პუტინი

POLITICO: ტრამპის ადმინისტრაციას მიაჩნია, რომ უკრაინაში ომის დასასრულებლად რუსეთის წახალისებამ, შესაძლოა, საბოლოო ჯამში, მსოფლიო წესრიგი ჩინეთის გავლენისგან გაათავისუფლოს

პრეზიდენტი დონალდ ტრამპი ხშირად იწვევდა ევროპელი მოკავშირეების უკმაყოფილებას ვლადიმირ პუტინთან აშკარა დაახლოების მცდელობებითა და ვოლოდიმირ ზელენსკის მიმართ მკაცრი გამონათქვამებით, თუმცა, ამ დისბალანსის მიღმა უფრო გრძელვადიანი სტრატეგიული მიზანი - ჩინეთისთვის წინააღმდეგობის გაწევა დგას, - წერს გამოცემა POLITICO.ტრამპის ადმინისტრაციას მიაჩნია, რომ უკრაინაში ომის დასასრულებლად რუსეთის წახალისება, მისი ეკონომიკური რეინტეგრაცია და ამერიკული ინვესტიციებით უზრუნველყოფა, საბოლოო ჯამში, შეცვლის მსოფლიო წესრიგს და რუსეთს ჩინეთის გავლენისგან დააშორებს.ეს სარისკო ნაბიჯია - რაც უკრაინელებში დიდ შეშფოთებას იწვევს - თუმცა იგი ხაზს უსვამს ადმინისტრაციის რწმენას, რომ შეერთებული შტატებისა და დასავლეთის წინაშე მდგარი უდიდესი გეოპოლიტიკური საფრთხე ჩინეთია და არა პუტინის რუსეთი.მიუხედავად იმისა, რომ ჩინეთისთვის წინააღმდეგობის გაწევა არ არის ერთადერთი მიზეზი, რის გამოც ადმინისტრაციას ზავი სურს, ეს ნათლად ხსნის, თუ რატომ განაგრძობს პრეზიდენტის გუნდი გარღვევის გზების ძიებას 15-თვიანი უშედეგო მოლაპარაკებებისა და პროცესიდან გასვლის შესახებ არაერთი მუქარის მიუხედავად.ტრამპის ადმინისტრაციის მაღალჩინოსანმა, რომელმაც მიმდინარე მოლაპარაკებების განსახილველად ანონიმურობის პირობით ისაუბრა, განაცხადა, რომ რუსეთთან „უფრო მეტად დაახლოების გზის“ პოვნამ შესაძლოა შექმნას „ჩინეთთან ძალთა განსხვავებული ბალანსი, რაც ძალიან ხელსაყრელი იქნება“.ბევრი დამკვირვებელი მიიჩნევს, რომ ამ გეგმას წარმატების მცირე შანსი აქვს - ყოველ შემთხვევაში მანამ, სანამ პუტინი და ჩინეთის ლიდერი, სი ძინპინი ხელისუფლებაში რჩებიან. ხოლო რუსეთისთვის ეკონომიკური სტიმულების მიცემა აშშ-თან დასაახლოებლად, უკრაინისთვის შემაშფოთებელია - განაცხადა უკრაინელმა მაღალჩინოსანმა, რომელმაც დიპლომატიური საკითხების განსახილველად ანონიმურობის პირობით ისაუბრა.

მსოფლიო • 1773843720

ზელენსკი აცხადებს, რომ ახლო აღმოსავლეთში მიმდინარე ომის გამო, უკრაინა რაკეტების დეფიციტის წინაშე აღმოჩნდება

უკრაინის პრეზიდენტმა, ვოლოდიმირ ზელენსკიმ გამოთქვა შიში, რომ ახლო აღმოსავლეთში მიმდინარე ომის გამო უკრაინა რაკეტების დეფიციტის წინაშე აღმოჩნდება. ინფორმაციას ამის შესახებ ტელეკომპანია CNNავრცელებს.BBC-სთან ინტერვიუში ზელენსკიმ განაცხადა, რომ მისი აზრით, ვლადიმირ პუტინს ახლო აღმოსავლეთში „ხანგრძლივი ომი“ სურს.„პუტინისთვის ირანში ხანგრძლივი ომი ხელსაყრელია“, - განუცხადა ზელენსკიმ BBC-ს. „ენერგორესურსების ფასებთან ერთად, ეს ნიშნავს აშშ-ის რეზერვების გამოლევას და საჰაერო თავდაცვის სისტემების მწარმოებლების რესურსების ამოწურვას. შესაბამისად, ჩვენც რესურსების დეფიციტი გვიჩნდება“.მან აღნიშნა, რომ აშშ თვეში 60-დან 65-მდე რაკეტას აწარმოებს, ხოლო ირანში ომის პირველ დღეს 803 რაკეტა იყო გამოყენებული.

მსოფლიო • 1773681420

ტრამპი: პუტინს აშშ-ის ეშინია, მას არ აქვს ევროპის შიში

აშშ-ის პრეზიდენტმა, დონალდ ტრამპმა განაცხადა, რომ ნატოს ძალასან რეალურად მხოლოდ ამერიკის შეერთებული შტატები წარმოადგენს.„ნატო - ეს ჩვენ ვართ,]“, - განაცხადა ტრამპმა.პრეზიდენტმა ხაზი გაუსვა აშშ-ის როლს რუსეთის შეკავების პროცესში და აღნიშნა, რომ ვლადიმირ პუტინისთვის ევროპული სახელმწიფოების სამხედრო პოტენციალი გადამწყვეტ ფაქტორს არ წარმოადგენს.„პუტინს ჩვენი ეშინია, მას არ აქვს ევროპის შიში. მას ამერიკის შეერთებული შტატების ეშინია“, - დასძინა ტრამპმა. Trump on NATO:NATO is us.Putin fears us, he has no fear of Europe.He fears the United States of America. pic.twitter.com/ut2OmBcGD8 — Clash Report (@clashreport) March 16, 2026

მსოფლიო • 1773653294

ირანი რუსეთთან და ჩინეთთან "სამხედრო თანამშრომლობას" ადასტურებს - POLITICO

რუსეთი და ჩინეთი ირანს სხვადასხვა გზით ეხმარებიან, მათ შორის "სამხედრო თანამშრომლობის" გზით, - განაცხადა ირანის საგარეო საქმეთა მინისტრმა აბას არაღჩიმ. ინფორმაციას POLITICO ავრცელებს.არაღჩიმ რუსეთი და ჩინეთი თეირანის სტრატეგიულ პარტნიორებად მოიხსენია აშშ-სთან და ისრაელთან ომის პერიოდში."ჩვენ წარსულში მჭიდრო თანამშრომლობა გვქონდა, რომელიც დღემდე გრძელდება, მათ შორის, სამხედრო თანამშრომლობა. ირანი კარგად თანამშრომლობს ამ ქვეყნებთან: პოლიტიკურად, ეკონომიკურად და სამხედრო თვალსაზრისითაც კი", - განაცხადა ირანის საგარეო საქმეთა მინისტრმა.ამასთან, პარასკევს, აშშ-ის პრეზიდენტმა დონალდ ტრამპმა განაცხადა, რომ რუსეთის პრეზიდენტი ვლადიმერ პუტინი შესაძლოა ირანს მცირე დახმარებას უწევდეს.

მსოფლიო • 1773641618

Al Jarida: მოჯთაბა ხამენეი სამკურნალოდ მოსკოვში გადაიყვანეს

ირანის ახალი უზენაესი ლიდერი დაჭრის შემდეგ სამკურნალოდ მოსკოვში გადაიყვანეს, - იუწყება ქუვეითური გაზეთი Al Jarida.მოჯთაბა ხამენეი ირანზე აშშ-სა და ისრაელის თავდასხმის პირველ დღეს დაიჭრა და სამკურნალოდ მოსკოვში, საიდუმლო რეისით მოხვდა, - წერს გამოცემა მაღალჩინოსან წყაროზე დაყრდნობით.მისი ინფორმაციით, ხამენეის მოსკოვში გადაყვანა რუსეთის პრეზიდენტმა ვლადიმერ პუტინმა ირანის პრეზიდენტ მასუდ ფეზეშქიანთან სატელეფონო საუბრისას პირადად შესთავაზა.მოსკოვში ხამენეის „წარმატებული“ ოპერაცია ჩაუტარდა და ამჟამად ის მკურნალობას პუტინის ერთ-ერთი რეზიდენციის ტერიტორიაზე მდებარე კლინიკაში გადის, - ამბობს წყარო. ამ ინფორმაციის ოფიციალური დადასტურება არ არსებობს. მანამდე ირანის საგარეო საქმეთა სამინისტრომ დაადასტურა მოჯთაბა ხამენეის დაჭრა და განაცხადა, რომ პოლიტიკოსის მდგომარეობა შეშფოთებას არ იწვევს.

მსოფლიო • 1773557065

უკანასკნელი ადამიანი, ვისგანაც დახმარება გვჭირდება, ზელენსკია - ტრამპი

აშშ-ს არ სჭირდება უკრაინის დახმარება ახლო აღმოსავლეთში ირანული დრონების გასანეიტრალებლად, - განაცხადა ტრამპმა ტელეკომპანია NBC News-თან სატელეფონო ინტერვიუში.მანამდე უკრაინის პრეზიდენტმა აშშ-სა და მის მოკავშირეებს შესთავაზა დახმარება ახლო აღმოსავლეთში ირანული უპილოტო საფრენი აპარატების განეიტრალებაში.ტელეკომპანიის კითხვაზე უკრაინისგან დახმარების მიღების შესახებ, ტრამპმა უპასუხა: „ზელენსკი უკანასკნელი ადამიანია, ვისგანაც დახმარება გვჭირდება“.ამავდროულად, ტრამპმა უარი თქვა კომენტარზე იმის შესახებ, მიიღო თუ არა აშშ-მ უკრაინისგან დახმარება დრონების ჩაჭრის ტექნოლოგიების სფეროში.აშშ-ის პრეზიდენტმა ასევე განაცხადა, რომ გაკვირვებულია იმით, რომ ზელენსკის არ სურს სამშვიდობო შეთანხმების დადება, მაშინ როდესაც პუტინი, თეთრი სახლის ლიდერის აზრით, ამისთვის მზადაა.„გაკვირვებული ვარ, რომ ზელენსკის არ სურს შეთანხმების დადება. უთხარით ზელენსკის, რომ დადოს შეთანხმება, რადგან პუტინი ამისთვის მზად არის... ზელენსკისთან მოლაპარაკება ბევრად უფრო რთულია“, - განაცხადა ტრამპმა.

მსოფლიო • 1773422258

ვფიქრობ, შეიძლება, ვლადიმერ პუტინი ირანს ცოტათი ეხმარება - დონალდ ტრამპი

აშშ-ის პრეზიდენტი დონალდ ტრამპი მიიჩნევს, რომ რუსეთის პრეზიდენტი ვლადიმერ პუტინი შესაძლოა, ირანს ეხმარებოდეს. ამის შესახებ ტრამპმა Fox News Radio-სთან ინტერვიუში განაცხადა.„ვფიქრობ, ის შეიძლება, ცოტათი ეხმარება ირანს, კი, ალბათ. ის ალბათ ფიქრობს, რომ ჩვენ ვეხმარებით უკრაინას, არა?“, – განუცხადა ტრამპმა გადაცემა „ბრაიან კილმიდის შოუს“.ამასთან, როგორც აშშ-ის პრეზიდენტმა აღნიშნა, აშშ-ს არ სჭირდება უკრაინის დახმარება ახლო აღმოსავლეთში ირანული დრონების ჩამოსაგდებად.„ჩვენ არ გვჭირდება დახმარება დრონების საწინააღმდეგო თავდაცვით საკითხებში. ჩვენ დრონების შესახებ ყველაზე მეტი ვიცით. სინამდვილეში, მსოფლიოში საუკეთესო დრონები გვაქვს“, – განაცხადა აშშ-ის პრეზიდენტმა.ინტერვიუში ტრამპმა ირანზე საუბრისას აღნიშნა, რომ აშშ არ არის ორიენტირებული ირანის გამდიდრებული ურანის მიღებაზე.„ჩვენ ამაზე არ ვართ ორიენტირებულნი, მაგრამ გარკვეულ მომენტში შეიძლება, ვიყოთ. ამჟამად ჩვენ მათი რაკეტებისა და დრონების განადგურებაზე ვართ ორიენტირებულნი“, – განაცხადა ტრამპმა.

მსოფლიო • 1773420882

ვფიქრობ, პუტინი ირანს შეიძლება ცოტათი ეხმარებოდეს - ჩვენც ვეხმარებით უკრაინას - ტრამპი

აშშ-ის პრეზიდენტმა, დონალდ ტრამპმა განაცხადა, რომ მიიჩნევს, რუსეთი ირანს „ცოტათი“ ეხმარება, თუმცა ამის გასამართლებლად უკრაინის მიმართ აშშ-ის მხარდაჭერაზე მიუთითა, - წერს ტელეკომპანია CNN-ი.„ვფიქრობ, ის [ვლადიმირ პუტინი] ირანს შეიძლება ცოტათი ეხმარებოდეს, კი, ასე მგონია. ის კი, ალბათ, ფიქრობს, რომ ჩვენ უკრაინას ვეხმარებით, ხომ ასეა?“ - აღნიშნა ტრამპმა Fox News Radio-სთან ინტერვიუში.„დიახ, ჩვენც ვეხმარებით [უკრაინას]“, - განაგრძო ტრამპმა. „ასე რომ, ის [პუტინი] ამას ამბობს, და ჩინეთიც იმავეს იტყოდა. იცით, ეს დაახლოებით ასეა: ჰეი, ისინი ამას აკეთებენ და ჩვენც ვაკეთებთ. ისინიც აკეთებენ და ჩვენც“.

მსოფლიო • 1773297480

რუსეთისა და აშშ-ს წარმომადგენლებმა ფლორიდაში შეხვედრა გამართეს

რუსეთისა და აშშ-ს წარმომადგენლებმა ფლორიდაში შეხვედრა გამართეს.ამის შესახებ აშშ-ს პრეზიდენტის სპეციალურმა წარმომადგენელმა სტივ უიტკოფმა განაცხადა.შეერთებული შტატების დელეგაციის წევრები იყვნენ სტივ უიტკოფი, თეთრი სახლის წარმომადგენელი ჯარედ კუშნერი და თეთრი სახლის უფროსი მრჩეველი ჯოშ გრუენბაუმი.რუსულ დელეგაციას ვლადიმერ პუტინის სპეციალური წარმომადგენლი კირილ დმიტრიევი ხელმძღვანელობდა.„გუნდებმა განიხილეს რიგი საკითხები და შეთანხმდნენ კონტაქტის შენარჩუნებაზე“, – დაწერა სტივ უიტკოფმა.

მსოფლიო • 1773293153

CNN: პუტინის სპეციალური წარმომადგენელი, კირილ დმიტრიევი ფლორიდაშია და ამერიკულ მხარესთან შეხვედრებს მართავს

ამერიკული ტელეარხის CNN-ის ცნობით, რუსეთის პრეზიდენტის სპეციალური წარმომადგენელი, პირდაპირი ინვესტიციების ფონდის ხელმძღვანელი, კირილ დმიტრიევი ფლორიდაში ჩავიდა.როგორც ტელეარხი იუწყება, დმიტრიევი უკვე შეხვდა აშშ-ის პრეზიდენტის სპეციალურ წარმომადგენელს, სტივ უიტკოფს. შეხვედრაში აგრეთვე მონაწილეობდნენ ბიზნესმენი, დონალდ ტრამპის სიძე ჯარედ კუშნერი და თეთრი სახლის უფროსი მრჩეველი ჯოშ გრუენბაუმი.„ჯგუფებმა მრავალი თემა განიხილეს და შეთანხმდნენ, რომ კავშირზე იქნებიან“, - ციტირებს CNN-ი უიტკოფს.

მსოფლიო • 1773136727

ტრამპის განცხადებით, ირანზე აშშ-ის შეტევამ პუტინზე შთაბეჭდილება მოახდინა

აშშ-ის პრეზიდენტმა, დონალდ ტრამპმა განაცხადა, რომ რუსეთის პრეზიდენტი, ვლადიმერ პუტინი შთაბეჭდილებების ქვეშ იყო, როცა ნახა, თუ როგორ შეუტია ამერიკამ ირანს.ტრამპმა გამართული პრესკონფერენციის დროს აგრეთვე აღნიშნა, რომ ირანის გარშემო შექმნილი კრიზისის გამო ნავთობზე ფასის ზრდა დროებითია და ის მალე შემცირდება.„ჩვენ ვაპირებთ ნავთობის ფასების შემცირებას. ფასებმა ხელოვნურად იმატა, [ირანში] შეჭრის გამო. ეს ძალიან პოზიტიური ამბავია. ვგულისხმობ იმას, რომ ეს არის შეჭრა, რომელსაც ბევრი ადამიანი ვერ გაბედავდა. ვიცოდი, რომ ნავთობის ფასი გაიზრდებოდა, თუ ამას ვიზამდი. ის იმაზე ნაკლებად გაიზარდა, ვიდრე ვვარაუდობდი. არ მგონია, ვინმე ფიქრობდა, რომ ჩვენ სწრაფად მივაღწევდით წარმატებას. ეს იყო სამხედრო წარმატება, რომლის მსგავსი ადამიანებს არ უნახავთ. ჩვენ გვყავს საუკეთესო სამხედროები, საუკეთესო აღჭურვილობა, საუკეთესო გენერლები. ჩვენ საუკეთესონი ვართ. ჩვენ ამაზე პრეზიდენტ პუტინთან ვისაუბრეთ. ის ძალიან დიდი შთაბეჭდილებების ქვეშ იყო იმით, რაც ნახა“, - თქვა ტრამპმა.

მსოფლიო • 1773085154

რუსეთმა შესაძლოა, ენერგორესურსების მიწოდება ევროპიდან უფრო საინტერესო მიმართულებებზე გადაიტანოს - პუტინი

რუსეთმა შესაძლოა, მიიღოს გადაწყვეტილება, ენერგორესურსების მიწოდება ევროპიდან უფრო საინტერესო მიმართულებებზე გადაიტანოს და არ დაელოდოს, ვიდრე ევროკავშირი ამას თავად გააკეთებს, – ამის შესახებ რუსეთის პრეზიდენტმა, ვლადიმერ პუტინმა ნავთობისა და გაზის მსოფლიო ბაზარზე არსებული ვითარების შესახებ გამართულ შეხვედრაზე განაცხადა.როგორც პუტინმა აღნიშნა, ევროკავშირი გეგმავს დამატებითი შეზღუდვების დაწესებას რუსული ენერგორესურსების, მათ შორის თხევადი ბუნებრივი აირის შეძენაზე და 2027 წლამდე ამ მიწოდებების სრულად აკრძალვასაც კი.მისივე თქმით, ამ ფონზე რუსეთის მთავრობას დაავალა, შეაფასონ, მიზანშეწონილია თუ არა ევროპისთვის ენერგორესურსების მიწოდების შეწყვეტა უკვე ახლა, ვიდრე რუსეთის წინ „დემონსტრაციულად დახურავენ კარს“.ამასთან, პუტინმა აღნიშნა, რომ რუსეთი მზადაა, ევროპისთვის ნავთობისა და გაზის მიწოდება გააგრძელოს, თუმცა ამისთვის საჭიროა სიგნალები ევროკავშირის მხრიდან, რომ ისინი ენერგეტიკის სფეროში პოლიტიკურ კონიუნქტურაზე უარს იტყვიან. მისი თქმით, თანამშრომლობა შესაძლებელია იმ შემთხვევაში, თუ ევროპული კომპანიები გრძელვადიან და სტაბილურ ურთიერთობაზე იქნებიან ორიენტირებული.„ჩვენ გვჭირდება გარკვეული სიგნალები მათგან, რომ ისინი მზად არიან, ასევე სურთ თანამშრომლობა და უზრუნველყოფენ ამ თანამშრომლობის მდგრადობასა და სტაბილურობას“, – აღნიშნა რუსეთის პრეზიდენტმა.