ლევან იოსელიანი

1713543352

ლევან იოსელიანი: ძალადობის მომხრე ვერ ვიქნები, ალეკო კი არა, ჩემი შვილი რომ იყოს

ძალადობის მომხრე ვერ ვიქნები, ალეკო [ელისაშვილი] კი არა, ჩემი შვილი რომ იყოს, ერთი წამით არ უნდა იფიქროს ვინმემ, რომ ვინმეს მოვუწონო საქციელი ჩემი მეგობრობის ან ჩემი ახლობლობის გამო - ამის შესახებ სახალხო დამცველმა ლევან იოსელიანმა ტვ „პირველის“ ეთერში განაცხადა.როგორც ლევან იოსელიანმა აღნიშნა, ძალიან კარგად ათვითცნობიერებს მის პასუხისმგებლობას, რომ ყველას სახალხო დამცველია, არა მხოლოდ ალეკო ელისაშვილის, ან მამუკა მდინარაძის.„ძალადობის მომხრე ვერ ვიქნები, ალეკო [ელისაშვილი] კი არა, ჩემი შვილი რომ იყოს ეგეთი რაღაცის მომხრე არასოდეს ვიქნები, იმიტომ, რომ ვიცი, ყველამ ვიცით ამას რა შედეგები მოჰყვება, მაგრამ ეს რაღაცა სადღაც ხომ უნდა გაჩერდეს? აქეთ ბოლოს და ბოლოს ერთი ადამიანი დგას და იქით - მთელი სახელმწიფოა, აქეთ ერთი დეპუტატია და იქით - მთელი უმრავლესობა. მორევაზე თუ არის, მოერევიან, მაგრამ ეგ არ არის სამართლებრივი სახელმწიფო. ეგ არის მაშინ, ვინც ძლიერია, ხელის გადაწევაზეა ყველაფერი, ეგრე გამოდის.იმედი მაქვს, რომ საბოლოო ჯამში, კანონის ფარგლებში მოხდება ამ ყველაფრის დარეგულირება, მე ამის იმედს გამოვთქვამ, რომ სამართლებრივად მიყვება, ალბათ ალეკოც, ჩვენც მივყვებით სამართლებრივად და სამართლებრივად მოხდეს პასუხისმგებლობის დაკისრება ყველაზე, ვინც ამ პროცესშია დამნაშავე. ერთი წამით არ უნდა იფიქროს ვინმემ, რომ ვინმეს მოვუწონო საქციელი ჩემი მეგობრობის ან ჩემი ახლობლობის გამო. ძალიან კარგად ვათვითცნობიერებ ჩემს პასუხისმგებლობას, ძალიან კარგად მესმის, რომ ყველას სახალხო დამცველი ვარ, არც ალეკოსი ვარ მარტო და არც თუნდაც მდინარაძის. ამიტომ, როცა ამ პერსპექტივიდან ვუყურებ ამ ყველაფერს, ერთადერთი არის კანონი, რომელსაც ყველამ უნდა ვცეთ პატივი. აქ სხვა გამოსავალი არ არსებობს. სხვა გამოსავალი როცა მოინახა ამ ქვეყანაში და მონახეს, ეს იყო ბანდებად დაყოფილი ქვეყანა და სამოქალაქო დაპირისპირება. ვიცხოვრე ამ ქვეყანაში, აღარ მინდა იქ დაბრუნება და იმიტომ ვაკეთებ ყველაფერს, რომ ასეთი დაპირისპირება იყოს აღკვეთილი, კანონის ფარგლებში მოქცეული და კანონით იქნეს პასუხი გაცემული“, - განაცხადა ლევან იოსელიანმა.

ლარი ჯონსონი

1713343494

CIA-ს ყოფილი ჩინოსანი ლარი ჯონსონი: დასავლეთი მუშაობს საქართველოში ფერადი რევოლუციის მოსაწყობად - ეს არ არის ორგანული, თავისთავად შექმნილი პროტესტი, რასაც ეკრანებიდან თვალს ვადევნებთ

მარტივად რომ ვთქვათ, დასავლეთი მუშაობს საქართველოში ფერადი რევოლუციის მოსაწყობად. ეს არ არის ორგანული, საშინაო, თავისთავად შექმნილი პროტესტი, რასაც ტელევიზორის ეკრანებიდან თვალს ვადევნებთ, - ამის შესახებ CIA-ს ყოფილი ჩინოსანი, ლარი ჯონსონი, Youtube არხზე აცხადებს.მისი განცხადებით, იმ კანონპროექტის გაპროტესტება, რომლის მსგავსიც არსებობს აშშ-სა და სხვა ქვეყნებში, წარმოაჩენს დასავლეთის ორმაგ სტანდარტებს. ჯონსონი ასევე აღნიშნავს, რომ კანონი, რომელიც მოითხოვს უცხოური შემოსავლის მითითებას, წარმოჩენილი იყოს ადამიანის უფლებების დარღვევად და თავისუფლების ხელყოფად.„პროტესტით ახალი კანონის წინააღმდეგ, რომელიც ითხოვს ნებისმიერი არასამთავრობო ორგანიზაციის მიერ, რომელიც უცხოურ დაფინანსებას იღებს დარეგისტრირებას - რაღაც მსგავსი უცხო აგენტების რეგისტრაციის აქტისა შეერთებულ შტატებსა და სხვა ქვეყნებში არსებული მსგავსი კანონებისა, ილუსტრირებულია არა მხოლოდ დასავლეთის ორმაგი სტანდარტი, დასავლეთის თვალთმაქცობა, არამედ ისიც, რომ [დასავლეთი] ვერ აშორებს ხელებს სხვა ქვეყნებს.  ეს კანონი, რომელიც შეთავაზებულია და მგონი, საქართველოს საკანონმდებლო ორგანოში პირველ ეტაპზე გავიდა, უბრალოდ მოითხოვს, რომ საქართველოში მოქმედმა ნებისმიერმა ორგანიზაციამ, რომელიც იღებს ფულს საზღვარგარეთის სუბიექტისგან, დაარეგისტრიროს და განსაზღვროს რა არის ამ შემოსავლის წყარო. ეს წარმოადგინეს [კანონის მოწინააღმდეგეებმა], როგორც ადამიანის უფლებების დარღვევა, თავისუფლების ხელყოფა - ეს უბრალოდ სრული სისულელეა.“ - აცხადებს ლარი ჯონსონი. 

olaf sholci

1712930425

ოლაფ შოლცი ევროპარლამენტში გამჭვირვალობის შესახებ ინიციირებულ დირექტივაზე: არსებობს დისკუსია იმის შესახებ, დამყარდეს გამჭვირვალობა სხვადასხვა სფეროში და დიდი ალბათობით, კანონი არც იქნება გადაწყვეტილი

გერმანიის კანცლერმა, ოლაფ შოლცმა, პრემიერ-მინისტრ ირაკლი კობახიძესთან შეხვედრის შემდეგ "უცხოური გავლენის გამჭვირვალობის შესახებ" კანონპროექტზე საუბრისას განაცხადა, რომ ევროკავშირში მსგავსი კანონმდებლობა არ არის, არსებობს დისკუსია გამჭვირვალობის შესახებ, თუმცა, დიდი ალბათობით, დადებითად არ გადაწყდება.ასევე ცნობილია, რომ 9 აპრილს, ევროკავშირის პარტიებმა და ევროკომისიამ ხელი მოაწერეს კამპანიის წესებს საგარეო ჩარევისა და დეზინფორმაციის წინააღმდეგ, რის შესახებაც გამოცემა "Euractiv" წერდა."ევროკავშირს არ აქვს მსგავსი კანონმდებლობა, არსებობს დისკუსია იმის შესახებ, დამყარდეს გამჭვირვალობა სხვადასხვა სფეროში, მაგრამ ეს სრულიად სხვა კონცეფციაა და ჯერ არც არის გადაწყვეტილი და დიდი ალბათობით, არც იქნება გადაწყვეტილი." - განაცხადა ოლაფ შოლცმა.

ლევან ნიკოლეიშვილი

1712928634

ლევან ნიკოლეიშვილი: ის, რაც პრესკონფერენციაზე თარჯიმანმა იკადრა, არის მიზანმიმართული ბოროტება! კანცლერ შოლცს "აგენტების კანონი" არ უხსენებია - სასწრაფოდ უნდა გაირკვეს ვინ თარგმნიდა მის საუბარს, რომ ამ პოლიტიკურ სკანდალს ნათელი მოეფინოს

პრემიერ კობახიძის და კანცლერ შოლცის პრესკონფერენციას გერმანულ ენაზე ვუსმინე. შემდეგ ჩავრთე ქართული არხი და კიდევ ერთხელ ვუსმინე ქართულად. ის, რაც თარჯიმანმა იკადრა, არის მიზანმიმართული ბოროტება! კანცლერ შოლცს "აგენტების კანონი" არ უხსენებია, - ამის შესახებ ექსპერტი ლევან ნიკოლეიშვილი სოციალურ ქსელში წერს.ექსპერტის თქმით, საქართველოს მთავრობამ სასწრაფოდ უნდა გაარკვიოს ვინ თარგმნიდა კანცლერის საუბარს და ჩართოს ყველა არხი და საშუალება, რომ ამ პოლიტიკურ სკანდალს ნათელი მოეფინოს.„პრემიერ კობახიძის და კანცლერ შოლცის პრესკონფერენციას გერმანულ ენაზე ვუსმინე. შემდეგ ჩავრთე ქართული არხი და კიდევ ერთხელ ვუსმინე ქართულად. ის, რაც თარჯიმანმა იკადრა, არის მიზანმიმართული ბოროტება! კანცლერ შოლცს "აგენტების კანონი" არ უხსენებია. საქართველოს მთავრობამ სასწრაფოდ უნდა გაარკვიოს ვინ თარგმნიდა კანცლერის საუბარს და ჩართოს ყველა არხი და საშუალება, რომ ამ პოლიტიკურ სკანდალს ნათელი მოეფინოს!“- წერს ნიკოლეიშვილი.

დე კრო

1712928042

ევროპარლამენტის არჩევნებში რუსეთის შესაძლო ჩარევის საკითხზე ბრიუსელმა გამოძიება დაიწყო

ბელგიის პრემიერმინისტრის, ალექსანდერ დე კროს თქმით, ივნისში დაგეგმილ ევროპარლამენტის არჩევნებში რუსეთის შესაძლო ჩარევის საკითხზე გამოძიება დაიწყო.ევროკავშირის მოქმედი თავმჯდომარე ქვეყნის პრემიერის თქმით, ბელგიის დაზვერვის სამსახურმა დაადასტურა ქსელის არსებობა, რომელიც  უკრაინის მხარდაჭერისთვის ხელის შეშლას ცდილობს.დე კროს განმარტებით, მოსკოვის მიზანია ევროპარლამენტში რაც შეიძლება მეტი პრორუსი კანდიდატი შევიდეს."მათი მიზანი ნათელია: უკრაინის დახმარების შესუსტება ბრძოლის ველზე რუსეთს ემსახურება და ეს რეალური მიზანი გასულ კვირაში გამოვლინდა". - თქვა დე კრომ.ამავდროულად, გასულ კვირაში პრორუსული ქსელის გამოვლენაზე ჩეხეთის მთავრობამაც ისაუბრა. ჩეხეთისა და პოლონეთის დაზვერვის სამსახურების ცნობით, გამოცემა Voice of Europe-ს მოსკოვი აფინანსებდა და მათი მეშვეობით საკუთარ პროპაგანდას ავრცელებდა. გამოცემას ბრალდებისთვის პასუხი ამ დრომდე არ გაუცია.ბელგიის პრემიერმინისტრის თქმით, დაზვერვის სამსახურმა დაადასტურა პრორუსული ქსელების არსებობა ბელგიასა და სხვა ევროპულ ქვეყნებში."გამოძიება აჩვენებს, რომ მოსკოვი ცდილობდა ევროპარლამენტის კონკრეტულ წევრებთან მოლაპარაკებას და ასევე, ფულს უხდიდა კონკრეტულ ევროპარლამენტარებს რუსული დღის წესრიგის დამკვიდრების ხელშეწყობისთვის". - თქვა დე კრომ.ევროკავშირის პარლამენტის არჩევნები 6-9 ივნისს გაიმართება.         SKIP

რატი იონათამიშვილი

1712926535

რატი იონათამიშვილი ოლაფ შოლცის განცხადებაზე: კანცლერმა დაადასტურა, რომ მსგავსი კანონპროექტი არის ევროკავშირშიც, ოღონდ არც ერთი მოსწონს და არც მეორე

აბა, რუსული კანონიო?! შოლცმა, იმედია, არც ევროკავშირში დაინიცირებულ კანონს მივიღებთ და არც საქართველო მიიღებს იგივე კანონსო. ანუ, კანცლერმა დაადასტურა, რომ მსგავსი კანონპროექტი არის ევროკავშირშიც, ოღონდ არც ერთი მოსწონს და არც მეორე, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოციალურ ქსელში წერს.დეპუტატი აღნიშნავს, რომ პრემიერის პასუხი გერმანიის კანცლერისადმი, ღირსეული იყო.„ამის მიუხედავად, ფაქტია, რომ ევროპაშიც დაინიცირებულია და საქართველოშიც. განსხვავება ერთია, იქ განიხილავენ და ჩვენ, თურმე, ულაპარაკოდ, უარგუმენტოდ და დისკუსიის გარეშე უნდა გავიწვიოთ. ვერ მოგართვით, ასე არ ხდება. საქართველო დამოუკიდებელი ქვეყანაა და ის, რაც შეუძლიათ ევროპელებს, შეგვიძლია ჩვენც! ღირსეული პასუხი გასცა საქართველოს პრემიერ-მინისტრმა!“, - წერს დეპუტატი.

gia abashidze

1712924878

გია აბაშიძე: ოლაფ შოლცმა "გამჭვირვალობის კანონპროექტზე" გაიმეორა ის უსაფუძვლო ევროპული გზავნილი, რაც ეს დღეებია გვესმის, პრემიერმა კობახიძემ დააფიქსირა, რომ ხელისუფლება მზადაა, კანონპროექტი პარტნიორებთან დეტალურად განიხილოს - გამჭვირვალობას ალტერნატივა არ გააჩნია

ანალიტიკოსი გია აბაშიძე, საქართველოს პრემიერ-მინისტრ ირაკლი კობახიძისა და გერმანიის კანცლერ ოლაფ შოლცის შეხვედრას სოციალურ ქსელში აფასებს.მისი განცხადებით, მნიშვნელოვანია, რომ პრემიერ-მინისტრმა "გამჭვირვალობის კანონპროექტის" დეტალური განხილვის მზაობა დააფიქსირა, ხოლო შოლცმა ის უსაფუძვლო გზავნილები გააჟღერა, რაც კანონპროექტთან დაკავშირებით, ბოლო დღეებია, ევროპიდან ისმის."კანცლერმა ოლაფ შოლცმა ხაზგასმით თქვა, რომ გერმანია საქართველოსთვის სანდო პარტნიორად რჩება და საქართველოს გზას ევროკავშირის მიმართულებით მომავალშიც მხარს დაუჭერს. რაც შეეხება გერმანიის მთავრობის მეთაურის მხრიდან ნათქვამს "გამჭვირვალობის შესახებ" კანონპროექტის უკან გაწვევაზე, მან გაიმეორა ის უსაფუძვლო ევროპული გზავნილი, რაც ეს დღეებია გვესმის. აქ არის მნიშვნელოვანი მომენტი, რაც პრემიერმა კობახიძემ დააფიქსირა - საქართველოს ხელისუფლება მზადაა დეტალურად განიხილოს ხსენებული კანონპროექტი ყველა პარტნიორთან; მინიმალურ გამჭვირვალობას ალტერნატივა არ გააჩნია დემოკრატიულ სახელმწიფოში. მგონი, უნდა შეიგნონ პრაგმატულად მოაზროვნეებმა, განსაკუთრებით დასავლეთში, რომ თუნდაც ცხარე, მაგრამ დეტალური, კონსტრუქციული დისკუსიებისას გამოჩნდება სიმართლე." - წერს გია აბაშიძე.

დროშ

1711180581

ორპარტიული ინიციატივა, რომლის მიხედვითაც აშშ-ის მთავრობის „შათდაუნი“ თავიდან იყო აცილებული, ფაქტობრივად, ითვალისწინებს აშშ-ის საელჩოებზე ლგბტ დროშების აღმართვის აკრძალვას - NBC News

ხარჯების შესახებ ორპარტიული შეთანხმება, რომლის მიხედვითაც აშშ-ის მთავრობის „შათდაუნი“ თავიდან იყო აცილებული, ფაქტობრივად, ასევე ითვალისწინებს აშშ-ის საელჩოებზე ლგბტ დროშების აღმართვის აკრძალვას. ამის შესახებ NBC News-ი იტყობინება.მიუხედავად იმისა, რომ 1012-გვერდიან დოკუმენტში არაა ნახსენები უშუალოდ საელჩოებზე ლგბტ დროშების აღმართვის აკრძალვა, მასში ასახულია „რესპუბლიკელების“ მიერ შეტანილი შესწორება, რომელიც სამთავრობო შენობებზე ლგბტ დროშების აღმართვას კრძალავს.დოკუმენტში აღნიშნულია, რომ კანონის მიხედვით გამოყოფილი თანხები არ უნდა იყოს გამოყენებული აშშ-ის სახელმწიფო დეპარტამენტის შენობაზე აშშ-ის ან სხვა სუვერენული ქვეყნების დროშების გარდა, სხვა ნებისმიერი დროშის აღმართვისა ან დემონსტრაციისთვის.ლგბტ დროშების აღმართვა საელჩოებზე და სახელმწიფო შენობებზე პირველად ბარაკ ობამას პრეზიდენტობის დროს დაუშვეს. მოგვიანებით, დონალდ ტრამპმა ეს აკრძალა, 2021 წელს კი ჯო ბაიდენმა ისევ დაუშვა.

უკრაინული მარცვლეულის ექსპორტი

1711013400

"რუსეთი მარცვლეულის გლობალურ ომს იგებს" - POLITICO

"რუსეთი იგებს მარცვლეულის გლობალურ ომს" - ამ სათაურით politico ვრცელ სტატიას ავრცელებს.როგორც სტატიაშია ნათქვამი, მასობრივმა საპროტესტო გამოსვლებმა აიძულა ევროკავშირის მთავრობები ვარშავიდან პარიზამდე, წასულიყვნენ უზარმაზარ დათმობებზე ფერმერებთან, რამაც კიევი რუსეთის სრულმასშტაბიანი შემოჭრის შემდეგ, პოლიტიკურად დააზარალა. ამ ყველაფერმა კი სარგებელი კრიზისის მთავარ შემოქმედს, რუსეთის პრეზიდენტს, ვლადიმერ პუტინს მოუტანა.ფერმერების საპროტესტო გამოსვლებმა ევროპის ქვეყნებში, მასშტაბური სახე მიიღო.  ისინი დარწმუნებული არია, რომ იაფი უკრაინული პროდუქცია მათი გასაჭირის ბრალია. მასობრივმა საპროტესტო გამოსვლებმა აიძულა ევროკავშირის მთავრობები ვარშავიდან პარიზამდე, წასულიყვნენ უზარმაზარ დათმობებზე ფერმერებისთვის, კიევის პოლიტიკური კავშირები კი, მის დასავლელ პარტნიორებთან ყველაზე მეტად შეასუსტა ბოლო ორი წლის განმავლობაში, რას უკრაინაში რუსეთი შეიჭრა და ომი დაიწყო. კრიზისის ნამდვილი გამომწვევი სწორედ რუსეთია. მთავარს მიზეზს, რის გამოც ევროკავშირის ფერმერები წელს საკუთარ საქონელს ვერ ყიდიან, არაფერი აქვს საერთო უკრაინასთან და მის უზარმაზარ სოფლის მეურნეობის სექტორთან. სამაგიეროდ, ეს არის რუსეთი, რომლის რეკორდულმა ექსპორტმა განაპირობა მოსავლის ფასები და რის გამოც ფერმერები ყველგან ზარალდებიან."რუსეთი იყენებს სურსათის ექსპორტს, განსაკუთრებით ხორბლის ექსპორტს, როგორც რბილი ძალის ფორმას", - აცხადებს კეიტლინ უელსი, სტრატეგიული და საერთაშორისო კვლევების ცენტრის სურსათისა და წყლის უსაფრთხოების გლობალური პროგრამის დირექტორი, რომელიც უკრაინის ხარჯზე რუსეთის მიერ გლობალურ სოფლის მეურნეობის ბაზრებზე რუსეთის მზარდი დომინირების შესახებ ბოლო ნაშრომის თანაავტორია.უკიდურესად ხელსაყრელი ამინდის დახმარებით, რუსეთმა ბოლო ორი წლის განმავლობაში ხორბალი უპრეცედენტო რაოდენობით მოიყვანა და მსოფლიო ბაზარზე იაფად გაყიდა.ამან შეცვალა მარცვლეულის ფასების ბუმი და მიიყვანა ისინი ომამდელ დონემდე, რომელიც არაეკონომიურია ფერმერებისთვის პოლონეთის მსგავს ქვეყნებში. მათ კი ზარალში, თავის მხრივ, ომში მყოფი მეზობელი უკრაინა დაადანაშაულეს და უკრაინულ მანქანებს საზღვარზე გადასასვლელად გზა ჩაუკეტეს. მას შემდეგ, რაც რუსეთმა გაანადგურა გაეროს შუამავლობით განხორციელებული ინიციატივა უკრაინის შავი ზღვის გავლით პროდუქციის ექსპორტის აღდგენის შესაძლებლობის შესახებ, კიევმა მოახერხა საკუთარი უსაფრთხო საექსპორტო დერეფნის შექმნა - ზეწოლის უმეტესი ნაწილი სახმელეთო საექსპორტო მარშრუტებზე ევროკავშირის ტერიტორიაზე.ფერმერების საპროტესტო აქციებმა კი, საფრთხე შეუქმნა პოლონეთის მყიფე კოალიციურ მთავრობას და აიძულა პრემიერ-მინისტრი დონალდ ტუსკი დაერწმუნებინა ევროკავშირის სხვა დედაქალაქები ბლოკში უკრაინული მარცვლეულის იმპორტის შეზღუდვის აუცილებლობაში - ბოლოს მოიპოვა საფრანგეთის პრეზიდენტის ემანუელ მაკრონის მხარდაჭერა. უკრაინის იმპორტზე მთელი ყურადღების გამო, ევროკავშირის რამდენიმე ქვეყანა აგრძელებს რუსული იაფი პროდუქციის გამოყენებას. რუსული მარცვლეულის რეგულარული მყიდველები არიან ესპანეთი, იტალია და საფრანგეთი.პოლონეთის, ლატვიის, ლიტვის და სხვა აღმოსავლეთ ევროკავშირის ქვეყნების მოთხოვნით, ევროკომისია მზად არის განაახლოს ტარიფები რუსეთიდან იმპორტზე, რაც ფაქტობრივად გააორმაგებს ფასს და შეამცირებს მოთხოვნას. თუმცა, ბაზრის ანალიტიკოსები ამ ნაბიჯს ყურადღების გაფანტვად უფრო მიიჩნევენ, ვიდრე რეალურ გადაწყვეტად ევროპელი ფერმერების წინაშე არსებული რთული ეკონომიკური სიტუაციისთვის, თუ გავითვალისწინებთ ევროკავშირის ბაზრის შედარებით დაბალ წილს, რომელიც გამოწვეულია იმპორტით.ანალიტიკოსების შეფასებით, იმის ნაცვლად, რომ ედაონ, თუ რა გავლენა შეიძლება ჰქონდეს უკრაინულ ან რუსულ იმპორტს ფერმერებზე, უკეთესი იქნება ევროკავშირის ქვეყნები დაეხმარონ უკრაინას საკუთარი სასოფლო-სამეურნეო პროდუქტების ექსპორტში, რათა თავიდან აიცილონ რუსეთის გლობალური დომინირება, განსაკუთრებით დაბალი შემოსავლის მქონე ქვეყნებში. კიევი თანახმაა. ”ჩვენ სერიოზულად უნდა მივიღოთ ეს კონცეფცია, რომ უკრაინა უნდა დაბრუნდეს თავის ტრადიციულ ბაზრებზე მესამე ქვეყნებში, რათა შევიწიროთ რუსეთი,” - თქვა ქვეყნის სავაჭრო მაღალჩინოსანმა, ტარას კაჩკამ. ევროკავშირში პოლიტიკური არეულობის ფონზე, რუსეთმა დიდწილად მოახერხა საკუთარი თავისგან ყურადღების გადატანა, თავისი საოცარი ხორბლის ექსპორტის გადამისამართება მსოფლიოს სხვა რეგიონებში, სადაც იგი ცდილობდა გეოპოლიტიკური გავლენის შენარჩუნებას. გასული წლის განმავლობაში მოსკოვმა ასიათასობით ტონა უფასო მარცვლეული გაგზავნა აფრიკისა და აზიის ქვეყნებში, მოიწონა იქაური ავტორიტარული რეჟიმები და დაეხმარა მათ თავიდან აიცილონ სამოქალაქო არეულობები. პუტინის ელჩმა საგარეო საქმეთა საკითხებში სერგეი ლავროვმა ასევე მოაწერა ხელი მომგებიან შეთანხმებებს ბრაზილიასთან, მექსიკასთან და ლათინური ამერიკის სხვა ქვეყნებთან, რომელთა მოსავალი ამინდმა გაანადგურა.მარცვლეულის სხვა მსხვილი ექსპორტიორებისგან განსხვავებით, მოსკოვი არ თამაშობს წესებით, ამიტომ არსებობს გრძელვადიანი რისკები რუსულ საქონელზე მზარდი დამოკიდებულების გამო - ამბობს ჯოზეფ სიგლე, აფრიკის სტრატეგიული კვლევების ცენტრის კვლევის დირექტორი. "რუსეთი აფრიკაში მხოლოდ ორ პროდუქტის მიწოდებას ახორციელებს: მარცვლეული და იარაღი", - თქვა მან. 

სუბარი

1710757040

პოლიტიკური პარტია „ხალხის ძალის“ თავმჯდომარედ სოზარ სუბარი აირჩიეს

საზოგადოებრივი მოძრაობა „ხალხს ძალა“ პოლიტიკურ პარტიად დარეგისტრირდა.პოლიტიკური პარტია „ხალხის ძალის“ დამფუძნებელი ყრილობა პარტიის წევრმა, დეპუტატმა ეკა სეფაშვილმა გახსნა, რომელმაც შეკრებილ საზოგადოებას სიტყვით მიმართა და აღნიშნა, რომ ყრილობის მიერ არჩეულ იქნა ყრილობის თავმჯდომარე, მდივანი, პარტიის ხმის დამთვლელი კომისია, განისაზღვრა პარტიის სახელწოდება და დამტკიცდა პარტიის წესდება. ასევე, არჩეულ იქნა პარტიის სარევიზიო კომისია.ეკა სეფაშვილმა ყრილობის დელეგატების წინაშე პარტიის დამფუძნებელი რვა წევრის  (დიმიტრი ხუნდაძე, მიხეილ ყაველაშვილი, გურამ მაჭარაშვილი, ვიქტორ ჯაფარიძე, ზაალ მიქელაძე, ეკა სეფაშვილი, ირაკლი (დაჩი) ბერაია, დავით კაჭარავა) წარდგინებით პარტიის თავმჯდომარეობის კანდიდატად სოზარ სუბარი დაასახელა და სოზარ სუბარი ყრილობამ ერთხმად აირჩია.

ლევან ნიკოლეიშვილი

1710753888

თავად ოპოზიცია აღიარებს, რომ არჩევნებზე მათი მარცხი გარდაუვალია, დღის წესრიგში დგება როგორ მოიქცნენ არჩევნების შემდეგ, ამ მიზნით ზურაბიშვილის, როგორც პრეზიდენტის ფაქტორის გამოყენება რადიკალებისთვის იდეალური იქნება უცხოეთის "შეშფოთება-აღშფოთების“ მიმართულებით - ლევან ნიკოლეიშვილი

სალომე ზურაბიშვილის არაადეკვატურობა და პოლიტიკური უსინდისობა, უკვე ჩვეულებრივი ამბავია, მიუხედავად ამისა მაინც ვთვლი თავს ვალდებულად ზოგიერთ ფაქტსაც გამოვეხმაურო და მისი მომავალი ქმედების შესაძლო სცენარზეც მოკლედ ვისაუბრო, - ამის შესახებ ექსპერტი ლევან ნიკოლეიშვილი სოციალურ ქსელში წერს.მისი განცხადებით, ზურაბიშვილი არა მხოლოდ რადიკალური ოპოზიციის და არასამთავრობო სექტორის ნაწილის იდეების გამხმოვანებელია, არამედ არცთუ იშვიათად, მათ პირდაპირაც წარმოადგენს. როგორც ნიკოლეიშვილი აღნიშნავს, ოპოზიციის მარცხი არჩევნებზე გარდაუვალია, შესაბამისად, პრეზიდენტის ფაქტორს არჩევნების შემდეგ რადიკალები გამოიყენებენ და რევოლუციური პროცესების აგორებას შეეცდებიან."სალომე ზურაბიშვილის არაადეკვატურობა და პოლიტიკური უსინდისობა, უკვე ჩვეულებრივი ამბავია, მიუხედავად ამისა მაინც ვთვლი თავს ვალდებულად ზოგიერთ ფაქტსაც გამოვეხმაურო და მისი მომავალი ქმედების შესაძლო სცენარზეც მოკლედ ვისაუბრო: ყველა კარგად ვხედავთ დე ფაქტო პრეზიდენტი არათუ რადიკალური ოპოზიციის და გარკვეული არასამთავრობო სექტორის იდეების გამხმოვანებელია, არამედ არცთუ ისე იშვიათად მათ პირდაპირ წარმომადგენლადაც გვევლინება. ამ შემთხვევაში საინტერესო დეტალი შეიძლება ისიც იყოს, რომ ჯერ ზურაბაშვილს ეუბნებიან უცხოელი პატრონები როგორ მოიქცეს და შემდეგ ის აძლევს გზავნილებს რადიკალებს თუ პირიქით. რაც შეეხება სავარაუდო სცენარს, თავად ოპოზიცია აღიარებს, რომ არჩევნებზე მათ მარცხი, მიუხედავად იმისა რომ ზოგიერთმა მათგანმა 5% ბარიერი შეიძლება გადალახოს, მაინც გარდაუვალია.შესაბამისად დღის წესრიგში დადგება (ან უკვე დადგა), თუ როგორ მოიქცნენ არჩევნების შემდეგ:1) არჩევნების მიმდინარეობისას ოპოზიცია, თავიანთ ტელევიზიებით შეცდება გაყალბების და დაძაბულობის სურათი დახატოს;2) ამ მიზნით, სალომე ზურაბიშვილის, როგორც პრეზიდენტის (მერე რა რომ დე ფაქტო პრეზიდენტია) ფაქტორის გამოყენება რადიკალებისთვის იდეალური იქნება უცხოეთის „ყურადღების, შეშფოთება-აღშფოთების“ მიმართულებით-ზურაბიშვილი ჩაატარებს ბრიფინგებს, მოიწვევს ელჩებს, ცხადია ჩაერთვება უცხოურ მედია საშუალებებს.3) არჩევნების მეორე დღეს, ოპოზიცია, რევოლუციური პროცესის აგორებას შეეცდება, აქაც მათ ლიდერად თუ არა ერთ-ერთ მთავარ მხარდამჭერად სალომე ზურაბიშვილი მოევლინება.4) არ მგონია, რომ არჩევნებამდე სალომე ზურაბიშვილი იმ მიზნით გადადგეს, რომ რომელიმე ოპოზიციურ ფლანგს შეუერთდეს, მისთვის გაცილებით კომფორტული იქნება ორბელიანების სასახლეში სერიოზულ მავნებლობის ჩასატარებლად "გამაგრება".ამ ყველაფრის გათვალისწინებით, ველოდები როგორც სიტუაციის დაძაბვას, ასევ არეულობის მცდელობას, არანაკლები გამოწვევა იქნება, უცხოეთის პოზიციებიც, რომლებმაც ჩართულობა-ჩარევის მცდელობით შეიძლება პირდაპირ იერიშიც კი მიიტანონ ჩვენს სუვერენიტეტზე. საბოლოოდ, მიზანშეწონილად და აუცილებლად მიმაჩნია გარკვეული პრევენციული ღონისძიებების გატარება, ხოლო კანონის იმისთანებისთვის შესაბამისი პასუხისმგებლობის დაკისრება." - წერს ნიკოლეიშვილი Facebook-ზე.

ნინო ფოჩხუა

1710752252

სალომე ზურაბიშვილმა არც ახლა უღალატა ჩვეულებას და ვეტო დაადო საარჩევნო კოდექსში შეტანილ ცვლილებებს, ეს კი არის ცესკოს დისკრედიტაცია და მომავალი არჩევნების არაღიარების საბაბი - ნინო ფოჩხუა

ვეტოს დადებით ცნობილმა სალომე ზურაბიშვილმა არც ახლა უღალატა ჩვეულებას და ვეტო დაადო საარჩევნო კოდექსში შეტანილ ცვლილებებს. ეს კი არის ცესკოს დისკრედიტაცია და მომავალი არჩევნების არაღიარების საბაბი, - წერს სოციალურ ქსელში ექსპერტი ნინო ფოჩხუა, საარჩევნო კანონმდებლობასა და რეგლამენტში განხორციელებულ ცვლილებებთან დაკავშირებით პრეზიდენტის ვეტოს შესახებ.ექსპერტის თქმით, რაც არ უნდა იძახოს სალომე ზურაბიშვილმა არ ვარ დესტრუქციული ოპოზიციის პრეზიდენტიო, ფაქტები სხვას ამბობენ, ამომრჩეველი ამას ხედავს და საკადრის პასუხს გასცემს 26 ოქტომბერს.„გამომდინარე იქიდან, ქალბატონი პრეზიდენტი საიდან სად მოხვდა, რა საუბარი შედგა მას და ოცნების გუნდს შორის, ზელენსკის მსოფლიო ლიდერობასთან დაკავშირებით, მეგონა ემიგრანტის კომპლექსი იყო მიზეზი მისი ასეთი ქცევის, მაგრამ დრომ გვიჩვენა, რომ გარდა ამისა, სხვა მიზეზიც არსებობდა და ეს უცხო ქვეყნის აგენტობა, მერკანტილური პირადი ინტერესი იყო. მისი ყოველი მოქმედება ქვეყნის საწინააღმდეგოდ არის მიმართული. ვეტოს დადებით ცნობილმა სალომე ზურაბიშვილმა არც ახლა უღალატა ჩვეულებას და ვეტო დაადო საარჩევნო კოდექსში შეტანილ ცვლილებებს. ეს კი არის ცესკოს დისკრედიტაცია და მომავალი არჩევნების არაღიარების საბაბი. რაც არ უნდა იძახოს ამ ქალმა არ ვარ დესტრუქციული ოპოზიციის პრეზიდენტიო, ფაქტები სხვას ამბობენ, ამომრჩეველი ამას ხედავს და საკადრის პასუხს გასცემს 26 ოქტომბერს“, - წერს ფოჩხუა Facebook-ზე.