კომპანია „ასტრაზენეკაში“ აცხადებენ, რომ 2030 წლამდე ჩინეთში 15 მილიარდის ინვესტიციას განახორციელებენ

ბრიტანულ-შვედური ფარმაცევტული კომპანია „ასტრაზენეკა“ ჩინეთში 15 მილიარდის ინვესტიციას განახორციელებს. ამის შესახებ კომპანიის პრესრელიზშია აღნიშნული.

როგორც ცნობილია, ინვესტიცია 2030 წლამდე განხორციელდება და გამოყენებული იქნება მედიკამენტების, წარმოების, კვლევისა და განვითარების გაფართოებისთვის.

„კომპანიის გაფართოება და ლიდერობა ჩინეთში ბრიტანულ მწარმოებელს ზრდაში დაეხმარება, რაც დიდ ბრიტანეთში ათასობით სამუშაო ადგილის შექმნას შეუწყობს ხელს“, – განაცხადა დიდი ბრიტანეთის პრემიერ-მინისტრმა, კირ სტარმერმა.