ზაზა წერეთელი კორონავირუსისგან გამოწვეული დაავადებების შესახებ ახალ კვლევას აქვეყნებს

ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი ჟურნალ PLOS Medicine-ში გამოქვეყნებული დიდი კოჰორტული კვლევის შესახებ ავრცელებს ინფორმაციას, რომელიც გაერთიანებულ სამეფოში ჩატარდა.

„კვლევის თანახმად, ადამიანებს, რომლებიც ავადდებიან Covid-19-ით, აქვთ დიაბეტის და გულ-სისხლძარღვთა დაავადებების დიაგნოზის უფრო დიდი რისკი ინფექციის გავრცელებიდან რამდენიმე კვირის განმავლობაში.
კვლევის მიხედვით გულისა და სისხლის მიმოქცევის პრობლემების რისკი, როგორიცაა არარეგულარული გულისცემა და ფილტვებში სისხლის შედედება, თითქმის ექვსჯერ მეტი იყო კოვიდ პაციენტებში, ვიდრე იმავე ასაკისა და სქესის არაინფიცირებულ ადამიანებში. ხოლო დიაბეტის შემთხვევაში, რისკი 80%-ით მაღალი იყო.

მეცნიერებმა შეისწავლეს ჯანმრთელობის ჩანაწერები 400,000-ზე მეტი Covid პაციენტისგან და იმდენივე ადამიანისგან, ვინც თავიდან აიცილა ვირუსი. ჩანაწერები მოწმდებოდა გულ-სისხლძარღვთა ან დიაბეტის ახალ დიაგნოზებზე 12 თვის განმავლობაში. ბოლო პაციენტზე დაკვირვება დასრულდა ამ წლის იანვარში.

ანალიზის თანახმად, გულ-სისხლძარღვთა დაავადებების გაზრდილი რისკი ნორმალურ დონეზე ბრუნდებოდა კოვიდზე დადებითი ტესტიდან შვიდი კვირის შემდეგ, მაგრამ დიაბეტისთვის ახალი დიაგნოზის უფრო მაღალ პროპორციას თითქმის ექვსი თვე დასჭირდა საწყის დონეზე დასაბრუნებლად.

როგორც მკვლევრები იძახიან, ეს შედეგები საჭიროა ექიმებისათვის, რომ იცოდნენ თავიანთი პაციენტებისთვის პოტენციური გაზრდილი რისკის შესახებ, და კერძოდ, როგორ შეუძლიათ შეამცირონ დიაბეტის რისკი, გაუმჯობესებული დიეტისა და ვარჯიშის გზით.

მიუხედავად იმისა, რომ კოვიდმა შეიძლება გამოიწვიოს ორგანოებისა და სისხლის მიმოქცევის სისტემის პირდაპირი დაზიანება, მკვლევრები ასევე ხაზს უსვამენ, რომ ბევრ ფაქტორს შეუძლია ასევე ახსნას კვლევის შედეგები.

მაგალითად, კვლევაში მონაწილე კოვიდ პაციენტებს უფრო მეტად ჰქონდათ ჭარბი წონა და ჰქონდათ უფრო მეტი ჯანმრთელობის პრობლემები, ვიდრე არაინფიცირებულ საკონტროლო ჯგუფს, რაც მათ შემდგომ მდგომარეობებზე გავლენას ახდენდა. ზოგიერთ პაციენტს შეიძლება ჰქონოდა დიაგნოსტირებული დიაბეტი ან გულის პრობლემები, რომლებიც გამოვლინდა მხოლოდ მაშინ, როდესაც ისინი დაინფიცირდნენ კოვიდით.

ეს ნამდვილად დამამშვიდებელია, რომ უფრო გრძელი პერიოდის განმავლობაში, გულ-სისხლძარღვთა დაავადებების და დიაბეტის რისკი, როგორც ჩანს, უბრუნდება საწყის დონეს, მაგრამ დაავადების მწვავე პერიოდში პაციენტები მაინც ფრთხილად უნდა იყვნენ გულ-სისხლძარღვთა დაავადებების კონტროლის გზით და ისეც უნდა გავითვალისწინოთ, რომ დიაბეტის რისკი, როგორც ჩანს, ამაღლებულია რამდენიმე თვის განმავლობაში. და ეს პერიოდი უნდა იქნეს ასე, რომ ამ პერიოდში ცხოვრების წესის შეცვლამ შეიძლება დადებითი როლი შეასრულოს ამ პრობლემის თავიდან ასაცილებლად.“ - აცხადებს წერეთელი.