სისხლისმსმელო ნაძირლებო, ყველა დაკარგულ უკრაინულ სიცოცხლეზე აგებთ პასუხს - ვოლოდიმირ ზელენსკი

უკრაინის პრეზიდენტ ვოლოდიმირ ზელენსკი ზაპოროჟიეში მშვიდობიანი მოსახლეობის დაბომბვას გამოეხმაურა:

"ტერორისტული სახელმწიფო ზაპორიჟიაში, მიკოლაივში და დნეპროპეტროვსკში სამოქალაქო მოსახლეობას რაკეტებს ესვრის. ის უკრაინის რეგიონებს სარაკეტო და უპილოტო თვითმფრინავებიდან ურტყამს. მხოლოდ ზაპორიჟიის რაიონში ოკუპანტებმა ერთ დილას 16 რაკეტა გაისროლეს. ამის გაკეთება მხოლოდ სრულყოფილ ტერორისტებს შეუძლიათ, რომლებსაც ცივილიზებულ სამყაროში ადგილი არ უნდა ჰქონდეთ.

მტერი მძვინვარებს და ცდილობს შური იძიოს ჩვენი გამძლეობისა და მისი წარუმატებლობისთვის. ცინიკურად ანადგურებს მშვიდობიან უკრაინელებს, რადგან დიდი ხნის წინ დაკარგა ყველაფერი ადამიანური. სისხლისმსმელო ნაძირალებო, ყველა დაკარგულ უკრაინულ სიცოცხლეზე აუცილებლად აგებთ პასუხს", - წერს ზელენსკი.