მირანდა ტყემალაძე
1714393091
ჯო ბაიდენმა რუსეთში აშშ-ის ელჩის თანამდებობაზე ლინ ტრეისი წარადგინა
ამერიკის შეერთებული შტატების პრეზიდენტმა, ჯო ბაიდენმა რუსეთში აშშ-ის ელჩის თანამდებობაზე ლინ ტრეისი ოფიციალურად წარადგინა. ინფორმაციას „ასოშიეტიდ პრესი“ ავრცელებს.
ტრეისის დანიშვნის შესახებ ინფორმაცია რამდენიმე კვირის წინ გავრცელდა, თუმცა, დიპლომატიური პროტოკოლის მიხედვით, უცხო ქვეყანაში ელჩის ოფიციალურად დასანიშნად მასპინძელი ქვეყნის თანხმობა აუცილებელია.
ამჟამად, ლინ ტრეისი სომხეთში აშშ-ის ელჩის თანამდებობას იკავებს.
რუსეთში ამერიკის ელჩის პოსტი 4 სექტემბერს, მას შემდეგ გახდა ვაკანტური, რაც ჯონ სალივანმა რუსეთში დიპლომატიური მისია დაასრულა.
