მოსკოვში ქალმა პოლიცია გამოიძახა, რადგან მეზობელმა Wifi-ს „დიდება უკრაინას“ დაარქვა

მოსკოვში, ქალმა პოლიცია მხოლოდ იმის გამო გამოიძახა, რომ მის სამეზობლოში ვიღაცის Wifi-ს „დიდება უკრაინას“ ერქვა. ამის შესახებ უკრაინული მედია წერს.

გამოცემის ცნობით, ადგილზე მისულმა სამართალდამცველებმა მსგავსი დასახელების Wifi-ს არსებობა დაადასტურეს, თუმცა ვერ დაადგინეს რომელი მეზობლისგან მოდიოდა სიგნალი.

შემთხვევა იაბლოჩკოვას ქუჩაზე (ბუტირსკის რაიონი) მოხდა. მეზობელმა თქვა, რომ მან დაიჭირა სუსტი სიგნალი მე-11 სართულზე.

საქმეზე გამოძიება ამ დრომდე გრძელდება.