ნათია ილია დედა

1665153836

„ინფორმაცია არასწორად გავრცელდა...“ - რას ჰყვება 7 წლის ილიას დედ

სოციალურ ქსელში გავრცელებულ ინფორმაციას, იმის შესახებ რომ 7 წლის ილია შიმშილისგან შეუძლოდ გახდა და საავადმყოფოში მოათავსეს, არასრულწლოვნის დედა ნათია სოროკინა არ ადასტურებს.მარტოხელა ორი შვილის დედამ ამის შესახებ „სამხრეთის კარიბჭესთან“ ისაუბრა. მისივე თქმით, შვილი კლინიკაში გაციების გამო დააწვინა.ნათია ორ შვილთან ერთად  ბორჯომში ერთ–ერთ მიტოვებულ შენობაში ცხოვრობს. ოჯახი სოციალურად დაუცველია.მარტოხელა დედა ამბობს, რომ სოციალურმა აგენტმა საცხოვრებელი პირობების გაუმჯობესება მოსთხოვა, წინააღმდეგ შემთხვევაში მას შვილებს ჩამოართმევენ და მინდობით აღზრდაში გადაიყვანენ. დღეს სოციალურ ქსელში ტელეწამყვანმა ლიკა ევგენიძემ გაავრცელა ინფორმაცია, რომ 7 წლის ილიასთვის და მისი ოჯახისთვის საზოგადოების დახმარებით 4300 ლარი შეგროვდა. 

ავარია

1665148290

ავტობანზე ტრაილერი ამოტრიალდა

ავტოსაგზაო შემთხვევა მოხდა ავტობანზე. გორთან ახლოს ტრაილერი ამოტრიალდა.შემთხვევის შედეგად არავინ დაშავებულა.ადგილზე საავტომობილო მოძრაობა ნაწილობრივ შეზღუდულია.

ლარის კურსი

1665147969

რა ღირს 1 აშშ დოლარი და ევრო - ვალუტის ახალი კურსი

საქართველოს ეროვნული ვალუტა აშშ დოლართან მიმართებით 0.46 თეთრით გამყარდა, შედეგად ერთი დოლარის ოფიციალური ღირებულება 2.7997 ლარი გახდა.სებ-ის ცნობით, ეროვნული ვალუტა ევროსთან მიმართებით 2.83 თეთრით გამყარდა, შედეგად ერთი ევროს ოფიციალური ღირებულება 2.7429 ლარი გახდა.2.25-თეთრიანი გაუფასურებაა ბრიტანულ გირვანქა სტერლინგთან, რის შედეგად ვალუტის გაცვლითმა კურსმა 3.1340 ლარი შეადგინა.დღევანდელი ვაჭრობის შედეგად, თურქული ლირის კურსმა 15.07 თეთრი შეადგინა.

ილია მეორე და კუბლაშვილი

1665137355

VIDEO: „პატრიარქმა ჩემი ამბავი გაიგო და ეს მაჩუქა“ - ლევან კბილაშვილის ინტერვიუ არქივიდან

ქართველმა მუსიკოსმა, ლევან კბილაშვილმა, გარდაცვალებამდე გადაცემაში „სიკეთე მარტივია“ საკუთარი ოჯახის და ცხოვრების შესახებ ისაუბრა.„გავიზარდე იურისტების ოჯახში. მამა პოლიციის პოლკოვნიკი, ძმა ასევე პოლიციის პოლკოვნიკია. შესაბამისად, მეც გავყევი მათ ტრადიციებს. ჩავაბარე უნივერსიტეტში, დავამთავრე იურიდიული ფაკულტეტი. მინდოდა გავმხდარიყავი ნამდვილი, ღირსეული პოლიციელი. ვფიქრობდი, რომ ეს იქნებოდა ჩემი საბოლოო საქმე, მაგრამ 4 წლის შემდეგ მივხვდი, რომ უკვე ვეღარ ვარსებობდი, იმიტომ, რომ ვეღარ ვმღეროდი...მონაცემები რუსულ „ვოისში“ გავაგზავნე და როდესაც იქიდან დამიძახეს, გავემგზავრე, მივხვდი, რომ უნდა წავსულიყავი... პატრიარქმა გაიგო, რომ მივდიოდი კონკურსში მონაწილეობის მისაღებად, დამლოცა და თავისი ხელით მაჩუქა ჯვარი და მითხრა, რომ გამარჯვებული ჩამოხვალ აუცილებლადო..ადამიანები, რომლებიც აბსოლუტურად ცვლიან მთლიან ფონს ჩემს ცხოვრებაში. ასეთი არის დედა. არის ხოლმე პერიოდი, როცა ტელეფონზე არავინ არ მირეკავს, საერთოდ ზარი არ არის… ზოგი გაბრაზებულია, ზოგს ჰგონია, რომ დაკავებული ვარ. ჰგონიათ, რომ მე რაღაცებს მივაღწიე, იმდენი ხალხი დამეკარგა. ხანდახან არის მომენტი, როცა ვიცი, რომ დედამ უნდა დარეკოს და იმ ერთი ზარისთვის მიღირს ცხოვრება“, - თქვა ლევან კბილაშვილმა გადაცემაში. 

პოლიცია

1665126707

VIDEO: ვაკეში, მანქანა 2 ახალგაზრდას დაეჯახა

ავტოსაგზაო შემთხვევა მოხდა ვაკეში, ჭავჭავაძის გამზირზე.ქვეითად მოსიარულე ორ გოგოს “ჯიპი“ დაეჯახა. ორივე მათგანი კლინიკაში გადაიყვანეს. მათ სიცოცხლეს საფრთხე არ ემუქრება.მომხდარზე დაწყებულია გამოძიება.

ნათია

1665126482

„ლეიკემიას თან დაერთო კოვიდი“ - მიუნხენში მცხოვრებ ქართველს, საზოგადოების დახმარება სჭირდება

მიუნხენში მცხოვრებ ქართველს, რომელიც ლეიკემიას ებრძვის, საზოგადოების დახმარება სჭირდება. ინფორმაციას სოციალურ ქსელში „გერმანიის ქართული სათვისტომო“ ავრცელებს.„ამჯერად ფულს მიუნხენში მცხოვრები გოგოს დასახმარებლად ვაგროვებთ. ალბათ ძალიან ბევრი იცნობთ ნათია გელაშვილს. ნათიას წლების წინ ლეიკემია დაუდგინდა. გადანერგვის შემდეგ რამდენიმე წელი კარგად იყო. ახლა კი ისევ გაურთულდა სიტუაცია. ლეიკემიას თან დაერთო კორონა, სხვადასხვა ტიპის ბაქტერიები და ვირუსები, რამაც მისი მდგომარეობა კიდევ უფრო დაამძიმა. ის ახლა ინტენსიურ განყოფილებაშია. ნათიას დედა უკვე მიუნხენშია, შემდეგ დღეებში კი ძმის ჩამოყვანა იგეგმება, რომ დედა მარტო არ იყოს. ვაგროვებთ თანხას, რომ ნათიას ოჯახს დავეხმაროთ. ვისაც გაქვთ მონაწილეობის სურვილი, შეგიძლიათ თქვენთვის სასურველი რაოდენობის თანხა გადმორიცხოთ 15 ოქტომბრის ჩათვლით შემდეგ საბანკო რეკვიზიტებზე:Georgischer Verein in Deutschland e. V.Liga Bank IBAN.: DE90 7509 0300 0302 1697 03BIC: GENODEF1M05Verwendungszweck: 2041და/ან PayPal-ის ანგარიშზე: Charity.GerGeo@satvistomo.de“, - ნათქვამია ინფორმაციაში. 

ბავშვი

1665124625

7 წლის ილიას, რომელიც შიმშილისგან ცუდად გახდა, თანხა შეუგროვეს

7 წლის ილიას, რომელიც შიმშილისგან ცუდად გახდა, თანხა შეუგროვეს.ინფორმაციას სოციალურ ქსელში ტელეწამყვანი ლიკა ევგენიძე ავრცელებს.„მეგობრები აღარ ჩარიცხოთ თანხა! საკმარისი შეგროვდა! ძალიან დიდი მადლობა. ვნახეთ, ბინა ბორჯომში, რომელიც ღირს 350 ლარი თვეში. ამ ეტაპზე შეგროვილი გვაქვს 2175 და სულ გვჭირდება 4300 ლარი, რომ ერთი წლით ვუქირავოთ“, - წერს ლიკა ევგენიძე.

ხმაური

1665070461

ხმაურის დადგენილი ნორმების დარღვევის შემთხვევაში 100 ლარით დაჯარიმდებით

პარლამენტმა პირველი მოსმენით განიხილა და 81 ხმით, საგზაო უსაფრთხოების მიმართულებით ადმინისტრაციულ სამართალდარღვევათა კოდექსში შესატან ცვლილებებს მხარი დაუჭირა.ცვლილებები ხმაურის რეგულირების საკითხსაც შეეხება.საქართველოს პარლამენტის ინფორმაციით, ხმაურის დასაშვები დონე ერთი მხრივ, მთავრობის დადგენილებით განისაზღვრება. მეორე მხრივ კი, ისეთი სატრანსპორტო საშუალების მართვა, რომლის ექსპლუატაციისას წარმოქმნილი ხმაური დადგენილ ნორმებს აღემატება, 100 ლარით დაჯარიმებას გამოიწვევს. მართვის მოწმობის ქულებს, კი 10 ქულა დააკლდება.ცვლილება შეეხება ე.წ. დრიფტების აკრძალვას. კერძოდ, ავტომობილის განზრახ მოცურება/მოსრიალება ან/და მოცურებით წრიული ბრუნვის განხორციელება ე.წ. დრიფტი, გარდა კანონმდებლობით დადგენილი წესით ჩატარებულ პროფესიულ სპორტულ ღონისძიებაში მონაწილეობისას, გამოიწვევს დაჯარიმებას 300 ლარის ოდენობით და 30 ქულის დაკლებას.თუ აღნიშნული სამართალდარღვევის ჩადენას მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, სხვა ქონების ან ადამიანის სხეულის მსუბუქი დაზიანება, ჯარიმის ოდენობა იქნება 500 ლარი.

ემეგობრე

1665066159

შინაგან საქმეთა სამინისტროს კამპანია - „ემეგობრე პოლიციას“ გრძელდება

შინაგან საქმეთა სამინისტროს საინფორმაციო-შემეცნებითი კამპანია - „ემეგობრე პოლიციას“ ფარგლებში, საზოგადოებრივი ღონისძიება ამჯერად რუსთავში, ცენტრალურ მოედანზე მიმდინარეობს. ღონისძიებას ესწრებიან შინაგან საქმეთა მინისტრის მოადგილე, ალექსანდრე დარახველიძე, სხვადასხვა დანაყოფის ხელმძღვანელი პირები, ქვემო ქართლის სახელმწიფო რწმუნებული და ქალაქ რუსთავის მერი. კამპანიის - „ემეგობრე პოლიციას“ ფარგლებში, რუსთავში სხვადასხვა შემეცნებითი და გასართობი აქტივობა ტარდება. ღონისძიებაზე მისულ სტუმრებს საშუალება აქვთ, გაეცნონ საპატრულო პოლიციის, საზოგადოებრივი უსაფრთხოების მართვის ცენტრი „112“-ის, მომსახურების სააგენტოს, საექსპერტო-კრიმინალისტიკური დეპარტამენტის, სასაზღვრო პოლიციის, საგანგებო სიტუაციების მართვის სამსახურის, დაცვის პოლიციის და განსაკუთრებულ დავალებათა დეპარტამენტის საქმიანობას, ასევე, დაათვალიერონ აღნიშნული დანაყოფების სპეცტექნიკა და აღჭურვილობა. მოზარდები და ბავშვები სამინისტროს თანამშრომლებთან ერთად მონაწილეობენ სხვადასხვა შემეცნებით და გასართობ აქტივობაში. აღსანიშნავია, რომ სახალხო ღონისძიებების პარალელურად, უკვე დაიწყო პროექტი, რომლის ფარგლებშიც შინაგან საქმეთა სამინისტროს დანაყოფების, კერძოდ, საპატრულო პოლიციის დეპარტამენტის, ადამიანის უფლებათა დაცვისა და გამოძიების ხარისხის მონიტორინგის დეპარტამენტის, საგანგებო სიტუაციების მართვის სამსახურის, მომსახურების სააგენტოს და საზოგადოებრივი უსაფრთხოების მართვის ცენტრი „112“-ის წარმომადგენლები სკოლებში მართავენ შეხვედრებს, რომელთა მიზანია ბავშვებსა და მოზარდებში საზოგადოებრივი უსაფრთხოებისა და მართლწესრიგის შესახებ ცნობიერების ამაღლება. შინაგან საქმეთა სამინისტროს თანამშრომლები საინფორმაციო-შემეცნებით შეხვედრებზე მოსწავლეებს ინფორმაციას აწვდიან მართლწესრიგის შესახებ მათთვის საჭირო და აქტუალურ თემებზე. კამპანია - „ემეგობრე პოლიციას“ ფარგლებში, საზოგადოებრივი ღონისძიებები და შეხვედრები სკოლებში ბათუმსა და ზუგდიდში უკვე გაიმართა.

დაპირისპირება

1665058808

VIDEO: „ჩანჩურა შენ, კურდღელო, თუ კაცი ხარ დაცვა რად გინდა?“ - ხელჩართული ჩხუბი ხარაგაულში

ხარაგაულში, სოციალური მომსახურების სააგენტოში ხმაური და დაპირისპირება იყო.დაპირისპირება ანტიკორუფციული მოძრაობის წევრების ჩასვლას მოჰყვა. ადგილზე სიტუაცია მოქალაქეებსა და ანტიკორუფციული მოძრაობის წევრებს შორის რამდენჯერმე დაიძაბა. ისინი ერთმანეთს ფიზიკურად გაუსწორდნენ. მოქალაქეები და საკრებულოს წევრები მოძრაობის წარმომადგენლებს ხარაგაულიდან წასვლისკენ მოუწოდებენ. 

კენკრა

1665056250

რუსეთის ერთ-ერთ სოფელში მობილიზაცია ვერ მიმდინარეობს, რადგან ყველა კაცი ტყეში კენკრის საკრეფად წავიდა

რუსეთში კარელიის სოფელ შელტორეზოში მობილიზაცია ვერ ხორციელდება, რადგან ყველა კაცი ტყეში კენკრის საკრეფად წავიდა, - ინფორმაციას Baza „ტელეგრამ“ არხზე ავრცელებს.არსებული ინფორმაციით, მას შემდეგ რაც ადგილობრივებს შეატყობინეს, რომ მობილიზაციის ფარგლებში კომისარიატში უნდა გამოცხადებულიყვნენ, ყველა მათგანი ტყეში კენკრის საკრეფად წავიდა და მას შემდეგ აღარ დაბრუნებულან.სოფლის ადმინისტრაციაში, ოფიციალური პირები აცხადებენ, რომ სწორედ ამ დროს დადიან ადგილობრივები მიტოვებულ სოფლებში  კენკრის შესაგროვებლად, თუმცა, მათ არ იციან, თუ სად არიან კომისარიატში გამოძახებული კაცები ახლა.ტყეს აფარებენ თავს სოფელ რიბრეკას მცხოვრებლებიც. რუსული მედიის ინფორმაციით, ადგილზე სულ რამდენიმე ადამიანის მობილიზება.

mamuka mdinaraZe

1665055421

ადამიანი საერთოდ უარს ამბობს ისაუბროს გარანტირებულად 2 მილიარდი დოლარის დაბრუნებაზე, ოღონდ რისკის ქვეშ არ დადგეს საქართველოს ინტერესი - მდინარაძე ბიძინა ივანიშვილზე

„ქართული ოცნების“ თავმჯდომარე მამუკა მდინარაძე ბიძინა ივანიშვილისა და „კრედიტ სუისის“ დავის დეტალებზე საუბრობს.მდინარაძის ინფორმაციით, ივანიშვილმა უარი თქვა 2 მილიარდის გარანტირებულად დაბრუნების შესახებ მოლაპარაკებებზე, რადგან საქართველოსთვის რისკები არ შექმნილიყო.„როდესაც საუბარი შედგა იმასთან დაკავშირებით, რომ თბილისში უნდა ჩამოსულიყო გარიგებისა და მოლაპარაკებისთვის [ბანკის] იურისტი და ის გარიგების შედეგად სთავაზობდა [ივანიშვილს] 2 მილიარდი დოლარის გარანტირებულად დაბრუნებას, ამ კაცმა საუბარზეც კი უარი თქვა, წარმოიდგინეთ. ერთი ჩვენ კოლეგა ხუმრობდა წინა დღეებში, 100-ლარიანი ჩამიყლაპა ბანკომატმა და 3 დღე ვლანძღავდი ბანკსო.წარმოიდგინეთ, ეს ემოციური მომენტიც, ადამიანური მომენტიც არის. მაგრამ როდესაც ჩვენ ვსაუბრობთ იმაზე, რომ ადამიანი საერთოდ უარს ამბობს ისაუბროს გარანტირებულად 2 მილიარდი დოლარის დაბრუნებაზე, ოღონდ რაღაც რისკის ქვეშ არ დადგეს საქართველოს ინტერესი, მე მგონი ამ სიმართლეს თვალი უნდა გავუსწოროთ და იმაზე კი არ უნდა ვილაპარაკოთ, როგორ მოერგოს რამენაირად ბიძინა ივანიშვილს დეოლიგარქიზაციის შესახებ კანონი, იმიტომ რომ „ნაცმოძრაობის“ წარმომადგენლებს მოუნდებათ ასე.იმაზე უნდა ვილაპარაკოთ, სად არის სიმართლე და რას აკეთებს ის კაცი იმისთვის, რომ საერთოდ არ ილაპარაკოს პოლიტიკურ კონტექსტზე“, - განაცხადა მდინარაძემ.