სამართალი • 1754319755

პროკურატურა განცხადებას ავრცელებს

საქართველოს პროკურატურამ დიდი და განსაკუთრებით დიდი ოდენობით ნარკოტიკული საშუალების, ასევე განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვის ფაქტებზე უცხო ქვეყნის სამ მოქალაქეს ბრალდება წარუდგინა, - ამის შესახებ უწყება განცხადებას ავრცელებს.„შინაგან საქმეთა სამინისტროს მიერ ჩატარებული გამოძიებით დადგინდა, რომ ერთმა ბრალდებულმა უკანონოდ შეიძინა და ინახავდა განსაკუთრებით დიდი ოდენობით ნარკოტიკულ საშუალება „კოკაინს“ და ფსიქოტროპულ ნივთიერება „პრეგაბალინს“, მეორე ბრალდებულმა ასევე უკანონოდ შეიძინა და ინახავდა დიდი ოდენობით ნარკოტიკულ საშუალება „კოკაინს“ და ფსიქოტროპულ ნივთიერება „პრეგაბალინს“, ხოლო მესამე ბრალდებულმა უკანონოდ შეიძინა და ინახავდა განსაკუთრებით დიდი ოდენობით ფსიქოტროპულ ნივთიერება „პრეგაბალინს“.ერთ პირს ბრალდება სისხლის სამართლის კოდექსის 260-ე მუხლის მესამე ნაწილის „ა’’ პუნქტით და 261-ე მუხლის პირველი ნაწილით წარედგინა, რაც ოც წლამდე ან უვადო თავისუფლების აღკვეთას ითვალისწინებს, მეორე ბრალდებულს ბრალდება სისხლის სამართლის კოდექსის 261-ე მუხლის მესამე ნაწილის „ა’’ პუნქტით წარედგინა, რაც 12 წლამდე თავისუფლების აღკვეთას ითვალისწინებს, ხოლო მესამე პირს ბრალდება სისხლის სამართლის კოდექსის 260-ე მუხლის მეორე ნაწილის „ა’’ პუნქტით და 261-ე მუხლის პირველი ნაწილით წარედგინა, რაც რვა წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულებს აღკვეთის ღონისძიების სახით პატიმრობა უკვე შეუფარდა.სისხლის სამართლის საქმეებზე გამოძიება გრძელდება“, - ნათქვამია განცხადებაში.

სამართალი • 1754313060

„მთავარი არხის“ ოფისში საგამოძიებო მოქმედებები მიმდინარეობს

„მთავარი არხის“ ოფისში საგამოძიებო მოქმედებები მიმდინარეობს.პროცესი, სავარაუდოდ, უკავშირდება ტელეკომპანიის დირექტორის გიორგი ქურდაძის მოთხოვნით დაწყებულ გამოძიებას.გამოძიება რამდენიმე მუხლით მიმდინარეობს, მათ შორის წინასწარი შეთანხმებით ჯგუფის მიერ საწარმოში ხელმძღვანელობითი უფლებამოსილების ბოროტად გამოყენება, ასევე იურიდიული პირის კუთვნილი თანხების მითვისება გაფლანგვა და ფულის გათეთრება.

მსოფლიო • 1754312081

გიტანას ნაუსედამ ლიეტუვის პრემიერ-მინისტრისა და მთავრობის გადადგომის განკარგულებას ხელი მოაწერა

ლიეტუვის პრეზიდენტმა, გიტანას ნაუსედამ ქვეყნის პრემიერ-მინისტრის, გინტაუტას პალუცკასა და მისი მთავრობის გადადგომის განკარგულებას მოაწერა ხელი. მანვე დროებით მთავრობის ხელმძღვანლობა ფინანსთა მინისტრ სიმანტას შადჟიუსს დაავალა.გინტაუტას პალუცკასმა თანამდებობიდან წასვლის შესახებ პრეზიდენტს 31 ივლისს, მას შემდეგ აცნობა, რაც მის გარშემო არაერთი სკანდალი აგორდა.როგორც ცნობილია, ლიეტუვაში ჟურნალისტებმა პალუცკასის საეჭვო ბიზნესკავშირები გამოავლინეს. ამის საფუძველზე, ლიეტუვის გენერალურმა პროკურატურამ სპეციალურ საგამოძიებო სამსახურს გარემოებების გამოძიება დაავალა. ფინანსური დანაშაულების გამოძიების სამსახურის თანამშრომლებმა ჩხრეკის ოპერაცია ჩაატარეს კომპანია „დანკორაში“, რომელიც პრემიერის ცოლისძმას ეკუთვნის. აღნიშნული კომპანია ევროპულ დაფინანსებას იღებდა და იძენდა აკუმულატორის სისტემებს თავად პრემიერის კომპანია „გარნისისგან“.ნაუსედამ პალუცკასს ბრალდებებზე ახსნა-განმარტებისთვის ორკვირიანი ვადა მისცა.

პოლიტიკა • 1754309324

ნინო წილოსანი: ლიეტუვაში ჩემი და ჩემი კოლეგების არასასურველ პირთა სიაში შემტანი მთავრობა გადადგა კორუფციული სკანდალის გამო, სწორედ ასეთები იღებენ უსამართლო გადაწყვეტილებებს, ვინ იქნება შემდეგი?

საქართველოს პარლამენტის ვიცე-სპიკერი ნინო წილოსანი ლიეტუვის მთავრობის გადადგომის შესახებ გავრცელებულ ინფორმაციას ეხმიანება და წერს, რომ „არასასურველ პირთა სიაში შემტანი ლიეტუვის მთავრობა კორუფციული სკანდალის გამო გადადგა“.წილოსანის განცხადებით, სწორედ ასეთები იღებენ უსამართლო გადაწყვეტილებებს.„როგორც აღმოჩნდა, ლიეტუვაში ჩემი და ჩემი კოლეგების არასასურველ პირთა სიაში შემტანი მთავრობა კორუფციული სკანდალის გამო გადადგა. სწორედ ასეთები იღებენ უსამართლო გადაწყვეტილებებს. საინტერესოა, ვინ იქნება შემდეგი?“ – წერს ნინო წილოსანი სოციალურ ქსელში.ცნობისთვის, პრემიერ-მინისტრ გინტაუტას პალუცკასის შემდეგ, დღეს ლიეტუვის მთელი მთავრობა გადადგება. 31 ივლისს ლიეტუვის პრეზიდენტმა, გიტანას ნაუსედამ განაცხადა, რომ პრემიერმა გინტაუტას პალუცკასმა გადადგომის შესახებ მიმართა. როგორც ცნობილია, ლიეტუვაში პალუცკასის გარშემო არაერთი სკანდალი აგორდა, როდესაც ჟურნალისტებმა მისი საეჭვო ბიზნესკავშირები გამოავლინეს. ამის საფუძველზე, ლიეტუვის გენერალურმა პროკურატურამ სპეციალურ საგამოძიებო სამსახურს მათი გარემოებების გამოძიება დაავალა. ნაუსედამ პალუცკასს ბრალდებებზე ახსნა-განმარტებისთვის ორი კვირა მისცა.

მსოფლიო • 1754301903

მედიის ცნობით, პრემიერ-მინისტრის შემდეგ, დღეს ლიეტუვის მთელი მთავრობა გადადგება

პრემიერ-მინისტრის შემდეგ, დღეს ლიეტუვის მთელი მთავრობა გადადგება. ლიეტუვის მედიის თანახმად, ორშაბათს დილით მინისტრთა კაბინეტი გადადგომის შესახებ რეზოლუციის მისაღებად შეიკრიბება. ეს გინტაუტას პალუცკასის თავმჯდომარეობით მთავრობის ბოლო სხდომა იქნება.რეზოლუციის მიღების შემდეგ, მოქმედი პრემიერ-მინისტრი სახელმწიფოს მეთაურს გადადგომის შესახებ წერილს წარუდგენს. მას შემდეგ, რაც ის შესაბამის ბრძანებულებას ხელს მოაწერს, მთელი მთავრობა გადადგება. შემდეგ პრეზიდენტს შეეძლება, ერთ-ერთი მინისტრი მოვალეობის შემსრულებლად დანიშნოს ახალი მთავრობის ფორმირებამდე.მას შემდეგ, რაც მმართველი პარტიის პრეზიდიუმი ახალი პრემიერ-მინისტრის კანდიდატურას გადაწყვეტს, მას მოუწევს, ეს საკითხი პრეზიდენტ გიტანას ნაუსედასთან განიხილოს. სახელმწიფოს მეთაური კანდიდატის შერჩევის შემდეგ მას სეიმს წარუდგენს.თავის მხრივ, პარლამენტარებს ახალი პრემიერ-მინისტრის კანდიდატურასთან დაკავშირებით გადაწყვეტილების მიღება პლენარულ სხდომაზე მისი წარდგენიდან არაუგვიანეს ერთი კვირისა მოუწევთ.სეიმში პრემიერ-მინისტრის კანდიდატურაზე კენჭისყრა ღია ფორმატში ტარდება. მის დასამტკიცებლად საკმარისია ხმების უბრალო უმრავლესობა. თუ პარლამენტი დაამტკიცებს პრემიერ-მინისტრის კანდიდატურას, იგი ვალდებულია, დანიშვნიდან არაუგვიანეს 15 დღისა, პარლამენტს წარუდგინოს პრეზიდენტის მიერ ჩამოყალიბებული და დამტკიცებული მინისტრთა კაბინეტი. ასევე განსახილველად წარადგინოს მთავრობის სამუშაო პროგრამა.მთავრობა მოქმედების უფლებამოსილებას იძენს მას შემდეგ, რაც მისი პროგრამა დამტკიცდება სხდომაზე დამსწრე სეიმის წევრების ხმების უმრავლესობით.31 ივლისს ლიეტუვის პრეზიდენტმა, გიტანას ნაუსედამ განაცხადა, რომ პალუცკასმა გადადგომის შესახებ მიმართა. როგორც ცნობილია, ლიეტუვაში პალუცკასის გარშემო არაერთი სკანდალი აგორდა, როდესაც ჟურნალისტებმა მისი საეჭვო ბიზნესკავშირები გამოავლინეს. ამის საფუძველზე, ლიეტუვის გენერალურმა პროკურატურამ სპეციალურ საგამოძიებო სამსახურს მათი გარემოებების გამოძიება დაავალა. ნაუსედამ პალუცკასს ბრალდებებზე ახსნა-განმარტებისთვის ორი კვირა მისცა.

ისტორიები • 1754292646

„ერთხელ ვაკოცე, მეორედ და მესამედაც“ - პარანოიდი მეცნიერის ამბავი, რომელიც მოპარულ ცხედრებთან ცხოვრობდა - ის სასამართლომ შეურაცხადად ცნო

2011 წელს რუსეთი, შოკისმომგვრელმა ამბავმა აალაპარაკა. პროფესორი და ლინგვისტი ანატოლი მოსკვინი დააკავეს 25 მუმიფიცირებული გვამის გამო, რომლებიც მის სახლში აღმოაჩინეს.ანატოლი მოსკვინის ისტორიაანატოლი მოსკვინმა მოსკოვის სახელმწიფო უნივერსიტეტი დაამთავრა და ნიჟნი ნოვგოროდის ენათმეცნიერების უნივერსიტეტში კელტოლოგიას ასწავლიდა. ის პროფესიონალურად იყო დაკავებული ნეკროპოლისტიკით და დაწერა რამდენიმე საკმაოდ მნიშვნელოვანი სამეცნიერო სტატია, რომელიც სასაფლოების ისტორიას ეძღვნებოდა.კაცი, რომელიც მთელი ცხოვრება განათლებისა და მეცნიერების სამსახურში ატარებდა, თურმე უცნაური საქმიანობით იყო დაკავებული: ის ღამით საფლავებს თხრიდა და გვამებს იღებდა.როდესაც ქალაქში საფლავების რეგულარულად ამოთხრის ამბავი გავრცელდა და გამოძიება დაიწყო, მეცნიერი ეჭვიტანილთა სიაში არც კი ყოფილა. მაგრამ ერთ-ერთი გოგონას ცხედრის ამოთხრისას „ჩავარდა“, როდესაც მას ქუჩის ძაღლი დაესხა თავს.მოსკვინის სახლის ჩხრეკის დროს ნანახმა ვითარებამ სამართალდამცველები შეაშფოთა. სახლში ადამიანის სიმაღლის 25 უცნაური „თოჯინა“ ინახებოდა. ცხედრების ასაკი 3-დან 11 წლამდე იყო.ბავშვების ცხედრებისგან თოჯინების შექმნას მოსკვინი „შემოქმედებითად“ უდგებოდა და მათი „სრულყოფილებისთვის“ მათ სხეულში ჩვეულებრივი თოჯინებიდან ან მუსიკალური ზარდახშებიდან ამოღებულ მუსიკალურ მექანიზმებს ამონტაჟებდა. მუმიებთან შეხებისას ისინი სიმღერას ან სხვადასხვა ხმების გამოცემას „იწყებდნენ“.მოსკვინი საფლავებიდან ნაკლებ დაზიანებულ ცხედრებს იღებდა მათ ამუმიავებდა, მაკიაჟს უკეთებდა და სხვადასხვა ტანსაცმელს აცმევდა. მოსკვინი აღიარებდა, რომ ბავშვობაში თავადაც იყო მსხვერპლი ოჯახური ძალადობისა და სოციალური იზოლაციის, რამაც შესაძლოა გავლენა მოახდინა მის ფსიქოლოგიურ მდგომარეობაზე.მოსკვინი იმედოვნებდა, რომ მუმიების დამუშავებით მოახერხებდა გარდაცვლილთა სულების დაბრუნებას და მათ „სახლში დაბრუნებას“. ასევე, მისი თქმით, ეს გახლდათ მცდელობა გარდაცვლილთა პატივისცემისა და დაუსრულებელი სულიერი კავშირის შენარჩუნების.„ერთხელ ვაკოცე, მეორედ და მესამედაც“,- ამბობდა მოსკვინი ერთ-ერთი „თოჯინის„ შესახებ, რომელიც 11 წლის გოგონას სხეულიდან იყო შექმნილი.მისი ქმედებები სამეცნიერო ინტერესით იყო გაჯერებულიდაპატიმრების შემდეგ მოსკვინი ფსიქიატრიულმა ექსპერტიზამ შეურაცხადად ცნო და მას იძულებითი მკურნალობა დაუნიშნეს.

პოლიტიკა • 1754290112

მცხეთა-მთიანეთის პოლიციამ ჯანმრთელობის განზრახ მძიმე დაზიანების ბრალდებით ერთი პირი დააკავა

საქართველოს შინაგან საქმეთა სამინისტროს მცხეთა-მთიანეთის პოლიციის დეპარტამენტის დუშეთის რაიონული სამმართველოს თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, 1974 წელს დაბადებული წარსულში ნასამართლევი შ.კ. ჯანმრთელობის განზრახ მძიმე დაზიანების ბრალდებით დააკავეს.შსს-ს ცნობით, დანაშაული 7-წლამდე ვადით თავისუფლების აღკვეთას ითვალისწინებს.„გამოძიებით დადგინდა, რომ ალკოჰოლის ზემოქმედების ქვეშ მყოფ ბრალდებულს და 1991 წელს დაბადებულ ზ.ა.-ს სიტყვიერი შელაპარაკება მოუვიდათ, რომელიც ფიზიკურ დაპირისპირებაში გადაიზარდა. შ.კ.-მ ცივი იარაღის გამოყენებით ჭრილობები მიაყენა ზ.ა.-ს და შემთხვევის ადგილიდან მიიმალა.დაჭრილი მამაკაცი საავადმყოფოში გადაიყვანეს, სადაც შესაბამისი სამედიცინო დახმარება ჩაუტარდა.სამართალდამცველებმა შ.კ. მომხდარიდან მალევე ცხელ კვალზე ბრალდებულის სახით დააკავეს.პოლიციამ დანაშაულის ჩადენის იარაღი – დანა ნივთმტკიცების სახით ამოიღო.გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს“, – ნათქვამია შსს-ს ინფორმაციაში.

სამართალი • 1754289928

პოლიციამ აჭარაში ნარკოდანაშაულის ბრალდებით უცხო ქვეყნის სამი მოქალაქე დააკავა

პოლიციამ აჭარაში ნარკოდანაშაულის ბრალდებით უცხო ქვეყნის სამი მოქალაქე დააკავა. ინფორმაციას ამის შესახებ საქართველოს შინაგან საქმეთა სამინისტრო ავრცელებს.უწყების ცნობით, საქართველოს შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, დიდი და განსაკუთრებით დიდი ოდენობით ნარკოტიკული საშუალებისა და ფსიქოტროპული ნივთიერების უკანონო შეძენა-შენახვის ბრალდებით თურქეთის რესპუბლიკის მოქალაქეები: 1997 წელს დაბადებული ა.თ., 2003 წელს დაბადებული ე.ჩ. და 2000 წელს დაბადებული დ.ი. დააკავეს.„დანაშაული 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ჩატარებული საგამოძიებო მოქმედებების, მათ შორის ბრალდებულების პირადი ჩხრეკის შედეგად, ნივთმტკიცებად ამოიღეს განსაკუთრებით დიდი ოდენობით ნარკოტიკული საშუალება „კოკაინი” და ფსიქოტროპული ნივთიერება „პრეგაბალინი“. პოლიციის მიერ, ასევე ამოღებულია მცირე ზომის ელექტრო სასწორი. გამოძიება საქართველოს სისხლის სამართლის კოდექსის 260-ე და 261-ე მუხლებით მიმდინარეობს“, – აღნიშნულია შსს-ს ინფორმაციაში.

სამართალი • 1754204372

პოლიციამ ნარკოდანაშაულის ბრალდებით ორი პირი, მათ შორის უცხო ქვეყნის 1 მოქალაქე დააკავა

შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიული ღონისძიებებისა დასაგამოძიებო მოქმედებების შედეგად, ნარკოდანაშაულის ბრალდებით ორი პირი დააკავეს.დიდი და განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის, უკანონო რეალიზაციის ხელშეწყობისა და ნარკოტიკული საშუალების შემცველი მცენარის უკანონო დათესვა-მოყვანის ფაქტებზე დაკავებული არიან: 1986 წელს დაბადებული გ.ყ. და რუსეთის ფედერაციის მოქალაქე, 1962 წელს დაბადებული ე.ვ.დანაშაულები 20 წლამდე ან უვადო თავისუფლების აღკვეთას ითვალისწინებს.სამართვალდამცველებმა ბრალდებულების საცხოვრებელი სახლების, ასევე, ერთ-ერთი ბრალდებულის სარგებლობაში არსებული სასაწყობე ფართის ჩხრეკის შედეგად, ნივთმტკიცებად ამოიღეს სხვადასხვა სახის ნარკოტიკული საშუალებები,მათ შორის: „მეთადონი“ „გამომშრალი მარიხუანა“, „ტეტრაჰიდროკანაბინოლის“ შემცველი მასა და „მცენარე კანაფი“.პოლიციის მიერ ნივთმტკიცებად, ასევე, ამოღებულია ნარკოტიკული საშუალებების დათესვა-მოყვანისთვის საჭირო მასალები.გამოძიება საქართველოს სისხლის სამართლის კოდექსის 260-ე, 260-ე კვარტა და 265-ე პრიმა მუხლებით მიმდინარეობს.

შემთხვევა • 1754165836

ცნობილია, თბილისში ავარიის შედეგად გარდაცვლილი სკუტერის მძღოლის ვინაობა

თბილისში, ცინცაძის ქუჩაზე ავარია მოხდა. ერთმანეთს მსუბუქი ავტომობილის და სკუტერის მძღოლი დაეჯახა.ავარიის შედეგად სკუტერის მძღოლი გარდაიცვალა. ადგილზე იმყოფებოდნენ სამართალდამცველები და სასწრაფო-სამედიცინო დახმარების ეკიპაჟი.სამწუხაროდ, მძღოლის გადარჩენა ვერ მოხერხდა.„პრაიმ ტაიმის“ ინფორმაციით გარდაცვლილი ბესო თოდუაა.შსს-მ ფაქტზე გამოძიება 276-ე მუხლით დაიწყო.

საზოგადოება • 1754137884

მძიმე ავარია თბილისში - დაღუპულია სკუტერის მძღოლი

თბილისში, ცინცაძის ქუჩაზე ავარია მოხდა. ერთმანეთს მსუბუქი ავტომობილის და სკუტერის მძღოლი დაეჯახა.ავარიის შედეგად სკუტერის მძღოლი გარდაიცვალა. ადგილზე იმყოფებოდნენ სამართალდამცველები და სასწრაფო-სამედიცინო დახმარების ეკიპაჟი. სამწუხაროდ, მძღოლის გადარჩენა ვერ მოხერხდა. შემთხვევის ადგილიდან კადრები სოციალურ ქსელში გავრცელდა.  შსს-მ ფაქტზე გამოძიება 276-ე მუხლით დაიწყო.

სამართალი • 1754120211

შს სამინისტროს გენერალურმა ინსპექციამ ნარკოტიკული საშუალების უკანონოდ შეძენა-შენახვისა და ნარკოტიკული საშუალების მატერიალური სარგებლის მიღების მიზნის გარეშე უკანონო გადაცემის ბრალდებით სამი პირი დააკავა

შინაგან საქმეთა სამინისტროს გენერალური ინსპექციის თანამშრომლებმა, გატარებული ოპერატიული ღონისძიებების და საგამოძიებო მოქმედებების შედეგად, ნარკოტიკული საშუალების უკანონოდ შეძენა-შენახვის ბრალდებით სამი პირი დააკავეს, - აღნიშნულია სამინისტროს მიერ გავრცელებულ ინფორმაციაში.მათივე განცხადება, დანაშაული 10-დან 15 წლამდე თავისუფლების აღკვეთას ითვალისწინებს.„გამოძიებით დადგინდა, რომ 1982 წელს დაბადებულმა დაცვის პოლიციის დეპარტამენტის ინკასაციის სამმართველოს თბილისის ინკასირებისა და დაცვა-გაცილების სამსახურის ინსპექტორმა დ.კ-მ, მართლსაწინააღმდეგოდ შეიძინა ნარკოტიკული საშუალება 1981 წელს დაბადებული მოქალაქე ბ.ჯ-სგან, რომელსაც თავის მხრივ ზემოთხსენებული ნარკოტიკული საშუალება, მატერიალური სარგებლის მიღების მიზნის გარეშე უკანონოდ გადასცა 1966 წელს დაბადებულმა მოქალაქე დ.კ-მ.პოლიციის თანამშრომელ დ.კ-ს პირადი ჩხრეკის შედეგად ამოღებულ იქნა ნარკოტიკული საშუალება „ბუპრენორფინი“, რომელსაც ბრალდებული მართლსაწინააღმდეგოდ ინახავდა. გარდა ამისა, დაკავებულების საცხოვრებელი სახლების ჩხრეკის შედეგად ამოღებულ იქნა ნარკოტიკული საშუალება „მარიხუანა“ და ერთი ცალი ნაგანის სიტემის რევოლვერებისათვის განკუთვნილი საბრძოლო ვაზნა, რომლებსაც ბრალდებულები მართლსაწინააღმდეგოდ ინახავდნენ.ნარკოტიკული საშუალების უკანონოდ შეძენა-შენახვის, ნარკოტიკული საშუალების მატერიალური სარგებლის მიღების მიზნის გარეშე უკანონო გადაცემისა და საბრძოლო მასალის მართლსაწინააღმდეგო შეძენა-შენახვის ფაქტზე, გამოძიება სისხლის სამართლის კოდექსის 260-ე სეკუნდა და 236-ე მუხლებით მიმდინარეობს.