მსოფლიო • 1771912527

მექსიკამ, ნარკობარონის გარდაცვალების შემდეგ დაწყებული ძალადობის ჩასახშობად, რეგიონში ათასობით ჯარისკაცი განალაგა

მექსიკამ, ქვეყნის დასავლეთ ნაწილში ათასობით ჯარისკაცი განალაგა უსაფრთხოების გასაძლიერებლად, რათა გავლენიანი ნარკობარონის სიკვდილის შემდეგ დაწყებული ძალადობის ტალღა ჩაახშოს, - განაცხადა ქვეყნის უსაფრთხოების მინისტრმა.თავდაცვის მინისტრმა, რიკარდო ტრევილიამ განაცხადა, რომ ორშაბათს დასავლეთ მექსიკაში დამატებით 2 500 ჯარისკაცი განლაგდა, ხოლო მთავრობამ განაცხადა, რომ კვირა დღიდან მოყოლებული, რეგიონში, ჯამში, დაახლოებით 9 500 ჯარისკაცია განლაგებული.მას შემდეგ, რაც ნემესიო ოსეგუერა სერვანტესი, უფრო ცნობილი როგორც "ელ მენჩო", კვირას, პატიმრობაში გარდაიცვალა, მექსიკაში თავდასხმების ტალღა დაიწყო."ხალისკოს ახალი თაობის" კარტელი (CJNG) მექსიკის ერთ-ერთი ყველაზე საშიში კრიმინალური ორგანიზაციაა და მისი ლიდერი ქვეყანაში ყველაზე ძებნილი ადამიანი იყო.

პოლიტიკა • 1771862400

მაკა ბოჭორიშვილი: ადამიანის უფლებებს ჩვენ არა მხოლოდ საერთაშორისო ვალდებულებებად, არამედ ჩვენი მთავრობის ხედვის საფუძვლად მივიჩნევთ, რაც ასახულია საქართველოს ადამიანის უფლებათა დაცვის სტრატეგიაში

ადამიანის უფლებათა უნივერსალური პრინციპები სულ უფრო მეტი გამოწვევის წინაშე დგას დღეს - არა მხოლოდ კონფლიქტებისა და ოკუპაციის, არამედ საერთაშორისო ორგანიზაციების პოლიტიკური ზეწოლის ინსტრუმენტად გამოყენების და ადამიანის უფლებების ვიწრო მიზნებისთვის პოლიტიზირების მცდელობების გამო, - განაცხადა საგარეო საქმეთა მინისტრმა, მაკა ბოჭორიშვილმა გაეროს ადამიანის უფლებათა საბჭოს 61-ე სესიის მაღალი დონის სეგმენტზე სიტყვით გამოსვლისას.მინისტრმა ისაუბრა საქართველოს დემოკრატიული განვითარების დინამიკასა და ინსტიტუციური გაძლიერების პროცესზე. მისი თქმით, „უსაფრთხოების რთული გამოწვევების მიუხედავად, ბოლო ათწლეულის განმავლობაში, საქართველომ გააძლიერა დემოკრატიული ინსტიტუტები, კანონის უზენაესობა და ფუნდამენტური თავისუფლებები, რაც აისახება შესაბამის საერთაშორისო რეიტინგებში და ადამიანის უფლებათა ევროპულ სასამართლოში შეტანილი სარჩელების რაოდენობის 85%-ით შემცირებაში“.მაკა ბოჭორიშვილმა ასევე ყურადღება გაამახვილა ქვეყნის სოციალურ-ეკონომიკურ პროგრესზე და აღნიშნა, რომ „ადამიანის ღირსება ეკონომიკური შესაძლებლობებისა და სოციალური სამართლიანობის უზრუნველყოფით იწყება. ბოლო ათწლეულის განმავლობაში საქართველოში სიღარიბის დონე 30%-დან 10%-მდე შემცირდა, რაც მდგრადი ეკონომიკური ზრდისა და მოწყვლადი ჯგუფებისთვის მიზნობრივი სოციალური პროგრამების განხორციელების შედეგია“.ქალთა უფლებების მიმართულებით განხორციელებულ რეფორმებზე საუბრისას უწყების ხელმძღვანელმა აღნიშნა, რომ გაძლიერდა მექანიზმები ძალადობის წინააღმდეგ საბრძოლველად. ამავე კონტექსტში მან ისაუბრა შეზღუდული შესაძლებლობის მქონე პირთა უფლებების გაძლიერებაზე და აუტიზმის საკითხებზე, ყურადღება გაამახვილა ინკლუზიურობაზე, ღირსებასა და თანასწორობაზე.გამოსვლის მნიშვნელოვანი ნაწილი დაეთმო საქართველოს ოკუპირებულ რეგიონებში არსებულ ვითარებას. მინისტრის განცხადებით, „საქართველოს ტერიტორიის განუყოფელი ნაწილები - აფხაზეთი და ცხინვალის რეგიონი - კვლავ ოკუპირებულია რუსეთის ფედერაციის მიერ“. აღნიშნულ ტერიტორიებზე მოსახლეობას შეზღუდული აქვს ფუნდამენტური თავისუფლებები, გრძელდება უკანონო დაკავებების, არასათანადო მოპყრობისა და ეთნიკური დისკრიმინაციის შემთხვევები.საგარეო საქმეთა მინისტრის განცხადებით, საქართველო კვლავ მტკიცედ უჭერს მხარს უკრაინის სუვერენიტეტსა და ტერიტორიულ მთლიანობას და ერთგულია წესებზე დაფუძნებული საერთაშორისო წესრიგის, რომელიც გაეროს წესდებას ეფუძნება.დასასრულს, მაკა ბოჭორიშვილმა დაადასტურა საქართველოს ურყევი მხარდაჭერა ადამიანის უფლებების უნივერსალურობისა და ურთიერთდაკავშირებულობის პრინციპის მიმართ და აღნიშნა, რომ საქართველო აგრძელებს დემოკრატიული მმართველობის განმტკიცებას ქვეყნის შიგნით და ადამიანის ღირსების დაცვისკენ მიმართული საერთო ძალისხმევის მხარდაჭერას საერთაშორისო დონეზე.

პოლიტიკა • 1771850030

მაკა ბოჭორიშვილი: ადამიანის უფლებათა პრინციპები სულ უფრო მეტი გამოწვევის წინაშეა არა მხოლოდ კონფლიქტებისა და ოკუპაციის, არამედ ადამიანის უფლებების ვიწრო მიზნებისთვის პოლიტიზების მცდელობის გამო

უსაფრთხოების რთული გამოწვევების მიუხედავად, ბოლო ათწლეულის განმავლობაში საქართველომ გააძლიერა დემოკრატიული ინსტიტუტები, კანონის უზენაესობა და ფუნდამენტური თავისუფლებები, – ამის შესახებ საქართველოს საგარეო საქმეთა მინისტრმა მაკა ბოჭორიშვილმა ჟენევაში, გაერო-ს ადამიანის უფლებათა საბჭოს ღონისძიებაზე სიტყვით გამოსვლისას განაცხადა.მისივე თქმით, ეს აისახება შესაბამის საერთაშორისო რეიტინგებში, ადამიანის უფლებათა ევროპულ სასამართლოში შეტანილი სარჩელების რაოდენობის შემცირებაში.„ჩემთვის დიდი პატივია, საქართველოს სახელით მივმართო გაერო-ს ადამიანის უფლებათა საბჭოს მაღალი დონის სეგმენტს. ადამიანის უფლებათა უნივერსალური პრინციპები სულ უფრო მეტი გამოწვევის წინაშე დგას დღეს არა მხოლოდ კონფლიქტებისა და ოკუპაციის, არამედ საერთაშორისო ორგანიზაციების პოლიტიკური ზეწოლის ინსტრუმენტად გამოყენების, ადამიანის უფლებების ვიწრო მიზნებისთვის პოლიტიზების მცდელობების გამო. გაერო-ს ადამიანის უფლებათა საბჭოსადმი ნდობა მნიშვნელოვნად არის განპირობებული პრინციპულობით, მიუკერძოებლობით და ადამიანის ღირსების დაცვისადმი ერთგულებით. უსაფრთხოების რთული გამოწვევების მიუხედავად, ბოლო ათწლეულის განმავლობაში საქართველომ გააძლიერა დემოკრატიული ინსტიტუტები, კანონის უზენაესობა და ფუნდამენტური თავისუფლებები, რაც აისახება შესაბამის საერთაშორისო რეიტინგებში, ადამიანის უფლებათა ევროპულ სასამართლოში შეტანილი სარჩელების რაოდენობის 85%-ით შემცირებაში. ადამიანის უფლებებს ჩვენ არა მხოლოდ საერთაშორისო ვალდებულებებად, არამედ ჩვენი მთავრობის სტრატეგიული ხედვის საფუძვლად მივიჩნევთ, რაც ასახულია საქართველოს ადამიანის უფლებათა დაცვის სტრატეგიაში, რომელიც წარმოადგენს ერთიან ჩარჩოს სამოქალაქო, პოლიტიკური, ეკონომიკური, სოციალური და კულტურული უფლებების დასაცავად.აღსანიშნავია, რომ ადამიანის ღირსება ეკონომიკური შესაძლებლობებისა და სოციალური სამართლიანობის უზრუნველყოფით იწყება. ბოლო ათწლეულის განმავლობაში საქართველოში სიღარიბის დონე 30%-დან 10%-მდე შემცირდა, რაც მდგრადი ეკონომიკური ზრდისა და მოწყვლადი ჯგუფებისთვის მიზნობრივი სოციალური პროგრამების განხორციელების შედეგია. საქართველოს მთავრობამ გააძლიერა ქალთა მიმართ ძალადობის წინააღმდეგ ბრძოლის მექანიზმები, ქალთა ეკონომიკურ გაძლიერება, რასაც ხელს უწყობს 5,000-ზე მეტი ქალი მეწარმის ბიზნესის მხარდაჭერა 2021 წლიდან. საერთაშორისო სტანდარტების შესაბამისად, გაძლიერდა შეზღუდული შესაძლებლობის მქონე პირთა უფლებების შესახებ კანონმდებლობა, რომლის მიზანია მისაწვდომობის, ინკლუზიურობისა და დამოუკიდებელი ცხოვრების უზრუნველყოფა. გასულ წელს, საბჭოს ფარგლებში საქართველომ აუტიზმის საკითხი წამოჭრა, ყურადღება გაამახვილა ინკლუზიურობის, ღირსებისა და თანაბარი შესაძლებლობების უზრუნველყოფის საჭიროებაზე. მოვუწოდებთ ყველა სახელმწიფოს, შემოუერთდეს ჩვენს ძალისხმევას შესაბამისი ზომების გაძლიერებაში, საუკეთესო პრაქტიკის გაზიარებასა და აუტიზმის მქონე პირთა ჩართულობის ხელშეწყობაში“, – განაცხადა მაკა ბოჭორიშვილმა.როგორც ბოჭორიშვილმა აღნიშნა, საქართველო დიდ მნიშვნელობას ანიჭებს ადამიანის უფლებათა საბჭოს მექანიზმებთან და ადამიანის უფლებათა დაცვის საერთაშორისო ხელშეკრულებათა პასუხისმგებელ ორგანოებთან თანამშრომლობას.„ცოტა ხნის წინ საქართველომ განახორციელა ადამიანის უფლებების მეოთხე უნივერსალური პერიოდული მიმოხილვა, გაიზიარა წინა მიმოხილვის რეკომენდაციების დაახლოებით 90 პროცენტი. აქვე, მადლობას გადავუხდი ყველა დელეგაციას მათი ფასდაუდებელი წვლილისთვის. ბატონო პრეზიდენტო, აშკარა პროგრესის მიუხედავად, ჩვენ კვლავაც სერიოზული გამოწვევების წინაშე ვრჩებით: საქართველოს ტერიტორიის განუყოფელი ნაწილები – აფხაზეთი და ცხინვალის რეგიონი – კვლავ ოკუპირებულია რუსეთის ფედერაციის მიერ, სადაც ადგილობრივი მოსახლეობა მოკლებულია ფუნდამენტურ თავისუფლებებს, კვლავ გრძელდება დაკავების, არასათანადო მოპყრობისა და ეთნიკური დისკრიმინაციის შემთხვევები. ასობით ათასი იძულებით გადაადგილებული პირი კვლავ ვერ ახერხებს საკუთარ სახლებში უსაფრთხოდ დაბრუნებას, ადამიანის უფლებათა საერთაშორისო მექანიზმებს კვლავ არ ეძლევათ წვდომა ოკუპირებულ ტერიტორიებზე და არ არსებობს ანგარიშვალდებულება იქ, სადაც ამის ყველაზე დიდი საჭიროებაა. საქართველო განაგრძობს საერთაშორისო არენაზე აღნიშნულ საკითხზე მუშაობას, მათ შორის გაერო-ს ადამიანის უფლებათა საბჭოში ყოველწლიური რეზოლუციის „თანამშრომლობა საქართველოსთან“ მეშვეობით. ჩვენ თქვენი პრინციპული მხარდაჭერის იმედი გვაქვს.პატივცემულო კოლეგებო, ხვალ რუსეთის მიერ უკრაინაში შეჭრიდან ოთხი წელი შესრულდება, რამაც უდიდესი ტანჯვა, იძულებითი გადაადგილება და ნგრევა გამოიწვია. საქართველო კვლავ ადასტურებს უკრაინის სუვერენიტეტისა და ტერიტორიული მთლიანობის ურყევ მხარდაჭერას და ხაზს უსვამს გაერო-ს წესდებაზე დაფუძნებული საერთაშორისო წესრიგის დაცვის და საერთაშორისო სამართლის დარღვევისთვის პასუხისმგებლობის საჭიროებას. დასასრულს, საბჭოს მეოცე წლისთავის მოახლოების კონტექსტში, ნება მომეცით, კიდევ ერთხელ დავადასტურო საქართველოს ურყევი მხარდაჭერა ადამიანის უფლებების უნივერსალურობისა პრინციპის მიმართ. ჩვენ განვაგრძობთ დემოკრატიული მმართველობის გაძლიერებას ქვეყნის შიგნით და ადამიანის ღირსების დაცვაზე ორიენტირებული საერთო ძალისხმევის მხარდაჭერას მთელ მსოფლიოში“, – განაცხადა მაკა ბოჭორიშვილმა.

მსოფლიო • 1771615823

„თალიბანმა“ ქმრებს ცოლების ცემის უფლება მისცა, თუ ძვლებს არ მოტეხავენ - THE TELEGRAP

„თალიბანმა“ მიიღო კანონი, რომელიც კაცებს ცოლების ცემის უფლებას აძლევს, თუ ეს „ძვლების მოტეხილობას ან ღია ჭრილობებს“ არ გამოიწვევს. როგორც მედიასაშუალება იტყობინება, „ტელეგრაფმა“ მოიპოვა 60-გვერდიანი სისხლის სამართლის საქმე, რომელსაც ხელს აწერს „თალიბანის“ უმაღლესი ლიდერი ჰიბატულა ახუნდზადა.„ქმარს შეუძლია ფიზიკურად იძალადოს ცოლზე და შვილებზე, იმ პირობით, რომ ძალადობა არ დატოვებს თვალსაჩინო კვალს.„სერიოზული“ დაზიანების დამტკიცების შემთხვევაში მაქსიმალური სასჯელი 15 დღემდე თავისუფლების აღკვეთაა.34-ე მუხლის თანახმად, ქალს, რომელიც ქმრის ნებართვის გარეშე მშობლების სახლში მიდის - ძალადობისგან თავის დასაღწევადაც კი - სამ თვემდე თავისუფლების აღკვეთა ემუქრება.ოჯახის წევრებს, რომლებიც მას თავშესაფარს მისცემენ, იგივე სასჯელი ემუქრებათ“, - წერს მედიასაშუალება.2024 წელს თალიბანის უზენაესმა ლიდერმა გამოსცა განკარგულება, რომელიც კრძალავს ფანჯრების გამოყენებას იმ ადგილებში, სადაც ავღანელი ქალები იმყოფებიან. უფრო მეტიც, თალიბანის კანონის თანახმად, არსებულ სახლებში ასეთი ფანჯრები უნდა გაუქმდეს.  

მსოფლიო • 1771612081

აშშ-ის სახელმწიფო დეპარტამენტი საფრანგეთში მემარჯვენე აქტივისტის მკვლელობის საქმეში ტერორიზმის ნიშნებზე მიუთითებს

აშშ-ის სახელმწიფო დეპარტამენტმა განაცხადა, რომ ყურადღებით აკვირდება მოკლული ფრანგი მემარჯვენე აქტივისტის საქმეს; უწყების მინიშნებით, მომხდარი შესაძლოა ტერორიზმად შეფასდეს - ამ კომენტარებმა, შესაძლოა, პარიზსა და ვაშინგტონს შორის ახალი დაძაბულობა გამოიწვიოს, - წერს საინფორმაციო სააგენტო Reuters.სოციალურ ქსელ X-ზე გამოქვეყნებულ პოსტში უწყებამ გააფრთხილა საზოგადოება, რომ „ძალადობრივი რადიკალური მემარცხენეობა აღმავლობის გზაზეა“ და მას უნდა მოეპყრონ, როგორც საზოგადოებრივი უსაფრთხოების საფრთხეს.„ჩვენ მოველით, რომ ძალადობის ჩამდენი პირები მართლმსაჯულების წინაშე წარდგებიან“, - ნათქვამია განცხადებაში.სახელმწიფო მდივნის მოადგილემ, სარა როჯერსმა სოციალურ ქსელ X-ზე გამოქვეყნებულ პოსტში აღნიშნა, რომ ისიც ყურადღებით ადევნებს თვალს ამ საქმეს.„დემოკრატია ეფუძნება ფუნდამენტურ შეთანხმებას: თქვენ გაქვთ უფლება, საჯარო სივრცეში ნებისმიერი თვალსაზრისი გამოთქვათ და ამის გამო მოკვლის უფლება არავის აქვს. სწორედ ამიტომ ვუდგებით პოლიტიკურ ძალადობას - ტერორიზმს - ასეთი სიმკაცრით“, - დაწერა მან.კვენტინ დერანკი გასულ შაბათს, ლიონში, ულტრამემარცხენე და ულტრამემარჯვენე ჯგუფებს შორის მომხდარი ძალადობრივი შეტაკებების შედეგად გარდაიცვალა.პროკურატურის განცხადებით, მკვლელობის მუხლით გამოძიება ექვსი პირის მიმართ მიმდინარეობს, ხოლო მემარცხენე რადიკალური პარტიის, „დაუმორჩილებელი საფრანგეთის“ (LFI) კანონმდებლის ყოფილ თანაშემწეს ბრალი წაქეზების გზით თანამონაწილეობაში ედება.

სამართალი • 1771601517

მასწავლებელს, რომელიც მოსწავლის მიმართ გარყვნილი ქმედებისთვის დააკავეს, პროკურატურამ ბრალდება წარუდგინა

საქართველოს პროკურატურამ წინასწარი შეცნობით თექვსმეტი წლის ასაკს მიუღწეველი პირის მიმართ, განხორციელებული გარყვნილი ქმედების ფაქტზე ერთ პირს ბრალდება წარუდგინა, - ამის შესახებ განცხადებას პროკურატურა ავრცელებს.„შინაგან საქმეთა სამინისტროს მიერ ჩატარებული გამოძიებით დადგინდა, რომ ერთ-ერთი საჯარო სკოლის მასწავლებელმა, წინასწარი შეცნობით თექვსმეტი წლის ასაკს მიუღწეველი პირის, ამავე სკოლის მე-10 კლასის მოსწავლის მიმართ, ნდობისა და ავტორიტეტული მდგომარეობის გამოყენებით, გარყვნილი ქმედება განახორციელა.დაკავებულს ბრალდება საქართველოს სისხლის სამართლის კოდექსის 141-ე მუხლის მეორე ნაწილის ,,ზ“ ქვეპუნქტით წარედგინა (ძალადობის გარეშე სრულწლოვანის გარყვნილი ქმედება დამნაშავისთვის წინასწარი შეცნობით თექვსმეტი წლის ასაკს მიუღწეველი პირის მიმართ, ნდობისა და ავტორიტეტის გამოყენებით) რაც სასჯელის სახედ და ზომად 12 წლამდე თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა“, - ნათქვამია განცხადებაში.ამავე თემაზე:გარყვნილი ქმედება არასრულწლოვან გოგონაზე ერთ-ერთ საჯარო სკოლაში - პოლიციამ ბრალდებული დააკავა

პოლიტიკა • 1771425360

ბექა ძამაშვილი CPT-ზე: დინამიკა რომ დავინახოთ, რა იყო მათი რეკომენდაცია წლების წინ და რა არის დღეს, წლების წინ საუბარი იყო, რომ პერსონალი აწამებდა პატიმრებს და დღეს არის, რომ პატიმრებსაც არ ჰქონდეთ ერთმანეთთან ძალადობის მცდელობა

მნიშვნელოვანია დინამიკა დავინახოთ, რა იყო მათი რეკომენდაცია წლების წინ და რა არის დღეს. წლების წინ საუბარი იყო, რომ პერსონალი ძალადობდა, აწამებდა პატიმრებს და დღეს არის, რომ პატიმრებსაც არ ჰქონდეთ ერთმანეთთან ძალადობის მცდელობა, - განაცხადა „დღის ქრონიკასთან“ იუსტიციის მინისტრის მოადგილემ ბექა ძამაშვილმა, წამების პრევენციის ევროპული კომიტეტის რეკომენდაციებზე საუბრისას.მისი თქმით, თუ კი დავაკვირდებით და შევადარებთ CPT - ის წლების წინ გაცემულ რეკომენდაციებს დღევანდელს, დავინახავთ, რომ სხვაობა არის ძალიან თვალშისაცემი.„მნიშვნელოვანია დინამიკა დავინახოთ, რა იყო მათი რეკომენდაცია წლების წინ და რა არის დღეს. დავიწყოთ ძალადობის პრევენციის საკითხით, CPT იმყოფებოდა სხვადასხვა დაწესებულებაში და ამ დასკვნაში საუბარი არის ერთ კონკრეტულ დაწესებულებაზე, რომ შესაძლოა ყოფილიყო უშუალოდ პატიმრებს შორის, ერთმანეთის მიმართ ძალადობის მცდელობა ან გავლენის მოხდენის მცდელობა. ეს ხდება მსოფლიოს ყველა დაწესებულებაში, რადგან ჩვენ ვსაუბრობთ ციხეზე, დაწესებულებაზე, სადაც მოხვედრილი არიან ადამიანები, ვისაც დანაშაული აქვს ჩადენილი. მათ კრიმინალურ სამყაროსთან ურთიერთობა ჰქონდათ და შესაბამისად ის, რომ მათ ჰქონდეთ ერთმანეთის მიმართ ძალადობის მცდელობა არის აბსოლუტურად ბუნებრივი ყველა ციხისთვის მსოფლიოს ნებისმიერ ქვეყანაში. აქ მნიშვნელოვანია, რას უპირისპირებს ამას სახელმწიფო. სახელმწიფოს საპასუხო პოზიციაში არის დეტალურად აღწერილი, რომ ნებისმიერ ძალადობის მცდელობაზე ხდება მყისიერი რეაგირება, იწყება გამოძიება, ხდება პატიმრების განცალკევება. ბევრი პრევენციული ღონისძიება ხორციელდება. დინამიკაში, რომ დავინახოთ, რამდენიმე ციხიდან მხოლოდ ერთ ციხეზე საუბრობს CPT, რომ ასეთი ნიშნები შენიშნა. თუნდაც წლების წინ საუბარი იყო, რომ თვითონ პერსონალი ძალადობდა, აწამებდა პატიმრებს და დღეს მთავარ რეკომენდაციად რჩება ის, რომ პატიმრებსაც არ ჰქონდეთ ერთმანეთთან ძალადობის მცდელობა, რაც არის დინამიკაში ძალიან საინტერესო მაჩვენებელი რეფორმების და პროგრესის“, - განაცხადა ბექა ძამაშვილმა.მისი თქმით, CPT-ის რეკომენდაციებში აღნიშნულია პატიმრების რესოციალიზაცია.„საზოგადოებისთვის ცნობილი არის, რომ დაწყებული სპორტულ-კულტურული აქტივობებით არის საკმაოდ ბევრი ღონისძიება შეთავაზებული. არის უმაღლესი განათლების მიღების შესაძლებლობა პენიტენციურ დაწესებულებაში. პენიტენციურ დაწესებულებაში გვაქვს იუსტიციის სახლები გახსნილი. ფუნქციონირებს ე.წ. რემარკეტი, მაღაზია, სადაც მსჯავრდებულების დამზადებულ პროდუქციას ვყიდით და ა.შ. მთელი რიგი ღონისძიებები არის, რომ მოხდეს მათი რეაბილიტაცია, რესოციალიზაცია თუმცა რა თქმა უნდა ჩვენ ვეთანხმებით იმ რეკომენდაციას, რომ მსგავსი ღონისძიებები უნდა გახდეს კიდევ უფრო მეტად მრავალფეროვანი“, - განაცხადა ბექა ძამაშვილმა.მისი თქმით, პენიტენციური ჯანდაცვის მიმართულებით, CPT-ის მხრიდან დადებითად შეფასდა პირველადი ჯანდაცვის საკითხი.ცნობისთვის, დღეს გამოქვეყნდა წამების პრევენციის ევროპული კომიტეტის შეფასება, სადაც აღნიშნულია, რომ საქართველოს ციხეებში არასათანადო მოპყრობის შემთხვევა არ დაფიქსირებულა.

პოლიტიკა • 1771403336

იუსტიციის სამინისტრო: წამების პრევენციის ევროპული კომიტეტის შეფასებით, საქართველოს ციხეებში არასათანადო მოპყრობის შემთხვევა არ დაფიქსირებულა

საქართველოს იუსტიციის სამინისტროს ინფორმაციით, 2026 წლის 18 თებერვალს გამოქვეყნდა ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) ვიზიტის შემდგომი ანგარიში.მათივე ცნობით, CPT დადებითად აფასებს, რომ დელეგაციას ვიზიტის ფარგლებში შესანიშნავი თანამშრომლობა და სრული მხარდაჭერა ჰქონდა როგორც იუსტიციის სამინისტროსა და პენიტენციური სამსახურის ხელმძღვანელობისგან, ისე პენიტენციური დაწესებულებების თანამშრომლებისგან.„CPT აღნიშნავს, რომ დელეგაციამ დაუბრკოლებლად მოინახულა პენიტენციური დაწესებულებები, წვდომა ჰქონდა მოთხოვნილ დოკუმენტაციასთან და ინდივიდუალურად შეხვდა მსჯავრდებულებს. ეს კიდევ ერთხელ ადასტურებს საქართველოს პენიტენციური სისტემის გამჭვირვალობას. ანგარიშის მიხედვით, დელეგაციას არ მიუღია ინფორმაცია ციხის თანამშრომლების მხრიდან პატიმრების მიმართ ფიზიკური ძალადობისა თუ არასათანადო მოპყრობის ფაქტზე. პირიქით, CPT-ის შეფასებით, პენიტენციური დაწესებულებების თანამშრომლებსა და პატიმრებს შორის დადებითი და მშვიდი ურთიერთობა არსებობს.კომიტეტმა დადებითად შეაფასა დაბა ლაითურში გახსნილ ახალ პენიტენციურ დაწესებულებაში არსებული პირობები. სრულიად ახალი ტიპის, 700 მსჯავრდებულზე გათვლილი პენიტენციური დაწესებულება სრულად არის მორგებული როგორც ბრალდებულთა და მსჯავრდებულთა, ისე დაწესებულების თანამშრომელთა საჭიროებებზე. CPT-ს, ასევე, მიეწოდა ინფორმაცია, რომ უახლოეს მომავალში გაიხსნება მცირე ზომის ახალი პენიტენციური დაწესებულება, რომელიც გათვლილი იქნება 150 პატიმარზე. დადებითად შეფასდა პენიტენციური სამსახურის ჯანდაცვის სისტემაც. ანგარიშში აღნიშნულია, რომ ბრალდებულებსა და მსჯავრდებულებს მიეწოდებათ სადღეღამისო სამედიცინო მომსახურება, ყველა დაწესებულებაში უზრუნველყოფილია პირველად დახმარებაზე სწრაფი ხელმისაწვდომობა.რაც შეეხება ანგარიშში დაფიქსირებულ რეკომენდაციებს, CPT-ის მხრიდან ყურადღება გამახვილდა საკნის გარე აქტივობებისა და რესოციალიზაცია-რეაბილიტაციის პროგრამების რაოდენობის გაზრდის საჭიროებაზე, პატიმრებს შორის ძალადობის პრევენციისა და რეაგირების მექანიზმების გაძლიერებაზე, პენიტენციური სისტემის თანამშრომლების სამუშაო პირობების კიდევ უფრო გაუმჯობესებაზე. ანგარიშში დასმულ რეკომენდაციებთან დაკავშირებით ევროპულ კომიტეტს დეტალური ინფორმაცია უკვე წარედგინა განხორციელებულ, ასევე დაგეგმილ ღონისძიებებთან დაკავშირებით და საჯაროდ ხელმისაწვდომია CPT-ის ანგარიშთან ერთად. საქართველოს პენიტენციურ სისტემაში განხორციელებული რეფორმების ეფექტიანობასა და პატიმართა უფლებების დაცვის მაღალი სტანდარტის ყველაზე მკაფიო ინდიკატორი CPT-ს დასკვნასთან ერთად, არის ადამიანის უფლებათა ევროპული სასამართლოს სტატისტიკა, რომლის მიხედვითაც, 2012 წლის შემდეგ საქართველოს პენიტენციური სისტემიდან სტრასბურგის სასამართლოში გაგზავნილი არცერთი საქმე არ გამოცხადებულა დასაშვებად“, – ნათქვამია საქართველოს იუსტიციის სამინისტროს ინფორმაციაში.უწყების ცნობით, CPT-ის დელეგაცია საქართველოში 2024 წლის 18-29 ნოემბერს და 2025 წლის 21-22 იანვარს იმყოფებოდა.

სამართალი • 1771402659

წამების პრევენციის ევროპული კომიტეტის შეფასებით, საქართველოს ციხეებში არასათანადო მოპყრობის შემთხვევა არ დაფიქსირებულა

2026 წლის 18 თებერვალს გამოქვეყნდა ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) ვიზიტის შემდგომი ანგარიში.CPT დადებითად აფასებს, რომ დელეგაციას ვიზიტის ფარგლებში შესანიშნავი თანამშრომლობა და სრული მხარდაჭერა ჰქონდა როგორც იუსტიციის სამინისტროსა და პენიტენციური სამსახურის ხელმძღვანელობისგან, ისე პენიტენციური დაწესებულებების თანამშრომლებისგან. CPT აღნიშნავს, რომ დელეგაციამ დაუბრკოლებლად მოინახულა პენიტენციური დაწესებულებები, წვდომა ჰქონდა მოთხოვნილ დოკუმენტაციასთან და ინდივიდუალურად შეხვდა მსჯავრდებულებს. ეს კიდევ ერთხელ ადასტურებს საქართველოს პენიტენციური სისტემის გამჭვირვალობას.ანგარიშის მიხედვით, დელეგაციას არ მიუღია ინფორმაცია ციხის თანამშრომლების მხრიდან პატიმრების მიმართ ფიზიკური ძალადობისა თუ არასათანადო მოპყრობის  ფაქტზე. პირიქით, CPT-ის შეფასებით, პენიტენციური დაწესებულებების თანამშრომლებსა და პატიმრებს შორის დადებითი და მშვიდი ურთიერთობა არსებობს.კომიტეტმა დადებითად შეაფასა დაბა ლაითურში გახსნილ ახალ პენიტენციურ დაწესებულებაში არსებული პირობები.  სრულიად ახალი ტიპის, 700 მსჯავრდებულზე გათვლილი პენიტენციური დაწესებულება სრულად არის მორგებული როგორც ბრალდებულთა და მსჯავრდებულთა, ისე დაწესებულების თანამშრომელთა საჭიროებებზე. CPT-ს, ასევე, მიეწოდა ინფორმაცია, რომ უახლოეს მომავალში გაიხსნება მცირე ზომის ახალი პენიტენციური დაწესებულება, რომელიც გათვლილი იქნება 150 პატიმარზე.დადებითად შეფასდა პენიტენციური სამსახურის ჯანდაცვის სისტემაც. ანგარიშში აღნიშნულია, რომ ბრალდებულებსა და მსჯავრდებულებს მიეწოდებათ სადღეღამისო სამედიცინო მომსახურება, ყველა დაწესებულებაში უზრუნველყოფილია პირველად დახმარებაზე სწრაფი ხელმისაწვდომობა.რაც შეეხება ანგარიშში დაფიქსირებულ რეკომენდაციებს, CPT-ის მხრიდან ყურადღება გამახვილდა საკნის გარე აქტივობებისა და რესოციალიზაცია-რეაბილიტაციის პროგრამების რაოდენობის გაზრდის საჭიროებაზე, პატიმრებს შორის ძალადობის პრევენციისა და რეაგირების მექანიზმების გაძლიერებაზე, პენიტენციური სისტემის თანამშრომლების სამუშაო პირობების კიდევ უფრო გაუმჯობესებაზე. ანგარიშში დასმულ რეკომენდაციებთან დაკავშირებით დეტალური ინფორმაცია უკვე განხორციელებულ და დაგეგმილ ღონისძიებებთან დაკავშირებით ევროპულ კომიტეტს წარედგინა და საჯაროდ ხელმისაწვდომია CPT-ის ანგარიშთან ერთად.საქართველოს პენიტენციურ სისტემაში განხორციელებული რეფორმების ეფექტიანობასა და პატიმართა უფლებების დაცვის მაღალი სტანდარტის ყველაზე მკაფიო ინდიკატორი CPT-ს დასკვნასთან ერთად არის ადამიანის უფლებათა ევროპული სასამართლოს სტატისტიკა, რომლის მიხედვითაც, 2012 წლის შემდეგ საქართველოს პენიტენციური სისტემიდან სტრასბურგის სასამართლოში გაგზავნილი არცერთი საქმე არ გამოცხადებულა დასაშვებად.CPT-ის დელეგაცია საქართველოში 2024 წლის 18-29 ნოემბერს და 2025 წლის 21-22 იანვარს იმყოფებოდა. 

მსოფლიო • 1771263908

ეკვადორში რვა თავმოკვეთილი ცხედარი იპოვეს მუქარის შემცველი შეტყობინებებით

უცნობი თავდამსხმელების მიერ თავმოკვეთილი რვა ადამიანის ცხედარი იპოვეს ეკვადორის სანაპიროზე, პროვინცია გუაიასში. პოლიციის წინასწარი ინფორმაციით, ინციდენტი ნარკოტიკებით მოვაჭრე ჯგუფებს შორის გავლენების გადანაწილების შესახებ დავას უკავშირდება.პოლიციის მეთაურის, მარსელო კასტილიოს თქმით, დამნაშავეებმა ნეშტის გვერდით დატოვეს შეტყობინება - მუქარის შემცველი წარწერით: „ქურდობა აკრძალულია“.იანვარში, ეკვადორის სანაპიროზე ხუთი ადამიანის თავი საჯაროდ გამოფინეს. მათ გვერდით ხის აბრა იყო, რომელიც აფრთხილებდა ბანდიტებს, რომლებიც ადგილობრივ მოსახლეობას ე.წ. დაცვისთვის ფულს სძალავენ.ეკვადორი სამხრეთ ამერიკის ყველაზე საშიშ ქვეყნად იქცა მიმდინარე ნარკოკარტელების ომის გამო. შინაგან საქმეთა სამინისტროს მონაცემები ძალადობის კატასტროფულ ზრდაზე მიუთითებს: გასულ წელს მკვლელობების მაჩვენებელმა 100 000 მოქალაქეზე 54 შემთხვევას მიაღწია. საშუალოდ, ქვეყანაში საათში ერთი მკვლელობა ხდებოდა.ეკვადორის გეოგრაფიულმა მდებარეობამ, რომელიც კოლუმბიასა და პერუს შორისაა მოქცეული - მსოფლიოში კოკაინის ორ წამყვან მწარმოებელს შორის - მას ნარკოტიკებით ვაჭრობის მთავარ სატრანზიტო პუნქტად აქცია. კოკაინის დაახლოებით 70% ეკვადორის წყნარი ოკეანის პორტების გავლით გადის, საიდანაც ის ძირითადად ამერიკის შეერთებულ შტატებსა და ევროპაშია განკუთვნილი. მხოლოდ გასულ წელს ხელისუფლებამ 227 ტონა უკანონო ნივთიერება ჩამოართვა.ხელისუფლებამ საგანგებო მდგომარეობა გამოაცხადა და ბანდებთან საბრძოლველად არმია გამოიყენა, თუმცა სიტუაცია კვლავ კრიტიკულია.

მსოფლიო • 1771259520

„არავინ უნდა კვდებოდეს საკუთარი იდეების გამო“ - ლიონში 23 წლის მემარჯვენე აქტივისტის მკვლელობის საქმეზე გამოძიება მიმდინარეობს

ძალადობის დაგმობა, რომელიც ვერანაირი პოლიტიკური ბრძოლით ვერ იქნება გამართლებული - საფრანგეთის პოლიტიკური სპექტრის ყველა მხრიდან ისმოდა მას შემდეგ, რაც ნაციონალისტი აქტივისტი ხუთშაბათს მიღებული ტვინის შერყევის შედეგად გარდაიცვალა, რაც ნიღბებში მყოფ უცნობ პირებთან დაპირისპირების შედეგი იყო, - წერს Euronews.ხუთშაბათს საღამოს, ლიონის მე-7 რაიონში, პოლიტიკურ მეცნიერებათა ინსტიტუტში (IEP), გაიმართა „დაუმორჩილებელი საფრანგეთის“ ევროპარლამენტარის, რიმა ჰასანის კონფერენცია.დაახლოებით 18 საათზე, შენობასთან შეიკრიბნენ „ნემეზიდას“ - ულტრამემარჯვენე ფემინისტური კოლექტივის - აქტივისტები, რათა ჰასანის დასწრების წინააღმდეგ პროტესტი გამოეხატათ.აქტივისტები „თავდასხმის“ მსხვერპლნი დაახლოებით 18:40 საათზე გახდნენ. კვენტინ დერანკს „ნემეზიდას“ წევრები უნდა დაეცვა, თუმცა, როგორც მედიის ხელში ჩავარდნილი და IEP-ის სიახლოვეს გადაღებული ვიდეო მოწმობს, მამაკაცებმა, მათ შორის კვენტინმა, „ვერ შეძლეს“ აქტივისტების დახმარება, „რადგან მათ თავად მისდევდა დაახლოებით ოცდაათი ანტიფაშისტისგან შემდგარი ჯგუფი“.ვიდეოში, რომელიც შაბათს საღამოს ტელეკომპანია TF1-მა გამოაქვეყნა, ჩანს სამი მამაკაცი, რომლებსაც ნიღბებში მყოფი რამდენიმე პირი სცემს. ორმა მათგანმა გაქცევა მოახერხა, მესამე კი მიწაზე მწოლიარე დარჩა. იყო ეს ორ ჯგუფს შორის ჩხუბი თუ განზრახ თავდასხმა? TF1-ის მიერ გამოკითხული მოწმის თქმით, „ყველაფერი იმით დაიწყო, რომ ორი ჯგუფი ერთმანეთს დაუპირისპირდა, ორი ჯგუფი პირისპირ აღმოჩნდა, თითოეულში დაახლოებით ოცი ადამიანი იყო“.„ბოლოს ჯგუფმა ერთი ადამიანი სასტიკად სცემა - ლინჩის წესით გაუსწორდა“, - დასძენს თვითმხილველი.„ლიონის პროკურატურამ დაიწყო გამოძიება დამამძიმებელ გარემოებებში სასიკვდილო დაზიანებების მიყენების ბრალდებით, რასაც ემატება დამამძიმებელ გარემოებებში ჩადენილი ძალადობა იარაღის გამოყენებით იმ ბრალდებულების მიერ, რომელთა სახეც დაფარული იყო“, - განმარტა პროკურატურამ განცხადებაში.ემანუელ მაკრონი ერთ-ერთი პირველი იყო, ვინც შაბათს საღამოს სტუდენტის გარდაცვალებას გამოეხმაურა, რომელსაც მან „ძალადობის უპრეცედენტო აფეთქების“ მსხვერპლი უწოდა და მის ოჯახს სამძიმარი გამოუცხადა.„რესპუბლიკაში ვერანაირი მიზეზი და ვერანაირი იდეოლოგია ვერასოდეს გაამართლებს მკვლელობას“, - განაცხადა ემანუელ მაკრონმა და დასძინა, რომ „ამ ამაზრზენ ქმედებაში დამნაშავე პირების დევნა, პასუხისგებაში მიცემა და დასჯა უკიდურესად აუცილებელია“.

სამართალი • 1771243802

საქალაქო სასამართლოში ბაჩო ახალაიას სასამართლო პროცესი გაიმართა

თბილისის საქალაქო სასამართლოში ბაჩო ახალაიას სასამართლო პროცესი გაიმართა. პროკურატურამ სხდომის დახურვის შუამდგომლობა დააყენა, რაც მოსამართლემ გაითვალისწინა და სხდომა დაიხურა. სხდომას ბაჩო ახალაიაც დაესწრო. ბრალდების მხარე მას ოთხი ოქტომბრის საქმეზე ჯგუფური ძალადობის ორგანიზებას და ხელმძღვანელობას ედავება, რაც 9 წლამდე თავისუფლების აღკვეთას ითვალისწინებს.„პირადად მე ვთვლი, რომ ეს ხელისუფლება არის დასამხობი რაც შეიძლება სწრაფად, ნებისმიერი გზით. ივანიშვილი დასამხობია. ძალა არის გამოსაყენებელი ყველა მოძალადე პოლიციელის მიმართ. დასამალი არაფერი არ არის, ეს არის ჩემი მყარი შეხედულება“, - განაცხადა ბაჩო ახალაიამ.როგორც პროკურორმა თამარ ბეჟუაშვილმა ჟურნალისტებთან საუბრისას აღნიშნა, სისხლის სამართლის საქმეში არსებობს ათეულობით ექსპერტიზის დასკვნა.„მათ შორის, არსებობს ფონოსკოპიური ექსპერტიზის დასკვნაც. ძალიან ბევრი პირდაპირი მტკიცებულება გვაქვს მოპოვებული, სისხლის სამართლის საქმეზე 46 ტომამდე საქმის მასალები გახლავთ წარმოდგენილი სასამართლო პროცესზე. ამდენად, ბრალდების მხარე დაადასტურებს გონივრულ ეჭვს მიღმა სტანდარტით პირის ბრალეულობას“, - განაცხადა მან.