კალაძე

კახა კალაძე: თბილისზე უზომოდ შეყვარებული კაცი, ცნობილი ქართველი ფოტოხელოვანი, თბილისის საპატიო მოქალაქე, ბადრი ვადაჭკორია გამოაკლდა ჩვენს ქალაქს - ვიზიარებ ოჯახის წევრების, მისი მეგობრების და ახლობლების დიდ გულისტკივილს

დედაქალაქის მერი, კახა კალაძე ცნობილი ქართველი ჟურნალისტისა და ფოტოხელოვანის, ბადრი ვადაჭკორიას გარდაცვალების გამო მწუხარებას გამოთქვამს.„თბილისზე უზომოდ შეყვარებული კაცი, ცნობილი ქართველი ფოტოხელოვანი, თბილისის საპატიო მოქალაქე, ბადრი ვადაჭკორია გამოაკლდა ჩვენს ქალაქს.მისთვის თბილისი მუდმივი თავგადასავალი იყო, რომლის ქუჩებშიც დაუღალავად მოგზაურობდა და ფოტო კადრებში აღბეჭდავდა თბილისის მაჯისცემას.ვიზიარებ ბადრი ვადაჭკორიას ოჯახის წევრების, მისი მეგობრების და ახლობლების დიდ გულისტკივილს“, - აღნიშნულია სამძიმრის წერილში.ცნობილი ქართველი ფოტოხელოვანი ბადრი ვადაჭკორია 79 წლის ასაკში

პოლიტიკა • 1786464420

კახა კალაძე: მინდა პატიოსნად, გულწრფელად და ოფიციალურად განვაცხადო, რომ მთელი ეს ინფორმაცია სოციალურ ქსელებში არის აბსოლუტური სიცრუე. ჩვენს ქვეყანაში არავინ ეპყრობა ცუდად არცერთ ტურისტს, რა ეროვნებისაც არ უნდა იყოს - არც რუსებს, არც უკრაინელებს, არც ევროპული, აზიური თუ სხვა ქვეყნების მოქალაქეებს. ჩვენი ხალხი სტუმარს ღვთის საჩუქრად მიიჩნევს

მინდა პატიოსნად, გულწრფელად და ოფიციალურად განვაცხადო, რომ მთელი ეს ინფორმაცია სოციალურ ქსელებში არის აბსოლუტური სიცრუე. ჩვენს ქვეყანაში არავინ ეპყრობა ცუდად არცერთ ტურისტს, რა ეროვნებისაც არ უნდა იყოს - არც რუსებს, არც უკრაინელებს, არც ევროპული, აზიური თუ სხვა ქვეყნების მოქალაქეებს, - განაცხადა თბილისის მერმა, კახა კალაძემ ჟურნალისტ ნობელ არუსტამიანთან ინტერვიუში.თბილისის მერის თქმით, საქართველოში ხალხი სტუმარს ღვთის საჩუქრად მიიჩნევს.„ჩვენი ხალხი სტუმარს ღვთის საჩუქრად მიიჩნევს. ჩვენ, უბრალოდ, არ შეგვიძლია ცუდად მოვეპყროთ მათ, ვინც ჩვენთან დასასვენებლად ჩამოდის. ნებისმიერი ადამიანი, აი ნებისმიერი ადამიანი, რომელიც თუნდაც ერთხელ ყოფილა საქართველოში, დამეთანხმება. მთელ მსოფლიოში იციან, რომ ქართველები სტუმართმოყვარე და მეგობრული ხალხია. ჩვენ დიდი სითბოთი, სიყვარულითა და პატივისცემით ვიღებთ თითოეულ ადამიანს, ვინც ჩვენთან კეთილი განზრახვით მოდის“, - აღნიშნა კახა კალაძემ.

პოლიტიკა • 1786463880

კახა კალაძე: თბილისი და საერთოდ, მთელი საქართველო მსოფლიოში ერთ-ერთი უსაფრთხო ქალაქი და ქვეყანაა, მაგრამ ბოლო დროს, სამწუხაროდ, საზღვარგარეთიდან მოქმედმა ძალებმა დაიწყეს ახალი პროპაგანდისტული კამპანია ჩვენი ხალხისა და ჩვენი ინტერესების წინააღმდეგ

თბილისი და საერთოდ, მთელი საქართველო მსოფლიოში ერთ-ერთი უსაფრთხო ქალაქი და ქვეყანაა, მაგრამ ბოლო დროს, სამწუხაროდ, საზღვარგარეთიდან მოქმედმა ძალებმა დაიწყეს ახალი პროპაგანდისტული კამპანია ჩვენი ხალხისა და ჩვენი ინტერესების წინააღმდეგ, - განაცხადა თბილისის მერმა, კახა კალაძემ ჟურნალისტ ნობელ არუსტამიანთან ინტერვიუში.„ისინი ამტკიცებენ, თითქოს ქართველები ცუდად ეპყრობიან გარკვეული ეროვნების ტურისტებს და მოუწოდებენ მათ, არ ჩამოვიდნენ ჩვენთან. სპეციალური ყალბი ექაუნთები, ბოტები სოციალურ ქსელებში ავრცელებენ სიცრუეს. წერენ, თითქოს საქართველოს მოქალაქეები რუს ტურისტებს მარტო ტოვებენ ტყეში, სპეციალურად უფუჭებენ, მაგალითად, რესტორნებში შეკვეთილ საჭმელს და ეს ტყუილის მხოლოდ ნაწილია. შემდეგ ამ ყალბ ინფორმაციას, სამწუხაროდ, რეგულარულად აქვეყნებენ მსხვილი უცხოური ინტერნეტსაიტები რამდენიმე მილიონიანი აუდიტორიით, ხოლო შემდეგ მას აქტიურად ავრცელებენ ბლოგერები, რომლებსაც, სავარაუდოდ, ამ სიცრუის ავტორები აკონტროლებენ. თუ არ ვცდები, 2-3 დღის წინ საქართველოს სახელმწიფო უსაფრთხოების სამსახურმა დაიწყო გამოძიება ქვეყნის წინააღმდეგ მავნებლობის ფაქტზე. ეს კამპანია ორგანიზებულია საზღვარგარეთიდან და მხარდაჭერილია ქვეყნის შიგნით, რათა ზიანი მიადგეს ჩვენს ეკონომიკასა და სახელმწიფოს. გამოძიება მიმდინარეობს სისხლის სამართლის კოდექსის 318-ე მუხლით, რომელიც სასჯელს ითვალისწინებს სახელმწიფო საწარმოების ან სხვა მნიშვნელოვანი ობიექტების საქმიანობის შეფერხებისთვის, მთლიანობაში საქართველოსთვის ზიანის მიყენების მიზნით“, - აღნიშნა თბილისის მერმა.„მინდა პატიოსნად, გულწრფელად და ოფიციალურად განვაცხადო, რომ მთელი ეს ინფორმაცია სოციალურ ქსელებში არის აბსოლუტური სიცრუე. ჩვენს ქვეყანაში არავინ ეპყრობა ცუდად არცერთ ტურისტს, რა ეროვნებისაც არ უნდა იყოს - არც რუსებს, არც უკრაინელებს, არც ევროპული, აზიური თუ სხვა ქვეყნების მოქალაქეებს. ჩვენი ხალხი სტუმარს ღვთის საჩუქრად მიიჩნევს. ჩვენ, უბრალოდ, არ შეგვიძლია ცუდად მოვეპყროთ მათ, ვინც ჩვენთან დასასვენებლად ჩამოდის. ნებისმიერი ადამიანი, აი ნებისმიერი ადამიანი, რომელიც თუნდაც ერთხელ ყოფილა საქართველოში, დამეთანხმება. მთელ მსოფლიოში იციან, რომ ქართველები სტუმართმოყვარე და მეგობრული ხალხია. ჩვენ დიდი სითბოთი, სიყვარულითა და პატივისცემით ვიღებთ თითოეულ ადამიანს, ვინც ჩვენთან კეთილი განზრახვით მოდის. სწორედ ამიტომ თითქმის ყველას, ვინც საქართველოში ყოფილა, სურს აქ კვლავ დაბრუნდეს. მინდა გითხრათ: ნუ დაიჯერებთ ამ სიცრუეს, ჩამოდით საქართველოში და თავად დარწმუნდით, რომ ჩვენს ულამაზეს ქვეყანაში, დიდი ისტორიითა და კულტურით, დაუვიწყარი დღეები გელით. გპირდებით, არასოდეს დაგავიწყდებათ საქართველოში გატარებული ბედნიერი მომენტები. ასე რომ, ყოველთვის კეთილი იყოს თქვენი მობრძანება, ჩამოდით!“ - დასძინა მან.

საზოგადოება • 1786449493

ზაჰესში, თავისუფლების N12 კორპუსთან სკვერი მოეწყო

გლდანის რაიონის გამგეობამ ზაჰესში, თავისუფლების ქუჩაზე, N12 კორპუსის მიმდებარედ, დაახლოებით, 2 100 კვ.მ ფართობზე სკვერი მოეწყო. ტერიტორიაზე მოიხსნა უკანონო შემოღობვები.თბილისის მერიის ცნობით, პროექტის ფარგლებში, განთავსდა ბავშვთა გასართობი ზონები, ფიტნეს სივრცე, დამონტაჟდა გარე განათებისა და სარწყავი სისტემები, ჩატარდა გამწვანების სამუშაოები, დაიგო რულონური ბალახი და დაირგო ხე-მცენარეები. გარდა ამისა, განთავსდება სკვერისთვის საჭირო ინფრასტრუქტურა. ამასთან, სკვერის მიმდებარედ საგზაო სამუშაოებიც მიმდინარეობს.პროექტის განსახორციელებლად ადგილობრივი ბიუჯეტიდან 339 400 ლარი დაიხარჯა.შესრულებულ სამუშაოებს ადგილზე გლდანის რაიონის გამგებელი ბესიკ კალაძე, საკრებულოს მაჟორიტარ დეპუტატ შალვა ოგბაძიესთან ერთად გაეცნო.

საზოგადოება • 1786355151

თბილისის მერია: რუსთაველის გამზირზე ამ ეტაპზე ყველა ტიპის მიწისქვეშა კომუნიკაცია იცვლება, სამუშაოები მიმდინარეობს წყალმომარაგების, გაზმომარაგების ქსელებზე, პარალელურად, ეწყობა სანიაღვრე სისტემა

თბილისის მერიის ინფორმაციით, შოთა რუსთაველის გამზირის მასშტაბური რეაბილიტაცია აქტიურ ფაზაშია. მათივე ცნობით, სამუშაოები, რომელსაც თბილისის მერიის ინფრასტრუქტურის განვითარების საქალაქო სამსახური ახორციელებს თამარ ჭოველიძის ქუჩის კვეთიდან თავისუფლების მოედნამდე არსებულ საგზაო მონაკვეთში, 24-საათიან რეჟიმში მიმდინარეობს.როგორც თბილისის მერიის მიერ გავრცელებულ ინფორმაციაშია აღნიშნული, ამ ეტაპზე გამზირზე ყველა ტიპის მიწისქვეშა კომუნიკაცია იცვლება, სამუშაოები მიმდინარეობს წყალმომარაგების, წყალარინებისა და გაზმომარაგების ქსელებზე. პარალელურად კი ეწყობა სანიაღვრე სისტემა.მიმდინარე სამუშაოებს თბილისის მერი კახა კალაძე მერის მოადგილე ანდრია ბასილაიასთან ერთად გაეცნო.„მიმდინარეობს მიწისქვეშა კომუნიკაციების განახლება, რომელიც უმძიმეს მდგომარეობაში იყო და უდიდეს პრობლემას უქმნიდა გამზირზე არსებულ საცხოვრებელ სახლებს და საგზაო ინფრასტრუქტურას. პირველ რიგში, გვინდა, რომ სექტემბრისთვის ჭოველიძის ქუჩიდან ე.წ. ელბაქიძის აღმართამდე არსებული საგზაო მონაკვეთი მოწესრიგდეს, ასფალტის ქვედა ფენებში მოვაქციოთ, რათა ავტომობილებით გადაადგილება გახდეს შესაძლებელი. სამუშაოები ოთხი თვის განმავლობაში აქტიურად იწარმოებს და ნოემბრის ბოლოს დასრულდება. რუსთაველის გამზირი სრულად განახლებული და გალამაზებული იქნება“, – განაცხადა კახა კალაძემ.ამ დროისთვის ტროტუარებზე ეწყობა მიწისქვეშა კაბელარხები, სადაც საჰაერო სადენები განთავსდება. საფეხმავლო ნაწილში მიმდინარეობს არსებული მოაჯირების, ფილებისა და სხვადასხვა ინფრასტრუქტურული დეტალის დემონტაჟი. ასევე მიმდინარეობს მიწისქვეშა გადასასვლელების გრუნტისგან გასუფთავება, რათა შემდგომ შესრულდეს ჰიდროიზოლაციის სამუშაოები.თბილისის მერიის ცნობით, მიწისქვეშა საკომუნიკაციო ქსელების სრული რეაბილიტაციის შემდეგ სამუშაოები საგზაო ინფრასტრუქტურის განახლებით გაგრძელდება.„კერძოდ, განახლდება ტროტუარები, რომლებიც ბუნებრივი ფილებით მოპირკეთდება, ხოლო გზის სავალ ნაწილზე დაიგება ასფალტის საფარი. მოეწყობა უსაფრთხოების კუნძულები და ზებრა გადასასვლელები. ასევე დამონტაჟდება შუქნიშნები და შესაბამისი საგზაო ნიშნები.გარდა ამისა, გამზირზე დამონტაჟდება მიწისქვეშა ნარჩენშემკრები ურნები, მოეწყობა გარე განათების ქსელი, რეაბილიტაციის დასკვნით ეტაპზე კი განხორციელდება გამწვანების სამუშაოები.ადგილზე დედაქალაქის მერთან ერთად იმყოფებოდნენ თბილისის მერიის ინფრასტრუქტურის განვითარების საქალაქო სამსახურის უფროსი გიორგი აბუთიძე, ტრანსპორტისა და ურბანული განვითარების სააგენტოს უფროსი ნინო ბაგაშვილი და მთაწმინდის რაიონის გამგებელი დავით კირკიტაძე“, – აღნიშნულია თბილისის მერიის ინფორმაციაში.

დედაქალაქი • 1786353430

დედაქალაქის მერი რუსთაველის გამზირის რეაბილიტაციის პროცესს გაეცნო

შოთა რუსთაველის გამზირის მასშტაბური რეაბილიტაცია აქტიურ ფაზაშია. სამუშაოები, რომელსაც თბილისის მერიის ინფრასტრუქტურის განვითარების საქალაქო სამსახური ახორციელებს, თამარ ჭოველიძის ქუჩის კვეთიდან თავისუფლების მოედნამდე არსებულ საგზაო მონაკვეთში, 24-საათიან რეჟიმში მიმდინარეობს.ამ ეტაპზე, გამზირზე ყველა ტიპის მიწისქვეშა კომუნიკაცია იცვლება - სამუშაოები მიმდინარეობს წყალმომარაგების, წყალარინებისა და გაზმომარაგების ქსელებზე. პარალელურად, ეწყობა სანიაღვრე სისტემა.მიმდინარე სამუშაოებს თბილისის მერი კახა კალაძე მერის მოადგილე ანდრია ბასილაიასთან ერთად გაეცნო.„მიმდინარეობს მიწისქვეშა კომუნიკაციების განახლება, რომელიც უმძიმეს მდგომარეობაში იყო და უდიდეს პრობლემას უქმნიდა გამზირზე არსებულ საცხოვრებელ სახლებს და საგზაო ინფრასტრუქტურას. პირველ რიგში, გვინდა, რომ სექტემბრისთვის ჭოველიძის ქუჩიდან ე.წ. ელბაქიძის აღმართამდე არსებული საგზაო მონაკვეთი მოწესრიგდეს, ასფალტის ქვედა ფენებში მოვაქციოთ, რათა ავტომობილებით გადაადგილება გახდეს შესაძლებელი. სამუშაოები ოთხი თვის განმავლობაში აქტიურად იწარმოებს და ნოემბრის ბოლოს დასრულდება. რუსთაველის გამზირი სრულად განახლებული და გალამაზებული იქნება“, - განაცხადა კახა კალაძემ.ამ დროისთვის ტროტუარებზე ეწყობა მიწისქვეშა კაბელარხები, სადაც საჰაერო სადენები განთავსდება. საფეხმავლო ნაწილში მიმდინარეობს არსებული მოაჯირების, ფილებისა და სხვადასხვა ინფრასტრუქტურული დეტალების დემონტაჟი. ასევე მიმდინარეობს მიწისქვეშა გადასასვლელების გრუნტისგან გასუფთავება, რათა შემდგომ შესრულდეს ჰიდროიზოლაციის სამუშაოები.მიწისქვეშა საკომუნიკაციო ქსელების სრული რეაბილიტაციის შემდეგ, სამუშაოები საგზაო ინფრასტრუქტურის განახლებით გაგრძელდება. კერძოდ, განახლდება ტროტუარები, რომლებიც ბუნებრივი ფილებით მოპირკეთდება, ხოლო გზის სავალ ნაწილზე დაიგება ასფალტის საფარი. მოეწყობა უსაფრთხოების კუნძულები და ზებრა გადასასვლელები. ასევე დამონტაჟდება შუქნიშნები და შესაბამისი საგზაო ნიშნები.გარდა ამისა, გამზირზე დამონტაჟდება მიწისქვეშა ნარჩენშემკრები ურნები, მოეწყობა გარე განათების ქსელი, რეაბილიტაციის დასკვნით ეტაპზე კი, განხორციელდება გამწვანების სამუშაოები.ადგილზე დედაქალაქის მერთან ერთად თბილისის მერიის ინფრასტრუქტურის განვითარების საქალაქო სამსახურის უფროსი გიორგი აბუთიძე, ტრანსპორტისა და ურბანული განვითარების სააგენტოს უფროსი ნინო ბაგაშვილი და მთაწმინდის რაიონის გამგებელი დავით კირკიტაძე იმყოფებოდნენ.

პოლიტიკა • 1786351774

თუ წინა ხელისუფლებამ იცოდა, რომ უდიდესი გამოწვევის წინაშე იდგა ქვეყანა და არ გადადგა შესაბამისი ნაბიჯები, ეს ძალიან მძიმე ფაქტი და უდიდესი დანაშაულია - კახა კალაძე აგვისტოს ომზე

„რუსეთ-საქართველოს აგვისტოს ომთან დაკავშირებით, რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას, რომელსაც სააკაშვილი და მისი რეჟიმი წარმოადგენდა“, - ამის შესახებ თბილისის მერმა კახა კალაძემ ცხინვალის საოკუპაციო რეჟიმის მიერ გაკეთებული იმ განცხადების შეფასებისას აღნიშნა, რომელიც აგვისტოს ომთან დაკავშირებით საქართველოს პრემიერ-მინისტრ ირაკლი კობახიძის კომენტარს ეხებოდა.მისი განმარტებით, ქვეყნის პრემიერის განცხადება ეფუძნება რეზოლუციას, რომელსაც ქვეყნის მაშინდელი ხელისუფლება აწერდა ხელს.„ირაკლი კობახიძემ ციტირება გააკეთა იმისა, რაც რეზოლუციაში წერია. არაფერი სხვა არ თქმულა. რეზოლუციაზე ხელია მოწერილი. ეს არის მოღალატეობრივი ქმედება, რაც მაშინდელმა სისხლიანმა რეჟიმმა იკადრა და გააკეთა. რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას, რომელსაც სააკაშვილი და მისი რეჟიმი წარმოადგენდა. იმ პოლიტიკურმა ნაბიჯებმა და ქმედებებმა, რაც განხორციელდა, უმძიმესი შედეგები მოგვიტანა, რომელსაც, სამწუხაროდ, დღესაც ვიმკით და უდიდესი პრობლემაა ჩვენი ქვეყნისთვის“, - განაცხადა კახა კალაძემ.თბილისის მერის თქმით, წინა ხელისუფლების წარმომადგენლები ცდილობენ, მომხდარი ფაქტები წარმოაჩინონ სხვანაირად, თუმცა ოფიციალურ დოკუმენტში სხვა რამ წერია.„რამდენიმე დღის წინ ვთქვი, რომ არ არის აუცილებელი, ვინმეს განმარტება ან კომენტარი, თუნდაც, ამ შემთხვევაში, ჩემი. არსებობს კონკრეტული ვიდეოკადრები, ბძანებები, რომელთაც ხელს აწერდა მიხეილ სააკაშვილი. ამოიღეთ ეს ყველაფერი და ყველა კითხვაზე გაგცემთ შესაბამის პასუხს, რომელიც გაწუხებთ და გინდათ, რომ რაღაცნაირად შეცვალოთ ის, რაც იყო. არ გამოგივათ, რადგან ყველაფერი კარგად არის ცნობილი, საზოგადოებაც კარგად არის ინფორმირებული და ამის მტკიცებულებები არსებობს. ეს არის სამწუხარო რეალობა, რომელიც ჩვენმა ქვეყანამ მიიღო. დოკუმენტად შეგიძლიათ, გამოიყენოთ რეზოლუცია. ყველაფერი მოცემულია კონკრეტული ფაქტებით. თუ ეს ეს ყველაფერი ასე არ იყო და სხვანაირად იყო, მაშინ რატომ მოაწერეს იმ მოღალატეობრივ რეზოლუციას ხელი? ამ ადამიანების პოლიტიკის შედეგია ის, რაც 2008 წლის 8 აგვისტოს მოხდა. ეს არის სამწუხარო რეალობა და იმ კითხვებს, რომლებიც არსებობს საზოგადოებაში, აუცილებლად გაეცემა პასუხი. ყველა მოღალატემ და დამნაშავემ უნდა აგოს პასუხი“, - აღნიშნა დედაქალაქის მერმა.კახა კალაძემ ასევე უპასუხა შეკითხვას რუსეთის პრეზიდენტის ვლადიმერ პუტინის მიერ გაკეთებულ განცხადებასთან დაკავშირებით, რომლის თანახმადაც, 2008 წელს საქართველოში შეჭრის გეგმა ჯერ კიდევ 2006 წელს იყო ხელმოწერილი.„თუ ეს ყველაფერი იცოდნენ, რომ მზადდებოდა ავანტიურა, არ იმოქმედეს და არ გაატარეს შესაბამისი პოლიტიკა, ეს კიდევ უფრო ამძიმებს იმ რეალობას, რაზეც გესაუბრებით და რაც სამწუხაროდ, მოხდა. თქვენ რასაც მეუბნებით, თუ ეს მართალია, საერთოდ რაზე ვსაუბრობთ? გამოდის, რომ წინა ხელისუფლებამ იცოდა ეს ყველაფერი და არ გადადგა შესაბამისი პოლიტიკური ნაბიჯები. ეს ხომ უცებ, ერთ-ორ დღეში არ მომხდარა? ეს ხომ პროცესი იყო? დარწმუნებული ვარ, ეს ყველაფერი ზედმიწევნით კარგად იცოდნენ, რადგან არსებობს შესაბამისი სამსახურები, რომლებიც ყველა მიმართულებით მუშაობდნენ. ინფორმაცია უნდა ჰქონოდათ ამ ყველაფერზე, მით უმეტეს, როცა ტელევიზიით ჟღერდებოდა. თუ იცოდნენ, რომ უდიდესი გამოწვევის წინაშე იდგა ქვეყანა, არსებობდა პრობლემა და არ გადადგეს შესაბამისი ნაბიჯები, ეს ძალიან მძიმე ფაქტი და უდიდესი დანაშაულია. ის, რომ ქვეყანას ომი ვერ აარიდეს, იმ პოლიტიკის შედეგია, რომელიც სააკაშვილის ავანტიურული ქმედებებით ხორციელდებოდა“, - აღნიშნა კახა კალაძემ.

პოლიტიკა • 1786351669

ყველას, ვისაც სურვილი აქვს ჩვენს ქვეყანაში სტუმრობის, ნებისმიერ დროს შეუძლია ჩამოსვლა, მიუხედავად მისი წარმოშობისა - კახა კალაძე

დედაქალაქის მერის, კახა კალაძის განცხადებით, ერთ-ერთ რუსულენოვანი ბლოგერისთვის ინტერვიუს მიცემაში პრობლემას ვერ ხედავს. ამის შესახებ მან მედიასთან ისაუბრა.კახა კალაძის თქმით, ბლოგერს რამდენიმე დღის წინ შემთხვევით შეხვდა. მან აუხსნა, რომ თბილისზე აკეთებდა სიუჟეტებს. შესაბამისად, მის შეკითხვებს უპასუხა და დედაქალაქის ღირსშესანიშნაობებს გაუსვა ხაზი. „არ ვიცი ეს კონკრეტული ადამიანი ბლოგერია თუ ჟურნალისტი. რამდენიმე დღის წინ, მუნიციპალიტეტის სამუშაოებზე ვიმყოფებოდი. შემდეგ ერთ-ერთ კაფეში ყავის საყიდლად შევედი. აბსოლუტურად შემთხვევით შევხვდი ამ ქალბატონს. მითხრა, რომ თბილისზე სიუჟეტს ვაკეთებო და შეკითხვები დამისვა. ამაში პრობლემას ვერ ვხედავ. მე ახლაც ვიტყვი, რომ ყველას, ვისაც სურვილი აქვს ჩვენს ქვეყანაში სტუმრობის, ნებისმიერ დროს შეუძლია ჩამოსვლა, მიუხედავად მისი წარმოშობისა. რუსი იქნება, უკრაინელი, იტალიელი, ამერიკელი თუ სხვა ქვეყნის წარმომადგენელი, ყველას შეუძლია ჩამოსვლა და სასიამოვნო დღეების გატარება. ისინი დახარჯავენ ფულს, ეს წაადგება ჩვენს ეკონომიკას და იმ ადამიანებს, ვინც ტურიზმის სფეროში საქმიანობენ“, - განაცხადა თბილისის მერმა.რაც შეეხება ჟურნალისტის კითხვას, რატომ საუბრობს ბლოგერთან ინტერვიუში ქართულ სამზარეულოზე, კახა კალაძე პასუხობს: „შეკითხვა შეეხებოდა სტუმარმასპინძლობას და მეც ვუპასუხე. რა თქმა უნდა, ტრადიციული საჭმელების გარდა, ჩვენ ბევრი ღირსშესანიშნაობა გვაქვს. სწორედ ამიტომ არის ჩვენი ქვეყანა საინტერესო და ამიტომ აქვთ მსოფლიოს სხვადასხვა ქვეყნიდან ჩამოსულ სტუმრებს ინტერესი. მათ შორის ჩვენი სამზარეულო და ქართული ღვინო სარგებლობს დიდი პოპულარობით, რადგან ეს არის ჩვენი კულტურის, ადათ-წესების ნაწილი.“

პოლიტიკა • 1786351597

გადახედეთ, რა მონაცემებია ევროპული ქვეყნების რუსეთთან სავაჭრო ურთიერთობების თვალსაზრისით, მას შემდეგ, რაც რუსეთ-უკრაინის ომი გაჩაღდა - კახა კალაძე

„ეს არის ძალიან კარგი მაგალითი ორმაგი სტანდარტის და იმისა, თუ როგორ არ უნდა მოიქცეს ევროკავშირი“, - ასე პასუხობს თბილისის მერი კახა კალაძე ჟურნალისტის კითხვას იმასთან დაკავშირებით, რომ ევროკავშირმა რუსეთისგან ბუნებრივი აირის შესყიდვები გაზარდა, მაშინ, როცა საქართველოსგან რუსეთისთვის სანქციების დაწესებას ითხოვდა.„ჩვეულებრივი ორმაგი სტანდარტია. ძალიან კარგი მაგალითია ორმაგი სტანდარტის, ძალიან კარგი მაგალითია იმისა, თუ როგორ არ უნდა მოიქცეს, ამ შემთხვევაში, ევროკავშირი. ჩვენ გვეუბნებიან, რომ უნდა გავწყვიტოთ ყოველგვარი სავაჭრო ურთიერთობა და დავუწესოთ სანქციები რუსეთს. ჩვენ ძალიან კარგად ვიცით, რომ ამით რუსეთს ვერაფერს დავაკლებთ, მაგრამ დავაზიანებთ საკუთარ ქვეყანას, ხალხს, იმ ოჯახებს, იმ ადამიანებს, რომლებიც 24 საათის განმავლობაში შრომობენ, ყველაფერს აკეთებენ, რომ მათი ოჯახები გამართულად ცხოვრობდნენ. რა თქმა უნდა, მიზანმიმართულად ხდებოდა ამ ყველაფრის მოთხოვნა, რომ ქართული ეკონომიკა დაეზიანებინათ, მაგრამ ჩვენ ხომ ჩვენი ქვეყნის ინტერესებიდან გამოვდივართ და ყველაფერი უნდა გავაკეთოთ, რომ გადავდგათ ისეთ ნაბიჯები, რომლებიც წაადგება, პირველ რიგში, ჩვენს ქვეყანას, ჩვენს ხალხს და ჩვენი ქვეყნის ინტერესებს. არა მხოლოდ ბუნებრივ აირს ყიდულობს, გადახედეთ სხვადასხვა ევროპულ ქვეყანას, თუნდაც სავაჭრო ურთიერთობების თვალსაზრისით, რა მონაცემებია ბოლო წლების განმავლობაში, მას შემდეგ, რაც გაჩაღდა რუსეთ-უკრაინის ომი და მას შემდეგ, რაც ჩვენ მოგვიწოდებდნენ, რომ გავწყვიტოთ სავაჭრო ურთიერთობები, თვითონ როგორ აგრძელებენ ამ ყველაფერს. სამარცხვინოა ეს ყველაფერი“, - განაცხადა კახა კალაძემ.

პოლიტიკა • 1786350835

2008 წლის შემდეგ წინა ხელისუფლების „პატრონების“ დავალება იყო, ყველაფერი გაკეთებინათ რუსეთთან ურთიერთობის დასათბობად - კახა კალაძე

რუსეთ-უკრაინის ომის დაწყების შემდეგ გარე ძალების დავალების შესაბამისად, შეიცვალა ოპოზიციის მესიჯ ბოქსი, - ასე გამოეხმაურა თბილისის მერი კახა კალაძე მედიის შეკითხვას, ოპოზიციაში ანტირუსული რიტორიკის ცვლილებასთან დაკავშირებით.მისი განმარტებით, ანტირუსული რიტორიკა ყოფილი ხელისუფლების წარმომადგენლებში არა აგვისტოს ომის შემდეგ, არამედ რუსეთ-უკრაინის ომის დაწყების შემდეგ გააქტიურდა.„2008 წლის შემდეგ წინა ხელისუფლების „პატრონების“ დავალება იყო, ყველაფერი გაკეთებინათ რუსეთთან ურთიერთობის დასათბობად. დავკარგეთ ტერიტორიები, ჯარისკაცები და მშვიდობიანი მოქალაქეები, თუმცა გვახსოვს რუსეთისადმი სააკაშვილის ხელისუფლების რიტორიკა, მათი ოფიციალური წერილები. რუსეთში ქართველი მომღერლების კონცერტები იმართებოდა. მათი „პატრონების“ მიერ მაშინ ასეთი დავალება იყო, ასე უნდა მოქცეულიყვნენ. რუსეთ-უკრაინის ომის გაჩაღების შემდეგ კი შეიცვალა მესიჯ ბოქსი. „პატრონების“ მხრიდან წამოვიდა სხვა დავალება, რასაც ყოველდღიურად ვხედავთ“, - განაცხადა კახა კალაძემ.

პოლიტიკა • 1786188261

საქართველოს პრემიერ-მინისტრმა ირაკლი კობახიძემ მუხათგვერდში გმირთა მემორიალი გვირგვინით შეამკო

18 წელი გავიდა აგვისტოს ომის შემდეგ, თუმცა დღესაც ყველას გვახსოვს, მათ შორის ემოციურად, ის უმძიმესი დღეები და ჩვენი ვალია, პატივი მივაგოთ აგვისტოს ომში დაღუპული გმირების ხსოვნას, - განაცხადა საქართველოს პრემიერ-მინისტრმა ირაკლი კობახიძემ მუხათგვერდში, სადაც გმირთა მემორიალი გვირგვინით შეამკო.მთავრობის მეთაურმა მუხათგვერდის ძმათა სასაფლაოზე, პრეზიდენტ მიხეილ ყაველაშვილთან, პარლამენტის თავმჯდომარე შალვა პაპუაშვილთან, თბილისის მერ კახა კალაძესთან, აღმასრულებელი და საკანონმდებლო ხელისუფლების წევრებსა და დიპლომატიური კორპუსის წარმომადგენლებთან ერთად, 2008 წლის ომის 18 წლისთავთან დაკავშირებით დაღუპულ გმირთა ხსოვნას პატივი მიაგო.პრემიერმა აგვისტოს ომის გმირების სამაგალითო პატრიოტიზმზე ისაუბრა და მათ ოჯახებს თანაგრძნობა კიდევ ერთხელ გამოუცხადა.„მათი მაგალითი უნდა იყოს განმსაზღვრელი თაობებისთვის. მათი პატრიოტიზმი არის სამაგალითო და რა თქმა უნდა, ჩვენ გვეკისრება ვალი ამ გმირების წინაშე, ყველაფერი გავაკეთოთ მშვიდობიანი გზით საქართველოს ტერიტორიული მთლიანობის აღსადგენად, მათი ოცნების ასახდენად“, - განაცხადა ირაკლი კობახიძემ.

საზოგადოება • 1786184720

თეა ახვლედიანმა 2008 წელს რუსეთ-საქართველოს ომის დროს გმირულად დაღუპული სამხედროების ხსოვნას მუხათგვერდის ძმათა სასაფლაოზე პატივი მიაგო

სახელმწიფო მინისტრმა თეა ახვლედიანმა საქართველოს პრეზიდენტ მიხეილ ყაველაშვილთან, პრემიერ-მინისტრ ირაკლი კობახიძესთან, პარლამენტის თავმჯდომარე შალვა პაპუაშვილთან, თბილისის მერ კახა კალაძესთან, აღმასრულებელი და საკანონმდებლო ხელისუფლების წარმომადგენლებთან ერთად, 2008 წელს რუსეთ-საქართველოს ომის დროს გმირულად დაღუპული სამხედროების ხსოვნას მუხათგვერდის ძმათა სასაფლაოზე პატივი მიაგო.სახელმწიფო მინისტრი დაღუპული გმირების მშობლებსა და ოჯახების წევრებს ესაუბრა, გამოხატა თანაგრძნობა და მთავრობის სახელით მათ მხარდაჭერა კიდევ ერთხელ დაუდასტურა.თეა ახვლედიანმა ადგილობრივი ხელისუფლების წარმომადგენლებთან ერთად, 2008 წლის აგვისტოს ომში დაღუპულ გმირებს პატივი მიაგო გორშიც. სახელმწიფო მინისტრმა გორის გმირთა მემორიალი გვირგვინით შეამკო.„დღეს გორიდან მაქვს შესაძლებლობა პატივი მივაგო საქართველოს დამოუკიდებლობისთვის ბრძოლაში დაღუპული გმირების ხსოვნას და თანაგრძნობა გამოვუცხადო მათ ოჯახებს. დღეს ჩვენ ვიხსენებთ ჩვენი ქვეყნის და ხალხის იმ უდიდეს დანაკარგს, რასაც უკავშირდება 18 წლის წინ რუსეთის ფართომასშტაბიან სამხედრო აგრესიას და საქართველოს აფხაზეთის და ცხინვალის რეგიონების უკანონო ოკუპაციას, რომლის უმძიმესი შედეგების დასაძლევად ჩვენ განუხრელად ვახორციელებთ ერთიანი სამთავრობო მიდგომით კონფლიქტის მშვიდობიანი მოგვარების პრაგმატულ და თანმიმდევრულ პოლიტიკას. დღევანდელი დღე განსაკუთრებულად წარმოაჩენს მშვიდობის დაცვისა და გამტკიცების უპირობო მნიშვნელობას; სწორედ ამ პასუხისმგებლობით ახორციელებს ყოველდღიურ ძალისხმევას საქართველოს ხელისუფლება, ჩვენი ეროვნული ინტერესების დასაცავად, სუვერენიტეტის გასაძლიერებლად, ტერიტორიების მშვიდობიანად დეოკუპაციასთან ერთად, ომით დაშორებული ჩვენი ხალხის შერიგებისა და მშვიდობიანი თანაცხოვრებისთვის ერთიან და თავისუფალ საქართველოში,“ - განაცხადა სახელმწიფო მინისტრმა თეა ახვლედიანმა.