რუსეთი

საქართველო გაერთიანდება და დეოკუპაცია მხოლოდ გააზრებული და ეროვნული პოლიტიკითაა შესაძლებელი, ხოლო საკუთარი სახელმწიფოს წინააღმდეგ მებრძოლ აგენტურას ქართველი ხალხი მკაცრ პოლიტიკურ განაჩენს გამოუტანს - ზურაბ ქადაგიძე

პარტია “ხალხის ძალის” წევრი, დეპუტატი ზურაბ ქადაგიძე სოციალურ ქსელში გამოეხმაურა გია ბარამიძის ბოლოდროინდელ განცხადებებსა და რადიკალური ოპოზიციის რიტორიკას. ქადაგიძე წერს, რომ ქართული ოპოზიცია აფხაზეთში საწვავის გაგზავნას რუსეთის დახმარებად ნათლავს, რაც რეალურად ჰუმანიტარული დიალოგის საბოტაჟია.დეპუტატი აღნიშნავს, რომ ქვეყნის გამთლიანება იწყება ელემენტარული ეკონომიკურ-ჰუმანიტარული ხიდების მშენებლობით: “როდესაც ელემენტარული საწვავის გაგზავნას „რუსეთის დახმარებად“ ნათლავენ, ამით თავად აღიარებენ, რომ იქ მცხოვრები ადამიანების ბედი საერთოდ არ აინტერესებთ და საქართველოს დეოკუპაცია მათთვის მხოლოდ ფუჭი ლოზუნგია” - წერს ქადაგიძე.დეპუტატი აღნიშნავს იმასაც, რომ ქართული ოპოზიცია მსოფლიოში ერთადერთია, რომელიც ჰუმანიტარული ნაბიჯის გამო საკუთარი სამშობლოსთვის საერთაშორისო სანქციების დაწესებას ითხოვს. “უსამშობლოთა დივერსია:1. ისტორიული და მორალური დივერსია ბარამიძის განცხადება, რომ თითქოს ქართველები აფხაზებს ხვრეტდნენ, შემთხვევითი წამოცდენა არ არის, ეს მათი უცვლელი მოღალატეობრივი ხელწერაა. სწორედ ამ პოლიტიკურმა ძალამ მოაწერა ხელი ევროსაბჭოს მოღალატეობრივ რეზოლუციას "1633", სადაც ომის დანაშაული საკუთარ ჯარს დააბრალა და დღესაც ზუსტად იმავეს აკეთებენ. როდესაც საკუთარ ხალხს ომის დანაშაულებს აბრალებ, ამით პირდაპირ ამართლებ სეპარატიზმს და ძირს უთხრი შერიგების ყოველგვარ მორალურ საფუძველს.2. ჰუმანიტარული დიალოგის საბოტაჟი ქვეყნის გამთლიანება იწყება ადამიანებამდე მისვლით, ნდობის დაბრუნებითა და ელემენტარული ეკონომიკურ-ჰუმანიტარული ხიდების მშენებლობით. აფხაზეთში მცხოვრები ხალხი ჩვენი საზოგადოების ნაწილია. როდესაც ელემენტარული საწვავის გაგზავნას „რუსეთის დახმარებად“ ნათლავენ, ამით თავად აღიარებენ, რომ იქ მცხოვრები ადამიანების ბედი საერთოდ არ აინტერესებთ და საქართველოს დეოკუპაცია მათთვის მხოლოდ ფუჭი ლოზუნგია.3. საკუთარი ქვეყნის დასანქცირების აბსურდი მსოფლიოში არ არსებობს სხვა პოლიტიკური ძალა, რომელიც საკუთარ სამშობლოზე ჰუმანიტარული ნაბიჯის გამო საერთაშორისო სანქციების დაწესებას ითხოვდეს. ეს მოწოდება - "დაასანქცირეთ საქართველო“, მათი საბოლოო ლუსტრაციაა: ისინი მოქმედებენ არა ეროვნული ინტერესით, არამედ გარე დაკვეთით, რომლის მიზანიც ქვეყნის ეკონომიკური და პოლიტიკური დაზიანებაა. მარტივი დასკვნა: ამ უსამშობლოთა ჯგუფს არა შერიგება და ქვეყნის გამთლიანება, არამედ მუდმივი შუღლისა და დაძაბულობის შენარჩუნება სურს. საქართველო გაერთიანდება და დეოკუპაცია მხოლოდ გააზრებული, მშვიდობიანი და ეროვნული პოლიტიკითაა შესაძლებელი, ხოლო საკუთარი სახელმწიფოს წინააღმდეგ მებრძოლ აგენტურას ქართველი ხალხი მკაცრ პოლიტიკურ განაჩენს გამოუტანს!” - წერს ზურაბ ქადაგიძე.

პოლიტიკა • 1786870779

რუსეთს უკვე მოთმინება ეწურება და გუშინწინ აშშ-ს და თურქეთს ლამის ულტიმატუმი წაუყენა, რომ სამშვიდობო მედიატორის და უკრაინასთვის იარაღის მიმწოდებლის სტატუსები ერთმანეთთან შეუთავსებელია - ზაალ ანჯაფარიძე

ანალიტიკოსი ზაალ ანჯაფარიძე რუსეთ-უკრაინის ომის მიმდინარეობას და უკრაინის მიერ რუსეთის ტერიტორიაზე დრონებით განხორციელებული იერიშების მასშტაბის ზრდას ეხმიანება.როგორც ანჯაფარიძე აღნიშნავს, ბოლო პერიოდში განსაკუთრებით თვალშისაცემია უკრაინის მიერ ერთდროულად გაშვებული დრონების რაოდენობის მკვეთრი ზრდა.მისი შეფასებით, მსგავსი მასშტაბის ოპერაციები დასავლეთისა და მისი მოკავშირეების ფინანსური, ტექნიკური და სამხედრო მხარდაჭერის გარეშე შეუძლებელი იქნებოდა.„ვინც რუსეთ-უკრაინის (დასავლეთის) ომის მსვლელობას მეტნაკლებად რეგულარულად აკვირდებით, აუცილებლად შეამჩნევდით ერთ ძალიან მნიშვნელოვან, მე ვიტყოდი სტრატეგიულად მნიშვნელოვან ტენდენციას.თუკი 1-1,5 წლის წინ უკრაინას ერთ გაშვებაზე მხოლოდ 300-მდე დრონის მიმართვა შეეძლო რუსეთზე და შეზღუდულ არეალზე, წუხელ 16 აგვისტოს, ამ რიცხვმა 822(!) შეადგინა გაცილებით უფრო ფართო გეოგრაფიით და შესაბამისად უფრო მასშტაბური ზიანის მიყენებით.რა თქმა უნდა, ეს ყოველივე შეუძლებელი იქნებოდა დასავლეთის და მისი მოკავშირეების ინტენსიური ფინანსურ-ტექნიკური და სამხედრო დახმარების გარეშე. გუშინ პუტინ-ტრამპის ალიასკაზე შეხვედრის წლისთავი იყო, და ალბათ "შესანდობარი" უნდა დაილიოს მისი გარდაცვალების, რადგანაც იქ მიღწეული "შეთანხმებებიდან," რქები და ჩლიქებიც კი აღარ დარჩა. ამაზე ადრეც დამიწერია მეც და სხვებსაც.რუსეთს კი უკვე მოთმინება ეწურება და გუშინწინ აშშ-ს და თურქეთს ლამის ულტიმატუმი წაუყენა, რომ სამშვიდობო მედიატორის და უკრაინასთვის იარაღის მიმწოდებლის სტატუსები ერთმანეთთან შეუთავსებელია.“ - წერს ანჯაფარიძე.

პოლიტიკა • 1786870469

საქართველოს მთავრობა ოკუპირებული ტერიტორიების მცხოვრებთა სამედიცინო დახმარებისთვის ყოველწლიურად საშუალოდ 4-დან 6 მილიონ ლარამდე გამოყოფს. ბოლო 10 წლის განმავლობაში ამ მიმართულებით საბიუჯეტო ხარჯებმა 40-50 მილიონ ლარს გადააჭარბა - დავით ქართველიშვილი

მთავარია, ვინ არის ამ პარანოიის გამავრცელებელი. კვლავ იგივე ადამიანები, რომლებიც 2006-2008 წლებში კოდორის ხეობაში საგანგებოდ გამოთხრილ და დაბეტონებულ სანგრებში ათობით მილიონი დოლარის ღირებულების შეიარაღებას ასაწყობებდნენ, იმისთვის, რომ 2008 წლის აგვისტოში ერთი გასროლის გარეშე ჩაებარებინათ ის რუსებისა და სეპარატისტებისთვის. შემდგომ კი ამ იარაღით რუსებს უკრაინელები გაენადგურებინათ. უკრაინული ჯოჯოხეთის ეს სისხლიანი სპონსორები დღეს ნიანგის ცრემლებს ღვრიან ღალატის თემაზე - ასე ეხმიანება სოციალურ ქსელში „ხალხის ძალის“ წევრი დავით ქართველიშვილი ოკუპირებულ აფხაზეთში ჰუმანიტარული ტვირთის სახით საწვავის მიწოდების საკითხს და აცხადებს, რომ ამ თემის ირგვლივ მიზანმიმართული სპეკულაციები მიმდინარეობს.მისივე შეფასებით, წინა ხელისუფლების პერიოდში რუსულ სახელმწიფო და კერძო სტრუქტურებთან გაფორმებული გარიგებების მასშტაბი დღეს მიმდინარე დისკუსიების ფონზე განსაკუთრებით საყურადღებოა.მისი ინფორმაციით, პროგრამის ფარგლებში მოქალაქეებს მიეწოდებათ ონკოლოგიური, კარდიოქირურგიული, პედიატრიული, დიაგნოსტიკური, რეანიმაციული და სხვა სახის მაღალკვალიფიციური სამედიცინო მომსახურება.ქართველიშვილი ასევე საუბრობს პროგრამის ფინანსურ მხარეზე და აცხადებს, რომ ოკუპირებული ტერიტორიებიდან მცხოვრები პირებისთვის სამედიცინო დახმარების ხარჯები სახელმწიფო ბიუჯეტიდან იფარება.„მილიონნახევარი ლარის ღირებულების საწვავი ჰუმანიტარული ტვირთის სახით შევიდა მათ შორის ქართველებით დასახლებულ ოკუპირებულ აფხაზეთში და ამას მიეცა არმაგედონული ხასიათის შეფასება, რომლის შიზოფრენიულ შინაარსს ნუღა მომაყვანინებთ. მთავარია - ვინ არის ამ პარანოიას გამავრცელებელი. კვლავ იგივე მოღალატეები, რომლებიც 2006-2008 წ.წ. კოდორის ხეობაში საგანგებოდ გამოთხრილ და დაბეტონებულ სანგრებში ასაწყობებდნენ ათობით მილიონი დოლარის ღირებულების შეიარაღებას იმისთვის - რომ 2008 წლის აგვისტოში ერთი გასროლის გარეშე ჩაებარებინათ ის რუსების და სეპარატისტების ხელში იმისთვის, რომ შემდგომ ამ იარაღით რუსებს - უკრაინელები გაენადგურებინათ. უკრაინული ჯოჯოხეთის აი ეს სისხლიანი სპონსორები დღეს ნიანგის ცრემლებს ღვრიან ღალატის თემაზე.თუ შევაჯამებთ ყველა იმ საკვანძო ქართული ენერგეტიკული, სამრეწველო და ინფრასტრუქტურული აქტივის ღირებულებას, რომლებიც 2008–2012 წლების პერიოდისთვის რუსულ სახელმწიფო და კერძო სტრუქტურებს („ინტერ რაო“, „გაზპრომი“, „ვთბ“, „ალფა-ჯგუფი“, „GeoProMining“ და სხვ.) გადასცეს ამ მოღალატეებმა, რომლებიც დღეს მილიონნახევრის ღირებულების საწვავზე რუსეთის "გაძლიერების" სცენარებს აგებენ: ამ ობიექტების ჯამური საბაზრო ღირებულება დაახლოებით 800 მლნ – 1,2 მლრდ აშშ დოლარად ფასდება. უშუალოდ 2008 წლის აგვისტოს ომის შემდეგ (2009–2011 წ.წ. პერიოდში) რუსულ სტრუქტურებთან გაფორმებული ახალი გარიგებების ჯამურმა მოცულობამ (ხრამჰესი-1-ისა და ხრამჰესი-2-ის პრივატიზების ჩათვლით) დაახლოებით 100–150 მლნ აშშ დოლარი შეადგინა.მას შემდეგ, რაც სვანების მკვლელმა ბარამიძემ - ქართველებს საჯაროდ დასდო ბრალი სამხედრო დანაშაულის (War Crimes) ჩადენაში 1992-1993 წ.წ. და ამით დაადანაშაულა საქართველო: ჟენევის კონვენციისა (Grave Breaches of the Geneva Conventions) და რომის სტატუტით გათვალისწინებული დანაშაულის ჩადენაში ადამიანურობის წინააღმდეგ (Crimes Against Humanity) - რუსულ "წისქვილზე" საუბრებს ან ზოგადად როგორ ბედავენ, ან ნუთუ საერთოდ აზროვნებაგამოშიგნულია მათი ის "ბაბლი", რომელსაც ღმერთმა ის უკანასკნელიც წაართვა, რაც "ჰომო საპიენსებს" პრიმატებისგან განასხვავებენ? ამდენი იდიოტი ერთ სულ მოსახლეზე ძალიან ბევრია ასეთი მცირერიცხოვანი სახელმწიფოსთვის.ბარამიძის მიზანმიმართული მორიგი ანტიქართული გამოხტომის შემდეგ, მე აღარ გამიკვირდება მორიგი ბრალდება, რომ საქართველომ იმის მაგივრად, რომ ხელი შეეწყო "სეპარატისტების პოპულაციის" შემცირებას - წლების განმავლობაში მათ სხვადასხვა სახელმწიფო პროგრამებით ზრუნავს მათთვის კვალიფიციური სამედიცინო სერვისების გაწევას. მე ამ კლასიკური გაგების და ლიბერალური ნაირსახეობის ფაშისტების მხრიდან აღარაფერი გამიკვირდება. კალკულატორების ისეთი ლომები, რომლებიც ენგურზე გადასულ ათობით 30-ტონიან (!) ბენზომზიდებს აფიქსირებენ (გვარამია), ხოლო სოჭიდან რუსებით გადაჭედილ 500-მგზავრიან (!) "იკარუსებზე" (?) სრულ სისულელეს (გოცირიძე) აჭმევენ თავის უტვინო მაყურებელს - ხვალ არ მოერიდებიან, ეს სამედიცინო დახმარებაც თავის ფაშისტურ კონვერტაციაში გადაიყვანონ.დიახ, დე-ფაქტო აფხაზეთის რეჟიმის მოქალაქეებისთვის ოკუპირებული ტერიტორიებიდან (აფხაზეთი და ცხინვალის რეგიონი) კვალიფიციური სამედიცინო დახმარების გაწევის შესახებ ოფიციალურ სტატისტიკას საქართველოს მთავრობა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო აწარმოებს. სამედიცინო დახმარება მიეწოდება სპეციალური „რეფერალური მომსახურების სახელმწიფო პროგრამის“ (ასევე საყოველთაო ჯანდაცვის) ფარგლებში, რომელიც ხელმისაწვდომია აფხაზეთსა და ცხინვალის რეგიონში მცხოვრები ყველა პირისთვის, მათ შორის საქართველოს მოქალაქეობის ან ქართული დოკუმენტების არქონის შემთხვევაშიც. ასე რომ - გასკდით გულზე ფაშისტებო, ჯალათებო, მკვლელებო და მოღალატეებო.მიუხედავად ანტიქართული ლიბერალური ფაშიზმის ჯერ კიდევ არსებობისა - პაციენტთა ნაკადი იქიდან წლების განმავლობაში სტაბილურია. სხვადასხვა შეფასებით, მიმართვების უმრავლესობა (65%-დან 80%-მდე) სწორედ აფხაზეთის მცხოვრებლებზე მოდის. საშუალოდ წელიწადში: თბილისის მიერ კონტროლირებად ტერიტორიაზე არსებულ კლინიკებში დახმარებას იღებს აფხაზეთისა და სამხრეთ ოსეთის 1 200-დან 1 800-ზე მეტი მცხოვრები. COVID-19-ის პერიოდში: ამ პროგრამის მომსახურებით ისარგებლა აფხაზეთისა და ცხინვალის რეგიონის 2 440-მა პაციენტმა, მათ შორის 860-ზე მეტმა პირმა მკურნალობა უშუალოდ კორონავირუსულ ინფექციაზე გაიარა.პანდემიის შემდეგ, 2023 წელს: საქართველოს მთავრობის ანგარიშის თანახმად, ოკუპირებული ტერიტორიების დაახლოებით 1 500-მა მცხოვრებმა მიიღო უფასო მაღალკვალიფიციური სამედიცინო მომსახურება. მსგავსი ინიციატივების გააქტიურებისა და რეფერალური მომსახურების სახელმწიფო პროგრამის ამოქმედების მომენტიდან, თბილისის მიერ კონტროლირებად ტერიტორიაზე სამედიცინო დახმარება სულ ათობით ათასმა ადამიანმა მიიღო. დახმარების ძირითადი მიმართულებებია:ონკოლოგია (ქიმიოთერაპია, სხივური თერაპია, სიმსივნის ქირურგიული მოკვეთა); კარდიოქირურგია და ენდოვასკულარული ოპერაციები;პედიატრია და მაღალტექნოლოგიური დიაგნოსტიკა (მრტ, კტ); რეანიმაციული მდგომარეობები და გადაუდებელი ტრავმატოლოგია.ეხლა კი - გოცირიძის საყვარელი თემა: დაფინანსება და გამოყოფილი თანხები. გამოკვლევის, სტაციონარული და ამბულატორიული მკურნალობის, ასევე ოპერაციული ჩარევის ყველა ხარჯი სრულად იფარება საქართველოს სახელმწიფო ბიუჯეტიდან. აფხაზეთისა და ცხინვალის რეგიონის მცხოვრებთა სამედიცინო დახმარებისთვის საქართველოს მთავრობა ყოველწლიურად გამოყოფს საშუალოდ 4-დან 6 მილიონ ლარამდე. ბოლო 10 წლის განმავლობაში ოკუპირებული ტერიტორიებიდან მოქალაქეთა მკურნალობის დაფინანსებაზე საქართველოს საბიუჯეტო ხარჯებმა 40–50 მილიონ ლარს გადააჭარბა.ამ დახმარების გაწევის თავისებურებები: აფხაზეთისა და ცხინვალის რეგიონის მცხოვრებლებისთვის სამედიცინო დახმარება 100%-ით უფასოდ ხორციელდება, დაცულია კონფიდენციალურობა - იმის გათვალისწინებით, რომ სოხუმისა და ცხინვალის დე-ფაქტო ხელისუფლება პერიოდულად ზეწოლას ახდენს იმ მოქალაქეებზე, რომლებიც სამკურნალოდ თბილისში, ზუგდიდში, ქუთაისსა თუ ბათუმში მიემგზავრებიან და პაციენტების პერსონალური მონაცემები მკაცრად არის დაცული საქართველოს კანონმდებლობით და ღიად არ ქვეყნდება. აფხაზეთიდან პაციენტების უმრავლესობა ენგურის ხიდის გავლით ზუგდიდის რეგიონის კლინიკებში შედის (მათ შორის საზღვართან სპეციალურად აშენებულ რუხის მრავალპროფილურ საავადმყოფოში) ან თბილისის წამყვან სამედიცინო ცენტრებში იგზავნება.ეს არის იმ ყველაფრის მინიმუმი, რაც აუცილებლად უნდა ვიცოდეთ, თუ რითი განსხვავდება ღალატი - ადამიანობისაგან, ქართველობა - უსამშობლოობისაგან, ჰუმანიზმი - ფაშიზმისაგან, პოლიტიკური ფსიქოპატია - ჯანსაღი სამოქალაქო პოზიციისაგან. დიახ, გენმოდიფიცირებული მოსახლეობის რაოდენობა ჯერ კიდევ დიდია - მაგრამ არა კრიტიკულად საშიში იმისთვის, რომ ნორმალურებს ამ არაჩვეულებრივ ქვეყანაში გადარჩენის და განვითარების პერსპექტივები გვქონდეს, მათ შორის საქართველოს "უძღებ შვილებთან" ერთად...“ - წერს ქართველიშვილი.

მსოფლიო • 1786870025

„განსაკუთრებით ერთი საუბარი მახსენდება... გერმანელებთან. არ ვიტყვი, ვინ იყო, თუმცა კანცლერის აპარატის ერთ-ერთმა მაღალჩინოსანმა თქვა: თუ ეს ომი მაინც უნდა მოხდეს, განა არ ჯობია, ყველაფერი სწრაფად დასრულდეს და უკრაინელებმა წააგონ?“ - ბორის ჯონსონი

დიდი ბრიტანეთის ყოფილმა პრემიერ-მინისტრმა, ბორის ჯონსონმა რუსეთის მიერ უკრაინაში ფართომასშტაბიანი შეჭრის წინა პერიოდის სკანდალური დეტალები გაასაჯაროვა.საგარეო პოლიტიკის კვლევითი ინსტიტუტის (FPRI) პროექტის პოდკასტში გამოსვლისას ჯონსონმა გაიხსენა საუბარი გერმანიის კანცლერის აპარატის მაღალჩინოსანთან, რომელმაც ომის დაწყებამდე უკრაინის სწრაფი დამარცხების სურვილი გამოთქვა.„განსაკუთრებით ერთი საუბარი მახსენდება... გერმანელებთან. არ ვიტყვი, ვინ იყო, თუმცა კანცლერის აპარატის ერთ-ერთმა მაღალჩინოსანმა თქვა: თუ ეს ომი მაინც უნდა მოხდეს, განა არ ჯობია, ყველაფერი სწრაფად დასრულდეს და უკრაინელებმა წააგონ?..“ - აცხადებს ბორის ჯონსონი.ბრიტანეთის ყოფილი პრემიერის შეფასებით, აღნიშნული ეპიზოდი ყირიმის ანექსიის შემდეგ ბერლინისა და პარიზის ზოგადი და მცდარი სტრატეგიის ნათელი ილუსტრაციაა. ჯონსონის თქმით, დასავლელი პარტნიორები „ოჯახის ფსიქოლოგებივით იქცეოდნენ და ერთი ქვეყნის მიერ მეორეზე განხორციელებულ სასტიკ თავდასხმას ოჯახურ სკანდალად აფასებდნენ“.

მსოფლიო • 1786867910

მოსკოვზე ასობით დრონით თავდასხმა განხორციელდა - რა ინფორმაცია ვრცელდება

მოსკოვზე ასობით დრონით თავდასხმა განხორციელდა, რის გამოც რუსეთის უდიდეს „ვაილდბერისის“ საწყობს ცეცხლი გაუჩნდა. ეს კომპანიის უდიდესი საწყობია, რომლის ფართობი 200 000 კვადრატულ მეტრზე მეტია. თავდასხმის შედეგად ხანძარია ასევე გაჩნდა დომოდედოვოში მდებარე საწყობს. ეს არის რუსეთში ერთ-ერთი უდიდესი და ყველაზე ცნობილი „ა“ კლასის წარმოებისა და ლოჯისტიკის კომპლექსი.გავრცელებული ცნობით, მოსკოვის რეგიონის მიმართულებით 600 უპილოტო საფრენი აპარატი მიფრინავდა, რომელთაგან 201 მოსკოვის რეგიონში განადგურდა.მოსკოვში აცხადებენ, რომ მტრის თავდასხმების საპასუხოდ, რუსეთის არმია ურტყამს გადაწყვეტილების მიღების ცენტრებს, ქარხნებსა და საწყობებს, რომლებსაც უკრაინის შეიარაღებული ძალები ნატოს სპეციალისტებთან ერთად იყენებენ.

ომი უკრაინაში • 1786862711

ღამით რუსეთმა უკრაინის რამდენიმე რეგიონზე ბალისტიკური რაკეტებითა და დრონებით იერიში მიიტანა

ღამით რუსეთმა უკრაინის რამდენიმე რეგიონზე ბალისტიკური რაკეტებითა და დრონებით იერიში მიიტანა, კიევში რამდენიმე ლოკაციაზე ხანძარს ებრძვიან, დაშავებულია სამი ადამიანი. ინფორმაციას უკრაინული მედია ავრცელებს.მედიის ცნობით, კიევზე რუსეთის იერიშის შედეგად აფეთქებები და ხანძრები ობოლონისა და ჰოლოსიივის რაიონებში დაფიქსირდა. მასშტაბური ხანძარი გაჩნდა „პეტროვკის“ წიგნების ბაზრობის ტერიტორიაზე.კიევის სამხედრო ადმინისტრაციის ინფორმაციით, რუსეთის თავდასხმის შედეგად სამი ადამიანი დაშავდა.რუსეთმა იერიში მიიტანა დნეპროპეტროვსკის ოლქის ქალაქ კრივოი როგზე. დნეპროპეტროვსკის ოლქის სამხედრო ადმინისტრაციის ხელმძღვანელის განცხადებით, რუსეთმა სამრეწველო ობიექტებს დაარტყა, რის შედეგადაც ხანძარი გაჩნდა. იერიშის შედეგად ერთი ადამიანი დაიღუპა, ხოლო 13 დაშავდა.ამასთან, ზაპოროჟიეზე თავდასხმის შედეგად, ორი ადამიანი დაიღუპა. ზაპოროჟიეს საოლქო სამხედრო ადმინისტრაციის ხელმძღვანელის, ივან ფიოდოროვის განცხადებით, რუსებმა რაიონის დასახლებულ პუნქტებსაც დაარტყეს. ერთ-ერთი რუსული მართვადი ავიაბომბი სოფელ ვიქტოროვკაში მდებარე საცხოვრებელ სახლს მოხვდა და ის მთლიანად გაანადგურა. თავდასხმის შედეგად 66 წლის მამაკაცი და 64 წლის ქალი დაიღუპნენ.

მსოფლიო • 1786808074

რუსეთის საგარეო საქმეთა სამინისტრო განცხადებას ავრცელებს

რუსეთის საგარეო საქმეთა სამინისტრომ აშშ-სა და თურქეთს უკრაინისთვის იარაღის შესაძლო მიწოდების გეგმებთან დაკავშირებით განმარტებები მოსთხოვა, – ამის შესახებ რუსეთის საგარეო უწყების პრესსპიკერმა, მარია ზახაროვამ განაცხადა.„რუსეთის საგარეო საქმეთა სამინისტრომ ვაშინგტონსა და ანკარას აშშ-ის კონგრესის მიერ გასაჯაროებულ ინფორმაციასთან დაკავშირებით განმარტებები მოსთხოვა“, – განაცხადა ზახაროვამ.მისი თქმით, ვაშინგტონსა და ანკარასთვის ჯერ კიდევ არ არის გვიანი, გონივრულად შეაფასონ საკუთარი გეგმები.„აშშ-ის კონგრესის მიერ ცოტა ხნის წინ გამოქვეყნებული დოკუმენტების მიხედვით, საუბარია შთამბეჭდავ არსენალზე, რომელიც შეტევით საშუალებებსაც მოიცავს. კერძოდ, ნახსენებია 12 სარაკეტო სისტემა და მათთვის განკუთვნილი 2 500-ზე მეტი საბრძოლო მასალა, 47 000 საარტილერიო ჭურვი და 70 ოპერატიულ-ტაქტიკური რაკეტა „ატაკამსი“. აღსანიშნავია, რომ ასეთი მასშტაბური რაოდენობის მომაკვდინებელი პროდუქციის გადაცემის გარემოებები და პირობები უკიდურესად საკამათოა. ვოლოდიმირ ზელენსკის ხუნტის სულ უფრო ახალი შეიარაღებით მომარაგებას არ შეუძლია, რაიმე სერიოზული გავლენა მოახდინოს სპეციალური სამხედრო ოპერაციის განვითარებაზე, თუმცა ასეთი მიწოდებების შედეგად მრავალმხრივი ზიანი გარდაუვალია. საქმე მხოლოდ მსხვერპლსა და ნგრევას არ ეხება, რომლის მასშტაბის გაზრდასაც კიევის ხელისუფლება ცდილობს, არამედ სერიოზულ ზიანს აყენებს ვაშინგტონსა და ანკარასთან ჩვენს ორმხრივ ურთიერთობებს“, – აღნიშნა ზახაროვამ.ზახაროვას განცხადებით, „მშვიდობიანი რიტორიკის გამოყენების მცდელობები და პარალელურად უკრაინელი ნაცისტებისთვის იარაღის მიწოდება ძირს უთხრის ურთიერთნდობას, განსაკუთრებით თურქეთის წარმომადგენლების არაერთგზის დაპირებების გათვალისწინებით, რომ თურქეთი კიევისთვის ლეტალური შეიარაღების მიწოდებას თავს არიდებს“.

ომი უკრაინაში • 1786787515

უკრაინის ძალებმა რუსეთის სარაკეტო-კოსმოსური ინდუსტრიის ერთ-ერთ მთავარ საწარმოს დაარტყეს

უკრაინის თავდაცვის ძალებმა რუსეთის ქალაქ სამარაში მდებარე სარაკეტო და კოსმოსურ ცენტრს, „პროგრესს“ FP-5 „ფლამინგოს“ ტიპის რაკეტებით დაარტყეს.უკრაინულ კომპანია „ფაიარ ფოინთში“ განაცხადეს, რომ სარაკეტო-კოსმოსური ცენტრი „პროგრესი“ რუსეთის სარაკეტო-კოსმოსური ინდუსტრიის ერთ-ერთი მთავარი საწარმოა.მათივე ცნობით, ცენტრი ავითარებს და აწარმოებს საშუალო კლასის გამშვებ მანქანებს, მათ შორის „სოიუზ-2“-ის ოჯახს, ასევე კოსმოსურ ხომალდებს დედამიწის დისტანციური ზონდირებისა და სამეცნიერო პროგრამებისთვის.აღსანიშნავია, რომ „სოიუზ-2“-ის გამშვები მანქანები გამოიყენება „რასვეტის“ სატელიტური ინტერნეტთანამგზავრების გასაშვებად, რომლებიც „სტარლინკის“ რუსული ეკვივალენტია.

პოლიტიკა • 1786706811

„რაც უფრო მეტად გინდა მშვიდობა, მით უფრო მეტად უნდა იყო მზად არასტანდარტული ქმედებებისთვის“ - კობა კობალაძე

აფხაზეთში საომარი მოქმედებების დაწყებიდან, დღეს, 34 წელი შესრულდა. ამ თარიღთან დაკავშირებით, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, თავდაცვის მინისტრის მოადგილესთან, გრიგოლ გიორგაძესთან, თავდაცვის ძალების მეთაურის მოადგილესთან, გენერალური შტაბის უფროსთან, გენერალ-მაიორ ჯონი ტატუნაშვილთან და აფხაზეთის ავტონომიური რესპუბლიკის მთვრობის თავმჯდომარესთან, გიორგი ჯინჭარაძესთან ერთად, საქართველოს ტერიტორიული მთლიანობისათვის დაღუპულ გმირთა მემორიალი გვირგვინით შეამკო და სამშობლოსათვის ბრძოლის ველზე დაცემული მეომრების ხსოვნას პატივი კიდევ ერთხელ მიაგო.„პირველ რიგში, ვუსამძიმრებ თითოეული ჩვენი გმირის ოჯახის წევრებს და სრულიად ჩვენს ქვეყანას... 14 აგვისტო არის ერთ-ერთი მტკივნეული თარიღი, იმიტომ, რომ ეს იყო არა დაახლოების, არამედ დაშორიშორების კიდევ ერთი ზღუდე. იმის შემდგომ, ჩვენ, მთელი არსით ვცდილობთ იმას, რომ, რაც შეიძლება, ნაკლებმტკივნეულად გადავლახოთ ეს ტკივილი, ეს ემოციური ფონი და ჩვენს შვილებს მივცეთ საშუალება და უნარი, ერთად თანაცხოვრებისა ერთ, ძლიერ და თავისუფალ სამშობლოში... ჩვენ ვდგევართ აქ, ჩვენი გმირების მემორიალურ დაფასთან და აქედან კიდევ ერთხელ ვსაუბრობთ იმაზე, რომ მშვიდობას ალტერნატივა არ აქვს... მშვიდობაზე ჩვენი გულანთებული პოზიციონირება არანაირად არ ნიშნავს უუნარობას ქვეყნის თავდაცვისათვის ღვაწლში; რაც უფრო მეტად გინდა მშვიდობა და ესწრაფვი მას, მით უფრო მეტად უნდა იყო მზად არასტანდარტული ქმედებებისთვის“, განაცხადა კობა კობალაძემ.ჩვენი ქვეყნის მთლიანობის, თავისუფლებისა და დამოუკიდებლობისათვის ბრძოლაში დაცემული მეომრების ხსოვნას, დღეს, გმირთა მემორიალზე, პატივი მიაგეს, ასევე, ვეტერანების საქმეთა სახელმწიფო სამსახურის დირექტორის მოადგილეებმა_მირონ ჩიგოგიძემ და ჯანდრი უბირიამ, მოხალისეთა ორგანიზაცია ა(ა)იპ ‘’ახალგაზრდობა და ვეტერანები ეროვნული თავდაცვისა და უსაფრთხოებისათვის’’ დირექტორმა, ედუარდ ჯიშკარიანმა, საქართველოს გენერალთა კლუბის აღმასრულებელმა დირექტორმა, მალხაზ ჩიხლაძემ, აფხაზეთის მეომართა კავშირის თავმჯდომარემ, გენერალ-მაიორმა ანზორ მარგიანმა, აფხაზეთის ავტონომიური რესპუბლიკის მთავრობისა და აფხაზეთის ა/რ უმაღლესი საბჭოს წარმომადგენლებმა, ვეტერანებმა და ომში დაღუპულთა ოჯახის წევრებმა.ინფორმაციისთვის, სამხედრო დაპირისპირება აფხაზეთში,1992 წლის 14 აგვისტოს დაიწყო. საქართველოს ერთიანობისთვის, ქართული სამხედრო ფორმირებები ებრძოდნენ აფხაზ სეპარატისტებს, ჩრდილო- კავკასიელ კონფედერატებს, კაზაკებს, ადგილობრივი სომხებისგან შექმნილ ’’ბაგრამიანის ბატალიონს’’, რომელთაც მხარს უჭერდა რუსეთი. უთანასწორო ბრძოლა, 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა.ომის შედეგად, საქართველოს 300 ათასამდე მოქალაქე, რომელთაგან აბსოლუტური უმრავლესობა, ეთნიკურად ქართველი იყო, დევნილად იქცა; საომარ მოქმედებებში, 5000-მდე სამხედრო მოსამსახურე და გასამხედროებული შენაერთების მებრძოლები დაიღუპნენ, დაახლოებით ამდენივე დაეღუპათ აფხაზებსაც იმათგან, ვინც იარაღით ხელში იბრძოდა. მაგრამ დაღუპულთა რაოდენობა, ქართველი ეროვნების მშვიდობიან მოქალაქეებს შორის, ორჯერ მეტია, რაც სეპარატისტებისა და მათი მოკავშირეების მიერ, ეთნიკურად ქართველთა მასობრივად დახვრეტის შედეგია. ომის შედეგად, ასეულობით პირი, უგზო-უკვლოდ დაიკარგა, 10 ათასამდე კი დაიჭრა და დასახიჩრდა;

პოლიტიკა • 1786706678

საქართველოში რუსოფობია საყოფაცხოვრებო დონეზე არასდროს ყოფილა - თამარ კეკენაძე

რუსოფობიის გაღვივების მცდელობა და ჰიბრიდული ომის ახალი ტალღა - მმართველი გუნდი აცხადებს, რომ გლობალური ძალები ცდილობენ, რუსეთის მეზობელ ქვეყნებში ანტირუსული მუხტი არასდროს შენელდეს, საქართველო კი მუდმივი ეკონომიკური და სამხედრო საფრთხის წინაშე იყოს.საპირისპიროს ამტკიცებენ ოპოზიციაში. პარტია „გახარია საქართველოსთვის“ პოლიტიკური საბჭოს წევრის, თამარ კეკენაძის თქმით, საქართველოში რუსოფობია საყოფაცხოვრებო დონეზე არასდროს ყოფილა."საქართველოში რუსოფობია საყოფაცხოვრებო დონეზე არასდროს ყოფილა. 2008 წლის შემდეგ, რაც საქართველოს ტერიტორიები ოფიციალურად გახდა ოკუპირებული, რუსეთის არის ოკუპანტი. როგორც სახელმწიფოს, კრემლის, ოკუპანტის წინააღმდეგ არ შეცვლილა დამოკიდებულება", - განაცხადა თამარ კეკენაძემ.

მსოფლიო • 1786696178

უკრაინული დრონების მასშტაბური თავდასხმის შედეგად, ლენინგრადის ოლქში, უსტ-ლუგას პორტში ხანძარი გაჩნდა

უკრაინული დრონების მასშტაბური თავდასხმის შედეგად, ლენინგრადის ოლქში, უსტ-ლუგას პორტში ხანძარი გაჩნდა. ამის შესახებ ინფორმაციას ლენინგრადის ოლქის გუბერნატორის, ალექსანდრ დროზდენკოს განცხადებაზე დაყრდნობით „ბიბისი“ ავრცელებს.მოგვიანებით დროზდენკომ განაცხადა, რომ უსტ-ლუგას პორტში თავდასხმის „ყველა შედეგი ლიკვიდირებულია“ და მსხვერპლი არ არის.მედიაში აღნიშნავენ, რომ უსტ-ლუგას საზღვაო პორტი ბალტიის ზღვის ერთ-ერთი უმსხვილესი პორტია და რუსეთისთვის მნიშვნელოვანი ნავთობისა და ნავთობპროდუქტების საექსპორტო ჰაბია. პორტი მანამდე არაერთხელ გამხდარა უკრაინული დრონების თავდასხმის სამიზნე.ამავდროულად, ლატვიის საჰაერო სივრცეში უცხოური დრონი შევიდა, რომელიც ნატო-ს მისიის ფარგლებში პატრულირებადმა გამანადგურებლებმა ჩამოაგდეს. დრონის წარმომავლობის შესახებ ამ ეტაპზე ოფიციალური ინფორმაცია არ გავრცელებულა.

პოლიტიკა • 1786695239

გიორგი გაბუნია: გარედან დაფინანსებული, ორგანიზებული კამპანიაა, რომ გააღვივონ ეროვნული შუღლი, ყველაფრის, რაც რუსულია, იქნება ეს მუსიკა, პოეზია თუ სხვა, დემონიზება მოახდინონ

მიზანმიმართული კამპანია, „ჩაუფურთხეთ“ კერძში თუ არის რუსი ტურისტი, აზიანებს ქვეყნის იმიჯს, როდესაც ასეთი განცხადება კეთდება, არც ფრანგი ჩამოვა, არც ყაზახი და არცერთი ქვეყნის წარმომადგენელი, – ამის შესახებ პარლამენტის კულტურის კომიტეტის თავმჯდომარემ, გიორგი გაბუნიამ განაცხადა.მისივე თქმით, რუსოფობიური პოლიტიკა მიზნად ისახავს, არა მარტო კონკრეტული ტურისტის ბულინგსა და შეურაცხყოფას, არამედ საერთო ეროვნული შუღლის გაღვივებას.„კულტურის სფეროს სხვადასხვა დარგის მხრიდან ვისმენდით, რომ რუსეთში კონცერტებს არ ჩაატარებენ, ეს გასაგებია და მათი აზრია. თუმცა, მეორეა რა მოწოდებებს აკეთებენ საზოგადოების მიმართ და იმ ხელოვანების მიმართ, რომელთაც განსხვავებული პოზიცია აქვთ და მიიჩნევენ, რომ კულტურული კავშირები რუსეთთან აუცილებელია. ამ შემთხვევაში ჩვენ უნდა გავმიჯნოთ ოკუპაციის პრობლემა იმ პრობლემისგან, რომლის წინაშეც დღეს რეალურად ვდგავართ. ეს არის ორგანიზებულად, გარედან დაფინანსებით კარგად მოფიქრებული, რომ საქართველოში გააღვივონ ეროვნული შუღლი, რომ ყველაფერი რაც რუსულია, ეს იქნება მუსიკა, პოეზია და ასე შემდეგ, ამ მიმართულებით დემონიზება მოახდინონ. ეს არ არის სწორი, ვინაიდან რუსი ტურისტები, რომლებიც საქართველოში ჩამოდიან, ბევრი მათგანი საერთოდ არ ეთანხმება რუსეთის პოლიტიკას.ჩვენ ქართველები ვართ, დიდი კულტურის, დიდი ისტორიის ერი და ჩვენთან არასოდეს არ ყოფილა ეროვნული შუღლის, ან ეროვნული სიძულვილის პროცესი. მიზანმიმართული კამპანია, „ჩაუფურთხეთ“ კერძში თუ არის რუსი ტურისტი – ეს აზიანებს ქვეყნის იმიჯს. როდესაც ასეთი განცხადება კეთდება, ასეთ ქვეყანაში არც ფრანგი ჩამოვა, არც ყაზახი და არცერთი ქვეყნის წარმომადგენელი. როდესაც აქცენტი კეთდება ასეთ რუსოფობიურ პოლიტიკაზე, რომელიც ძალიან კარგად არის ორგანიზებული და მიზნად ისახავს, არა მარტო კონკრეტული ტურისტის ბულინგსა და შეურაცხყოფას, არამედ საერთო ეროვნული შუღლის გაღვივებას, სახელმწიფოებს შორის დაძაბულობის შექმნას და ამ მიმართულებით ქვეყნის უსაფრთხოების რისკების ზრდას“, – განაცხადა გაბუნიამ.