მსოფლიო • 1779288575

ტრამპი პუტინის ჩინეთში ვიზიტზე: არ ვიცი, იყო თუ არა დახვედრის ცერემონია ისეთივე ბრწყინვალე, როგორიც ჩემი

აშშ-ის პრეზიდენტმა, დონალდ ტრამპმა პეკინში სი ძინპინისა და ვლადიმირ პუტინის შეხვედრა შეაფასა.ჟურნალისტის კითხვაზე, თუ რას ფიქრობდა ამ შეხვედრაზე, ტრამპმა ყურადღება საკუთარ ვიზიტზე გაამახვილა.„ვფიქრობ, ეს კარგია. მე ორივესთან შესანიშნავი ურთიერთობა მაქვს. თუმცა, არ ვიცი, იყო თუ არა დახვედრის ცერემონია ისეთივე ბრწყინვალე, როგორიც ჩემი. მე ვუყურე მას. ვფიქრობ, ჩვენ მათ ვაჯობეთ“, - განაცხადა ტრამპმა.პუტინის ვიზიტი ჩინეთში ზუსტად მას შემდეგ შედგა, რაც დონალდ ტრამპმა პეკინში საკუთარი ოფიციალური შეხვედრები დაასრულა.  Reporter: What do you make of Xi meeting with Putin this week?Trump: I think it’s good. I get along with both of them. I don’t know if the ceremony was quite as brilliant as mine. I watched. I think we topped them. Good team. pic.twitter.com/yFlKXMfxRF — Clash Report (@clashreport) May 20, 2026

მსოფლიო • 1779273377

Euronews: სი ძინპინმა პუტინს განუცხადა, რომ ახლო აღმოსავლეთში და არა უკრაინაში კონფლიქტის დასრულება „ძალიან მნიშვნელოვანია“

ჩინეთის პრეზიდენტი სი ძინპინი პეკინში რუსეთის პრეზიდენტთან ვლადიმერ პუტინთან გამართული შეხვედრის დროს ახლო აღმოსავლეთში მიმდინარე კონფლიქტს შეეხო და აღნიშნა, რომ საბრძოლო მოქმედებების შეწყვეტა „ძალიან მნიშვნელოვანია“, თუმცა ამ დროისთვის სიტუაცია „კრიტიკულ ეტაპზე“ იმყოფება და ომიდან მშვიდობისკენ იხრება. ინფორმაციას Euronews-ი ავრცელებს.„ჩემი ოთხპუნქტიანი წინადადება ახლო აღმოსავლეთში მშვიდობისა და სტაბილურობის მხარდასაჭერად მიმართულია საერთაშორისო კონსენსუსის გაძლიერებასა და დაძაბულობის განმუხტვაზე, კონფლიქტის დეესკალაციასა და მშვიდობის განვითარებაზე“, - განაცხადა სი ძინპინმა პუტინთან შეხვედრის დროს.ტელეარხის ცნობით, სი ძინპინმა ოთხპუნქტიანი წინადადება პირველად გასულ თვეს აბუ-დაბის მემკვიდრე პრინცთან გამართული შეხვედრის დროს გაახმოვანა.რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა, რომ მოსკოვი მზადაა ხელი შეუწყოს აშშ-სა და ირანს მოლაპარაკებებში.„რუსეთი მზადაა გააკეთოს ყველაფერი აღნიშნული კონფლიქტის დარეგულირებისთვის და მასში ჩართულმა მხარეებმა ეს შესანიშნავად იციან“, - განაცხადა რიაბკოვმა.Euronews-ი აღნიშნავს, რომ უკრაინაში სრულმასშტაბიანი შეჭრის შემდეგ ჩინეთი რუსეთისთვის მნიშვნელოვან საერთაშორისო პარტნიორად იქცა და აღნიშნული დინამიკა დასავლეთის დედაქალაქების, ბრიუსელის ჩათვლით, სულ უფრო მეტ შეშფოთებას იწვევს.

პოლიტიკა • 1779267632

ლევან ბეჟაშვილი: ლევან ხაბეიშვილს ასამართლებენ სპეცრაზმისადმი მიმართვისთვის, რომ არ დაარტყათ საკუთარ ხალხს, არ მოწამლოთ ადამიანები, არ შეასრულოთ უკანონო ბრძანებები

ქართველი ხალხის ბრძოლას ვერ შეაჩერებს ვერც ერთი მოსამართლე, ვერც ერთი განაჩენი, ვერც ერთი ციხე. ბრძოლა გაგრძელდება საბოლოო გამარჯვებამდე. იქამდე, ვიდრე საქართველოში აღარ იარსებებს პოლიტიკური დევნა და ყველა პოლიტპატიმარი თავისუფალი არ იქნება, – ამის შესახებ „ნაციონალური მოძრაობის“ წევრმა, ლევან ბეჟაშვილმა განაცხადა.ბეჟაშვილის თქმით, „რეჟიმს ეშინია თავისუფალი ადამიანის, შეუპოვრობის, იმ ხალხის, ვინც ვერ გატეხეს, ვერ დააშინეს, ვერ იყიდეს“.„დღეს ივანიშვილის სასამართლოს მორიგი პოლიტიკური ეგზეკუციის დღეა. დღეს რუსი ოლიგარქის, საქართველოს ჩრდილოვანი მმართველის — ბიძინა ივანიშვილის მორჩილი მოსამართლე განაჩენს გამოუცხადებს „ერთიანი ნაციონალური მოძრაობის“ პოლიტსაბჭოს თავმჯდომარეს, ლევან ხაბეიშვილს. ეს არ არის სამართალი. ეს არ არის სასამართლო. ეს არის პოლიტიკური ანგარიშსწორების მანქანა, რომელიც 2012 წლიდან ემსახურება მხოლოდ ერთ მიზანს — გაანადგუროს თავისუფალი აზრი, ოპოზიცია და ყველა, ვინც რუსულ რეჟიმს არ ემორჩილება.14 წელია, „ერთიანი ნაციონალური მოძრაობა“ ივანიშვილის რეჟიმის მთავარი სამიზნეა. 14 წელია, ათასობით ადამიანი გახდა ამ რუსული რეჟიმის რეპრესიების მსხვერპლი. 14 წელია, საქართველოში შენდება შიშზე, ძალადობასა და პოლიტიკურ დევნაზე დაფუძნებული პოლიტიკური სისტემა. „ერთიანი ნაციონალური მოძრაობის“ დამფუძნებელი თავმჯდომარე საქართველოს მესამე პრეზიდენტი მიხეილ სააკაშვილი დღეს პუტინის პირადი პატიმარია. ის დატყვევებულია მხოლოდ იმიტომ, რომ საქართველო ევროპისკენ წაიყვანა, დაამარცხა კორუფცია, შექმნა ძლიერი სახელმწიფო და არასოდეს დაუხრია თავი რუსეთის წინაშე.დღეს პოლიტიკურ ტყვეობაში არიან „ერთიანი ნაციონალური მოძრაობის“ ლიდერი ირაკლი ნადირაძე და ჩვენი პარტიის 15 წევრი, თანამებრძოლი ადამიანები, რომლებიც მხოლოდ იმიტომ ისჯებიან, რომ თავისუფლებას, ევროპასა და საქართველოს იცავენ. ახლა კი რეჟიმს სურს, გაასამართლოს ლევან ხაბეიშვილი. რისთვის? იმისთვის, რომ ხალხის მხარეს იდგა. იმისთვის, რომ არ შეეშინდა. იმისთვის, რომ სიმართლე თქვა. ლევან ხაბეიშვილს ასამართლებენ, რადგან მან მიმართა სპეცრაზმს და უთხრა — არ დაარტყათ საკუთარ ხალხს, არ მოწამლოთ ადამიანები მხუთავი გაზით, არ შეასრულოთ უკანონო და დანაშაულებრივი ბრძანებები, არ გახდეთ რუსული რეჟიმის ბრმა იარაღი საკუთარი ხალხის წინააღმდეგ. სწორედ ეს სიტყვები გახდა მათი შურისძიების მიზეზი.რეჟიმს ეშინია თავისუფალი ადამიანის, ეშინია შეუპოვრობის, იმ ხალხის, ვინც ვერ გატეხეს, ვერ დააშინეს, ვერ იყიდეს. ივანიშვილმა კარგად უნდა გაიგოს — ვერც ერთი მოსამართლე, ვერც ერთი განაჩენი, ვერც ერთი ციხე ვერ შეაჩერებს ქართველი ხალხის ბრძოლას. ეს ბრძოლა გაგრძელდება საბოლოო გამარჯვებამდე. გაგრძელდება იქამდე, ვიდრე საქართველოში აღარ იარსებებს პოლიტიკური დევნა და ყველა პოლიტპატიმარი თავისუფალი არ იქნება; საქართველო საბოლოოდ არ დაბრუნდება ევროპულ გზაზე. ამ ბრძოლაში გამარჯვებული იქნება ქართველი ხალხი. თავისუფლება აუცილებლად გაიმარჯვებს“, – განაცხადა ლევან ბეჟაშვილმა.

მსოფლიო • 1779264241

სი ძინპინმა და პუტინმა სტრატეგიული კოორდინაციის გაძლიერებისა და მეგობრული თანამშრომლობის გაღრმავების შეთანხმებას მოაწერეს ხელი

ჩინეთისა და რუსეთის პრეზიდენტებმა, სი ძინპინმა და ვლადიმერ პუტინმა ორ ქვეყანას შორის სტრატეგიული კოორდინაციის გაძლიერების და „კეთილმეზობლური და მეგობრული თანამშრომლობის გაღრმავების“ შესახებ შეთანხმებას მოაწერეს ხელი. ინფორმაციას ამის შესახებ „ბიბისის“ ავრცელებს.შეთანხმებას ვლადიმერ პუტინის პეკინში ვიზიტის ფარგლებში მოეწერა ხელი.როგორც „ბიბისი“ წერს, საერთო ჯამში რუსეთისა და ჩინეთის ლიდერებმა 20-ზე მეტი დოკუმენტს, მათ შორის ვაჭრობასა და ტექნოლოგების სფეროში შეთანხმებას მოაწერეს ხელი.ხელმოწერის ცერემონიის დასრულების შემდეგ სი ძინპინმა განაცხადა, რომ ჩინეთ-რუსეთის ურთიერთობებმა „სტრატეგიული პარტნიორობის უმაღლეს დონეს“ მიაღწია. მისივე თქმით, ორი ქვეყანა ერთმანეთს ურთიერთპატივისცემით ეპყრობა, როგორც თანასწორებს და ერთმანეთისთვის სტრატეგიულ დასაყრდენებად უნდა დარჩნენ.„ჩინეთმა და რუსეთმა ასევე მტკიცედ უნდა შეასრულონ პასუხისმგებლიანი დიდი ძალების როლი, რათა დაიცვან საერთაშორისო სამართლიანობა და წინააღმდეგობა გაუწიონ ყველა ცალმხრივ ზეწოლას და ქმედებას, რომელიც ისტორიას უკან აბრუნებს“, – განაცხადა სი ძინპინმა.

მსოფლიო • 1779264157

პუტინი: ჩინეთი და რუსეთი უნდა შეეწინააღმდეგონ ყველა სახის დაშინებას

ჩინეთი და რუსეთი უნდა შეეწინააღმდეგონ ყველა სახის დაშინებას, – ამის შესახებ რუსეთის პრეზიდენტმა, ვლადიმერ პუტინმა პეკინში ჩინეთის ლიდერ სი ძინპინთან შეხვედრის დროს განაცხადა.მისივე თქმით, ორ ქვეყანას შორის ურთიერთობამ უპრეცედენტო დონეს მიაღწია. პუტინმა ასევე აღნიშნა, რომ მოსკოვი მზადაა, გააგრძელოს პეკინის ენერგომომარაგება.რუსეთის პრეზიდენტის თქმით, მოსკოვს საერთაშორისო ასპარეზზე სტაბილიზაციის მნიშვნელოვანი როლი აქვს.„რუსეთი და ჩინეთი დამოუკიდებელი საგარეო პოლიტიკის გატარების ერთგულნი არიან. ორივე ქვეყანა საერთაშორისო ასპარეზზე სტაბილიზაციის როლს ასრულებს“, – განაცხადა მან.

მსოფლიო • 1779258708

კრემლში აცხადებენ, რომ სტივ უიტკოფი უახლოეს მომავალში რუსეთს ეწვევა

აშშ-ს პრეზიდენტის სპეციალური წარმომადგენელი სტივ უიტკოფი უახლოესს მომავალში რუსეთს ეწვევა. ამის შესახებ რუსეთის პრეზიდენტის, სპეციალურმა წარმომადგენელმა, კირილ დმიტრიევმა რუსულ მედიასთან საუბრისას განაცხადა.დმიტრიევს არ დაუკონკრეტებია ზუსტი დრო, თუ როდის ეწვევა უიტკოფი მოსკოვს თუმცა აღნიშნა, რომ ვიზიტი უახლოეს მომავალში იგეგმება.ცნობისთვის, უიტკოფი ბოლოს მოსკოვს გასული წლის დეკემბერში, ჯარედ კუშნერთან ერთად სტუმრობდა. მათ პუტინთან რამდენიმე საათიანი შეხვედრა გამართეს უკრაინის ომის დასრულების პოტენციურ გზებზე, თუმცა რაიმე კონკრეტული შეთანხმების მიღწევა ვერ მოხერხდა.

მსოფლიო • 1779258409

პეკინში ვლადიმერ პუტინისა და სი ძინ პინის შეხვედრა მიმდინარეობს

პეკინში ჩინეთისა და რუსეთის პრეზიდენტების შეხვედრა მიმდინარეობს. ლიდერები ორმხრივ ურთიერთობებს, ასევე აქტუალურ რეგიონულ და საერთაშორისო საკითხებს განიხილავენ.შეხვედრის დაწყებამდე ვლადიმერ პუტინმა სი ძინ პინს განუცხადა, რომ მომდევნო წელს რუსეთში ელოდება და აღნიშნა, რომ პეკინსა და მოსკოვს შორის ურთიერთობები ხელს უწყობს გლობალურ სტაბილურობას.„როგორც ვიცით, ჩინეთში ამბობენ: „ერთი დღით განშორება სამ შემოდგომას ჰგავს“. ჩვენ ძალიან გვიხარია თქვენი ნახვა. ჩვენ მუდმივ კავშირში ვართ, როგორც პირადად, ისე ჩვენი თანაშემწეებისა და მთავრობების მეშვეობით. სიამოვნებით ვიხსენებ, თუ როგორ მივიღეთ შარშან ერთად მონაწილეობა მეორე მსოფლიო ომში გამარჯვების მე-80 წლისთავის აღნიშვნის ზეიმში. 25 წლის წინ ჩვენმა ქვეყნებმა ხელი მოაწერეს კეთილმეზობლობისა და მეგობრული თანამშრომლობის ხელშეკრულებას, ამ ფუნდამენტურ სახელმწიფოთაშორის დოკუმენტს, რომელიც ყველა სფეროში თანამშრომლობის საფუძვლად გვემსახურება და დღესაც არ დაუკარგავს აქტუალობა“, – განაცხადა პუტინმა შეხვედრის დაწყებამდე.თავის მხრივ, ჩინეთის ლიდერმა აღნიშნა, რომ ქვეყნებს შორის ურთიერთობების ამ დონემდე მიღწევის მიზეზი ის არის, რომ მათ შეუძლიათ, გააღრმავონ საერთო პოლიტიკური ნდობა და სტრატეგიული თანამშრომლობა.„ამჟამინდელი საერთაშორისო სიტუაცია რთული და არასტაბილურია, ცალმხრივი ჰეგემონიით. როგორც გაერო-ს უშიშროების საბჭოს მუდმივმა წევრებმა და მნიშვნელოვანმა მსოფლიო ძალებმა, ჩინეთმა და რუსეთმა უნდა შეიმუშავონ გრძელვადიანი სტრატეგიული ხედვა და ითანამშრომლონ უფრო სამართლიანი და თანასწორი გლობალური მმართველობის სისტემის შესაქმნელად“, – აღნიშნა სი ძინ პინმა.

მსოფლიო • 1779257539

მერცი: ვლადიმერ პუტინის ჩინეთში ვიზიტს იმ იმედს ვუკავშირებთ, რომ სი ძინპინი პუტინს მოუწოდებს, შეწყვიტოს ომი უკრაინაში, რომელსაც ის ვერ მოიგებს

გერმანიის კანცლერი ფრიდრიხ მერცი იმედოვნებს, რომ ჩინეთის ლიდერი რუს კოლეგას შეხვედრისას უკრაინის წინააღმდეგ ომის დასრულებისკენ მოუწოდებს. ამის შესახებ „დოიჩე ველე“ წერს.„ჩვენ, რა თქმა უნდა, ამ ვიზიტს იმ იმედს ვუკავშირებთ, რომ პრეზიდენტი სი პუტინს მოუწოდებს, შეწყვიტოს ეს ომი უკრაინაში, რომელსაც ის ვერ მოიგებს“, – განაცხადა კანცლერმა ბერლინში შვეიცარიის პრეზიდენტთან შეხვედრის შემდეგ.მან ასევე აღნიშნა, რომ ამ ეტაპზე არ ელოდება რუსეთსა და ჩინეთს შორის სტრატეგიულ ურთიერთობებში ფუნდამენტურ ცვლილებას.

პოლიტიკა • 1779249413

პეკინში ვლადიმერ პუტინისა და სი ძინპინის შეხვედრა მიმდინარეობს

 ჩინეთის დედაქალაქ პეკინში რუსეთისა და ჩინეთის პრეზიდენტების, ვლადიმერ პუტინისა და სი ძინპინის შეხვედრა დაიწყო, - ინფორმაციას რუსული მედია ავრცელებს.მათივე ინფორმაციით, ლიდერები ორმხრივი ურთიერთობების სრულ სპექტრს, ასევე აქტუალურ რეგიონულ და საერთაშორისო საკითხებს განიხილავენ.რუსეთის პრეზიდენტი ორდღიანი ოფიციალური ვიზიტით ჩინეთში გუშინ საღამოს ჩავიდა.რუსეთის მხრიდან დელეგაციის შემადგენლობაში არიან : საგარეო საქმეთა მინისტრი სერგეი ლავროვი, პრემიერ-მინისტრის პირველი მოადგილე დენის მანტუროვი, ვიცე-პრემიერები ტატიანა გოლიკოვა, ალექსანდრე ნოვაკი, იური ტრუტნევი, დიმიტრი ჩერნიშენკო, პრეზიდენტის ადმინისტრაციის უფროსის მოადგილე მაქსიმ ორეშკინი, პრეზიდენტის თანაშემწე იური უშაკოვი, ჩინეთში რუსეთის ელჩი იგორ მორგულოვი და სხვა პირები.

მსოფლიო • 1779211119

ვლადიმერ პუტინი ჩინეთში ჩავიდა

რუსეთის პრეზიდენტი ვლადიმერ პუტინი პეკინში ოფიციალური ვიზიტით ჩავიდა.რუსეთის პრეზიდენტს აეროპორტში ჩინეთის საგარეო საქმეთა მინისტრი ვანგ ი დახვდა.რუსეთის ლიდერის ჩინეთში ვიზიტი 19-20 მაისს შედგება. პუტინი ჩინეთში სი ძინპინის მიწვევით იმყოფება.ჩინეთის საგარეო საქმეთა სამინისტროს ცნობით, ორი პრეზიდენტი დისკუსიას გამართავს ორმხრივ ურთიერთობებზე, სხვადასხვა სფეროში თანამშრომლობაზე, ასევე, ორმხრივი ინტერესის საერთაშორისო და რეგიონულ საკითხებზე.ჩინეთის საგარეო საქმეთა სამინისტროს განცხადებით, ორივე მხარე შეეცდება, გამოიყენებს ეს შესაძლებლობა ურთიერთობების გასაძლიერებლად, რათა მსოფლიოში მეტი სტაბილურობა დამყარდეს. ამასთან, როგორც ცნობილია, ოფიციალური ვიზიტის ფარგლებში პუტინი ჩინეთის პრემიერ-მინისტრს, ლი ციანსაც შეხვდება და მასთან სავაჭრო-ეკონომიკურ საკითხებს განიხილავს.„როიტერის“ ინფორმაციით, ეს პუტინის რიგით 25-ე ვიზიტია ჩინეთში. მათივე ცნობით, წელს ჩინეთ-რუსეთის სტრატეგიული კოორდინაციის პარტნიორობის დამყარების 30 წლისთავი და ჩინეთ-რუსეთის კეთილმეზობლობისა და მეგობრული თანამშრომლობის შესახებ ხელშეკრულების ხელმოწერის 25 წლისთავი აღინიშნება.ამასთან, რუსული მედიის ცნობით, მხარეები ყოვლისმომცველი პარტნიორობისა და სტრატეგიული თანამშრომლობის შემდგომი გაძლიერების შესახებ დაახლოებით, 40 დოკუმენტს მოაწერენ ხელს.

მსოფლიო • 1779196920

პეკინმა უარყო „ფაინენშალ თაიმსის“ ინფორმაცია, რომლის თანახმადაც, სი ძინპინმა დონალდ ტრამპთან საუბრისას ვლადიმერ პუტინი გააკრიტიკა

პეკინმა უარყო „ფაინენშალ თაიმსის“ ინფორმაცია, რომ სი ძინპინმა დონალდ ტრამპთან დისკუსიის დროს ვლადიმერ პუტინი გააკრიტიკა.ჩინეთის საგარეო საქმეთა სამინისტროს წარმომადგენელმა განაცხადა, რომ ბრიტანული გამოცემის პუბლიკაცია „სრული გამონაგონია“.„ფაინენშალ თაიმსის“ ცნობით, ჩინეთის სახალხო რესპუბლიკის პრეზიდენტმა აშშ-ის პრეზიდენტს უთხრა, რომ პუტინმა შეიძლება, „ინანოს“ უკრაინის წინააღმდეგ ომის დაწყების გადაწყვეტილება. რუსეთის სამხედრო აგრესიასთან დაკავშირებით სხვა დეტალები გამოცემას არ მოჰყავს.ჩინეთში ტრამპის ვიზიტი 13–15 მაისს გაიმართა. ეს იყო მისი მეორე შეხვედრა სი ძინპინთან თეთრ სახლში დაბრუნების შემდეგ. „ფაინენშალ თაიმსი“ აღნიშნავს, რომ ჩინეთის ლიდერის სავარაუდო განცხადებების შესახებ ინფორმაცია გავრცელდა ჩინეთში პუტინის ვიზიტის ფონზე, რომელიც 19–20 მაისს შედგება.

მსოფლიო • 1779172217

Financial Times: სი ძინპინმა ტრამპს უთხრა, რომ პუტინმა უკრაინაში შეჭრა, შესაძლოა, „ინანოს

ჩინეთის პრეზიდენტმა, სი ძინპინმა გასულ კვირას აშშ-ის ლიდერთან, დონალდ ტრამპთან პეკინში გამართული მოლაპარაკებების დროს განაცხადა, რომ რუსეთის პრეზიდენტმა, ვლადიმერ პუტინმა საბოლოო ჯამში, შესაძლოა, უკრაინაში შეჭრა ინანოს. ინფორმაციას Financial Times-ი ავრცელებს.გამოცემას რამდენიმე წყარომ განუცხადა, რომ ჩინეთის ლიდერმა აღნიშნული განცხადება გაფართოებულ ფორმატში მიმდინარე მოლაპარაკებების დროს გააკეთა, როცა უკრაინის საკითხი განიხილებოდა.ტრამპმა, თავის მხრივ, სი ძინპინს განუცხადა, რომ პუტინთან ერთად მათ სამივემ სისხლის სამართლის საერთაშორისო სასამართლოს წინააღმდეგ უნდა ითანამშრომლონ.როგორც Financial Times-ი წერს, სი ძინპინის განცხადება პუტინის სინანულთან დაკავშირებით უფრო მკაფიოდ ჟღერდა, ვიდრე ადრე გაკეთებული განცხადებები.