მოკლეს

ირანის ხელისუფლება ადასტურებს, რომ ალი ლარიჯანი მოკლულია

ირანის ხელისუფლება ადასტურებს, რომ ეროვნული უსაფრთხოების უმაღლესი საბჭოს ხელმძღვანელი, ალი ლარიჯანი ლიკვიდირებულია, - ინფორმაციას BBC-ი ავრცელებს.ირანის ეროვნული უსაფრთხოების უმაღლესმა საბჭომ განაცხადა, რომ ლარიჯანი მოკლეს მის შვილთან, მორტეზასთან, ერთ-ერთ თანაშემწესთან და მცველთან ერთად.„ირანისა და ისლამური რევოლუციის წინსვლისთვის მთელი ცხოვრების განმავლობაში ბრძოლის შემდეგ, მან უპასუხა ღვთის მოწოდებას“, - ნათქვამია განცხადებაში, რომელიც სახელმწიფო ტელევიზიით წაიკითხეს.ცნობისთვის, გუშინ ისრაელის თავდაცვის ძალებმა განაცხადეს, რომ მათმა საჰაერო ძალებმა თეირანთან ახლოს ლარიჯანის ლიკვიდაცია განახორციელეს.

მსოფლიო • 1773741514

ალი ლარიჯანი და ბასიჯის მეთაური ლიკვიდირებულნი არიან და ჯოჯოხეთის უფსკრულში შეუერთდნენ განადგურების პროგრამის ხელმძღვანელს ხამენეის - ისრაელ კაცი

ისრაელის თავდაცვის მინისტრი, ისრაელ კაცი აცხადებს, რომ ირანის ეროვნული უსაფრთხოების საბჭოს მდივანი ალი ლარიჯანი ლიკვიდირებულია.მისივე თქმით, ლარიჯანის სიკვდილის შესახებ ახლახან შეატყობინეს.„ლარიჯანი და ბასიჯის მეთაური ლიკვიდირებულნი არიან და ჯოჯოხეთის უფსკრულში შეუერთდნენ განადგურების პროგრამის ხელმძღვანელს, ხამენეის და ბოროტების ღერძის ყველა ლიკვიდირებულ წევრს“, – განაცხადა კაცმა.ირანულ მხარეს ალი ლარიჯანთან დაკავშირებით კომენტარი არ გაუკეთებია.ამასთან, ისრაელის თავდაცვის ძალებში აცხადებენ, რომ ირანის „ბასიჯის“ დანაყოფის მეთაური ღოლამრეზა სოლეიმანი მოკლეს.ცნობისთვის, ცნობისთვის, გასულ კვირას ალი ლარიჯანი საჯაროდ გამოჩნდა. მან თეირანში მთავრობის მხარდამჭერ აქციებში მიიღო მონაწილეობა.

მსოფლიო • 1773642130

ტრამპი: ჩვენ კუბასთან ვსაუბრობთ, მაგრამ კუბამდე ირანთან ვაპირებთ მოლაპარაკებებს

კუბა წარუმატებელი ერია. ამის შესახებ აშშ-ის პრეზიდენტმა, დონალდ ტრამპმა განაცხადა.მისი თქმით, კუბას შეთანხმების დადება სურს და თვლის, რომ ეს მალე მოხდება.„ან შეთანხმებას დავდებთ, ან იცით, რაც უნდა გავაკეთოთ. ჩვენ ბევრი შესანიშნავი ადამიანი გვყავს, ვინც ტრამპს მისცა ხმა, თუმცა ამას მნიშვნელობა არ აქვს. კუბიდან ბევრი შესანიშნავი ადამიანი გვყავს, რომლებიც ძალადობრივად და სასტიკად გააძევეს ქვეყნიდან და უარესიც, ოჯახები მოკლეს. ასე რომ, ჩვენ კუბასთან ვსაუბრობთ, მაგრამ კუბამდე ირანთან ვაპირებთ მოლაპარაკებებს“, – განაცხადა აშშ-ის პრეზიდენტმა.კუბის პრეზიდენტმა, მიგელ დიას-კანელმა 13 მარტს განაცხადა, რომ ქვეყანამ აშშ-ის მთავრობასთან ნავთობის ბლოკადის შესახებ მოლაპარაკებები დაიწყო. მან იმედი გამოთქვა, რომ მოლაპარაკებები ორ დიდი ხნის მეტოქეს კონფრონტაციისგან დააშორებს.

მსოფლიო • 1773553223

WSJ: მათ დაჰპირდნენ რეჟიმის შეცვლას, ახლა ბევრი ირანელი თავს მოტყუებულად გრძნობს - თეირანში შიშობენ, რომ საბოლოოდ დარჩებიან დანგრეულ ქვეყანაში, იმავე ავტოკრატ მმართველებთან, რომლებიც ომამდე მართავდნენ ქვეყანას

"მათ დაჰპირდნენ რეჟიმის შეცვლას. ახლა ბევრი ირანელი თავს მოტყუებულად გრძნობს" - ამ სათაურით აქვეყნებს სტატიას The Wall Street Journal.სტატიის მიხედვით, ირანის წინააღმდეგ ომის დაწყებისას, ისრაელი და აშშ აცხადებდნენ, რომ გზას უხსნიდნენ ირანელებს, აჯანყებისა და მთავრობის დამხობისკენ, რასაც მხარი დაუჭირა ბევრმა ირანელმა, როგორც უკანასკნელ შანსს, დაემხოთ მმართველები, რომლებმაც იანვარში ათასობით მომიტინგე მოკლეს.ახლა ისინი დგებიან შესაძლებლობის წინაშე, რომ ომი დასრულდება იმავე ავტორიტარული მმართველობის ქვეშ ცხოვრებით და კვლავ მძიმე საერთაშორისო სანქციებისთვის გაძლებით, თუმცა უკვე დანგრეულ ქალაქებში და განაწყენებული მთავრობის პირობებში, რომელმაც პირობა დადო, რომ განსხვავებული აზრის მიმართ კიდევ უფრო მკაცრ პოლიტიკას გაატარებს.„თეირანში მცხოვრებმა სამოქალაქო საზოგადოების აქტივისტმა და ყოფილმა პოლიტპატიმარმა თქვა, რომ ორი კვირის წინ, როდესაც ომი დაიწყო, ირანელები ნამდვილად იმედიანად იყვნენ განწყობილნი. ახლა კი, მისი თქმით, ისინი თავს მოტყუებულად გრძნობენ.ინგლისურის ერთმა მასწავლებელმა, რომელიც თეირანში ცხოვრობს და რომელიც წინააღმდეგია როგორც მთავრობის, ისე ომის, უფრო პირდაპირ თქვა: „ჩვენ უბრალოდ მოგვატყუეს,“ - თქვა მასწავლებელმა და აღნიშნა, რომ ირანელები მხოლოდ საბაბად გამოიყენეს დამანგრეველი ომის დასაწყებად. „ისე ჩანს, თითქოს ასი წლით უკან დავბრუნდით.“ - წერს WSJ.სტატიის თანახმად, ირანში იმედგაცრუება გამოიწვია ისრაელისა და აშშ-ის ოფიციალური პირების პოზიციის შეცვლამ - ისინი ახლა ამბობენ, რომ რეჟიმის ცვლილების დრო ჯერ არ არის.„ბევრმა ადამიანმა ახლა გააცნობიერა, რომ ეს შეიძლება უფრო სახელმწიფოს კოლაფსს ჰგავდეს, ვიდრე რეჟიმის შეცვლას,“ - განუცხადა გამოცემას ელი გერანმაიემ, ირანის საკითხების ექსპერტმა საგარეო ურთიერთობების ევროპულ საბჭოში.როგორც WSJ წერს, ომი ისე ვითარდება, რომ წელს უკვე მეორედ, ირანელებმა ნახეს, როგორ იხევს უკან აშშ რეჟიმის შეცვლის დაპირებებთან მიმართებით.იანვრის დასაწყისში დონალდ ტრამპი ირანელ მომიტინგეებს მოუწოდებდა, საკუთარი მთავრობა დაემხოთ. მან სოციალურ მედიაში დაწერა, რომ აშშ იყო „მზად და შეიარაღებული“ და რომ „დახმარება გზაშია“. რამდენიმე დღეში კი მან შეტევის დაწყებაზე უარი თქვა მას შემდეგ, რაც მრჩევლებმა დაარწმუნეს, რომ აშშ-ს საჭირო სამხედრო ძალები ადგილზე არ ჰყავდა. იმ დროს კრიტიკოსები შიშობდნენ იმ მომიტინგეების ბედზე, რომლებიც ტრამპის მოწოდებამ გაამხნევა. როდესაც ომი დაიწყო 28 თებერვალს, ტრამპმა და ბენიამინ ნეთანიაჰუმ კვლავ მოუწოდეს ირანელებს ქუჩაში გამოსვლისკენ, თუმცა, ირანის არმია ამ მოწოდებას მზად დახვდა.რეჟიმის შეცვლა ასევე მოითხოვს თავად რეჟიმის შიგნით გახლეჩას, რაც ამჟამად ირანში არ ჩანს. მიუხედავად მძიმე დარტყმებისა შიდა უსაფრთხოების ორგანიზაციებზე, მათ შორის, ბაზებსა და სარდლობებზე და სამოქალაქო ტანსაცმელში მოქმედ პოლიციელებზე, WSJ-ის ინფორმაციით, არ არსებობს სერიოზული გადაბირების ან შიდა დაყოფის ნიშნები. ადგილობრივები ამბობენ, რომ ირანის უსაფრთხოების ძალები იმდენად აქტიურები და თვალსაჩინოები არიან, რომ რეჟიმის მოწინააღმდეგეები იძულებულნი ხდებიან, დამალულნი დარჩნენ.როგორც გამოცემა აღნიშნავს, თეირანის მაცხოვრებლები ამბობენ, რომ დაბომბვის შედეგად გამოწვეული ნგრევა და სიკვდილიანობა სულ უფრო მეტ ადამიანს, მათ შორის, ისლამური რესპუბლიკის ბევრ მოწინააღმდეგეს, ომის წინააღმდეგ აბრუნებს.

პოლიტიკა • 1773497175

სად იყო ეუთო და მისი ,,მოსკოვის მექანიზმი მაშინ, როცა 21 წლის უდანაშაულო პატიმარი ნაცჯალათებმა გლდანის ციხეში სასტიკი წამებით მოკლეს, მისი ცხედარი კი ძაღლივით დამარხეს- რამდენი ასეთი დანაშაული აქვს ჩადენილი ნაცჯალათურ რეჟიმს, მაგრამ ეუთოს ,,მოსკოვის მექანიზმი" მაშინ სირაქლემას პოზაში იდგა - ქვიშაში თუ მიშაში თავჩარგული - ჯაბა ხუბუა

სად იყო ეუთო და მისი ,,მოსკოვის მექანიზმი,, მაშინ, როცა 21 წლის უდანაშაულო პატიმარი, ობოლი ბიჭი ელდარ ქობალია ნაცჯალათებმა გლდანის ციხეში სასტიკი წამებით მოკლეს, მისი ცხედარი აფრიკის დასახლებაში, ე.წ. ველის სასაფლაოზე ძაღლივით დამარხეს, მერე კი ბიჭის ნაწამები, დასახიჩრებული ცხედარი სოფელ საბერიოში ბებია-ბაბუას იმ პირობით გადასცეს, რომ ხმას არ ამოიღებდნენ- ამის შესახებ ჟურნალისტი ჯაბა ხუბუა X-ზე წერს. ხუბუა იხსენებს “ნაციონალური მოძრაობის” ჩადენილ დანაშაულებს და ხაზს უსვამს, რომ “კიდევ რამდენი ასეთი დანაშაული აქვს ჩადენილი რეჟიმს, მაგრამ ეუთოს ,,მოსკოვის მექანიზმი" მაშინ სირაქლემას პოზაში იდგა - ქვიშაში თუ მიშაში თავჩარგული”.“სად იყო ეუთო და მისი ,,მოსკოვის მექანიზმი,, მაშინ, როცა 21 წლის უდანაშაულო პატიმარი, ობოლი ბიჭი ელდარ ქობალია ნაცჯალათებმა გლდანის ციხეში სასტიკი წამებით მოკლეს, მისი ცხედარი აფრიკის დასახლებაში, ე.წ. ველის სასაფლაოზე ძაღლივით დამარხეს, მერე კი ბიჭის ნაწამები, დასახიჩრებული ცხედარი სოფელ საბერიოში ბებია-ბაბუას იმ პირობით გადასცეს, რომ ხმას არ ამოიღებდნენ. ან მაშინ სად იყო ეუთო-ს ,,მოსკოვის მექანიზმი" როცა უდანაშაულო პოლკოვნიკი სერგო თეთრაძე ჯალათურმა ნაცრეჟიმმა წამებით მოკლა და სანამ გაუპატიურების მცდელობისას გული გაუსკდებოდა, მისი არადამიანური ბღავილი მთელ ციხეს ესმოდა. რამდენი ასეთი დანაშაული აქვს ჩადენილი ნაცჯალათურ რეჟიმს, მაგრამ ეუთოს ,,მოსკოვის მექანიზმი" მაშინ სირაქლემას პოზაში იდგა - ქვიშაში თუ მიშაში თავჩარგული”- წერს ხუბუა.

სამართალი • 1773483621

„მიშა ძილში ჩაცხრილეს...“ - რა დეტალებია ცნობილი დუშეთის მკვლელობაზე

სასტიკი მკვლელობა მოხდა დუშეთში რამდენიმე დღის წინ. მეუღ‐ ლის თვალწინ მოკლეს 42 წლის მიშა ჩოხელი. მკვლელობა 10 მარტს მოხდა. შინაგან საქმეთა სამინისტროს ინფორმაციით ცნობით, ბრალდე‐ ბულებმა შურისძიების მოტივით, განსაკუთრებული სისასტიკით, დაზარალებულს მეუღლის თანდასწრებით, ცეცხლსასროლი იარა‐ ღიდან გასროლით ჭრილობა მიაყენეს და შემთხვევის ადგილი‐ დან მიიმალნენ.როგორც შსს-ს მიერ გავრცელებულ ინფორმაციაშია ნათქვამი, პოლიციამ ჩატარებული ოპერატიული ღონისძიებებისა და საგამო‐ ძიებო მოქმედებების შედეგად 1984 წელს დაბადებული ა.წ. და 1991 წელს დაბადებული ტ.ვ. დააკავეს.„მკვლელები ადგილობრივები, დუშელები არიან - აკო გოგოლაუ‐ რი და ტარიელ ვერძეული. ამბობენ, რომ მკვლელებს და მოკ‐ ლულს ადრე ჰქონდათ ერთმანეთში კონფლიქტი, ოღონდ, რას უკავშირდება არ ვიცით. მეგობრები ყოფილან და რას უკავშირდე‐ ბა დაპირისპირება, ვერ გეტყვით. ოჯახი არაფერს ლაპარაკობს. ვიცით ის, რომ მიშა ჩოხელი სოფელ საშაბუროში ცხოვრობდა ცოლ-შვილთან ერთად. მას მკვლელები შუაღამით დაადგნენ თავ‐ ზე და მძინარე ჩაცხრილეს ცოლის თვალწინ.მიშა 40-ს გადაცი‐ ლებულია და ძალიან აქებენ, უაღრესად პოზიტიური პიროვნება იყო. გოგოლაური ახალი გამოსულია ციხიდან, ადრეც მკვლელო‐ ბისთვისაა ნასამართლევი, უსაზიზღრესი პიროვნება. წარმოდგენა არავის აქვს, რისი გულისთვის გაიმეტეს მიშა“, - ამბობს დაღუპულის ახლობელი Ambebi.ge-სთან.გამოძიება სისხლის სამართლის კოდექსის 109-ე მუხლით მიმდი‐ ნარეობს, რაც 20-წლამდე ან უვადოდ თავისუფლების აღკვეთას ითვალისწინებს.

მსოფლიო • 1773337496

გარდაცვლილი აიათოლა ალი ხამენეის მეუღლე ცოცხალია - ირანული მედია

ირანული საინფორმაციო სააგენტო „ფარსი“ იტყობინება, რომ ირანის გარდაცვლილი უზენაესი ლიდერის, აიათოლა ალი ხამენეის მეუღლე, მანსურე ხოჯასტე ბაღერზადე ცოცხალია.მათივე ცნობით, მანსურეს გარდაცვალების შესახებ ადრე გავრცელებული ინფორმაცია მცდარია.ცნობისთვის, ირანის სახელმწიფო ტელეარხმა „ორმა“ 2 მარტს გაავრცელა ინფორმაცია, რომ აიათოლა ალი ხამენეის ცოლი სახლში მოკლეს, ხოლო სხვა ირანულმა მედიასაშუალებებმა განაცხადეს, რომ ის კომაში იმყოფებოდა.მედიით ვრცელდებოდა ინფორმაცია, რომ 79 წლის მანსურე ხოჯასტე ბაღერზადე მეუღლესთან ერთად იმყოფებოდა, როდესაც აშშ-სა და ისრაელის კოორდინაციით მათ ადგილსამყოფელზე იერიში მიიტანეს.

სამართალი • 1773316732

ხელვაჩაურში მომხდარი მკვლელობის საქმეზე შეუტყობინებლობაში ბრალდებულს 5 წლით თავისუფლების აღკვეთა მიესაჯა

ბათუმის საქალაქო სასამართლომ ხელვაჩაურში, სოფელ ერგეში 35 წლამდე მამაკაცის მკვლელობის საქმეზე შეუტყობინებლობაში ბრალდებულს 5 წლით თავისუფლების აღკვეთა მიუსაჯა.გადაწყვეტილება მოსამართლე ლევან ყოლბაიამ მიიღო.ინფორმაციისთვის, აღნიშნულ საქმეზე, მკვლელობაში ბრალდებულ გოგი ბარამიძის მიმართ ნაფიცი მსაჯულების მიერ გამამტყუნებელი განაჩენია გამოტანილი.ცნობისთვის, საუბარია 2025 წელს მომხდარ მკვლელობის საქმეზე. ხელვაჩაურში სოფელ ერგეში 35 წლამდე მამაკაცი ცეცხლსასროლი იარაღით მოკლეს, მისი ავტომანქანა კი მდინარეში გადააგდეს.

პოლიტიკა • 1773139474

ოპოზიციური ალიანსის გაერთიანებას ძალიან მივესალმები, იქ ბევრი კომპეტენტური ადამიანია - მიხეილ სააკაშვილი

ეს პროცესი რაზეც არის, ყველამ იცის. სინამდვილეში, ეს არის მცდელობა, გავიდნენ დედაჩემზე, რადგან დედაჩემი არის უნივერსიტეტის დამფუძნებელი. ეს არის პროცესი კიდევ ერთი მაგარი უნივერსიტეტის დახურვისა, – ამის შესახებ საქართველოს ყოფილმა პრეზიდენტმა, მიხეილ სააკაშვილმა საბიუჯეტო სახსრების გაფლანგვის საქმეზე მიმდინარე სასამართლო პროცესზე განაცხადა.სააკაშვილმა პროცესზე ისაუბრა, რა ქონებას ფლობს ამჟამად ის.„ჩემი ქონება შედგება 75 კვადრატული მეტრი სახლისგან, ერთ-ნახევარი ჰექტარი ვენახისგან, რომელიც ვიყიდე სახელმწიფო ხელფასით. ამით ამდენის შეწუხება მათ არ სჭირდებოდათ. ისედაც შემეძლო, მიმეცა. რატომ უნდა მიმეცა, არ ვიცი, მაგრამ ყოველ შემთხვევაში, არაფერ დიდ ქონებას ეს არ წარმოადგენს. მეტი ქონება საქართველოში არ დამიგროვებია. ეს თავის დროზე გავაკეთე იმისთვის, რომ საერთაშორისო დელეგაციები ჩამოგვეყვანა, ჩვენი მეღვინეობისთვის მხარი დაგვეჭირა. იქ აგვყავდა სენატორები, პრემიერ-მინისტრები, პრეზიდენტები. მაგალითად, პრეზიდენტი იუშჩენკო, ბულგარეთის პრემიერ-მინისტრი, მონაკოს პრინცი, ჯონ მაკკეინი, რომელიც ფეხით წურავდა ყურძენს. ეს იყო ამისთვის გამიზნული. სხვა არცერთი ბინა არსად არ გამაჩნია საქართველოში. კიევში მაქვს ძალიან მოკრძალებული სახლი, მაგრამ იმას ესენი ვერ მიწვდებიან, ეს ნამდვილად არ ეხება ჩემს ქართულ მოღვაწეობას. აი, ეს არის ვითარება“, – განაცხადა მიხეილ სააკაშვილმა.სააკაშვილის განცხადებით, „საქართველოში იმუშავა „ქართული ოცნების“ პროპაგანდამ, რომ მან მშვიდობა მოიტანა ქვეყანაში“.„დღეს იძახიან, რომ „ქართულმა ოცნებამ“ მშვიდობა მოგვიტანა. ამ პროპაგანდამ, რა თქმა უნდა, იმუშავა, რადგან ყველას უნდა მშვიდობა. იმუშავა იმის გამო, რომ რუსებმა იმუშავეს, მაგრამ როგორ შეიძლება, თავის დაცვა ასეთ სიტუაციაში? თავის დაცვა შეიძლება მხოლოდ იმ სიტუაციაში, როდესაც გყავს ბევრი მეგობარი და გაქვს ბევრი იარაღი. ბევრი მეგობარი და ბევრი იარაღი.ჩვენ გვქონდა ფრთოსანი რაკეტების პროგრამა „დელტაში“, პირველი პროდუქტი უკვე გამოვუშვით. ეს პროგრამა ყველგან დახურეს. გვქონდა დრონების პროგრამა უფრო ადრე, ვიდრე ირანელებს. იმ ქონებაზე ვლაპარაკობ, რომლის ამოღებაც გინდათ და ზარალზე, რომელიც იქნა მიყენებული. დრონების პროგრამაში ჩვენი ამოცანა იყო როგორც თავდახმითი, ასევე სარეზერვო დრონების წარმოება. პროგრამა იყო ძალიან წარმატებული და მნიშვნელოვანი საქართველოსთვის. ეს პროგრამა მთლიანად მოკლეს. დღეს რომ ეს პროგრამა გვქონდეს, იმხელა ექსპორტის საშუალება ექნებოდა საქართველოს, გარდა იმისა, რომ საქართველო თვითონ იქნებოდა უფრო დაცული. ძნელია დრონებიან ქვეყანაზე მასობრივად თავდასხმა. ეს პროგრამა დაიხურა, ასევე დაიხურა უკრაინელებთან ერთად პროგრამა. შეთანხმება გქვონდა ბალისტიკური რაკეტების პროგრამის ერთად გაკეთების შესახებ. ამ პროგრამიდანაც ივანიშვილის მთავრობა გამოვიდა“, – განაცხადა სააკაშვილმა.სასამართლო პროცესზე მიხეილ სააკაშვილი ოპოზიციური პარტიების გაერთიანებასაც გამოეხმაურა. როგორც მიხეილ სააკაშვილმა აღნიშნა, ოპოზიციური ალიანსის გაერთიანებას მიესალმება.„ოპოზიციური ალიანსის გაერთიანება მოხდა, ამას ძალიან მივესალმები. მივესალმები, რომ იქ ბევრი ძალიან კომპეტენტური ადამიანია. „თავისუფლების მოედანში“ ბევრი კომპეტენტური ადამიანია, იგივე გიორგი შაიშმელაშვილი, ბაკურ კვაშილავა და ბევრი. რა არის ჩვენი განსხვავება იმასთან შედარებით, რა გამოწვევებსაც ვებრძვით? წარმოუდგენელი გამოწვევაა დღეს საქართველოს წინაშე. საერთაშორისო წესრიგი ირყევა, საქართველო საერთოდ არ ხვდება ამ ინტერესების სფეროში მარტივი მიზეზის გამო, საქართველოს აღარ ჰყავს მეგობრები და საქართველოს აღარ აქვს მნიშვნელობა,“, – განაცხადა მიხეილ სააკაშვილმა.

პოლიტიკა • 1773122696

აქტიურად ვმუშაობთ იმისათვის, რომ ქვეყნის მასშტაბით, ნარჩენების მართვის ეფექტიანი სისტემა უმოკლეს ვადებში დავნერგოთ - სოლომონ პავლიაშვილი

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, ნარჩენებისა და ქიმიური ნივთიერებების მართვის პოლიტიკის დეპარტამენტის ხელმძღვანელ ლაშა ინაურთან და მყარი ნარჩენების მართვის კომპანიის დირექტორ მიხეილ გოგოლიძესთანერთად, ქობულეთის მუნიციპალიტეტის სოფელ ცეცხლაურში მდებარე ნარჩენების განთავსების ახალ, თანამედროვე სტანდარტის შესაბამის ობიექტზე იმყოფებოდა. ცეცხლაურში მდებარე ნარჩენების განთავსების თანამედროვე, ახალი ობიექტი აშენებულია ევროპულ სტანდარტის ნორმების დაცვით; პროექტი უკვე დასრულებულია და ოპერირებს.ობიექტის ფუნქციონირების მნიშვნელობის საკითხები სოლომონ პავლიაშვილმა აჭარის ფინანსთა და ეკონომიკის მინისტრის მოადგილე უჩა სურმანიძესთან და აჭარის სოფლის მეურნეობის მინისტრის მოადგილე მირიან ქათამაძესთან ერთად განიხილა."ცეცხლაურში არსებული საერთაშორისო სტანდარტების შესაბამისი ობიექტი ნათელი მაგალითია იმისა, თუ რაოდენ დიდი მნიშვნელობა აქვს ნარჩენების სწორად, საერთაშორისო ნორმების დაცვით მართვას. სწორედ ამიტომ, დაინტერესებულ მხარეებთან ერთად, აქტიურად ვმუშაობთ იმისათვის, რომ ქვეყნის მასშტაბით, ნარჩენების მართვის ეფექტიანი სისტემა უმოკლეს ვადებში დავნერგოთ, რაც ხელს შეუწყობს ქვეყანაში ეკოლოგიური მდგომარეობის გაუმჯობესებას", - განაცხადა სოლომონ პავლიაშვილმა.

მსოფლიო • 1773076475

ნიგერიაში ექსტრემისტებმა მართლმადიდებლური ეკლესიის მრევლი დახოცეს - აღძრულია სისხლის სამართლის საქმე

ნიგერიაში, ექსტრემისტული თავდასხმის შედეგად მოკლეს რუსეთის მართლმადიდებლური ეკლესიის აფრიკის საპატრიარქო ეგზარქოსის მრევლი. თავად ეგზარქოსის ცნობით, ესენი არიან რუსეთის მართლმადიდებლური ეკლესიის პირველი აფრიკელი მრევლი, რომლებიც რწმენის გამო მოკლეს.ტრაგედია 6 მარტის დილით მოხდა ბენუეს შტატში მდებარე სოფელ ტურანში. მებრძოლთა ჯგუფი თავს დაესხა ქრისტიანულ სოფელს, რის შედეგადაც რამდენიმე მცხოვრები დაიღუპა და რამდენიმე დაჭრეს. დანარჩენები იძულებულნი გახდნენ გაქცეულიყვნენ. დაღუპულთა შორის არიან ადგილობრივი მართლმადიდებლური თემის ორი წევრი. „ესენი არიან რუსეთის მართლმადიდებლური ეკლესიის პირველი აფრიკელი მრევლი, რომლებიც რწმენის გამო მოკლეს. ყველას ვთხოვთ, ილოცონ მათი განსასვენებლად“, - ნათქვამია ეგზარქოსის განცხადებაში.ამ დროისთვის ათი ცხედარია ნაპოვნი, მაგრამ დაღუპულთა რიცხვი შეიძლება გაიზარდოს, რადგან სამძებრო ჯგუფები აგრძელებენ მიმდებარე ტერიტორიაზე ძებნას. სოფელში სულ ორმოცდაათი მართლმადიდებელი ქრისტიანი ცხოვრობდა, რომელთაგან ოცი ბავშვი იყო. ინციდენტის საპასუხოდ, ეგზარქოსმა თავის ვებსაიტზე გამოაცხადა საქველმოქმედო აქციის შესახებ, რომელიც თავდასხმის მსხვერპლთა დასახმარებლად საქველმოქმედო აქციას ჩაატარებს.დახმარება გადაეცემათ დაღუპულთა ოჯახებს, ასევე ამ თემის მართლმადიდებელ ქრისტიანებს, რომლებმაც დაკარგეს სახლები და საარსებო წყარო.

მსოფლიო • 1772959198

ეს სამუშაო ფრთხილად უნდა შესრულდეს, რათა თავიდან იქნეს აცილებული დავის საგანი... - რა არის ამ დროისთვის ცნობილი ხამენეის შემცვლელზე

ირანის ექსპერტთა ასამბლეამ თითქმის გადაწყვიტა, ვინ იქნება ქვეყნის შემდეგი უზენაესი ლიდერი მას შემდეგ, რაც მისი დიდი ხნის მმართველი, აიათოლა ალი ხამენეი აშშ-ისრაელის საჰაერო დარტყმის შედეგად დაიღუპა, - წერს CNN-ი."გამოიკვეთა გადამწყვეტი და ყოვლისმომცველი მოსაზრება, რომელიც უმრავლესობის პოზიციას ასახავს", - განაცხადა პარლამენტის წევრმა, აიათოლა მოჰამედ მეჰდი მირბაგერიმ ირანის სახელმწიფო საინფორმაციო სააგენტო "ფარსის" მიერ გამოქვეყნებულ ვიდეოში.თუმცა, კანდიდატის ვინაობა არ დასახელებულა. მირბაგერიმ განაცხადა: "ამ რთულ ვითარებაში დაბრკოლებები წარმოიქმნება და ეს სამუშაო ფრთხილად უნდა შესრულდეს, რათა თავიდან იქნეს აცილებული დავის საგანი"."ხამენეი, რომელიც თითქმის ოთხი ათწლეულის განმავლობაში რკინის მუშტით მართავდა ქვეყანას, ოფიციალურად გამოცხადებული მემკვიდრის გარეშე მოკლეს, რის გამოც მისი მემკვიდრის არჩევა ქვეყნის სასულიერო რეჟიმს დაეკისრა", - აღნიშნულია CNN-ის სტატიაში.ცნობისთვის, შემდეგ უზენაეს ლიდერს ექსპერტთა ასამბლეა აირჩევს, რომელიც 88 მაღალი რანგის სასულიერო პირისგან შემდგარი, არჩეული ორგანოა.