ურთულესი ვითარება გურიაში - დაზიანებულია სახლები, გაზსადენი მილები და ელექტრო გადამცემი ხაზები

ლანჩხუთში დილიდან ძლიერი ქარია. უამინდობამ მუნიციპალიტეტს მნიშვნელოვნად დიდი ზიანი მიაყენა. წაქცეულია 50-მდე ხე. დაზიანებულია გაზსადენი მილები და ელექტრო გადამცემი ხაზები. რამოდენიმე სოფელს და ქალაქს არ მიეწოდება ბუნებრივი აირი და ელექტრონერგია. 100-მდე სახლს გადახადა სახურავი, სახურავი დაუზიანა პოლიციის სამმართველოსაც. დაზიანებულია რამდენიმე სავაჭრო ობიექტი.

მერიის სამსახურები საგანგებო რეჟიმში მუშაობენ, გასულები არიან დაზიანებულ ობიექტებზე და პარალელურად, ითვლიან ზარალს.

უამინდობის შედეგად დაზიანდა ერთი მოქალაქეც. ავტომობილს ხე დაეცა, რომელშიც 35 წლამდე მამაკაცი იმყოფებოდა. დაზარალებული ქუთაისის კლინიკაში გადაიყვანეს.