პოლიტიკა • 1787217866

დავით მათიკაშვილი: აგენტურას საქართველოს გაერთიანება მშვიდობიანად ნამდვილად არ სურს, ისევ ის სააკაშვილია, უბრალოდ საკუთარი სამშობლოსადმი იმდენი ავის გაკეთება აღარ შეუძლია, რაც მანამდე შეეძლო

ეს არის რეალურად ნიანგის ცრემლები, საზოგადოებამ ძალიან კარგად იცის სააკაშვილის დამოკიდებულება საქართველოსადმი, საქართველოს ტერიტორიული მთლიანობის აღდგენისადმი. სწორედ მისმა მოღალატეობრივმა ნაბიჯებმა გამოიწვია, რომ 2008 წლის ომის შემდგომ საქართველოს ტერიტორიის 20 პროცენტი ოკუპირებულია რუსეთის ფედერაციის მიერ, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.მათიკაშვილის თქმით, აგენტურულმა, მოღალატეობრივმა ძალებმა საზოგადოების დასანახად როგორი განსხვავებული პოზიციებიც არ უნდა დაიკავონ, ამით არაფერი იცვლება.„ჩვენ ძალიან კარგად ვიცით „ნაცმოძრაობის“ მოღალატეობრივი სახე, სააკაშვილის სახით იქნება კონკრეტულად საზოგადოებისთვის წარმოდგენილი, გვარამიას სახით, თუ რა ურთიერთგამომრიცხავ განცხადებებს გააკეთებენ, ჩვენთვის ნათელია – აგენტურას საქართველოს გაერთიანება მშვიდობიანად, მშვიდობის პირობებში ჩვენი ქვეყნის ერთობა ნამდვილად არ სურს.სააკაშვილი თუ ძალადობაზე აკეთებს ხაზგასმას და ძალადობისკენ საკუთარ პრიორიტეტს ამჟღავნებს, ამაში გასაკვირი არაფერი არ არის. სააკაშვილის ძალადობრივმა, სრულიად დაუსაბუთებელმა, არაარგუმენტირებულმა ქმედებებმა გამოიწვია ის პრობლემატიკა, რაც ოკუპირებულ ტერიტორიებთან მიმართებით გვაქვს, ის მოღალატეობრივი ომი, რაც მოხდა საქართველოში, სწორედ ძალადობრივი მეთოდებისადმი ამ მიმხრობამ გამოიწვია“, – აღნიშნა დავით მათიკაშვილმა.მათიკაშვილის შეფასებით, მიხეილ სააკაშვილი არ შეცვლილა, უბრალოდ „საკუთარი სამშობლოსადმი იმდენი ავის გაკეთება აღარ შეუძლია“.„როგორ ვიფიქროთ, რომ ამდენი დანაშაულის, ამდენი ქმედების შემდეგ, სააკაშვილმა რაიმე ფორმით ჭკუა ისწავლა და უკეთეს, რეალურ განცხადებებს გააკეთებს. ისევ იმ პლატფორმაზე დგას, რამაც ათქმევინა სტრასბურგის ადამიანის უფლებათა ევროპულ სასამართლოს, რომ გაოგნებული იყო სისტემური დანაშაულით, რომელიც სააკაშვილის ხელმძღვანელობით იყო საქართველოში. ისევ ის სააკაშვილია, უბრალოდ, მისი სტატუსიდან გამომდინარე, საკუთარი სამშობლოსადმი იმდენი ავის გაკეთება აღარ შეუძლია, რაც მანამდე შეეძლო“, – განაცხადა მათიკაშვილმა.

შემთხვევა • 1787065097

გურჯაანში ახალგაზრდა კაცის ცხედარი იპოვეს

გურჯაანში, სანაპიროს ქუჩაზე მდებარე საბავშვო გასართობ სივრცეში 40 წლამდე კაცის ცხედარი იპოვეს.ადგილობრივებმა ცხედარს დღეს მიაგნეს, თუმცა, ვარაუდობენ, რომ მამაკაცი დიდი ხნის გარდაცვლილია. თვითმხილველები ამბობენ, რომ კაცს სხეულზე ძალადობის კვალი არ აღენიშნება.ადგილზე მობილიზებული იყვნენ სამართალდამცველები, რომლებმაც შესაბამისი საგამოძიებო მოქმედებები ჩაატარეს.ცხედარი გურჯაანში, ლევან სამხარაულის სახელობის ექსპერტიზის ეროვნულ ბიუროში გადაასვენეს.რა გახდა ახალგაზრდა კაცის გარდაცვალების მიზეზი, ექსპერტიზის დასკვნის შემდეგ გახდება ცნობილი.მომხდარზე შინაგან საქმეთა სამინისტრომ გამოძიება სსკ-ის 115-ე, თვითმკვლელობამდე მიყვანის მუხლით დაიწყო.

მსოფლიო • 1787050779

რუსეთის ელჩი მიხაილ ევდოკიმოვი აზერბაიჯანის საგარეო საქმეთა სამინისტროში დაიბარეს

რუსეთის ელჩი მიხაილ ევდოკიმოვი აზერბაიჯანის საგარეო საქმეთა სამინისტროში დაიბარეს.აზერბაიჯანის საგარეო უწყების ცნობით, შეხვედრის დროს რუსულ მხარეს ეცნობა აზერბაიჯანული მხარის სერიოზული შეშფოთებისა და მკაცრი პროტესტის შესახებ, რომელიც დაკავშირებულია ბოლო დროს რუსეთის ფედერაციის მედია-ინფორმაციულ სივრცეში აზერბაიჯანის რესპუბლიკის, აზერბაიჯანელი ხალხისა და ქვეყნის ხელმძღვანელობის წინააღმდეგ გაკეთებულ პროვოკაციულ, შეურაცხმყოფელ და მუქარის შემცველ განცხადებებთან.კერძოდ, ყურადღება გამახვილდა 2026 წლის 13 აგვისტოს ერთ-ერთი პროექტის ფარგლებში გასულ გადაცემაში აზერბაიჯანის ხალხისა და აზერბაიჯანის რესპუბლიკის ხელმძღვანელობის შესახებ გაკეთებულ განცხადებებზე. გარდა ამისა, აღინიშნა 7 აგვისტოს „სპუტნიკ რადიოს“ ეთერში გასული განცხადება აზერბაიჯანის ხელმძღვანელობის „რუსეთში ტერორისტებისა და ექსტრემისტების სიაში“ შეყვანის შესახებ, ისევე როგორც 9 აგვისტოს YouTube-ზე და 16 აგვისტოს Spas TV-ის ეთერში აზერბაიჯანის ხელმძღვანელობის მიმართ შეურაცხმყოფელი მასალებისა და პროვოკაციული განცხადებების განმეორებითი გამოქვეყნება.აზერბაიჯანის საგარეო საქმეთა სამინისტროს ინფორმაციით, ხაზგასმით აღინიშნა, რომ მიუღებელია აზერბაიჯანის სახელმწიფოს შიდა პოლიტიკურ პროცესებში შესაძლო ჩარევის შესახებ დისკუსიები, ასევე აზერბაიჯანელი ხალხისა და აზერბაიჯანის ხელმძღვანელობის წინააღმდეგ ფიზიკური ძალადობისკენ მოწოდებები.აღინიშნა, რომ აზერბაიჯანული მხარის მიერ მსგავსი საქმიანობისა და სხვადასხვა პოლიტიკურ დონეზე ამ საკითხის განხილვის შეწყვეტის შესახებ არაერთი მოწოდების მიუხედავად, მსგავსი რიტორიკის კიდევ უფრო მკაცრი ფორმით გაგრძელება სერიოზული შეშფოთების საგანია.

საზოგადოება • 1786864683

ბათუმში, საცხოვრებელ სახლში ადამიანი გარდაცვლილი იპოვეს

ბათუმში, მელიქიშვილის ქუჩაზე, გვიან ღამით, ბინაში გარდაცვლილი ადამიანი იპოვეს.ადგილობრივი  მედიის ინფორმაციით, ცხედარი ექსპერტიზის ბიუროში გადაასვენეს. ამ ეტაპზე უცნობია, აღენიშნებოდა თუ არა გარდაცვლილს ძალადობის კვალი.როგორც „პრაიმტაიმს“ შინაგან საქმეთა სამინისტროში უთხრეს, ფაქტზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

შემთხვევა • 1786717020

ზუგდიდის ერთ-ერთ სასტუმროში ახალგაზრდა კაცის ცხედარი იპოვეს

ზუგდიდის სასტუმრო „მარსში“ 40 წლამდე მამაკაცის ცხედარი იპოვეს.სავარაუდოდ, მამაკაცი, აფხაზეთიდან გუშინ გადმოვიდა და სწორედ ამ სასტუმროში დარჩა.ადგილზე ექსპერტ-კრიმინალისტები მუშაობდნენ. წინასწარი ინფორმაციით, კაცს ძალადობის კვალი არ აღენიშნება. ცხედარი ექსპერტიზაზე გადაასვენეს.„პრაიმტაიმი“ დამატებით დეტალებს არკვევს.

საზოგადოება • 1786712811

112-ს ყირგიზეთის რესპუბლიკის დელეგაცია ეწვია

საქართველოს შინაგან საქმეთა მინისტრის, სულხან თამაზაშვილის მოწვევით ოფიციალური ვიზიტით საქართველოში მყოფი ყირგიზეთის რესპუბლიკის შინაგან საქმეთა მინისტრი, ულან ნიაზბეკოვი, დელეგაციასთან ერთად, საზოგადოებრივი უსაფრთხოების მართვის ცენტრ 112 -ს ეწვია.დელეგაციის წევრები 112-ის საქმიანობის ძირითადი მიმართულებებისა და მუშაობის სპეციფიკას გაეცნენ. ვიზიტის ფარგლებში სტუმრებმა გადაუდებელი დახმარების ერთიან ნომერზე შემოსული შეტყობინებების მართვის პროცესის, ასევე საგზაო მოძრაობის უსაფრთხოების უზრუნველყოფისთვის მოქმედი ვიდეოსამეთვალყურეო და ქალთა მიმართ და ოჯახში ძალადობის წინააღმდეგ დანერგილი ელექტრონული მონიტორინგის სისტემების შესახებ მიიღეს ინფორმაცია.

სამართალი • 1786445818

ბათუმელი ტელეწამყვანისა და მეტეოროლოგის მიმართ ძალადობისა და მუქარის ბრალდებით 2 პირი დააკავეს

შინაგან საქმეთა სამინისტროს ინფორმაციით, ბათუმში დააკავეს ორი პირი, რომლებიც ტელეწამყვან კობა ფარტენაძეს დაჭრით ემუქრებოდნენ.„გამოძიებით დადგინდა, რომ ერთ-ერთმა დაკავებულმა, რომელსაც ძალადობა ედება ბრალად, მიმდინარე წლის 9 აგვისტოს, ურთიერთშელაპარაკებისას, ბათუმში კობა ფარტენაძეს ფიზიკური შეურაცხყოფა მიაყენა, მომხდარიდან მალევე, მას ბრალდებულის სახით დაკავებული კიდევ ერთი პირი დანის გამოყენებით დაჭრით დაემუქრა.სამართალდამცველებმა ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ორივე მამაკაცი ბრალდებულის სახით დააკავეს,”- ნათქვამია შსს-ს მიერ გავრცელებულ განცხადებაში.შსს-ს ცნობით, გამოძიება სისხლის სამართლის კოდექსის 126 – ე და 151- ე მუხლებით მიმდინარეობს.ფაქტს ფარტენაძის დედა სოციალურ ქსელში გამოეხმაურა:„ერთი შვილი უკვე ვერაგულად მომიკლეს; მეგობრებისა და სიმართლის დამცველი, ახლა კი ჩემს ერთადერთ შვილს, კობა ფარტენაძეს ემუქრებიან მოკვლით, ვინ ხართ და რას წარმოადგენთ, ამდენის უფლებას რომ აძლევთ თქვენს თავს? ვის რა დაგიშავათ ჩემმა შვილმა?! ყველას მოგიზღვევთ უფალი, თუ კანონი არა! მადლობა ყველას, ვინც გვერდით დაგვიდექით და იბრძოლეთ სამართლიანობისთვის“, - წერს მზია ნიქაბაძე.

სამართალი • 1786430292

პოლიციამ ბათუმში მომხდარ ძალადობისა და მუქარის ფაქტებზე 2 პირი ცხელ კვალზე დააკავა

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ბათუმში მომხდარ ძალადობისა და მუქარის ფაქტებზე 2 პირი დააკავეს.გამოძიებით დადგინდა, რომ ერთ-ერთმა დაკავებულმა, რომელსაც ძალადობა ედება ბრალად, მიმდინარე წლის 9 აგვისტოს, ურთიერთშელაპარაკებისას, ბათუმში ერთ პირს ფიზიკური შეურაცხყოფა მიაყენა, მომხდარიდან მალევე, მას ბრალდებულის სახით დაკავებული კიდევ ერთი პირი დანის გამოყენებით დაჭრით დაემუქრა.სამართალდამცველებმა ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ორივე მამაკაცი ბრალდებულის სახით დააკავეს.გამოძიება სისხლის სამართლის კოდექსის 126 - ე და 151- ე მუხლებით მიმდინარეობს.ინფორმაციას შსს ავრცელებს.

მსოფლიო • 1786392919

დააკავეს ცოლ-ქმარი, რომელიც მოხუცს აუპატიურებდა და სცემდა, ვიდრე არ მოკვდა, შემდეგ მისი თავის ქალა საფერფლედ აქციეს

„კრასნი ლუჩში“ (დონეცკის ოლქი) კაცმა და ქალმა 64 წლის პენსიონერი სარდაფში ჩაკეტეს, სცემეს და შეურაცხყოფა მიაყენეს. Telegram-ის არხის „მაშ ნა დონბასეს“ ცნობით, გარდაცვალების შემდეგ მათ მისი ნეშტი შეურაცხყვეს და მისი თავის ქალისგან საფერფლე გააკეთეს.დანაშაული 2022 წლის აგვისტოში მოხდა, წვეულების დროს კამათის შემდეგ. 34 წლის მამაკაცი და მისი 30 წლის მეგობარი ხანდაზმულ ქალს სახლში კეტავდნენ და ჯოხებით, მუშტებით და ფეხებით დაზიანებებს აყენებდნენ. ქალი მიყენებული ჭრილობების შედეგად გარდაიცვალა. ქალი ასევე სექსუალური ძალადობის ბრალდებით იქნა დამნაშავედ ცნობილი.შემდეგ ბრალდებულებმა ნეშტის საყოფაცხოვრებო ქიმიკატებით განადგურება სცადეს. შემდეგ მათ თავის ქალა ამოიღეს, მოხარშეს და საფერფლედ გამოიყენეს.ორივე მოგვიანებით დააკავეს და საქმე სასამართლოში გადავიდა. მამაკაცი და მისი თანამზრახველი რამდენიმე ბრალდებაში დამნაშავედ ცნეს, მათ შორის უკანონო თავისუფლების აღკვეთაში, სხეულის მძიმე დაზიანების მიყენებაში, რამაც სიკვდილი გამოიწვია და გვამის შეურაცხყოფაში.

მსოფლიო • 1786387694

7 კვირის ჩვილს უამრავი მოტეხილობა აღმოაჩნდა - საქმეზე ოჯახის წევრი დააკავეს (უცხოეთი)

აშშ-ში, ჯორჯიის შტატში, სამართალდამცველებმა 20 წლის მამაკაცი დააკავეს მას შემდეგ, რაც საავადმყოფოში მიყვანილ 7 კვირის ჩვილს სხეულზე მრავლობითი მოტეხილობები აღმოაჩნდა.შემთხვევა ბრუკსის ოლქში მოხდა. ჯორჯიის საგამოძიებო ბიუროს (GBI) ინფორმაციით, გამოძიება მას შემდეგ დაიწყო, რაც 27 მაისს შერიფის ოფისმა ბავშვის შესაძლო ძალადობის საქმეზე დახმარება ითხოვა.გამოძიების მასალების მიხედვით, ჩვილი საავადმყოფოში 20 წლის ემორი კოულ უილიფორდმა და ბავშვის დედამ მიიყვანეს. იქ ჩატარებულმა სამედიცინო გამოკვლევებმა აჩვენა, რომ ჩვილს უამრავი ძვალი ჰქონდა მოტეხილი. რა ვითარებაში მიიღო ბავშვმა დაზიანებები, ამ ეტაპზე ოფიციალურად არ სახელდება. უილიფორდი სამართალდამცველებმა 8 ივნისს დააკავეს. მას ბრალი ედება ბავშვის მიმართ პირველი ხარისხის სისასტიკის ორ და ოჯახური ძალადობის ფარგლებში დამამძიმებელი თავდასხმის ორ ეპიზოდში.საქმე ამ ეტაპზე კვლავ გამოძიების პროცესშია.

მსოფლიო • 1786380660

სახელმწიფო დეპარტამენტი: სახელმწიფო დეპარტამენტი განაგრძობს იმ უცხოელთა გამოვლენას, გამოძიებასა და ვიზების გაუქმებას, რომლებიც საფრთხეს უქმნიან ამერიკელი ხალხის უსაფრთხოებას - აშშ-ის ვიზა არის პრივილეგია და არა უფლება

აშშ-ის სახელმწიფო დეპარტამენტმა ორშაბათს განაცხადა, რომ პრეზიდენტ დონალდ ტრამპის ადმინისტრაციის პერიოდში, დღემდე, 175 000-ზე მეტი ვიზა გაუქმდა.„პრეზიდენტ ტრამპის მმართველობისას აშშ-ის სახელმწიფო დეპარტამენტმა ვიზები გაუუქმა 175 000-ზე მეტ უცხოელ მოქალაქეს, რომლებმაც დაარღვიეს სავიზო პირობები, ჩაიდინეს დანაშაული, მოუწოდებდნენ ძალადობისკენ აშშ-ის მოქალაქეების წინააღმდეგ, მოატყუეს ამერიკელები, ბოროტად გამოიყენეს ჩვენი საიმიგრაციო სისტემა ან საფრთხე შეუქმნეს ეროვნულ უსაფრთხოებას“, - აღნიშნულია უწყების ოფიციალურ განცხადებაში.სახელმწიფო დეპარტამენტის ცნობით, ვიზების უმრავლესობის გაუქმების მიზეზი სხვადასხვა კრიმინალური საქმიანობა გახდა. მათ შორის წამყვანი მიზეზებია თავდასხმა, ნასვამ მდგომარეობაში მართვა, ქურდობა და ნარკოტიკული დანაშაული. გარდა ამისა, ვიზების მნიშვნელოვანი ნაწილი გაუქმდა სახიფათო მართვის, სექსუალური ძალადობის, ბავშვთა მიმართ ძალადობის, თაღლითობისა და მითვისების გამო.განცხადებაში ყურადღება გამახვილდა ე.წ. „სამშობიარო ტურიზმის“ პრობლემაზეც. ჩრდილოეთ აფრიკაში მდებარე აშშ-ის ერთ-ერთმა საელჩომ 100-ზე მეტი ვიზა გაუუქმა მშობლებს, რომლებიც შტატებში ძირითადად იმისთვის ჩავიდნენ, რომ ბავშვებს აშშ-ის მოქალაქეობა მიეღოთ.„პრეზიდენტ ტრამპისა და მდივან რუბიოს ლიდერობით, სახელმწიფო დეპარტამენტი განაგრძობს იმ უცხოელთა გამოვლენას, გამოძიებასა და ვიზების გაუქმებას, რომლებიც საფრთხეს უქმნიან ამერიკელი ხალხის უსაფრთხოებას. აშშ-ის ვიზა არის პრივილეგია და არა უფლება. დეპარტამენტი ერთგული რჩება, გამოიყენოს ყველა არსებული ინსტრუმენტი ჩვენი საზოგადოების დასაცავად მათგან, ვინც ამ პრივილეგიას ბოროტად იყენებს“, - აცხადებენ სახელმწიფო დეპარტამენტში.

სამართალი • 1786349067

გამოიკითხა პირი, რომელმაც აღნიშნული ვიდეო გადაიღო და სოციალურ ქსელში ატვირთა - შსს გურამ დადიანიძის საქმეზე დეტალებს აქვეყნებს

შინაგან საქმეთა სამინისტრომ წლების წინ გაუჩინარებული არასრულწლოვნის გურამ დადიანიძის საქმის შესახებ განცხადება გაავრცელა."გვსურს, საზოგადოებას მივაწოდოთ დეტალური ინფორმაცია, 2014 წელს, დუშეთის მუნიციპალიტეტში გაუჩინარებული არასრულწლოვნის გურამ დადიანიძის საქმის გამოძიების შესახებ.პირველ რიგში განვმარტავთ სოციალურ ქსელში გავრცელებული ვიდეომასალის შესახებ არსებულ გარემოებებს:მიმდინარე წლის 7 აგვისტოს, მცხეთა-მთიანეთის პოლიციის დეპარტამენტის თანამშრომლების მიერ გამოიკითხა პირი, რომელმაც აღნიშნული ვიდეო გადაიღო და სოციალურ ქსელში ატვირთა. გამოკითხვის შედეგად დგინდება, რომ ვიდეომასალა გადაღებულია 2014 წლის 11 ივნისს, შუადღის 15:00 საათის პერიოდში, ხოლო დადიანიძის თანმხლები პირების განმარტებით იგი გაუჩინარდა 2014 წლის 11 ივნისს დილის 04:00 საათზე.საქმის მასალებით დადგინდა, რომ 2014 წლის 10 ივნისს, დუშეთის მუნიციპალიტეტის სოფელ მლეთაში, ლომისობის დღესასწაულთან დაკავშირებით, ლომისის სალოცავში თემქის დასახლებიდან მიკროავტობუსით 16 მეზობელი წავიდა. ვინაიდან რთული რელიეფური გზის გამო ისინი ვერ მოახერხებდნენ მიკროავტობუსით სალოცავამდე მისვლას, ავტომობილი გააჩერეს სოფელ მლეთაში და ტაძრისკენ გზა ფეხით გააგრძელეს.აღნიშნული პირები, სალოცავში გაჩერდნენ მცირე ხნით და დაახლოებით ღამის 2 საათზე უკან ფეხით დაბრუნება დაიწყეს. ფეხით ჩამოსვლისას გურამ დადიანიძე მარტო არ იმყოფებოდა და მოდიოდა ნათესავთან ერთად, ასევე დადგინდა, რომ გზაზე გურამ დადიანიძე შესვენების მიზნით ჩამოჯდა ქვაზე, რასაც შეესწრო, როგორც ნათესავი, ასევე მისი ორი მეზობელი მამა-შვილი.ასევე, დადგინდა, რომ გურამ დადიანიძის შეჩერების ადგილიდან  ავტომობილამდე დარჩენილი იყო 300-დან 500 მეტრამდე მანძილი, შესვენებისას გურამ დადიანიძემ თავად მოითხოვა, რომ  დანარჩენებს გაეგრძელებინათ გზა და დაეწეოდა. ვინაიდან აღნიშნულ ადგილზე უკვე გზის სირთულე აღარ იყო და თითქმის ჩასულები იყვნენ ავტომობილთან, ასევე მისი მარტო დატოვების არანაირი საშიშროება არ არსებობდა,  იმ მომენტისთვის მასთან ერთად მყოფმა სამმა პირმა გზა გააგრძელა.მას შემდეგ, რაც აღნიშნულმა პირებმა მცირე მანძილი გაიარეს და გურამ დადიანიძე აღარ გამოჩნდა, სიბნელის გამო ერთ-ერთმა მეზობელმა მისი ძებნა ხელის სანათის გამოყენებით დაიწყო. თუმცა, როდესაც იგი იმ ადგილას დაბრუნდა, სადაც გურამ დადიანიძე ბოლოს ნახეს, ის იქ აღარ იმყოფებოდა.აღნიშნულის შესახებ შეატყობინეს სამართალდამცველებს და ძებნაში მალევე ჩაერთნენ პოლიციის თანამშრომლები. გურამ  დადიანიძეს თან არ ჰქონდა ტელეფონი და მისმა მეგობრებმა ფიზიკურად ვერ შეძლეს მასთან დაკავშირება, ასევე აღნიშნულის გამო ვერ მოხერხდა მისი შემდგომი ლოკაციების და  გადაადგილების დადგენა.ასევე, მოწმეთა ჩვენებით დგინდება, მას არც მგზავრობისას და არც სალოცავში მისვლისას არავისთან კონფლიქტი არ მოსვლია და რაიმე დაპირისპირების საფრთხე არ არსებობდა. ასევე, კონკრეტულ ადგილას, სადაც ჩამოჯდა გურამ დადიანიძე, მოძრაობდა ძალიან ბევრი მომლოცველი.საქმეზე გამოკითხულია ყველა პიროვნება, ვინც გურამ დადიანიძესთან ერთად იმყოფებოდა და მგზავრობდა, ასევე საქმეზე ჩატარდა ყველა საჭირო საგამოძიებო მოქმედება, თუმცა რაიმე საეჭვო გარემოება გამოვლენილი ვერ იქნა, ასევე, ვერ იქნა გამოვლენილი ისეთი გარემოება, რომელიც დაადასტურებდა გურამ დადიანიძესთან წარსულში არსებულ შურისძიების მოტივს. შემთხვევის ადგილზე რაიმე სახის ძალადობის კვალი არ აღინიშნებოდა.ასევე, ხაზგასმით აღვნიშნავთ, რომ სიმართლეს არ შეესაბამება გავრცელებული ინფორმაცია, თითქოს გურამ დადიანიძის გაუჩინარების ფაქტზე 2014 წლიდან 2017 წლამდე საგამოძიებო ან სამძებრო ღონისძიებები არ განხორციელებულა. 2014 წელს, დუშეთის რაიონულ სამმართველოში, გურამ დადიანიძის გაუჩინარების ფაქტზე შეიქმნა სამძებრო საქმე და მისი ადგილსამყოფელის დადგენის მიზნით გატარდა ყველა საჭირო სამძებრო ღონისძიება.გურამ დადიანიძის გაუჩინარების ფაქტთან დაკავშირებით გრძელდება გამოძიება და საქმესთან დაკავშირებული ყველა პირის გამოკითხვა. ბოლო ერთი თვის განმავლობაში გამოიკითხა 20-ზე მეტი პირი.მოვუწოდებთ ყველა დაინტერესებულ პირს, ნუ შეეცდებიან საზოგადოების შეცდომაში შეყვანას და საქმის შესახებ მცდარი და გადაუმოწმებელი ინფორმაციის გავრცელებას", - აღნიშნულია შს სამინისტროს მიერ გავრცელებულ განცხადებაში.