პუტინი

თინა ბოკუჩავა: „ნაციონალური მოძრაობა“, რომელმაც პრეზიდენტ სააკაშვილთან და მის გუნდთან ერთად შექმნა თანამედროვე სახელმწიფო, ყოველთვის იქნება ქვეყნის გადარჩენის ბრძოლის ავანგარდში

ღალატის კომისიის თითოეული წევრი მეორე თაობის საბჭოთა ჯალათთან, თეა წულუკიანთან ერთად დაისჯება, პასუხს აგებს ქართული სახელმწიფოს და დამოუკიდებელი ქართული მართლმსაჯულების წინაშე, დიახ, ღალატის კომისიის თითოეული წევრი აღმოჩნდება საბრალდებო სკამზე და ეს ძალიან მალე მოხდება, – ამის შესახებ „ნაციონალური მოძრაობის“ თავმჯდომარემ, თინა ბოკუჩავამ ბრიფინგზე განაცხადა.მისი თქმით, ეს არის საქართველოს ისტორიის რუსული ვერსიით გადაწერის მცდელობის ბინძური კომისია.„ეს არის კომისია, საქართველოს ისტორიის რუსული ვერსიით გადაწერის მცდელობის ბინძური კომისია. ეს არის კომისია, რომელიც მიზნად ისახავდა არა მხოლოდ საქართველოს დადანაშაულებას ომში, არამედ იმ დროინდელი უმაღლესი მთავარსარდლის, მიხეილ სააკაშვილის დადანაშაულებას, რომელიც სწორედ პუტინის დაკვეთით დღესაც იხდის სასჯელს, რომ შექმნა თანამედროვე, წარმატებული ქართული სახელმწიფო და ეს სახელმწიფო არ დაუთმო მტერს 2008 წელს. დიახ, ეს არის პუტინის დაკვეთით, რუსეთის დაკვეთით შექმნილი რუსული კომისია რუსული ამოცანების და რუსული მიზნების შესასრულებლად, ეს არის ღალატის კომისია, რომლის თითოეული წევრი და არა მხოლოდ, მეორე თაობის საბჭოთა ჯალათი – თეა წულუკიანი, რომლის თითოეული წევრი დაისჯება და პასუხს აგებს ქართული სახელმწიფოს და დამოუკიდებელი ქართული მართლმსაჯულების წინაშე. დიახ, ღალატის კომისიის თითოეული წევრი აღმოჩნდება საბრალდებო სკამზე და ეს მოხდება ძალიან მალე ქართველი ხალხის მიერ მოტანილი ცვლილებების შედეგად, რომელსაც მოვიტანთ, დიახ, მშვიდობიანი რევოლუციით“, – განაცხადა თინა ბოკუჩავამ.მისი თქმით, ბიძინა ივანიშვილს სიტყვა რევოლუციის ძალიან ეშინია და სწორადაც ეშინია, რადგან ნამდვილი სახალხო რევოლუცია არის ხალხის კონსოლიდაცია, ხალხის ერთიანობა და ხალხის ძალის მოქმედებაში მოყვანა.„ეს არის ნამდვილი სახალხო რევოლუცია, ერთი ქალის რევოლუციაა ივანიშვილის რეჟიმის წინააღმდეგ – მზია ამაღლობელი, რომლის ბრძოლა, გაუტეხელობა ნამდვილად იქცა ამ ბრძოლის სიმბოლოდ და რომლის სიჩუმე ხანდახან ყველა ყვირილზე უფრო ხმამაღალია. ძალიან საგულისხმოა, რომ სწორედ დღეს ერთ-ერთი ამ ბრძოლის სიმბოლოს განაჩენი დაამთხვია ივანიშვილის რეჟიმმა მისი წარმოდგენით განაჩენს ქართული სახელმწიფოს წინააღმდეგ. ჩვენ ძალიან კარგად უნდა გვესმოდეს, რომ შეიგნონ ივანიშვილმა და მისმა ამფსონებმა – უსამშობლო უღირებულებო მონებო, ფულზე დახამებულებო, ვერასოდეს შეიგრძნობთ სამშობლოს სიყვარულის ძალას“, განაცხადა თინა ბოკუჩავამ.მისი თქმით, „ნაციონალური მოძრაობა“ ყოველთვის იქნება ქართული სახელმწიფოს გადარჩენის ბრძოლის ავანგარდში, მთავარი ფლაგმანი იქნება და მოიტანს ცვლილებებს ქვეყნისთვის ქართველ ხალხთან ერთად.„ნაციონალური მოძრაობა“, რომელმაც პრეზიდენტ სააკაშვილთან და მის გუნდთან ერთად შექმნა თანამედროვე სახელმწიფო, ყოველთვის იქნება ქართული სახელმწიფოს გადარჩენის ბრძოლის ავანგარდში, ყოველთვის იქნება ამ ბრძოლის მთავარი ფლაგმანი და, რაც არ უნდა წეროს და იკითხოს მეორე თაობის საბჭოთა ჯალათმა, თეა წულუკიანმა, სწორედ ეს ძალა მოიტანს ცვლილებებს ჩვენი ქვეყნისთვის ქართველ ხალხთან ერთად. „ნაციონალური მოძრაობა“ ვართ ადამიანების გუნდი, რომლებსაც გვაერთიანებს იდეა – ერთიანი, ძლიერი, დამოუკიდებელი, წარმატებული, ევროპული, ქართული სახელმწიფოს იდეა და ქართული სახელმწიფოს იდეა უკვდავია, მარადიულია. მას ვერაფერი დააკლო პუტინმა და ვერაფერს დააკლებს ივანიშვილის მონები. დღევანდელი დასკვნა ვერაფერს დააკლებს ჩვენს საერთო ბრძოლას, ეს არის სამშობლოს მოღალატეების საბრალდებო დასკვნა, განაჩენი, რომელთა მოღალატეობრივ მმართველობას აუცილებლად დაამხობს ქართველი ხალხი. ამ ბრძოლაში ყველაზე სანდო, საიმედო, ძლიერი და უღალატო ქართველი ხალხის იქნება „ნაციონალური მოძრაობა“, რომელიც ივანიშვილის რეჟიმმა ვერ დაშალა, ვერ გატეხა, ასე იყო სულ, ასე არის დღეს და ასე იქნება ქართველი ხალხის გამარჯვებამდე. თავისუფლება მიშას, თავისუფლება მზიას, თავისუფლება ნინოს და თავისუფლება ყველა პოლიტპატიმარს. ბოლოს მაინც ჩვენ მოვიგებთ, ღმერთი ფარავდეს საქართველოს“, – განაცხადა თინა ბოკუჩავამ.

მსოფლიო • 1754288454

ალექსანდრ ვუჩიჩი აცხადებს, რომ სექტემბერში შესაძლოა, რუსეთის პრეზიდენტს შეხვდეს

სერბეთის პრეზიდენტი ალექსანდრ ვუჩიჩი აცხადებს, რომ სექტემბერში შესაძლოა, რუსეთის პრეზიდენტს შეხვდეს.ალექსანდრ ვუჩიჩის თქმით, პუტინთან შეხვედრა შესაძლოა, შედგეს 6 სექტემბრამდე ჩინეთში, სადაც ვუჩიჩი ვიზიტს გეგმავს.„პუტინი შესაძლოა, იქ იყოს. ამიტომ, შესაძლოა, შევხვდე მას და, როგორც გავიგე, ტრამპიც შესაძლოა, იყოს იქ. ვინ იცის – მითხრეს, რომ 5 რიცხვში იქნება სპეციალური ვახშამი“, – აღნიშნა ვუჩიჩმა.

მსოფლიო • 1754111678

ტრამპმა რუსეთის შეკავებისთვის პირველი სამხედრო ნაბიჯი გადადგა - Axios

აშშ-ის პრეზიდენტის, დონალდ ტრამპის ბრძანება ორი ატომური წყალქვეშა ნავის განთავსების შესახებ არის პირველი ნაბიჯი, რომელიც მან საჯაროდ გადადგა რუსეთის სამხედრო შეკავებისთვის. სტატიას ამ შინაარსით Axios-ი ავრცელებს.მანამდე, როგორც გამოცემა წერს, თეთრი სახლის ლიდერმა განაცხადა, რომ შეერთებული შტატები „შესაბამის რეგიონებში“ განათავსებს ორ ატომურ წყალქვეშა ნავს რუსეთის ყოფილი პრეზიდენტის, უშიშროების საბჭოს თავმჯდომარის მოადგილის, დიმიტრი მედვედევის „სულელური და ძალზე პროვოკაციული“ განცხადებების საპასუხოდ.სტატიის ავტორები ყურადღებას ამახვილებენ იმაზე, რომ ტრამპი მის წინამორბედს, ჯო ბაიდენს უკრაინაში რუსეთის შეჭრის შემდეგ მესამე მსოფლიო ომთან თამაშში სდებდა ბრალს, თუმცა ახლა უკვე მან დაიწყო ბირთვული მუქარა.აღსანიშნავია, რომ ბირთვული წყალქვეშა ნავების შესახებ განცხადებამ რუსეთის პრეზიდენტის, ვლადიმერ პუტინისთვის უკრაინაში ომის დასასრულებლად მიცემული ვადის ამოწურვამდე ერთი კვირით ადრე გაჟღერდა.

მსოფლიო • 1754060402

უკრაინა კიდევ ერთხელ ადასტურებს მზადყოფნას ნებისმიერ დროს შეხვედრისთვის ლიდერების დონეზე, რუსეთის მზადყოფნაა საჭირო - ვოლოდიმირ ზელენსკი

უკრაინის პრეზიდენტი ვოლოდიმირ ზელენსკი რუსეთის პრეზიდენტ ვლადიმერ პუტინს შეხვედრას სთავაზობს.ზელენსკიმ პუტინის განცხადებებს უპასუხა და აღნიშნა, რომ ომის დასასრულებლად, ხანგრძლივი მშვიდობის უზრუნველსაყოფად ქვეყნების ლიდერების დონეზე შეხვედრაა საჭირო.ვოლოდიმირ ზელენსკის თქმით, უკრაინა ხედავს და მხარს უჭერს ამერიკის შეერთებული შტატების პრეზიდენტის, დონალდ ტრამპის ძალისხმევას, დაასრულოს ომი, ყველა მკვლელობა და მიაღწიოს ღირსეულ, ხანგრძლივ მშვიდობას.ზელენსკიმ ასევე განაცხადა, რომ უკრაინა ხვდება, ვინ იღებს გადაწყვეტილებებს რუსეთის ფედერაციაში და ვინ უნდა დაასრულოს ეს ომი.„ჩვენ რუსეთისგან განცხადებებს ვისმენთ და თუ ეს მათი სერიოზული მზადყოფნის სიგნალია, ღირსეულად დაასრულონ ომი, დაამყარონ ჭეშმარიტად მდგრადი მშვიდობა და მხოლოდ ომისთვის მეტი დროის მოგების, სანქციების გადავადების მცდელობები არ არის, უკრაინა კიდევ ერთხელ ადასტურებს მზადყოფნას, ნებისმიერ დროს შეხვედრისთვის ლიდერების დონეზე. უკრაინა გთავაზობთ, ტექნიკურ დონეზე განცხადებების გაცვლიდან და შეხვედრებიდან, ლიდერებს შორის საუბრის დონეზე გადასვლას. ამერიკამ ეს შესთავაზა, უკრაინამ მხარი დაუჭირა. რუსეთის მზადყოფნაა საჭირო“, – განაცხადა ვოლოდიმირ ზელენსკიმ.

მსოფლიო • 1754057379

უკრაინის მცდელობები, აღიდგინოს საკუთარი სუვერენიტეტის ნაწილი, სწორია - ვლადიმერ პუტინი

უკრაინის მცდელობები, აღიდგინოს საკუთარი სუვერენიტეტის ნაწილი, სწორია, – ამის შესახებ რუსეთის პრეზიდენტმა ვლადიმერ პუტინმა განაცხადა.რუსეთის პრეზიდენტმა უკრაინის ეროვნული ანტიკორუფციული ბიუროს და სპეციალიზებული ანტიკორუფციული პროკურატურის დამოუკიდებლობის გაუქმების მცდელობებზე საუბრისას აღნიშნა, რომ მათ მხოლოდ თავი შეირცხვინეს.პუტინმა ასევე აღნიშნა, რომ ამ ინსტიტუტების ეფექტურობა უკრაინაში მათი არსებობის 10 წლის განმავლობაში ნულის ტოლი იყო.„მათ სცადეს იქ რაღაცის შეცვლა, როგორმე სუვერენიტეტის ნაწილი მაინც დაებრუნებინათ. თუ ზემოდან არ მოსწონდათ, უსტვენდნენ, აწკაპუნებდნენ და მაშინვე ყველაფერს უკან აბრუნებდნენ. უკეთესი იქნებოდა, არაფერი გაეკეთებინათ, უბრალოდ, ერთ ადგილას დამსხდარიყვნენ და ყველაფერი მოწესრიგებული იქნებოდა. უბრალოდ, თავი შეირცხვინეს – და სულ ესაა. როდის შეიქმნა ეს ინსტიტუტები უკრაინაში? 2015 წელს. და დღეს რომელი წელია? 2025 წელი. შეხედეთ, ისინი, 10 წელია, არსებობენ და მთელ მსოფლიოში ყველა მთელი გულით ყვირის: „დამეხმარეთ, კორუფცია უკრაინაში ყველას მოიცავს“. დიახ, ეს მართალია, მაგრამ გარედან შემოყვანილი ინსტიტუტების ეფექტურობა ნულის ტოლია“, – განაცხადა ვლადიმერ პუტინმა.

პოლიტიკა • 1754024802

მარკო რუბიომ მედვედევს რუსული პოლიტიკის არარელევანტური ადამიანი უწოდა

აშშ-ის სახელმწიფო მდივანმა, მარკო რუბიომ რუსეთის ყოფილ პრეზიდენტს, დიმიტრი მედვედევს რუსული პოლიტიკის არარელევანტური ადამიანი უწოდა.„ვიღაცის აზრის იგნორირება არ შეიძლება... მაგრამ, რეალურად, ის [მედვედევი] რუსულ პოლიტიკაში არარელევანტური ფიგურაა. ის გადაწყვეტილებებს არ იღებს. ის არცერთ ჩვენს შეხვედრასა თუ მოლაპარაკებებში მონაწილეობას არ იღებს. როგორც იცით, ის ოთხი წლის მანძილზე პრეზიდენტი იყო, სანამ პუტინი არ იყრიდა კენჭს, ხოლო შემდეგ დაბრუნდა, ასე რომ, ის დროებითი იყო. ასე რომ, მე მას ვერ ვუწოდებ მნიშვნელოვან ადამიანს, რომელიც გადაწყვეტილებებს იღებს“, - თქვა რუბიომ.ცნობისთვის, მედვედევმა რამდენიმე დღის წინ ტრამპი გააკრიტიკა იმის გამო, რომ მან რუსეთისთვის უკრაინაში ომის დასრულებისთვის მიცემული ულტიმატუმი 50 დღიდან 10 დღემდე შეამცირა. საპასუხოდ ტრამპმა მას რუსეთის არშემდგარი პრეზიდენტი უწოდა.

პოლიტიკა • 1753964945

თინა ბოკუჩავა: ზოგიერთს ყველგან მიშა ნუ გელანდებათ, მეოთხე წელია, პუტინის ტყვეა და პუტინის მონებისგან ამ ქვეყნის დახსნა უნდა, დემოკრატიული ძალების ერთმანეთის ჭამით ეს არ მიიღწევა

ზოგიერთს ყველგან მიშა ნუ გელანდებათ. მეოთხე წელია, პუტინის ტყვეა და პუტინის მონებისგან ამ ქვეყნის დახსნა უნდა, დემოკრატიული ძალების ერთმანეთის ჭამით ეს არ მიიღწევა, – ასე ეხმაურება „ნაციონალური მოძრაობის“ თავმჯდომარე თინა ბოკუჩავა „ფედერალისტების“ ერთ-ერთი ლიდერის, თამარ ჩერგოლეიშვილის პოსტს.როგორც ბოკუჩავა აღნიშნავს, მიხეილ სააკაშვილი თავისუფლებასა და სიცოცხლეს სწირავს ქვეყნის პუტინისგან გათავისუფლებას.„ზოგიერთს ყველგან მიშა ნუ გელანდებათ. მეოთხე წელია, პუტინის ტყვეა და ერთადერთი რამ უნდა – პუტინის მონებისგან ამ ქვეყნის დახსნა, ამას სწირავს თავისუფლებას და სიცოცხლეს. დემოკრატიული ძალების ერთმანეთის ჭამით ეს არ მიიღწევა. წერტილი“, – წერს ბოკუჩავა.ცნობისთვის, „ფედერალისტების“ ერთ-ერთი ლიდერმა, თამარ ჩერგოლეიშვილმა სოციალურ ქსელში დაწერა: „სინამდვილეში ბურჭულაძე მიშას „კუკლაა“ და სხვა ოდიოზურ ფიგურებთან ერთად იყენებს ყველა ერთობის ასარევად, სადაც მიშა არაა ცენტრში, ამას ემსახურება ეს კლოუნადა“. ამასთან, მოძრაობა „რუსთაველის გამზირის“ ლიდერმა, პაატა ბურჭულაძემ განაცხადა, რომ 4 ოქტომბერი არ იქნება უბრალოდ პროტესტის თარიღი, ეს იქნება ისტორიული გამარჯვების დღე.

მსოფლიო • 1753857394

ამერიკელი სენატორი რიჩარდ ბლუმენთალი აცხადებს, რომ რუსეთის წინააღმდეგ სანქციების შესახებ კანონის კენჭისყრა უნდა დაჩქარდეს, რადგან ვლადიმერ პუტინი დამატებით დროს არ იმსახურებს

ამერიკელი სენატორი რიჩარდ ბლუმენთალი აცხადებს, რომ რუსეთის წინააღმდეგ სანქციების შესახებ კანონის კენჭისყრა უნდა დაჩქარდეს, რადგანაც მისივე თქმით, ვლადიმერ პუტინი „დამატებით დროს არ იმსახურებს“. ბლუმენტალმა ეს კომენტარი უკრაინის საზოგადოებრივ მაუწყებელთან საუბრისას გააკეთა.ბლუმენთალის თწმით, რუსეთის წინააღმდეგ დამატებითი სანქციების დაწესება ხელს შეუწყობს რუსეთში ომის შეჩერებას.„ვლადიმერ პუტინი არ იმსახურებს დამატებით დროს, ჩვენ უნდა დავაჩქაროთ სანქციების შესახებ კანონპროექტის კენჭისყრა. ყველაფერი, რასაც პრეზიდენტი ტრამპი აკეთებს, სწორი მიმართულებით გადადგმული ნაბიჯებია, მაგრამ მე მხარს ვუჭერ, რომ სანქციები იყოს 500%-იანი და არა 100%-იანი,“ – განაცხადა სენატორმა.მისივე თქმით, ამჟამად სენატში რუსეთის წინააღმდეგ სანქციების დაწესების შესახებ კანონპროექტს 85-ი კანონმდებელი უჭერს მხარს და მისივე თქმით, საჭიროების შემთხვევაში შესაძლებელია 90 ხმის მიღებაც.

მსოფლიო • 1753847412

The New York Times: ტრამპის მუქარამ კითხვები გააჩინა იმის თაობაზე, თუ რა ბერკეტები აქვს დარჩენილი აშშ-ს მოსკოვთან მიმართებაში

სულ რაღაც 24 საათის შემდეგ, რაც პრეზიდენტი დონალდ ტრამპი რუსეთს უკრაინაში ომის გამო ფინანსური სანქციებით დაემუქრა, ის, როგორც ჩანს, არ იყო დარწმუნებული, იმუშავებდა თუ არა ეს სტრატეგია, - წერს ამერიკული გამოცემა The New York Times-ი.Air Force One-ის ბორტზე ჟურნალისტებთან საუბრისას ტრამპმა აღნიშნა, რომ 10 დღეში შეერთებულ შტატებს შესაძლოა „ტარიფებისა და სხვა საკითხების“ დაწესება მოუწიოს.„არ ვიცი, იმოქმედებს თუ არა ეს რუსეთზე, რადგან მას, ცხადია, ალბათ, ომის გაგრძელება სურს“, - განაცხადა ტრამპმა ვლადიმირ პუტინზე საუბრისას.„მაგრამ ჩვენ დავაწესებთ ტარიფებსა და სხვადასხვა რამეს. შესაძლოა, ეს მათზე იმოქმედებს ან არ იმოქმედებს. თუმცა, შეიძლება იმოქმედოს“, - აღნიშნა მან.„ნაკლებად სავარაუდოა, რომ ტრამპის ულტიმატუმი შეცვლის პუტინის აზრს ომთან დაკავშირებით. რუსეთის ლიდერმა დაიწყო ის, რასაც ის ისტორიულად განმსაზღვრელ მისიად მიიჩნევს, რათა უკრაინა კრემლის კონტროლის ქვეშ დააბრუნოს. პუტინი მიიჩნევს, რომ მას უპირატესობა აქვს ბრძოლის ველზე, სადაც კიევის სამხედრო მარაგი მცირდება, მოსკოვი კი წინსვლას აღწევს.“, - წერს The New York Times-ი.სტატიაში ხაზგასმით აღნიშნულია, რომ „რუსეთი კვლავ დამოკიდებულია ნავთობსა და გაზზე, რომლებიც ქვეყნის შემოსავლების დაახლოებით მესამედს შეადგენს“.ტრამპის მუქარა, დააწესოს მეორადი ტარიფები იმ ქვეყნებზე, რომლებიც რუსულ ნავთობს ყიდულობენ, მოიცავს ჩინეთს, ინდოეთსა და თურქეთს და წარმოადგენს შესაძლო ესკალაციას მისი გლობალური სავაჭრო ომის ფარგლებში.საგარეო პოლიტიკის ექსპერტები ამბობენ, რომ ტრამპს სხვა ეკონომიკური და სამხედრო ვარიანტებიც აქვს, რათა რუსეთი ომის შეჩერებისკენ აიძულოს. ექსპერტების თქმით, მიუხედავად იმისა, რომ რუსეთმა სანქციებს გაუძლო, მისი ეკონომიკა მოწყვლადია.

მსოფლიო • 1753816574

„ათვლა იწყება დღევანდელი დღიდან“ - ტრამპმა უკრაინაში ომის შესაწყვეტად რუსეთს 10-დღიანი ვადა მისცა

აშშ-ის პრეზიდენტმა, დონალდ ტრამპმა, რუსეთს 10-დღიანი ვადა მისცა, რათა შეწყვიტოს სამხედრო მოქმედებები უკრაინაში. ვადის ათვლა იწყება 29 ივლისიდან.ამის შესახებ ტრამპმა ბორტ ნომერ ერთზე ჟურნალისტებთან საუბრისას განაცხადა.„10 დღის ათვლა იწყება დღევანდელი დღიდან. შემდეგ ჩვენ დავაწესებთ ტარიფებს და სხვა ზომებს. არ ვიცი, ეს იმოქმედებს თუ არა რუსეთზე, რადგან აშკარაა, რომ რუსეთს სურს ომის გაგრძელება, მაგრამ ჩვენ დავაწესებთ ტარიფებს და სხვა ზომებს“, – განაცხადა აშშ-ის პრეზიდენტმა.შეგახსენებთ, რომ ტრამპმა 28 ივლისს გამოთქვა იმედგაცრუება ვლადიმერ პუტინის მიმართ და განაცხადა, რომ შეამცირებს უკრაინაში მშვიდობის დასამყარებლად რუსეთისთვის მანამდე განსაზღვრულ 50-დღიან ვადას.უკრაინის პრეზიდენტი ვოლოდიმირ ზელენსკი მიესალმა ტრამპის მიერ რუსეთისთვის განსაზღვრულ ახალ ვადას.

პოლიტიკა • 1753783548

ლევან სანიკიძე: ალეკო ელისაშვილი კი არა, დიმიტრი გელოვანი ვერ შეცვლის განწყობას, რაც პროდასავლურ ამომრჩეველში არსებობს თვითმმართველობის არჩევნებთან დაკავშირებით

ალეკო ელისაშვილი კი არა, დიმიტრი გელოვანი ვერ შეცვლის განწყობას, რაც პროდასავლურ ამომრჩეველში არსებობს თვითმმართველობის არჩევნებთან დაკავშირებით, – ამის შესახებ „ნაციონალური მოძრაობის წევრმა, ლევან სანიკიძემ განაცხადა.მისივე თქმით, „ვინც ე.წ. არჩევნებში იღებს მონაწილეობას, აღიარებს, რომ აღარ სჯერა პროტესტის“.„მეორეხარისხოვანია, რას ამბობდა „ლელო“ და რას ამბობდა გახარია. ამბობდნენ, რომ თვითმმართველობის არჩევნებში არ შევიდოდნენ, რუსული სპეცოპერაციააო. ხშირად ჩვენზე უფრო მძიმე რიტორიკა ჰქონდათ „ლელოს“ წარმომადგენლებს. ამბობდნენ, რომ ეს ბრძოლის ღალატია, ვინც პარლამენტში დარჩა, პუტინის თამაშს თამაშობსო. ყველაფერი გადათქვეს. ამბობდნენ, რომ ლეღვის ფოთოლი იქნება, ვინც ასეთი პირობებით შევაო. შესაბამისად, ახლა მეასეხარისხოვანია, რას ამბობდნენ და რას არ ამბობდნენ, ნეიტრალურ კანდიდატს დააყენებენ თუ პარტიულს. რაც შეეხება თავად ალეკო ელისაშვილს, არ მგონია, ამ ქვეყანაში დადიოდეს ვინმე, არათუ ალეკო ელისაშვილი, რომელიც შეცვლის საზოგადოებრივ განწყობას, რაც პროდასავლურ ამომრჩეველში არსებობს. 70 პროცენტზე მეტი როცა ამბობს, რომ აპრიორი ეს არჩევნები არის რუსული სპეცოპერაცია და ივანიშვილისთვის ლეგიტიმაციის მიცემას ემსახურება, ალეკო ელისაშვილი კი არა, დიმიტრი გელოვანი ვერ შეცვლის ამ განწყობას. სამწუხაროდ, ამას ვუყურებ, რომ ეს არის დოღი მეორე ადგილისთვის – ვინ გავა მეორე ადგილზე და ვის ექნება მთავარი ოპოზიციური პარტიის მანტია. როგორც „გორბიმ“ დაწერა ეს რიცხვები, ისე დაწერენ საარჩევნოდაც. ჩვენ, საერთოდ, მსჯელობას ვიწყებთ იმით, რომ 4 ოქტომბერს არ ტარდება არჩევნები. როგორც ვერ აკონტროლებს ვერცერთი ჩვენგანი, რას დაწერს „გორბი“, ისე ვერ ვაკონტროლებთ, რას დაწერს ცესკო და რა რიცხვი მოუნდება ბიძინა ივანიშვილს, გამოსახოს შენი პარტიული ნომრის გვერდით. შესაბამისად, 4 ოქტომბერს ტარდება რუსული სპეცოპერაცია, რომლის მთავარი მიზანიც არის ბიძინა ივანიშვილისთვის ლეგიტიმაციის მიცემა, სიტუაციის ნორმალიზება და ამას არავითარი კავშირი არ აქვს საპროტესტო ტალღის გაძლიერებასთან. პირიქით, ვინც ე.წ. არჩევნებში იღებს მონაწილეობას, აღიარებს, რომ აღარ სჯერა პროტესტის. შესაბამისად, „ნაციონალური მოძრაობის“ პოზიცია იყო, არის და იქნება ის, რომ ზუსტად იმ ნაბიჯს გადავდგამთ, რასაც პრაგმატული აზროვნება და ქართველი ხალხის ინტერესი გვკარნახობს. ეს გულისხმობს ივანიშვილის ლეგიტიმაციის თამაშებში მონაწილეობის არმიღებას“, – განაცხადა სანიკიძემ.

მსოფლიო • 1753781421

იმედგაცრუებული ვარ პრეზიდენტი პუტინით - დონალდ ტრამპი

ამერიკის შეერთებული შტატების პრეზიდენტი აცხადებს, რომ პუტინით იმედგაცრუებულია და მასთან სატელეფონო საუბრით დაინტერესებული აღარ არის. ამერიკის პრეზიდენტი ამბობს, რომ, უკრაინასთან სამშვიდობო შეთანხმების დასადებად, მოსკოვისთვის მიცემულ 50-დღიან ვადას 10-12 დღემდე ამცირებს."ვაპირებ, დავაწესო ახალი ვადა - დღეიდან დაახლოებით 10-12 დღე. ჩვენთვის ლოდინის მიზეზი აღარ არსებობს. იმ შემთხვევაში, თუ გარიგებას არ დავდებთ, მეორადი სანქციების დაწესებას ვაპირებთ. ეს იქნება სანქციები და შესაძლოა, მეორადი ტარიფებიც. რუსეთი შეიძლება ძალიან მდიდარი ყოფილიყო, თუმცა მთელ საკუთარ რესურსს ომზე ხარჯავს, ყველაფერს ომსა და ხალხის მკვლელობაზე ხარჯავენ. ყოველ ჯერზე, როდესაც ვფიქრობ, რომ ეს დასრულდება, პუტინი ხალხს კლავს. მე მასთან საუბარი აღარ მაინტერესებს. ჩვენ პატივისცემით და კარგად ვსაუბრობდით, თუმცა შემდეგ დღეებში ხალხი რაკეტებით იღუპებოდა. იმედგაცრუებული ვარ პრეზიდენტი პუტინით", - აცხადებს დონალდ ტრამპი.