მეტროს პირველ ხაზზე მოძრაობა ძაღლის გამო შეფერხდა - რა ხდება ამ წუთებში ადგილზე

„პრაიმტაიმის“ ინფორმაციით, მეტროს გახსნისას მატარებელმა მოძრაობა ვერ შეძლო, რადგან გურამიშვილის გამზირზე, გვირაბში აღმოჩნდა მიუსაფარი ძაღლი, რომელიც აგრესიული იყო და თანამშრომლებმა მისი გამოყვანა ვერ შეძლეს. 

„მეტროს თანამშრომლებმა სპეციალური სამსახური გამოიძახეს, რის შემდეგაც ძაღლი მათ უვნებლად წაიყვანეს. შესაბამისად, სადგურები მგზავრთა მიღებაზე ცოტა მოგვიანებით გაიხსნა.  ახლა ჩვეულ რეჟიმში, შეუფერხებლად მუშაობს.“ - ამბობენ სატრანსპორტო კომპანიაში.