ბაიდენის ადმინისტრაცია კონგრესს უკრაინისთვის კიდევ 38 მილიარდ დოლარს სთხოვს - თეთრი სახლი

აშშ-ს პრეზიდენტის ჯო ბაიდენის ადმინისტრაციამ სთხოვა აშშ-ს კონგრესს უკრაინისთვის დამატებით 38 მილიარდი დოლარის გამოყოფა, ამის შესახებ თეთრი სახლის ეროვნული უსაფრთხოების საკითხებში მრჩეველმა ჯეიკ სალივანმა განაცხადა. 

„ვიცით, რომ ჩვენი ამოცანაა გავაგრძელოთ ჩვენი სამხედრო მხარდაჭერა უკრაინის მიმართ, რათა ისინი საუკეთესო მდგომარეობაში იყვნენ ბრძოლის ველზე“, - განაცხადა სალივანმა.

სალივანმა დასძინა, რომ აშშ-ს პრეზიდენტის ჯო ბაიდენის ადმინისტრაცია ყველაფერს აკეთებს იმისათვის, რომ უკრაინამ შეძლოს თავისი სუვერენიტეტისა და ტერიტორიული მთლიანობის დაცვა.