გამოძიება

ევროპარლამენტში ევროპის სახალხო პარტიის ფრაქციის (EPP) გავლენიანი გერმანელი წევრის ანგელიკა ნიბლერის წინააღმდეგ თაღლითობის ბრალდებით გამოძიება დაიწყო

ევროპარლამენტში ევროპის სახალხო პარტიის ფრაქციის (EPP) გავლენიანი გერმანელი წევრის ანგელიკა ნიბლერის წინააღმდეგ თაღლითობის ბრალდებით გამოძიება დაიწყო - ამის შესახებ გამოცემა POLITICO წერს.ანგელიკა ნიბლერი აცხადებს, რომ თაღლითობის შესახებ ბრალდებები „უსაფუძვლოა“. ევროპარლამენტის იურიდიულ საკითხთა კომიტეტი ევროპის პროკურატურის (EPPO) მოთხოვნის საფუძველზე სამშაბათს შუადღეს დაიწყებს დებატებს იმის შესახებ, უნდა მოეხსნას თუ არა ევროპის სახალხო პარტიის წევრ ნიბლერს საპარლამენტო იმუნიტეტი.გამოცემის ცნობით, ოთხიდან ორი საპარლამენტო წარმომადგენლის განცხადებით, რომელთა ვინაობაც ანონიმურია საქმის სენსიტიურობიდან გამომდინარე, პროკურატურამ ნიბლერი დაადანაშაულა იმაში, რომ მან თანაშემწეები მძღოლებად დაიქირავა, რათა ის მშობლიური მიუნხენიდან ბრიუსელსა და სტრასბურგში ეტარებინა- ასევე პირადი და საქმიანი შეხვედრებისთვის, რომლებიც არ უკავშირდებოდა მის საქმიანობას ევროპარლამენტის დეპუტატის რანგში. „ბრალდებები უსაფუძვლოა. მსურს, რომ საქმის ფაქტები რაც შეიძლება სწრაფად გაირკვეს,“ — განაცხადა ნიბლერმა POLITICO-სთან. „მე სრულად დავუჭერ მხარს ამ გამოძიებას.“- დასძინა მან. EPPO-ს სპიკერმა განაცხადა, რომ ორგანიზაცია „არც კომენტარს გააკეთებს და არც დაადასტურებს, რომელ გამოძიებებზე ვმუშაობთ. ეს იმისთვის კეთდება, რომ საფრთხე არ შეექმნას გამოძიების შედეგს.“

სამართალი • 1762276484

საგამოძიებო სამსახურმა კომერციული მოსყიდვის ფაქტზე ერთი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, საქართველოს პროკურატურასთან კოორდინაციით, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, კომერციული მოსყიდვის ფაქტზე სს „საქართველოს რკინიგზის“ ხარაგაულის რაიონის მოლითი-მარელისის ცვლის უფროსი ა.გ. დააკავეს.ჩატარებული გამოძიებით დადგინდა, რომ ბრალდებული მოქალაქეს დაპირდა სს „საქართველოს რკინიგზის “ კუთვნილი შპალების მიყიდვას, რაშიც მოსთხოვა და გამოართვა ფულადი თანხა, რა დროსაც მოხდა მისი დაკავება.გამოძიება მიმდინარეობს საქართველოს სისხლის სამართლის კოდექსის 221-ე მუხლის მე-4 ნაწილით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით. საქართველოს ფინანსთა სამინისტროს საგამოძიებო სამსახური აქტიურად აგრძელებს საფინანსო-ეკონომიკურ სფეროში ჩადენილი დანაშაულისა და კორუფციის წინააღმდეგ სისხლის სამართლის მკაცრ პოლიტიკას.

სამართალი • 1762271703

საგამოძიებო სამსახურმა კომერციული მოსყიდვის ფაქტზე ერთი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, საქართველოს პროკურატურასთან კოორდინაციით, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, კომერციული მოსყიდვის ფაქტზე სს „საქართველოს რკინიგზის“ ხარაგაულის რაიონის მოლითი-მარელისის ცვლის უფროსი ა.გ. დააკავეს, - ამის შესახებ ინფორმაციას საგამოძიებო სამსახური ავრცელებს.„ჩატარებული გამოძიებით დადგინდა, რომ ბრალდებული მოქალაქეს დაპირდა სს „საქართველოს რკინიგზის “ კუთვნილი შპალების მიყიდვას, რაშიც მოსთხოვა და გამოართვა ფულადი თანხა, რა დროსაც მოხდა მისი დაკავება. გამოძიება მიმდინარეობს საქართველოს სისხლის სამართლის კოდექსის 221-ე მუხლის მე-4 ნაწილით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.საქართველოს ფინანსთა სამინისტროს საგამოძიებო სამსახური აქტიურად აგრძელებს საფინანსო-ეკონომიკურ სფეროში ჩადენილი დანაშაულისა და კორუფციის წინააღმდეგ სისხლის სამართლის მკაცრ პოლიტიკას“, - აცხადებენ უწყებაში.

პროკურატურამ ქორწინების იძულების ფაქტზე ერთ პირს ბრალდება წარუდგინა

სამართალი • 1762245263

პროკურატურამ ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენა-შენახვის, ტარების და გასაღების ფაქტზე უცხო ქვეყნის ორ მოქალაქეს ბრალდება წარუდგინა

საქართველოს პროკურატურამ ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენა-შენახვის, ტარების და გასაღების ფაქტზე თურქეთის რესპუბლიკის ორ მოქალაქეს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა, გამოძიებით დაუდგენელ დროსა და ვითარებაში, ჯგუფურად, მართლსაწინააღმდეგოდ შეიძინეს, ინახავდნენ და ატარებდნენ ცეცხლსასროლ იარაღს და საბრძოლო მასალას, რაც მიმდინარე წლის 31 ოქტომბერს, ღამის საათებში, ბათუმის საერთაშორისო აეროპორტის მიმდებარე ტერიტორიაზე, 4320 ლარად მიჰყიდეს ერთ პირს. ფულადი თანხა, რომელიც ბრალდებულებმა გაინაწილეს, პოლიციის თანამშრომლებმა ჩხრეკის შედეგად ამოიღეს. ასევე, ამოღებულია მართლსაწინააღმდეგოდ გასაღებული ცეცხლსასროლი იარაღი და საბრძოლო მასალა.სამართალდამცველებმა ბრალდებულები ბათუმში დააკავეს. მათ ბრალდება საქართველოს სისხლის სამართლის კოდექსის 236-ე მუხლის მე-6 ნაწილის „ა“ ქვეპუნქტით (ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვა, ტარება და გასაღება, ჩადენილი ჯგუფურად), რაც სასჯელის სახედ და ზომად 11 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე, ბათუმის საქალაქო სასამართლომ ორივე ბრალდებულს აღკვეთის ღონისძიების სახით პატიმრობა უკვე შეუფარდა.შინაგან საქმეთა სამინისტროში სისხლის სამართლის საქმეზე გამოძიება გრძელდება.

სამართალი • 1762244184

სასაზღვრო პოლიციამ სახელმწიფო საზღვრის უკანონოდ გადაკვეთის მცდელობისა და გადაკვეთის ფაქტზე 4 პირი დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სასაზღვრო სექტორ "სარფისა" და სასაზღვრო სექტორ "კირნათის" დასაცავ მონაკვეთებზე ჩატარებული ოპერატიულ-სამძებრო ღონისძიების შედეგად, უცხო ქვეყნის 4 მოქალაქე - 1976 წელს დაბადებული ბ.ქ., 1995 წელს დაბადებული ე.ქ., 1997 წელს დაბადებული ჯ.ა. და 1996 წელს დაბადებული თ.თ. საქართველოს სახელმწიფო საზღვრის უკანონოდ გადაკვეთის მცდელობისა და გადაკვეთის ფაქტზე დააკავეს.დანაშაული 5 წლამდე ვადით თავისუფლების აღკვეთას ითვალისწინებს."გამოძიებამ დაადგინა, რომ ბრალდებულები ბ.ქ. და ჯ.ა. უკანონოდ ცდილობდნენ სასაზღვრო-საკონტროლო გამტარი პუნქტის გვერდის ავლით, საქართველოდან თურქეთის რესპუბლიკის მიმართულებით გადაეკვეთათ საქართველოს სახელმწიფო საზღვარი, ხოლო ბრალდებულებმა ე.ქ.-მ და თ.თ.-მ სატვირთო ავტომანქანაში დამალვის გზით უკანონოდ გადმოკვეთეს საქართველოს სახელმწიფო საზღვარი და შემოვიდნენ საქართველოში", - აღნიშნულია უწყების განცხადებაში.გამოძიება საქართველოს სისხლის სამართლის კოდექსის 344-ე მუხლის პირველი ნაწილითა და 19-344-ე მუხლის პირველი ნაწილით მიმდინარეობს, რაც საქართველოს სახელმწიფო საზღვრის უკანონოდ გადაკვეთის მცდელობასა და გადაკვეთას გულისხმობს.

სამართალი • 1762238412

პოლიციამ ცეცხლსასროლი იარაღისა და საბრძოლო მასალის უკანონოდ, ჯგუფურად შეძენა-შენახვა-ტარებისა და გასაღების ფაქტზე უცხო ქვეყნის ორი მოქალაქე დააკავა

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, პროკურატურის თანამშრომლებთან ერთად კომპლექსურად ჩატარებული ოპერატიული ღონისძიებებისა და საგამოძიებო მოქმედებების შედეგად, ცეცხლსასროლი იარაღისა და საბრძოლო მასალის უკანონოდ, ჯგუფურად შეძენა-შენახვა-ტარებისა და გასაღების ფაქტზე თურქეთის რესპუბლიკის მოქალაქეები: წარსულში ნასამართლევი, 1980 წელს დაბადებული ბ. ო. და 1993 წელს დაბადებული მ.ბ. დააკავეს. ინფორმაციას ამის შესახებ შსს ავრცელებს.უწყების ცნობით, დანაშაული 11 წლამდე ვადით თავისუფლების აღკვეთას ითვალისწინებს.„სამართალდამცველების მიერ ჩატარებული ღონისძიებების, მათ შორის ფარული საგამოძიებო მოქმედების შედეგად დადგინდა, რომ ბრალდებულებმა მოქალაქეზე უკანონოდ, ფულის სანაცვლოდ, ჯგუფურად გაასაღეს ცეცხლსასროლი იარაღი და საბრძოლო მასალა. პოლიციამ ორივე მათგანი ბრალდებულის სახით დააკავა.სამართალდამცველებმა უკანონო იარაღი და საბრძოლო მასალა ნივთმტკიცებად ამოიღეს, ასევე ამოღებულია ფული. გამოძიება სისხლის სამართლის კოდექსის 236-ე მუხლის მე-6 ნაწილით მიმდინარეობს“, – ნათქვამია შსს-ს გავრცელებულ ინფორმაციაში.

სამართალი • 1762238282

73 წლის კაცმა არასრულწლოვანი თანასოფლელი გააუპატიურა - შემზარავ დანაშაულში ბრალდებული კაცი პოლიციამ დააკავა

შინაგან საქმეთა სამინისტროს შიდა ქართლის პოლიციის დეპარტამენტის კასპის რაიონული სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, 1952 წელს დაბადებული მ.ნ. არასრულწლოვნის გაუპატიურების ბრალდებით დააკავეს. ინფორმაციას ამის შესახებ შსს ავრცელებს.უწყების ცნობით, დანაშაული 20 წლამდე ან უვადო თავისუფლების აღკვეთას ითვალისწინებს.„მიმდინარე გამოძიების ფარგლებში დადგინდა, რომ დანაშაულში ბრალდებულმა პირმა, ძალადობის გამოყენებით არასრულწლოვანი თანასოფლელი გააუპატიურა.სამართალდამცველებმა მ.ნ. კასპის მუნიციპალიტეტის ერთ-ერთ სოფელში, მისსავე საცხოვრებელ სახლში ბრალდებულის სახით დააკავეს. გამოძიება სისხლის სამართლის კოდექსის 137-ე მუხლით მიმდინარეობს“, – ნათქვამია შსს-ს გავრცელებულ ინფორმაციაში.

შემთხვევა • 1762236411

ტრაგედია რომში - კონტის ისტორიული კოშკის ნაწილის ჩამონგრევის შედეგად ერთი ადამიანი დაიღუპა

რომში მე-13 საუკუნის კონტის ისტორიული კოშკის ნაწილის ჩამონგრევის შედეგად ერთი ადამიანი დაიღუპა.როგორც „როიტერი“ წერს, დაღუპული რუმინელი მუშაა, რომელიც 11 საათის განმავლობაში ნანგრევების ქვეშ იმყოფებოდა.რომის პოლიციის განმარტებით, მამაკაცი სასწრაფო დახმარების მანქანაში გარდაიცვალა.ამასთან, დაშავდა კიდევ ერთი მუშა, რომელიც საავადმყოფოში მალევე გადაიყვანეს. მას სიცოცხლესთან შეუთავსებელი ტრავმები არ აღენიშნება.იტალიური მედიის ინფორმაციით, დაშავებულთაგან ორს სამედიცინო დახმარება ადგილზევე გაუწიეს.კოლიზეუმთან ახლოს მდებარე შუა საუკუნეების კოშკის ნაწილი მისი რეკონსტრუქციის დროს ჩამოინგრა. ნგრევის გამომწვევი გარემოებების გამოძიება დაწყებულია. ცნობისთვის, რომში მდებარე ისტორიული კოშკი 1238 წელს, პაპ ინოკენტი III-ის ძმამ, რიჩარდ კონტიმ ააშენა, როგორც რეზიდენცია თავისი ოჯახისთვის.

სამართალი • 1762233575

პოლონეთში დააკავეს საქართველოს მოქალაქე, რომელმაც პენსიონერს თანხა მოტყუებით გამოსძალა

პოლონეთში დააკავეს საქართველოს მოქალაქე, რომელმაც პენსიონერს თანხა მოტყუებით გამოსძალა. ახალგაზრდა მამაკაცი მსხვერპლ პენსიონერს ტელეფონით დაუკავშირდა და უთხრა, რომ მის ანგარიშზე არსებული თანხა საფრთხეში იყო და თანხის უსაფრთხო ანგარიშზე გადატანა შესთავაზა. ამ სქემით, მან 18 000 ზლოტი (დაახლოებით 4,000 ევრო) მიითვისა.სამართალდამცველები ეჭვობენ, რომ საქმეში, შესაძლოა, სხვა პირებიც ფიგურირებდნენ.მომხდარზე გამოძიება გრძელდება.

მსოფლიო • 1762190654

რომში ისტორიული კოშკის ნაწილი ჩამოინგრა - არიან დაშავებულები

რომში მე-13 საუკუნის კონტის ისტორიული კოშკის ნაწილი ჩამოინგრა, დაშავებულია ოთხი ადამიანი. იტალიური მედიის ინფორმაციით, დაშავებულთაგან ორს სამედიცინო დახმარება ადგილზევე გაუწიეს, ერთი მუშის მდგომარეობა მძიმეა. ერთი დაშავებულის ნანგრევებიდან გამოყვანის ოპერაცია კი ამ დრომდე მიმდინარეობს. მაშველების თქმით, ის ცოცხალია და საუბარზე რეაგირებს.მედიის ცნობით, კოლიზეუმთან ახლოს მდებარე შუა საუკუნეების კოშკის ნაწილი მისი რეკონსტრუქციის დროს ჩამოინგრა.ნგრევის გამომწვევი გარემოებების გამოძიება დაწყებულია.ცნობისთვის, რომში მდებარე ისტორიული კოშკი 1238 წელს, პაპ ინოკენტი III-ის ძმამ, რიჩარდ კონტიმ ააშენა, როგორც რეზიდენცია მისი ოჯახისთვის.

შემთხვევა • 1762185077

მარნეულში 14 წლის ბიჭს მანქანა დაეჯახა

მარნეულში ავტოსაგზაო შემთხვევა მოხდა. რუსთაველის ქუჩაზე 14 წლის ბიჭს მსუბუქი ავტომობილი დაეჯახა. ინფორმაციას „მარნეული ნიუსი“ ავრცელებს.დაშავებული სკოლის მოსწავლე სასწრაფო სამედიცინო დახმარების ჯგუფმა კლინიკაში გადაიყვანა. მისი მდგომარეობა საშუალო სიმძიმისაა.როგორც „პრაიმტაიმს“ შინაგან საქმეთა სამინისტროში უთხრეს, მომხდარზე გამოძიება სსკ-ის 276-ე მუხლის მე-2 ნაწილით მიმდინარეობს.ადგილზე მობილიზებულნი იყვნენ სამართალდამცველები და საგანგებო სიტუაციების მართვის სამსახურის თანამშრომლები.

სამართალი • 1762175753

ნარკოტიკების საქმეზე დაკავებული 19 წლის ბრიტანელის საქმის პროკურორი სასამართლოს გადაწყვეტილებაზე კომენტარს აკეთებს

საქართველოში ნარკოტიკების შემოტანის საქმეზე დაკავებული 19 წლის ბრიტანეთის მოქალაქე, ბელა მეი კალი თავისუფალია. გადაწყვეტილება თბილისის საქალაქო სასამართლომ მიიღო.ფეხმძიმე ქალი საპროცესო შეთანხმების საფუძველზე გათავისუფლდა. თუმცა, ის წარდგენილ ბრალდებაში დამნაშავედ ცნეს. მას თავისუფლების აღკვეთა 5 თვისა და 24 დღის ვადით მიესაჯა, თუმცა, დაკავებიდან მას ეს ვადა მოხდილად ჩაეთვალა. დამატებით სასჯელად დაეკისრა ჯარიმა 500 ათასი ლარის ოდენობით.წარდგენილი ბრალის მიხედვით, ახალგაზრდა ქალს თბილისის საერთაშორისო აეროპორტში, ბარგში, 12 კილოგრამი მარიხუანა და 2 კილო ჰაშიში აღმოუჩინეს. ბელა მეი კალი აცხადებს, რომ ნარკოტიკების შემოტანა წამებით აიძულეს."მას შემდეგ, რაც ბრალდებულმა აღიარა ჩადენილი დანაშაული, ითანამშრომლა გამოძიებასთან, ადვოკატთან შეთანხმებით მათ განცხადებით მომართეს პროკურატურას - ითხოვეს საპროცესო შეთანხმება. ჩვენს მიერ განხილული იქნა აღნიშნული საკითხი, გათვალისწინებული იქნა ბრალდებულის აღიარება, გათვალისწინებული იქნა მისი ასაკი, მდგომარეობა და საბოლოოდ, მხარეები შეჯერდნენ და დღეს დამტკიცდა საპროცესო შეთანხმება. ბრალდებულს მიესაჯა თავისუფლების აღკვეთა 5 თვის და 24 დღის ვადით და დამატებით სასჯელად დაეკისრა ჯარიმა 500 000 ლარის. მან დაასახელა თავისი კონტაქტები, რასთან დაკავშირებითაც საქმედან გამოყოფილია სხვა სისხლის სამართლის საქმე და მიმდინარეობს გამოძიება", - აცხადებს პროკურორი ვახტანგ ცალუღელაშვილი.