გაუჩინარდა კაცი, რომელსაც შეცდომით ხელფასი 542-ის ნაცვლად 180,000 დოლარი ჩაერიცხა - საინტერესო ამბავი ჩილედან

კაცმა, რომელსაც შეცდომით ხელფასის 286-მაგი ოდენობა ჩაერიცხა, სამსახური დატოვა და გაუჩინარდა. ამის შესახებ ადგილობრივი მედია წერს. შემთხვევა ჩილეში მოხდა.

ხორცის კომპანია Cial-ის თანამშრომელს მაისის ბოლოს 542 დოლარის ნაცვლად 180,000 დოლარი ჩაერიცხა. მამაკაცმა თანხის მირებისთანავე აცნობა კომპანიას და უთხრა, რომ დილით ბანკში მივიდოდა. თუმცა, მეორე დღეს არც სამსახურში მისულა და არც ბანკში.

მისი ადგილსამყოფელი ამ დროისთვის უცნობია. კომპანია აპირებს, ყოფილ თანამშრომელს თანხის მითვისებისთვის სასამართლოში უჩივლოს.