„Урал-ის“ გენერატორები „ლელომ“ უკრაინაში ჰუმანიტარული მიზნით გაგზავნა

პარტიამ "ლელო საქართველოსთვის" უკრაინის დასახმარებლად შეგროვებულ ნივთებს ქვეყანაში აგზავნის.

პარტიის თავმჯდომარის, მამუკა ხაზარაძისა და გენერალური მდივნის, ბადრი ჯაფარიძის ინიციატივით, უკრაინაში გასაგზავნად 25 გენერატორი, პირველადი მოხმარების ნივთები, საკვები და ტანსაცმელი მოგროვდა.

ყუთებზე, რომელშიც გენერატორებია მოთავსებული, რუსულენოვანი წარწერა „Урал“ არის დატანილი. უცნობია, რომელი ქარხნის მიერ დამზადებული მოწყობილობები შეიძინა ლელომ უკრაინაში გასაგზავნად.

საქართველოს ბაზარზე შემორჩენილი ამ ფირმის გენერატორები რუსული წარმოებისაა. დარჩენილია 3 და 4 კკილოვატიანი გენერატორები. საათში 1 ლიტრამდე ბენზინს წვავს.