ვინ იდგა ცნობილი კრიპტოპირამიდის უკან? - დაწესებულია 100 000 დოლარის ჯილდო, მის შესახებ ინფორმაციის სანაცვლოდ

აშშ-ის ფედერალური სამსახური ეძებს გერმანიის მოქალაქე ქალს, რომელმაც 4 მილიარდი დოლარის ყალბი კრიპტოვალუტა გაყიდა. ბრალდებული ქალი, რუჯა იგნატოვა, ასევე ცნობილია როგორც "კრიპტოქუინი". ამის შესახებ CNN-ი წერს. 

„კრიპტო დედოფალს“ 2019 წელს 8 ბრალდება წაუყენეს, მათ შორისაა, თაღლითობა და ბულგარეთში დაფუძნებული კრიპტოპირამიდის (შპს  OneCoin-ი) მართვა.

„მან მშვენივრად შეადგინა თავისი სქემა, გამოიყენა კრიპტოვალუტის ადრეული პერიოდის გამაოგნებელი სპეკულაციები," - აცხადებს მანჰეტენის მთავარი ფედერალური პროკურორი დემიან უილიამსი.

უილიამსმა OneCoin-ი აღწერა, როგორც „ისტორიის ერთ-ერთი უდიდესი Ponzi სქემა“.
უილიამსის თქმით, იგნატოვა 2017 წლის ბოლოს  მოპარული ფულით გაუჩინარდა.

მისი ამჟამინდელი ადგილსამყოფელი უცნობია. გამომძიებლები მის კვალს წლების განმავლობაში ეძებნენ, მაგრამ უშედეგოდ.