არ მგონია, სანქციები მემუქრებოდეს, უკვე ნამყოფი ვარ და ნანახი მაქვს აშშ, არაჩვეულებრივი ქვეყანაა - გრიგოლ ლილუაშვილი

საქართველოს სახელმწიფო უსაფრთხოების სამსახურის უფროსმა გრიგოლ ლილუაშვილმა სანქციების შეფასებისას განაცხადა, რომ მას ამერიკის შეერთებული შტატები უკვე ნანახი აქვს და კარგი დემოკრატიის ქვეყანაა.

,,ამერიკის შეერთებული შტატები უკვე ნანახი მაქვს, არაჩვეულებრივი ქვეყანაა, კარგი დემოკრატიის, ვისაც ნანახი არ აქვს, იმას გული დაწყდება. 

ჩემთვის დიდი მნიშვნელობა აქვს, რასაც ვემსახურებით, არა ომი, არამედ მშვიდობის უზრუნველყოფა, ეკონომიკური განვითარება და საქართველოს თითოეული მოქალაქის, მისი სტუმარი ვიზიტორების უსაფრთხოების დაცვა. ეს არის ჩემთვის მნიშვნელოვანი, რომელი ქვეყანა შემიშვებს და რომელი - არა, ეს ჩემთვის მეასეხარისხოვანია", - განაცხადა ლილუაშვილმა.