პოლიტიკა • 1758568140

გაეროს გენერალური ასამბლეის ფარგლებში, მაკა ბოჭორიშვილი ვიეტნამელ კოლეგას შეხვდა

საქართველოს საგარეო საქმეთა მინისტრმა, მაკა ბოჭორიშვილმა გაეროს გენერალური ასამბლეის ფარგლებში, შეხვედრა გამართა ვიეტნამის სოციალისტური რესპუბლიკის საგარეო საქმეთა მინისტრის მოვალეობის შემსრულებელთან, ლე ჰოაი თრუნგთან.საქართველოს საგარეო საქმეთა სამინისტროს ინფორმაციით, შეხვედრისას, მხარეებმა ისაუბრეს სხვადასხვა სფეროში ორი ქვეყნის თანამშრომლობის შესაძლო მიმართულებებზე, განსაკუთრებით სავაჭრო-ეკონომიკური, საინვესტიციო, ტურიზმის და ლოჯისტიკის მიმართულებით. ყურადღება დაეთმო მაღალი დონის კავშირების გააქტიურების მნიშვნელობას, სამართლებრივი ბაზის სრულყოფის საკითხებს და მრავალმხრივ ფორმატებში თანამშრომლობას.საგარეო საქმეთა მინისტრმა მადლობა გადაუხადა ვიეტნამის მხარეს საქართველოს სუვერენიტეტისა და ტერიტორიული მთლიანობის მხარდაჭერისთვის, ხაზი გაესვა მშვიდობისა და სტაბილურობის მნიშვნელობას.აღინიშნა, რომ არსებული გადაწყვეტილების შესაბამისად, ვიეტნამში საქართველოს საელჩოს გახსნა უახლოეს მომავალში, ხელს შეუწყობს ორ ქვეყანას შორის ურთიერთობების განვითარებას.შეხვედრის დასასრულს, მინისტრებმა გამოხატეს მზადყოფნა მომავალი თანამშრომლობისთვის.

პოლიტიკა • 1758558600

რუსული საბრძოლო თვითმფრინავების ესტონეთის საჰაერო სივრცეში შეჭრასთან დაკავშირებით ევროკავშირისა და 50 ქვეყნის, მათ შორის საქართველოს, ერთობლივი განცხადება გავრცელდა

რუსული საბრძოლო თვითმფრინავების ესტონეთის საჰაერო სივრცეში შეჭრასთან დაკავშირებით გაერო-ს საგანგებო სხდომის წინ გავრცელდა მთავრობების ერთობლივი განცხადება, რომელშიც რუსეთს მოუწოდეს, შეწყვიტოს ყველა პროვოკაცია და მუქარა მეზობლების სუვერენიტეტისა და ტერიტორიული მთლიანობის წინააღმდეგ.განცხადება გავრცელდა ალბანეთის, ანდორას, ავსტრალიის, ავსტრიის, ბელგიის, ბოსნია და ჰერცეგოვინის, ბულგარეთის, კანადის, ხორვატიის, კვიპროსის, ჩეხეთის, დანიის, ფინეთის, ფიჯის, საფრანგეთის, საქართველოს, გერმანიის, საბერძნეთის, უნგრეთის, ისლანდიის, ირლანდიის, იტალიის, იაპონიის, კორეის რესპუბლიკის, ლატვიის, ლიხტენშტეინის, ლიეტუვის, ლუქსემბურგის, მალტის, მოლდოვის, მონაკოს, მონტენეგროს, ნიდერლანდების, ახალი ზელანდიის, ჩრდილოეთ მაკედონიის, ნორვეგიის, პოლონეთის, პორტუგალიის, რუმინეთის, სან მარინოს, სლოვაკეთის, სლოვენიის, ესპანეთის, შვედეთის, შვეიცარიის, თურქეთის, უკრაინის, გაერთიანებული სამეფოს, ამერიკის შეერთებული შტატების, ასევე ევროკავშირისა და ესტონეთის მთავრობების სახელით.„19 სექტემბერს სამმა რუსულმა გამანადგურებელმა დაარღვია ესტონეთის საჰაერო სივრცე. ისინი NATO-ს ცაზე 12 წუთის განმავლობაში იმყოფებოდნენ, ღრმად შეაღწიეს ესტონეთის საჰაერო სივრცეში და ესტონეთის სუვერენულ ტერიტორიაზე თითქმის 100 კილომეტრი დაფარეს. ეს საშიში ესკალაციაა. ეს იყო წელს რუსეთის მიერ ესტონეთის საჰაერო სივრცის მეოთხე დარღვევა. სამი თვითმფრინავი ერთდროულად შევიდა ესტონეთის საჰაერო სივრცეში და ტალინიდან, NATO-სა და ევროკავშირის წევრი ქვეყნის დედაქალაქიდან რამდენიმე წუთის სავალზე იმყოფებოდა. ჩვენ დღეს აქ ვართ, რადგან ეს ინციდენტი ეხება არა მხოლოდ ესტონეთს, არამედ მთელ საერთაშორისო საზოგადოებას. ესტონეთის ტერიტორიული მთლიანობის ამ აღმაშფოთებელ დარღვევას წინ უძღოდა რუსული დრონების მიერ პოლონეთისა და რუმინეთის საჰაერო სივრცის დარღვევა. ეს რუსეთის მიერ მეზობლების წინააღმდეგ პროვოკაციების უფრო ფართო სქემის ნაწილია. მაშინ როცა გაერო-ს უშიშროების საბჭოს მუდმივი წევრი აგრძელებს უკრაინაში სრულმასშტაბიან შეჭრას, რუსეთის დაუფიქრებელი ქმედებები წარმოადგენს არა მხოლოდ საერთაშორისო სამართლის დარღვევას, არამედ დესტაბილიზაციის გამომწვევ ესკალაციას, რომელიც მთელ რეგიონს კონფლიქტთან აახლოებს, ასეთი პროვოკაცია ღრმა უპატივცემულობას წარმოადგენს საერთაშორისო საზოგადოების კოლექტიური და დაუღალავი ძალისხმევის მიმართ, რომელიც მიმართულია რუსეთ-უკრაინის ომის დასრულებისა და მშვიდობისა და სტაბილურობის საერთაშორისო სამართლის შესაბამისად აღდგენისკენ. ამიტომ ესტონეთმა გადაწყვიტა გაერო-ს უშიშროების საბჭოს საგანგებო სხდომის მოწვევა. მადლობას ვუხდით საბჭოს თავმჯდომარეს, კორეის რესპუბლიკას სხდომის სწრაფი მოწვევისთვის. ასევე, ვიყენებთ ამ შემთხვევას, რათა კიდევ ერთხელ მოვუწოდოთ რუსეთის ფედერაციას, დაუყოვნებლივ შეწყვიტოს უკრაინის წინააღმდეგ აგრესიული ომი და შეასრულოს გაერო-ს წესდებით გათვალისწინებული ვალდებულებები. მოვუწოდებთ რუსეთს, შეწყვიტოს ყველა პროვოკაცია და მუქარა მეზობლების სუვერენიტეტისა და ტერიტორიული მთლიანობის წინააღმდეგ. საერთაშორისო საზოგადოება მტკიცედ უნდა მოითხოვდეს სუვერენიტეტის, ტერიტორიული მთლიანობისა და დავების მშვიდობიანი მოგვარების პრინციპების დაცვას. ჩვენ ყოველთვის უნდა გავაკრიტიკოთ ასეთი აღმაშფოთებელი ქმედებები გაერო-ს ნებისმიერი წევრის მხრიდან და, მით უმეტეს, უშიშროების საბჭოს მუდმივი წევრის მხრიდან, რომელსაც აკისრია საერთაშორისო მშვიდობისა და უსაფრთხოების დაცვის განსაკუთრებული პასუხისმგებლობა. გმადლობთ ყველას ამ მხარდაჭერისთვის“, – ნათქვამია ერთობლივ განცხადებაში, რომელიც მარგუს ცაჰკნამ შეხვედრის წინ წაიკითხა.

მსოფლიო • 1758556844

ჩვენი სუვერენიტეტი, დამოუკიდებლობა, მთლიანობა და ჩვენი ევროპული მომავალი საფრთხეშია - მაია სანდუ

ვენი დამოუკიდებლობა საფრთხის ქვეშაა, – ამის შესახებ მოლდოვის პრეზიდენტმა, მაია სანდუმ საპარლამენტო არჩევნებამდე რამდენიმე დღით ადრე მოქალაქებისადმი საგანგებო მიმართვისას განაცხადა.„ჩვენი სუვერენიტეტი, დამოუკიდებლობა, მთლიანობა და ჩვენი ევროპული მომავალი საფრთხეშია. კრემლი ასობით მილიონ ევროს ხარჯავს ასობით ათასი ხმის შესაძენად, ყოველდღიურად ცრუ ინფორმაციას ავრცელებენ, ასობით ადამიანს უხდიან არეულობის, ძალადობის პროვოცირებისა და ხალხის დაშინებისთვის“, – აღნიშნა სანდუმ.მოლდოვის პრეზიდენტმა მოქალაქეებს მოუწოდა, „არ ჩააბარონ ქვეყანა უცხო ქვეყნის ინტერესებს“.„თუ რუსეთი მოლდოვაზე კონტროლს მოიპოვებს, შედეგები პირდაპირი და საშიში იქნება ჩვენი ქვეყნისა და მთელი რეგიონისთვის. ყველა მოლდოველი დაზარალდება, მიუხედავად იმისა, თუ ვის მისცა ხმა“, – განაცხადა სანდუმ.ცნობისთვის, მოლდოვაში საპარლამენტო არჩევნები 28 სექტემბერს გაიმართება.

პოლიტიკა • 1758531840

შალვა პაპუაშვილი საქართველოში საფრანგეთის ახლად დანიშნულ ელჩს შეხვდა

საქართველოს პარლამენტის თავმჯდომარე შალვა პაპუაშვილმა საქართველოში საფრანგეთის რესპუბლიკის საგანგებო და სრულუფლებიან ელჩთან, ოლივიე კურტოსთან გაცნობითი შეხვედრა გამართა.შეხვედრაზე აღინიშნა საქართველოსა და საფრანგეთს შორის ისტორიულად მეგობრული კავშირები.შალვა პაპუაშვილმა მადლიერება გამოხატა საფრანგეთის მიერ საქართველოს ტერიტორიული მთლიანობისა და ოკუპირებული რეგიონების არაღიარების ურყევი მხარდაჭერისთვის.საფრანგეთის ელჩმა აღნიშნა, რომ დამოუკიდებლობის მოპოვების დღიდან, საფრანგეთი საქართველოს გვერდით დგას და თანამედროვე კომპლექსურ სამყაროში, ერთიანობის, სუვერენიტეტისა და დამოუკიდებლობის პატივისცემა და მხარდაჭერა განსაკუთრებულ მნიშვნელობას იძენს.შეხვედრაზე განიხილეს პოლიტიკური ვითარება და მიმდინარე მოვლენები საქართველოში. ხაზი გაესვა დიპლომატიის მნიშვნელობას ქვეყნებს შორის ეროვნულ ინტერესებზე დაფუძნებული ურთიერთობების განვითარებაში.მხარეებმა გამოხატეს მზაობა, ითანამშრომლონ საქართველოსა და საფრანგეთს შორის ურთიერთობების გასაღრმავებლად და საქართველოს ევროპული ინტეგრაციის ხელშესაწყობად. ამ მხრივ, აღინიშნა ნდობაზე დაფუძნებული, ღია და კონსტრუქციული დიალოგის გაგრძელების მნიშვნელობა.ინფორმაციას საქართველოს პარლამენტის პრესსამსახური ავრცელებს.

პოლიტიკა • 1758528423

შალვა პაპუაშვილი: ჩვენი მხრიდან ურთიერთობები ვერ გაფუჭდება, ჩვენი ინტერესი არის, ყველასთან გვქონდეს კარგი ურთიერთობა, განსაკუთრებით როდესაც საფრანგეთზე ვსაუბრობთ

ზოგადად, საქართველოსა და საფრანგეთს შორის ისტორიული ურთიერთობაა, როგორც ჩვენს პირველ რესპუბლიკასთან, ისე დღესდღეობით ჩვენი ქვეყნის განვითარებაში მათ მნიშვნელოვანი პოზიციები აქვთ, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.პაპუაშვილის თქმით, საქართველო აფასებს საფრანგეთის მხარდაჭერას, განსაკუთრებით არაღიარების პოლიტიკის ნაწილში.„საფრანგეთს აქვს შესაძლებლობა, რომ იმ ქვეყნებთან, სადაც შეიძლება, ჩვენ გეოგრაფიული თუ სხვა დაცილების მხრივ არ გვქონდეს უშუალო დიპლომატიური კომუნიკაცია, ამ მხრივ იმუშაოს ამ ქვეყნებთან, რომ არაღიარების პოლიტიკა იყოს შენარჩუნებული.იცით, რომ საფრანგეთს საქართველოში ჰყავს ახალი ელჩი, რომელსაც მე დღეს შევხვდი და გვქონდა ძალიან ნაყოფიერი საუბარი. ვისაუბრეთ ყველა საკითხზე, რომელიც ჩვენთვის მნიშვნელოვანი იყო და დარწმუნებული ვარ, მისი განწყობიდან გამომდინარე, რომ შესაძლებელი იქნება, ის ურთიერთობები, რომელიც გვინდა, არსებობდეს ჩვენს ქვეყნებს შორის, ეს ურთიერთობები დაუბრუნდება ამ წერტილს.ჩვენი მხრიდან ურთიერთობები ვერ გაფუჭდება. ჩვენი ინტერესი არის, ყველასთან გვქონდეს კარგი ურთიერთობა და არ იყოს ესკალაციაში რომელიმე ქვეყანასთან, განსაკუთრებით როდესაც საფრანგეთზე ვსაუბრობთ. ამიტომ, ჩვენი მხრიდან არის სრული მზაობა ღია ურთიერთობისა, რომელიც დამყარებული იქნება ურთიერთპატივისცემაზე. ჩვენი ერთადერთი წინაპირობა არის ურთიერთპატივისცემა, ერთმანეთის სუვერენიტეტის პატივისცემა. ვფიქრობ, საფრანგეთის ახალი ელჩი ამ მხრივ ძალიან მოწადინებულია და ჩვენი მხრიდან მას ექნება ყოველგვარი ხელშეწყობა, რომ ეს ურთიერთობები დაბრუნდეს იმ ნიშნულზე, სადაც გვინდა, რომ ვიხილოთ ის. ამ მხრივ ყველაფერს გავაკეთებთ“, – განაცხადა შალვა პაპუაშვილმა.

პოლიტიკა • 1758521854

სოზარ სუბარი: დავიცვათ ჩვენი დამოუკიდებლობა, ჩვენი სუვერენიტეტი და ღირებულებები, ეს არის ყველაზე მთავარი. ეს არის მშვიდობის შენარჩუნების და განვითარების ერთადერთი გზა

„ვიზალიბერალიზაცია არის ძალიან დიდი მიღწევა ჩვენი ქვეყნის, ჩვენი ხელისუფლების. ეს არის დიდი კომფორტი ჩვენი მოსახლეობისთვის და მე იმედი მაქვს, რომ ვერ მოხერხდება მისი შეჩერება, რადგან ევროპაში გვყავს ძალიან ბევრი მეგობარი, ვინც იცავს ჩვენს სიმართლეს“, - განაცხადა მედიასთან საუბარში პარლამენტის ვიცე-სპიკერმა, „ხალხის ძალის“ თავმჯდომარე სოზარ სუბარმა.მისი თქმით, რომც მოხდეს ვიზალიბერალიზაციის შეჩერება, ეს არის მხოლოდ 9-თვიანი პროცედურა და ამ თვეების გასვლის შემდეგ ბევრი რამ შეიცვლება საქართველოსთან მიმართებაში, რადგან ევროპის ქვეყნებში ხელისუფლებაში კონსერვატიული ძალები მოდიან, რომლებისთვისაც იგივე ღირებულებებია მთავარი, რაც აქვს საქართველოს.„ისეც რომ მოხდეს, რომ ქართულმა რადიკალურმა ოპოზიციამ და მათმა უცხოელმა მფარველებმა მიზანს მიაღწიონ, ვიზალიბერალიზაციის შეჩერება მაინც დროებითი, 9-თვიანი პროცედურაა, ამ შეჩერების გაგრძელება კი გაცილებით ძნელი იქნება, რადგან ევროპის პოლიტიკური ლანდშაფტი ძალიან სწრაფად იცვლება და ბევრ ქვეყანაში კონსერვატიული ძალები იმარჯვებენ.ვიზალიბერალიზაციის შეჩერების მცდელობებს ერთადერთი მიზანი აქვს - გამოიწვიონ მასობრივი სახალხო პროტესტი ხელისუფლების წინააღმდეგ. ქართული საზოგადოება მარტივი არჩევანის წინაშე დგას: სასწორის ერთ პინაზე დევს ვიზალიბერალიზაციის 9 თვით შეჩერების საფრთხე, ხოლო მეორეზე - ომში ჩართვის საფრთხე; ერთი მხრივ გვემუქრებიან ვიზალიბერალიზაციის ცხრათვიანი შეჩერებით და, მეორე მხრივ, არსებობს საფრთხე, რომ ჩვენთანაც იგივე მოხდეს, რაც მოხდა სირიაში, ლიბიასა და რამდენიმე სხვა ქვეყანაში „არაბულ გაზაფხულად“ წოდებული სახელმწიფო გადატრიალებების შედეგად. ამ თავიდან თითქოს „მშვიდობიან სამოქალაქო ამბოხებებს“ შედეგად მოჰყვა ასეულობით ათასი ადამიანის სიკვდილი, მილიონობით ადამიანის ლტოლვილად ქცევა, ამ ქვეყნების ეკონომიკების განადგურება და სახელმწიფოებრიობის რღვევა.ევრობიუროკრატებმა არაერთხელ განაცხადეს, რომ საქართველოს ომში ჩართვისკენ არავინ მოუწოდებდა და ეს თემა თითქოს ჩვენი გამოვიგონეთ. დავუშვათ, ჩვენ რაღაცას ვიგონებდით და ვაბრალებდით ჩვენს დასავლელ თუ უკრაინელ მეგობრებს, თითქოს მათ ჩვენი ომში ჩათრევა სურდათ, მაგრამ რას უპასუხებენ პოლონეთის აწ უკვე ყოფილ პრეზიდენტს ანდჟეი დუდას, რომელმაც სულ რაღაც 3 კვირის წინ განაცხადა, რომ უკრაინის ხელისუფლების მხრიდან იყო უამრავი მცდელობა და ძალიან დიდი ზეწოლა პოლონეთზე, რომ ისიც ჩართულიყო რუსეთ-უკრაინის ომში. ანუ, ქვეყანაზე, რომელიც ევროკავშირის და ნატოს წევრია, რომლის მშპ-მ ერთ ტრილიონ აშშ დოლარს მიაღწია და 40 მილიონამდე მოსახლეობა ჰყავს, იყო ზეწოლა და ვინმეს უკვირს, რომ საქართველოზეც იყო მსგავსი ზეწოლა სხვადასხვა ძალების მხრიდან?თანაც, პოლონეთი არც კი ესაზღვრება რუსეთს, საქართველოს კი ყველაზე დიდი საზღვარი სწორედ რუსეთთან აქვს. ჩვენი ტერიტორიების 20% ოკუპირებულია და თან გეოგრაფიულად ორ სხვადასხვა ადგილას. ამ ყველაფრიდან გამომდინარე ძალიან ადვილად გასაწირი ქვეყანა ვიყავით. როდესაც მსოფლიოში არსებული წესრიგი ფაქტობრივად მორღვეულია და მსოფლიოს ხელახალი გადანაწილება მიმდინარეობს, დიდი სახელმწიფოები ნაკლებად ფიქრობენ პატარა ქვეყნების ბედზე და ადვილად სწირავენ მათ თავიანთი ინტერესებისთვის.ჩვენ კარგად გვახსოვს ბაიდენის ადმინისტრაციის სახელმწიფო მდივნის, ენტონი ბლინკენის და თავდაცვის მდივნის, ლოიდ ოსტინის განცხადებები, რომლებმაც კრიტიკის პასუხად - თუ რატომ უნდა იხარჯებოდეს აშშ-ს გადასახადის გადამხდელთა ფული უკრაინის დასახმარებლად, პირდაპირ განაცხადეს - ამ ფულს ისევ ამერიკის თავდაცვის მრეწველობაში ვხარჯავთ და ამერიკის ეკონომიკას ვაძლიერებთ, სამაგიეროდ, ამით ჩვენს მტერს, რუსეთს ვასუსტებთ და უკრაინელები კვდებიანო. ეს არის ცინიკური დამოკიდებულება ადამიანების სიცოცხლისა და იმ სახელმწიფოს ბედის მიმართ, რომელიც ამერიკის ერთგული მოკავშირეა.სამწუხაროდ, ასეთი დამოკიდებულება დიდად არ შეცვლილა ტრამპის ადმინისტრაციის პირობებშიც. მართალია, ერთი მხრივ პრეზიდენტი ტრამპი ცდილობს მშვიდობის დამყარებას, მაგრამ, მეორე მხრივ, რადგან ჯერჯერობით ეს არ გამოსდის, ის პირდაპირ ამბობს, რომ სანამ ომი გრძელდება, ამერიკამ ფული უნდა გააკეთოს: რადგან ომი არის ევროპის კონტინენტზე, შესაბამისად, მისი დაფინანსება თავის თავზე სწორედ ევროპულმა ქვეყნებმა უნდა აიღონ - ჩვენ იარაღს მივყიდით და უკრაინელებმა იომონო.როდესაც ადამიანების სიცოცხლისა და სახელმწიფოების მომავლის მიმართ არსებობს ასეთი ცინიკური დამოკიდებულება, რატომ უკვირს ვინმეს, რომ საქართველოზე იყო ზეწოლა, რომ ომში ჩავრთულიყავით? ეს საფრთხე არსებობდა და ავიცილეთ, თუმცა უნდა გვახსოვდეს, რომ სანამ ომი გრძელდება, საფრთხე ბოლომდე აცილებული არ არის. ამიტომ, მთელი ერი უნდა ვიყოთ ფხიზლად, შევკავშირდეთ და არჩევნებზე ვაჩვენოთ საერთაშორისო საზოგადოებას, თუ როგორი მხარდაჭერა აქვს მშვიდობის პოლიტიკას საქართველოში“, - განაცხადა სოზარ სუბარმა.

პოლიტიკა • 1758470989

კახა კალაძე ჩუღურეთის რაიონის ამომრჩეველს - ძალიან მეამაყება, რომ „ქართული ოცნება“ დღეს ასე ძლიერად ვართ წარმოდგენილი და ეს არის თითოეული თქვენგანის დამსახურება; ეს თქვენი - ჩვენი მხარდამჭერებისა და თანამებრძოლების დამსახურებაა

„მიხარია, რომ ამდენ გულანთებულ ადამიანს ვხედავ, როგორი შემართება და დიდი მუხტია. ძალიან მეამაყება , რომ ჩვენ – „ქართული ოცნება“ დღეს ასე ძლიერად ვართ წარმოდგენილი და ეს არის თითოეული თქვენგანის დამსახურება. ეს თქვენი - ჩვენი მხარდამჭერებისა და თანამებრძოლების დამსახურებაა“, - ასე მიმართა დღეს პარტია „ქართული ოცნება-დემოკრატიული საქართველოს” თბილისის მერობის კანდიდატმა კახა კალაძემ, წინასაარჩევნო კამპანიის ფარგლებში, ჩუღურეთის რაიონის მოსახლეობას.მისი თქმით, პოლიტიკა, რომელსაც „ქართული ოცნება“ ატარებს, პირველ რიგში, ითვალისწინებს საქართველოსა და ქართველი ხალხის ინტერესებს.„რა თქმა უნდა, ჩვენს ქალაქს აფერადებს ხალხი – თქვენ, თბილისელები.მადლობა მხარდაჭერისთვის, მობრძანებისთვის. მშვიდობა საქართველოს - მეტი სიკეთე თბილისს. რომ არა მშვიდობა, დღეს ჩვენ აქ ვერ შევიკრიბებოდით და ვერ ვისაუბრებდით ქალაქის განვითარებასა და აღმშენებლობაზე.რა თქმა უნდა, იმ პოლიტიკით, რომელსაც „ქართული ოცნება“ ატარებს, პირველ რიგში, გათვალისწინებულია ჩვენი ქვეყნის, ქართველი ხალხის ინტერესები. იმ პოლიტიკით, რომელსაც ვატარებთ, ვიცავთ ჩვენს სამშობლოს, სუვერენიტეტს, დამოუკიდებლობასა და თავისუფლებას, რომელიც ჩვენმა წინა თაობებმა სისხლითა და ბრძოლით მოიპოვეს. ჩვენ დღესაც ყოველდღიურად გვიწევს ბრძოლა. ამიტომ კარგად უნდა გავიაზროთ მიმდინარე პროცესები, გონიერი ხალხი ვართ ქართველები. აქამდე მოვედით ჩვენი სარწმუნოებით, ეკლესიით, ჩვენი იდენტობით, კულტურით. მე ჩემს შვილებს ვასწავლი, თუ რამდენად მნიშვნელოვანი და ძვირფასია სამშობლო“, - განაცხადა თბილისის მერობის კანდიდატმა.კახა კალაძემ მოსახლეობასთან გამართულ შეხვედრაზე თბილისში განხორციელებულ პროექტებზე ისაუბრა და განაცხადა, რომ „ქართული ოცნება“ არის ერთადერთი პოლიტიკური ძალა, ვისაც შეუძლია დაძლიოს არსებული გამოწვევები.“ხედავთ, ბოლო წლების განმავლობაში თბილისში რამდენი კარგი პროექტი განვახორციელეთ ყველა მიმართულებით. – პარკები, სკვერები, რეკრეაციული არეალები, გზების, გამზირების მოწესრიგება, ახალი ბაღების მშენებლობა, ჯანდაცვის, სოციალური მიმართულების პროგრამები. ავარიული სახლების ჩანაცვლება, მაგრამ კიდევ უამრავი პრობლემა და გამოწვევაა. ჩვენზე უკეთ არავინ იცის, თუ რა საჭიროებებია, რა სჭირდება ამ ქალაქში მცხოვრებ ადამიანებს და, რა თქმა უნდა, გვაქვს ზუსტი ხედვა, თუ როგორ უნდა მოხდეს ქალაქის განვითარება და არსებული პრობლემების მოგვარება.ერთადერთი პოლიტიკური გუნდი, დღევანდელ რეალობაში, არის “ქართული ოცნება - დემოკრატიული საქართველო”, რომელსაც შეუძლია შეინარჩუნოს მშვიდობა, გაატაროს ქართველი ხალხის ინტერესები, დაიცვას ქვეყნის სუვერენიტეტი და დამოუკიდებლობა’, - განაცხადა კახა კალაძემ.ჩუღურეთის მოსახლეობასთან გამართულ შეხვედრას თბილისის საარჩევნო შტაბის ხელმძღვანელი ლევან მაჭავარიანი და საკრებულოში ჩუღურეთის მაჟორიტარობის კანდიდატი ზურაბ ჩიკვილაძე დაესწრნენ.

პოლიტიკა • 1758447291

ტელეარხების „უკბილო წკავწკავი“ და უზნეობა ხაზს უსვამს სახელმწიფოს მიზანმიმართულ ბრძოლას კორუფციის, ტერორიზმისა და უცხოური ზეგავლენის წინააღმდეგ - ედიშერ გვენეტაძე

“საქართველოში რომ ნამდვილი ოპოზიციური, კრიტიკული, ქვეყნის განვითარებაზე ორიენტირებული ჟურნალისტიკა არ არსებობს ეს საყოველთაოდ ცნობილია. ე.წ. ოპოზიციურ სინამდვილეში კი მეხუთე კოლონის ტელევიზიებში ხანდაზმული თაღლითებისა და ქართული ჯარის გამძარცველ კეზერას მიერ შიგნიდან თუ უცხოეთიდან დაფინანსებული ავაზაკები ჩასაფრებული არიან, რათა ჩირქი მოსცხონ სახელმწიფო თანამდებობის პირებს. ტყუილების და ცილისწამებების კორიანტელი დააყენონ მათ მიმართ, ვინც განსაკუთრებით თავდადებით იბრძვის სამშობლოსათვის, უსამშობლო-მოღალატეთა წინააღმდეგ” - ასე ეხმაურება ექსპერტი ედიშერ გვენეტაძე ოპოზიციური მედიის მიერ სახელმწიფო უსაფრთხოების სამსახურის ხელმძღვანელის, მამუკა მდინარაძის შესახებ გავრცელებულ ცილისმწამებლურ ინფორმაციას.მისივე თქმით, ოპოზიციური ტელევიზიების მიზანია ტყუილების და ცილისწამებების კორიანტელის შექმნა მათ მიმართ, ვინც განსაკუთრებულად თავდადებით იცავს სამშობლოსა და ქვეყნის ინტერესებს უსამშობლო-მოღალატეების წინააღმდეგ. „ საქართველოში რომ ნამდვილი ოპოზიციური, კრიტიკული, ქვეყნის განვითარებაზე ორიენტირებული ჟურნალისტიკა არ არსებობს ეს საყოველთაოდ ცნობილია. ე.წ. ოპოზიციურ სინამდვილეში კი მეხუთე კოლონის ტელევიზიებში ხანდაზმული თაღლითებისა და ქართული ჯარის გამძარცველ კეზერას მიერ შიგნიდან თუ უცხოეთიდან დაფინანსებული ავაზაკები ჩასაფრებული არიან, რათა ჩირქი მოსცხონ სახელმწიფო თანამდებობის პირებს. ტყუილების და ცილისწამებების კორიანტელი დააყენონ მათ მიმართ, ვინც განსაკუთრებით თავდადებით იბრძვის სამშობლოსათვის, უსამშობლო-მოღალატეთა წინააღმდეგ. ნახეს, რა, რომ სუს-ის ახლად დანიშნულმა ხელმძღვანელმა მამუკა მდინარაძე დაუნდობელი ბრძოლა გამოუცხადა კორუფციას, უცხოეთიდან მათთვისვე შემოტანილი ფულების გათეთრებას, ტერორიზმს.ამ გაცვეთილმა, გაჯონჯოლიელებულმა უსამშობლოებმა მიმართეს მათივე არაერთხელ დამუშავებულ, მაგრამ იმავდროულად უსაგნო, უსარგებლო თემას, რაც იმით გამოიხატა, რომ "ტვ 1"-მა, "ფორმულა-"მ და "?მთავარმა" სცადეს მამუკა მდინარაძის ირგვლივ თითქოსდა შავი პიარის აგორება. ამ მიზნით ისედაც უზნეოებმა გარედან დაკვეთით დაიწყეს ყოველგვარ ზღვარს გაცდენილი უზნეობების და ტყუილების ტირაჟირება. აქვე ხაზგასასმელია ის, რომ ამ ტელეავაზაკების მიერ ეს ატეხილი ეს უკბილო წკავწკავი და ვაკხანალია დასტურია იმისა, რომ ქართული სახელმწიფოს სამართალდამცავი ინსტიტუტები და მათ შორის მამუკა მდინარაძის ხელმძღვანელობით ქვეყნის მსახური სუს-ი აბსუტურად სწორად, მიზანმიმართულად მუშაობს. გამოავლენს საქართველოს მტრებს, მოღალატეებს, ომში ჩაბმის, არეულობის, დესტაბილიზაციის მსურველებს და ერთგულად, თავდადებით ემსახურება ქართველი ხალხისა და საქართველოს სახელმწიფოს სუვერენიტეტის განმტკიცებას. ასე, რომ ვაჟასეული: "ცუდას რად უნდა მტერობა, კარგია მუდამ მტრიანი".-კლასიკა იყო არის და სანამ კაცობრიობა იარსებებს კლასიკად დარჩება.“ - წერს გვენეტაძე.

პოლიტიკა • 1758445171

რამდენიმე საინფორმაციო საშუალების განსაკუთრებული აგრესიის ობიექტებად პერიოდულად იქცევიან ის ადამიანები და მათი ოჯახის წევრებიც კი, რომლებიც საქართველოს ინტერესების დასაცავად, ეფეტურად ებრძვიან კრიმინალს, ბოლო ხანებში ასეთად ამოარჩიეს მამუკა მდინარაძე - ბიძინა გიორგობიანი

კორუფციის, ნარკოტრაფიკის და კრიმინალთან ეფექტური ბრძოლის ავტორი საქართველოს მოქმედი ხელისუფლებაა. განსაკუთრებული როლი ამ საქმეში ეკუთვნის უსაფრთხოების სამსახურს და მის ახალ ხელმძღვანელ მამუკა მდინარაძეს. მართალია დიდი ხანი არ გასულა რაც ეს ნიჭიერი ახალგაზრდა კაცი ხელმძღვანელობს უსაფრთხოების სამსახურს, მაგრამ ძალიან მოკლე პერიოდში მან წარმატებით დაასრულა ყველა ოპერაცია, რაც სამსახურს გარკვეული დროის განმავლობაში ჰქონდა მომზადებული, - წერს “ერთიანი ნეიტრალური საქართველოს” წევრი, ბიძინა გიორგობიანი, სოციალურ ქსელში.მისი განცხადებით, საქართველოს წარმატება აზარალებს კრიმინალურ სამყაროს, რომელიც ბოლო წლებში განსაკუთრებით აქტიურ მხარდაჭერას იღებს უცხოეთიდან და საქართველოში მოქმედი პარტიული თუ არასამთავრობო ორგანიზაციების მხრიდან. გიორგობიანის განმარტებით, ამ კრიმინალური დუეტის ყველაზე ეფექტური იარაღი დღეისათვის რამდენიმე საინფორმაციო საშუალებაა, რომლებმაც მიზანში მამუკა მდინარაძე ამოიღეს, რომლის მიმართ, ბევრი დაუსაბუთებელი ბრალდება მოგვისმენია.“საქართველოში კორუფციის და ნარკოდანაშაულის წინააღმდეგ გადადგმული ნაბიჯები მართლაც სამაგალითოა. გაბედულად შეგვიძლია ვთქვათ აღმოსავლეთ ევროპის და ყოფილი სსრკ ქვეყნების ფონზე საქართველო წესრიგის, კორუფციასთნ ბრძოლის და ეკონომიკური ზრდის ტემპით, ყველა საერთაშორისო რეიტინგით მოწინავე და სამაგალითოა. საქართველოს ასეთ წარმატებას ყავს საკუთარი შემოქმედი, ბენეფიციარი და რა თქმა უნდა არიან, დაზარალებული კრიმინალური კარტელებიც. კორუფციის, ნარკოტრაფიკის და კრიმინალთან ეფექტური ბრძოლის ავტორი საქართველოს მოქმედი ხელისუფლებაა. განსაკუთრებული როლი ამ საქმეში ეკუთვნის უსაფრთხოების სამსახურს და მის ახალ ხელმძღვანელ მამუკა მდინარაძეს. მართალია დიდი ხანი არ გასულა რაც ეს ნიჭიერი ახალგაზრდა კაცი ხელმძღვანელობს უსაფრთხოების სამსახურს, მაგრამ ძალიან მოკლე პერიოდში მან წარმატებით დაასრულა ყველა ოპერაცია, რაც სამსახურს გარკვეული დროის განმავლობაში ჰქონდა მომზადებული. შედეგად თავიდან იქნა აცილებული სავარაუდო ტერაქტი და სახელმწიფო ხაზინის არნახული ზარალი. როგორც ითქვა ასეთი გაბედულ ქმედებას ჰყავს საკუთარი ბენეფიციარი, ეს სახელმწიფო ინტერესებია, რომელიც პირნათლად დაიცვა იმ ორგანიზაციამ, რომელსაც ეს კონსტიტუციურად ევალება კიდეც, მაგრამ არსებობს „დაზარალებულიც“ ესაა კრიმინალური სამყარო, რომელიც ბოლო წლებში განსაკუთრებით აქტიურ მხარდაჭერას იღებს უცხოეთიდან და საქართველოში მოქმედი პარტიული თუ NGO ორგანიზაციების მხრიდან.ყოველი ცალკეული შემთხვევა უცხოეთიდან დაფინანსებული პოლიტ- ჯგუფების და მათი საინფორმაციო საშუალებების მხრიდან განიხილება როგორც „რეჟიმის ზეწოლა“. უკვე არ აქვს მნიშვნელობა ეს დამნაშავე ნარკოგამსაღებელია თუ წვრილმანი ხულიგანი. საქართველოში 90-იანი წლებიდან მოყოლებული, კრიმინალი აქტიურად მოქნედებდა პოლიტიკური საფარის ქვეშ. ამის მაგალითები უახლესი ისტორიიდან უამრავია. დღეისათვის მათი ურთიერთკავშირი შეუიარაღებელი თვალითაც ჩანს. ამ კრიმინალური დუეტის ყველაზე ეფექტური იარაღი დღეისათვის რამოდენიმე საინფორმაციო საშუალებაა, რომლებიც რევოლუციის პარალელურად ჩვეულებრივ კრიმინალებს პოლიტპატიმრებად და „რეჟიმის ტყვეებად“ ასაღებენ, საკუთარ, დაზომბებულ მრევლში.ამ საინფორმაციო საშუალებების განსაკუთრებული აგრესიის ობიექტებად პერიოდულად იქცევიან ის ადამიანები და მათი ოჯახის წევრებიც კი რომლებიც საქართველოს ინტერესების დასაცავად, ეფეტურად ებრძვიან კრიმინალს. ბოლო ხანებში ასეთად აამოარჩიეს მამუკა მდინარაძე. მის წინააღმდეგ უამრავი დაუსაბუთებელი ბრალდება მოგვისმენია, მახსოვს მის მიმართ ეგზალტირებული „მწერლის“ ბუღაძის ღვარძლიანი დახასიათება, როდესაც რევოლუციის მორიგი მცდელობისას, „ტექნიკური მთავრობის“ ოპერაცია ჩაუვარდათ NGO აქტივისტებს. მაშინაც დიდი იყო მამუკა მდინარაძის წვლილი და დღესაც ასეა. ბევრჯერ მითქვამს და გავიმეორებ, დღეს 1992 წლის სახელმწიფო გადატრიალების შემდეგ პირველად, მიმდინარეობს საქართველოს სუვერენიტეტის აღდგენა. სახელმწიფო უსაფრთხოების სამსახური, მაღლ პროფესიულ დონეზეიცავს საქართველოს ინტერესებს და აღარ ხუჭავს თვალს დანაშულზე ვინც არ უნდა ჩაიდინოს ის. მინდა წარმატება ვუსურვო და სრული მხარდაჭერა გამოვუცხადო, ახალი თაობის ნიჭიერ პოლიტიკოსებს, ასევე ყველა პროფესიონალს, საქართველოს ინტერესების დაცვისათვის ამ ძნელ გზაზე,” - წერს ბიძინა გიორგობიანი.

პოლიტიკა • 1758286910

მაკა ბოჭორიშვილი საფრანგეთის ელჩს, ოლივიე კურტოს შეხვდა

საგარეო საქმეთა მინისტრი მაკა ბოჭორიშვილი საქართველოში საფრანგეთის რესპუბლიკის ელჩს, ოლივიე კურტოს შეხვდა. ინფორმაციას ამის შესახებ საგარეო საქმეთა სამინისტრო ავრცელებს.უწყების ცნობით, შეხვედრის დროს მხარეებმა მიმოიხილეს საქართველოსა და საფრანგეთის ურთიერთობების აქტუალური საკითხები და თანამშრომლობის განვითარების შესაძლო მიმართულებები.„მხარეებმა ასევე გაცვალეს მოსაზრებები საქართველოს ევროკავშირში ინტეგრაციის საკითხთან დაკავშირებით.  ხაზგასმით აღინიშნა, ამ პროცესში, შემდგომი თანამშრომლობის და დიალოგის მნიშვნელობა.ოლივიე კურტომ დაადასტურა საფრანგეთის მტკიცე და უპირობო მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში.საგარეო საქმეთა მინისტრმა წარმატებები უსურვა საფრანგეთის ელჩს მის მომავალ საქმიანობაში“, – წერს საგარეო უწყება.

პოლიტიკა • 1758282420

ლაშა დარსალია: საქართველოს დემოკრატიულად არჩეული მთავრობა დგამს ყველა საჭირო ნაბიჯს, რათა ქვეყანაში უზრუნველყოს კანონის უზენაესობის, გამჭვირვალობისა და ანგარიშვალდებულების პრინციპების განუხრელად დაცვა

საქართველოს დემოკრატიულად არჩეული მთავრობა დგამს ყველა საჭირო ნაბიჯს, რათა ქვეყანაში უზრუნველყოს კანონის უზენაესობის, გამჭვირვალობისა და ანგარიშვალდებულების პრინციპების განუხრელად დაცვა, - განაცხადა საქართველოს საგარეო საქმეთა მინისტრის მოადგილე ლაშა დარსალიამ ეუთოს მუდმივი საბჭოს სხდომაზე, სადაც 2008 წელს რუსეთ-საქართველოს ომის 17 წლისთავთან დაკავშირებით იმსჯელეს.როგორც ლაშა დარსალიამ აღნიშნა, საქართველოს მთავრობის მიდგომა და ერთგულება, მტკიცედ დაიცვას ადამიანის ფუნდამენტური უფლებები, დემოკრატია და კანონის უზენაესობა, უცვლელი რჩება და უზრუნველყოფს, რომ ეს ღირებულებები გარანტირებული იყოს საქართველოს ყველა მოქალაქისთვის.„მსურს, გავაკეთო ეროვნული გზავნილები 36 ქვეყნის მიერ გაკეთებული ერთობლივი განცხადების საპასუხოდ, რომელიც ეხება ადამიანის უფლებების მდგომარეობას ჩემს ქვეყანაში. საქართველო სრულად ერთგული რჩება, შეასრულოს ეუთო-ს ადამიანური განზომილებით ნაკისრი ვალდებულებები მას შემდეგ, რაც შეუერთდა ამ ორგანიზაციას, განსაკუთრებით ისინი, რომლებიც ჰელსინკის დასკვნით აქტშია გაწერილი. საქართველოს მთავრობის მიდგომა და ერთგულება, მტკიცედ დაიცვას ადამიანის ფუნდამენტური უფლებები, დემოკრატია და კანონის უზენაესობა, უცვლელი რჩება და უზრუნველყოფს, რომ ეს ღირებულებები გარანტირებული იყოს საქართველოს ყველა მოქალაქისთვის.ამავე დროს, ხაზგასმით უნდა აღინიშნოს, რომ საქართველოს დემოკრატიულად არჩეული მთავრობა დგამს ყველა საჭირო ნაბიჯს, რათა ქვეყანაში უზრუნველყოს კანონის უზენაესობის, გამჭვირვალობისა და ანგარიშვალდებულების პრინციპების განუხრელად დაცვა. იმ ქმედებებზე, რომლებიც ეწინააღმდეგება ეროვნულ ინტერესებსა და ქვეყნის სუვერენიტეტს, რეაგირება ხდება ეროვნული კანონმდებლობის შესაბამისად“, - განაცხადა ლაშა დარსალიამ.2025 წლის 18 სექტემბერს, საქართველოს საგარეო საქმეთა მინისტრის მოადგილე ლაშა დარსალიამ, ეუთოს მუდმივი საბჭოს სხდომის ფარგლებში, გასულ კვირაში, ეუთოს წევრი 36 ქვეყნის მიერ გაკეთებულ ერთობლივ განცხადებას უპასუხა, სადაც აღნიშნული ქვეყნები საქართველოში ადამიანის უფლებების მდგომარეობას აკრიტიკებდნენ.

პოლიტიკა • 1758202210

გია აბაშიძე: აშშ-ის ტოპ ლიდერებისა და ევროკომისიის მიდგომა ექსტრემისტებისადმი არ იწვევს კოგნიტურ დისონანსს, ღირებულებებშია სხვაობა - ამერიკელი კონსერვატორები გმობენ პოლიტიკურ ტერორიზმს, ხოლო ნეოლიბერალი ევროკრატები ახალისებენ

Fox News-თან ინტერვიუში აშშ-ის ვიცე-პრეზიდენტმა ჯეი დი ვენსმა განაცხადა, რომ ქუჩის სისხლიანი ამბოხებები, პოლიციელებზე თავდასხმები და „მოლოტოვის კოქტეილების“ სროლა არის პოლიტიკური ტერორიზმი. ვენსის თქმით, ის არასამთავრობო ორგანიზაციები, რომლებიც ძალადობას აქეზებენ და ახალგაზრდების რადიკალიზაციას ახდენენ, უნდა მიეჯაჭვონ ტერორისტულ სტრუქტურებს და შესაბამისი პასუხისმგებლობა დაეკისროთ - წერს ანალიტიკოსი, გია აბაშიძე, სოციალურ ქსელში.მისივე შეფასებით, აშშ-ის ხელმძღვანელობასა და ევროკრატიას შორის ჭიდილში საქართველო ვერ იქნება პრიორიტეტებში, თუმცა, ვაშინგტონისგან დუმილის გარდა, სხვა გზავნილი რომ მიიღოს სუვერენიტეტის, ტრადიციული ღირებულებების დამცველმა და „დიფ სთეიტის“ საცეცებთან მებრძოლმა „ქართული ოცნების“ ხელისუფლებამ, ურიგო არ იქნება, თუნდაც დაგვიანებულად.„აშშ-ის ტოპ ლიდერებისა და ევროკომისიის მიდგომა ექსტრემისტებისადმი არ იწვევს კოგნიტურ დისონანსს, ღირებულებებშია სხვაობა - ამერიკელი კონსერვატორები გმობენ პოლიტიკურ ტერორიზმს, ხოლო ნეოლიბერალი ევროკრატები ახალისებენ. გასაგებია, რომ სახელმწიფო დეპარტამენტი უწინდელივით ცილისმწამებლურ არზებს არ აქვეყნებს საქართველოს ე.წ. პოლიტპატიმრებზე, თუმცა ბრიუსელი და მისი ვასალები გააფთრებით იცავენ ნაცექსტრემისტებს და ქართველებში მათდამი ანტიპათიის გარდა, ვერაფერს აღწევენ.Fox News-თან ბოლო ინტერვიუში ამერიკის ვიცე-პრეზიდენტმა თანაგუნდელების მსგავსად აღნიშნა, რომ ქუჩის სისხლიანი ამბოხებები, პოლიციელებზე თავდასხმა და ე. წ. მოლოტოვის კოქტეილების სროლა პოლიტიკური ტერორიზმია. ჯეი დი ვენსი ყურადღებას ამახვილებს იმ არასამთავრობო ორგანიზაციების პასუხისგებაში მიცემაზე, რომლებიც აქეზებენ ძალადობას, არეულობას და ახდენენ ახალგაზრდების რადიკალიზებას. ვენსის თქმით, ასეთ არასამთავრობო ორგანიზაციებს ისე მოეპყრობიან, როგორც ტერორისტებს.სამაგიეროდ, საგარეო პოლიტიკაშიც უფხო კაია კალასის პრესმდივანი თავხედურად აცხადებს, რომ მხარს უჭერენ ელენე ხოშტარიას და ყველა ე.წ. პოლიტპატიმარს, ჟურნალისტსა და სამოქალაქო საზოგადოების წარმომადგენელს და მოგვიწოდებენ მათი გათავისუფლებისკენ.აშშ-ს ხელმძღვანელობასა და ევროკრატიას შორის ჭიდილში საქართველო ვერ იქნება ტოპ პრიორიტეტებში. თუმცა, ვაშინგტონისგან დუმილის გარდა სხვა გზავნილი რომ მიიღოს სუვერენიტეტის, ტრადიციული ღირებულებების დამცველმა და „დიფ სთეიტის“ საცეცებთან მებრძოლმა „ქართული ოცნების“ ხელისუფლებამ, ურიგო არ იქნება, თუნდაც დაგვიანებულად“, - წერს აბაშიძე.