დამოუკიდებელი უკრაინა ბევრად დიდხანს იარსებებს, ვიდრე ვლადიმერ პუტინი - ენტონი ბლინკენი

დამოუკიდებელი უკრაინა ბევრად დიდხანს იარსებებს, ვიდრე ვლადიმერ პუტინი, – ამის შესახებ აშშ-ის სახელმწიფო მდივანმა, ენტონი ბლინკენმა ტელეკომპანია „სიენენთან“ ინტერვიუში განაცხადა.

„რეალური შეკითხვა არის, რა მსხვერპლს და ნგრევას იწვევს რუსეთის აგრესია და სწორედ ამაზე ვმუშაობთ მაქსიმალურად, რომ შევაჩეროთ და დავასრულოთ ომი, რომელსაც რუსეთი აწარმოებს. ჩვენ ამას ვაკეთებთ უკრაინისადმი იმ მხარდაჭერით, რომელსაც ყოველდღიურად ვუწევთ ქვეყანას, რუსეთზე ყოველდღიური ზეწოლით“, – აცხადებს სახელმწიფო მდივანი.