რუსმა ოკუპანტებმა ხარკოვის სკოლას რაკეტა ესროლეს - ფოტოები

დღეს დილით რუსმა ოკუპანტებმა ხარკოვის სკოლაზე სარაკეტო იერიში მიიტანეს. ამის შესახებ ხარკოვის რეგიონალური სამხედრო ადმინისტრაციის თავმჯდომარემ, ოლეგ სინეგუბოვმა განაცხადა.

„დღეს დილის 4 საათზე, რუსმა დამპყრობლებმა ხარკოვის შევჩენკოვსკის რაიონზე მზაკვრული სარაკეტო იერიში მიიტანეს. სამხედრო ტერორისტებმა სამიზნედ საშუალო სკოლა აირჩიეს. მაშველები ახლა ნანგრევებს ასუფთავებენ. წინასწარი ინფორმაციით, მსხვერპლი არ ყოფილა, შენობაში არავინ იყო“, - განაცხადა მან.

სინეგუბოვმა ასევე აღნიშნა, რომ რეგიონის ტერიტორიაზე მტერი 24 საათის განმავლობაში ურტყამდა ხარკოვის, იზიუმისა და ბოგოდუხოვსკის ოლქების ქალაქებსა და სოფლებს. დაბომბვის შედეგად განადგურდა საცხოვრებელი კორპუსები, ავტოფარეხები და სხვა ნაგებობები.