ირაკლი ქადაგიშვილი: მთავარი კითხვა სწორედ იმაშია, რომ ის ღირებულებები, რის გამოც ევროკავშირი იყო მიმზიდველი, კიდევ ცოცხალია ევროპაში თუ ორმაგმა სტანდარტმა უკანა პლანზე გადაწია?

 რატომ უნდა არსებობდეს ასეთი დაუფარავი ორმაგი სტანდარტები, როდესაც იქ არის აბსოლუტურად მშვიდობიანი, მცირე მიტინგი კერძო კომპანიის წინ და ამ დროს ამ აქციას ასეთი ბრუტალური წესით არბევენ, საქართველოში კი, როდესაც პოლიციაზე, სახელმწიფო ინსტიტუტებზე, პარლამენტზე ღია თავდასხმები ხორციელდებოდა, რატომ ხორციელდება მუდმივი, დაუმსახურებელი თავდასხმა? - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა დანიაში აქციის დარბევაზე საუბრისას.

დეპუტატი ასევე კითხვის ნიშნის ქვეშ აყენებს ბრიუსელში ნამდვილი ევროპული ღირებულებების შენარჩუნებას.

„მთავარი კითხვა სწორედ იმაშია, რომ ის ღირებულებები და ფასეულობები, რის გამოც ევროკავშირი იყო მიმზიდველი და მომხიბლავი, კიდევ ცოცხალია ევროპაში თუ ორმაგმა სტანდარტმა და ვიწრო პოლიტიკური ინტერესების მიღწევამ საერთოდ უკანა პლანზე გადაწია ისინი? - კითხულობს ქადაგიშვილი.