ევროპარლამენტის ახალ პრეზიდენტად რობერტა მეცოლა აირჩიეს

ევროპარლამენტის ახალ პრეზიდენტად რობერტა მეცოლა აირჩიეს. კანდიდატურას მხარი 458-მა ევროპარლამენტარმა დაუჭირა.

„ევროპის სახალხო პარტიის" წარმომადგენელი რობერტა მეცოლა ევროპარლამენტის წევრი 2013 წლიდანაა, 2020 წლიდან კი მას პარლამენტის ვიცე-პრეზიდენტის პოსტი ეკავა.

ევროპის პარლამენტის პრეზიდენტის პოზიციაზე მეცოლამ დავით სასოლი ჩაანაცვლა, რომელიც ერთი კვირის წინ, 65 წლის ასაკში გარდაიცვალა.