს, თუ რას დგას სასწორზე ევროპული ბიუროკრატის მხრიდან.„ერთ მხარეს დგას ვიზის რიგში დგომა და მეორე მხარეს დგას მშვიდობა, სიმშვიდე, სტაბილურობა, ქვეყნის განვითარება, სამართლის უზენაესობა. დღესაც ასეთი მარტივი დილემის წინაშე დგას საზოგადოება. მე მგონი, არჩევანის გაკეთება არის მარტივი, ასეც და ისეც მე მაქვს იმედი, რომ საბოლოო ჯამში ევროპული ბიუროკრატია მიიღებს პრაგმატულ გადაწყვეტილებას, პრაგმატული კუთხითაც მათთვის არ არის მომგებიანი ვიზალიბერალიზაციის შეჩერება მარტივი მიზეზის გამო, თუ ვინმეს უნდა, რომ ამით რაღაცნაირად მეხუთედ სცადოს რევოლუციის მოწყობა, არავითარი სარგებელი არ შეიძლება, მიიღონ ამ ადამიანებმა, ვერავითარი მეხუთე მცდელობა ვერ იქნება. როგორი წარუმატებელიც იყო წინა მცდელობა, ასეთივე წარუმატებელი იქნება მეხუთე მცდელობაც ვიზალიბერალიზაციის შეჩერების შემთხვევაშიც. მეორე მხრივ, მოხდება რა, რომ ერთადერთი ხელშესახები სარგებელი, რაც მიიღო ჩვენმა მოსახლეობამ ევროინტეგრაციის პროცესიდან ამ ეტაპზე, ეს არის ის, რომ არ უწევს რიგში დგომა და თუ ამ ერთადერთ სარგებელსაც გამოაცლიან ქართულ საზოგადოებას, ამ შემთხვევაში სავაჭროც არაფერი დარჩებათ. რეალურად გადააგდებენ ბოლო სავაჭრო კარტს და ვერ მიიღებენ ვერავითარ შედეგს. თუ შედეგი ასეა გათვლილი, რომ უნდათ ამ ქვეყანაში რევოლუცია მოაწყონ, ამ შედეგს ვერავითარ შემთხვევაში ვერ მიაღწევენ და ამის იმედი ნურავის ნუ ექნება“, - განაცხადა ირაკლი კობახიძემ.