სპორტი • 1746005343

მჯერა, რომ „პარი სენ-ჟერმენისთვის“ ყველაფერი შესაძლებელია - ხვიჩა კვარაცხელია

უეფა-ს ოფიციალურმა გვერდმა ხვიჩა კვარაცხელიას ინტერვიუ ჩამოართვა, სადაც საქართველოს ნაკრებისა და „პარი სენ-ჟერმენის“ თავდამსხმელმა ფრანგულ კლუბზე, მწვრთნელზე, თანაგუნდელებსა და ჩემპიონთა ლიგაზე საკუთარ და გუნდის მიზნებზე ისაუბრა. 24 წლის ფეხბურთელი არ მალავს, რომ ჩემპიონთა ლიგის პირველი ტიტულის მოპოვების მოლოდინშია.ლუის ენრიკეს სიკეთესა და „პარი სენ-ჟერმენის“ შეტევის მრავალფეროვნებაზე„ჩვენ ბევრი მაღალი დონის თავდამსხმელი გვყავს, სწორედ ამან გვაქცია ერთ-ერთ ყველაზე საშიშ გუნდად“, – თქვა პარიზელთა თავდამსხმელმა, როდესაც მისი გუნდი უეფა-ს ჩემპიონთა ლიგის ნახევარფინალში „არსენალთან“ მატჩისთვის ემზადებოდა.კვარაცხელია „პარი სენ-ჟერმენს“ „ნაპოლიდან“ იანვარში შეუერთდა, თუმცა ქართველი საქმეს სწრაფად შეუდგა და უკვე მნიშვნელოვანი წვლილი შეიტანა ჩემპიონთა ლიგის ნახევარფინალში გასვლაში.პარიზში გადასვლაზე„რთულია, როდესაც გუნდს შუა სეზონში უერთდები, ახალ გარემოსთან ადაპტაციისთვის დრო ცოტაა. თუმცა, ვფიქრობ, ეს საკმაოდ კარგად შევძელი, რაც პერსონალის, მწვრთნელების, კლუბის და, რა თქმა უნდა, ფეხბურთელების დამსახურებაა. ცხოვრებაშიც მნიშვნელოვანია, როდესაც მიგიღებენ და გაგრძნობინებენ, თითქოს მათთან დიდი ხანია ხარ.პარიზში გულშემატკივრების მხრიდანაც დიდი მხარდაჭერა ვიგრძენი. როდესაც მოედანზე გავდივარ, თავს ბედნიერად და დიდ ფეხბურთელად ვგრძნობ. ეს ყველაფერი კლუბის დამსახურებაა – აქ ისე გექცევიან, რომ საკუთარი თავის რწმენა გქონდეს და გააცნობიერო, თუ რამდენად ღირებული მოთამაშე ხარ“.ლუის ენრიკე პატივისცემით მექცევა…„მწვრთნელის როლი ფეხბურთელის კარიერაში წარმოუდგენლად მნიშვნელოვანია. ლუის ენრიკემ თავისი ადამიანური თვისებებითა და ფეხბურთელებთან დამოკიდებულებით დიდი შთაბეჭდილება მოახდინა. როდესაც მწვრთნელი მშვიდად გიხსნის ყველაფერს, მოთამაშე უფრო მეტად ცდილობს, რომ უკეთესად ითამაშოს. ლუის ენრიკე გაგრძნობინებს, როგორც მოედანზე, ასევე მის მიღმა, რომ ყველაფერი უნდა გასცე კლუბისთვის და გულშემატკივრებისთვის. ის ფეხბურთელებს დიდი პატივისცემით ექცევა, ყველაზე დიდი შთაბეჭდილება სწორედ მისმა ადამიანურმა თვისებებმა მოახდინა“.ჩემპიონთა ლიგის მოგება შესაძლებელია„ჩემპიონთა ლიგა ფეხბურთში ყველაზე დიდი საკლუბო ტურნირია. ყველა ფეხბურთელი ოცნებობს იქ თამაშზე და ყველას მოგება სურს, თუმცა ეს წარმოუდგენლად რთულია. სახელი თავისთავად ყველაფერზე მეტყველებს – ეს ჩემპიონებისთვის განკუთვნილი ტურნირია. ნახევარფინალში მოხვედრილ ყველა გუნდს აქვს უნარი, გამარჯვებული გახდეს. ვცდილობთ, თავი საუკეთესოდ წარმოვაჩინოთ და ვფიქრობ, რომ ძალიან კარგად გამოგვდის. მთავარია, სრულად ვიყოთ კონცენტრირებულნი ყველა მატჩზე, რომელიც წინ გველის. მჯერა, რომ „პარი სენ-ჟერმენისთვის“ ყველაფერი შესაძლებელია“... სრულად

კრიმინალი • 1745833560

„... ჰომოსექსუალ კაცებთან ურთიერთობდა, შემდეგ ისინი სახლში მოჰყავდა და კლავდა " - სერიული მკვლელის საქმე, რომელიც ცხედრებს საკუთარ ეზოში მარხავდა

ჰერბ ბაუმეისტერის ცხოვრება ჩვეულებრივად მიედინებოდა. ცოლთან და 3 შვილთან ერთად ინდიანაპოლისში, კონკრეტულად კი ვესტფილდში, 1 მილიონ დოლარად შეფასებულ ვილაში ცხოვრობდა. თუმცა, ერთ დღესაც პოლიციამ აღმოაჩინა, რომ ჰერბს ორმაგი ცხოვრება ჰქონდა. ის ღამის კლუბებს ხშირად სტუმრობდა, ჰომოსექსუალ მამაკაცებთან ურთიერთობდა, შემდეგ ისინი სახლში მოჰყავდა, კლავდა და მათს ცხედრებს კუთვნილ მამულში მარხავდა. წლების მანძილზე ჰერბის სასტიკი მკვლელობების შესახებ არავინ არაფერი იცოდა. ყველაფერი 1994 წელს შეიცვალა, როდესაც ჰერბის 13 წლის ვაჟმა მამულთან ახლოს მდებარე ტყეში თავის ქალა და ძვლების გროვა აღმოაჩინა.  ამ ამბიდან 2 წლის შემდეგ პოლიციამ მამულის ეზოში ადამიანის 10 000-მდე ძვალი იპოვა. პოლიცია ჰერბის დაკავებას აპირებდა, თუმცა მან კანადის პარკში ცეცხლსასროლი იარაღით ჭრილობა მიიყენა და გარდაიცვალა. პოლიციამ 8 მსხვერპლის იდენტიფიცირება შეძლოა, რომლებიც სხვადასხვა დროს გაუჩინარდნენ. 

სპორტი • 1744372200

კვარაცხელია ადასტურებს, რომ უნივერსალური ფეხბურთელია - ფრანგული გამოცემა

საქართველოს ნაკრების თავდამსხმელი ხვიჩა კვარაცხელია „პარი სენ-ჟერმენს“ ჩემპიონთა ლიგაზე „ასტონ ვილას“ დამარცხებაში არა მხოლოდ არაჩვეულებრივი გოლით დაეხმარა, არამედ დაცვაში კარგი თამაშითაც – ამის შესახებ ფრანგული გამოცემა „ეკიპი“ წერს.რამდენიმე თვეში კვარაცხელია უკვე პსჟ-ს ლიდერია„ხვიჩა კვარაცხელია „ასტონ ვილასთან“ (3:1) მატჩში პარიზელთა ყველაზე აქტიური თავდამსხმელი იყო. ბირმინგემელთა მცველს, აქსელ დისასს დიდხანს ემახსოვრება ქართველი როგორ გასცდა დრიბლინგით და ჩემპიონთა ლიგაზე მეოთხე გოლი გაიტანა (ორი „ნაპოლიში“ და ორი პსჟ-ში).კვარაცხელიამ საფრანგეთის ჩემპიონის შემადგენლობაში, ყველა ტურნირზე, იმდენი საგოლე მოქმედება დააგროვა (17 მატჩი, 4 გოლი და 4 საგოლე გადაცემა), რამდენიც „ნაპოლიში“ სეზონის პირველ ნახევარში (19 მატჩი, 5 გოლი, 3 საგოლე გადაცემა). „ანჟესთან“ მოგებულ შეხვედრაში (1:0), სწორედ მისი გადაცემით გაიტანა დეზირე დუემ ერთადერთი გოლი, რომელმაც კვარაცხელიას ახალ კლუბს საფრანგეთის ჩემპიონის ტიტული მოუტანა.„ასტონ ვილასთან“ 24 წლის თავდამსხმელი პარიზელთა ყველაზე აქტიური ფორვარდი იყო, შესანიშნავი გოლის გარდა, კარში ხუთჯერ დაარტყა და მეტოქის საჯარიმოში ბურთს 11-ჯერ შეეხო.ხვიჩა გუნდს დაცვაშიც აქტიურად ეხმარებოდა, მისი ჭკვიანური მოქმედებები „ასტონ ვილას“ შეტევების განვითარებაში ხელს უშლიდა. კვარაცხელიას დაცვაში კარგი თამაში მატჩის შემდეგ პარიზელთა მთავარმა მწვრთნელმა, ლუის ენრიკემაც აღნიშნა.შესაძლოა, სწორედ ამ უნარით აიძულა სამწვრთნელო შტაბი, ბრედლი ბარკოლაზე წინ დაეყენებინათ. ამ ტიპის თამაშით კვარაცხელია ადასტურებს, რომ უნივერსალური ფეხბურთელია, მის ტექნიკურ მოქმედებები კი ძველებურად ეფექტურია“, – წერს ფრანგული გამოცემა.

სპორტი • 1744359548

კვარაცხელიასთან ერთად „ნაპოლის“ იტალიის ჩემპიონობის მეტი შანსი ექნებოდა - იტალიური გამოცემა

„ხვიჩა კვარაცხელიამ „ნაპოლი“ მხოლოდ ერთი მიზეზის გამო დატოვა, სიმართლე გაირკვა“, – ამ სათაურით იტალიურმა ონლაინ-გამოცემა „არეა ნაპოლიმ“ სტატია გამოაქვეყნა და „ნაპოლიდან“ ხვიჩას წასვლის მიზეზი დაასახელა.„ბევრმა ნეაპოლელმა უყურა ჩემპიონთა ლიგის მეოთხედფინალის პირველ მატჩს პსჟ-სა და „ასტონ ვილას“ შორის და კვარაცხელიას სიხარული გაიზიარა, რომელიც შეხვედრის მთავარი გმირი იყო – მის მიერ გატანილი გოლით ფრანგები 2:1 დაწინაურდნენ, შეხვედრა კი 3:1 მოიგეს.ხვიჩა კვარაცხელიასთან ერთად „ნაპოლის“, რა თქმა უნდა, სკუდეტოს მოგების მეტი შანსი ექნებოდა, თუმცა, იანვარში ფეხბურთელმა პსჟ-ში გადასვლა გადაწყვიტა. დამშვიდობების მიზეზი მხოლოდ ფინანსური ხასიათის შეიძლება იყოს – ფრანგულმა კლუბმა ქართველ თავდამსხმელს დაახლოებით 10 მილიონი ევრო შესთავაზა.„ნაპოლის“ კვარაცხელიასთან ახალი კონტრაქტი სკუდეტოს მოგებისთანავე უნდა გაეფორმებინა. ასე რომ მოქცეულიყო, მხარეებს შორის ურთიერთობა არ დაიძაბებოდა. თუმცა, ეს ტრანსფერი მაინც გარდაუვალი იყო, რადგან „ნაპოლი“ ვერ შეძლებდა დიდი თანხის შეთავაზებას“, – წერს „არეა ნაპოლი“.კვარაცხელიაზე თავის მოსაზრება ჟურნალისტმა რაფაელ აურიემმაც გამოთქვა: „კლუბმა შეცდომა დაუშვა – სკუდეტოს მოგებისთანავე კვარაცხელიასთან კონტრაქტი უნდა გაეხანგრძლივებინა და მისთვის ხელფასი გაეზარდა, რადგან ის ლიგის საუკეთესო მოთამაშე იყო, მაგრამ „ნაპოლის“ ხელმძღვანელობამ სხვაგვარად გადაწყვიტა და შედეგიც შესაბამისია – გუნდის საუკეთესო ფეხბურთელმა წასვლა გადაწყვიტა“.

ისტორიები • 1744061336

"მისი სიცოცხლის გადასარჩენად არავინ არაფერი გააკეთა..." - დაუჯერებელი ისტორია, რომელსაც 16 წლის გოგონა ემსხვერპლა

 სილვია ლიკენსის ცნობილი მკვლელობის ამბავი ჭირივით გავრცელდა ინდიანაპოლისში 1965 წელს. ღარიბი მოზარდი სასტიკი სიკვდილით გარდაიცვალა მუდმივი წამების შედეგად. ირგვლივ ყველამ იცოდა, რომ 16 წლის მოზარდს აწამებდნენ, მაგრამ მისი სიცოცხლის გადასარჩენად არავინ არაფერი გააკეთა.გოგონას მშობლები, ელიზაბეტ და ლესტერ ლაიკენსები მთელი მსოფლიოს მასშტაბით მოგზაურობდნენ და ცირკში თავიანთ ნომრებს წარადგენდნენ. სილვიას გარდა, მათ ოთხი შვილი ჰყავდათ. უმცროს შვილს, ჯენს, კუნთების პრობლემები ჰქონდა და დამოუკიდებლად სიარულს ვერ ახერხებდა. სილვია უფროსი იყო და მშობლები მომთაბარე ცხოვრების გამო, უმცროს და-ძმაზე ზრუნვა მის მხრებზე გადავიდა.სახლში მორიგი დაბრუნების შემდეგ, ლაიკენსებს დიდი ჩხუბი მოუვიდათ. ქმარი სახლიდან გაბრაზებული წავიდა და გასტროლებზე ახალ ჯგუფს გაჰყვა. სახლში დაბრუნების შემდეგ კი აღმოაჩინა, რომ მისი ცოლი ქურდობის ბრალდებით დაუკავებიათ, მისი შვილები კი მეზობელთან, გერტრუდა ბანიშევსკისთან იყვნენ. მამას  შვილების მოვლა არ შეეძლო. ამიტომაც, მამაკაცმა მოიფიქრა, 3 შვილი თავისთან წაიყვანა, პატარა ჯენი კი მეზობელთან დაეტოვებინა. თუმცა რაკი ჯენი სილვიას განსაკუთრებით მიეჯაჭვა, მამამ გადაწყვიტა, რომ ისიც მეზობლისთვის მიებარებინა და მათზე მზრუნველობისთვის კვირაში 20 დოლარი გადაეხადა.თავდაპირველად, ჯენი და სილვია ახალ ოჯახში შედარებით მშვიდად ცხოვრობდნენ. ჯოჯოხეთი მეორე კვირას დაიწყო. პირველად ქალმა სილვია სწორედ მაშინ სცემა. სილვია ცემის დროს არაფერს ამბობდა, რადგანაც ფიქრობდა, რომ თუ ქალს შეეწინააღმდეგებოდა, უარესს მიიღებდა. გერტრუდა დუმილით კიდევ უფრო წახალისდა და ახლა გოგონების ცემამ სისტემატური ხასიათი მიიღო დროთა განმავლობაში გერტრუდამ მინიმალური საკვების მიცემაც შეწყვიტა და გოგონები, ფაქტობრივად, შიმშილობდნენ. ქალი ბავშვებს კანზე სიგარეტსაც ხშირად აწვამდა.სილვია სულ უფრო მეტად სუსტდებოდა, თირკმელების პრობლემები შეექმნა და უნებლიე შარდვა განუვითარდა. ამის შემდეგ ის სარდაფში გამოკეტეს და გარეთ აღარ უშვებდნენ.გერტრუდას სკოლის დირექციისთვის არ აუხსნია, თუ რატომ შეწყვიტა სილვიამ სიარული. ამიტომაც, ერთ დღეს სკოლის მედდა მათთან სახლში მივიდა. გერტრუდა ჯენს დაემუქრა, რომ თუ სილვიაზე სიტყვა წამოსცდებოდა, მასაც სარდაფში ჩააგდებდა და სასტიკად სცემდა. ბავშვსაც სკოლის ექთანთან ხმა არ ამოუღია. თავად გერტრუდამ მედდას განუცხადა, რომ სილვია სახლიდან გაიპარა და მეძავობა აირჩია.ერთხელ გერტრუდა შვილებთან ერთად სარდაფში ჩავიდა და გოგონას ცხელი ნემსით მუცელზე ამოატვიფრა: „მე მეძავი ვარ და ამით ვამაყობ“. შემდეგ სარდაფში მეზობლის ბიჭი შეუშვა, რომელმაც გოგონა გააუპატიურა. სიკვდილამდე 5 დღით ადრე სილვიამ გაქცევა სცადა, თუმცა ის დაიჭირეს და ისევ სარდაფში ჩააგდეს.ამის შემდეგ, ქალი 5 ცენტად მეზობლის ბიჭებს სილვიასთან უშვებდა და უფლებას აძლევდა, რაც მოუნდებოდათ, ის გაეკეთებინათ. ზოგი მდუღარე წყალს ასხამდა, ზოგი სიგარეტს აქრობდა მის კანზე, ზოგი აუპატიურებდა. 1965 წლის 26 ოქტომბერს სასტიკად ნაწამები გოგონა გარდაიცვალა. სიკვდილამდე გერტრუდამ გოგონას ძალით დააწერინა წერილი, სადაც ის ამბობდა, რომ მეზობელ ბიჭებთან ერთად პროსტიტუციაში იყო ჩართული. ჯენი ხმას ვერ იღებდა. თუმცა, ერთ-ერთ პოლიციელს ჩასჩურჩულა, რომ თუ სახლიდან წაიყვანდა, ყველაფერს მოუყვებოდა.პოლიციამ გერტრუდაც, მისი შვილებიც და მეზობლებიც დააკავა. გერტრუდა ბანიშევსკის სიკვდილით დასჯა მიესაჯა, რაც მოგვიანებით სამუდამო პატიმრობით შეეცვალა. მის ქალიშვილს, პაულას, ასევე სამუდამო პატიმრობა მიუსაჯეს. მეზობლის ბიჭებს კი, რომლებიც გოგონაზე ძალადობდნენ და აუპატიურებდნენ, 20-20-წლიანი პატიმრობა მიესაჯათ.გერტრუდას სასჯელი ბოლომდე არ მოუხდია. ის 1985 წელს გაათავისუფლეს. მოგვიანებით ქალმა თქვა, რომ ნარკოტიკული საშუალებების ზემოქმედების ქვეშ იყო, სილვიას საერთოდ ვერ ცნობდა და ვერც იმ საქციელს იაზრებდა, რასაც მის მიმართ ახორციელებდა. ქალი გათავისუფლებიდან რამდენიმე წელში ფილტვის კიბოთი გარდაიცვალა.პაულაც დროზე ადრე გაათავისუფლეს. მან გვარი შეიცვალა და სკოლაში ფსიქოლოგად მუშაობა დაიწყო. სამსახურიდან 2012 წელს გაათავისუფლეს.

Crystalsport • 1743597857

„იმედია, კვარაცხელიას შემთხვევა აღარ გამეორდება“ - იტალიელი აგენტი ნაპოლიზე

ცნობილმა იტალიელმა საფეხბურთო აგენტმა, გაეტანო ფედელემ Radio Marte-ს ეთერში „ნაპოლის“ ამჟამინდელ მდგომარეობაზე ისაუბრა და იმ ფეხბურთელებს შეეხო, რომლებსაც უახლოეს პერიოდში კლუბთან კონტრაქტის გახანგრძლივება უწევთ.ფედელეს მხედველობაში სტანისლავ ლობოტკა და ანდრე-ფრანკ ზამბო ანგისა მოხვდნენ. იტალიელი სპეციალისტი აღნიშნავს, რომ „ნაპოლიმ“ ამ ფეხბურთელებთან იგივე შეცდომა არ უნდა გაიმეოროს, რაც ხვიჩა კვარაცხელიასთან მიმართებით დაუშვა.რას ამბობს ფედელე:„იმედი მაქვს, ლობოტკასთან და ანგისასთან მიმართებით კვარაცხელიას შემთხვევა აღარ განმეორდება. მათ მალე კონტრაქტის განახლება უწევთ და მათი შენარჩუნება მნიშვნელოვანი იქნება...“განაგრძე კითხვა

სპორტი • 1743188056

ნაპოლისთან შედარებით 9-ჯერ მეტი - რამდენს გამოიმუშავებენ კვარაცხელია, მიქაუტაძე და დავითაშვილი საფრანგეთში

 L’Equipe-ის მიხედვით, ხვიჩა კვარაცხელია საფრანგეთის ლიგა 1-ის მე-6 ყველაზე მაღალანაზღურებადი ფეხბურთელია. ავტორიტეტულმა ფრანგულმა გამოცემამ სახელფასო მონაცემები განაახლა და, „კვარას“ გარდა, შეგვიძლია, გავიგოთ რამდენს გამოიმუშავებენ გიორგი მიქაუტაძე და ზურიკო დავითაშვილიც.კვარაცხელიას ყოველწლიური ხელფასი 10.8 მლნ ევროა, რაც თვეში 900 000 ევრო გამოდის, მიქაუტაძეს „ლიონი“ წელიწადში 3.36 მლნ ევროს (თვეში 280 000) უხდის, ხოლო „სენტ ეტიენი“ დავითაშვილს - 720 000 ევროს (თვეში 60 000).ზოგადად, ჩემპიონატის ყველაზე მაღალანაზღაურებადი მოთამაშე, კვარაცხელიას თანაგუნდელი, პსჟ-ის ლიდერი - უსმან დემბელეა, რომელიც წლიურად 18 მლნ ევროს (თვეში 1.5 მლნ) იღებს. მეორე-მესამე ადგილებზეც პარიზული კლუბის ფეხბურთელები არიან: მარკინიოსი (13.44 მლნ ევრო წლიურად) და ლუკა ერნანდესი (13.2 მლნ ევრო წლიურად). აღსანიშნავია, რომ ჩემპიონატის ტოპ-10 ყველაზე მაღალანაზღაურებადი ფეხბურთელიდან ყველა უმდიდრესი პარიზული კლუბის წევრია. შედარებისთვის - კვარაცხელია „ნაპოლი“-ში წლიურად 1.2 მლნ ევროს გამოიმუშავებდა, რაც მის ამჟამინდელ ხელფასზე ზუსტად 9-ჯერ ნაკლები და ყოველთვიურზე მხოლოდ 300 000 ევროთი მეტია.ქართველთაგან ლიგა 1-ში ყველაზე შედეგიანი სეზონი დავითაშვილს აქვს - 25 მატჩში 7 გოლი და 5 საგოლე პასი; მიქაუტაძემ 26 თამაშში 7 გოლი და 4 ასისტი მიითვალა; კვარაცხელიამ კი - 8 შეხვედრაში 1 გოლი და 2 საგოლე გადაცემა.

სპორტი • 1743156634

„პარიზ ინფო“ - კვარაცხელიამ ნაკრებშიც მაღალი დონის ფეხბურთი თამაში აჩვენა

„პარიზ ინფო“ გამოეხმაურა ხვიჩა კვარაცხელიას სიტყვებს, სადაც მან „პარი სენ-ჟერმენში“ გადასვლაზე ისაუბრა და განაცხადა, რომ თავს ბედნიერად გრძნობს. ფრანგული გამოცემის ავტორი თვლის, რომ კვარაცხელიას შეუძლია, სეზონის განმავლობაში გუნდს დიდი სამსახური გაუწიოს.„სენ-ჟერმენის“ 24 წლის თავდამსხმელმა ხვიჩა კვარაცხელიამ თქვა, რომ გუნდში და საქართველოს ნაკრებში თავს ბედნიერად გრძნობს. ბევრს სწავლობს მწვრთნელისგან, ლუის ენრიკესგან და ბედნიერია პარიზში გადასვლით.ეჭვი არ გვეპარება, რომ ის სრულფასოვანი მოთამაშეა. ხვიჩა დაიღალა იმ დამოკიდებულით, რასაც „ნაპოლიში“ წააწყდა და ახალ თავგადასავალს ეძებდა. როგორც ჩანს, პარიზული კლუბი სწორედ ის ადგილია, სადაც ამას მოახერხებს. „პარი სენ-ჟერმენი“ სწორედ იმ ფეხბურთს თამაშობს, რომელიც ქართველ თავდამსხმელს უხდება და თავად გუნდიც კონკურენტუნარიანია.კვარაცხელიამ ნაკრებშიც კარგი ფეხბურთი და შედეგიანი თამაში აჩვენა. ეს კარგია მისთვის და მისი კარიერისთვის. მოუთმენლად ველით იმას, მოახერხებს საბოლოოდ პარიზში ტემპის აკრეფას, რადგან გუნდს სეზონის საინტერესო დასასრული ელის“, – წერს ფრანგული გამოცემა.

სპორტი • 1743015331

ლიგა 1-ის ყველაზე მაღალანაზღაურებადი ფეხბურთელები - რომელ ადგილზეა კვარა

გავლენიანი ფრანგული გამოცემა Lequipe საფრანგეთის ლიგა 1-ის 30 ყველაზე მაღალანაზღაურებადი ფეხბურთელის სიას აქვეყნებს, რომელშიც საქართველოს ნაკრებისა და პსჟ-ის შემტევი, ხვიჩა კვარაცხელიაც მოხვდა.Lequipe-ს ინფორმაციით, 24 წლის ქართველი ფეხბურთელი თვეში 900 ათას ევროს იღებს, თუმცა, ანაზღაურებით ის არა თუ ლიგა 1-ის, არამედ პარიზული კლუბის საუკეთესო ხუთეულშიც არაა.როგორია Lequipe-ის სია:1 უსმან დემბელე (პსჟ) - 1 500 000 ევრო2 მარკინიოსი (პსჟ) – 1 120 000 ევრო3 ლუკას ერნანდესი (პსჟ) – 1 100 000 ევრო4 აშრაფ ჰაკიმი (პსჟ) – 1 100 000 ევრო5 ვარენ ზაირ-ემერი (პსჟ) – 950 000 ევრო6 ვიტინია (პსჟ) – 900 000 ევრო7 ხვიჩა კვარაცხელია (პსჟ) – 900 000 ევრო8 ჯანლუიჯი დონარუმა (პსჟ) – 849 500 ევრო9 ნუნუ მენდეში (პსჟ) – 800 000 ევრო10 პრენსელ კიმპემბე (პსჟ) – 640 000 ევრო11 ბრედლი ბარკოლა (პსჟ) – 550 000 ევრო12 დეზირე დუე (პსჟ) – 500 000 ევრო13 ადრიან რაბიო (მარსელი) – 500 000 ევრო14 პიერ-ემილ ჰიოიბიერგი (მარსელი) – 500 000 ევრო15 ალექსანდრ ლაკაზეტი (ლიონი) – 500 000 ევრო16 მეისონ გრინვუდი (მარსელი) – 450 000 ევრო17 ჟოფრი კონდოგბია (მარსელი) – 450 000 ევრო18 ისმაელ ბენასერი (მარსელი) – 450 000 ევრო19 კორენტინ ტოლისო (ლიონი) – 450 000 ევრო20 გონსალუ რამუში (პსჟ) – 443 500 ევრო21 ფაბიან რუისი (პსჟ) – 434 300 ევრო22 ნემანია მატიჩი (ლიონი) – 400 000 ევრო23 სეკო ფოფანა (რენი) – 400 000 ევრო24 ბრაის სამბა (რენი) – 400 000 ევრო25 ჟოაო ნევეში (პსჟ) – 400 000 ევრო26 ლეონარდო ბალერდი (მარსელი) – 350 000 ევრო27 რაიან შერკი (ლიონი) – 330 000 ევრო28 ვალენტინ რონგიე (მარსელი) – 330 000 ევრო29 გაეტან ლაბორდი (ნიცა) – 320 000 ევრო30 ალექსანდრე გოლოვინი (მონაკო) – 320 000 ევროხვიჩას გარდა, საფრანგეთის ჩემპიონატში გიორგი მიქაუტაძე და ზურიკო დავითაშვილიც თამაშობენ, თუმცა ანაზღაურების მიხედვით, ისინი საუკეთესო 30 ფეხბურთელს შორის არ არიან. შეგახსენებთ, რომ ხვიჩა კვარაცხელია პსჟ-მა „ნაპოლიდან“ მიმდინარე წლის იანვარში, 70 მილიონი ევროს სანაცვლოდ შეიძინა. ქართველმა ფეხბურთელმა პარიზული გუნდის მაისურით ყველა ტურნირზე 14 მატჩი ჩაატარა, 2 გოლი გაიტანა და 3 საგოლე გადაცემა შეასრულა.

Crystalsport • 1742995700

მასთან ერთად ნაპოლი ლიდერი იქნებოდა | ბანის აზრით, კვარა სრულყოფილია

„ნაპოლის“ ყოფილი ფეხბურთელის, სალვატორე ბანის აზრით, ხვიჩა კვარაცხელია სრულყოფილი მოთამაშეა, რაც „ლივერპულთან“ მატჩებში კარგად გამოჩნდა.ბანი, რომელმაც 1986-87 წლების სეზონში „ნაპოლისთან“ ერთად სერია A და იტალიის თასი მოიგო, ქართველი ფეხბურთელის შესახებ იტალიურ Gazzetta-ს ესაუბრა.„კვარას გაყიდვა ტრანსფერების დინამიკას შეესაბამება, მაგრამ მე ამაზე არაფერს ვიტყვი. მე მხოლოდ შემიძლია წარმოვიდგინო, როგორი იქნებოდა „ნაპოლი“ მასთან ერთად. ვნახე პსჟ-ს მატჩები „ლივერპულის“ წინააღმდეგ, კვარა სრულყოფილი ფეხბურთელია, მარჯვენა ფლანგზეც კი სახიფათოა...“განაგრძე კითხვა

Crystalsport • 1742995548

„კვარა ტოპ ფეხბურთელია“ | დავიდ ნერეშმა ქართველ გარემარბზე ისაუბრა

„ნაპოლის“ ფეხბურთელმა დავიდ ნერეშმა Corriere della Sera-ს ვრცელი ინტერვიუ მისცა. ბრაზილიელ გარემარბს ხვიჩა კვარაცხელიაზეც დაუსვეს შეკითხვა და ნერეშმა განაცხადა, რომ მისმა წასვლამ ძალიან დაამწუხრა.„ვარ თუ არა კვარას მემკვიდრე? მე დავიდ ნერეში ვარ. სან პაულუში დავიბადე და მესისა და რონალდინიოს ლეგენდებზე გავიზარდე. კვარაცხელია ტოპ ფეხბურთელია. ხვიჩა იმ მოთამაშეთა შორისაა, რომლებიც…“განაგრძე კითხვა

Crystalsport • 1742487920

„კვარას წასვლით ნაპოლიმ ბევრი რამ დაკარგა“ - ანტონიო კარეკა

„ნაპოლის“ ექსფეხბურთელმა, ანტონიო კარეკამ „პარტენოპეის“ ბოლოდროინდელი შედეგები და სერია ა-ში შექმნილი ვითარება შეაფასა, მათ შორის ისაუბრა გუნდიდან ხვიჩა კვარაცხელიას წასვლაზე.რას ამბობს კარეკა:„ინტერი“ და „ნაპოლი“ სკუდეტოსთვის ბოლომდე იბრძოლებენ. არც „ატალანტა“ უნდა გამოვრიცხოთ. სამწუხაროა, რომ „პარტენოპეიმ“ ვენეციაში ქულები დაკარგა, თუმცა ეს ყველას შეიძლება დაემართოს და სიტუაციის დრამატიზება საჭირო არაა.განაგრძე კითხვა