სოციალური თემა • 1752229687

კარგი ინფორმაცია მათთვის, ვინც სესხის აღებას ან გაზრდას აპირებს

მიკროსაფინანსო ორგანიზაციებისთვის მიკროკრედიტის ლიმიტი გაორმაგდა.კერძოდ, ამოქმედდა „მიკროსაფინანსო ორგანიზაციების შესახებ“ კანონში შესაბამისი ცვლილება, რომლის მიხედვითაც მიკროსაფინანსო ორგანიზაციების მიერ ერთ მსესხებელზე გაცემული კრედიტის ლიმიტი 100 000-დან 200 000 ლარამდე იზრდება.როგორც ეროვნულ ბანკში განმარტავენ, მიკროსაფინანსო ორგანიზაციებს შესაძლებლობა ექნებათ, ახალი პროდუქტები და მომსახურებები შესთავაზონ საკუთარ მომხმარებლებს. ამასთან, როგორც მარეგულირებელში განმარტავენ, ეს ნაბიჯი სექტორის გაჯანსაღებასაც შეუწყობს ხელს.ცნობისთვის, მიკროსაფინანსო ორგანიზაციებისთვის მიკროსესხების ლიმიტი ბოლოს 2017 წელს შეიცვალა, როცა ის 50 ათასიდან, 100 ათას ლარამდე გაიზარდა.საქართველოში 29 მიკროსაფინანსო ორგანიზაციაა რეგისტრირებული, რომელთა საკრედიტო პორტფელების ჯამური მოცულობა 2 მილიარდ ლარს შეადგენს. აქედან სესხების 95% ფიზიკურ პირებზე მოდის. რაც შეეხება შემოსავლებს, 2024 წელს 2023 წელთან შედარებით, მისოების საპროცენტო შემოსავლები 31 მილიონი ლარით, 463 მილიონ ლარამდე გაიზარდა. ამასთანავე მიკროსაფინანსო ორგანიზაციებმა წინა წელთან შედარებით 134 მილიონი ლარის წმინდა მოგება მიიღეს, ეს მაჩვენებელი კი 8 მილიონი ლარით მეტია 2023 წლის მოგებასთან შედარებით.

პოლიტიკა • 1752229442

მაკა ბოჭორიშვილი დუბროვნიკის ფორუმში მონაწილეობს

საქართველოს საგარეო საქმეთა მინისტრი მაკა ბოჭორიშვილი 2025 წლის 11-12 ივლისს სამუშაო ვიზიტით იმყოფება ხორვატიაში, სადაც ხორვატიის საგარეო საქმეთა მინისტრის, გორდან გრლიჩ რადმანის მიწვევით, დუბროვნიკის 2025 წლის ფორუმში მონაწილეობს. ინფორმაციას საგარეო საქმეთა სამინისტრო ავრცელებს.საგარეო უწყების ცნობით, ვიზიტის ფარგლებში ასევე დაგეგმილია მაკა ბოჭორიშვილის ორმხრივი შეხვედრები კოლეგა მინისტრებთან.„აღნიშნული ფორუმი საერთაშორისო დიალოგის მნიშვნელოვან პლატფორმას წარმოადგენს, სადაც მონაწილეები რეგიონულ, ევროპულ და გლობალურ გამოწვევებზე, მათი გადაჭრის გზებზე, გეოპოლიტიკურ ცვლილებებზე და თანამშრომლობის ახალ შესაძლებლობებზე მსჯელობენ.კონფერენციაში მონაწილეობენ სხვადასხვა სახელმწიფოს პოლიტიკური ლიდერები, საგარეო საქმეთა მინისტრები, ექსპერტები და აკადემიური სფეროს წარმომადგენლები და სხვა მაღალი რანგის ოფიციალური პირები.ვიზიტის ფარგლებში ასევე დაგეგმილია მაკა ბოჭორიშვილის ორმხრივი შეხვედრები კოლეგა მინისტრებთან“, – ნათქვამია სამინისტროს ინფორმაციაში.

საზოგადოება • 1752228796

ახალი თიბისი ბარათით უკვე 500,000-ზე მეტი მომხმარებელი სარგებლობს

ნახევარ წელიწადში, ახალ თიბისი ბარათს, რომელიც თავისი უნიკალური უპირატესობებით უპრეცენდენტო საბანკო პროდუქტია ბაზარზე, უკვე  500,000-ზე მეტი მომხმარებელი ჰყავს.ახალი თიბისი ბარათი მომხმარებლის ყველა საჭიროებაზეა მორგებული და მათ  ყოველდღიურობას მნიშვნელოვნად ცვლის. მხოლოდ ერთი ბარათით, მათ შეუძლიათ: • ქულების ნაცვლად დააგროვონ პირდაპირ თანხა, თანაც ნებისმიერი ბანკის პოს ტერმინალზე გადახდისას. ახალი ბარათით გადახდილი თანხის 0.5 % მომხმარებლებს ერთგულ ყულაბაში მომენტალურად უბრუნდებათ, საიდანაც საკუთარ საბანკო ანგარიშზე გადარიცხვა ნებისმიერ დროს შეუძლიათ. • მობაილბანკში აირჩიონ სასურველი სამი კატეგორიიდან ერთ-ერთი: სურსათი, ფარმაცია ან საწვავი და არჩეული კატეგორიის ნებისმიერ ობიექტში გადახდისას, დააგროვონ სტანდარტულზე 2-ჯერ მეტი (1%). აღნიშნული კატეგორიების შეცვლა და ახლის არჩევა, მომხმარებლებს მობაილბანკიდან ყოველთვიურად შეუძლიათ. • უფასოდ გაანაღდონ თანხა საქართველოში არსებული ნებისმიერი ბანკის ბანკომატიდან (თვეში მაქსიმუმ 2000 ლარი). • მობაილბანკიდან, საკომისიოს გარეშე გადაიხადონ თვეში 5 კომუნალური გადასახადი.  • საქართველოს მასშტაბით, ნებისმიერ ბანკში გადარიცხონ ლარი საკომისიო გადასახადის გარეშე .  • ისარგებლონ მუდმივად მრავალფეროვანი და რეალურად სარგებლიანი შეთავაზებებით. რაც ყველაზე მთავარია, ახალი თიბისი ბარათი არის სრულიად უფასო და მომხმარებელს არ ხვდება დაფარული საკომისიოები.აიღე უფასო თიბისი ბარათი მობაილბანკიდან, სულ რაღაც 30 წამში: https://app.tbcbank.ge/YiId/el3yy8iz ახალი თიბისი ბარათის გაუმჯობესებული პირობებით სარგებლობა - სამმაგი დაგროვება, სამოგზაურო უპირატესობები და სხვა, თიბისის კონცეპტ და კონცეპტ 360 ბარათებითაა შესაძლებელი.

პოლიტიკა • 1752228742

ბადრი ჯაფარიძე „ნაციონალური მოძრაობის“ წარმომადგენელია, რომლის გარეცხვასაც ცდილობენ პატრონები, რასაც ვხედავთ ე.წ. დაპირისპირება და შოუა - არჩილ გორდულაძე

სალომე ზურაბიშვილმა რაზე ისაუბრა, მხოლოდ ელენე ხოშტარიამ გაიგო, მხოლოდ მას გამოუტანია აზრი, ოღონდ რა ისაუბრა ქალბატონმა, ალბათ თვითინაც არ იცის, –  ამის  შესახებ საპარლამენტო უმრავლესობის წევრმა, არჩილ გორდულაძემ განაცხადა.მისი თქმით, სალომე ზურაბიშვილს, როგორც ჩანს, მესიჯი დაუგვიანდა, მაგრამ განცხადება უნდა გაეკეთებინა, ამიტომაც გამოუვიდა ის უშინაარსობა, რაზეც ისაუბრა.„ბადრი ჯაფარიძეს რაც შეეხება, ის არის ადამიანი, რომელიც მსჯავრდებულია, ქართველი ხალხის ჯიბეებიდან ფულის ამოღების მცდელობა ჰქონდა, უნდოდა, საკუთარ ჯიბეში ჩაედო და დამარცხდა საერთაშორისო არბიტრაჟში. მამუკა ხაზარაძესთან ერთად ცდილობდა საკუთარი ჯიბის მოთბობას. „ნაციონალური მოძრაობის“ წარმომადგენელია, რომლის გარეცხვასაც ასე წარმატებით ცდილობენ პატრონები და რასაც ვხედავთ არის ე.წ. დაპირისპირება და შოუ“, – განაცხადა არჩილ გორდულძემ.რაც შეეხება არჩევნებს, არჩილ გორდულაძე აცხადებს, რომ მოსახლეობა დაფიქრდა, თუ რა მოწოდებებს აკეთებენ, ქვეყნის მოქალაქეებს აქვთ უფლება, არჩევნებში მონაწილეობა თავისუფლად მიიღონ, აზრი დააფიქსირონ და ამ პროცესში მათთვის ხელის შეშლა სისხლის სამართლის დანაშაულია.„კარგად გაიაზრონ, პატრონებსაც უთხრან, ნუ დაგვავალებთ ისეთ ქმედებებს, რომლებიც შეიძლება, სისხლის სამართლის დანაშაულს შეიცავდეს. წარსულში, სამწუხაროდ, გვაქვს ძალიან ბევრი ისეთი შემთხვევა, სადაც ადამიანებმა მიზანმიმართულად დაარღვიეს სისხლის სამართლის კოდექსი, საქართველოს კონსტიტუცია და თავი დაიპატიმრეს, შემდეგ, მათი პატრონები, ბიუროკრატიის წარმომადგენლები ვაი-ვიშს ატეხდნენ. ფრთხილად იყვნენ, იმავე შედეგი არ დადგეს. ჩვენ ვხედავთ, რომ პატრონების დავალებით ოთხი „ნაციონალური მოძრაობიდან“ ორი „ნაციონალური მოძრაობის“ გარეცხვა მიმდინარეობს, მათი წარსულის ჩამორეცხვის მცდელობებია, თითქოს „ლელოელი ნაცები“ და „გახარია- ნაცები“ „ნაცები“ აღარ არიან. შოუ, რომელიც მათსავე ტელევიზიებში მიმდინარეობს იმას ემსახურება, როგორმე მათი იმიჯი გამოსწორდეს, თუმცა „ნაცის“ იმიჯს რა გამოასწორებს. „ნაცები“, მორალურად ასევე საქმიანობიდან გამომდინარე, ძალიან დამძიმებულები არიან და ეს ყველაფერი მათ რეიტინგზე აისახება, უმცირდებათ მხარდაჭერა“, – განაცხადა არჩილ გოდულაძემ.

ტექნოლოგიები • 1752228480

მყინვარების დნობამ შეიძლება ასეულობით მიძინებული ვულკანი გააღვიძოს — ახალი კვლევა

კლიმატის ცვლილების ეფექტებმა შეიძლება ასეულობით მიძინებული ვულკანი გააღვიძოს მთელ მსოფლიოში, რამაც თავის მხრივ, შეიძლება კიდევ უფრო გააუარესოს კლიმატის ცვლილების ეფექტები.მოდელების თანახმად, რომლებიც პატაგონიის მყინვარების ქვეშ ცვლილებებს პროგნოზირებენ, ყინულის უკანდახევას შეუძლია მყინვარქვეშა ვულკანები გააღვიძოს.მსოფლიო ვულკანურ ამოფრქვევათა მოახლოებული საფრთხის წინაშე არაა, მაგრამ კვლევის შედეგები მიუთითებს, რომ მყინვარების დღევანდელმა სწრაფმა დნობამ მომავალში შეიძლება გაზარდოს ამოფრქვევათა რისკი.სავარაუდოდ, ეს ასეულობით წლის შემდეგ მოხდება, მაგრამ მზადყოფნა ყოველთვის კარგი ვარიანტია, განსაკუთრებით ანტარქტიდაზე, სადაც ამჟამად ყინულების ქვეშ ასზე მეტი ვულკანი იმალება.კვლევა ეფუძნება პატაგონიის ყინულის საფარის გრძელ ისტორიას, რომელიც ერთ დროს სამხრეთ ამერიკის სამხრეთ წვერს ფარავდა. დაახლოებით 18 000 წლის წინ, როდესაც ყინულის საფარი ყველაზე დიდი და მძიმე იყო, მაგმა გროვდებოდა და კრისტალდებოდა ზედაპირიდან დაახლოებით 10-15 კილომეტრის სიღრმეზე.თუმცა, კლიმატის გათბობასთან და მყინვარების დნობასთან ერთად, წნევა მოეშვა. მეცნიერთა აზრით, რადგან ყინულის სიმძიმისგან წნევა აღარ აწვებოდა, დედამიწის ქერქი მაღლა ამოიწია და მიწისქვეშა მაგმაში არსებულ აირებს გაფართოების საშუალება მიეცათ — ვულკანურ ამოფრქვევათა გადამწყვეტი ფაქტორი.ამოფრქვევათა ისტორიის შესასწავლად, მკვლევრებმა ჩილეს ექვსი ვულკანიდან აღებული ნიმუშები შეისწავლეს. მათ შორის ერთ-ერთი, მოჩო-ჩოშუენკო, ახლა მიძინებულია, მაგრამ ბოლოდროინდელი მონაცემების თანახმად, წარსულში მის ამოფრქვევით აქტივობაზე გავლენა მოახდინა პატაგონიის ყინულის უკანდახევამ.რეგიონის ყინულებისგან „განტვირთვას“, რასაც ფეთქებადი ამოფრქვევები მოჰყვა, დაახლოებით 3000 – 5000 წელი დასჭირდა; შესაბამისად, მოსამზადებლად ალბათ დიდი დრო გვაქვს.თუმცა, რადგან პატაგონია ახლა ბევრ ყინულს კარგავს, ხმელეთის ნაწილი უჩვეულოდ მაღალი მაჩვენებლით აისხლიტება, რაც მეცნიერთა შეშფოთების საგანია.„მყინვარები მათ ქვეშ არსებულ ვულკანთა ამოფრქვევის მოცულობას თრგუნავენ. თუმცა, ვინაიდან კლიმატის ცვლილების გამო, მყინვარები უკან იხევს, ჩვენი კვლევა მიუთითებს, რომ ეს ვულკანები უფრო ხშირად და უფრო ფეთქებადად ამოიფრქვევა“, — ამბობს ვისკონსინ-მედისონის უნივერსიტეტის ვულკანოლოგი პაბლო მორენო-იაგერი.ისლანდიაში, ვულკანებისა და მყინვარების შესწავლისას მეცნიერებმა ასეთივე ფენომენი შენიშნეს, მაგრამ ეს ერთ-ერთი პირველი კვლევაა, რომელიც აჩვენებს, რომ იგივე ძალა კონტინენტურ მასშტაბზეც მოქმედებს.„ჩვენი კვლევა მიუთითებს, რომ ეს ფენომენი მხოლოდ ისლანდიით არ შემოიფარგლება, სადაც გაზრდილი ვულკანურობა შეინიშნება; ირკვევა, რომ ასეთი რამ ანტარქტიდაზეც ხდება. ახლო სამეცნიერო ყურადღების ქვეშ უნდა მოექცეს სხვა კონტინენტური რეგიონებიც, მაგალითად, ჩრდილოეთ ამერიკის ნაწილები, ახალი ზელანდია და რუსეთი“, — ამბობს მორენო-იაგერი.მაგალითად, ანტარქტიდაზე მეცნიერებმა ჩაატარეს სიმულაციები, რომლებიც აჩვენებს, რომ თუ ზედმეტად ბევრი ყინული გადნება, ამან შეიძლება გაზარდოს სამომავლო ამოფრქვევები.იმ შემთხვევაშიც კი, თუ მაგმა ყინულის საფარს მთლიანად არ გაარღვევს, შეიძლება შიგნით ჩაადნოს სტრუქტურა.„დროთა განმავლობაში, მრავალი ამოფრქვევის საბოლოო ეფექტმა შეიძლება წვლილი შეიტანოს გრძელვადიან გლობალურ დათბობაში, რადგან ამით გროვდება სათბურის აირები. ეს დადებით უკუკავშირის მარყუჟს წარმოქმნის, რომელშიც მყინვარების დნობა ამოფრქვევებს იწვევს და ამოფრქვევები თავის მხრივ განაპირობებს კიდევ უფრო მეტ დათბობას და დნობას“, — აღნიშნავს მორენო-იაგერი.ასეთი კატასტროფული მომავლის ხილვა სურთ მეცნიერებს შორიდან, ძლიერ ადრე. წინააღმდეგ შემთხვევაში, შესაძლოა, მისი შეჩერების გზა აღარ არსებობდეს.კვლევის შედეგები პრაღაში, გოლდშმიდტის 2025 წლის კონფერენციაზე წარმოადგინეს.მომზადებულია eurekalert.org-ისა და ScienceAlert-ის მიხედვით.