ვლადიმერ პუტინი

მსოფლიო • 1750319016

წარმოუდგენელი სიცრუეა, თითქოს რუსეთი აპირებს ევროპასა და NATO-ს ქვეყნებზე თავდასხმას - პუტინი

ლეგენდა და წარმოუდგენელი სიცრუეა, თითქოს რუსეთი აპირებს ევროპასა და ნატო-ს ქვეყნებზე თავდასხმას, – ამის შესახებ რუსეთის პრეზიდენტმა, ვლადიმერ პუტინმა განაცხადა.მისივე თქმით, ევროპელებმა რუსეთთან კონტაქტები თავად შეწყვიტეს.„ლეგენდა იმის შესახებ, რომ რუსეთი აპირებს ევროპაზე, ნატო-ს ქვეყნებზე თავდასხმას, ეს არის სწორედ ის წარმოუდგენელი სიცრუე, რომელშიც ცდილობენ დაარწმუნონ დასავლეთ ევროპული ქვეყნების მოსახლეობა. ჩვენ ვიცით, რომ ეს უაზრობაა. ისინი, ვინც ამას ამბობენ, თავადაც არ სჯერათ“, .-აღნიშნა რუსეთის პრეზიდენტმა.როგორც პუტინმა აღნიშნა, ევროპული ქვეყნები თუ ინებებენ თანამშრომლობის განახლებას, ამისთვის რუსეთი ღიაა.„კანცლერს თუ სურს, რომ დამირეკოს და მესაუბროს, არაერთხელ ვთქვი, ჩვენ არ ვამბობთ უარს არანაირ კონტაქტზე და ყოველთვის ღია ვართ ამისთვის. წელიწადი, წელიწად-ნახევრის ან ორი წლის წინ მსგავსი საუბრები კანცლერ შოლცთან და სხვა ევროპის ლიდერებთან რეგულარული იყო, თუმცა რაღაც ეტაპზე, როდესაც ჩვენმა ევროპელმა პარტნიორებმა გადაწყვიტეს ჩვენთვის სტრატეგიული დამარცხების მიყენება ბრძოლის ველზე, მათ თავად შეწყვიტეს ეს კონტაქტები“- განაცხადა ვლადიმერ პუტინმა.რუსეთის პრეზიდენტმა ჟურნალისტებთან შეხვედრისას ისრაელსა და ირანს შორის იერიშებზე ისაუბრა. ვლადიმერ პუტინის, თქმით ირანს რუსეთისთვის დახმარების თხოვნით არ მიუმართავს.„ჩვენ მუდმივად კონტაქტზე ვართ ირანელ პარტნიორებთან. ჩვენი სპეციალისტები მუშაობენ „ბუშეჰრში“ და იქაურობას არ ვტოვებთ. ეს არ არის მხარდაჭერა? სხვა მხარდაჭერისთვის ირანს ჩვენთვის არც კი მოუმართავს“, – აღნიშნა პუტინმა.როგორც რუსეთის ლიდერმა განაცხადა, მას პირადად აქვს კონტაქტი ისრაელის პრემიერ-მინისტრთანაც. ჟურნალისტის კითხვაზე, თუ რა რეაქცია ექნებოდა რუსეთს ირანის სულიერი ლიდერის, აიათოლა ალი ხამენეის სიკვდილზე, პუტინმა უპასუხა, რომ ასეთი შესაძლებლობის განხილვა არც კი სურს.

მსოფლიო • 1750306335

ვლადიმერ პუტინი - დონალდ ტრამპს არაერთხელ უთქვამს, „თუ მე ვიქნებოდი პრეზიდენტი, ეს ომი არ იქნებოდა“, ამაში მართალია

დონალდ ტრამპს არაერთხელ უთქვამს – „თუ მე ვიქნებოდი პრეზიდენტი, ეს ომი არ იქნებოდა“, ამაში მართალია, – ამის შესახებ რუსეთის პრეზიდენტმა, ვლადიმერ პუტინმა ჟურნალისტებთან საუბრისას განაცხადა.პუტინი ასევე დაეთანხმა ტრამპის ნათქვამს, რომ რუსეთის ლიდერი 15 მაისს სტამბოლში არ ჩავიდოდა, რადგან იცოდა, რომ ტრამპი იქ არ იქნებოდა.„ის მართალია. ამ მნიშვნელობით ის აბსოლუტურად მართალია. მას ასევე არაერთხელ უთქვამს, რომ „თუ მე ვიქნებოდი პრეზიდენტი, ეს ომი არ იქნებოდა“. ვფიქრობ, რომ ამაში მართალია“, – განაცხადა პუტინმა.რაც შეეხება დონალდ ტრამპისა და პუტინის შეხვედრას, რუსეთის პრეზიდენტის თქმით, ეს სასარგებლო იქნებოდა, თუმცა ამას მომზადება სჭირდება.პუტინმა ასევე გამოთქვა რწმენა, რომ მისი დიალოგი დონალდ ტრამპთან საბოლოოდ დადებით შედეგს გამოიღებს. ხოლო, რუსეთისა და ამერიკის ურთიერთობაზე საუბრისას, რუსეთის პრეზიდენტმა აღნიშნა, რომ რუსეთი დიდი პატივისცემით ეკიდება ტრამპის მისწრაფებას, აღადგინოს რუსულ-ამერიკული ურთიერთობები და „არსებობს იმედი, რომ ტრამპი არა მხოლოდ როგორც პოლიტიკოსი, არამედ როგორც ბიზნესმენიც ითვლის, რა დაუჯდა ვაშინგტონს რუსეთის მიმართ ნაბიჯები“.

მსოფლიო • 1750266219

ტრამპი აცხადებს, რომ პუტინს ირანთან კონფლიქტში შუამდგომლობის შეთავაზებაზე უარი უთხრა - ვუთხარი, ვლადიმერ, მოდი, ჯერ რუსეთს უშუამდგომლე, ამაზე მერე იდარდე

აშშ-ის პრეზიდენტი დონალდ ტრამპი აცხადებს, რომ მან უარი თქვა რუსეთის პრეზიდენტ ვლადიმერ პუტინის შეთავაზებაზე ირანთან კონფლიქტში შუამდგომლობის შესახებ.მისივე თქმით, პუტინს ურჩია, ჯერ რუსეთს უშუამდგომლოს და ირანის საკითხზე შემდეგ იდარდოს.„ვუთხარი, საკუთარს უშუამდგომლე. მოდი, ჯერ რუსეთის მედიაცია იყოს, კარგი? ვუთხარი, ვლადიმერ, მოდი, ჯერ რუსეთს უშუამდგომლე, ამაზე მერე იდარდე“, – განაცხადა ტრამპმა.

მსოფლიო • 1750057680

ემანუელ მაკრონი აცხადებს, რომ რუსეთს არ შეუძლია, იყოს შუამავალი ისრაელისა და ირანის კონფლიქტში

საფრანგეთის პრეზიდენტის, ემანუელ მაკრონის განცხადებით, რუსეთს არ შეუძლია, იყოს შუამავალი ისრაელისა და ირანის კონფლიქტში. ასეთი მოსაზრება საფრანგეთის პრეზიდენტმა ემანუელ მაკრონმა გრენლანდიაში ვიზიტისას გამოთქვა. ინფორმაციას „როიტერი“ ავრცელებს.„არ მჯერა, რომ რუსეთს, რომელიც ახლა ჩართულია მაღალი ინტენსივობის კონფლიქტში და რამდენიმე წელია, იღებს გადაწყვეტილებას, არ დაიცვას გაერო-ს წესდება, შეუძლია, იყოს შუამავალი“, – განაცხადა მაკრონმა.ცნობისთვის, მანამდე აშშ-ის პრეზიდენტმა, დონალდ ტრამპმა გააჟღერა იდეა, რომ ვლადიმერ პუტინი შესაძლოა, იყოს ისრაელისა და ირანის კონფლიქტში შუამავალი.

მსოფლიო • 1750004295

პუტინი მზად არის ამისთვის, დიდხნიანი საუბარი გვქონდა - ტრამპი პუტინთან საუბრის დეტალებზე

აშშ-ის პრეზიდენტის განცხადებით, ღია იქნება ისრაელ-ირანის კონფლიქტში რუსეთის პრეზიდენტის შუამავლის როლისთვის. ამის შესახებ დონალდ ტრამპმა „ეიბისი ნიუსთან“ ინტერვიუში განაცხადა.ტრამპის თქმით, ვლადიმერ პუტინი „მზად არის ამისთვის“.„ის მზად არის ამისთვის, ამასთან დაკავშირებით მან დამირეკა. ჩვენ დიდხნიანი საუბარი გვქონდა“, – განაცხადა ტრამპმა.დონალდ ტრამპმა ასევე არ გამორიცხა აშშ-ის შესაძლო ჩარევა ისრაელ-ირანის კონფლიქტში, თუმცა არ დაუკონკრეტებია, რა პირობებში და რა ფორმატში შეიძლება მოხდეს ეს. „აშშ ამჟამად არ არის ჩართული, თუმცა შესაძლებელია, ჩაერთოს“, – აღნიშნა დონალდ ტრამპმა.

მსოფლიო • 1749986524

ევროკავშირის 17 სასანქციო პაკეტის მიუხედავად, რუსეთის ექსპორტი 2024 წელს თითქმის 20%-ით გაიზარდა - Tagesspiegel

ევროკავშირის სანქციების 17 პაკეტის მიუხედავად, რუსეთის ექსპორტი 2024 წელს, როგორც ჩანს, თითქმის 20 პროცენტით გაიზარდა, რაც იმაზე მიუთითებს, რომ დასავლეთის სანქციები რუსეთის წინააღმდეგ ეფექტი არ არის, - ამის შესახებ tagesspiegel-ი იუწყება.კიოლნის ეკონომიკური კვლევების ინსტიტუტის (IW) ანალიზზე დაყრდნობით, ჟურნალი იტყობინება, რომ კრემლის ხელმძღვანელის, ვლადიმერ პუტინის სამხედრო ბიუჯეტი უკრაინაში შეჭრის შემდეგ კვლავ "კარგად არის შევსებული". 2024 წელს, რუსეთის საექსპორტო შემოსავალმა დაახლოებით 330 მილიარდი დოლარი შეადგინა.დასავლეთის სანქციების შემდეგ, რუსეთმა მნიშვნელოვნად გაზარდა ვაჭრობა გლობალური სამხრეთის ქვეყნებთან. მაგალითად, ინდოეთი და ჩინეთი რუსული ნავთობისა და გაზის მნიშვნელოვანი მყიდველები არიან, რითაც რუსეთის სამხედრო ბიუჯეტს მილიარდობით დოლარით ავსებენ."რუსეთის ვაჭრობა დასავლეთის ქვეყნებთან, როგორიცაა გერმანია, იტალია, ასევე, შეერთებული შტატები, 92 პროცენტით შემცირდა. თუმცა, ევროკავშირის წევრმა ქვეყანამ უნგრეთმა, ასევე ბრაზილიამ, თურქეთმა და ისრაელმა მნიშვნელოვნად მეტი რუსული საქონელი შეისყიდეს", - ნათქვამია მოხსენებაში. ამასთან, მოსკოვმა არაერთხელ განაცხადა, რომ შეეგუა სანქციებს და გახსნა სხვა ბაზრები.

მსოფლიო • 1749975028

„პრეზიდენტმა პუტინმა დღეს დილით დამირეკა, რათა ძალიან თბილად მოელოცა დაბადების დღე, მაგრამ...“ - დონალდ ტრამპი განცხადებას ავრცელებს

თეთრი სახლი დონალდ ტრამპისა და ვლადიმერ პუტინის სატელეფონო საუბრის შესახებ აშშ-ის პრეზიდენტის განცხადებას ავრცელებს. ტექსტის თანახმად, დონალდ ტრამპმა და ვლადიმერ პუტინმა, ირანსა და ისრაელს შორის არსებული დაძაბულობა განიხილეს."პრეზიდენტმა პუტინმა დღეს დილით დამირეკა, რათა ძალიან თბილად მოელოცა დაბადების დღე, მაგრამ, რაც უფრო მნიშვნელოვანია, ესაუბრა ირანზე, ქვეყანაზე, რომელსაც ის ძალიან კარგად იცნობს. ჩვენ დიდხანს ვისაუბრეთ. ის, ისევე როგორც მე, ფიქრობს, რომ ეს ომი ისრაელ-ირანს შორის უნდა დასრულდეს. მე ავუხსენი, რომ მისი ომიც უნდა დასრულდეს", – აღნიშნულია დონალდ ტრამპის განცხადებაში.სატელეფონო საუბრის შესახებ ინფორმაცია რუსულ მედიაშიც გავრცელდა.

მსოფლიო • 1749921810

ახლო აღმოსავლეთში განვითარებულ მოვლენებთან დაკავშირებით, დონალდ ტრამპსა და ვლადიმერ პუტინს შორის სატელეფონო საუბარი შედგა

ახლო აღმოსავლეთში განვითარებულ მოვლენებთან დაკავშირებით, აშშ-სა და რუსეთის პრეზიდენტებს შორის სატელეფონო საუბარი შედგა.ვლადიმერ პუტინის თანაშემწის იური უშაკოვის თქმით, ლიდერებმა 50 წუთის განმავლობაში ისაუბრეს. როგორც უშაკოვმა აღნიშნა, პრეზიდენტები არ გამორიცხავენ, ირანის ბირთვულ პროგრამასთან დაკავშირებით სამშვიდობო მოლაპარაკებების ფორმატში დაბრუნების საკითხს.მისივე ინფორმაციით, საუბრის დროს, პუტინმა დაგმო, ირანის წინააღმდეგ ისრაელის ოპერაცია. უშაკოვის თქმით, სიტუაცია საკმაოდ საგანგაშოდ შეაფასა დონალდ ტრამპმაც, თუმცა ისრაელის მიერ განხორციელებული დარტყმები ეფექტიანად მოიხსენია.

მსოფლიო • 1749921752

მსოფლიო • 1749840804

პუტინი ნეთანიაჰუს ირანის ბირთვული პროგრამის გარშემო არსებული საკითხების დიპლომატიის გზით გადაწყვეტისკენ მოუწოდებს

რუსეთის პრეზიდენტი ვლადიმერ პუტინი ისრაელის პრემიერ-მინისტრ ბენიამინ ნეთანიაჰუს მოუწოდებს, რომ ირანის ბირთვული პროგრამის გარშემო არსებული საკითხები დიპლომატიის გზით გადაწყდეს.კრემლის პრესსპიკერის, დიმიტრი პესკოვის თქმით, პუტინმა სატელეფონო საუბრის დროს „ხაზი გაუსვა მოლაპარაკებების პროცესზე დაბრუნებისა და ირანის ბირთვული პროგრამასთან დაკავშირებული ყველა საკითხის მკაცრად პოლიტიკური და დიპლომატიური გზებით მოგვარების მნიშვნელობას“.როგორც მედია იუწყება, რუსეთის პრეზიდენტმა ცალკე სატელეფონო საუბარი გამართა ირანის პრეზიდენტ მასუდ ფეზეშქიანთან, რომელთანაც თეირანის წინააღმდეგ ისრაელის ქმედებები დაგმო. პესკოვის თქმით, რუსეთი „გმობს გაეროს ქარტიის დარღვევით, ისრაელის ძალადობრივ ქმედებებს“ და სამძიმარს გამოთქვამს დაღუპულთა გამო.

მსოფლიო • 1749757162

„ვქმნით უპილოტო სისტემების ძალებს, როგორც ჯარის ცალკეულ დანაყოფს“ - ვლადიმერ პუტინი

რუსეთის პრეზიდენტმა, ვლადიმერ პუტინმა შეიარაღების საკითხთან დაკავშირებით გამართულ შეხვედრაზე უპილოტო სისტემების ინდუსტრიის ყველაზე სწრაფი და მაღალი ხარისხის განვითარების უზრუნველყოფა მოითხოვა.„უპილოტო სისტემები აქტიურად გამოიყენება დაზვერვისთვის, კონტრშეტევისთვის, ელექტრონული ომისთვის და ტერიტორიის განაღმვისთვის. მათი გამოყენების ეფექტურობა მუდმივად იზრდება. ამ კონტექსტში აღვნიშნავ, რომ ახლა ჩვენთან იქმნება უპილოტო სისტემების ძალები, როგორც ჯარის ცალკეული დანაყოფი და აუცილებელია მათი მაქსიმალურად სწრაფი და ხარისხიანი განვითარებისა და განლაგების უზრუნველყოფა“, – განაცხადა პუტინმა.რუსეთის პრეზიდენტმა ხაზგასმით აღნიშნა, რომ ქვეყანამ დააგროვა კარგი გამოცდილება ასეთი დანაყოფის შესაქმნელად.„ჩვენ ვიცით, როგორ მოქმედებს მოწინააღმდეგე. თუმცა, მთლიანობაში, არ ვფიქრობ, რომ სადმე რაღაცაში დავაგვიანეთ. უფრო მეტიც, მგონია, რომ ჩვენ დავაგროვეთ კარგი გამოცდილება ამ დანაყოფის შესაქმნელად. საუბარია კადრების მომზადებაზე, თანამედროვე აპარატების წარმოებასა და მიწოდებაზე, რომლებიც შეძლებენ ჩვენი ჯარების საბრძოლო შესაძლებლობების გაძლიერებას“, – განაცხადა პუტინმა.

ომი უკრაინაში • 1749465403

პესკოვი აცხადებს, რომ უკრაინის დნეპროპეტროვსკის ოლქში რუსეთის შეტევის ერთ-ერთი მიზანი ბუფერული ზონის შექმნაა

უკრაინის დნეპროპეტროვსკის ოლქში რუსეთის შეტევის ერთ-ერთი მიზანი ბუფერული ზონის შექმნაა. ამის შესახებ კრემლის პრესმდივანმა, დიმიტრი პესკოვმა განაცხადა.რუსეთის პრეზიდენტის წარმომადგენელს ჰკითხეს, აწარმოებს თუ არა რუსეთი დნეპროპეტროვსკის ოლქში შეტევას ვლადიმერ პუტინის მიერ დაპირებული ბუფერული ზონის შესაქმნელად.„მათ შორის, რა თქმა უნდა“, – უპასუხა პესკოვმა და ჟურნალისტი მეტი დეტალისთვის თავდაცვის სამინისტროში გადაამისამართა.