ნეაპოლში კვარაცხელიას მაისური ყველაზე გაყიდვადია, ზოგიერთი ქომაგი კი ქართველის ტატუდ დახატვის ინიციატივით გამოდის - უცხოური მედია

ხვიჩა კვარაცხელიამ საკუთარი თამაშით ნეაპოლელ გულშემატკივარს თავი ძალიან შეაყვარა, ქართველი ბრწყინვალედ გამოიყურება და რამდენიმე დღის წინ სერია A-ს აგვისტოს თვის საუკეთესო ფეხბურთელის ჯილდოც მოიპოვა.

Corrieredelmezzogiorno-ს ცნობით, ხვიჩას მაისურები ნეაპოლში ყველაზე მოთხოვნადი და გაყიდვადია. ზოგიერთი ქომაგი კი ქართველის ტატუდ დახატვის ინიციატივით გამოდის.

"ნეაპოლიტანელებს ქალაქში ახალი კერპი სჭირდებათ, 21 წლის გარემარბმა კი გულშემატკივართა უმეტესობის გული უკვე მოიგო, ამიტომ გასაკვირი არაა, რომ მისი 77 ნომრიან მაისურს დღეს ქომაგები ყველაზე მეტად ითხოვენ, როგორც გუნდის მაღაზიაში, ასევე სპორტული სექციის დახლებზე, ეს უკვე "კვარამანიაა", ამას მოწმობს ზოგიერთი გულშემატკივრის ინიციატივა, რომ ხვიჩას ტატუ ამოისვირინგონ" - წერს გამოცემა.

შეგახსენებთ, "ნაპოლი" 14 ქულით "მილანთან" ერთად გათამაშების ლიდერია და "ატალანტას" 1 ქულით უსწრებენ, ჯანპიერო გასპერინის გუნდი თავის შეხვედრას დღეს, "კრემონეზეს" წინააღმდეგ გამართავს.

წყარო: sportall.ge