ჯოან კოლინზის სკანდალური აღიარება - მსახიობი ამბობს, რომ პირველმა ქმარმა გააუპატიურა და ფულის სანაცვლოდ “მდიდარ, მოხუც კაცებთან“ ურთიერთობა შესთავაზა

89 წლის ჯოან კოლინზის სკანდალური აღიარება - მსახიობი ამბობს, რომ პირველმა ქმარმა გააუპატიურა და ფულის სანაცვლოდ "მდიდარ, მოხუც კაცებთან" ურთიერთობა შესთავაზა. 
 

ჯოან კოლინზი BBC-ის დოკუმენტურ ფილმში ამტკიცებდა, რომ მისმა პირველმა ქმარმა, მსახიობმა მაქსველ რიდმა ის პირველ პაემანზე გააუპატიურა და შემდეგ "მოხუცი კაცებისთვის" სექსუალური მომსახურების გაწევა ღამეში 13,500 დოლარად (10,000 ფუნტი) შესთავაზა.

89 წლის ბრიტანელმა მსახიობმა პირველი ღამის შესახებ ისაუბრა.

 ირლანდიელმა ვარსკვლავმა, რომელიც მასზე 14 წლით უფროსი იყო, სახლში მიიწვია და რომი და კოკა-კოლა დაალევინა.

"იმ დღეებში დედაჩემი ამბობდა, რომ ჩემით ისარგებლეს...ახლა, ჩვენ ამას პაემანზე გაუპატიურებას ვეძახით." - იხსენებს კოლინზი. 

კოლინზმა თქვა, რომ რიდთან ქალიშვილობა დაკარგა და ის 1952 წელს, მასზე "სირცხვილის გამო" დაქორწინდა და მათი ოთხწლიანი ქორწინების განმავლობაში ის მუდმივად ძალადობის მსხვერპლი იყო. ბოლო წვეთი ის იყო, რომ რიდი კოლინზის შეიხთან ურთიერთობის გაბმას ცდილობდა.

”ჩვენ Les Ambassadeurs-ში ვიყავით, ღამის კლუბში Mayfair-ში, მაქსს ჩვევა ჰქონდა მოეზიდა მდიდარი, ხანშიშესული მამაკაცები და მე თავიდან ბუნდოვანი წარმოდგენა შემექნა იმ ყველაფერზე, რაც ხდებოდა...

მაქსმა მითხრა, "ის გადაგიხდის 10 000 ფუნტს ერთი ღამის განმავლობაში და მე შემიძლია გიყუროთ კიდეც. ჩემს ლამაზ, საზიზღარ ქმარს შევხედე და ტირილი დავიწყე: „არასოდეს მილიონი წელიც კი... სახლში მივედი მუმიას მსგავსად ”, - თქვა მან.

წყვილი 1956 წელს დაშორდა და რიდი 1974 წელს გარდაიცვალა.

კოლინზი კიდევ ოთხჯერ დაქორწინდა, მსახიობ ენტონი ნიულისთან, ამერიკელ ბიზნესმენ რონ კასთან, მომღერალ პიტერ ჰოლმთან და ამჟამინდელ ქმარ-კინოპროდიუსერთან პერსი გიბსონთან.

"ბნელ ადგილას ჩემმა პირველმა ქმარმა გამაუპატიურა ჩვენს პირველ პაემანზე - მერილინ მონრომ გამაფრთხილა ჰოლივუდის "მგლების" შესახებ, ამბობდა მანამდე მიცემულ ინტერვიუში ჯოან კოლინზი. 

მსახიობი დაბადებულია მაიდა ვალეში, ლონდონში.  ჯოანი ამბობს, რომ იზრდებოდა დომინანტურ მამასთან და მზრუნველ დედასთან ერთად, რის გამოც ჰქონდა სურვილი, მიეღწია წარმატებისთვის... 

"დედა მუდამ მისი სიამოვნების მცდელობით იყო დაკავებული და მე ეს მძულდა, მას დავპირდი, რომ არ ვიქნებოდი დამოკიდებული კაცზე. მე საკუთარი ვინაობა უნდა მქონოდა." - ამბობს ჯოან კოლინზი.